... خبرتى ...

[اشرف عبد العزيز]

اشكرك جزيلا على سعة صدرك لاسئلة اخوانك فى هذا البيت . بعد متبعتى لرسم الطريقة على الشارت والتى اظن انها اكتر من رائعة للتنبؤ بحركة السعر معنى كدة يادكتورنا الغالى انك لازم تكون مراقب ومتابع للشاشة على مدار 24 ساعة حتى تقتنص الفرص الحية وده طبعا غير متوافر لاغلب الناس وانا اولهم ولا هل هناك طريقة لغير المتفرغين لوضع اوردرات باستوب وهدف وتقفل ال كمبيوتر وتمارس شغلك العادى .
نصلى الجمعة ونكمل بعدها ...................

[azzoug]

متابعين
لكن على المدرجات
انا انتظر شرح الادارة المالية بفارق الصبر

[Abu Yaser]

ادارة راس المال

الموضوع ده لا يقل اهمية عن الاستراتيجية
بل هو جزء لا يتجزّأ منها

أنا عن نفسى وكل واحد يشتغل بلإسلوب اللى يريحه، انا مجرد باشرح اسلوبى ومابالزمش بيه حد

فلنفترض ان راس مالك 25000 دولار (خمسة وعشرين الف عشان اللخبطة فى الاصفار)
فانا بادخل بلوت واحد بس استاندرد
يعنى 10 لوت مينى
يعنى لوت 1 مينى لكل 2500 دولار
يعنى لوت 1 مايكرو لكل 250 دولار
انا حاسس انى فى فرح هههه

وكمان مش بادخل باللوت كله الا اذا كانت الصفقة جايبة نسبة 100%
صفقة زى بتاعت النهاردة عشان تبقوا متابعين معايا
انا شخصيا عملت ايه؟
طبعا السعر على ال 4 ساعات مش لامس ولا كاسر اى حاجة عشان نقول طلوع جامد زى اول الاسبوع (شرحناه قبل كده)
وعلى الساعة شكله تعبان وكسر الأحمر كسرة مش اد كده
انما انا دخلت برضة
بس بأد ايييييييه؟؟
وارجع لمشاركتى هاتلاقينى كاتب داخل بلوت قليل، صح؟
ماقلتش اد ايه عشان ماكناش شرحنا ادارة راس المال

انما انا بادخل كل صفقة حسب نسبة نجاحها (ومانصحش حد يعمل كده الا لو كان متمكن او حسابه كبير، يفضّل الانتظار حتى تكتمل كل الشروط)

فانا ال 100% بتاعتى بادخل زى ماتفقنا ب 10 عقود مينى لكل 25 الف
ولكن انا دخلت فى صفقة النهاردة عشان نسبتها قليلة ب عقد واااااحد مينى لكل 25 الف
وبعد الارتداد الى 250 ولمس ترند ال 4 ساعات الاوسط قلت ندخل بنصف العقود
يعنى 5 لوت مينى
يعنى هانزود 4 على اللى داخلين بيه اساسا
فيبقى المجموع الحالى
1 لوت من سعر 286
و 4 لوت من سعر 250

تعالوا نحسبها سوا
مجمل الخسارة الحالية والسعر الوقتى وانا باكتب 238
1 لوت =-50
4 لوت =-48
يعنى توتال حوالى 100$ من أصل 25 الف !!!!!!!!
آدى حاجة
الحاجة التانية لو انت خوفت من التريدة
أو بانت اشارات هبوط
او اى حاجة تانية
يكفيك ان السعر يطلع 8 نقاط فقط عشان تقفل الكل على صفر
ده لو انت مش عاوز الصفقة دى
8 نقاط

اما لو نزل تانى مثلا
فهاشترى ال 5 لوت اللى فاضلين عشان ابقى مجموع كللللللل اللى عملته 1 لوت استاندرد لكل 25 الف دولار
منتهى ادارة راس المال
والفكرة دى احقاقا للحق مستوحاه مع بعش التعديلات من موضوع واحد محترم جدا زمان كان فاتح موضوع توصيات على الكيبل فقط اسمه الاستاذ
الدُبعى

طيب واحد هايقولى ان كده الموضوع مش هايبقى جايب همّه كنسبة وتناسب
لا نحسبها
خلينا انك ما بتاخدش غير الصفقات ال 100% بس يعنى مش بتلقّط رزقك من هنا ومن هنا

هل مش هاتلاقى صفقتين بس 100% فى الاسبوع؟ ده بدون اى تلقيط
هاتلاقى اكتر من كده بكتييييير ممكن واحدة واتنين فى اليوم مش فى الاسبوع
انما خلينا هم 2 فى الاسبوع
كل واحدة تاخدلك 100 نقطة (داحنا امبارح بس ولايف عاملين ييجى 200 طالع نازل)
انما هانقول 100 نقطة فى صفقتين يعنى 200 نقطة فى الاسبووووووووع (خليها علينا)
يعنى حوالى 800 نقطة فى الشهر (ده لو كان كل الشهور 4 اسابيع بس انما برضة خليها علينا)
لما تكون داخل ب عقد مينى لكل 2500 دولار يعنى النقطة بدولار
يبقى فى الشهر مكسب 800 دولار من أصل 2500 يعنى اكتر من التلت كل شهر (ده واحنا جايين على نفسنا كتير)
ومع ذلك قمة الأمان
عشان انت داخل من نقطة المفروض 100% عشان تدخل بالعقد كله
فهل بعد ال 100% هايرجع عليك 2500 نقطة؟؟؟؟

فانا مش هاحسبهالك فى السنة كام عشان ماتتخضش ولا هادخل الأرباح فى دورة راس المال عشان مايغماش عليك
انما هاقولك على حاجة صغيرة
البنك لو انت حاطط فيه بالمصرى بيديلك نسبة 7% فى السنة (ياخى عيب اوى اللى يقول المكسب كده قليل احنا بنقول حوالى 40% فى الشهرررر)
اما لو حاطط بالدولار بتاخد ما شاء الله نسبة 1.75% فى السنننننة
يعنى لو حطيتهم فى الدولاب هاتفتح اخر السنة هاتلاقيهم زادوا عن كده

وممكن التعزيز (اللى هو التبريد عشان ماحدش يزعل منى) بلوت تانى ده اذا ارتد عليك تانى اكتر
وده مابيحصلش الا اذا انت داخل غلط خالص من الأول
ومع دخولك غلط
ادارة راس المال ممكن تطلعك من الورطة دى

عموما اى استفسار انا فى الخدمة
بس بلاش هجوم عشان انا باقول كل اللى عندى
ولو انت مش عاجبك اللى انا باعمله مافيش اى مشكلة ممكن تشوف موضوع تانى او حتى تفتح موضوع تفيدنا باللى انت بتعمله
انما هجوم ليه؟؟
انا ما خسرتكش حاجة

شكرا لكم

د/ جمال ممدوح

[azzoug]

معليش ممكن ما اخذتش بالي من مشاركتك(بالمصري)
ستوبك كم؟
وهدفك كم ؟

[abulfuf_83]

ممكن لو سمحتم رابط تحميل منصة التريد لكي اتابع معكم
وجزاك الله خيرا على ما تقدمه لاخوانك

[ahmed5]

http://www.alforex.com/for-traders/o...o-account.aspx
تحميل منصة التريد

[hussamammar]

تفضل ...
http://www.alforex.com/files/downloads/at4setup.aspx

[abulfuf_83]

مشكوريييييييين على سرعة الرد والشكر موصول للدكتور ممدوح على هذا الموضوع الرائع

[عنتر بن شداد]

الى الان كله تمام و كل يوم توضح معالم الصوورة لكن فيه استفسار بسيييييييط
وهو ماهي الاستفاادة القصوى من الرسم على فريم الاربع ساااعات ؟؟؟
تحديد الاستوب و التارجت ؟؟؟؟؟؟

[kingooo]

هجوم إيه يا باشا اللي أنت بتقول عليه؟

ده أنا حاسس أني دخلت جامعة فوركس كاملة (مش مدرسة)

بجد بجد أستااااااذ ورئيس قسم كمان

ملحوظة على جنب: بما أن حضرتك متابع المنتدى من زمان وأكيد شفت مواضيع كتير طحن, فياريت ارجوك ارجوك ارجوك متزعلش من أي كلمة ملهاش لازمة من أي حد (ده لو حصل اصلا), ومتنساش أن حتى الاعضاء اللي بيهاجموا كل المواضيع (طبع بقى) لم يستطيعوا أن يمسكوا نفسهم من الدخول لموضوعك وابداء اعجابهم الشديد بالموضوع وباسلوبك ده غير الاعضاء اللي من زمااان مادخلوش دخلوا عشان يشكروك وإإللي كان معتزل واللي كان هيعتزل و.... الكل بدون استثناء شعر بالاعجاب بحضرتك وباسلوبك وبصدقك الواضح جدا ده غير الكتير اللي مستخبيين ورا الشاشة ومتابعين بصمت

يلا بقى كفاية كده مش همدح اكتر من كده لحسن تتغر علينا ;) بس بصراحة مقدرتش امسك نفسي

الله يباركلك

[money-maker]

بصراحه موضوع يستحق ان ترفع له القبعات، واسلوب اكثر من رائع في الشرح

عندي مشكله في رسم القناه السعريه على الاربع ساعات
لو رسمنا القناه من بداية اسبوع لنهايته ستعطي شكل
ولو رسمناها من بداية اسبوع و امتدت لنهاية الاسبوع الثاني ستعطي شكل اخر

اللي فهمته ان نرسم القناه لمستوى يوم واحد فقط على مستوى الساعه و اسبوع على مستوى الاربع ساعات.

لكن في الرسم المقترح يا دكتور تم رسم القناه ممتده على اسبوعين و بذلك اختلفت اشكال القناه السعريه كما مرفق في الصورتين
اي صوره هي الطريقه الصحيحه؟؟
ولك الشكر

[kingooo]

يا عيني على قوة الخط الأوسط للأزرق على فرم الاربع ساعات

[Abu Yaser]

للاسف عكس الباوند

الوقتى ايه الاخبار؟
مش قلتلك العبرة بالنهاية؟

باسلوب ادارة راس المال اللى قلنا عليه كان وصلنا للصفر بعد كل الانعكاس ده من سعر 258
والوقتى وانا باكتب السعر 275يعنى فيه مكسب حوالى 100 دولار لكل 2500
وده واحنا داخلين بنص العقود بس
وكمان لسه السعر ماردش لنقطة الدخول الاولى

انا اللى يهمنى فى القصة دى يا اخوانى انكم تتعلموا الفكرة بالتطبيق العملى
يعنى احنا عملنا تطبيقات لايف امبارح
وآدى النهاردة كان مثل على الارتداد وطلعنا بمكسب مش بطال برضة
انما مش مجرد توصية او حد يسألنى ابيع امتى ولا اشترى امتى
انت اللى تاخد قرارك
وانا كل اللى عليا اقولك الكيفية، انما عاوزك انت اللى تعرف تحدد

ادرس بقى شوية اللى اتقال ده كله
عشان واضح ان فيه بعض الناس ماقريتش كل المشاركات
وانا ساعات باشرح حاجات فى ردودى على الناس
يعنى كل المشاركات مهمة
فرصة بقى الاجازة بكرة وبعده
اقروا بقى بتمعّن
مع عمل باك تيست بنفسك
ماتستناش حد يعمله ويديلك النتيجة

ومن الاسبوع اللى جاى باذن الله انتم اللى هاتقولولى ادخل هنا وماتدخلش هنا وهابقى انا التلميذ المطيع

ربنا يوفق الجميع لما يحب ويرضى

[Abu Yaser]

معليش ممكن ما اخذتش بالي من مشاركتك(بالمصري)
ستوبك كم؟
وهدفك كم ؟

شكلك مابتقراش كل المشاركات ههههه
انا ماعملتش اى توصية
ومش هاعمل
المنتدى مليان توصيات
انا باقول ازاى انت تقدر تعرف بنفسك

وبالنسبة للاستوب للأسف بتعارض مع كل الناس وماباشتغلش باستوب ابدا
وماتتعبوش نفسكم وتقنعونى ان الاستوب بيعمل وبيعمل وبيحمى الحساب و و
مع ادارة راس المال الصارمة ونقط الدخول القوية اللى فى الغالب مع اتجاه الترند انت مش محتاج استوب ابدا
ومهما هاقوك مش هاقنعك ومهما هاتقول مش هاتقنعنى ولكن...
بيننا الاستراتيجية
انا عدّى عليا ايام فى منتهى الصعوبة
فلّست فيها بنوك وشركات ومحلات فول كمان

زى الفترة من أول شهر 8 سنة 2008
شوف الاستراتيجية اللى انا شرحتهالكم عاملة فى الفترة دى ايه
الفترة السودا على العالم كله، تقريبا كانت افضل الفترات
بتكسب حتى لو انت مش عاوز
عشان بتدخل مع الترند غصب عنك
والسعر ايامها كان بيمشى بال 500 نقطة فى الساعة (فاكرها انا الساعة دى)
واحد صاحبى كان شغال معايا وكان معايا ساعتها على التليفون
والله بقى مش عاااااارف يقفل الصفقة مش عارف
وكل ما يدوس يقولوا السعر اتحرك
كان نفسه يقفل الصفقة على 60 نقطة ومش عارف
وبيقى يقول على التليفون طب كده كفاية عاوز اقفل والبرنامج مش راضى
لحد لما قفلها على 300 بالعافية لما السعر هدى شوية
ههههههههههههههه
والله بيكسب وهو مش قاصده

المهم انها فى اصعب الفترات كانت تمام
بس حضراتكم جررررربوا
ماتحكموش وخلاص

اما الهدف فانا قلت امبارح اول ما بالاقى ان السعر كده اكتفى
هاتقولى طيب مانا مش هاعرف دى
هاقولك حاجتين
اول حاجة دى هاتيجى بالخبرة وكتر الممارسة على موضوع التروس وانتم بقى عندكم شكل التروس من الاكبر للاصغر اهو
والحاجة التانية هى انك بتكون كسبان كده كده فأصبحت مشكلتك الوقتى انك عاوز تقفل على اكبر مكسب، مش انك تكسب او حتى تحافظ على راس مالك
يعنى واحدة واحدة بلاش طمع
هو يا اما السوق يخرب بيتنا يا اما احنا نخرب بيته؟ ههههه

قريت فى موضوع مش هاقول اسمه عشان لسه مفتوح
كذا واحد بيرد بيقوا انك لو عرفت تحافظ على راس مالك بس فى السوق الصعب ده يبقى انت كده كويس اوى اوى

طيب ياخى انت داخل ليه؟ مانت تقدر تحافظ عليه فى جيبك
داخل الفوركس الخطير ده عشان ربنا يكرمك وتقدر تحافظ على راس مالك او ممكن يضيع منك؟ حاجة غرييييييييييييبة جددددددددددا
معلش انا مش باحب اتكلم عن حد بس رد استفزنى جدا وخصوصا انه من كذا واحد

اهو وانا باكتب الوقتى السعر وصل لنقطة الدخول الاولى
يعنى ولله الحمد اصبح المكسب حوالى 150 دولار لكل 2500

فن الآخر اتعلموا عشان تفيدوا نفسكم أولا
وتفيدوا غيركم

[Abu Yaser]

ممكن لو سمحتم رابط تحميل منصة التريد لكي اتابع معكم
وجزاك الله خيرا على ما تقدمه لاخوانك

http://www.alforex.com/for-traders/o...o-account.aspx
تحميل منصة التريد

تفضل ...
http://www.alforex.com/files/downloads/at4setup.aspx

أيوة كده بارك الله فى الشباب
ده موضوعكم
والإفادة للجميع