... خبرتى ...

[Abu Yaser]

بس على كده بقه اللى حصل النهارده مع اليورو دولار المفروض نفس حالى البوند دولار ولكنه طلع وطلع ده تعتبر حالة إستثنائية بفعل الأخبار ولا برضه ليها تفسير ؟

بمنتهى الأمانة
أنا حاطط اليورو تحت الاختبار هو وعملتين تانيين زيى زيكم
انا متخصص فى الكيبل من 6 سنين
كيبل فقط
ومن اول مارس اللى هو من يومين اثنين قلت لما اجرب الفكرة على عملات تانية
لقيت اليورو شغال كويس
بس الحركة بتاعت النهاردة غريبة زى مانت قلت

انما شوف الكيبل واحترامه
حتى لو الناس ماستافدتش من الطلوع البسيط ده
اهو رجع كل اللى طلعه وشوية كمان لحد لما لمس الحد السفلى للأزرق

وآدى آخرة اللى يسيب الكيبل

[Abu Yaser]

ابو ياسر هل بالامكان استخدام ماسبق ذكره على فريم 30 دقيقه

وياليت توضيح مفصل عن طريقة الدخول كذلك معرفة ايام التذبذب من ايام الترند

ولو خرج السعر من كلا اللونين هل يعني ان هناك انطلاق قوي

ولو بقي كذلك داخل اللون الاحمر ولم يكسره لاصعودا ولاهبوطا فكيف يتم التعامل معه هنا

كذلك كيف استطيع تحديد الاتجاه من بداية اليوم

انا عارف ان الموضوع في اوله بس حبيت احط سؤالي عشان مانساهوش

وجزاك الله الف خير

لو استخدمته على فريم النص ساعة هاتكون الخطوط هى هى عشان مرسومة على فاصل اليومى ومافيش فاصل اقل من كده
وانا عن نفسى أفضّل فريم الساعة عشان ساعات بعد ما بينزل عن الحد الأحمر بيلمّ نفسه وتقفل الساعة فوقه تانى فإنتظر اغلاق الساعة أفضل

لسه باقى التوضيح هاييجى مع الشرح فى موضوع التذبذب

أيوة لو خرج من الاتنين بيبقى عنيف فى الحركة ولكن يكونوا الاتنين بالشكل اللى فى الصورة يوم 28 ماشيين مع بعض

باقى الاسئلة سيجاب عنها تباعا خلال الموضوع
بس خليك فاكرها

[Abu Yaser]

تم عمل بك تست سريع على شهر فبراير كله على البوند (على الحالة دي بس لاني عارف أن حضرتك قلت أن دي أول شكل تقوله ولسة باقي الاشكال ومعناها)

كل الايام حققت نجاح رائع أو ايام لا ينطبق عليها هذا الشكل (وبالتالي اعتبرتها لا دخول حتى يتم شرح باقي الاشكال)

ماعدا يومين فقط ليَّ استفسار فيهم:

أول يوم

الملف المرفق 263229
دخلنا شراء نتيجة خروج السعر من الاحمر ثم سقط السعر لاسفل (قلنا اعادة اختبار) ثم سقط من جديد (؟؟) حتى وصل 114 نقطة أسفل نقطة الدخول و لم يصعد حتى نهاية اليوم
ولكن اذا انتظرنا لليوم اللي بعده نجد الهدف تحقق بنجاح كما في الصورة التالية:

الملف المرفق 263230

اليوم التاني

الملف المرفق 263231

قمنا بالبيع نتيجة خروج السعر من الاحمر, ولكن السعر صعد واستمر في الصعود حتى آخر اليوم وكذلك اليوم اللي بعده ولم يعد لنقطة الدخول إلا بعد تالت يوم !!


وهنا سؤال يفرض نفسه : ماهو الستوب المناسب؟

ملحوظة صغيرة: اعرف اننا (أنا واخواني المتابعين) يمكن نكون نستبق الاحداث وكل ده حضرتك هتشرحه ولكن ده نوع من الشغف والاستمتاع بما شرحته حضرتك.....

اعتقد الستوب و الهدف و التعزيز و ادارة راس المال حتكون فى الجزء بعد شرح الاشكال المتكونه اصبر شويه يا كينجوو :] :]
مع انى زيك عايز اعرف برضه :]

بصراحة انتم الاتنين عاملين شغل كويس اوى اوى
انك تعمل باك تيست فورى كده ولمدة شهر هو ده المجهود المطلوب
وكويس انك كمان جايب النتايج
يعنى شهر بحاله مكاسب ومرتين بس عكس؟؟ ده موضوع رائع

طيب ازاى نقدر نتغلب على المرتين دول كمان؟ (ماهو طمع بقى)
زى ما رد عليك بالظبط كده
ادارة راس المال ، اما الكيفية بالظبط ، مع حاجة كمان لسه هاكلمكم عليها من خلال شارت بتاعك الرائع ده
بس مش النهاردة عشان انا بجد فى غاية الإرهاق والله
حاليا اكتر من 17 ساعة على الكمبيوتر معظمهم باكتب

بس ما تقلقش هاتعرفها هاتعرفها

مرة تانية
برافو عليكم

[Abu Yaser]

ماشاء الله تبارك الله اول مرة اقراء واتابع موضوع وانا مستمتع بارك الله فيك ابو ياسر

سلام عليكم
لا يمكن لاي شخص يقرأ هذا الموضوع الا و ان يسجل اعجابه بالفكره و بالشخص المحترم الي عم يشرح ...اسلوبك راقي و فكرتك عظيمه و انا طبقت كل الي انت قلته و الحمدلله الامور تمام و مستني بقيه الشرح
و بارك الله فيك
كل التحيه و الاحترام لك

بصراحه بسم الله ماشاء الله قمه في السهوله والصور شرحه نفسها
كان نفسي من زمان حد يشرحلنا بطريقه منظمه وبسيطه زي دي بدل الالغاز والاسرار
تعرف انا بفكر اهجر الارقام خلاص
فاضل تعرف تتعامل ازاي مع التذبذب لو السعر بيتحرك في حدود الشكلين ومش راضي يطلع ولا ينزل
وكمان امتى نحدد انتهاء التذبذب زي اللي حصل لليورو ده
مش لسه بقولكم امبارح على حركات النص كم لليورو شفتوا عمل ايه وطلع في قد ايه بص على منطقه الثيران وقالهم استنوا شويه
ومن رأي انه هينزل جري من بكره هابط هابط لمستويات 1.3300 ولا عزاء لحسابي اللي اتمرجن بسببه ماعلينا تتعوض
هو كان في منطقه طاقه وخرج منها ازاي بأه اعرف انا منطقه الطاقه دي وهيتحرر منها امتى علشان ميحصليش اللي حصل ده تاني
مع اني كنت شبه متأكده انه طالع ل 1.3930 لكن متخيلتش يكمل ل 40 نقطه اكتر فملحقتش الحساب طار الحمد لله
هو نظامه اليومين دول كل حركاته كده يعمل منطقه طاقه في اسبوع والترند بتاعه ساعه ولا ساعتين علشان محدش يلحق يستفيد من حركته دي ومحدش يقول اخبار وكلام من ده لانه بيتحرك بمزاجه ولا بيهمه ولو حتى الاخبار جت سلبي كان هيطلع هيطلع
في التذبذب جميل جدا وانا صراحه من عشاق التذبذب ربنا يديمه بس بتكون قلقان واعصابك على كف عفريت ومش مرتاح ولا تعرف تدخل بلوت عالي ليه علشان مش عارفين امتى هيتجنن ويقلبها ترند ومحدش يقولوا استوب لانه مضروب مضروب او هو كده معايا
ما علينا طولت عليكم
وفي انتظار استاذ جمال لتكمله المشوار
سلام مؤقتا

بصراحة استفادة من اول جزء
ومتابعين ان شاء الله
الله يعطيك العافية د/ جمال ممدوح
ويرحمك ويرحم والديك

الله يبارك فيك اخي ابو ياسر على هذا الشرح المميز
والموضوع القيم

بارك الله فيك وجزاك الله الجنه انت ووالديك

ممتاز جدا حتى الآن، بانتظارك يا دكتور

بارك الله فيكم
والحمد لله كثيرا انى قدرت افيد الاخوان هنا عشان هم فعلا يستاهلوا كل خير
ويارب نقدر نكمل على نفس المنوال
الف الف شكر لكم جميعا

[NFL]

لا مش ده سبب الدخول
على فكرة انا كل اللى عندى باقوله بجد وبضمير
ولو كنت باعمل خطوط على 3 ايام كنت قلت

انما سبب دخولى شرا (وكانت ملاحظة كويسة منك) ودى آخرة اللى يجيب صور من اكونت بيشتغل عليه
كان عشان اكتفى نزول على ترس الربع ساعة وكان لازم يطلع كده قبل ما يكمل نزوله فى الساعة
فأخذت الشوية بتوع الطلوع وبعدين نزلنا مع بعض ولله الحمد

مبروك ياأستاد تستاهل كل خير ومنك نتعلم
كنت حطلب شرح ترس الربع ساعة لكن لن أستبق الأحداث وحخليك تشرح بالتسلسل
بالتوفيق أخي والله يقويك ويعطيك الصبر معنا

[Abu Yaser]

الملف المرفق 263253

هل معنى كده ان الباوند استكفى هبوط؟؟
لانه على التريند الازرق؟؟؟؟؟؟؟؟

مستيين من د-جمال الاجابه

أيوة يا استاذ مصطفى اكتفى (بالنسبة للنهاردة)
ولما يخلص اليوم نرسم الخطوط عشان نعرف بكرة هايحصل ايه باذن الله

[gomana]

]دكتور جمال انا رسمت القناة على التريد فياريت تاكدلى كده تمام والصورة بالمرفقات
انا اول مرة اعرف الاداة دى بس عجبتنى كتير بسيطة فى الاستخدام وبترسم القناة لوحدها كأنه ترند صغير

[abonasir]

د. جمال .. لا يعرف قيمة ما تكتب إلا من عايش الفوريكس في هذا المنتدى طوال هذه السنوات .. بعد كل هذه السنوات من التجارب والمؤشرات والاكسبيرتات والاستراتيجيات .. لا يصح إلا الصحيح .. العودة إلى الجذور .. العودة إلى أصل الفوريكس .. الدعم والمقاومة

وهذا ما فعلته بعد كل هذه السنوات .. رميت كل المؤشرات والاكسبيرتات وراء ظهري .. وركزت على الدعم والمقاومة..

كل كلمة تكتبها أخي أبو ياسر .. ترجعني للأصول .. ترجعني لأيام الوافي رحمة الله عليه .. وتحليلات أخي طلال السميري .. عندما كان الفوريكس واضحاً وبسيطاً بدون زحمة المؤشرات والخطوط والألوان ..

أهنئك على شجاعتك في هذه الانتفاضة أو الثورة المباركة لترجع الأشياء إلى أصولها وتضع النقاط على الحروف .. وهنيئاً لكل مبتدئ يقرأ هذا الموضوع .. لأن ما يكتبه أخونا أبو ياسر .. هو الأصل الذي يجب أن نتعلمه ..

[Abu Yaser]

]دكتور جمال انا رسمت القناة على التريد فياريت تاكدلى كده تمام والصورة بالمرفقات
انا اول مرة اعرف الاداة دى بس عجبتنى كتير بسيطة فى الاستخدام وبترسم القناة لوحدها كأنه ترند صغير

أهلا جومانة ازيك
اللى انت راسماه ده تمام
بس ده الخط الأحمر بس
فاضل لسه الأزرق

[Abu Yaser]

د. جمال .. لا يعرف قيمة ما تكتب إلا من عايش الفوريكس في هذا المنتدى طوال هذه السنوات .. بعد كل هذه السنوات من التجارب والمؤشرات والاكسبيرتات والاستراتيجيات .. لا يصح إلا الصحيح .. العودة إلى الجذور .. العودة إلى أصل الفوريكس .. الدعم والمقاومة

وهذا ما فعلته بعد كل هذه السنوات .. رميت كل المؤشرات والاكسبيرتات وراء ظهري .. وركزت على الدعم والمقاومة..

كل كلمة تكتبها أخي أبو ياسر .. ترجعني للأصول .. ترجعني لأيام الوافي رحمة الله عليه .. وتحليلات أخي طلال السميري .. عندما كان الفوريكس واضحاً وبسيطاً بدون زحمة المؤشرات والخطوط والألوان ..

أهنئك على شجاعتك في هذه الانتفاضة أو الثورة المباركة لترجع الأشياء إلى أصولها وتضع النقاط على الحروف .. وهنيئاً لكل مبتدئ يقرأ هذا الموضوع .. لأن ما يكتبه أخونا أبو ياسر .. هو الأصل الذي يجب أن نتعلمه ..

اللى انت بتقوله ده تاج على راسى
من واحد تانى اقدم منى فى المنتدى
انا عاوز اسألك على حاجة
هو ليه كل القدام من سنة 2006 مشاركاتهم لا تتعدى ال 200؟ وانا كنت واحد منهم (كانت لا تتعدى ال 100) بس قبل مافتح الموضوع ده

فعلا حاجة غريبة
بجد انت منوّر

[gomana]

دى تانى شارت للقناتين
لانى بطبق خطوة خطوة لسه حشوف الباقى
هو اى خط ازرق الى مش رسماه لانى مش عارفه ؟

[Abu Yaser]

دى تانى شارت للقناتين
لانى بطبق خطوة خطوة لسه حشوف الباقى
هو اى خط ازرق الى مش رسماه لانى مش عارفه ؟

كده خلاص مظبوط
الأزرق هو اللى انت لسه راسماه الوقتى
كده تمام
ورينا الشغل بقى

[gomana]

كده خلاص مظبوط
الأزرق هو اللى انت لسه راسماه الوقتى
كده تمام
ورينا الشغل بقى

طب حضرتك كده بعد الرسم عشان اعرف احدد اتجاه الباوند بكرة مش مفروض ارسم القناة الكبيرة ليومين قبله يعنى يوم 2 و3 مارس والقناة الصغيرة ليوم 3 مارس فقط ولا ايه
يعنى القناة الكبيرة تترسم قبل اليوم الى عاوزة اتوقع اتجاه ولسه حيجى بيومين ولا ثلاث ايام

[Abu Yaser]

طب حضرتك كده بعد الرسم عشان اعرف احدد اتجاه الباوند بكرة مش مفروض ارسم القناة الكبيرة ليومين قبله يعنى يوم 2 و3 مارس والقناة الصغيرة ليوم 3 مارس فقط ولا ايه
يعنى القناة الكبيرة تترسم قبل اليوم الى عاوزة اتوقع اتجاه ولسه حيجى بيومين ولا ثلاث ايام

انت كده فاهمه تمام جدا
اللى انت راسماه ده بتاع النهاردة
اما عشان نرسم بتاع بكرة فلازم نستنى لما النهاردة يخلص عشان نرسم على الشموع بتاعته
يعنى مع فتحة أول شمعة الساعة 12 بالليل (يعنى كمان ساعتين الا ربع) تقدرى ترسمى توقع بكرة باذن الله

ويا ريت باقى الاخوان يكونوا فاهمين كده
عشان نبتدى نتكلم فى بعض التفاصيل الجديدة
بس مش هاننتقل للجديد الا لما يكون القديم مهضوم تماما

[ابو يحيى 2012]

اللى انت بتقوله ده تاج على راسى
من واحد تانى اقدم منى فى المنتدى
انا عاوز اسألك على حاجة
هو ليه كل القدام من سنة 2006 مشاركاتهم لا تتعدى ال 200؟ وانا كنت واحد منهم (كانت لا تتعدى ال 100) بس قبل مافتح الموضوع ده

فعلا حاجة غريبة
بجد انت منوّر

السلام عليكم ورحمه الله وبركاته

سؤالك جميل اوى وارجو الاجابه عليه من كل الاعضاء الى فى الصورة معايا

وانا طبعاً هجوابك بس مش دلوقتى

لك منى كل الاحترام والتقدير