... خبرتى ...

[Abu Yaser]

طيب انا منتظر الاجاابة حقتك من امس الموجودة في هذا الموضوع يا دكتور ممدوح
https://forum.arabictrader.com/t118418.html
منتظر اجابتك يا دكتور

والله هاجاوبك بس انت تابع معايا عشان تفهم موضوعى واحدة واحدة
مش مهم الاسلوب المهم الفكر اللى ممكن من خلاله الناس تطلع ب 100 اسلوب
اصبر

[اخوكم في الله]

الفكرة اللى هاطرحها هنا ومن غير تشويق عشان انا نفسى ماباحبش اللى بيعملوا كده

ولا منقولة، ولا قريتها، ولا سمعت عنها من أى حد

الفكرة فكرتى تماما ولله الحمد، واذا اى حد نقلها ياريت فقط يذكر المصدر مجرد إحقاقا للحق

الموضوع مش اختراع ولا حاجة، إنما ملاحظة ومتابعة وسهر ليالى بالفعل

بالمناسبة

انا مش لسه هابتدى أجرب معاكم، أو حتى مجربها إسبوعين مثلا ومشيت معايا لا

الموضوع ده انا شغال بيه بقالى 4 سنوات لايف (مش باك تيست) وعلى حساب حقيقى

بس للأمانة القصوى هو فيه كمان حاجتين زيادة عن اللى هايتقال هنا تعتبر كل واحدة استراتيجية مستقلة من برمجتى الخاصة

انما اللى هنا هو الاساس

نبدأ بسم الله

وأى متابع أهلا بيه، وأى مشارك ده موضوعه فى الأساس، وأى معترض ياريت يقفل الموضوع ويتابع موضوع أكثر أهمية من ده

أنا فكرت انى أعمل الموضوع على حلقات، منها شرح ماهيّة الفوركس ومنها تمهيد للموضوع الأساسى مثلا حلقتين تلاتة تمهيد للمبتدىء عشان يتابع معانا بسلاسة وندخل فى صلب الموضوع من أول الإسبوع القادم بإذن الله تعالى

يتبع ...

د/ جمال ممدوح

وفقك الله اخي ابو ياسر
وان شاء الله نحن معك في مشاركة الافكار وطرح التصورات ان وجدت
وفي انتظار بداية اولى الحلقات

[Abu Yaser]

جمال باشا هنا
لا احنا لازم نضرب تعظيم سلام
او 21 رصاصه
او نضرب اى حاجه و خلاص

منور يا دكتور جمال و انا اول واحد متابع
و هاقول للمراقب ينقل مشاركتى الاول حتى ما حدش يقدر يقول هو متابع اكتر منى

أستاذى العزيز مصطفى بحاله
عشان كده الموضوع منوّر
يا باشا بدل ال 21 طلقة عشان الأمن والمشاكل اليومين دول هات حقهم وانا اكلم لك المراقب بنفسى

فى انتظار مشاركاتك المثمرة

[Abu Yaser]

ما هى أهم الأساسيات فى الفوركس؟

هى كما اتفق الجميع، سواء عرب أم أجانب، مبتدىء أم خبير، هى الدعوم والمقاومات

ده مافيهوش شك

فما هى الدعوم والمقاومات كده سريعاً؟

الدعم: هو منطقة سعرية لم يستطع السعر أن يتخطاها هبوطاً فى فترة من الفترات

يعنى ايه الكلام ده؟

يعنى السعر فضل نازل نازل نازل وماحدش بيقوله رايح فين ولا عارفين نوقفه

لحد لما وصل لمنطقة معينة وابتدى يظهر ناس توقفه عند حده

سواء بقى يمشى بالعرض، أو يرتد صعود مباشر، المهم المنطقة اللى قدرت توقفه دى تسمى بمنطقة الدعم

وبالعكس تماما لما يكون السعر طالع طالع لحد لما يقف أو يرتد نزولا تبقى دى منطقة مقاومة

وطبعا من المعروف ان الدعم لما يتكسر (يتكسر يعنى السعر يقدر ينزل زيادة ويخترقه لتحت) بيتقلب لمقاومة

وهكذا المقاومة لما تتكسر تصبح دعم

كل ده كلام جميل

بس قديم!!!

وكل الناس عارفاه

بالفعل كل الناس عارفاه، ولكن مين اللى شغال بيه؟؟؟ كله عاوز الحاجات اللى شكلها حلو وتزغلل فى الشارت، أو مؤشر يديله صوت يقوم من النوم ويدخل وهو مغمض

المهم

ولكن اختلف الجميع فى كيفية تحديد هذه الدعوم والمقاومات

فمنهم اللى قال اللى بالعرض افضل (بالعرض يعنى خط أفقى)، ومنهم قال اللى بالجنب (اللى هو خط الترند) وتفنّنوا فيه، وطلع فيه مقولات كتير (خليك مع الترند، اجعل الترند صديقك،Trend is my friend، مش عارف لو عاكست الترند هايحصلك ايه) ولكن...

ازاى نرسم الترند؟؟

يتبع ... غدا عشان ايدى وجعتنى

د/ جمال ممدوح

[مستمر]

اسأل الله ان يرزقك على قدر نيَتك ويجعل لك في كل حرف 1000 حسنه

[عنتر بن شداد]

والله هاجاوبك بس انت تابع معايا عشان تفهم موضوعى واحدة واحدة
مش مهم الاسلوب المهم الفكر اللى ممكن من خلاله الناس تطلع ب 100 اسلوب
اصبر

حاضر يا دكتووور جمال

[اخوكم في الله]

تحدثث عن الدعوم والمقاومات وهي شيئ مهم في هذا السوق
ربما تكون لك نظرة مختلفة لها لان هذا السوق عامر بالمفاجئات
في انتظار تكملة سلسلة شروحك

[azzoug]

اشكرك على الرد وعذرا على عدم الاقتباس
اياك ان تختفي
ههههههه

[مصطفى خالد]

ما هى أهم الأساسيات فى الفوركس؟

هى كما اتفق الجميع، سواء عرب أم أجانب، مبتدىء أم خبير، هى الدعوم والمقاومات

ده مافيهوش شك

فما هى الدعوم والمقاومات كده سريعاً؟

الدعم: هو منطقة سعرية لم يستطع السعر أن يتخطاها هبوطاً فى فترة من الفترات

يعنى ايه الكلام ده؟

يعنى السعر فضل نازل نازل نازل وماحدش بيقوله رايح فين ولا عارفين نوقفه

لحد لما وصل لمنطقة معينة وابتدى يظهر ناس توقفه عند حده

سواء بقى يمشى بالعرض، أو يرتد صعود مباشر، المهم المنطقة اللى قدرت توقفه دى تسمى بمنطقة الدعم

وبالعكس تماما لما يكون السعر طالع طالع لحد لما يقف أو يرتد نزولا تبقى دى منطقة مقاومة

وطبعا من المعروف ان الدعم لما يتكسر (يتكسر يعنى السعر يقدر ينزل زيادة ويخترقه لتحت) بيتقلب لمقاومة

وهكذا المقاومة لما تتكسر تصبح دعم

كل ده كلام جميل

بس قديم!!!

وكل الناس عارفاه

بالفعل كل الناس عارفاه، ولكن مين اللى شغال بيه؟؟؟ كله عاوز الحاجات اللى شكلها حلو وتزغلل فى الشارت، أو مؤشر يديله صوت يقوم من النوم ويدخل وهو مغمض

المهم

ولكن اختلف الجميع فى كيفية تحديد هذه الدعوم والمقاومات

فمنهم اللى قال اللى بالعرض افضل (بالعرض يعنى خط أفقى)، ومنهم قال اللى بالجنب (اللى هو خط الترند) وتفنّنوا فيه، وطلع فيه مقولات كتير (خليك مع الترند، اجعل الترند صديقك،Trend is my friend، مش عارف لو عاكست الترند هايحصلك ايه) ولكن...

ازاى نرسم الترند؟؟

يتبع ... غدا عشان ايدى وجعتنى

د/ جمال ممدوح

مستنييييييييين

[kingooo]

كلكم أوائل
اهلا ومرحبا بيك
سؤالك فى منتهى الجمال
أكيييييييييييد هى مهنة يعتمد عليها
واذا لم تكن هذه مهنة أمال ايه اللى هاتبقى مهنة؟؟

انا مش هاكلمك عن كم مليار وتريليون واسماء كده ماعرفهاش بيتم التداول بيها كل يوم
ولا هاكلمك عن ان دى مهنة البنوك والصناديق والدول و و
انما هاكلمك عن حاجة واحدة بس
وهى ان اى سوق تانى بيصل لحاجة اسمها التشبّع
سيبك من التفكير الضيق

هاقول لك على مثل حلو
اذا واحد بيبيع مناديل مثلا فى الاتوبيس
ممكن جدا يكون راس ماله 10 جنية فقط فى اول يوم ولما يبعهم يبقى معاه 20 على آخر اليوم (عمل دبل فى يوم أحسن من الفوركس ههههههه)
ممكن المثل ده فى الحياة الواقعية؟؟ ممكن جدا جدا
طيب تانى يوم هايبدأ براس مال 20 ونفس القصة اخر اليوم بقوا 40
بس لحد امتى؟؟؟

هل ممكن لما يكون راس ماله 1000 جنية فقط يقدر يبيع مناديل بال 1000 كلهم فى يوم؟؟
طبعا لا
ليه؟؟
عشان السوق تشبّع

طيب لو كان راس ماله مليون؟؟
وكذلك فى اى حاجة تانية ايا كانت
انما الفوركس اللى معاه 500 دولار زى اللى معاه 20 مليون
اللى هايفرق فقط هو اللوت
يارب تكون الفكرة وصلت

أما أنا فكنت شغال فى افضل الاماكن وأرقاها فى مجالى
ومع كل ده سيبت المجال بالكامل وتفرغت للفوركس فقط وبقالى كده 8 سنين ولله الحمد ومتزوج وعندى أولاد كمان عشان اذا كنت فاكرنى واخدها هواية هههههه

فطبعاااااااااا واكييييييييييد مهنة

ولكن ...
عشان تبقى فاهم
اذا ماكنتش شاااااااااااطر وشاطر جدا مش هاتعرف تعمل ده
وللاسف كم من الناس الموجودين بيقول ويقول ويفتى، ولكنه شغل اضافى وجانبى
طبعا مع احترامى للكل انما الجانبى حاجة والاساسى ومصدر اكل عيشة حاجة تانية خالص

معلش طولت عليك بس كان سؤال حلو

أستاذي العزيز

لا تتخيل كم السعادة التي اشعر بها بفتح موضوع كهذا
ولا تتخيل كم الناس المحتاجة لمواضيع مثل هذه

ألف مليون شكر لحضرتك

سؤال على جنب: بما أن حضرتك متابع للمنتدى منذ زمان كبير فاكيد قراءت كثيرا عن المواضيع التي تتحدث عن الطرق التي تربح 100% والمعادلات المكتشفة التي تحوي سر الفوركس وما إلى ذلك
فهل حضرتك تؤمن بهذه الاشياء؟

[NFL]

تنوّر أستاذى
انا كل يوم باستفاد جديد
وعلى فكرة ممكن يكون من واحد عمره شهر فقط فى الفوركس
اللى يقول عن نفسه انه خلاص كده اتعلم يبقى ابتدى فى الداون ترند
اما عدد الأصفار فكتير، المهم يكون جنبهم رقم مايكونوش لوحدهم

نعم أخي صدقت في ماقلت طول ما الإنسان عايش فهو بيتعلم وأنا لست في مرتبة أستاد فأنا مازلت طالب وسأبقة طالب للأبد بإدن الله
والأصفار اللي قصدت هي التي يكون معها الرقم الأساسي من الأرقام 1 والواحد هو الله سبحانه وتعالى
في إنتظارك

[مساهمكو]

أهل وسهلاً أخي الكريم ،،،
فعلاً الجميع محتاج لهذه الخبرات التي مارست تجارة الفوركس بتأني وهدوء

في إنتظارك على أحر من الجمر ...

[زاهر جميل]

السلام عليكم د.جمال و ان شاء الله تكون سبب ربح جميع اعضاء المنتدى و جزاك الله كل خير

[thecreativex]

شكله حيكون موضوع ممتاز فى الانتظار للتعلم و الاستفاده

[gomana]

بارك الله فيك وجزاك كل الخير دكتور جمال واتشرف انى اكون متابعة مع حضرتك وانى ارجع للفوركس مرة اخرى واستعيد نشاطى بيه من خلال متابعة موضوع حضرتك فأنا بعيدة بقالى اكتر من 6 اشهر عن السوق بعد سنة تخبط وخسارة فأخذت فترة راحة وناوية باذن الله ارجع اتعلم تانى واصلح كل الاخطاء الى وقعت بيها