... خبرتى ...

[Abu Yaser]

الرسم تمام يا باشا وممكن برضو تنظر تاكيد الدكتور

100 100

[Abu Yaser]

النقطه دي مش واضحه اوي

ياليت توضحها يادكتور اكثر وياليت بالشارت اسهل للفهم

نقطه ثانيه

اتكلمت عن انطباق القناتين في الاربع ساعات واليومي لتحديد الاتجاه

طيب اذا لم تكن متطابقه

المتاجره مفهوم انها على شارت الساعه ولكن الفريمات الاكبر لها دور كذلك عايزين نعرف ان لم تكن القنوات

متطابقه على الاربع ساعات واليومي كيف يكون التعامل مع السعر وماهو دور خط القناه المتوسط لكلا القناتين

التخينه والرفيعه وهل ناخذه بعين الاعتبار

ماعليش استحملني شويه على تخانة مخي

وتحياتي للجميع

متابع انت كويس ما شاء الله

اذا لم تكن متطابقة يتم التعامل معاه عادى زى ما شرحنا على فريم الساعة
كل الفريمات زى بعضها (مجرد اختلاف حجم الترس) ليختلف حجم الهدف والدرو داون فقط
انما الانماط هى هى

اما دور الخط الأوسط فده عشان اذا السعر سلوكه اتغير قرب الناطق دى تبتدى انت تخلى بالك
بمعنى انه مثلا هابط وانت بايع على الساعة
لو على ال 4 ساعات كان عند خط النص وعمل مثلا هامر ولا بولش انجلف يبقى يا تقفل البيع يا تخفف العقود يا تحط استوب على مكسب المهم يكون ليك رد فعل للسلوك بتاع السعر

استاذنك استاذ جمال الجزء بتاع التذبذب و الرينج الضيق دى لو تشرحهالى بالصور ازاى توقعه و ازاى التعامل معاه لان دى مشكلتى الازليه و اهم شىء عايز افهمه من الموضوع :]

من عينيا


الشكل ده بيكون الأزرق عريض اوى والأحمر كذلك عريض اوى
وبيكون الفروق بينهم مش كبيرة، وكمان افتتاح اليوم شبه فى المنتصف
فعشان يقدر السعر يمشى كل العرض دة وبعدين يكسر بيكون ضعف العزم بتاعه (موضوع العزم ده احنا لسه ماتكلمناش فيه وهو مهم)
فعشان كده باريح نفسى واقفل او اتابع من بعيد
واستنى لما يبان اتجاه محدد وبلاش طمع واخده طالع نازل
ممكن التداول خلال اليوم اللى زى ده بالعكس
يعنى على الارتداد مش الكسر
البيع من الحد العلوى، والشرا من الحد السفلى (ده اذا السوك السعرى عمل شكل ارتدادى هامر ولا شوتنج زى اللى فى الصورة)

بس ليه؟؟
انا ماباحبش اغامر
استنى احسن اتجاه وتأكيد واضح

خلى بالك من حاجة
اذا انت دخلت بيع مثلا من الحد العلوى وكسره لفوق ده معناه ايه؟؟
معناه انه هايطير لفوق زى ما شرحنا قبل كده وتبقى حضرتك اخدت الترند الصاعد بيع من اوله ما شاء الله هههههههه

انا افضّل الصفقة المتكاملة
يارب تكون الفكرة وصلت
واذا بتحبوا اى شرح تانى بالصور انا جاهز
فقط حددوا النقطة المطلوب شرحها

[amr eltabei]

الشكر لمراقب المنتدى الى دوخته عشان يعملى التعديلات الى كنت عايزها فى المشاركات

المجنون
عشان amreltabei

4 ساعات
الملف المرفق 263372
المجنون مش مجنون على فريم ال 4 ساعات

صفقه 1 صفقه مثاليه
كسر نص الاحمر و هوعلى حدود الازرق
شراء مثالى حتى وسط الازرق و 113 نقطه بسرعه البرق فى 8 ساعات
احلى اصطباحه فى الاسبوع

صفقه 2
السعر كسر وسط الازرق و اغلق فوقه
سؤالى هنا لد- جمال
هل كنت هاتقفل صفقه 1 المفتوحه لانه خلاص وصل لخط الوسط و احتمال يهبط
و لا هاتعزز تانى و تحط تارجت الحد العلوى فى الازرق لان الشمعه اخترقت ؟؟
و لا شكل الشموع هو الى هايحدد؟؟
عموما هى حققت 120 نقطه فى 24 ساعه

صفقه 3
بيع مثالى لكنها ماجابتش التارجت المطلوب و حققت لحد 100 نقطه من 170 المفروض
لكن بعد الشمعه الصاعده الى حققت نموذج ابتلاع هل تخرج ب 50 نقطه و لا تصبر ؟؟

صفقه 4
بعد خروج السعر مباشره من الازرق نشترى؟؟
و لا نصبر على اعاده الاختبار؟؟
و نحدد التارجت ازاى و الاستوب ازاى ؟؟

لو انا فاهم الطريقه صح يبقى نصبر على اعاده الاختبار
و لو انا د-جمال هادخل على طول و اخرج فور اغلاق الساعه الى ديلها طويل


فريم الساعه
الملف المرفق 263373

صفقه 1 خاسره

اغلاق تحت وسط الاحمر
هل كنت هاتقفلها فور ظهور الشمعه الخضرا التاليه؟؟
ام الشمعه الليموزين التى كسرت وسط الاحمر و تقفل البيع و تدخل شراء لتارجت اعلى الازرق ؟؟

صفقه 2 رابحه
بيع المجنون من حد الازرق العلوى
السؤال هنا د-جمال كان هايقفلها بمكسب عند الوسط و لا هايصبر لحد الحد السفلى ؟؟
اعتقد ان ه كان هايقفلها عند الحد الاوسط لان الاتجاه صاعد و دعم و وسط الازرق و الاحمر معا
كل دى دعوم
مكسب 80

صفقه 3
دلوقتى السعر كسر الاحمر
لكن مكسرش الازرق
و السعر متذبذب بينهم؟؟

اعتقد لو انا فاهم صح اننا شاريين من حدود الازرق عند 1.33.70 لانه كمان اعاده اختبار مقاومه مكسوره
صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و هل ممكن نستخدم الدعوم و المقاومات مع الطريقه؟؟

تحياتى وتقديرى اخ مصطفى على مجهوداتك وشاكر جدا لتعبك

[thecreativex]

تمام انا كده فهمت
طب بالنسبه للتعزيز ايه رايك فى امبارح كان شراء
هو بعد الاختراق عكس حوالى 45 نقطه بس جاب نقطه الدخول
التعزيز يكون من لمس الخط السفلى لقناة اليومين ؟ و لا ليه شرط معين ؟
اصل امبارح كنت مركز انهارده فصلت :]

[thecreativex]

و استفسار كمان عشان نمخمخ كده
ده شارت الاربع ساعات


وده شارت الساعه


الحاله هنا تكون ايه بالظبط ليوم 2 اقصد

[sulheen]

اخى الفاضل ماهى المنصة التى تتعامل معها
المنصة الوحيدة المتوافقة مع توقيت مصر هى منصة ويندسور فى التوقيت الشتوى وفى التوقيت الصيفى تفرق ساعة تقريبا

[thecreativex]

اخى الفاضل ماهى المنصة التى تتعامل معها
المنصة الوحيدة المتوافقة مع توقيت مصر هى منصة ويندسور فى التوقيت الشتوى وفى التوقيت الصيفى تفرق ساعة تقريبا

منصة altrade

[Abu Yaser]

تمام انا كده فهمت
طب بالنسبه للتعزيز ايه رايك فى امبارح كان شراء
هو بعد الاختراق عكس حوالى 45 نقطه بس جاب نقطه الدخول
التعزيز يكون من لمس الخط السفلى لقناة اليومين ؟ و لا ليه شرط معين ؟
اصل امبارح كنت مركز انهارده فصلت :]

ماشى يا عم
نمسك يوم زى امبارح بالتفصيل شويتين

أولا امبارح ماكانش الكسر محترم، يعنى مش بعزم كويس يادوب قافل فوق الأحمر بكام نقطة
ومع ذلك دخلنا، للالتزام بالاستراتيجية ولكن بعقود قليلة جدا (بالنسبة لى 10% من اللى المفروض ادخل بيه، خلى بالك مش 10% من الحساب)
وبعدين السعر عمل شمعة دوجى بعد الدخول (على الساعة 3)
وده دليل اكبر على الضعف للعزم
ومع ذلك احتفظنا بالعقود (عشان قليلة)
وبعدين السعر نزل وعمل اختبار وارتد فعلا كل اللى نزله وطلع لسعر الدخول (الساعة 8) قلنا تمام (ولكن ماكنتش معزز عشان كل اللى نزلهم 17 نقطة مش مستاهلة تعزيز)
بس الفكرة ان الشمعة برضة قفلت دوجى، يعنى هى ارتدت ولكن ليس بالقوة المطلوبة
واللى بعدها قفلت دوجى وصغيرة (شمعة الساعة 9) وكلهم مش عارفين يكسروا هاى اليوم عند 290
فى الحالة دى لو حد حب يقفل على نقطة الدخول او بربح كام نقطة بسيطة ممكن
بس انا ما قفلتش
والسعر ارتد عليا 45 نقطة (مش مشكلة عشان العقود القليلة)

ولما لقيت الاتى
على ال 4 ساعات لمس خط النص
على الساعة لمس خط النص
وعمل على الساعة حاجة تسمى مورنينج ستار (نجمة الصباح) يعنى مكان خطين نص وتأكيد من سلوك السعر
اشتريت تانى (وبرضة مش بكل الكمية المطلوبة) فقط ب 40% من اللى المفروض أدخل بيه من الأول اذا كانت صفقة مكتملة الشروط
فيبقى المجموع 50% من اساسى عقود الدخول (10 فى الأول و 40 تعزيز)
ولما رجع السعر تانى لنقطة الدخول الأولى قفلت الكل على شمعة الساعة 13 لعدة أسباب
أولا قفلت الشمعة وبرضة ماقدرتش تكسر حاجز ال 290 هاى اليوم
ثانيا الشكل العام للسلوك السعرى يدل على ضعف
ثالثا وده الأهم الترس الكبير (ال 4 ساعات) اساسا وصل للهدف من يومين (راح لمس الأزرق بعد اختراق الأحمر) يعنى قوة الشراء مش بالعزم المطلوب
المهم
فيصبح الاجمالى 40% مضروبين فى ال 45 نقطة و10% على نقطة الدخول
ولله الحمد

فلازم تبقى متعايش مع السعر عشان تحس بيه

بس

[ellliottt]

السلام عليكم شباب
----------------------------------
حبيت ادخل واشارك معكم مادام لدي وقت قليل الان فاحببت استغلاله لان ما اقدر اتابع معكم خلال الاسبوع.
-----------------
اساس فكره الاخ ابو ياسر هي التالي
دوره كبيره ثم اصغر ثم اصغر او عجله كبيره ثم اصغر ثم اصغر
ومتابعه الحركه عليهم
والدخول مع اعاده الاختبار بعد الاختراق+تضبط اداره راس المال مع الطريقه+المتاجره على فريم الساعه مع مشاهده الاربع واليومي لاخذ نظره عامه.+الشموع اليابانيه
لاحظ اول صوره بصوره مبسطه



الان نفتح فريم الديلي ونرسم حسب الطريقه ولكن مرتين مره متاخره ومره حسب الطريقه لاخذ نظره عامه لثلاثه اشهر كما في الصورتين ادناه

+


الان ناتي الى فريم الاربع ساعات ونرسم القنوات ونلاحظ اي قناه تم اختراقها وكانت القناه الجديده


الان ناتي الى فريم الساعه اللي الشغل راح يكون عليه ..
نلاحظ لما اخترقت القناه الجديده على الاربع ساعات ماذا حدث على فريم الساعه

اختراق قناتين ثم اعاده اختبار


اليوم اللي بعده تم كسر القناه الجديده الصاعده والدخول مع اعاده الاختبار مع النظر لبقيه الفريمات


القناه القديمه الان اخترقت والدخول مع اعاده الاختبار كانت هناك فرصتين مع النظر للفريمات الكبيره


اخر يوم في الاسبوع القناه الجديده هذه المره اخترقت والدخول مع اعاده الاختبار


----------------------------------------------------
اعتقد الطريقه واضحه وهي الدخول مع اختراق احد القناتين واعاده اختبارها مع موافقه الفريمات الاكبر للتاكيد والله اعلم
على العموم بالتوفيق وهذا ما فهمته لان بصراحه العمل مع القنوات وبالخصوص لعمله متذبذبه شيء جميل جدا والكيبل هو اصلا يحب القنوات وطرق التذبذب ولما يحدث رالي تكون منتبه حسب الطريقه لان فيها خاصيه اللي ممكن تعطيك اشارات قبلها.
((ولا تنسوا ربط الطريقه مع الشموع كما يقول الاخ الكريم صاحب الموضوع))
----------------------
فقط يبقى موضوع الوقف والتعزيز والاهداف .
وطبعا هناك اشكال راح تتكرر لديكم وراح تحفضوها حفظ بالمتابعه.
اخوكم اليوت الحقيقي مو تبع الموجات لا واحد اصلي

[Abu Yaser]

و استفسار كمان عشان نمخمخ كده
ده شارت الاربع ساعات


وده شارت الساعه


الحاله هنا تكون ايه بالظبط ليوم 2 اقصد

حاضر يا سيدى نشوف اليوم ده كمان
كل ده تتقيل على ال د/ زهدى اللى بيعمل الكتاب ربنا يكرمه هههههه
واللى بالمناسبة جيت ارد عليه على الخاص قافل استقبال الرسايل

اليوم ده لو حد باع لما السعر كسر فهايكون كسب حوالى 35 نقطة يعنى مافيش خسارة
واقصى خسارة ممكنة انه لما يمشى 35 نقطة اكيد هاينقل الاستوب على الدخول فهايضرب الاستوب ويطلع ب0 ده لو كان داخل بيع اساسا

الفكرة فين؟
احنا قلنا اننا بنشوف الترس الاكبر الاول
على ال 4 ساعات الاسبوع من اوله شرا
والسعر لما نزل على الساعة كان على خط المنتصف بالظبط على ال 4 ساعات
ابسط شىء فى اسبوع شرا والسعر فى المنتصف انى اشوف السلوك السعرى هايعمل ايه هنا (محتاجين تأكيد جامد عشان نمشى ضد الاتجاه، لو مع الاتجاه محتاجين تأكيد بسيط)
فهانلاقى السعر عمل على ال 4 ساعات بولش انجلف بعد ما لمس خط النص فى اسبوع صاعد يبقى شرا على طول

بس انا بالنسبالى عملت حاجة تانية
اشتريت بدرى حبتين
ليه؟
تعالى نشوف
زى ما قلنا من شوية بس هانقول تانى عشان تعرف التفكير بيكون ازاى
الاسبوع صاعد (ده من ال 4 ساعات)
لمس خط النص (4 ساعات)
ارتد من خط النص (بس لسه شمعة ال 4 ساعات ما قفلتش هنا يعنى ماقدرش اقول بولش انجلف لسه، بس ارتد ومشى لفوق 3 ساعات بحالهم)
بعد قفل الساعة 10 (فريم الساعة) يصبح لدينا الاتى (ده زيادة عن كل اللى اتقال فوق تانى)
السعر ماقدرش يكسر منطقة 220 لكذا شمعة بذيول طويلة
شمعة الساعة 10 قفلت بولش بوضوح مع ذيل طويييل (هى مش هامر بس شغالة ههههه)
الى جانب ان السعر ارتد تانى وقفل داخل الاحمر بعد ماكان قفل خارجه
فدخلت قبل حتى ماتقفل شمعة ال 4 ساعات بساعة
ولما قفلت شمعة ال 4 ساعات وضحت الاستمرار فى اتجاه الشرا
ده للدخول

اما الخروج (زى ما قلنا نبقى عارفين دخلنا ليه وعارفين خرجنا ليه)
كان عند قفل شمعة 13 على الساعة
عشان الاتى
لمس الحد العلوى للأحمر مرتين (شمعة 12 وشمعة 13) وعدم استطاعتهم كسره
لمس الحد السفلى للأزرق
شمعة 13 قفلت بشكل فليبينج (شبيه الدوجى) يعنى احتمال الارتداد وارد
طيب وليه؟
مانا اخد ال 60 نقطة واحمد ربنا واعيش حياتى
حتى لو هو طلع بعدها (ده بعد ما كان نزل تقريبا كل اللى كنت كسبته) فأنا مش لازم اعصره واخد الحركة بالكامل

بدل ماكان نزل كل اللى انا كسبته (زى ذيل شمعة 15) وماطلعش تانى كان زمانى باندم انى ماقفلتش صح؟

يارب اكون شرحت كويس

[Abu Yaser]

السلام عليكم شباب
----------------------------------
حبيت ادخل واشارك معكم مادام لدي وقت قليل الان فاحببت استغلاله لان ما اقدر اتابع معكم خلال الاسبوع.
-----------------
اساس فكره الاخ ابو ياسر هي التالي
دوره كبيره ثم اصغر ثم اصغر او عجله كبيره ثم اصغر ثم اصغر
ومتابعه الحركه عليهم
والدخول مع اعاده الاختبار بعد الاختراق+تضبط اداره راس المال مع الطريقه+المتاجره على فريم الساعه مع مشاهده الاربع واليومي لاخذ نظره عامه.+الشموع اليابانيه
لاحظ اول صوره بصوره مبسطه



الان نفتح فريم الديلي ونرسم حسب الطريقه ولكن مرتين مره متاخره ومره حسب الطريقه لاخذ نظره عامه لثلاثه اشهر كما في الصورتين ادناه

+


الان ناتي الى فريم الاربع ساعات ونرسم القنوات ونلاحظ اي قناه تم اختراقها وكانت القناه الجديده


الان ناتي الى فريم الساعه اللي الشغل راح يكون عليه ..
نلاحظ لما اخترقت القناه الجديده على الاربع ساعات ماذا حدث على فريم الساعه

اختراق قناتين ثم اعاده اختبار


اليوم اللي بعده تم كسر القناه الجديده الصاعده والدخول مع اعاده الاختبار مع النظر لبقيه الفريمات


القناه القديمه الان اخترقت والدخول مع اعاده الاختبار كانت هناك فرصتين مع النظر للفريمات الكبيره


اخر يوم في الاسبوع القناه الجديده هذه المره اخترقت والدخول مع اعاده الاختبار


----------------------------------------------------
اعتقد الطريقه واضحه وهي الدخول مع اختراق احد القناتين واعاده اختبارها مع موافقه الفريمات الاكبر للتاكيد والله اعلم
على العموم بالتوفيق وهذا ما فهمته لان بصراحه العمل مع القنوات وبالخصوص لعمله متذبذبه شيء جميل جدا والكيبل هو اصلا يحب القنوات وطرق التذبذب ولما يحدث رالي تكون منتبه حسب الطريقه لان فيها خاصيه اللي ممكن تعطيك اشارات قبلها.
((ولا تنسوا ربط الطريقه مع الشموع كما يقول الاخ الكريم صاحب الموضوع))
----------------------
فقط يبقى موضوع الوقف والتعزيز والاهداف .
وطبعا هناك اشكال راح تتكرر لديكم وراح تحفضوها حفظ بالمتابعه.
اخوكم اليوت الحقيقي مو تبع الموجات لا واحد اصلي

الف الف شكر على اهتمامك وتوضيحك للاخوان
يا عم المفروض انت اللى تشرح هنا
اسلوبك جميل

بس آخر صورتين هم اللى مش تمام اوى
ودول انا كنت لسه شارحهم حالا كل واحدة فى مشاركة منفصلة
ايه الحالة بتاعتهم وكيفية التعامل معاهم

بس بجد
الله ينوّر

[l HamOksha l]

انت فنان يا دكتورنا والله
ايه الشرح الجميل ده عن البرايس اكشن
حبيت الباوند والله من شرحك عليه

[hussamammar]

الله ينور عليك يا باشا...شرح رائع و ابداع حقيقي و بلا تعقيد و وجع راس...بصراحه تعجز الكلمات عن شكرك...الف شكر
و الله يرزقك من حيث تحتسب و لا تحتسب...

[Abozoz]

دكتورنا الغالي
معقول يا راجل اغلق الرسائل ؟؟
دا يوم الفرحه والسرور استلام رساله منكم يا الغالي

ارجوا أن تحتمل اسئلتي يا استاذي
وضعت شارت الشهري
والاسبوعي يعني 4 ساعات
واليومي يعني لاكتشاف الشهري

وانا بصراحه اشوف اليومي من اول شمعه 5 دقائق ولم اطبقها هنا سوف احاول
لست ادري ان كانت رسوماتي صح ام لا؟؟
على كل حال انتظر توجيهاتكم وان شاء الله سأكون نعم الطالب اللي بسمع الكلام
تحياتي لكم




اضافة شارت 5 دقائق

[triqooo]

تحية من القلب لك اخي الكريم على هذا الموضوع الشيق ونرجو من الله ان تعم الفائدة على الجميع
في البداية تعتقد ان الموضوع سهل ولكن في الحقيقة التطبيق العملي يختلف والموضوع صعب جدا
من خلال متابعتي للباك تست وجدت انك قد تحظى بفرصة واحدة على الاقل ذهبية خلال الاسبوع والذي اطلقت عليها فرصة 100% اي كاملة الشروط وتستحق الدخول بعقد كبير حيث يكون الهدف كبير 60 نقطة فما اكثر
نصيحة لي اولا وللاخوة الاعضاء ان يستخدموا استوب لوز في البداية حتى يتمكنوا منها ان شاء الله واذ كنت احبذ العمل على الديمو في البداية يكون افضل
وفقك الله وسدد خطاك ومتابعين ومساندين لك اخي الكريم
تقبل احترامي