اقتباس:
المشاركة الأصلية كتبت بواسطة ahmed el deeb
سلام عليكم اخوانى الافاضل
ان شاء الله يوم اخضر عليكم وملئ بالارباح وتلموا الغلة بدرى بدرى هههههه
انا بس حبيت اؤكد لكم مرة تانية ان كل مايقال انى باخد الناس لفين .. غير صحيح بالمرة
لانى عمرى فى حياتى ماتعمدت انى اضلل حد او اوجهه لطريق خطأ طالما انا عارف الصح فين
وان ما قيل عن ايه اللى بتضيفه مشاركاتى .. تقدروا ترجعوا لمشاركاتى وتعرفوا اذا كنت اضفت ولا لأ
اى نعم انا بحب اهزر كتير واضحك كتير وبحاول اخفف على الاخوان ضغط السوق بالضحك ده على الرغم ان عندى مشاكل لا تتخيلوها تجيب للواحد بالرحة خالص اكتئاب شديد بس الحمد لله عمرى ما يئست من رحمته.. لكن والله العظيم فى نفس الوقت بحاول انى اساعد على قد ماقدر فى ظل خبرتى المحدودة جدا واللى اقل من اقل واحد فيكم
بس اظاهر انى زودتها شوية .. لأ شويتين بصراحة ههههه .. بدليل طبعا انى سببت استياء واسع جدا للكثير من الاخوة القدامى والجدد على حد سواء "وانا اللى كنت فاكر ان الجداد بس هما اللى مش طايقينى انما طلع كتير من القدام كمان هههه"
ربنا وحده اعلم اننى لم اكن ابدا اقصد مضايقة حد او انى اشتت "كما يدعى البعض" او انى اخد الناس بمشاركاتى لفين "كما يدعى البعض الاخر" وان سبب وجودى هنا فى البداية كان للتعلم والعمل وبعد كده اصبح للتعليم والعمل برضو .. مش للتهريج والنكات و الكلام الفاضى زى ماناس قالت
عموما طالما انى شخص مشتت ومشاركاتى لا طائل منها ولا تضيف جديد .. وطالما ان الاغلبية شايفة كده
فنزولا على رغبة الاغلبية اوعدكم انى دى هتكون اخر مشاركة ليا فى الموضوع مع انى والله كنت بحلم اكون معاكم دايما وانى ماسيبش المكان اللى كنت فى يوم من الايام بعتبره بيتى ودافعت عنه على قد ماقدر من الكفرة والمهاجمين والحاقدين والمغرضين واقسم لكن انى حزين حزن لا تتخيلوه.. لكن لا تأتى الرياح دائما بما تشتهى السفن
انا بس هيوحشنى جدا والله الناس الجميلة اللى هنا اللى فعلا وعن حق عالاقل من ناحيتى حبيتهم جدا وربنا يعلم انى كنت بقضى معاهم وقت اكتر من اللى كنت بقضيه مع اهلى واسرتى وده بسبب معزتهم عندى ووحدة الهدف والغرض
وهحاول ان شاء الله احقق رغبتى فى مساعدة كل محتاج للمساعدة فى هذا السوق الذى لا يرحم من خلال مواقع التواصل الاجتماعى الاخرى .. بس ربنا يستر وما يكونش دمى تقيل عليهم هما كمان وما يطلعليش حد يقولى ان بشتت او انى مابضيفش جديد ههههه..
كلمة اخيرة لكل شخص اتهمنى من غير ما يكون متأكد او ظن فيا ظن مش ولابد
قال تعالى "يا ايها الذين آمنوا اجتنبوا كثيرا من الظن ان بعض الظن اثم" صدق الله العظيم
سلامى الى كل الاخوة الاحباء والاعزاء وهتوحشونى جدا والله العظيم .. وياعالم جايز فى يوم من الايام تتكعبلو فيا وانتوا ماشيين فى اى مكان تانى ههههه وهتلاقونى برضو احمد الديب وبنفس السحنة العكرة دى ههههههههه
واعتذارى الشديد لكل من طلب منى مساعدة وخذلته او مالقيتش فرصة ارد عليه بسبب اللى حصل وارجوكم تسامحونى وكان بودى اعملكم اى حاجة انتوا عايزينها " فى حدود امكانياتى المتواضعة جدا واللى اقل من اقل واحد فيكم" بس غصب عنى ........... واطمنوا هتلاقوا معاكم ناس افضل منى بكتير هيساعدوكم احسن منى الف مرة
اشوف وشكم بخير
سلام عليكم
صباحك اخضر ان شاء الله استاذ احمد
و اعتذر اذا كان ردى هذا تطفل منى
رداً على الكلام المظلل باللون الاحمر :-
انت شخص محترم جدا و دمك خفيف و كذلك دكتور جمال ( صاحب الموضوع نفسه )
يعنى اكيد خفة الدم مطلوبه فى اى موضوع
فأكيد ده مش عيب فى اى شخص بالعكس لكن اكيد ليها وقت و حدود معينه
رداً على الكلام المظلل باللون الاخضر :-
انت ايضا انسان محبوب و لك شعبيه بالموضوع
كيف تقول ان فيه ناس مش طايقينك ؟
لو افترضنا انى بحلل مثلا غلط و انت قولت انى بحلل غلط ليه اعتبرك مش طايقنى ؟
الامر مختلف اكيد
رداً على الكلام المظلل باللون الازرق :-
اظن الكلام ده توجيه من استاذنا و السبب اكيد الفتره القادمه
بما تحمله من امور جديده على استراتيجية خبرتى
ممكن و الله اعلم تكون مختلفه مع الدايفرجونز
همسه :- شيل من دماغك اى قرار بترك الموضوع و خليك ايجابى
( انت و ام يوسف فاكهة الموضوع )
و ان شاء الله نتقابل و اتعرف بيك اكتر يوم السبت القادم
:eh_s(7):
