دعوه للمناقشه مع استاذ جمال ممدوح

[Abu Yaser]

دكتور جمال فى وجهة نظرك اد اية راس المال الى تقدر تقول علية كبير عشان متحطوش فى شركة واحدة و توزعة على كذا شركة يعنى تنصح ان الحساب فى اى شركة ميزدش عن كام ؟

50 الف
ده لو الشركة محترمة كمان

[Abu Yaser]

السلام عليكم ورحمة الله وبركاته
اولا اشكر الاخت سالي على هذا الموضوع والاختار المناسب والرائع
بحب اقول لصديقي العزيز الدكتور ابو ياسر انو من اول ماعرفت انك ستكون في ضيافة الاخت سالي وانا ادخل المنتدى اكثر من مرة في اليوم لاني حابب اكون اول من يشارك ، ولاني عارف انو محبينك كثار ماشاء الله وجت الموضوع تجاوز 6 صفحات مشاء الله لانك انسان بيسعدنا وجوده آسف على الاطالة بس الاخوة متركوش حاجة لية اسئلها
ودي وتقديري للجميع

حبيبى ازيك؟
والله كلك ذوق يا حبى والف شكر على كلامك الرقيق
وانت م الناس المحترمين القلائل

[mohamedhamdy27]

دكتورنا الكريم
تحية طيبة وبعد
شرف ليا انى اتكبلك
سؤالى
ليه ماشرحتش الهيدج فى موضوع خبرتى
الناس نسيته بعد ما حضترك قولت هشرحه بعدين

[Abu Yaser]

السلام عليكم ورحمة الله وبركاتة

اولا احيي اختنا سالى على استضافة دكتورنا الخلوق ابو ياسر

ثانيا اول ما شفت اسمك قولت ربنا معاك بقة

ازيك يا دكتور منور والله المنتدى كالعادة منك ..وازى ياسر يارب يخلهولك وتفرح بية باذن الله .. قولت امسى عليك وانت على كرسى الاعتراف واشوفك بأذن الله قريب وبالتوفيق يا دكتورنا .

تحياتى وتقديرى .

استاذنا عمرو التابعى
يارب تكون بخير وصحة
على فكرة فيه مكان جنبى على الكرسى لو حبيت تيجى هههههه
انا لو كنت اعرف كده
المهم انت اخبارك ايه؟؟ وهل هانشوفك فى المقابلة السبت ولا لا؟؟
ربنا يكرمك ويباركلك يارب
اشوفك على خير باذن الله


معلش يا اخوانى
انا مضطر استاذن الوقتى عشان اولا تعبت خالص من الكتابة
وثانيا لازم انزل الوقتى
بس باذن الله هاتابع كل الاسئلة الجديدة على اد ماقدر
السلام عليكم
والف شكر لسالى اللى اديتنى الفرصة الحلوة دى

[saly22]

كنت لسه ها اسال ازاى الهيدج ينقذنا فى القنوات لو السعر عكس
يا ريت تشرحها يا دكتور

[saly22]

الف شكر ليك يا دكتور
عارفين اننا تعبناك معانا جدا
وفى انتظار تكملة الموضوع غداً ان شاء الله

[ahmedphen0m]

50 الف
ده لو الشركة محترمة كمان

دكتورنا الغالي
معلش انا عايز استفسر منك شوية عن النقطة دي
طيب مش طالما الشركة معتمدة من الهيئات الرقابية يبقي ليه اقلق منها؟
يعني مثلا سوليوشن , كان مرة استاذ وليد الحلو قال ان اكبر حساب شافه هناك كان 60 مليون دولار ( بس طبعا برافعة اقل) و قال ان الحساب كان بيكسب و بيسحب عادي مفيش اي مشاكل

طبعا يهمني رايك فالكلام ده

[عبده المصرى]

السلام عليكم ورحمة الله وركاته

قلبى معاك يادكتور وقعت فى كمين سالى بس علشان تعرف الناس بتدعى لك ازاى سعيد بمتابعة الموضوع ،،،

[ahmedhero53]

السؤال الاول/ بيقول علل هل الفوركس ده بيبيع ويشتري عملات ؟؟؟ ههههههههه

السؤال التاني / دكتور جمال بعد تصفير حساب واتنين

كان لسه شغال في وظيفته الاساسيه كمبرمج ولا كان متفرغ؟؟

السؤال التالت / ولو الاجابه كنت متفرغ ابليس ملعبش في دماغ حضرتك

وقالك ده السوق ده وهم وارجع تاني لوظيفتي المضمونه؟؟

السؤال الرابع( سؤال انساني ) لو تلميذ من تلامذتك غلط من غير مايقصد ورجع تاني

هيكون تعاملك معاه بحذر ولا اللي فات مات واحنا ولاد النهارده واديله فرصه تانيه ؟؟

وجاري تحضير بقيه الاسئله يا دكتوري العزيز

[ابو فيصل2002]

بارك الله فيك يا دكتورنا الغالي و أفرحك الله و أسعد بياسر و إخوانه لقد إستفدنا كثيرا من ال 10% من خبرتك و إستراتيجيتك و نطمع في المزيد بعشرة أخرى و كذلك نطمع بعشرة ثالثة بعد إتقان الثانيه و هكذا ... طمعانين في علمك و البقاء معك على إتصال دايم أدام الله عليك الصحة و العافية و رزقك من حيث لا تحتسب

[janoubi]

يسعد اوقاتك يا طيب
اولا ادعو الله ان يزيدك علما ونفعا
ثانيا ارجو توجيهنا لافضل اساليب الهيدج يللي ممكن تخفف الخسائر اللئيمة
داعيا لك بالخير والرزق من حيث تحتسب ومن حيث لا تحتسب
وبانتظار الرحلة الميمونة نحو المليون

[الفهد المصري]

لاااااااااااااااااازم اي حد يدخل المنتدى اول حاجة يعملها يسلم على الدكتور العبقري
والله يا دكتور انا بدعيلك دائما على استراتيجياتك دي والقنوات اللي نورت لنا الشارت والرينج اللي بيجيب هدفه دايما

وقبل دا كله اخلاقك وكرمك وذوقك في الكلام

بصراحة الجماعة قايمين بالواجب في الاسئلة ومشلاقي حاجة اسئلها تاني ههههههههههههه

ربنا يوفقك ويوفق الجميع

[mohsun]

السلام عليكم
اذا كان الكلام من فضه فالسكوت من ذهب
واذا كان من يشدو بكلام اغلى من الماس
هو الدكتور جمال
فما هو قيمه السكوت
اتمتع بكل حرف تكتبه... اسمعه
زادك الله من نعمه عليه

[ahmed5]

كل تحياتي وتقديري لد/جمال، ازيك يا دكتور والله ياستاذي الغالي انك تستحق مقعد رئاسة مصر.
شكرا سالى

[ensaf]

تحية طيبة مباركة

بداية اشكر الغالية سالى
على إتاحة هذه الفرصة الجميلة
وإجراء هذا اللقاء الإنسانى مع
دكتور جمال ممدوح
شكراً جزيلاً يا سالى

دكتور جمال
لقد اضفت نوراً وبهجة الى المنتدى بحضورك هذا اللقاء
ولا يسعنا إلا ان نتقدم بعظيم الشكر والعرفان لشخصك الكريم
على ما منحته للجميع بإنارة الشارت أمام المضارب اليومى
وذلك بتقديمك لنا استراتيجيات خبرتى
(استراتيجية الاتجاه اليومى)
حقيقة اقولها وبكل صدق وأمانة
أنها تفكير عبقرى
يجمع بين السلاسة والبساطة القائمة على العلم
لك كل الشكر والعرفان
وفى انتظار المزيد من الدرر العلمية الفوركسية للدكتور جمال