... خبرتى ...

[k-m]

السلام عليكم

اشكرك يادكتور وفعلاً لازم نحصر عملات نتعامل معها

ايه رايك يادكتور انت حدد اربع ولا خمس ازوج من خلال خبرتك ونظرتك على كم شارت واحنا معاك

-------------

طيب سؤال : ايه دور المقاومات والدعوم الافقية ( قمم وقيعان ومستويات فيبوناشي ) هل نعيرها الاهتمام ولا لا ؟؟

انت بتنساني ليه يادكتور ولا انا مش داخل قناة عندك هههههههههه

احنا والله عاذرينك على الكم الهائل من الاسئلة والردود وانت بتساعد لوحدك لكن عقبال مانبقى كلنا بنساعدك صح

انا سألت لان السعر فعلاً ارتد من مقاومة من اللي انا بعنيها

[Abu Yaser]

نشوف بقى الموضوع التانى
انا كنت فكرت انى اعمله فى موضوع مستقل
ولكن قلت يبقى كله هنا افضل عشان عدم التشتيت شوية الناس تتابع هنا وشوية فى التانى

بسم الله الرحمن الرحيم

كنا شرحنا ازاى نقدر نعرف الاتجاه وازاى نقدر نمشى معاه
ولما ندخل تريدة ازاى نكون واثقين بنسبة كبيرة فى اننا صح وفى الاتجاه السليم حتى انها اذا ارتدت علينا برضة مانقلقش وبترجع تانى لمسارها الطبيعى (ده لو ارتدت اساسا هههه)

المهم
نيجى بقى للمرحلة التانية وده بعد ما الناس فهمت المرحلة الاولى ولله الحمد
المرحلة التانية دى عبارة عن استراتيجية متكاملة فى حد ذاتها
وممكن الشغل بيها لوحدها
وممكن نستخدمها مع الاستراتيجية الحالية والدمج بينهما

يتبع ...

د/ جمال ممدوح

[abosalah]

كلنا اذان صاغيه يا دكتور

[Abu Yaser]

انت بتنساني ليه يادكتور ولا انا مش داخل قناة عندك هههههههههه

احنا والله عاذرينك على الكم الهائل من الاسئلة والردود وانت بتساعد لوحدك لكن عقبال مانبقى كلنا بنساعدك صح

انا سألت لان السعر فعلاً ارتد من مقاومة من اللي انا بعنيها

مش بانساك والله
بس انا كنت قلت رايى فى الكيبل كذا مرة من الصبح
وانا خلص صفقاتى النهاردة
وباحاول اعمل المرحلة التانية
انما مش ناسيك ولا باتجاهلك

[k-m]

مش بانساك والله
بس انا كنت قلت رايى فى الكيبل كذا مرة من الصبح
وانا خلص صفقاتى النهاردة
وباحاول اعمل المرحلة التانية
انما مش ناسيك ولا باتجاهلك

انا بمزح معاك ياعم وانا متابع لكلامك لكن المستويات الافقية كدعم ومقاومة وفيبوناشي لم اجدها في الموضوع او لم يتم التطرق لها حتى الان على مااتذكر

ومتابعين بحماس لما فات ولما هو آت

[Mazyado0on]

انت بتنساني ليه يادكتور ولا انا مش داخل قناة عندك هههههههههه

احنا والله عاذرينك على الكم الهائل من الاسئلة والردود وانت بتساعد لوحدك لكن عقبال مانبقى كلنا بنساعدك صح

انا سألت لان السعر فعلاً ارتد من مقاومة من اللي انا بعنيها

من بعد اذن الدكتور طبعا انت رسمك على فريم الساعه ... لو ترسم الخطوط على فريم الاربع ساعات .. سوف ترى أنه المقاومة اللي انت حاطها هي نفسها آخر خط لمقاومة اسبوعية تم اختبارها وانا دشيت بيع ولله الحمد ربح 40 نقطة ^_^ .. وعوضت خسارة كانت عندي .. والحين راح انزل الصورة لانه عندي فيها استفسار ..


ملاحظتي تقول يا دكتورنا العزيز .. انه السعر هنا أعلى من خط القناة الأسبوعي الأحمر .. ولكن بفريم الساعه .. اهوا اسفل الخط الأحمر الأسبوعي .. وطبعا انا دشيت بيع بعد تكون شمعة حلوة على فريم الساعه بتناسق مع خط دعم اربع ساعات .. وخط الجميل ولله الحمد ..

بس ممكن توضح ليش السعر فوق بالاربع ساعات واسفل بالساعه لانه صج عقدني وصايري بيجنيني .. وحاليا فرصة للشراء لانه السعر رجع يختبر الخط المكسور اليومي الازرق .. أرجوا أن أكون ضمن الناس الفاهمة ^_^

هذه الصورتين

[Abu Yaser]

ازاى نقدر نعرف ان السعر انهك واستُهلك من كتر السير فى هذا الاتجاه؟
شوف
الموضوع ده بيخليك تعمل كذا حاجة
أولا لو استخدمناه لوحده
هانسيب العملة تمشى على راحة راحتها ولما ماتقدرش تمشى اكتر من كده وهاتبدا تعمل تصحيح ناخد احنا التصحيح ده
وثانيا ممكن مايكونش ده تصحيح ويكون عكس للاتجاه ويبقى اخدنا الاتجاه من اول اوله هههههه

طيب ولو هاندمجها مع الاستراتيجية بتاعتنا؟
يبقى مثلا هاناخد السعر طالع لحد لما يفقد قوته (بالاستراتيجية الاولى)
وبعدين ناخده نازل فى التصحيح بالاستراتيجية التانية ههههههه

طيب نعرف منين ان السعر جاب آخره؟
فيه عندنا حاجة اسمها الرينج اليومى للحركة، ودى بتختلف من عملة لأخرى
يعنى مثلا، ممكن نقول ان متوسط حركة الكيبل مثلا هى 140 نقطة
ممكن يوم 120 وممكن يوم 150 فيكون المتوسط مثلا 140
يقوم لما الكيبل يمشى 140 نقطة النهاردة يبقى كده عمل اللى عليه وزيادة والساعة مثلا 6 بالليل امال هايعمل ايه باقى اليوم؟؟ اكيد هاينزل
فلو كان السعر مشى 140 نقطة طلوع مثلا يبقى ممكن نبتدى نفكّر فى البيع، والعكس صحيح

طيب هانعرف منين متوسط الحركة لكل عملة؟ هل نتابعها فترة؟ طيب ولو حصل انفجار مفاجىء هل نحسبه ولا نعمل ايه؟

بدل كل العذاب ده والحسابات دى كلها
فيه عندنا مؤشر فى البرنامج برضة جاهز وهو مهم جدا اسمه
ATR (Average True Range)
أو متوسط معدل الحركة الحقيقى
ده هايقولك كل حاجة لوحده من غير حسابات

تعالوا بقى نطبق القصص دى عملى

يتبع ...

د/ جمال ممدوح

[k-m]

من بعد اذن الدكتور طبعا انت رسمك على فريم الساعه ... لو ترسم الخطوط على فريم الاربع ساعات .. سوف ترى أنه المقاومة اللي انت حاطها هي نفسها آخر خط لمقاومة اسبوعية تم اختبارها وانا دشيت بيع ولله الحمد ربح 40 نقطة ^_^ .. وعوضت خسارة كانت عندي .. والحين راح انزل الصورة لانه عندي فيها استفسار ..


ملاحظتي تقول يا دكتورنا العزيز .. انه السعر هنا أعلى من خط القناة الأسبوعي الأحمر .. ولكن بفريم الساعه .. اهوا اسفل الخط الأحمر الأسبوعي .. وطبعا انا دشيت بيع بعد تكون شمعة حلوة على فريم الساعه بتناسق مع خط دعم اربع ساعات .. وخط الجميل ولله الحمد ..

بس ممكن توضح ليش السعر فوق بالاربع ساعات واسفل بالساعه لانه صج عقدني وصايري بيجنيني .. وحاليا فرصة للشراء لانه السعر رجع يختبر الخط المكسور اليومي الازرق .. أرجوا أن أكون ضمن الناس الفاهمة ^_^

هذه الصورتين

اخي الحبيب الرقم 6238 مقاومة افقية ومقاومة القناة على الاربع ساعاتن شايفها لكنها عند 6190 يعني السعر دخل داخل القناة لخمسين نقطة وارتد والان على شمعة الاربع ساعات شمعة بيع ولا احلى كنها والافتتاح خارج القناة الصغيره

وكمان ملاحظه ياليت تغير في الخلفية عندك الصور مش واضحه كتير

[ahmed5]

متابعون معك يا دكتور

[Abu Yaser]

تعالوا نمشى مع بعض خطوة خطوة عشان التطبيق
اولا احنا عاوزين الرينج اليومى
فهانروح لشارت الديلى ونحط عليه مؤشر
ِATR
باعداداته (14)
وبعدين نشوف قراءة المؤشر على امبارح كانت ايه
وطبعا زى ماحنا متعودين بنشتغل على امبارح عشان مايكونش فيه اى تغيير ولا حد يقولى ده كان كذا وقت مانا بصيت انما الوقتى كذا
لا، احنا هناخد قراءة امبارح كانت كام وهانمشّى بيها على النهاردة

فليكن مثلا النهاردة
هانبص على قراءة امبارح على الكيبل هانلاقيها 118
يبقى اذن متوسط الحركة خلال 14 يوم هى 118 نقطة
ومن هنا نشوف اى بوادر ارتداد قريب من ال 118 نقطة فى اتجاه واحد مع سلوك سعرى مناسب وندخل عكس الاتجاه
ايوة عكس الاتجاه

وخلى بالك
احنا هانقيس اللى مشيه الكيبل من اللو للهاى
مش من الافتتاح

فالكيبل مثلا مشى النهاردة 104 نقطة من اللو للهاى
وعمل الهاى ده الساعة 2 الظهر
وكان فاضل له على 118 مجرد 14 نقطة للوصول الى متوسط الرينج اليومى
امال باقى اليوم هايعمل ايه؟ لسه فيه عندنا 10 ساعات
فانا بعت (سيبك كمان الوقتى من سلوك السعر) فحتى لو طلع وارتد عليا
هايرتد كام نقطة؟؟ ولمدة اد ايه هايقدر يفضل طالع؟؟؟ ولو طلع تانى وكتير هاعزز بيع عشان كده هايبقى استهلك اكتر والنزول بتاعه هايكون اسرع واقوى
فما بالكم انه عامل كمان سلوك سعر للنزول بشمعة انا باحبها وجيبنا سيرتها كتير هى الفولنج اوف ذى رووف!!!!! وبالقرب من الرينج اليومى يعنى بيع بيع بيع
وعشان كده نزل النزلة دى

وزى ما الاستراتيجية الاولى كانت هى الترند والدعوم والمقاومات بمنتهى البساطة
فالاستراتيجية التانية هى حاجة اسمها الماركت بروفايل لو تسمعوا عنها برضة بمنتهى البساطة

90% من الناس بتدخل السوق من منطقة الوسط
بمعنى ان السعر ما بيكونش لسه اخد اتجاهه
الناس بتحب تصطاد الاتجاه من اوله
وانتوا طبعا عارفين النتيجة مش محتاج اتكلم كتير
انما فكرة الماركت بروفايل باختصار وبدون تزويق فى الكلام وعمل شكل هلامى للمواضيع البسيطة
هى انك تدخل بعد ما السعر يستهلك قوته
طيب ليه بيكون استهلك قوته؟
عشان معظم اللى بيكونوا اخدوه عكس الاتجاه من اوله فقدوا الامل انه يرجع كل ده تانى وخسروا كتير
ومعظم الل اخدوه صح من اوله او ركبوا الموجة مظبوط (زى ماحنا بنعمل فى الاستراتيجية الاولى) هايكونوا بيقفلوا على ارباحهم
فاحنا ندخل هنا عكس الاتجاه واحنا مطمئنين ان السعر مش هايعكس وحتى لو عكس مش هايكون بنفس القوة اللى كان عليها وهو بصحّته هههههه

يتبع ...

د/ جمال ممدوح

[Abu Yaser]

يعني حضرتك قفلت البيع؟

بالنسبالى حاليا ممكن اقفل البيع عند السعر الحالى 170
مش عشان السعر اكتفى
لا عشان انا اللى اكتفيت وتعبت جدا عشان متابع من الصبح
وكتبت النهاردة كمية كتابة ما عملتهاش فى حياتى كلها
ههههههههه
شكرا على اهتمامك

[سامووو المملكة]

أخوي أبو ياسر ما تحليلك عىل المجنون من خلال الشارتين للساعة وال أربع ساعات المرفقات

لأن شايف حركة السعر على الأربع ساعات غريبة كذا مرة اغلق فوق وتحت القناة ؟؟؟

[Abu Yaser]

نيجى ليوم زى اول امبارح
نفس النظام
انا قلت بيع ليه؟
لما يكون مشى 102 نقطة من أصل 125 والساعة لسه 1 الظهر
مع عمل شمعتى المفضّلة فولنج او ذى رووف
يبقى ناقص ايه؟؟

طيب الفكرة هنا بقى
هل كل عملة نفتح الشارت اليومى بتاعها الصبح ونعرف الرينج بتاع امبارح ونحفظه لكل عملة لوحدها
وكل شوية نقيس من اللو الى الهاى عشان نعرف العملة اتحركت اد ايه ونقارنهم ببعض؟
ده يكون اليوم خلص والحركة اللى انت عاوز تلحقها سابتك ومشيت

امال نعمل اييييه؟؟
ولا حاجة

هههههههههه

انا اللى هاعمل
فى المرفقات مؤشر انا عامله، بسيط جدا جدا، كل اللى بيعمله هو انك تحطه على فريم الساعة اللى بتتاجر عليه
وهو يروح لوحده لليومى ويعرف قياس رينج امبارح للعملة اللى انت حاطه عليها ويكتبهالك فوق على الشمال

بس كده؟
لا
الناردة احنا معانا اوفر اتنين فى واحد هههههههه
بيقيس كمان فارق اللو من الهاى اللى هو رينج الحركة بتاعت النهاردة وبيكتبه جنبه

يعنى مثلا لما تلاقيه كاتبلك فوق على الشمال
118 114
يعنى السعر رينجه اليومى المتوسط هو 114 (اللى مكتوبه على الشمال)
وهو الوقتى اتحرك النهاردة 118 (اللى على يمينها)
يبقى مع اول سلوك سعرى للنزول (مش لازم فولنج اوف ذى رووف) يبقى بييييييع فورا وبلا تردد
وخاصة اذا كان جاب الارقام دى بدرى شوية من اليوم

وبس كده


كل اللى انا طالبه من حضراتكم هو حاجة واحدة
ان اللى هاينقل ده فى اى حتة تانية
او حتى هاياخد المؤشر عشان يكمّل عليه انه يذكر الموضوع الاساسى
عشان القصص دى ربنا يعلم انا تعبت فيها اد ايه
مش فى عمايل المؤشر ده كلام فاضى
انما فى الفكرة والدراسة وعمايل الباك تيست لحد ما اثبتت جدارة

ولكم منّى الف شكر


اخوكم
د/ جمال ممدوح

[k-m]

انت اللي لك مننا كل الشكر

احنا بنتعلم منك حاجات تانيه وانت مش داري كمان ( الاخلاق , حسن التعامل , حب المساعده , الابتسامه .... ) بالاضافة للعلم اللي بتقدمه فسامحنا اننا بننسخ منك كل حاجه

[azeroth]

بارك الله فيك وبارك لك في ياسر