دعوه للمناقشه مع استاذ جمال ممدوح

**EGYPTIAN PROF** · 05-12-2011, 09:34 PM

ياريت توضحلى يا دكتور اسباب تركيزك على عملة واحدة بس يعنى لية اركز فى زوج واحد ومفتحش شارت اى عملة تانية اية اسبابا وفوايد الموضوع دة

تانى حاجة لو انت شغال باكتر من استراتيجية هل كل استراتيجة بيبقى ليها توقيت معين ولا بتبص على السعر بكل الطرق اللى شغال بيها فى وقت واحد ولو تعارضت الاشارات اية بيكون موقفك

**saly22** · 05-12-2011, 09:38 PM

دكتور جمال
هل لا زلت تحاول ابتكار طرق جديده للمتاجره ام تحاول ان تجعل استراتيجياتك اكثر دقه
وهل تحب الاطلاع على الجديد فى عالم الفوركس فى المنتديات الاجنبيه
وسؤال لانى كثيرة الاطلاع هل كثرة الاطلاع والتجريب يعتبر خطأ ؟

**سعد اليتيم** · 05-12-2011, 09:41 PM

المشاركة الأصلية كتبت بواسطة Abu Yaser

بمنتهى الصراحة
عشان احنا هنا للصراحة مش للدبلوماسية والا يبقى الحوار ده مالوش لازمة
مافيش شركة واحدة اتعاملت معاها وكانت محترمةيمكن الاجابة غريبة انما ده الواقع
لو بترجع لك فلوسك تبقى بتبطأ فى التنفيذ
ولو سريعة بتاخد فلوسك بشكل تانى
والقصص كتييييييييير ولكن المهم ان كلهم شكل واحد فى اسماء مختلفة
وعشان كده دايما بانصح الناس اللى بيسألونى فى المقابلات
دبل حسابك
اسحب راس مالك
واشتغل مريح دماغك

المضارب والمتاجر
الاتنين ممكن يكسبوا او يخسروا
الفكرة اللى بيستمر فى هذا السوق هو
الذكى المتطور
فقط

الله يستر ...

**ahmedelbanna** · 05-12-2011, 09:42 PM

السلام عليكم ورحمة الله وبركاته
أهلا بيك دكتورنا العزيز وحمدالله على السلامة
أنا كان نفسى أكون فى مصر حتى أحضر المقابلة وأتشرف بلقائك ولكن للأسف أعمل حاليا فى السعودية
كل أسئلتى تقريبا لقيت ناس قبلى سألوها
بس كنت عايز أعرف ايه الشركة اللى حضرتك اتعاملت معها أطول فترة بأقل مشاكل...
وهل من الحكمة وضع رأس المال بأكثر من حساب لدى شركات مختلفة ....
أخيرا حضرتك بتعمل على ميتاتريدر فقط؟ ام تستخدم منصات عمل أخرى... وما رأيك فى GTS
وهل تتابع الفوركس خارج المنزل من الهاتف المحمول أم لابتوب ويو اس بى؟

بجد نورتنا وربنا يقويك ويباركلك

**Mo3Ty** · 05-12-2011, 09:42 PM

اووووووووبا الكبير هنا وانا معرفش

الصراحة عندي اسالة بالهبلولي عايز اسالك فيها بس انت صعبان عليا الصراحة العالم العربي كله بقا فى موضوعك وشكلك مشحتنام النهاردة ههههههههه

عامة انا مشحسال عشان كفاية الاسالة المحترمة الى الناس بتسالها
بس حابب اقول
بجد وبدون نفاق دكتور جمال ده كنز ومحب للخير جدا ومبيسيبش حاجة الا لما يشرحها لغاية ما توصل المعلومة
ومن اكتر الناس الى شوفتهم اسلوبهم بسيط وسلس فى الفوركس
وكل الى شغال بيه دلوقتي مكنتش حوصله بدون دكتور جمال ووقفته معايا
وانا اتشرفت يوم ما قابلته واتعرفت عليه وشرف ليا ان يطلق عليا اني من تلاميذدكتور جمال
وربنا يدوم المحبة والمعرفة الطيبة

**مصطفى خالد** · 05-12-2011, 09:42 PM

المشاركة الأصلية كتبت بواسطة Abu Yaser

ههههههههههههه
والله انت حظك نااااار
بجد المشاركة دى كمان كانت هاتروح منى
شوف دى كبيرة اد ايه؟؟ بس والله كانت هاتفلت منى وانا نازل جرى فى المشاركات
ساعتها تقريبا ماكنتش هاتكلمنى تانى
انما الحمد لله شوفتها

طالما ليا الحرية يبقى مش مجاوب

السؤال الاول كله متعلق بالاستاذ ياسر
سواء سعادة او زعل او غيره

التانى
انا ماليش فى السياسة خالص
ولا حتى متابع
انما رسالة 25 وصلت وبالفعل فيه حاجات كتيييييييييير حصلت ماكانش حد متخيلها
وبلاد تانية كتير تتمنى اللى وصلناله فى 18 يوم
انما كل جمعة مظاهرات بقت حاجة تضايق
وكل اللى عنده شوكة فى رجله يقوم بمظاهرة
لحد لما افقدوا المظاهرات قوتها ومصداقيتها

التالت انا مش فاهم نصه
انما اتمنى ان ياسر يدخل الفوركس (وهو اساسا بيبتدى الوقتى اهو) والبرمجة طبعا
ده ما اتمناه (على عكس ما يقوله الناس من البعد افضل وحرقة دم) بالعكس ده افضل من اى وظيفة ايا كانت ولا حتى وزير
انما بعد كل ما اتمناه هو بقى لما يكبر يحب ايه ده موضوع تانى

الرابع
ما لا يدرك كله... لا يترك كله

لا مش على ماشرب النسكافية
على ماقوم اتغدى بقى عشان ماكلتش لحد الوقتى
اعذرونى هاغيب عن حضراتكم نص ساعة فقط

اشوفكم على خير

انت بتعلم ياسر الفوركس من دلوقتى ؟؟
مش هو لسه فى ابتدائى

و لا التعليم فى الصغر كالنقش على الشارت

**abdou_mohamed** · 05-12-2011, 09:52 PM

الاول حمد الله على سلامتك يادكتور وربنا يعلم ان فى ناس كتير بتدعيلك لانك ساعدتهم لان فى ناس كتير كانت بتستنى التوصيات او حد يدير الحساب (دة حصل معايا وطلع اللى بيدير الحساب نصاب وطير الحساب كله فى اول يوم دة كان اكبر درس فى حياتى انى معتمدش غير على نفسى

) بس دلوقتى هما بيعتمدوا على نفسهم بلا توصيات ولا غيره
اما سوالى بقا من رايك اقل مبلغ نبدا بية فى الفوركس ويعمل ارباح محترمة ؟ ياريت الرحلة المليونية يكون راس المال للبداية صغير علشان فى ناس كتير هتشارك فى الموضوع
وفى النهاية اقول بارك الله فيك وزادك من علمه ورزقك من حيث لا تحتسب

**مكس** · 05-12-2011, 09:55 PM

السلام عليكم

استاذي العزيز
1- كم مرة ضرب الاستوب معك قبل الاحتراف وبعد؟
2-كم استراتيجية تمتلك غير القنوات؟
3-هل بتستخدم الموشرات؟وما رايك بها ؟ وما افضلها؟
4-ماذا تنصح من يرغب في ان يتقن مهنة الفوركس؟ يركز على اي شي اكثر؟يقرا ماذا؟
5-هل من المهم معرفة كل جوانب التحليل الكلاسيكي واتقانها ؟ وماذا تنصح باتقانة منه مثال( النماذج- القنوات)وغيرها.
6-ماذا احتاج لااصبح مثلك في تحليل؟
7- هل 1000 دولار تكفي لبدي في الفوركس؟
وشكرا

**كريم عبد الله** · 05-12-2011, 09:58 PM

انا بقا معنديش اسئلة حاليا انا دخلت اقولك ايه الفن ده صفقة البيع بتاعة الكيبل +50 بيب حتى الان

**Abu Yaser** · 05-12-2011, 10:09 PM

بعد اذنكم يا اخوانى
نوقف بس الكتابة شوية عشان انا لسه بارد على الناس فى صفحة 3 ووصلنا ل 5
كده مش عارف الاحق
نوقف شوية لحد لما اوصل للرد على ناس صفحة 5 ونستقبل اسئلة تانية
ياريت نلتزم

**السلاحف** · 05-12-2011, 10:13 PM

سلامتك يا دكتور،

هل حساب 500 دولار ينفع لبدايه الرحله؟

لو الحساب ده مش نافع، ممكن تسلفني!

حردهم لك بعد الرحله هههه

**Abu Yaser** · 05-12-2011, 10:14 PM

المشاركة الأصلية كتبت بواسطة صامد

الف شكر دكتور جمال على ما قدمته
صحيح انا زعلان لكن مش مهم
المهم
هل الاستراتيجية لا تنطبق على المنصات التي تفتح 2 صباحا او 6 صباحا مثل
افكسم و سوليوشن

واكرر لك شكري واحترامي

زعلان ليه بس؟؟؟
ياريت مايكونش منى
لو زعلان من سالى معلش
انا كمان زعلان منها عشان عملت فيا العملة دى ههههههه ربنا يكرمها

من تجربتى كانت المنصة اللى شغال عليها بتوقيت مصر وماجربتش حاجة تانية
فمش هاقعد لسه اجرب واعمل باك تيست على توقيتات اخرى وانا متابع دى من سنين
فحتى لما اشتغلت على منصات بتوقيت تانى عملت نفس التوقيت
فمثلا سوليوشن مجرد انك تعمل القناة من الساعة 17 هاتبقى كان سوليوشن مع توقيت مصر
المهم احنا وحدنا المنصة فى موضوع خبرتى البارى يو كى عشان الكل يشوف حاجة واحدة
ومعلش لو زعلان منى مع انى مش عارف ليه

**Abu Yaser** · 05-12-2011, 10:16 PM

المشاركة الأصلية كتبت بواسطة RAWASHDEH

طيب يا دكتور ماردش على سؤالى الثانى بماذا تنصحنا بلقرائه والتعلم بهذا المجال الواسع ؟هل يوجد كتب معينه فعلا أستفدت منها ؟ أو مواقع معينه غير منتدانا الكبير جدا المتداول العربي

خالص ودي وتقديري

كورسات ستيف نيسون لاشكال الشموع
ممكن هارمونيك على خفيف
تحليل فنى على اد ما ربنا يقدرك
معرفة سطحية عن الدايفرجنس
وبس

**Abu Yaser** · 05-12-2011, 10:18 PM

المشاركة الأصلية كتبت بواسطة om youssef

دكتورنا العظيم مش لاقية كلام يليق بقدرك
ربنا يباركلك

ربنا يخليكى يا ام يوسف
ده من ذوقك بس

المشاركة الأصلية كتبت بواسطة Forexsawy

شكرا لك يا دكتور
بس انا عاوز أتفاجىء ؟؟؟؟
انا مش هنام لحد ماعرش الزمن هيكون اد ايه ؟؟؟؟؟؟؟

مش وقت طويل باذن الله
نام بقى

**Abu Yaser** · 05-12-2011, 10:23 PM

المشاركة الأصلية كتبت بواسطة thefox911

خد دولــــ عل ماشيييييـ : إيه رأيك في الحسابات الصغيرة في الفوركس تنفع في حالة السوق في اليومين دول ؟ مثلا حساب ب $100- $200 ؟
تاني حاجة (ومعلش لو هو سؤال فني حبتين و هتعبك في الأجابة ) أنا مشكلتي في طريقتي مبعرفش أخر الترند فين ؟ حاولت أستخدم مؤشرات التشبع (مع أني بكره المؤشرات) مظبتططش مع طرقتي...عاوز أبسط طريقة تنصح بيها أحدد بيها نهاية الترند و أمسك الترند الجديد من اوله ؟
و معلش طلب أخير ( لما تبقى فاضي D: ) أبقى بص على الطريقة ديه محتاج رأيك إنت بالذات فيها و إبقى إبعته على الخاص ؟
أخر سؤال : دكتور جمال المضارب يقوول إيه لدكتور جمال الإنسان ؟!!! pppp: هههههههههه

موضوع حساب 100 و 200
ممكن جدا بس حسب شروط
اولا الاستراتيجية اللى هاتمشى عليها
ثانيا هل هاترضى بنسبة الربح اللى هاتطلع منها؟
ثالثا مترتبة على ثانيا هل هاتضغط على الحساب عشان توصل بسرعة؟؟
اعتقد لو التزمت (مع صعوبة ده) ممكن ينفع

وانت عاوز تعرف اخر الترند ليه؟؟ امشى مع السعر افضل (تابع موضوع خبرتى) ماشيين هناك كده
هابص وارد عليك، بس اشمعنى على الخاص؟

اقوله وحشتنى اوى .... انت فين :P :P :P مع عدم الاعتذار لاحمد مكى ههههه

الموضوع: دعوه للمناقشه مع استاذ جمال ممدوح

أدوات الموضوع

الاوسمة لهذا الموضوع

عروض شركات الفوركس