... خبرتى ...

[Abu Yaser]

أحبائى الأعزاء

السلام عليكم ورحمة الله وبركاته

يمكن القديم شوية هنا فى المنتدى يقدر يعرفنى، عشان انا بصراحة قليل المشاركة جدا جدا ويمكن ده لعدة أسباب مش مجال لذكرها حاليا، إنما..

الحمد والشكر لله أنا عندى خبرة أعتقد انها ليست بالقليلة، حوالى 8 سنوات متفرغ تماما للفوركس، وسيبت تدريس البرمجة فى مايكروسوفت عشان الفوركس، منها 5 سنوات مسجّل فى المنتدى هنا، حوالى سنة كمان متابع من قبل التسجيل

ومعى عدّة شهادات عالمية سواء فى التحليل الفنى أو فى البرمجة وخلافه، دى نبذة صغيرة عنى

بصراحة انا مش عارف ليه مدى تعلّقى بالمنتدى هنا، مع انى بابص على منتديات كتير منها العربى ومنها الاجنبى، إلا انى باحس انى هنا بين أهلى (مع ان معظم اللى أعرفهم من زمان ومعرفة شخصية اختفوا من هنا)

ايه اللى خلانى افتح الموضوع ده؟؟

انت مش عارف؟

ولا أنا

أولا: غياب الناس القدام اللى رفعوا المنتدى بالفعل

ثانيا: الاحساس بإن هناك منتديات أخرى من اللى انا باتابعها هاتبتدى تكون افضل من هنا

ثالثا: ولله الحمد من قبل ومن بعد وصلت الى ما كنت أرجوه (زى مانا كاتب فى الامضاء) وما حدش يسألنى اللى هو كام.. اللهم لا حسد

وعشان كل ده قررت اتحرك من سباتى العميق وافتح هذا الموضوع ويارب يكون فيه الخير لكل الاخوان زى ما كان فيه الخير لى

يتبع ...

د/ جمال ممدوح

[NFL]

موفق أخي ومتابعين معاك وإن شاء الله نستفيد من خبرة 8 سنوات
وعن نفسي لن أسألك عن عدد الأصفار المهم أن تكون راضي بماأعطاك الله
متابع معاك

[عنتر بن شداد]

ما شاء الله تبارك الله عليك - الله يزيدك من نعيمة
طيب ممكن طلب يا ليت تحضرني في الكشف عندك عشان ما يحسب علي غياااب
بالتوفيق ان شاء الله

[azzoug]

اهلا بيك ومرحب
تمنيت ان اكون اول من يرحب بك
سؤؤؤؤؤؤؤؤؤؤؤؤؤؤؤالي الاول :
هل تعتقد ان يكون الفوركس مهنة يعتمد عليها الشخص .؟

[البدرىبدار]

موفق أخي ومتابعين معاك

[Abu Yaser]

موفق أخي ومتابعين معاك وإن شاء الله نستفيد من خبرة 8 سنوات
وعن نفسي لن أسألك عن عدد الأصفار المهم أن تكون راضي بماأعطاك الله
متابع معاك

تنوّر أستاذى
انا كل يوم باستفاد جديد
وعلى فكرة ممكن يكون من واحد عمره شهر فقط فى الفوركس
اللى يقول عن نفسه انه خلاص كده اتعلم يبقى ابتدى فى الداون ترند
اما عدد الأصفار فكتير، المهم يكون جنبهم رقم مايكونوش لوحدهم

[Abu Yaser]

ما شاء الله تبارك الله عليك - الله يزيدك من نعيمة
طيب ممكن طلب يا ليت تحضرني في الكشف عندك عشان ما يحسب علي غياااب
بالتوفيق ان شاء الله

مين ده اللى ياخدك غياب؟ اذا كان انت المعلّم
الله يبارك لك

[محمود ابو مازن]

السلام عليكم ورحمة الله وبركاته
موفق اخى دايما واتمنالك ان تسير من ربح الى ربح وعودا حميدا

[اخوكم في الله]

السلام عليكم اخي ابو ياسر
اتمنى لك التوفيق والسداد في هذا الموضوع وان شاء الله نستمر في الصعود بهذا المنتدى الذي تعلمنا فيه الى قمم اخرى
متابعينك يا الغالي

[Abu Yaser]

اهلا بيك ومرحب
تمنيت ان اكون اول من يرحب بك
سؤؤؤؤؤؤؤؤؤؤؤؤؤؤؤالي الاول :
هل تعتقد ان يكون الفوركس مهنة يعتمد عليها الشخص .؟

كلكم أوائل
اهلا ومرحبا بيك
سؤالك فى منتهى الجمال
أكيييييييييييد هى مهنة يعتمد عليها
واذا لم تكن هذه مهنة أمال ايه اللى هاتبقى مهنة؟؟

انا مش هاكلمك عن كم مليار وتريليون واسماء كده ماعرفهاش بيتم التداول بيها كل يوم
ولا هاكلمك عن ان دى مهنة البنوك والصناديق والدول و و
انما هاكلمك عن حاجة واحدة بس
وهى ان اى سوق تانى بيصل لحاجة اسمها التشبّع
سيبك من التفكير الضيق

هاقول لك على مثل حلو
اذا واحد بيبيع مناديل مثلا فى الاتوبيس
ممكن جدا يكون راس ماله 10 جنية فقط فى اول يوم ولما يبعهم يبقى معاه 20 على آخر اليوم (عمل دبل فى يوم أحسن من الفوركس ههههههه)
ممكن المثل ده فى الحياة الواقعية؟؟ ممكن جدا جدا
طيب تانى يوم هايبدأ براس مال 20 ونفس القصة اخر اليوم بقوا 40
بس لحد امتى؟؟؟

هل ممكن لما يكون راس ماله 1000 جنية فقط يقدر يبيع مناديل بال 1000 كلهم فى يوم؟؟
طبعا لا
ليه؟؟
عشان السوق تشبّع

طيب لو كان راس ماله مليون؟؟
وكذلك فى اى حاجة تانية ايا كانت
انما الفوركس اللى معاه 500 دولار زى اللى معاه 20 مليون
اللى هايفرق فقط هو اللوت
يارب تكون الفكرة وصلت

أما أنا فكنت شغال فى افضل الاماكن وأرقاها فى مجالى
ومع كل ده سيبت المجال بالكامل وتفرغت للفوركس فقط وبقالى كده 8 سنين ولله الحمد ومتزوج وعندى أولاد كمان عشان اذا كنت فاكرنى واخدها هواية هههههه

فطبعاااااااااا واكييييييييييد مهنة

ولكن ...
عشان تبقى فاهم
اذا ماكنتش شاااااااااااطر وشاطر جدا مش هاتعرف تعمل ده
وللاسف كم من الناس الموجودين بيقول ويقول ويفتى، ولكنه شغل اضافى وجانبى
طبعا مع احترامى للكل انما الجانبى حاجة والاساسى ومصدر اكل عيشة حاجة تانية خالص

معلش طولت عليك بس كان سؤال حلو

[Abu Yaser]

موفق أخي ومتابعين معاك

السلام عليكم ورحمة الله وبركاته
موفق اخى دايما واتمنالك ان تسير من ربح الى ربح وعودا حميدا

السلام عليكم اخي ابو ياسر
اتمنى لك التوفيق والسداد في هذا الموضوع وان شاء الله نستمر في الصعود بهذا المنتدى الذي تعلمنا فيه الى قمم اخرى
متابعينك يا الغالي

أهلا بكم جميعا اصحاب موضوع ومشاركين لا متابعين
وبكم الموضوع يكمل

[عنتر بن شداد]

طيب انا منتظر الاجاابة حقتك من امس الموجودة في هذا الموضوع يا دكتور جمال
https://forum.arabictrader.com/t118418.html
منتظر اجابتك يا دكتور

[Abu Yaser]

الفكرة اللى هاطرحها هنا ومن غير تشويق عشان انا نفسى ماباحبش اللى بيعملوا كده

ولا منقولة، ولا قريتها، ولا سمعت عنها من أى حد

الفكرة فكرتى تماما ولله الحمد، واذا اى حد نقلها ياريت فقط يذكر المصدر مجرد إحقاقا للحق

الموضوع مش اختراع ولا حاجة، إنما ملاحظة ومتابعة وسهر ليالى بالفعل

بالمناسبة

انا مش لسه هابتدى أجرب معاكم، أو حتى مجربها إسبوعين مثلا ومشيت معايا لا

الموضوع ده انا شغال بيه بقالى 4 سنوات لايف (مش باك تيست) وعلى حساب حقيقى

بس للأمانة القصوى هو فيه كمان حاجتين زيادة عن اللى هايتقال هنا تعتبر كل واحدة استراتيجية مستقلة من برمجتى الخاصة

انما اللى هنا هو الاساس

نبدأ بسم الله

وأى متابع أهلا بيه، وأى مشارك ده موضوعه فى الأساس، وأى معترض ياريت يقفل الموضوع ويتابع موضوع أكثر أهمية من ده

أنا فكرت انى أعمل الموضوع على حلقات، منها شرح ماهيّة الفوركس ومنها تمهيد للموضوع الأساسى مثلا حلقتين تلاتة تمهيد للمبتدىء عشان يتابع معانا بسلاسة وندخل فى صلب الموضوع من أول الإسبوع القادم بإذن الله تعالى

يتبع ...

د/ جمال ممدوح

[مصطفى خالد]

جمال باشا هنا
لا احنا لازم نضرب تعظيم سلام
او 21 رصاصه
او نضرب اى حاجه و خلاص

منور يا دكتور جمال و انا اول واحد متابع
و هاقول للمراقب ينقل مشاركتى الاول حتى ما حدش يقدر يقول هو متابع اكتر منى

[اخوكم في الله]

أهلا بكم جميعا اصحاب موضوع ومشاركين لا متابعين
وبكم الموضوع يكمل

وتحت امرك في اي مساعدة تريدها اخي ابو ياسر
وفي انتظار بداية شرحك اخي الفاضل