النتائج 526 إلى 540 من 32997
الموضوع: ... خبرتى ...
- 08-03-2011, 11:10 AM #526
رد: ... خبرتى ...
الف شكر يا سامو على اثرائك للموضوع
ومشاركتك الفعّالة
المؤشر بتاع اشكال الشموع مفيد فعلا للمبتدئين عشان يبقوا معانا فى الصورة وان كان محتاجين الناس تفهم انه ساعات بيشاور على شموع غلط
ازاى غلط؟
فى البرمجة (ودى لعبتى انا بقى ههههه) قايلين للمؤشر لما الشمعة تعمل الشكل الفلانى يبقى تكتب اسمها كذا
وده صح
ولكن من المهم جدا مكان الشمعة مش شكلها وبس
بمعنى
شمعة بولش انجلف مثلا عبارة عن ايه؟
عن شمعة هابطة (حمرا) بتيجى بعدها شمعة صاعدة (خضرا) لكى تبتلعها تماما وده دليل على سيطرة المشترين بعد سيطرة البائعين و و و و
ولكن كل ده لابد ان يكون بعد ترند هابط
لازم
يعنى ما ينفعش تيجى شمعة بولش انجلف او هامر مثلا بعد ترند صاعد
ولكن بالنسبة للمؤشر وقت ما تنطبق الشروط الخاصة برسم الشمعة هايكتب اسمها فوقها بغض النظر عن مكانها
بس اهو زى ما بيقولوا
نص العمى ولا العمى كله ههههه
وطبعا طبعا الافضل ان الناس تقرا وتتعلم وتقدر تطلع الشموع بنفسها
اما المؤشر التانى فلا انصح به
والف شكر على حبك للمساعدة اخى سامو
اللهم آمين
ولك مثله
وعقبال ما تبقى بلطجى زى سامو (ده اذا كان هو كده)
- 08-03-2011, 11:20 AM #527
رد: ... خبرتى ...
السلام عليكم ورحمة الله وبركاته
كل الشكر لك ابو ياسر على ما تقدمه من خبرات وتعب
سؤالي :سلوك السعر نحدده حسب اغلاق الشموع وتحديدا شموع الساعة؟
وبارك الله فيك
- 08-03-2011, 11:23 AM #528
رد: ... خبرتى ...
اهلا اهلا بيك
سؤالك جميل
بص انا مش هادّعى انى عارف بقى كل حاجة ومقطع السوق ده طالع نازل ههههه
وانا مش هافتى فى اللى ماعرفوش زى ما بيحصل
اليورو كسر قناة اليومى (يعنى مقاومة شهرية اتقلبت لدعم) وبيعمل الوقتى اعادة اختبار فهل هايكسر ولا هايرتد؟ بس خلى بالك ده يومى يعنى ممكن ياخد يوم يومين على ما يعمل شمعة تاكيدية
وعلى ال 4 ساعات فهو على الحد السفلى للأحمر يعنى مقاومة اسبوعيه، فهل هايكسر ويروح للأزرق اللى مش بعيد عنه اوى (اعتقد ده) ولا هايرتد من هنا؟
ولكن على الساعة كسر بالفعل الأزرق وعمل اختبار ونازل للأحمر فهل هايكسر الأحمر كمان؟
يعنى على اليومى بيقول هايرتد ويصعد (ده لو اكد الاختبار)
وعلى ال 4 ساعات كذلك
وعلى الساعة كسر لتحت
بص بأمانة
انا النهاردة ماباحبش اشتغل فى يوم زى ده
الا لما الاقى فرصة ذهبية والسعر بيقول انا اهو
ولو مش كده بلاااااااااش واشتغل بكرة احسن ما اتعلق فى تريدة واقعد اعيّط جنبها، ولا اخسر فلوسى (اعتقد هنا الفرجة احسن بكتير)
حتى لو شايف ناس تانية كسبت (ربنا يوسع عليهم) ماهو فيه ناس اكتر خسرت (ربنا يعوض)
انما انا خلينى فى المضمون
ده رأيى الشخصى
صباح الخير استاذ احمد
هههههههههه
حلوة يا كريم
انا هاوضحهالك
بس امتى؟ مش فاكر
هو انا ايه اللى جابنى هنا؟
- 08-03-2011, 11:28 AM #529
رد: ... خبرتى ...
لا والله بجد انا حاسس ان الناس فهمت وانا مش قادر أكون رؤية عن السعر لحد دلوقتى
- 08-03-2011, 11:42 AM #530
رد: ... خبرتى ...
سؤال فى الجووووووووون
والله عندنا عقليات ممتازة ما شاء الله كنوز مدفونة بس اللى يطلّع
شوف
تحديد السلوك السعرى بيكون طبعا بعد الاغلاق مش قبل عشان ممكن يغير ولو فى آخر 5 دقايق وبذلك تتغير شكل الشمعة وتقفل على حاجة تانية
ولكن هل ده فى كل الفريمات؟
للأسف لأ
الفريمات المتوافقة هى الساعة فأقل
وانا لا اعتمد الأقل لعدم قوة تأثيره فى الحركة الأكبر
فيكون عندنا فريم الساعة هو الوحيد المتبقى الذى يُعتمد عليه من حيث التوافق والتأثير
ده كلام كبير وانا مش فاهم منه اى حاجة
تانى
كل شركة وليها البرنامج بتاعها ولو اتفقوا على الشكل ولكن الداتا بتيججى من سيرفر تانى خاص بالشركة
والشركات بتختلف اسعارها (واحنا مش فى صدد ليه الاختلاف مش كله سوق واحد، مش مشكلتنا الوقتى خلينا فى الواقع)
وكمان مش بتختلف اسعارها وبس بل وتوقيتها
فلو بصينا على شمعة ال 4 ساعات
هاتلاقى ان مثلا فيه فرق بين شركتى وشركتك ساعتين
يعنى بداية ال 4 ساعات بتاعتى هى نص شمعة ال 4 ساعات بتاعتك
وكده هاتختلف شكل الشموع تماما
والل عندى شكلها هامر مثلا عندك هاتلاقيها شبه البطاطس
وكذلك الفريم اليومى بعض الشركات بتفتح متاخرة ساعة او بدرى ساعة وساعات ساعتين
فشكل الشمعة اليومية مش هايكون شبه اللى عندى برضة
انما لما نيجى لشكل شمعة الساعة هاتلاقى ان حتى لو الشركة فتحت متاخرة فهايكون شكل الشموع من بعد ما تفتح مشابه (الى حد ما) الشكل فى الشركة التانية
وعشان كل ساعة مستقلة (مش بيجمع كل 4 سوا زى ال 4 ساعات) برضة بتكون متشابهة
فده شرح اللى فات عن التوافقية
وكذلك الفريمات الاقل من الساعة متوافقة
ولكنها غير مؤثرة فى الحركة اوى
يعنى مثلا فريم الربع ساعة ممكن يكون عامل ترند صاعد قوى، وهو كل ده بيرسم ساعتين بس (8 شمعات على الربع) يكونوا مجرد تصحيح بسيط
فالشغل على الربع بيكون للأهداف البسيطة وغير مهتم بالاتجاه العام
فالنتيجة ايه
أفضل فريم متوافق ومؤثر هو الساعة
ولكن
بما انك (انت لوحدك) هاتكون شغال على شركة واحدة، فموضوع التوافق ده مش مهم اوى (بس ده فى حالة انك جربت اشكال الشموع الأكبر زى ال 4 ساعات واليومى ولقيتهم فعلا بيعملوا نتيجة الشمعة) يعنى لم ال 4 ساعات هامر يبقى بيحصل نتيجة الهامر او بولش انجلف ويكون ليها تاثير
بكده ممكن تعتمد باقى الفريمات على الشركة دى
بسسس خلاااص
أخوكم د/ شعبان عبد الرحيم
- 08-03-2011, 11:43 AM #531
رد: ... خبرتى ...
اخيييييييييرا انتهيت من القراءة لكل المشاركات ؛؛
بس انا حاسس اني مفهمتش غير 10% !!!!!!! أممممممممممممم
اوك اقرأ تاني
بصراحة موضوعك يا دكتور لا يشبع من قراءته مرات ومرات ومرات ....
- 08-03-2011, 11:47 AM #532
- 08-03-2011, 11:49 AM #533
- 08-03-2011, 12:33 PM #534
رد: ... خبرتى ...
السلام عليكم
صباح الخير
اهوه الصنايعي وصل ياصطى
سؤال على الطاير
انا مش حطلع من موضوع القنوات لحد مافهمها كويس
دكتور
اذا كانت القناتين كل وحده وليها اتجاه يعني وحده صاعده ووحده هابطه على نفس الفريم
فانا هنا ازاي حعرف الاتجاه
او اعتمد انهي وحده فيهم
- 08-03-2011, 01:00 PM #535
- 08-03-2011, 01:15 PM #536
رد: ... خبرتى ...
أخوي أبو ياسر انا عندي اقتراح بخصوص موضوع الشموع
هذا المؤشر مرفق ومفتوح الكود لو تقدر بخبرتك البرمجية وبالشموع " وهذا شي يمك ماحدا غيرك يقدر يساعدنا فيه "
انك تضيف الشموع اللي موموجودة ولو في أخطاء تعدلها لنا والله يجزيك ألف خير
- 08-03-2011, 01:58 PM #537
رد: ... خبرتى ...
طريقك ساعدتنى على البيع اليورو من الهاى عند 1.3985
عشان السعر كان على وسط الاحمر و الشموع كانت ضعيفه
دلوقتى يا د-جمال
ده شارت اليورو 4 ساعات
نلاقى انا السعر كسر خط الوسط للاحمر و الازرق
ثم اعاد اختباره
ثم هبوط شمعه قويه على ال 4 ساعات
و دلوقتى على دعم اسفل الاحمر و الازرق سويا
و مع النظر على شارت الساعه
السعر كسر القناتين معاه و اعتقد ان ليه صعود كاعاده اختبار على الاقل
اعتقد اننا كده المفروض البائعين يستكفو بالربح ( خلاص جاب التارجت الى هو 80% من الفرق بين الوسط و الاسفل) و يصبرو حتى ظهور علامات ارتفاع او استكمال هبوط؟؟
و لا نفضل فاتحين البيع؟آخر تعديل بواسطة مصطفى خالد ، 08-03-2011 الساعة 02:01 PM
- 08-03-2011, 02:25 PM #538
- 08-03-2011, 02:27 PM #539
- 08-03-2011, 02:44 PM #540
رد: ... خبرتى ...
السلام عليكم جميعاً ورحمة الله وبركاته
مجهود رائع يا دكتره وربنا يكتر من امثالك
بصراحة انا كنت منقطع عن المشاركات من فتره ولكن موضوعك اجبرني
على المشاركة , احتراما لشخصك اولا , وتقديراً للجهد المبذول ثانيا
تمنياتي بالتوفيق وفي ميزان حسناتك ان شاء الله
اخوك / مصطفىآخر تعديل بواسطة FOREX STAR ، 08-03-2011 الساعة 02:50 PM