دعوه للمناقشه مع استاذ جمال ممدوح

[Abu Yaser]

انت بتعلم ياسر الفوركس من دلوقتى ؟؟
مش هو لسه فى ابتدائى

و لا التعليم فى الصغر كالنقش على الشارت

ايه اللى يمنع يا حبى؟؟
انا كنت بابرمج (بس حاجات على قدى خالص) وانا عندى خمس سنين ونص

[om youssef]

دكتور جمال فى وجهة نظرك اد اية راس المال الى تقدر تقول علية كبير عشان متحطوش فى شركة واحدة و توزعة على كذا شركة يعنى تنصح ان الحساب فى اى شركة ميزدش عن كام ؟

اهلا بيك يا دكتور
يارب تكون بخير
اطول فترة وافضل فترة كانت مع شركة نصابة هههههه
ومتعلم عليها انها اسكام فى البيس ارمى
انما الحمد لله سحبت فلوسى منهم على خير
ولكن اتعوضت فورا ههههههه حطيتهم فى شركة تانية نصابة برضة بس مارجعوش تانى
ربنا يستر

طبعا لو راس مالك كبير الافضل (بعد اللى حصل لى ده) تحطه فى كذا شركة

انا باشتغل ميتا تريدر وبس
وجربت اتابع على موبايلات اخر موديل
وعلى تابلت
ولاب توب اكبر مقاس
مش عارف اتابع برة البيت خالص
عشان انا شغال على شاشة كبيرة شوية فى البيت ودى مخليانى مش عارف اشوف الشارت كويس من اى حاجة تانية للأسف

الدخول فى اى صفقة مش لعب
الا لو بتهزر باكونت كسبانه او براس مال قليل مش هاتزعل عليه

ربنا يخليك اشوفك على خير

[Abu Yaser]

الاول حمد الله على سلامتك يادكتور وربنا يعلم ان فى ناس كتير بتدعيلك لانك ساعدتهم لان فى ناس كتير كانت بتستنى التوصيات او حد يدير الحساب (دة حصل معايا وطلع اللى بيدير الحساب نصاب وطير الحساب كله فى اول يوم دة كان اكبر درس فى حياتى انى معتمدش غير على نفسى ) بس دلوقتى هما بيعتمدوا على نفسهم بلا توصيات ولا غيره
اما سوالى بقا من رايك اقل مبلغ نبدا بية فى الفوركس ويعمل ارباح محترمة ؟ ياريت الرحلة المليونية يكون راس المال للبداية صغير علشان فى ناس كتير هتشارك فى الموضوع
وفى النهاية اقول بارك الله فيك وزادك من علمه ورزقك من حيث لا تحتسب

الله يسلمك
لله الحمد والفضل على اعتماد الناس على نفسها فى الشغل

المبلغ اللى تبدا بيه ده بيرجع لكل واحد واحتياجاته
والارباح المحترمة دى واسعة اوى
انما عشان تقدر تتفرغ ويبقى الفوركس مصدر دخل (لو انت هنا فى مصر) اعتقد ان من فوق ال 10 الاف يبقى كويس خالص
ولو ممكن اقل حتى الف واحد بس، ولكن فى الحالة دى مش هاتكون متفرغ
اما موضوع الرحلة فهانعلن عن نظامها فى حينه

[Mo3Ty]

معطى باشا
ده كتير عليا خالص اللى انت بتقوله ده
انت راجل محترم وذوق بس
ولولا اجتهادك ماكنتش وصلت
فانت راجل مجتهد ودماغك حلوة ودائم التطور ما شاء الله
وانا اللى اتشرفت بالمقابلة الجميلة جدا دى
وناس اسكندرية الجميلة
والله كان يوم رائع جدا وانا شخصيا اتبسطت خالص
وكان نفسى اشوفك فى المعرض اللى اتاجل هنا ده بس باذن الله قريب يشتغل تانى ويكون ليا فرصة اشوفك فيها
الف شكر على كلامك الجميل

شكرا لذوقك ياكبير كلامك والله وسام على صدري
وان شاء الله يتعمل المعرض ونتجمع كلنا
وعامة انا مستنيك فى اسكندرية تاني اول ما تنزل كلمنى ياكبير

[احمد الخالد]

السلام عليكم ورحمة الله وبركاته
اولا اشكر الاخت سالي على هذا الموضوع والاختار المناسب والرائع
بحب اقول لصديقي العزيز الدكتور ابو ياسر انو من اول ماعرفت انك ستكون في ضيافة الاخت سالي وانا ادخل المنتدى اكثر من مرة في اليوم لاني حابب اكون اول من يشارك ، ولاني عارف انو محبينك كثار ماشاء الله وجت الموضوع تجاوز 6 صفحات مشاء الله لانك انسان بيسعدنا وجوده آسف على الاطالة بس الاخوة متركوش حاجة لية اسئلها
ودي وتقديري للجميع

[amr eltabei]

السلام عليكم ورحمة الله وبركاتة

اولا احيي اختنا سالى على استضافة دكتورنا الخلوق ابو ياسر

ثانيا اول ما شفت اسمك قولت ربنا معاك بقة

ازيك يا دكتور منور والله المنتدى كالعادة منك ..وازى ياسر يارب يخلهولك وتفرح بية باذن الله .. قولت امسى عليك وانت على كرسى الاعتراف واشوفك بأذن الله قريب وبالتوفيق يا دكتورنا .

تحياتى وتقديرى .

[Abu Yaser]

السلام عليكم

استاذي العزيز
1- كم مرة ضرب الاستوب معك قبل الاحتراف وبعد؟
2-كم استراتيجية تمتلك غير القنوات؟
3-هل بتستخدم الموشرات؟وما رايك بها ؟ وما افضلها؟
4-ماذا تنصح من يرغب في ان يتقن مهنة الفوركس؟ يركز على اي شي اكثر؟يقرا ماذا؟
5-هل من المهم معرفة كل جوانب التحليل الكلاسيكي واتقانها ؟ وماذا تنصح باتقانة منه مثال( النماذج- القنوات)وغيرها.
6-ماذا احتاج لااصبح مثلك في تحليل؟
7- هل 1000 دولار تكفي لبدي في الفوركس؟
وشكرا

اهلا بيك
1- الاستوب ضرب كتيييييييييير فى الاول وكذا حساب اتصفر ولله الحمد
بس بعد الاحتراف ولله الحمد قليل خالص (انما بتكون فيه صفقات خاسرة) الفكرة فى عددها بالنسبة للرابحة وكمان عدد نقاطها بالنسبة للرابحة عشان ممكن تيجى صفقة واحدة تضيع شغل سنة
2- القنوات والرينج والفايبو يمثلون حوالى 10% من شغلى
3- لو باستخدم مؤشرات بتكون من برمجتى الخاصة ولا استخدم مؤشرات خارجية عنى
4- انصح اللى عاوز ياخد الفوركس مهنة انه يتعامل معاه على انه مهنة بالفعل
يعنى الدكتور بيدرس 7 سنين وغيرها امتياز عشان يقدر يبتدى يمارس
والمحامى والمهندس وغيرهم
على اقل تقدير 4 سنوات دراسة وسنة ممارسة قبل مايبتدى يطلب عائد
ليه الفوركس الناس بتستسهله؟ مع انه اكبر من اى تجارة ومهنة وحرفة اخرى؟
المهندس ولا المحامى يوم ما بيشتغل فى قضية بيكون قصاد محامى تانى مصرى برضة ويمكن اقل او اكبر منه
انما هنا انت مش قصاد واحد تانى لسه متخرج او بيتعلم زيك
انت قصاد حيتان السوق
وبنوك عالمية عندهم اكبر محللين ماليين وفنيين و و
عاوز تكسب كل دول بشهرين خبطت فيهم على الديمو؟؟؟!!!!
على اد ما هاتدى الفوركس على اد ما هايديلك بالمقابل

5- اى حاجة طالما هاتنمى مهاراتك فى مجال شغلك اعرفها وماتستخسرش
6- ههههههه ليه بس تكون مثلى لما ممكن تكون افضل؟
7- تكفى اذا كان العائد بتاعها يرضيك
وطالما مش هاتروح منك يبقى اى عائد يعتبر كويس عشان بتتعلم وبتكسب كمان
مع ان اى مجال تانى عشان تتعلم بتدفع
العفو

[Abu Yaser]

انا بقا معنديش اسئلة حاليا انا دخلت اقولك ايه الفن ده صفقة البيع بتاعة الكيبل +50 بيب حتى الان

لله الحمد
ربنا يخليك يا كريم دى بتيجى كده بالبركة
ربنا ساترها معايا قدامكم

سلامتك يا دكتور،

هل حساب 500 دولار ينفع لبدايه الرحله؟

لو الحساب ده مش نافع، ممكن تسلفني!

حردهم لك بعد الرحله هههه

لا اذا كان فيها سلف يبقوا يكفوا وزيادة ههههههه

[Abu Yaser]

استمتعت كثير بقراءة 5 صفحات وجميع أسئلة الاخوة وردودك يادكتور جمال
لكن ابغى اقول لك شيء مهم وهو أن الأخوة كما ترى عاقدين أمل كبير فيك
وفي علمك بارك الله فيك وفي علمك الذي استفدنا منه الشيء الكثير

وأملي كما هو أمل الجميع أن نكون معك في رحلتك المأمولة

باذن الله يا حبى
قريب خالص
وانا مبسوط انك استمتعت كتير
مع ان ظهرى اتقطم
ربنا يكرمك يا سالى

[Abu Yaser]

دكتور جمال

السلام عليكم ورحمة الله وبركاته



لماذا اذن لم تقم ببرمجة مؤشر القنوات وتركت الزميل كينجو ليقوم ببرمجته !؟

ولماذا اختفى الزميل كينجو بعد برمجته لهذا المؤشر !؟

مع فائق احترامي وتقديري

اهلاااااااااااان م. فارس
فينك ياراجل من زماااان
والله باتبسط لما باشوفك

انا مابرمجتش المؤشر عشان بافضل ارسمها يدوى وكل مرة باقول للناس كده ولكن الناس بتستسهل
اما اختفى ليه فانا مش عارف وكلمته على الموبايل حتى مش بيرد
اكيد المبرمجين العالميين خطفوه
وده سبب تانى انى ماعملتش المؤشر ههههههه
اشوفك على خير

[saly22]

السؤال المهم هههههه
اول ما بتفتح الشارت
خطواتك بالتفصيل
1
2
3

[ahmed elsayed]

دكتور جمال هل فعلا رحله المليون التى سوف تبتداها تحتاج لرقم معين من المال ام ستكونمتاحه للجميع ان شاء الله

[Abu Yaser]

تصدق كده انت غظتنى
انا كنت عايز ابدا فى شقتى و بتاع عشان جوازى انا و فرحها قاطع ميه و نور
عموما تتعوض و ليا انا بقه مقابله مخصوصه
عشان انا مشفتكش من زمان
بس تجيب ياسر معاك

المقابلة الخاصة تبقى على الخاص
كده هاتجيبلى الكلام ههههه
عموما تيجى بالسلامة

[Mo3Ty]

السؤال المهم هههههه
اول ما بتفتح الشارت
خطواتك بالتفصيل
1
2
3

جامد السؤال ده ياسالي

[Abu Yaser]

سؤال يا دكتور ؟؟؟؟؟؟؟؟؟؟

ايه حكاية ربط الزمن مع السعر ؟؟؟
انا لاحظت ان حضرتك نزلت فرصتين بيع واحدة اليوم و الثانية الاسبوع الفات ؟؟؟!!!!!

يا ترى ايه الحكايو و هل حضرتك وصلت لهذا العلم ام هو استنتاجات و بتتحقق و اكيد الموضوع دة مش صدفة ؟؟؟


يا ترى في استراتيجية للموضوع دة ولا في أله زمن عندك ؟؟؟؟؟

لابد يا حبى من ربط السعر مع الزمن
ده من الاساسيات
وكله قائم على كده بس يمكن الناس مش واخده بالها
ده حتى المؤشرات التعباااانة زى اللى بيرسم هارمونيك لوحده ده
بيعمل لك مربع سعر مع زمن
بحيث لو السعر كسر ده يبقى النموذج فشل، ولو السعر ماتحركش يجيب التارجت خلال الوقت ده يبقى برضة النموذج فشل
المهم ان من الاساسياااات ربط السعر مع الزمن
يعنى لما السعر يمشى 100 نقطة فى ساعة زى لما يمشيهم فى 10 ساعات؟؟

وعموما مين اللى قالك ان عندى آلة الزمن دى؟؟ هو مافيش حاجة بتستخبى؟؟