... خبرتى ...

[Abu Yaser]

انت اللي لك مننا كل الشكر

احنا بنتعلم منك حاجات تانيه وانت مش داري كمان ( الاخلاق , حسن التعامل , حب المساعده , الابتسامه .... ) بالاضافة للعلم اللي بتقدمه فسامحنا اننا بننسخ منك كل حاجه

والله كلك ذوق
وانا بجد مش عارف ارد اقولك ايه
ربنا يكرمك

[l HamOksha l]

حاجه زي الفل بصراحة
مفيش كلام يتقال بعد كده
كله يستعد ويوسع جيووبه بقا
هههههههههه
ربنا يجازيك كل خير يا دكتور جمال ويكتبه في ميزان حسناتك ان شاء الله

[tarek7oot]

الحمد لله رب العالمين
صفقات اليوم كانت كالتالى
شرا بمكسب 45
بيع بمكسب 50
بيع بمكسب 20
ثم بيع اخير بمكسب 20
بمجموع +135
من الكيبل فقط (وده اللى اتقال هنا فى المنتدى لايف غير صفقات اخرى)
مع العلم ان حركة الكيبل اليوم كاملة كانت 104 نقطة حتى الان
يعنى مجموع اللى قلناه هنا لايف اكتر من الرينج التحرك كله
ولله الحمد من قبل ومن بعد
والحمد لله المرة دى انا عارف ان فيه ناس استفادت بالفعل (عشان قالولى على الشات) بس يارب يكون فيه اكتر منهم استفادوا سواء قالوا او ماقالوش مش مهم المهم الافادة

ونتفرغ بقى لكتابة الموضوع بتاع الاكتفاء السعر

دكتورنا الغالي
ممكن اسباي البيع مع الشارتات اخونا الغالي
انا تقرييا فهمت اسباب البيع الاول
ولكن البيع الثاني والثالث فلم افهم اسبابها
وطمعانين في كرمك اخي ابو ياسر

[abosalah]

تعالوا نمشى مع بعض خطوة خطوة عشان التطبيق
اولا احنا عاوزين الرينج اليومى
فهانروح لشارت الديلى ونحط عليه مؤشر
ِATR
باعداداته (14)
وبعدين نشوف قراءة المؤشر على امبارح كانت ايه
وطبعا زى ماحنا متعودين بنشتغل على امبارح عشان مايكونش فيه اى تغيير ولا حد يقولى ده كان كذا وقت مانا بصيت انما الوقتى كذا
لا، احنا هناخد قراءة امبارح كانت كام وهانمشّى بيها على النهاردة

فليكن مثلا النهاردة
هانبص على قراءة امبارح على الكيبل هانلاقيها 118
يبقى اذن متوسط الحركة خلال 14 يوم هى 118 نقطة
ومن هنا نشوف اى بوادر ارتداد قريب من ال 118 نقطة فى اتجاه واحد مع سلوك سعرى مناسب وندخل عكس الاتجاه
ايوة عكس الاتجاه

وخلى بالك
احنا هانقيس اللى مشيه الكيبل من اللو للهاى
مش من الافتتاح

فالكيبل مثلا مشى النهاردة 104 نقطة من اللو للهاى
وعمل الهاى ده الساعة 2 الظهر
وكان فاضل له على 118 مجرد 14 نقطة للوصول الى متوسط الرينج اليومى
امال باقى اليوم هايعمل ايه؟ لسه فيه عندنا 10 ساعات
فانا بعت (سيبك كمان الوقتى من سلوك السعر) فحتى لو طلع وارتد عليا
هايرتد كام نقطة؟؟ ولمدة اد ايه هايقدر يفضل طالع؟؟؟ ولو طلع تانى وكتير هاعزز بيع عشان كده هايبقى استهلك اكتر والنزول بتاعه هايكون اسرع واقوى
فما بالكم انه عامل كمان سلوك سعر للنزول بشمعة انا باحبها وجيبنا سيرتها كتير هى الفولنج اوف ذى رووف!!!!! وبالقرب من الرينج اليومى يعنى بيع بيع بيع
وعشان كده نزل النزلة دى

وزى ما الاستراتيجية الاولى كانت هى الترند والدعوم والمقاومات بمنتهى البساطة
فالاستراتيجية التانية هى حاجة اسمها الماركت بروفايل لو تسمعوا عنها برضة بمنتهى البساطة

90% من الناس بتدخل السوق من منطقة الوسط
بمعنى ان السعر ما بيكونش لسه اخد اتجاهه
الناس بتحب تصطاد الاتجاه من اوله
وانتوا طبعا عارفين النتيجة مش محتاج اتكلم كتير
انما فكرة الماركت بروفايل باختصار وبدون تزويق فى الكلام وعمل شكل هلامى للمواضيع البسيطة
هى انك تدخل بعد ما السعر يستهلك قوته
طيب ليه بيكون استهلك قوته؟
عشان معظم اللى بيكونوا اخدوه عكس الاتجاه من اوله فقدوا الامل انه يرجع كل ده تانى وخسروا كتير
ومعظم الل اخدوه صح من اوله او ركبوا الموجة مظبوط (زى ماحنا بنعمل فى الاستراتيجية الاولى) هايكونوا بيقفلوا على ارباحهم
فاحنا ندخل هنا عكس الاتجاه واحنا مطمئنين ان السعر مش هايعكس وحتى لو عكس مش هايكون بنفس القوة اللى كان عليها وهو بصحّته هههههه

يتبع ...

د/ جمال ممدوح

يعجز لسانى عن الكلام

بجد لو الواحد بيأخد دورة مش هيتشرح زى ما حضرتك بتشرح

انا الحمد لله فهمت الكلام كله وباقى ابص بصه على الشارت

[ahmed5]

والله الواحد يفتخر عندما يجد هكذا عقول في عالمنا العربي وان الغرب ليس بافضل منا وان بامكاننا ان نصنع وننتج افضل منهم اذا تعاونا...
انا اشكر الاستاذ جمال على هذا العمل الرائع

[الحاير]

الف الف شكر يادكتور

وجزاك الله خير


شوف كم واحد بيدعيلك الان

وفقك الله الى مايحب ويرضا

وباقين متابعين

ولسى القنوات عايزه دراسه مكثفه

شوف يادكتوره

انا لسى شريت الدولار فرنك على الاستراتيجيه الثانيه

لانه تجاوز الرينج اليومي بتقريبا 12 نقطه واهوه طالع

بس ماقلتلناش ازاي نحدد الهدف على الاستراتيجيه الثانيه

[aboziad]

بجد انت رجل كريم وتستاهل كل خير

[awadkab]

الله يعطيك العافية دكتور جمال

انا جالس افكر ايه أقول وأبحث عن كلام يناسب الحالة اللي انا فيها من التفائل
ولكن يعجز اللسان

الله يعطيك العافية ويغفر لك ولوالديك ويبارك لك في مالك و أهلك ....

وأنا طبقت اللي شرحته ودخلت تجربة على EUR/CHF بعد ما وصل الرينج بتاعه و أغلق على الاربع ساعات قرب خط المنتصف للأزرق وفعلا ارتد الى اعلى

شكرا

[maxmous]

يااااااااه اخيرا خصلت الموضوع

اشطه بس كدا انا دماخى بقيت فل
انا هستخبى شويه اطبع عملى
وارجعلك مع الاسئلة
تحياتى
ولا اقولك
الله الموفق
المجلس الاعلى للقوات المسلحة

[سامووو المملكة]

طيب يا أخوان معلش انا شوي فهمت بالعكس

مثلا الرينج اليومي للمجنون خلال 14 يوم هو 130 نقطة

واليوم تحرك صعودا 73 نقطة شو مفروض أعمل

بيع من الآن ؟؟؟

[Challenge]

كفيت ووفيت يا دكتور جمال ، بارك الله لك في صحتك وولدك ومالك ، ونسأل الله العلي القدير أن يبسط عليك من رزقه وبركاته ورحمته ، اللهم آمين

[maxmous]

طيب يا أخوان معلش انا شوي فهمت بالعكس

مثلا الرينج اليومي للمجنون خلال 14 يوم هو 130 نقطة

واليوم تحرك صعودا 73 نقطة شو مفروض أعمل

بيع من الآن ؟؟؟

سامووووو ازيك ياباشا عامل ايه
والله يا ساموو على حسب فهمى المتواضع
اعتقد انك لو هتستخدم الاستراتجية التانيه لوحدها يبقى تستنى لما يعدى حاجز ال 100 ويفضل انو يعدى الرينج اليومى
وساعتها تدخل عكس الاتجاه
بس دلوقتى وهو 74 نقطه اعتقد متدخلش
ونستنى برضو لما الدكتور يجيى ويؤكد المعلومه

[متفائل ولكن]

مشكور يادكتور على افكارك الرائعة
وعندي سؤال اذا تكرمت : عن الطريقة لمعرفة وقراءة الرينج اليومي باستخدام مؤشر ATR ؟
يعني كيف عرفت ان الرينج اليومي للكيبل 118 نقطة ؟
تحياتي للجميع

[سامووو المملكة]

سامووووو ازيك ياباشا عامل ايه
والله يا ساموو على حسب فهمى المتواضع
اعتقد انك لو هتستخدم الاستراتجية التانيه لوحدها يبقى تستنى لما يعدى حاجز ال 100 ويفضل انو يعدى الرينج اليومى
وساعتها تدخل عكس الاتجاه
بس دلوقتى وهو 74 نقطه اعتقد متدخلش
ونستنى برضو لما الدكتور يجيى ويؤكد المعلومه

معناها متل ما نا فهمتها

بس يكون جاب الرينج اليومي ندخل عكس الاتجاه

[maxmous]

معناها متل ما نا فهمتها

بس يكون جاب الرينج اليومي ندخل عكس الاتجاه

ايووووون كدا
نستنى لحد ما السعر يجيب الرينج اليوميى وندخل عكس الاتجاه