... خبرتى ...

[فوركس افندي]

شرح السلوك السعرى باستفاضة
وكيفية ربط الشارتات ببعضها

النقطة دى من اهم النقاط ولكن من الصعوبة الوصول اليها عشان محتاجة معايشة للسعر وخبرة فى الشارت والسلوك السعرى
فاللى مش هايقدر يعمل ده مش مهم بس يحاول معاه ومايهملوش لحد لما يتمكن منه

عشان توصل للموضوع ده لازم تكون ملمّ بكل اللى اتقال قبل كده
الشارت الاكبر هو الاتجاه العام للشارت الاصغر
والشارت الاصغر هو كيفية الوصول لهذا الاتجاه العام
يعنى الاصغر مرسوم له خط سيره من الشارت الاكبر
والاكبر بيترسم فعليا من خلال الشارت الاصغر

مش فاهم، يعنى الفرخة من البيضة ولا البيضة من الفرخة
(اكيد الاتنين من بعض)

ازاى الكلام الغريب ده
نشوف مثل الكيبل النهاردة (أقرب حاجة)
الكيبل لما كسر الحد العلوى للقناتين واشترينا الصبح
الحمد لله صعد والناس عملت ربح كويس
بس لحد فين؟؟؟
وليه انا قلت فى مشاركة ان كده كفاية والناس تاخد ارباحها؟؟ مع ان فيه ناس كتير فى المنتدى قالت ان السعر لسه قدامه كتير
بل وبالعكس
انا بعت من هذه النقطة (على عكس الاستراتيجية المشروحة) بس مارضيتش اقول هنا عشان مايحصلش تشتيت
انما عشان اللى هايعترض او يقول انت بتفتى وبتشوف ايه اللى حصل الاول وبعدين تقول انت بعت ولا اشتريت (عشان ده حصل معايا قبل كده) انا ارفقت صورة من حسابى الحقيقى توضح فقط نقطة دخولى وانه بيع والتوقيت كمان

المهم
ليه انا بعت، او حتى ليه قفلنا الشرا؟
هاتلاقى ان شارت اليومى السعر قرب من الحد العلوى للأحمر (وده كده يعتبر مقاومة شهرية)
على شارت الساعة ابتدى السعر يُظهر انه مش قادر يطلع تانى (السعر على فكرة صاحبنا، وعمره ما بيخون حد، انما احنا اللى مش بنعرف لغته ولا بنسمع تنبيهاته)
السعر كان ماشى بقوة لحد الساعة 11
ولكن من الساعة 12 ابتدى يبقى ضعيف
وقفلت الساعة 12 على شكل اسمه اسبينينج توب، وده مش عاكس للاتجاه ولكن بيدل على الضعف
خلى بالك وماتنساش احنا قلنا السعر موجود فين على اليومى (عاوزين نربط كل الشارتات ببعضها)
لما تيجى الساعة 13 وتعمل شكل (فى رأيى من أفضل الاشكال العاكسة وانا عن نفسى باستخدمه كتير وقلنا عليه بسرعة سابقا) وهو اسمه فولنج اوف ذى رووف (أو السقوط من السطح) وهو ده اللى حصل بالفعل بعدها
يبقى مستنى ايه عشان تبيع؟

شرح مبسط لهذا الشكل القوى
فولنج اوف ذى رووف
هو عبارة عن شمعة تكون الهاى بتاعها اكبر من هاى الشمعة اللى قبلها ولكن تعكس وتقفل على كلوز اقل من كلوز اللى قبلها
ودى غير شوتنج ستار اللى مش لازم تكون الهاى اعلى من اللى قبلها ولا الكلوز اقل

وكلما بقى الهاى اعلى (يعنى تعمل ذيل طويل من فوق) وكلما كان الكلوز اقل (يعنى تبقى حمراء طويلة) تكون الوقعة اللى بعدها اكبر ههههه

المهم
نرجع نربط الشارتات تانى
لما السعر على الساعة عمل شكل الشمعة اللى شرحناه، بعد ما عمل اسبينينج توب مع وجود السعر على مقاومة شهرية
يبقى بيع
وفعلا السعر نزل
خلال ما السعر بينزل هنا شمعة ال 4 ساعات لسه بتتكون (اللى بيكونها هو شموع الساعة، التى بالتالى تتكون من خلال شموع الربع ساعة وهكذا)
فلما شمعة ال 4 ساعات اكتملت وقفلت نبص نلاقيها عاملة اييييييه؟؟؟
برافو عليكم
عاملة فولنج اوف ذى رووف برضة بس على ال 4 ساعات
يبقى ده استمرارية فى النزول

ومن هنا ييجى الربط بين الفريمات
الفريم الكبير بيحدد ملامح الفريم الاصغر
بينما الفريم الاصغر هو اللى بيرسم فعليا هذه الملامح

وبس

يارب تكون الفكرة وصلت ووضحت للاخوان

د/جمال ممدوح

بجد فنان واستاذ.......انا بعد موضوعك ده اكتشفت اني كنت بتاجر في سوق العبور.......الله يجزيك خير

ممكن طلب من فضلك.............مشاركة حلوة منك تشرح فيها على الشارت انواع الشموع اللي ممكن نستفاد منها اثناء المتاجرة زي شرحك لشمعة فولنج اوف ذي رووف.
واشكرك مرة تانية..........وسامحني لو كنا بنتقل عليك يا فناااااااااااااااااااااااااااااااااااااااااااااااا اااااااان

[سامووو المملكة]

تفضلو أخواني مؤشر يحدد أشكال الشموع على الشارت " يوجد اثنين بالمرفقات انا استخدم اللي اسمه candl_ind" لأن فيه الشموع المهمة وبالتالي الشارت أنضف

ادعولي يا جماعة ولأخونا أبو ياسر

[thecreativex]

استاذ جمال بما انك خبير فى الشموع
ممكن اعرف منك
ايه هى افضل الشموع الى بيكون بعدها حركه قويه زى انهارده كده
سواء شمعه استمراريه او انعكاسيه
يعنى حضرتك قلت
falling of the roof
شمعه مهمه وبتعتمد عليها ايه كمان ممكن الاعتماد عليه لفكره الرالى؟

[gomana]

معلش اتاخر عليكى
من المهم جدا فهم سلوك السعر
والربط بين الشارتين هو قمة التعايش مع سلوك السعر
وده هاشرحه فى المشاركة القادمة على طول

اما بالنسبة للقناتين لما يكونوا متطابقتين لو كانوا متجهتين لأسفل يبقى الكسر هايكون لأعلى والعكس صحيح (يعنى الانفجار مش فى اى اتجاه)
والدخول يكون مع الكسر او مع اعادة الاختبار
خلى بالك من المشاركة اللى جاية عشان مهمة

انا مش عارفة اشكر حضرتك ازاى كفاية كرم اخلاقك معانا
انا فهمت بالنسبة لسلوك السعر بس زى ماحضرتك قلت لازم الممارسة والملاحظة ومن كتر متابعة السعر حنعرف اكتر رسمت دلوقتى القناتين الجداد لليوم الجديد من بعد الساعة 12 وعملت خط احمر عن الحد السفلى للقناة الزرقاء الى واضح من شارت الساعة انه القناتين نازلين لاسفل وعلى الاربع ساعات صاعد لكن مدام على الاربع ساعات كسر الخط المنتصف يبقى ينزل يلمس الحد السفلى ليه والى بيقابل تقريبا 1.6140 وعشان كده لقيت برضه ان النقطة دى بشارت الساعة بتقابل الحد الاسفل من القناة الزرقاء فاحنا كده نستنى لحد مايوصل للنقطة دى ونشوف حيخترقها ولا يرتد منها والمتوقع اكثر انه يرتد لان شارت الاربع ساعات موضح صعود والاحتمال الثانى انه مينزلش للنقطة دى ويكسر خط المنتصف للقناة الحمراء والزرقاء ويكمل صعود للحد العلوى من القناة الزرقاء على شارت الساعة والى هو بيقابل خط منتصف القناة الزرقاء بشارت الاربع ساعات عند النقطة 1.6300 تقريبا
هل انا كده فاهمة صح ولا فيه حاجة ناقصة عندى

[سامووو المملكة]

مؤشرين مفيدين مع طريقة أبو ياسر

أشكال الشموع : من ضمن الإعدادات حقته الغي تفعيل رسم الخطوط فقط خليه يعطيك سهم التجاه للشمعة وتحته اسم الشمعة عشان يبقى الشارت نضيف
الدايفرجنس : يحدد اشكال الدايفرجنس للتسهيل للمبتدئين او اللي ما بيعرفوه ومهمته في حال ظهوره بيأكد ان سلوك السعر رح يتغير عشان تخرج من صفقتك وتشوف لو تدخل بالاتجاه المعاكس في حال توافقت الإشارة مع تحليلك على طريقة أبو ياسر

بالملحفات مع كتالوج الشرح مبسط جدا

[mbkingdom]

سامووو المملكة

رد: ... خبرتى ...
مؤشرين مفيدين مع طريقة أبو ياسر

أشكال الشموع : من ضمن الإعدادات حقته الغي تفعيل رسم الخطوط فقط خليه يعطيك سهم التجاه للشمعة وتحته اسم الشمعة عشان يبقى الشارت نضيف
الدايفرجنس : يحدد اشكال الدايفرجنس للتسهيل للمبتدئين او اللي ما بيعرفوه ومهمته في حال ظهوره بيأكد ان سلوك السعر رح يتغير عشان تخرج من صفقتك وتشوف لو تدخل بالاتجاه المعاكس في حال توافقت الإشارة مع تحليلك على طريقة أبو ياسر

بالملحفات مع كتالوج الشرح مبسط جدا

جزاك الله عنا كل خير على الخدمة دي ربنا يكرمك

[المستشار اللي مايشار]

جزا الله أخونا أبو ياسر خيرا على هذا الجهد والموضوع والطريقة الأكثر من رائعه

وجزا الله أخونا (البلطجي) سامو .. كل خير على مشاركته الفاعله في هذا الموضوع

وجزا الله كل من شارك في هذا العمل خيرا

وياليت أحد الإخوان سواءا البلطجيه أو غيرهم يلخصو هذا الموضوع في ملف word أو pdf لتعم الفائده ويسهل الرجوع اليه .

[Abu Yaser]

صباح الفل عليكم اجمعين

ما شاء الله يا دكتور فعلاً عندما اقرأ شرحك اجد نفسى امام خبير يتحدث بصدق

والله يعجز اللسان عن الوصف ما استطيع ان اقول لك "بارك الله فيك ورزق رزقاً حلالاً طيباَ"

والحمد لله وضحت نقطة سلوك السعر

تقبل فائق احترامى

الله يخليك يابو صلاح
ويبارك لك فى صلاح
وحاول تخليه يبتدى الفوركس من دلوقتى عشان يطلع متأسس

عفوا حبيبي أبو ياسر
انت عم تقول الاستراتيجية التانية متل لما عملت اليوم بيع وكان عند مقاومة شهرية وبدع ماتشكلت شمعة سقوط من السطح على فريم الساعة
هذا اللي بتقصده بالاستراتيجية التانية
والاستراتيجية الأولى هية كسر القناة والإغلاق فوقها بقوة ؟
كلاي صحيح ولا في تعديل عليه جزاك الله كل خير

لا يا استاذ سامو
الاستراتيجية التانية فكرة تانية خالص
مكمّلة للفكرة دى

[Abu Yaser]

بظن الحين حسب نظرية سلوك السعر السعر ضعفت قوته في النزول وتشكلت شمعة انجلف لفوق
وهناك مقاومة لتحت شوية تقريبا هية مقاومة شهرية ويومية بنفس الوقت وعلى شارت الأربع ساعات واليومي الاتجاه صاعد
لكن على الساعة الاتجاه قناتين هابطات


شو تحليل هذه الحالة ؟

برافو برافو برافو يا سامو


هو ده اللى احنا عاوزين الناس توصل له
ولو الكل وصل للمرحلة انه يحلل بالفكر ده ويربط الفريمات كده هاننتقل للخطوة التانية فورا

اما عن تحليل هذه الحالة
فانا كنت هاتكب عن النهاردة فى مشاركة لوحدها بس انت تستاهل اكتب التحليل فى الرد بتاعك

النهاردة يا اخوانى من الايام اللى اتكلمنا عنها قبل كده نظرى وجبنالها صورة قديمة
اهى بتتكرر عملى معانا

لما يكون الأحمر عريض اوى والأزرق كذلك
وده بيتكون بعد يوم زى امبارح طالع بقوة نازل بقوة وفقد القوة فى الطلوع والنزول زى ما تفضل الاخ سامو بالذكر وفتح سعر اليوم بالقرب من خطوط المنتصف
فبيكون التداول النهاردة على الفرص القوية اوى بس
يعنى بعد الكسر واعادة الاختبار مثلا
او عند الارتداد مرتين من الحدود
المقصود انه بيكون يوم من الايام البايخة ولازم له تأكيد كويس عشان ندخل

وتانى
برافو يا سامو
وحلو مؤشر اشكال الشموع اللى بيكتب اسم الشمعة فوقها للاخوان اللى مابتعرفش فى الموضوع ده
وان كان مش دقيق اوى بس اهو احسن من مافيش

[Abu Yaser]

بجد فنان واستاذ.......انا بعد موضوعك ده اكتشفت اني كنت بتاجر في سوق العبور.......الله يجزيك خير

ممكن طلب من فضلك.............مشاركة حلوة منك تشرح فيها على الشارت انواع الشموع اللي ممكن نستفاد منها اثناء المتاجرة زي شرحك لشمعة فولنج اوف ذي رووف.
واشكرك مرة تانية..........وسامحني لو كنا بنتقل عليك يا فناااااااااااااااااااااااااااااااااااااااااااااااا اااااااان

ههههههههه ضحكتنى جامد بسوق العبور دى أضحك الله سنك

استاذ جمال بما انك خبير فى الشموع
ممكن اعرف منك
ايه هى افضل الشموع الى بيكون بعدها حركه قويه زى انهارده كده
سواء شمعه استمراريه او انعكاسيه
يعنى حضرتك قلت
falling of the roof
شمعه مهمه وبتعتمد عليها ايه كمان ممكن الاعتماد عليه لفكره الرالى؟

حاضر نتكلم شوية عن الشموع وافضلها
من

[ahmed5]

مؤشرين مفيدين مع طريقة أبو ياسر

أشكال الشموع : من ضمن الإعدادات حقته الغي تفعيل رسم الخطوط فقط خليه يعطيك سهم التجاه للشمعة وتحته اسم الشمعة عشان يبقى الشارت نضيف
الدايفرجنس : يحدد اشكال الدايفرجنس للتسهيل للمبتدئين او اللي ما بيعرفوه ومهمته في حال ظهوره بيأكد ان سلوك السعر رح يتغير عشان تخرج من صفقتك وتشوف لو تدخل بالاتجاه المعاكس في حال توافقت الإشارة مع تحليلك على طريقة أبو ياسر

بالملحفات مع كتالوج الشرح مبسط جدا

اخي العزيز شكرا على الموشر

[Abu Yaser]

انا مش عارفة اشكر حضرتك ازاى كفاية كرم اخلاقك معانا
انا فهمت بالنسبة لسلوك السعر بس زى ماحضرتك قلت لازم الممارسة والملاحظة ومن كتر متابعة السعر حنعرف اكتر رسمت دلوقتى القناتين الجداد لليوم الجديد من بعد الساعة 12 وعملت خط احمر عن الحد السفلى للقناة الزرقاء الى واضح من شارت الساعة انه القناتين نازلين لاسفل وعلى الاربع ساعات صاعد لكن مدام على الاربع ساعات كسر الخط المنتصف يبقى ينزل يلمس الحد السفلى ليه والى بيقابل تقريبا 1.6140 وعشان كده لقيت برضه ان النقطة دى بشارت الساعة بتقابل الحد الاسفل من القناة الزرقاء فاحنا كده نستنى لحد مايوصل للنقطة دى ونشوف حيخترقها ولا يرتد منها والمتوقع اكثر انه يرتد لان شارت الاربع ساعات موضح صعود والاحتمال الثانى انه مينزلش للنقطة دى ويكسر خط المنتصف للقناة الحمراء والزرقاء ويكمل صعود للحد العلوى من القناة الزرقاء على شارت الساعة والى هو بيقابل خط منتصف القناة الزرقاء بشارت الاربع ساعات عند النقطة 1.6300 تقريبا
هل انا كده فاهمة صح ولا فيه حاجة ناقصة عندى

وآدى تانى واحدة اتخرّجت بجدارة


هو النهاردة يوم التخرج ولا ايه؟
برافو عليكى يا جومانة وباين من اول مشاركة انك هاتوصلى لكده واكتر


انا جاوبت عن سؤالك على النهاردة التوقع فيه ايه
وتحليلك ممتاز وده اللى اتوقعه
بس خلينا نتاجر فى المضمون لما تكون الفرصة ممتازة والفريمات متفقة

[ahmed5]

صباح الفل أخونا أبو ياسر

[kingooo]

أستاذنا الكبير

صباح الخير يا باشا

طيب مادام البوند شكله ضعيف النهارده ممكن على جنب كده تقولنا رأيك في اليورو
لاني شايف القناتين بتوعه (تقريبا متوسطين, ارجو التصحيح) وشبه منطبقين وعلى الساعة السعر خرج من الازرق بس لسة مخرجش من الاحمر!! عكس الشكل اللي تعلمناه قبل كده (حيث كان الاحمر دائما هو الأرفع لكن النهارده العكس!)
وكذلك هو عند الحد السفلي للاحمر على الاربع ساعات

فهل هو معرض اما للارتداد لأعلى أو اختراق كل الحدود السفلية دي بقوة؟

[karim yahia]

انا حاسس انى مش فاهم

بس ايه ؟؟مش عارف