... خبرتى ...

[l HamOksha l]

حدرتك شرحت سيناريوهات عموما وكان شرح جميل جدا

لكن انا عاوز افهم اكتر فعشان كدا عاوزين نكون اكثر دقه وتحديد

دي صور للكيبل على اليومي وال4 ساعات والساعة

حدرتك ايه تصورك للحركة طبعا مع الاخذ بالاعتبار اننا هانراعي البرايس اكشن لما السوق يشتغل

بس مبدأيا كدا ايه التصور العام والصفقات المقترحة

[Abu Yaser]

اخيرا خلصت المشاركه
انا قعدت اتخيل كل خطوه من الخطوات الى انت قلتها و ارسمها فى دماغى ( و طلعت واسع الخيال اوى )
و كلامك صح بس عايز خبره
و سؤال بقه
ليه حضرتك مش بتشتغل على فريم ال 4 ساعات رغم ان صفقاته جيده جدا و هاديه جدا ؟؟ و لا انت شغال على الساعه لانك متفرغ بس مش اكتر؟؟
ثانيا هل بتتخذ اى قرار ليك بشراء او بيع او اغلاق اى صفقه بعد اغلاق الشمعه و لا فور وصول السعر لنقطه البيع او الشراء ؟؟
ثالثا هل لازم الساعه و ال 4 ياكدو بعض للدخول ؟؟ و لا انت لو الساعه بتعاكس ال 4 ساعات بتدخل باللوت الصغير ؟؟ طب مش الاحسن انك تصبر و ماتدخلش الا الصفقات المحترمه اوى ؟؟



طب انا قريت و انت مش بتدخل باستوب و التارجت بيكون الحد الاعلى اول الاسفل حسب الصفقه او 80 % منه




يا ريت تشرح لينا الى انت عملته فى الصفقات 1-2-3 و اتصرفت ازاى لما الشموع دى ظهرتلك خصوصا انها صفقات بيع عكس الاتجاه الصاعد؟

لو انا فاهم طريقتك
اتوقع انك ددخلت بلوت صغير اوى 10% من قيمه دخولك المعتاده و عكست عليك فعززت البيع من الحد الاوسط للازرق ب 40 % من عقودك المعتاده ( صفقه 5 ) و قفلتهم كلهم على حد الازرق الاسفل على نقطه الدخول فى الصفقه 1
بمكسب 60 نقطه لعقود ال 40% و الخروج على نقطه الدخول لصفقه 10 %
تمام كده؟؟؟؟؟؟؟؟؟؟؟؟؟؟؟

طب لو كان السعر اغلق فوق وسط الازرق ؟؟؟؟؟ قدامنا حلين
1
اتوقع اغلاق عقود البيع و الدخلو بلوت مضاعف شراء لتارجت الازرق العلوى
لتعويض الخساره

2
او ترك عقود البيع كلها و الدخول هيدج شراء لحد الازرق الاعلى ثم تعزيز البيع مره ثالثه لحد الازرق الاوسط
و اغلاق كله بمكسب العزيز الثالث و نقطه الدخول لصفقثات ال 40 % و خساره ااول صفقه 10 %

عن نفسى اتوقع الحل التانى
صح يا د - جمال؟؟

كتير اوى الأسئلة دى يا عم درش على مشاركة واحدة
كده السيرفر يهنّج

انا مش عارف أرد على ايه ولا ايه
واحدة واحدة عليا عشان انا كمان ممكن أهنّج

ليه مش باشتغل على ال 4 ساعات؟
لعدة اسباب
اولا انا متفرغ زى مانت قلت
ثانيا ال 4 ساعات عاوز بال طويييل وانا ماباحبش اكون فى السوق كتير
ثالثا انا لو اشتغلت على الساعة صح ممكن اكسب اكتر من الشغل على ال 4 ساعات، عشان هاستفاد بالارتدادات القوية اللى مش هاتبان على ال 4 ساعات
بمعنى انى مثلا اشتريت من سعر 100 والسعر جاب 200 يعنى مكسب 100 وده كان عند الحد العلوى للأزرق (مثلا) فانا قفلت الصفقة (على الساعة)
قوووم اييييييييه
سلوك السعر قال انه نازل هايرتد من الأزرق
رحت انا بايع (مع انه على ال 4 لسه فيه طلوع)
راح السعر نازل لقرب الدخول بتاع الصفقة الاولى
رحت قافل على مكسب شبيه بالمكسب بتاع الصفقة الاولى
ودخلت شرا تانى من منطقة قرب الصفقة الاولى للمرة التانية
راح السعر طالع تانى كتير بقى المرة دى مثلا لحد 250
وكل ده بالنسبة لل 4 ساعات فى شمعة او اتنين
انما كان على السعة فى 7 ساعات مثلا
يبقى انا لو دخلت على ال 4 ساعات (اللى فى الغالب هاتدخل فيها متاخر بعد التاكيد) هايكون المكسب من سعر 100 الى 250 يعنى 150 نقطة فقط (بعد ما وقع قلبك فى رجليك من الارتداد اللى اخد معظم المكسب)
انما على الساعة هايكونوا 3 تريدات
من 100 الى 200 بمكسب 100
من 200 الى 120 بمكسب 80
من 120 الى 250 بمكسب 130
فيكون المجموع 310 نقطة يعنى اكتر من ضعف الشغل على ال 4 ساعات
وكل ده مجرد مثل بس مش ارقام حقيقية

بس تانى
الموضوع ده عاوز تعايش مع السوق وخبرة شوية
وكمان احنا لسه ماشرحناش حاجات كتير
الناس مستعجلة وليهم حق طبعا
بس نتمكن الاول من اللى فات (والتمكّن مش انك مجرد تعرف ترسم الخطوط، انما تعرف تشتغل وتكسب بيها) وبعدين نكمّل على ارض صلبة باذن الله

يارب تكون الصورة وصلت

[Abu Yaser]

السلام عليكم ورحمة الله وبركاته

انا حابب أسجل اعجابى الشديد بالموضوع

واكتر بشخصية حضرتك المحترمة

انا وصلت لصفحة 14 فى الموضوع وتعبت

هاكمل بكره ان شاء الله علشان نبتدى نحلل الاسبوع من اوله

وده رسمة للكيبل فريم الساعة

رسمت اللى احمر على يوم 3

والازرق على يوم 2و3

وعليكم السلام ورحمة الله وبركاته
أهلا بيك أخى كريم

الف شكر على كلامك الجميل
مستنيينك تكمل الموضوع وان شاء الله يكون فيه اى استفادة ولو 1%
والرسم اللى انت عامله تمام برافو عليك

[Abu Yaser]

ألمينا بالطريقة تقريبا والفرص الحية بالصور هي الت تجعلنا أكثر دقة ....فلا تنسانا دكتور جمال من الشرح على الصور في الفرص الحية .....لأن عرض كم فرصه تعطينا المهارة ,


وأتمنا أن يكون هناك أستعراض لشارت الكيبل ...يظهر فيه سيناريو يوم الاثنين .....

شاكرين ومقدرين جهدك ...وتلبيتك السريعة لجميع أستفسارتنا

حدرتك شرحت سيناريوهات عموما وكان شرح جميل جدا

لكن انا عاوز افهم اكتر فعشان كدا عاوزين نكون اكثر دقه وتحديد

دي صور للكيبل على اليومي وال4 ساعات والساعة

حدرتك ايه تصورك للحركة طبعا مع الاخذ بالاعتبار اننا هانراعي البرايس اكشن لما السوق يشتغل

بس مبدأيا كدا ايه التصور العام والصفقات المقترحة

أهلا بكم أعضاء نشيطين ومشاركين

عاوزين نفهم بس حاجة الاول
الاستراتيجية دى مش للتوقع
الاستراتيجية دى عشان نتفاعل مع حركة السعر ونتعايش معاه
يعنى انا ممكن افتح الشارت وارسم الرسمة واقولك هايعمل كذا وكذا
بس كل ده تخيلات (ولا يعلم الغيب الا الله)
انما ممكن بعد ساعة واحدة ألغى كل الكلام اللى اتقال بناء على حركة سعر معينة

انما لما السعر مثلا يكسر حد معين مع شكل معين للسلوك السعرى على الساعة مع شكل على ال 4 ساعات اقدر (أرجّح) ان السعر ممكن يعمل كذا
انما هافتح الشارت وأحدد خط سير العملة القادم!! ( فيه ناس بتعمل ده، بس انا لسه ماوصلتش للمراحل دى )

الحاجة التانية والمهمة
عشان الرسمة تكون مظبوطة لابد تكون من الفاصل للفاصل
فانت محتاج السوق يفتح عشان تكون فيه شمعة على الفاصل الأخير اللى بترسم عليه
سواء على رسمة الساعة أو ال 4 ساعات (يعنى الرسمتين دول مش مظبوطين حاليا)
انما على اليومى الرسمة تمام عشان فتح الشمعة الجديدة مش على الفاصل (او بمعنى آخر احنا مش اول يوم فى الشهر)

خلينا نتابع خلال اليوم أفضل من توقعات نسبتها لن تزيد عن 10 الى 20% واحنا أقل حاجة عشان نقدر ندخل التريدة صح عاوزين نسبة 80% (دانت لو هاتدخل هندسة هاتبقى عاوز نسبة اعلى من كده ومش هايدولك فلوس مقابل ههههه)

[karim yahia]

انا وصلت صفحة 23

هانت يا دكتور

[karim yahia]

هييييه خلصت

انا خلصت ال25 صفحة يا جماعة

وعاوز واجب من حضرتك يا دكتور

[Abu Yaser]

هييييه خلصت

انا خلصت ال25 صفحة يا جماعة

وعاوز واجب من حضرتك يا دكتور

كلك واجب يا كريم
هههههه

انت اللى تعمل باك تيست للطريقة وتشوفها عاملة ازاى

[zamalek]

أخي العزيز د/جمال
أنا يدوب انتهيت من قراءة صفحتين من موضوعك
بصراحة انا كنت نويت اعتزل الفوركس ومدخلتش علي المنتدي من اسبوعين
لكن لما لقيت موضوعك بصراحة نويت ارجع
اروح اعمل شاي تاني عشان اكمل الموضوع الجميل النادر
همسة
---- ولكني أعتقد ان للثورة تأثير او آخر علي طرحك لهذا الموضوع -------

[Challenge]

أخي د. جمال بارك الله فيك وعليك ، شرحك لحركة السعر يوم 2 مارس و التنقل بين شارت الساعة والأربع ساعات كان أكثر من رائع ، وأيضا استعمالك لنماذج الشموع كان موفقا ، وأعتقد أنه في الأيام القادمة سيكون لدينا المزيد من السيناريوهات العملية وندعوا الله أن يكون جهدك وتعبك وحرصك على مصلحة إخوانك إن شاء الله في موازين حسناتك ، ولا ننسى تنميل أصابعك

إخواني تجدون في المرفقات ملف يشرح عن نماذج الشموع اليابانية للمهندس الطيار حبيبنا وليد الحلو

[متفائل ولكن]

ياشباب المؤشر او التمبليت اللي يرسم القنوات باي صفحة موجود ؟

[Abu Yaser]

أخي العزيز د/جمال
أنا يدوب انتهيت من قراءة صفحتين من موضوعك
بصراحة انا كنت نويت اعتزل الفوركس ومدخلتش علي المنتدي من اسبوعين
لكن لما لقيت موضوعك بصراحة نويت ارجع
اروح اعمل شاي تاني عشان اكمل الموضوع الجميل النادر
همسة
---- ولكني أعتقد ان للثورة تأثير او آخر علي طرحك لهذا الموضوع -------

أهلا بيك معانا أخى

والظاهر ان الموضوع ده رجّع ناس كتير للفوركس بعد غياب
وكمان خلّى ناس كتير تكتب ولو كلمة بعد انقطاع
وده من فضل الله

[Abu Yaser]

أخي د. جمال بارك الله فيك وعليك ، شرحك لحركة السعر يوم 2 مارس و التنقل بين شارت الساعة والأربع ساعات كان أكثر من رائع ، وأيضا استعمالك لنماذج الشموع كان موفقا ، وأعتقد أنه في الأيام القادمة سيكون لدينا المزيد من السيناريوهات العملية وندعوا الله أن يكون جهدك وتعبك وحرصك على مصلحة إخوانك إن شاء الله في موازين حسناتك ، ولا ننسى تنميل أصابعك

إخواني تجدون في المرفقات ملف يشرح عن نماذج الشموع اليابانية للمهندس الطيار حبيبنا وليد الحلو

شكرا على كلامك الجميل
وزى مانت قلت الخبرة بتيجى بالممارسة
الفترة اللى جاية هايكون الشغل عملى باذن الله
ويارب خير

[Abu Yaser]

ياشباب المؤشر او التمبليت اللي يرسم القنوات باي صفحة موجود ؟

مافيش مؤشرات يا اخى
دى أداة موجودة اساسا فى البرنامج
واسلوب استخدامها مشروح فى اول الموضوع

نصيحة اقرا الموضوع كله عشان تفهم الاسلوب كله الى حين يجمّع لنا الكتاب د/ زهدى باذن الله

خليك متفائل بس من غير لكن

[مصطفى خالد]

معلش يا د - جمال هاتعبك معايا
و انا بجرب طريقتك على شارتات عده ازواج بلاقى صفقات ممتازه فعلا
لكن برضه بلاقى مواثق غريبه و بسال نفسى لو ساعتها هاعمل ايه ؟؟

مثلا الموقف ده على المجنون

دلوقتى السعر بيذبذب بين الاحمر و الازرق؟؟
و شموع ضعيفه جدا لا توحى بصعود او هبوط

هل كده السعر بيجمع لحركه قويه صاعده او هابطه؟؟
هل نبيع ام نشترى ام الافضل نبقه بره الزوج خالص؟؟

[sulheen]

هذة الطريقة مع دمجها مع اشكال الشموع ستكون ان شاء الله قوية