دعوه للمناقشه مع استاذ جمال ممدوح

[ahmedphen0m]

سعيد جدا ان دكتور جمال ممدوح تحت الاستجواب ههههههههههه
بصراحة الاسئلة كلها طارت من مخي من الفرحة
بس نفسي حضرتك تجاوب علي سؤال اخ سئله هنا بخصوص ايه احسن طريقة و ايه اسوء طريقة
حضرتك قلت انك مش عايز تجاوب عشان متزعلش حد
بس انا شايف ان اولا محدش يقدر يزعل منك
ثانيا دي وجهة نظرك الشخصية, و كل واحد و حر في رايه
انا سؤالي اللي في دماغي حاليا
ما رايك في استخدام الاستوب؟
و ايه رايك في جملة: الاستوب ده محرقة للفلوس؟

و سؤال كمان
ايه رايك فالكلاسيكي؟(انا عارف ان حضرتك جاوبتني قبل كدا و قلت انك مبتشتغلش من غيره, بس ممكن بعد اذنك تجاوبني بتفصيل شوية, يعني ليه مثلا متوريناش كام شارت كلاسيكي لحضرتك عشان نتعلم منهم, او ليه حضرتك مفكرتش تفتح ورشة للكلاسيكي؟( معلش طماع انا)
و يا تري لما بتشتغل كلاسيكي بتشتغل علي انهي فريم؟

و سؤال كمان
هل عشان اولاحد يتميز فالفوركس لازم يكون متفرغ؟ و لا ممكن الواحد يتميز فيه برده جنب الدراسة او الشغل؟
انا بسئل السؤال ده عشان دي كانت مشكلتي مع طريقة خبرتي لاني معظم الاسبوع بكون بره لغاية 3-4 العصر

و لو حضرتك عندك طريقة انتراويكلي ناجحة ممكن تنزلهلنا فالمنتدي؟( معلش طماع برده انا عارف)

اسف جدا علي الاطالة
بس و الله انا لسا عندي بتاع 100 سؤال كمان
شكراااااااااااااااااااااااااا

[مصطفى خالد]

لا ماحدش ممكن يسأل
سالى بس



اهلا يا حبى
اخبارك ايه؟؟
يا حبى عيب انت تسال
انت هنا ممكن تجاوب
داحنا بنتعلم منك

تصدق اتثبت )
انا بسال عشان ده يا دوب تمهيد
ده انا هاسالك اسئله

[Abu Yaser]

السلام عليكم د جمال
اولا حمدالله على سلامتك ,, حبيت اسلم عليك .
انا من المتابعين بصمت و بدعيلك مع كل تريده ..

سؤالى لو سمحت ماهى افضل اسلوب تتبعه لتفادى شعور الثقه الزائده اللى ممكن تخلى الواحد يتهور و يدخل بلوتات كبيره ممكن تؤدى للمارجن.

و شكرا للاخت سالى

اهلا بيك
ويارب تكون متابع مش بصمت
سؤالك رائع
وفوق الرائع كمان
كل متاجر لازم تجيله الحالة دى
وخاصة لما بيكون شاطر
بيحس انه هو اللى بيحرك السوق
بيدخل مرة (بحذر) اول اليوم وبيكسب
بيخج منها يرتد فورا اول مايقفل
يدخل تانى يطيييير
وهكذا
انا اول ما بالاقى انى هابتدى ادخل صفقة (لمجرد الدخول) ومافيش اى شروط صارمة
وايدى تاكلنى عشان افتح صفقة بدون معالم
والاقى نفسى باتلكك ان السعر شكله طالع او نازل
باستغل ان ايدى بتاكلنى ونفسها تدوس على الماوس وبادوس على اكس عشان اقفل البرنامج تمااااااااما
بافتح اى حاجة تانية المنتدى اشوف فيلم
ولو لقيتنى كل شوية باقول طب اشوف كده السعر عمل ايه، مشى زى مانا قلت ولا لا
المهم انى عاوز افتح البرنامج تانى
باقوم قافل الجهاز كله ونازل اخرج شوية هههههه
وفى الغالب لما ارجع بالاقى ان السعر مشى بالعرض الكذا ساعة دول (يعنى حرقة دم على الفاضى)
وحتى لو كان مشى زى مانا كنت راسم مش فارقة
الصفقات كتير والسوق 24 ساعة
انما لااااااااازم تدى لنفسك فرصة ترتاح عشان ماتوصلش لل (اوفر تريدنج) او المتاجرة الزائدة عن اللزوم

[solo90515]

دكتورنا الغالي ان شاء الله نستفيد منك الكثير الكثير
حابب اسال كم من الوقت ممكن الواحد يتقن البرمجة بالنسبة للفوركس وذلك مع التزام بدراستها الجادة؟؟ هل الفوركس هو مصدر رزقك الاساسي؟ هل ممكن الواحد يصمم اكسبرت يضمن له ربح معقول في الشهر ان كان لديه مجال عمل اخر ولا يستطيع المتابعة اليومية؟
انا اسف ازا كترت الاسئلة وجزاك الله الخير بكلل الاحوال يا معلم

[Abu Yaser]

مساء الفل يا دكتورنا يا غالى طبعا انا من حزب الكنبة ومش بشارك كتير بس من زمان وانا نفسى اتكلم معاك اسلوبك قريب جدا من اسلوب استاذ ليا غالى على جدا وخصوصا لما قلت انك اشتغلت فى البورصة تحياتى ليك وتمنياتى بالتوفيق

اهلا بيك
ده الشرف لى
ولو انت من مصر ياريت نشوفك فى المقابلة القادمة يوم السبت باذن الله

دكتور جمال
طريقة حضرتك (القنوات)
احسن وقت للمتاجره بها من الساعه كام ل كام
وايضا بالنسبه للرنج

اهلا اهلا
انتى اللى عملتى فيا العملة دى؟؟
القنوات وقت ما تتكسر، ولكن بعد الساعة 7 مثلا او 8 بيكون فاضل ساعتين تلاتة والقنوات شكلها يتغير على اليوم الجديد
فبناقص الكسر ده وننتظر كسر افضل
وعلى راى واحد فى الموضوع بتاع خبرتى عجبنى رده
مش لازم كل يوم نكسب ونقطع الكيبل هههه ممكن نسيبه يرتاح مننا مرة

اما الرينج
فطبعا كل ما يوصل للرينج بدرى يكون افضل
انما لو وصل له متاخر يعنى بعد 9 بالليل ممكن ناخده من مكان افضل تانى يوم
وكاننا دخلنا الرينج وبنعزز بس بدون خسارة

[solo90515]

من فرحتي بوجودك يا دكتور نسيت اقول الحمدلله على سلامتك، ما عقلبك شر يا غالي

[ehabbb]

اهلا بيك
ويارب تكون متابع مش بصمت
سؤالك رائع
وفوق الرائع كمان
كل متاجر لازم تجيله الحالة دى
وخاصة لما بيكون شاطر
بيحس انه هو اللى بيحرك السوق
بيدخل مرة (بحذر) اول اليوم وبيكسب
بيخج منها يرتد فورا اول مايقفل
يدخل تانى يطيييير
وهكذا
انا اول ما بالاقى انى هابتدى ادخل صفقة (لمجرد الدخول) ومافيش اى شروط صارمة
وايدى تاكلنى عشان افتح صفقة بدون معالم
والاقى نفسى باتلكك ان السعر شكله طالع او نازل
باستغل ان ايدى بتاكلنى ونفسها تدوس على الماوس وبادوس على اكس عشان اقفل البرنامج تمااااااااما
بافتح اى حاجة تانية المنتدى اشوف فيلم
ولو لقيتنى كل شوية باقول طب اشوف كده السعر عمل ايه، مشى زى مانا قلت ولا لا
المهم انى عاوز افتح البرنامج تانى
باقوم قافل الجهاز كله ونازل اخرج شوية هههههه
وفى الغالب لما ارجع بالاقى ان السعر مشى بالعرض الكذا ساعة دول (يعنى حرقة دم على الفاضى)
وحتى لو كان مشى زى مانا كنت راسم مش فارقة
الصفقات كتير والسوق 24 ساعة
انما لااااااااازم تدى لنفسك فرصة ترتاح عشان ماتوصلش لل (اوفر تريدنج) او المتاجرة الزائدة عن اللزوم

شكرا على الاجابه الرائعه
فعلا حاولت كتير ان اعمل موضوع انى ادوس على x بس للاسف لسه معنديش القدره على كبح جماح نفسى و غالبا الصفقه اللى بادخلها بالطريقه دى بتعلق معايا بالايام ..
انا دلوقتى بحاول اتبع طريقه تانيه انى افتح حساب تانى استعمله لما ايدى تاكلنى رايك ايه ?

[wili]

اهلا بيك
ده الشرف لى
ولو انت من مصر ياريت نشوفك فى المقابلة القادمة يوم السبت باذن الله

انا من مصر يا دكتور من اسكندرية بالتحديد بس للاسف انا فى السعودية دلوقت وربنا يسهل ننزل قريب وبرضة يبقى لينا لقاء تانى

[Abu Yaser]

دكتور جمال

اولا حمد لله على السلامة و ربنا يحفظك دايما لينا يا رب

ثانيا ايه افضل مصدر او طريقة اتعلمت بيها البرمجة و تنصح المبتدئين انهم يستخدموها

الله يسلمك
انا بابرمج من زماااااااااااااااااااااااااااااان اوىىىىىىى
واخدت كل شهادات مايكروسوفت فى البرمجة (وحاجات تانية كمان)
وكل الشهادات اللى من شركات تانية كمان
الفكرة ان البرمجة من وجهة نظرى مش قصة تعليم وبس
دى لابد لها من استعداد شخصى
يعنى ممكن تقدر تقول زى الموهبة كده
وتصقلها بالتعليم
عشان من خبرتى فى التدريس فى كل مراكز التعليم تقريبا
لقيت ناس حابة البرمجة ولكن مش قادرة تمشى فيه او تتميز
انما عموما كبرمجة انصح بكتاب Mastering VB.Net
Mastering C#
حسب اللغة اللى انت عاوز تتعلمها
اما بخصوص برمجة المؤشرات ولغة MQL
فاعتقد ان الموقع بتاع الميتا عامل شرح فى ملف وافى
بس اذا انت بتعرف تبرمج سى شارب او حتى عادى هاتكون سهلة للغاية لتقارب اللغتين

[أبوجلال]

سؤالين يا دكتور

ماهي افضل شركة تعاملت معها ...

وما هو افضل اسلوب للمتداول العربي على المدى الطويل من (5 الى 10 سنوات )

هل هو المضارب أم المتاجر الذي ممكن ان يستمر في هذا السوق.....

تقبل تحياتي

[Abu Yaser]

طيب سؤالي لدكتورنا العزيز وبارك الله بمجهودك الطيبمعنا وأعانك الله دكتور سؤالى بنسبه للفوركس هل الشخص لما يتعلم هذة المهنه جيدا يصبح بغير حاجه لمؤشرات أو غيرة يعنى مثل مثل الشخص الذي يتعلم القيادة فى السيارة أول لما بيسوق بتلاقيه لازق الكرسي بدريكسيون والمرايا وماسك الدريكسيون بأديه الأثنتين وبتلاقيه مرعوب وشويا شويا بتلاقيه بقا يسوق بيد وحدة والتانيه فيها الموبايل أو بتلاقيه بيشرب ريد بول أو بياكل وهكذا هل فعلا هذة التجارة ممكن يصبح الشخص متمرس بيها بتدريب ويصل لهذة المرحله ؟ طيب أحنا بماذا تنصحنا يادكتور فى التعلم بهذة التجارة التى أعلق عليها أملا كثيرة وهلا فعلا الخبرة تجعلك ترمي كل المؤشرات فى سله المهملات أسف على الأطاله ؟
وشكرا أخوك وسام فيصل رواشده

كلامك مظبوط 100%
زى ما بيقولوا
المحترفين شارتاتهم نظيفة
بس هل اعتبر ريد بول دى دعاية؟؟؟ ههههههه

[amro10]

يا سلاااااااااام الماجيكوووو على كرسى الاستجواب .........
مع أن كان لى بعض المداخلات فى ( خبرتــى ) بس حضرتك لم ترد على و لا واحدة و الله اعلم هترد على دى كمان و لا أه ؟ ههههههههه ,,,,
أسئلتى هتكون على قسمين :
- أسئلة متعلقة بأبى ياسر الإنسان ( لك الحرية فى الإجابة )
1- أكثر شىء يسعد أبو ياسر و أكثر شىء يحزنه و أكثر شىء يضايقه ؟؟
2- أه رأيك فى ثورة 25 يناير ؟؟ اوعى تكون من الفل...... هههههه
3- نظرتك للمال و العلم و العلاقة بين السلطة ( السياسة) و المال ؟ و ماذا تتمنى أن يصبح ياسر ؟؟
4- أكثر موقف أو حكمة فى الحياة مازال طنينها فى أذانيك و لا تختفى من أمام عينيك ؟؟
- أسئلة متعلقة بالفوركس نأجلها شوية على ما تشرب النسكافيه ,,,,,

[صامد]

الف شكر دكتور جمال على ما قدمته
صحيح انا زعلان لكن مش مهم
المهم
هل الاستراتيجية لا تنطبق على المنصات التي تفتح 2 صباحا او 6 صباحا مثل
افكسم و سوليوشن

واكرر لك شكري واحترامي

[Abu Yaser]

دكتووووووووووووووووووووووووووووررررررررررررررررررر ر:D ليك وحشة أقسم بالله ...معنتش بتفتح ولا هوت ولا سكاي بي ينفع ؟!! P:
و أنا ليا كام سؤال كده هجزهملك و أحطهم عدل ;) بركة إني إطمنت عليك يا باشا

ههههههههه
ربنا يخليك يا حبى
وانا فى انتظار اسئلتك
بس بالراحة اديك شايف
والله انا ماكنتش متوقع كده
ده انا لو اتمسكت من الموساد مش هايعملوا فيا كده ههههههههههه

شكرا يا دكتور على المبادرة الجميلة دي

عندي سؤالين بعد اذنك .......


1- هل الواحد لما يسمع ان في ناس بتتحكم في سوق الفوركس والعملات يصدق ؟!؟!؟!؟
انا عن نفسي مش مقتنع بالكلام دة و كنت عاوز رأيك فيه ؟؟؟؟؟


2- ما هو الزمن الي حضرتك متوقعو عند البدء في رحلة المليون التى اشرت اليها سابقا للوصول الى هدف الرحلة
( المليون دولار )

اهلا اهلا
لا طبعا ده كلام فارغ
ولا حتى البنوك والقصص دى
وقبل اى تدخل مركزى (من اللى بيطلعوا السعر 100 ولا 200 ولا حتى بتاع ال 1000) بيكون الشارت واضح انه هايطلع
والتدخل ما هو الا سبب عشان يطلع
دى وجهة نظرى اللى ممكن تكون مش عاجبة ناس كتير
انما الناس المحترفين بيقولوا (Chart Telling Everything) او الشارت بيقول ويعكس كل حاجة
من اخبار وانهيار وغيره

بالنسبة للزمن بتاع رحلة المليون للوصول للهدف
اعتقد انك هاتتفاجىء

[RAWASHDEH]

كلامك مظبوط 100%
زى ما بيقولوا
المحترفين شارتاتهم نظيفة
بس هل اعتبر ريد بول دى دعاية؟؟؟ ههههههه

طيب يا دكتور ماردش على سؤالى الثانى بماذا تنصحنا بلقرائه والتعلم بهذا المجال الواسع ؟هل يوجد كتب معينه فعلا أستفدت منها ؟ أو مواقع معينه غير منتدانا الكبير جدا المتداول العربي

خالص ودي وتقديري