دعوه للمناقشه مع استاذ جمال ممدوح

[moh.gahmy]

سؤالى بسيط جدا يا دكتور

ممكن توصفلنا اسعد يوم واسوا يوم فى حياتك الفوركسية وكام عدد نقاط الربح والخسارة فى كلا منهما ؟

[عبدالعزيز ح]

شكرا اخت سالي على اختيارك

دكتور جمال
كل شخص اكيد مر عليه صفقه لن ينساها ابدا
ممكن تكون خسرانه وممكن تكون موفقه
ما هي الصفقه التي لن تنساها ابدا
وشكرا

[ehabbb]

السلام عليكم د جمال
اولا حمدالله على سلامتك ,, حبيت اسلم عليك .
انا من المتابعين بصمت و بدعيلك مع كل تريده ..

سؤالى لو سمحت ماهى افضل اسلوب تتبعه لتفادى شعور الثقه الزائده اللى ممكن تخلى الواحد يتهور و يدخل بلوتات كبيره ممكن تؤدى للمارجن.

و شكرا للاخت سالى

[Abu Yaser]

فرصة ذهبية عادة الكلام مع الكبار والعقول المستنيرة مابيجيش بالساهل
علشان كدة دى فرصة ذهبية
اول حاجة عايز اكلمك فيها يا دكتور انى دايما المضارب لما بيوصل لدرجة عالية من الاحترافية وبيعرف ازاى يكسب وينجح فى الفوركس زى حضرتك بسم الله ما شاء الله بتتولد عندة طموحات جديدة بتختلف من واحد للتانى فاية طموح حضرتك الفترة الجاية فيما يخص الفوركس بشكل عام
تانى سؤال لية حضرتك مستغلتش شعبيتك وحب الناس ليك وعملت منتدى خاص تفرد فية افكارك بالاسلوب اللى يريحك وبالطريقة اللى تعجبك
تالت سؤال مدى اهمية انى المضارب يكون على علم بلغة البرمجة بحيث انو يقدر يعمل مؤشراتة واكسبرتاتة بنفسة وقد اية المدة اللى بيحتاجها علشان يتعلم اللغة دى بشكل بس يساعدة فى عملة

دة اللى فى دماغى دلوقتى ومعلش سامحنى على الاطالة بس دى فرصة مش بتكرر كتير

وربنا يكرمك ان شاء الله ويجازيك خير وتفرح بياسر ويبقى زى ما بتتمناة

دى اسئلة صعبة اوى ههههه
من برة المناهج كمان
اولا ربنا يخليك على كلامك الجميل وده من ذوقك
سؤالك الاول بالنسبة للطموحات فى الفوركس
انا دائم البحث والتطور، واللى يقول ان كده انا اتعلمت وكفاية ده بداية الجهل
فكل يوم باقرا وباتعلم واشوف كورسات ومنتديات
هل تعلم... ان مافى موضوع بيقول فكرة جديدة ولو حتى كانت اى كلام الا لما باديها اهتمام وادرسها
مافى مؤشر بينزلوه الاخوة الا لما بادرسه حتى لو كان ردىء
ليه؟؟؟
ممكن اخد منه فكرة
ممكن استخدمه باسلوب آخر غير اللى صاحبه قال عليه
ممكن ممكن
المهم انى مش بارمى اى حاجة الا لما تثبت جدارة فى الفشل هههههههه
فانا باسعى دايما فى طوحى انى اوصل لاسلوب اكثر دقة، لا يخسر (او يخسر اقل من الحالى) او ادق فى نقط الدخول وهكذا
ده طموحى
وان كنت (بفضل الله وبرحمته) تقريبا وصلت ل 90% من الطريق
بس بازعل اوى لما ترتد عليا الصفقة 10 نقط باحس انى كنت ممكن اكون ادق
طبعا الحمد لله ده مافيش فيها كلام
انما الانسان دايما طماع
ولولا الطمع وحب الزيادة ماكانش فيه تطور

سؤالك التانى
انا فتحت منتدى بالفعل
بس كان ليه ظروف خاصة (مش انا اللى فتحته اوى يعنى)
وتابعت فيه شوية
ولكن بصراحة انا حابب المنتدى هنا اكتر
وتقريبا مش باشارك فى اى منتدى تانى
ممكن اقرا اه انما اشارك ده صعب شوية

السؤال التالت
مع ان اللى انا جاوبتهم دول ينجحونى
وجهة نظرى الشخصية
البرمجة دى فادتنى فوق ما تتخيل فى الفوركس
اى فكرة باعملها مؤشر واعرف نتيجتها فورا بدون عمل ورشة بقى وشهرن متابعة حية و و و
اى مؤشر باعمله اكسبيرت
اى مؤشر حتى بدل ماجربه باك تيست ولا غيره بافتحه واقرا الكود فى ثوانى واعرف اذا كان كويس ولا لا
وهكذا

ولا اطالة ولا حاجة انت تؤمر

[Abu Yaser]

استووووووووووووووب
انا بارد على واحد بس لقيت 15 بيسالوا ههههههه
امال لما ارد على دول هالاقى الجهاز انفجر؟؟
ثوانى عشان الحق ارد على واحد واحد وماقلبش الناس بردود اى كلام

هارجع ارد على الناس بالترتيب

[Abu Yaser]

دكتور جمال اول حاجة حمد الله على سلامتك سؤالى لحضرتك هو اعطأنا روشتة كيفية التعامل مع الفوركس من الناحية النفسية بمعنى كيفية تمالك النفس عند المكسب او الخسارة والطمع بذات وجزاك الله خيرآ

الموضوع النفسى دة من اصعب الحاجات اللى المتاجر بيتخلص منها
وفى رأى انك تلاقى اولا الطريقة المناسبة ليك
ولما تعمل لها باك تيست سنيييين وتنجح فى مجملها ده هايديلك ثقة فيها وله تأثير ايجيبى اوى على العامل النفسى
ولكن عند التجربة الفعلية هاتلاقى ابليس بيلعب كورة شراب فى دماغك برضة
وهنا ييجى دور ادارة راس المال
تدخل باقل مما كنت هاتدخل بيه نظريا عشان تكون مستريح وانت بتتابع
وهاتلاقى انك فى الاخر بتتعلم وبتكسب
صحيح مش مكسب كبير
انما احسن منى
كنت باتعلم واخسر ههههه
وبالتعود هاتلاقى الموضوع النفسى ده ابتدى يتظبط

[Abu Yaser]

وانا بستغل الكلام الي من ذهب للدكتور
واسأل في رحلة الفوركس ما هي الاساليب والطرق التي تمت تجربتها من حضرتك ولا تنصح الشباب بتضيع الوقت فيها

سؤال محرج جدا
لو ينفع نعديه
عشان مانخبطش فى حد
مش ده برضة اختيارى؟؟؟

[wili]

مساء الفل يا دكتورنا يا غالى طبعا انا من حزب الكنبة ومش بشارك كتير بس من زمان وانا نفسى اتكلم معاك اسلوبك قريب جدا من اسلوب استاذ ليا غالى على جدا وخصوصا لما قلت انك اشتغلت فى البورصة تحياتى ليك وتمنياتى بالتوفيق

[Abu Yaser]

اخيرا دكتور جمال تحت المجهر هههه

ويا تري يا سالي احنا ممكن احنا كمان نسأل دكتور الفوركس ولا نسبهولك تطلعي اللي عنده بمعرفتك ؟ هههههه

لا ماحدش ممكن يسأل
سالى بس

منور يا باشا

اشمحلى انا بقه ابقه اول واحد يسالك

فى كل انواع التحليل الى درستها خلال السنين
ايه احسن واحد ريحك نفسيا؟

اهلا يا حبى
اخبارك ايه؟؟
يا حبى عيب انت تسال
انت هنا ممكن تجاوب
داحنا بنتعلم منك

[saly22]

دكتور جمال
طريقة حضرتك (القنوات)
احسن وقت للمتاجره بها من الساعه كام ل كام
وايضا بالنسبه للرنج

[د/مصطفى]

دكتور جمال

اولا حمد لله على السلامة و ربنا يحفظك دايما لينا يا رب

ثانيا ايه افضل مصدر او طريقة اتعلمت بيها البرمجة و تنصح المبتدئين انهم يستخدموها

[RAWASHDEH]

طيب سؤالي لدكتورنا العزيز وبارك الله بمجهودك الطيبمعنا وأعانك الله دكتور سؤالى بنسبه للفوركس هل الشخص لما يتعلم هذة المهنه جيدا يصبح بغير حاجه لمؤشرات أو غيرة يعنى مثل مثل الشخص الذي يتعلم القيادة فى السيارة أول لما بيسوق بتلاقيه لازق الكرسي بدريكسيون والمرايا وماسك الدريكسيون بأديه الأثنتين وبتلاقيه مرعوب وشويا شويا بتلاقيه بقا يسوق بيد وحدة والتانيه فيها الموبايل أو بتلاقيه بيشرب ريد بول أو بياكل وهكذا هل فعلا هذة التجارة ممكن يصبح الشخص متمرس بيها بتدريب ويصل لهذة المرحله ؟ طيب أحنا بماذا تنصحنا يادكتور فى التعلم بهذة التجارة التى أعلق عليها أملا كثيرة وهلا فعلا الخبرة تجعلك ترمي كل المؤشرات فى سله المهملات أسف على الأطاله ؟
وشكرا أخوك وسام فيصل رواشده

[thefox911]

دكتووووووووووووووووووووووووووووررررررررررررررررررر ر:D ليك وحشة أقسم بالله ...معنتش بتفتح ولا هوت ولا سكاي بي ينفع ؟!! P:
و أنا ليا كام سؤال كده هجزهملك و أحطهم عدل ;) بركة إني إطمنت عليك يا باشا

[Abu Yaser]

سؤالى بسيط جدا يا دكتور

ممكن توصفلنا اسعد يوم واسوا يوم فى حياتك الفوركسية وكام عدد نقاط الربح والخسارة فى كلا منهما ؟

شكرا اخت سالي على اختيارك

دكتور جمال
كل شخص اكيد مر عليه صفقه لن ينساها ابدا
ممكن تكون خسرانه وممكن تكون موفقه
ما هي الصفقه التي لن تنساها ابدا
وشكرا

اهلا بيكم
تقريبا نفس السؤال عشان كده اخدتهم مع بعض
شوف
انا خسرت كتييييييييييييييييييييييييييير كتير فى الاول ولله الحمد
بس اصعب يوم واصعب خسارة ماكانتش بحجمها
انما كانت بظروفها المحيطة
كان يوم عيد ميلادى
وكنت فى الشارع فى نت كافيه (عشان شركة النت اللى كنت معاها عندهم اصلاحات)
وماكانش فيه لسه مودم يو اس بي ولا الكلام ده
المهم
كنت مشترك مع نظام توصيات (الله يرحم) المفروض انه من اقوى النظم (ساعتها)
وفضلت قاعد مستنى التوصية لحد الساعة 9 بالليل
وملتزم كامل الالتزام
مع انى شايف ان السعر كذا والدخول كدا، بس قلت لا انا مش هاشتغل من دماغى
وكل شوية يتصلوا بيا، الناس جم تعالى
وانا منتظر التوصية
وعمال اتخيل انى طالع للناس احتفل بعيد ميلادى وانا كسبان اااااااااااد كده
وهاجيب ايه واعزم على ايه وقصص
وفجاة جت التوصيات
6 عملات مرة واحدة
دى بيع ودى شرا والهدف هنا كام والاستوب هنا ايه
قسمت عدد العقود على ال 6 عملات زى ماهم قالوا بالظبط (منتهى الدقة والالتزام)
وهووووب السوق اتجنن وطار هنا وطار هناك
ولقيت حسابى ناقص 9000$
وساعتها بالظبط
جالى تليفون ان لازم اجى بقى عشان الناس منتظرة
فضلت قاعد مكانى مش عارف اقوم حتى
باراجع نفسى ايه اللى انا عملته غلط؟؟ انا ملتزم بكل حاجة
والناس دول على الموقع عندهم مش بيخسروا كتير
ليه على حظى انا؟؟؟
وطلعت طبعا مضروب على دماغى
ولا عرفت احتفل ولا حاجة
وكنت باحاول ابتسم وخلاص وانا من جوايا هاعيط
وبعد ما خلص (عيد الميلاد) لقيت الحترمين منزلين على الموقع بتاعهم ان كل الصفقات كسبت وكده يبقى عملنا كذا الشهر ده واحتفالات وهيصة
ودى كانت اخر مرة ادخل معاهم او مع غيرهم توصيات

ههههههههههههههههه
والله فكرتونى بايام زمااااااااان
ولكن بجد بجد لله الحمد
يمكن لو كانت الصفقة دى كسبت كان زمانى لحد الوقتى ماشى على توصيات ومنتظر حد ييجى يأكلنى
معلش طولت عليك

[Forexsawy]

شكرا يا دكتور على المبادرة الجميلة دي

عندي سؤالين بعد اذنك .......


1- هل الواحد لما يسمع ان في ناس بتتحكم في سوق الفوركس والعملات يصدق ؟!؟!؟!؟
انا عن نفسي مش مقتنع بالكلام دة و كنت عاوز رأيك فيه ؟؟؟؟؟


2- ما هو الزمن الي حضرتك متوقعو عند البدء في رحلة المليون التى اشرت اليها سابقا للوصول الى هدف الرحلة
( المليون دولار )