الشــــارت الأبــيــــض و الbreakout

[thefox911]

السلام عليكم و رحمة الله و بركاته إخواني ...إزيكم و عاملين إية و حشني والله :Dبقالي كتيير مجتش المنتدى يالا عشان الإمتحانات و ده بس انا كنت ناوي اعمل من زمان موضوع هنا نعد ندردش فيه مع بعض:D و كل واحد يقول اللي عنده واللي نفسه فيه كمان و محدش واخد منها حاجة في الاخر ما هو يعني إحنا هنعد فوركس 24 ساعة لأ و يجي اليومين الأجازة بردوا نعد فوركس ده حتى و حش على الصحة يعني..المهم بما إن فيه ناس كتيير بتخسر في الإختراع اللي إسمه الفوركس ده ( و تقريبا أنا منهم بردوا ) و مش عيب إنك تخسرولا تفضل حتى طول عمرك تخسر ما هو إنت لازم تبقى مختلف عن الباقين و هو ده "السينس" فا أنا قلت أعمل موضوع أحكلكم فيه خبرة سنتين في الفوركس ديه و تشوفوا بقى اللي عندي و انا أشوف اللي عندكم و ربنا يستر في الباقي بقى ....المهم عشان مطولش عليكم ( قال يعني كل الكلام اللي فوق ده ليه لزمة أصلا: ) الموضوع زي ما هو بيان من عنوانة " الشارت الأبيض " يعني إيه قى شارت ابيض يعني كل حاجه فيه بيضه ما هو أكيد مش أبيض يعني من فراغ ف إحنا أول حاجة هنعملها شارت أبيض مش بيان فيه اى حاجة زي ده كده :

إيه رأيكم فيه مش حلو و إبن ناس كمانإيه ممزياته ده بقى :
1- إنك تقدر ترسم عليه أى حاجة و تعمل اللي إنت عايز فيه ماهو مش باين فيه حاجة أصلا
2- إنك تقدر تحلل عليه أى تحليل و 100% هيطلع صح عشان محدش هيقدر يثبت إنه غلط
3-ممكن لو إبنك الصغير عايز ورقه بيضه يلعب عليها و يشغبط فيها و إنت مكسل تنزل للمكتبة عشان تجيب ورق إطبعهوله يرسم عليه مش مشكله بردوا أهه إبنك بردوا
يالا كده كفايه و خلصنا الموضوع ( إنزل بالتتر يبني )
*************************************
معلش يا جماعه سيبكم من اللي كان بيكتب فوق ده أصل للأسف ديه أخرة الفوركس الراجل فضل قاعد قدام الجهاز بالسنين لحد ما أما مخه فوت يالا معلش إستحملوه منكم و عليكم بردوا
أكمل أنا بقى الموضوع الصح ( قلك شارت أبيض يعني شارت مفهوش حاجه يجدع روووووووووووح ) طبعا و أكيد لأ إحنا مش هنستخدم الشارت اللي فوق ده بس كلمة شارت أبيض أو الwhite chart اللي مقصود بيها شــــــارت بــــــســـيط أو simple chart يعني شارت مش ملعبك فيه 16 موفيج أفريج على مش عارف كام مية مؤشر لأ شارت بسيط و مفهوش حاجات كتير و خدوها قاعده كده كل ما بسط شارتك كل ما هتقدر تشوف حاجات مكنتش شايفها و ركه السعر بتبانلك أكتر اللي هى أصلا أساس اى تحليل نيجي بقى للجزء التاني من الموضوع و هي الbreakout الناس اللي بقالها كتيير في الفوركس عارفين معني الكلمه ديه قوي و ياما شافوا كتيير من الإستراتجيات عليها و فيه كتيير منهم بيشتغل بيها و فعلا طرق الbreakout أثبتت ناجها أنها من أكفأ الطرق بس للي يفهمها صح و يتعود عليها و معنى الbreakout يعني السعر يكسر رينج معين او كونتر ترند يعني السعر ماس في الترند يجي عليه فتره بيعمل رينج أو تصحيح لما يكسر الرينج ده يبقى كده عمل بريك أوت.....و صدقوني طرق البريك أوت ديه ليها ناجحها لميزة رئيسية فيها إنها بتتعامل مع حركة السعر نفسة price action و كان مره فيي محلل كبير ربنا يجزية خير كان في شركة أف أكس سي أم في مؤتمر ليها قال كلمه حلوة كده " إن اكبر الضاربين في الفوركس و أنجحهم هما اللي بيحاولوا يمشوا مع السعر react the market مش بيتوقعوه " .....
نيجي بقى لطريقتنا ديه اللي معتمده على زى ما قلنا شارت بسيط و بريك أوت نمسك الأول الأدوات اللي هنستخدمها :
1- موفيج أفريج أكسبونينشيال EMA 76 (و ده هنستخدمه لتحديد الترند العام للزوج بالذات لما نكون على فريمات ضغيرة )
2-موفيج أفريج إكسبوننينشيال EMA 21 (وده بردوا هنستخدمه لتحديد التريند و الصفقات سواء بيع أو شراء و بناخد بيه على الفريمات الكبير إبتداء من الأربع ساعات و ساعتها مش ببنبصى أوى لل 76 بس لو الإتنين كانوا ماشيين مع بعض ده يبقى فل أوي )
3- موفيج أفريج EMA 1 بس apply to typical price ( وده هيحددلنا السوبنجات و البريك أوت و نقط الدخول و بردوا هنفضل نعمل علية تريلج إستوب )
إحنا في كل صفقه هندخلها مش بنحط هدف إحنا بنفضل نعمل تريللج إستوب لحد لما السوق يقفلها حاجة إسمها knocked out هنشوفها و نتعامل معاه بعدين و كل حاج هتبان إن شاء الله واضحة
حاجه تاني مهمة كل صفقاتنا اللي هنخش فيها زي ما قلنا لازم تبقى بيرك أوت و عشان البريك أوت ده يتم ليه نموذج كده ضغير إسمه 1 2 3 breakout و شكله أهه في الصورة ديه :

زى ما إنوتا شايفيت السعر بيعمل قمة أو قاع 1 و بعد كده قاع او قمة 2 و بعد كده قمة أو قاع 3 بس بيتبقى أق في حجمها من 1 أحن بنتدخل لما السعر يكس 2 ديه و ديه بتبقى نقطة دخولنا للصفه و نفضل نعمل تريليجن إستوب لحد لما السوق يطردنا على ربح إن شاء الله المهم بعد لما حطينا اكلام اللي قلنا عليه فوق ده شارتنا مفردود يبقى شكله كده :


و طبعا الألوان ديه ليك حرية الإختيار فيها بس ياريت تخلى الشارت أبيض عشان يبقة حتى ماشى مع الموضوع :D:D و زي ما إنوتا شا يفين في الشارت الEMA 1 ده بيتحرك مع السعر بالظبط و ده هيفدنا في إنه هيحددلنا نموذج ال 1 2 3 و هنشوف كل جاه بعدين إن شاء الله في فرص و كل حاجة هتوضح و عمتا انا الطريقة ديه لسه بطورها و ييسلام لو طورناها مع بعض و طبعا كل عاده هنضل نتشغل بالطريقه ديمو لحد لما نتقنها و نشوف هتنفعنا ولا لأ و نجربها على الحقيقي يعد كده إن شاء الله ..و أسف جدا لو كنت طولت عليكم أنا عارف بس انا كان عندي كلام كتيير عايز أقوله بقالي كتييير متكلمتش هنا معلش إستحملوني و يمكن أكون مسيت حاجة أقولها أو أكتبها ممكن لما أفتكر أبى أخش أكتبها تاني م إنتوا هتروحوا مني فين ما إنتوا قاعدين معايا أهه و أنا وراكم ووراكم (ويالا بقى كفاية كده عشان إيدي وجعتني من كتر الكتابه عالم رغايه صحيح ) و أى أسئله لحد لما نحط الفرص أنا موجود
**********************
نصيحة كده ليكم بس دي بعيده عن الموضوع طو ما إنت في الفوركس عمال بتقرا و تقرا طرق و إستراتجيات ده بس للعلم و الفهم مش أكتر متخدش حاجه كطريقة شغل أساسية ممكن تطور أه من اللي إنت قرأته أو إتعلمته بس في الأخر لازم إنت بنفسك تتكتشف أو تعمل حاجة جديدة و تكون هي ديه طريقة شغلك ...قرتها في كتب كتيير لحد لما إقتنعت بيها " you have to find your own way " يعني إنت اللي لازم تتكتش طريقك في السوق ده بمساعدة الحاجت اللي ياما بتشوفها و تتعلمها
دمتم كما تحبووووووووووووون .....
ولنا عودة إن شاء الله
**********************************
على فكرة الموضوع أنا كنت عاملة في منتدى تاني بس ملقتش قبول هناك فقلت أنقله ليكم هنا

[thefox911]

بصوا بقى يا رجاله و ركزوا معايا كلمة بكلمة إحنا دلوقتي هنحط فرص قديمة و إنتهت عشان الصورة توضح و الناس تفهم أكتر و بعد كده إن شاء الله هنحط فرص حيه و نتابعها مع بعض و كل واحد يطلع اللي عنده...إحنا هنشتغل الأول على عملة واحدة ( أنا عن نفسي يعني ) لكن اللي عايز يجيب شارتات من عملات تانية و يوريهاني عشان مش هنبقى كانا على عملة واحد يعني أوك و بردوا هنتشتغل على فريمات كبيرة لاأول من أول ال أربع ساعات لحد إن شاء الله لما الطريقة تبقى بنسبالكم وردي و فل نبتدى على الساعة و كده .... زي ما قلنا إحنا عندينا إتنين موفيج بيحددوا الترند ال 76 و ال 21 تمام بس على الفريمات الكبيرة زي الأربع ساعات طبعا ال76 بيتحرك ببطء و عقبال لما يغير أتجاه كله يكون السعر عمل كذا فرصة فإحنا دلوقتي مدام شغالين على فريمات كبيرة هناخد بتحديد أتجاه الترند من الموفينج 21 و للتذكير ده إكسبونينشيال مش سيمبل و بنأكد بردوا تأكيد كلي للإتجاه من ال76 تمام...الموفيج أفريج 1 اللي ناقص ده بقى اللي بنحدد بيه النموذج 1 2 3 اللي قلنا ده بيبقى نقطة دخولنا في الصفقة و بنعمل بيه بردوا تريلنج ستوب ...و هشرح دلوقتي أمثله للشراء أو البيع و هحط شرتات
ملحوظة : البريك أوت او الإختراق في الطريقة ديه مش بيعتمد على الإلاق خالص لأ إحنا بس بنحط أمر بيع \ شراء معلق على رقم 2 و بنستنى التفعيل
في حالة البيع :
السعر كون نموذج 1 2 3 لتحت وو صل السعر لرقم 2 زي ما قلنا فوق و مش بنستني إغلاق و تم تفعيل الأمر و العر نزل ل تحت و عمل ربح و فضل مكمل لتحت و عمال يعمل قمم و قيعان لتحت و بيوضحلنا موفيج واحد بنفضل نعمل تريلنج ستوب لأقرب قمة للسعر و هذا نفضل نحركها طول م السعر بيتحرك لتحت لحد لما السعر يقوم طالع و ضارب التريلنج إستوب و كده إحنا خرجنا من الصفقة و ساعتها بنستني تكوين نموذج 1 2 3 تاني و الدخول في صفقة تاني أو إن السعر يغير أتجاهه
في حالة الشراء :
عكس البيع مع إختلاف إن التريلنج ستوب بنفضل نحركها لأقرب قاع من السعر و الشرتات توضح أكتر
حالة شراء :


حالة بيع :

[thefox911]

دي صفقة على اليورو دولار داخلتها أول الأسبوع ...تم تكوين نموذج 123 بريك أوت هو ضغير لأن المسافة بين 2 و 3 مش كبيرة بس ده يعتبر رينج و بردوا لإن الموفينج 21 غير إتجاهه على ال4 ساعات


أهو السعر نزل الحمد لله نعمل تريلنج إستوب لنقطة الدخول (1.4460)
عشان لو السعر عملها معانا و طلع يبقى خرجنا على صفر خسارة...الصفقة الحمد لله عمله 100 نقطة ربح قريب إن شاء الله السعر يعمل رينج جديد و نعمل تريلنج تاني عشان تبق خروج على ربح


أهه السعر نزل كمان مرة و عمل قمة جديدة هنعمل عليها تريانج ستوب فوقيها بعشر نقاط 1.4380 عشان لو الماركت طردنا نبقى خرجين بربح 90 و الحمدلله

هنعمل تريلنج ستوب تاني لأقرب قمة لحد لما السعر يطردنا...الصفقة و الحمد لله عمله فوق ال220 نقطة دلوقتي الحمد لله

[senior]

بارك الله فيك ونفع بك اخوانك و الله اسلوب جيد جدا فى الشرح و طريقه قيمه

[thefox911]

بارك الله فيك ونفع بك اخوانك و الله اسلوب جيد جدا فى الشرح و طريقه قيمه

شكرا لك أخي الكريم

[thefox911]

تم ضرب أخر تريلنج إستوب و تم الخروج من الصفقة على ربح 120 نقطة والحمد لله بعد أما كانت محققة فوق ال220 نقطة بس عشان خبر التوظيف الأملريكي الأسبوع ده اللي رفع اليورو فوق ال100 نقطة مرة واحدة بس الحمد لله تقول ما غحنا بنعمل تريلنج ستوب بنخرج على أعلى ربح ممكن ...في إنتظار تكوين نموذج 123 بريك أوت أخر لكسرة و تكملة اليورو في نفس الإتجاه أو تغير أتجاه كلي

[thefox911]

في إنتظار كسر الرينج ده أو إن السعر يغير أتجاه فوق الموفينج 21

[Neverlander]

بارك الله فيك أخي الكريم
سؤال:

بالنسبه للرينج المحدد في الصوره السابقه أنت حددته على أساس الإغلاق أم اللو الذي تكون ؟

أم نعتمد على اللو المكون من 1EMA

[thefox911]

بارك الله فيك أخي الكريم
سؤال:

بالنسبه للرينج المحدد في الصوره السابقه أنت حددته على أساس الإغلاق أم اللو الذي تكون ؟

أم نعتمد على اللو المكون من 1EMA

أهلا بك أخي الكريم أيوة كده عايزن تفاعل إن شاء الله...هو إنت معاك حق الحتة ديه كنت مفرود أوضحها مش عارف نسيتها ولا إية :D بس كله بيبان الحمد لله بالفرص و المتابعة..هو إحنا بنعتمد اساسا على EMA 1 في ال تكوينت السوينجات او الرينج بس ساعات بردوا هتلقيني بحط على الخط على الهاى أو اللو و ده في حالة لما يكون الهاى أو اللو قريب من الEMA 1 فبدى السعر فرصة إنه يتحرك أكتر لكن في حالة الشمعة ديه عشان كان في خبر و كده شفت الفرق كبير بين ذيل الشمعه والEMA 1 فده بنسبالي غير مستخدم (ذيل طول جدا و على أربع ساعات ) فبحط بالنسبة لEMA 1
عجبنى جدا ترقيمك للنموذج 1 2 3 الثاني (Y)و إضافة بسيطة انا نموذج 1 2 3 بستناة و هو ده الtrigger بتاعي أى نقطة الدخول إتكون معايا بفضل أدور على كل قمة \ قاع السعر بيعملها و أعمل عليها تريلنج لحد لما السعر يضربها أى يطردنا زي ما حصل إنهاردة برجع أدور تاني على نومذج جديد زى ما حضرتك ما شاء الله طلعته أهه و بيستنى السعر يكسرة من جديد إذا كان هيكما إتجاه او لا ...تاني حاجة يستحن أن ادو دايما على بداية التغيير من أولة يعنى من أول لما الEMA 21 يغير أتجاه أبتدى ادور على 1 2 3 عشان الصفقة أن شاء الله في الأخر تخرج على ربح يعني مش يبقى السعر بقالة كتيير في ترند مع ال 21 و ليت نموذج 1 2 3 إتحقق أقوم داخ لإن ساعتها السعر ممكن يكون بيخلص الترند و يعكس معانا خصوصا إن أحنا مش بنعتمد في الطريق ديه في االإختراق على الإغلاق لا فقط وصول السعر ل 2 ف يستسحن إنى أخد الترند من اولة....معلش طولت عليك :D بس كنت عيز أوضح شوية حاجات

[Neverlander]

وضحت المعلومه بارك الله فيك

[thefox911]

في إنتظار كسر الرينج ده أو إن السعر يغير أتجاه فوق الموفينج 21

تم تفعيل أمر البيع للنموذج 1 2 3 الثاني و السعر كان مكمل لتحت و الحمد لله لولا خبر يوم الجمعة ده اللي طلعة لفوق بس الحمد لله رجع نزل لتحت و السوق قفل على ربح 20 نقطة للصفقة الثانية..فعلا كان إسبوع عصيب خبرين جامدين واحد يوم الخميس خلى اليورو يطلع و ضرب التريلنج إستوب على ربح 120 نقطة الحمد لله و التاني ده بتاع يوم الجمعة السعر كان مفرود مكمل لتحت قام رفعه بردوا بس الحمد لله رجع ظبط في الأخر ( عشان ميتظبطش منى انا :P:D )...فى إنتظار عمل رينج جديد للنموذج الجديد عشان نعمل تريلنج إستوب عليه عشان تقريبا اليورو الإسبوع الجاى هيشوف صعود و هيخرج من الصفقة ديى بدرى بس إحن الحمد لله طول ما بنعمل تريلنج إستوب أحنا في أمان و بنخرج على إن شاء الله و دي إسمها "Trading Profitability :P:D"

[ابو محمد 2008]

بارك الله فيك وياليت تعمل تمبلت تحياتي .

[thefox911]

بارك الله فيك وياليت تعمل تمبلت تحياتي .

شكرا ليك أخي الكريم....يا سلام غالي و الطلب رخيص من عينيا
مرفق التمبلت يا باشا و عايز أشوف شارتاتك بقىwhite chart & Breakout-fox.rar

[ابو محمد 2008]

بارك الله فيك

[thefox911]

تم تفعيل أمر البيع للنموذج 1 2 3 الثاني و السعر كان مكمل لتحت و الحمد لله لولا خبر يوم الجمعة ده اللي طلعة لفوق بس الحمد لله رجع نزل لتحت و السوق قفل على ربح 20 نقطة للصفقة الثانية..فعلا كان إسبوع عصيب خبرين جامدين واحد يوم الخميس خلى اليورو يطلع و ضرب التريلنج إستوب على ربح 120 نقطة الحمد لله و التاني ده بتاع يوم الجمعة السعر كان مفرود مكمل لتحت قام رفعه بردوا بس الحمد لله رجع ظبط في الأخر ( عشان ميتظبطش منى انا :P:D )...فى إنتظار عمل رينج جديد للنموذج الجديد عشان نعمل تريلنج إستوب عليه عشان تقريبا اليورو الإسبوع الجاى هيشوف صعود و هيخرج من الصفقة ديى بدرى بس إحن الحمد لله طول ما بنعمل تريلنج إستوب أحنا في أمان و بنخرج على إن شاء الله و دي إسمها "Trading Profitability :P:D"

إنى أرى رينج قد تحقق :D هتقلي فين الرينج ده يعم إنت هقلك معلملك عليه "يا عم إنت"..مدام الEMA 1 عمل حتة مستوية فلات كده حتى ولو بسيطة ده بعتبرة رينج خصوصا إنت لو بسيط على فؤيم السعاة هتلاقي فعلا رينج أتعمل و طول ما أحنا متباعين و فاضيين يعني الحمد لله نقفش الرينج من اول ..الصفقة دلوقتي عملة بتاع 85 نقطة ربح ولو خرجنا على الرينج ده هيبقى صافي 55 نقطة ربح من الصفقة دية مع ال120نقطة بتوع اللصفقة الأولى يبقى 175 نقطة نقطة صافي ربح للصفقتين الحمد و الشكر ليك يا رب و يا رب دايما...على فكرة السوق فتح على جاب و لسه مسدهاش لحد دلوقتي شكله هيتطلع قريب يسدها و يزعلنا عشان كده عملنا تريلنج على أول رينج حصل
يارب يفضل مكمل لتحت و ينسى الجاب ديه :P:P: :D