دعوه للمناقشه مع استاذ جمال ممدوح

[om youssef]

دكتورنا العظيم مش لاقية كلام يليق بقدرك
ربنا يباركلك

الله يسلمك
انا بابرمج من زماااااااااااااااااااااااااااااان اوىىىىىىى
واخدت كل شهادات مايكروسوفت فى البرمجة (وحاجات تانية كمان)
وكل الشهادات اللى من شركات تانية كمان
الفكرة ان البرمجة من وجهة نظرى مش قصة تعليم وبس
دى لابد لها من استعداد شخصى
يعنى ممكن تقدر تقول زى الموهبة كده
وتصقلها بالتعليم
عشان من خبرتى فى التدريس فى كل مراكز التعليم تقريبا
لقيت ناس حابة البرمجة ولكن مش قادرة تمشى فيه او تتميز
انما عموما كبرمجة انصح بكتاب Mastering VB.Net
Mastering C#
حسب اللغة اللى انت عاوز تتعلمها
اما بخصوص برمجة المؤشرات ولغة MQL
فاعتقد ان الموقع بتاع الميتا عامل شرح فى ملف وافى
بس اذا انت بتعرف تبرمج سى شارب او حتى عادى هاتكون سهلة للغاية لتقارب اللغتين

[Forexsawy]

بالنسبة للزمن بتاع رحلة المليون للوصول للهدف
اعتقد انك هاتتفاجىء

شكرا لك يا دكتور
بس انا عاوز أتفاجىء ؟؟؟؟
انا مش هنام لحد ماعرش الزمن هيكون اد ايه ؟؟؟؟؟؟؟

[Abu Yaser]

سعيد جدا ان دكتور جمال ممدوح تحت الاستجواب ههههههههههه
بصراحة الاسئلة كلها طارت من مخي من الفرحة
بس نفسي حضرتك تجاوب علي سؤال اخ سئله هنا بخصوص ايه احسن طريقة و ايه اسوء طريقة
حضرتك قلت انك مش عايز تجاوب عشان متزعلش حد
بس انا شايف ان اولا محدش يقدر يزعل منك
ثانيا دي وجهة نظرك الشخصية, و كل واحد و حر في رايه
انا سؤالي اللي في دماغي حاليا
ما رايك في استخدام الاستوب؟
و ايه رايك في جملة: الاستوب ده محرقة للفلوس؟

و سؤال كمان
ايه رايك فالكلاسيكي؟(انا عارف ان حضرتك جاوبتني قبل كدا و قلت انك مبتشتغلش من غيره, بس ممكن بعد اذنك تجاوبني بتفصيل شوية, يعني ليه مثلا متوريناش كام شارت كلاسيكي لحضرتك عشان نتعلم منهم, او ليه حضرتك مفكرتش تفتح ورشة للكلاسيكي؟( معلش طماع انا)
و يا تري لما بتشتغل كلاسيكي بتشتغل علي انهي فريم؟

و سؤال كمان
هل عشان اولاحد يتميز فالفوركس لازم يكون متفرغ؟ و لا ممكن الواحد يتميز فيه برده جنب الدراسة او الشغل؟
انا بسئل السؤال ده عشان دي كانت مشكلتي مع طريقة خبرتي لاني معظم الاسبوع بكون بره لغاية 3-4 العصر

و لو حضرتك عندك طريقة انتراويكلي ناجحة ممكن تنزلهلنا فالمنتدي؟( معلش طماع برده انا عارف)

اسف جدا علي الاطالة
بس و الله انا لسا عندي بتاع 100 سؤال كمان
شكراااااااااااااااااااااااااا

هههههههههههههههه
امال لو الاسئلة ما طارتش؟؟؟
الاستوب كويس
بس ده لما يكون من اساسيات الاستراتيجية
ومش كويس لما نستخدمه غلط
انا عندى اسلوب باستوب ( وده بتاع الرحلة هههههههه) واسلوب كلكم عارفينه من غير استوب
فولا الاستوي وحش
ولا حلو
حسب استخدامك ليه

الكلاسيكى على اى فريم
وحااااااااضر هابقى انزل لك شارتات من عينى

بصراحة انا شايف ان التفرغ ده امر اساسى
وزى ما بيقولوا صاحب بالين كداب
انما لما يكون راس المال قليل هاتتفرغ ازاى؟؟
وعلى العكس لو راس المال كبير اذا ماتفرغتش تبقى بتهرج
هاتشتغل بكام فى الشهر عشان تدخل صفقة غلط تضيع لك مرتب شهرين عشان ماكنتش مركز
وفر بقى ال 100 سؤال للمقابلة امال هانقعد هناك ساكتين؟

[Abu Yaser]

ارجو من الناس ماتردش خالص الوقتى عشان فعلا مش لاحق اتابع الردود
ولما اخلص اللى فوق ده كله نبدا تانى
شكرا ليكم

[thefox911]

خد دولــــ عل ماشيييييـ : إيه رأيك في الحسابات الصغيرة في الفوركس تنفع في حالة السوق في اليومين دول ؟ مثلا حساب ب $100- $200 ؟
تاني حاجة (ومعلش لو هو سؤال فني حبتين و هتعبك في الأجابة ) أنا مشكلتي في طريقتي مبعرفش أخر الترند فين ؟ حاولت أستخدم مؤشرات التشبع (مع أني بكره المؤشرات) مظبتططش مع طرقتي...عاوز أبسط طريقة تنصح بيها أحدد بيها نهاية الترند و أمسك الترند الجديد من اوله ؟
و معلش طلب أخير ( لما تبقى فاضي D: ) أبقى بص على الطريقة ديه محتاج رأيك إنت بالذات فيها و إبقى إبعته على الخاص ؟
أخر سؤال : دكتور جمال المضارب يقوول إيه لدكتور جمال الإنسان ؟!!! pppp: هههههههههه

[MAMDOH111]

أخيرا ظهرت يا صديقى العزيز دكتور جمال ممدوح
منور ياباشا كرسى الاعتراف
والله برافو للأخت سالى أنها قدرت تخليك تبقى اون لاين معنا طوال اليوم
واحتمال يكون على مدار الاسبوع ويمكن الشهر هههههههههههههه
انا عندى سؤال بسيط جدا عشان مش عايز اسبب لك ارهاق
كفاية أسئلة الأعضاء واللى حتفضل ترد عليها لمدة شهر ههههههههههههه أو أكتر
وسؤالى هو
انا مره قريت لك رد ان اللى انت بتعلمه بفضل الله للأعضاء 10 % ولسه باقى عندك 90 %
طيب انا دلوقتى عندى 50 عام والحمد لله
يبقى كده ياباشا على بال ماأتعلم كمان 10 % منك زيادة على القنوات و حيبقى ناقص 80 %
حيكون عمرى 60 عام ههههههههههه
شوف بقى ياصديقى انا عايز منك جدول زمنى لشرح بقية 90 % ان شاء الله
لأن على حسابى على بال ماأتعلم منك بفضل الله 90 %
حيكون عمرى ان شاء الله
140 عام هههههههههههههههه



سلام يا صاحبى

[Abu Yaser]

تصدق اتثبت )
انا بسال عشان ده يا دوب تمهيد
ده انا هاسالك اسئله

ههههههههههههه
ماحدش يقدر يثبتك يا حبى
انا لو كنت مشرف كنت ثبتك (قصدى على مواضيعك)
انت تنور يا حبى
وياريت اشوفك فى المقابلة
ولا مش هاتيجى برضة؟؟؟؟

[Abu Yaser]

دكتورنا الغالي ان شاء الله نستفيد منك الكثير الكثير
حابب اسال كم من الوقت ممكن الواحد يتقن البرمجة بالنسبة للفوركس وذلك مع التزام بدراستها الجادة؟؟ هل الفوركس هو مصدر رزقك الاساسي؟ هل ممكن الواحد يصمم اكسبرت يضمن له ربح معقول في الشهر ان كان لديه مجال عمل اخر ولا يستطيع المتابعة اليومية؟
انا اسف ازا كترت الاسئلة وجزاك الله الخير بكلل الاحوال يا معلم

انا بادى الكورس ده فى 10 مرات بالكتير
ولكن ده بيتغير من شخص لآخر
حسب الاستيعاب والتطبيق وحب البرمجة

نعم الفوركس هو المصدر الاساسى ولله الحمد

الاكسبيرت قوته فى فكرته
عشان الناس فاكرة ان الاكسبيرت بيشتغل لوحده ههههه
هو مجرد تطبيق للفكرة بشكل اوتوماتيك مش اكتر
مرة واحد طلب منى اكسبيرت بفلوس
المهم بعد ماقلتله انى مش باعمل لحد و و و واتحايل عليا
وانه عارف واحد روسى بيعملهوله وانا اولى
المهم
شرحلى فكرته وناقشته فيها
فلقيت انها فكرة مش حلوة
وقلتله كده قبل مابتدى فقالى لا بس انت اعمله
المهم
عملتهوله فقالى ايه ده
ده نتايجه وحشه ههههههههه
قلتله مانا قلتلك
هو فاكر ان الاكسبيرت طالما انا هاعمله مثلا فهايبقى خرافى
وانا مجرد انى بابرمج فكرته هو
ومادانيش حاجة لحد الوقتى من 6 سنين ههههههه

[RAWASHDEH]

دكتور رجاء لاتنسى أعطائنا النصائح بماذا نقرأ من أجل الفوركس يعنى أى كتب تنصح بها أو مواقع ممكن نزورها وشكرا جزيلا لحضرتك

[مصطفى خالد]

ههههههههههههه
ماحدش يقدر يثبتك يا حبى
انا لو كنت مشرف كنت ثبتك (قصدى على مواضيعك)
انت تنور يا حبى
وياريت اشوفك فى المقابلة
ولا مش هاتيجى برضة؟؟؟؟

هى المقابله امتى ؟
اصلى مشسفر من يوم 8 ل يوم 12 الاقصر
فرح اختى بقه عقبال ياسر

[Abu Yaser]

من فرحتي بوجودك يا دكتور نسيت اقول الحمدلله على سلامتك، ما عقلبك شر يا غالي

الله يسلمك الف شكر

شكرا على الاجابه الرائعه
فعلا حاولت كتير ان اعمل موضوع انى ادوس على x بس للاسف لسه معنديش القدره على كبح جماح نفسى و غالبا الصفقه اللى بادخلها بالطريقه دى بتعلق معايا بالايام ..
انا دلوقتى بحاول اتبع طريقه تانيه انى افتح حساب تانى استعمله لما ايدى تاكلنى رايك ايه ?

ماهو حساب تانى يبقى عملنا ايه؟
ماتحاولش تطبطب على الغلط
حاول تصلحه

انا من مصر يا دكتور من اسكندرية بالتحديد بس للاسف انا فى السعودية دلوقت وربنا يسهل ننزل قريب وبرضة يبقى لينا لقاء تانى

ده يبقى حظى بقى
عموما اشوفك قريب باذن الله

[Abu Yaser]

سؤالين يا دكتور

ماهي افضل شركة تعاملت معها ...

وما هو افضل اسلوب للمتداول العربي على المدى الطويل من (5 الى 10 سنوات )

هل هو المضارب أم المتاجر الذي ممكن ان يستمر في هذا السوق.....

تقبل تحياتي

بمنتهى الصراحة
عشان احنا هنا للصراحة مش للدبلوماسية والا يبقى الحوار ده مالوش لازمة
مافيش شركة واحدة اتعاملت معاها وكانت محترمة
يمكن الاجابة غريبة انما ده الواقع
لو بترجع لك فلوسك تبقى بتبطأ فى التنفيذ
ولو سريعة بتاخد فلوسك بشكل تانى
والقصص كتييييييييير ولكن المهم ان كلهم شكل واحد فى اسماء مختلفة
وعشان كده دايما بانصح الناس اللى بيسألونى فى المقابلات
دبل حسابك
اسحب راس مالك
واشتغل مريح دماغك

المضارب والمتاجر
الاتنين ممكن يكسبوا او يخسروا
الفكرة اللى بيستمر فى هذا السوق هو
الذكى المتطور
فقط

[halmoos]

الاستوب كويس
بس ده لما يكون من اساسيات الاستراتيجية
ومش كويس لما نستخدمه غلط
انا عندى اسلوب باستوب ( وده بتاع الرحلة هههههههه) واسلوب كلكم عارفينه من غير استوب
فولا الاستوي وحش
ولا حلو
حسب استخدامك ليه

سؤال مهم: طيب هل حضرتك هتشرحلنا استراتجيتك اللي بستوب ولا لأ؟ ولو الاجابة بنعم هل في وقت معين حضرتك ناوي تشرح فيه؟

مشتاقين بشدة لمزيد من علمك الغزير (الله يزيدك)

[MeshariWM]

انا ماراح اسأل زياده لان الاخوه ماشاء الله قاعدين يستجوبون بضمير
بس حبيت اسلم عليك واقولك بارك الله بك يادكتور جمال وجزاك الله كل خير
متابع بصمت

[Abu Yaser]

يا سلاااااااااام الماجيكوووو على كرسى الاستجواب .........
مع أن كان لى بعض المداخلات فى ( خبرتــى ) بس حضرتك لم ترد على و لا واحدة و الله اعلم هترد على دى كمان و لا أه ؟ ههههههههه ,,,,
أسئلتى هتكون على قسمين :
- أسئلة متعلقة بأبى ياسر الإنسان ( لك الحرية فى الإجابة )
1- أكثر شىء يسعد أبو ياسر و أكثر شىء يحزنه و أكثر شىء يضايقه ؟؟
2- أه رأيك فى ثورة 25 يناير ؟؟ اوعى تكون من الفل...... هههههه
3- نظرتك للمال و العلم و العلاقة بين السلطة ( السياسة) و المال ؟ و ماذا تتمنى أن يصبح ياسر ؟؟
4- أكثر موقف أو حكمة فى الحياة مازال طنينها فى أذانيك و لا تختفى من أمام عينيك ؟؟
- أسئلة متعلقة بالفوركس نأجلها شوية على ما تشرب النسكافيه ,,,,,

ههههههههههههه
والله انت حظك نااااار
بجد المشاركة دى كمان كانت هاتروح منى
شوف دى كبيرة اد ايه؟؟ بس والله كانت هاتفلت منى وانا نازل جرى فى المشاركات
ساعتها تقريبا ماكنتش هاتكلمنى تانى
انما الحمد لله شوفتها

طالما ليا الحرية يبقى مش مجاوب





السؤال الاول كله متعلق بالاستاذ ياسر
سواء سعادة او زعل او غيره

التانى
انا ماليش فى السياسة خالص
ولا حتى متابع
انما رسالة 25 وصلت وبالفعل فيه حاجات كتيييييييييير حصلت ماكانش حد متخيلها
وبلاد تانية كتير تتمنى اللى وصلناله فى 18 يوم
انما كل جمعة مظاهرات بقت حاجة تضايق
وكل اللى عنده شوكة فى رجله يقوم بمظاهرة
لحد لما افقدوا المظاهرات قوتها ومصداقيتها

التالت انا مش فاهم نصه
انما اتمنى ان ياسر يدخل الفوركس (وهو اساسا بيبتدى الوقتى اهو) والبرمجة طبعا
ده ما اتمناه (على عكس ما يقوله الناس من البعد افضل وحرقة دم) بالعكس ده افضل من اى وظيفة ايا كانت ولا حتى وزير
انما بعد كل ما اتمناه هو بقى لما يكبر يحب ايه ده موضوع تانى

الرابع
ما لا يدرك كله... لا يترك كله

لا مش على ماشرب النسكافية
على ماقوم اتغدى بقى عشان ماكلتش لحد الوقتى
اعذرونى هاغيب عن حضراتكم نص ساعة فقط

اشوفكم على خير