... خبرتى ...

[Abu Yaser]

أخي ابو ياسر مساء الخير
سؤال ماهو أكبر إنعكس واجهك بالباوند

سؤال جميل ماجاوبش علييييه
ههههه

صحيح مش هاعرف اجاوب عليه
عشان انا باعمل حركة (ماتخافش هاشرحهالكم برضة انا مش هاخبى حاجة) مابتخليهوش يرتد كتير
كله هايتقال
باذن الله تعالى

[فوركس افندي]

صباح الفللي ..........تحياتي لجميع الاخوة المشاهدين

الفول عامل قفلة..................................صباح الورد يا ابو ياسر

[tohami]

بارك الله فيك د/جمال
وبانتظار المزيد

[Abu Yaser]

مجهود ممتاز يا د.جمال ... بارك الله فيك ...
لى ملاحظه على شارتى اليورو والباوند اليوم
اعتقد ان خط المنتصف للقناه الأكبر كان له دور اليوم أو اعطى اشاره الى هبوط الباوند وصعود اليورو
فالباوند اخترق خط المنتصف للقناه الاكبر هبوط ثم صعد لاختبارها وهبط مره أخرى
بينما اليورو لم يستطع اختراق خط المنتصف وارتد منه صعودا ثم عاد لملامسته ثم ارتد صاعدا ...
فهل خط المنتصف هذا ... تستخدمه لتحديد او تأكيد الاتجاه ؟؟؟؟؟؟؟؟؟؟؟؟؟

الملاحظه موضحه بالشاراتات ... وآسف لتغيير الالوان لتتضح الصوره

أهلااااااااا جان
يعنى يبقى كده اليوت وجان ردوا فى موضوعى
بلاش بقى نجيب فى سيرة حد تانى
هههههههه

انا رديت عليك لوحدك عشان انت حكايتك حكاية
ياخوانى والله اللى يلاحظ كويس بيلاقى

طيب انا هاقول ايه تانى النهاردة؟؟؟ لما انت قلت كل حاجة اهو

طيب انا هاشرح شغل النهاردة فى اقتباسك مش فى رد مستقل عشان انت راجل استاذ

لازم تعرف الأدوات اللى فى ايدك كويس اوى وامكانياتها قبل ما تستعملها
عشان تقدر تستعملها صح، وبكامل طاقتها، وعشان تتلافى عيوبها، وتبعد عن أضرارها.. مش كده ولا ايه

الأداة اللى معانا دى عبارة عن ايه؟
عبارة عن ترند داخلى (بداخل الشموع) وبعدين معمول خط بنفس زاويته علوى وخط تانى بنفس زاويته سفلى، يبعدا عنه بمقدار أكبر بعد لذيول الشموع عن الخط الترند الأصلى

نفهم ايه من الرغى الكتير ده؟
ان الأساسى فى الموضوع هو الخط الوسطانى لأنه هو ده الترند بتاعنا
وعشان كده كما تفضل الاستاذ جان (الجديد) بالشرح، اذا فضل السعر يلمس ويتراجع ومش قادر يكسر خط المنتصف بيعكس

خلى بالك ان الموضوع عبارة عن توليفة من الحاجات مش مجرد خرج تقوم تشترى او تبيع

فيه حاجة مهمة عاوز اقولها النهاردة
ازاى نوصل بالثقة فى الصفقة قبل الدخول حتى نصل الى 100% عشان نقدر ندخلها

مافيش حاجة اسمها 100%
أمال ايه؟ مش هاندخل ولا صفقة؟؟
لا
انما فيه حاجة اسمها الثقة المتراكمة
بمعنى
لما السعر كسر الأحمر مثلا لفوق (زى ما مصطفى والاخوان المحترمين أشاروا فى الشارت) ده بيدينا ثقة انه (احتمال) يكمل طلوع، وكمان (احتمال) يصل للحد العلوى الأزرق
بس هل تكفى كمية الاحتمالات دى عشان ادخل الصفقة؟؟ طبعا لا
امال نعمل ايه؟
مثلا الاحتمالات دى خليتنا واثقين بنسبة 30% ان الاتجاه صعود
طيب ده لسه كتير اوى فاضل 70%
ندخل على الفريم الأكبر عشان نعرف احنا فين من الخريطة (ده هايتشرح بالتفصيل فى مشاركة تانية النهاردة برضة باذن الله) فلو كان الفريم الأكبر يؤكد الصعود زادت النسبة مثلا ل60%
لسه فاضل 40 (اخلص بقى امال هاندخل امتى؟)
لما نلاقى سلوك السعر (وده أهم حاجة فى الفوركس وهو ده القائم عليه اى استراتيجيات او ملاحظات، انت اساسا بتلاحظ سلوك السعر، وكل اللى بنعمله ده ناتج عن ملاحظات لسلوك السعر، فماتخليش الملاحظات تحجب رؤيتك لسلوك السعر الأصلى)
بمعنى، لما مثلا يكون الكسر بقوة فده دليل على انه مكمل بقوة باذن الله
حتى لو عمل اعادة اختبار
انما لما يكون السعر ما بيتدلع زى الكسر اللى عمله الكيبل النهاردة مش هادخل الا لما تكون فيه اشارة تأكيدية
يعنى مثلا رجع عمل اختبار ورد بقوة شوية
نزل شوية لحد ما خبط فى دعم سابق
عمل شكل شمعة من بتوع الصعود (هامر محترمة ولا بيرسينج ولا بولش انلجلفينج ولا حاجة من دول)
المهم يكون فيه تأكيد من سلوك السعر نفسهمثلا وصلنا كده لل 90%
فاضل حاجة بسيطة ويمكن الاستغناء عنها (احنا وصلنا ل 90 بلاش طمع) ودى هايكون شرحها قداااام شوية بعد ما نتمكن من الأداة دى عشان مانتوهش، كمان ممكن نقدر نشتغل من غيرها (بس هاتتقال برضة ماهو كل شيج انكشفن وبان)

المهم
عاوزين الرزانة
عاوزين يبقوا الاخوان هاديين وراسيين فى الدخول
نقطة الدخةل لما بتكون صح بتريح المتاجر
ويقدر يقسّم على السوق براحته
انما لما بتكون غلط والعياذ بالله
بيبقى مش عارف يعمل ايه
هل يعزز؟ هل يقفل على خسارة بسيطة؟ ولا يعمل هيدج ويستنى؟ وطول ماهو قاعد يلوم نفسه ايه اللى دخلنى، ويلوم اللى عامل الموضوع (اللى هو انا) وفى الآخر يلوم الفوركس انه نصب
ادخل صح حتى لو تستنى كذا يوم من غير متاجرة (انا عارف ان ده صعب للمدمنين) انما اقرا استراتيجية المسطرة (هنا فى المنتدى اعمل بحث هاتلاقيها) قديمة شوية بس حلوة
فحاول تسيطر على شعورك وادخل من نقطة صح
واحد رد على مصطفى خالد فى موضوع سابق ليه وقاله كلمة حكمة
"انا باستنى السوق لما يتحايل عليا عشان ادخل"
فعلا كده
يوم زى امبارح
انت صحين من النوم مثلا لقيت فرصة بيع الكيبل فاتتك بس هو لسه ماوصلش للحد السفلى للأزرق
فانت عشان مايروحش اليوم من غير ماتفتح صفقة قمت بايع من النص
فلما الكيبل طلع الطلعة القوية دى انت خسرت كتير فقفلت بسرعة عشان ده تغيير اتجاه فراح مكمل نزول للهدف الحد السفلى وانت خسرت

يعنى شوف اللى حصل
انت عارف الاتجاه
وعارف رايح لحد فين
ومع لك خسرت
ليه؟ عشان دخلت غلط

تعالى نشوف اللى دخل صح
لو دخلت الفرصة من اولها هاتقسّم وتبيع وتشترى وتلعب لعب ماعملهوش ابو تريكة
لو صحيت متأخر زى أخينا الأولانى بس انت عاقل، قلت مش هادخل صفقة من النص، وبناقص النهاردة، بس بتتابع برضة، مش بناقص النهاردة وتقفل الجهاز (على الأقل تشارك معانا هنا فى الموضوع )
فلما طلع الكيبل الطلعة دى انت استغليتها وبعت (تقريبا انت بعت للراجل الأولانى اللى خاف وقفل)
ونزل بيك لحد التارجت المعروف

يبقى يا اخوانى
الدخول الصح بيريح المتاجر
أدخل بسبب (ولو عرفت تكتب السبب يبقى كويس ليك)
وكمااااااااااان
أخرج بسبب

زى مانا هاخرج الوقتى بسبب ان ايدى نمّلت من كتير الكتابة

اشوفكم بعد قليل (لما النمل يمشى من عليها)

د/ جمال ممدوح

[Abu Yaser]

صباح الفللي ..........تحياتي لجميع الاخوة المشاهدين

الفول عامل قفلة..................................صباح الورد يا ابو ياسر

صباح الخير فوركس افندى
عقبال مانقولك فوركس باشا

بارك الله فيك د/جمال
وبانتظار المزيد

المزيد اتكتب فوق اهو يا تهامى
ولا تنتظر ولا حاجة

[Abu Yaser]

طيب

عاوزين بقى نعمل شغلانة تانية

هانجيب شارت ال 4 ساعات (كيبل طبعا احنا مثبتين عليه) وبعدين نعمل نفس اللى عملناه فى شارت الساعة بنفس الأداة ونفس الألوان بس مع تغيير حاجتين

أولا انك تختار فى خانة

Visualization

انها تظهر على ال 4 ساعات

يعنى تعمل صح على خانة

4H

وثانيا

هانرسم برضة بنفس المنطق على الفواصل

ولكن الاختلاف هو قيمة الفواصل

اللى هاتشير المرة دى الى اسبوع واسبوعين بدلا من يوم ويومين

وفى الحالة دى هانرسم الكلام ده مرة فى الاسبوع عشان نحدد ايه اللى هايحصل خلال الاسبوع ده باذن الله

وبناء عليه نقدر نحدد هانعمل ايه على مستوى الساعة

يعنى

رسمنا على ال 4 ساعات مع بداية يوم الاثنين الرسمة بتاعتنا

وبعدين لقينا السعر عند حد القناة السفلى مثلا على ال 4 ساعات

وروحنا على الساعة لقيناه بعد شوية عمل كسر للأحمر لفوق بقوة

يبقى انت عاوز ايه تانى عشان تدخل؟

على الحد السفلى لل 4 ساعات (يعنى اسبوع بحاله شرا) و كسر على الساعة الأحمر يعنى شرا برضة، والكسر كان بقوة او اعادة اختبار ارتدت بسرعة، يعنى سلوك سعرى موجب

يبقى تدخل انت كمان بقوة وانت مستريح الضمير ههههه

تاخد ربحك وتحمد ربنا وبعدين تقفل الشارت وبعدين تيجى تفرحنا هنا، وبعدين تقفل الكمبيوتر، وبعدين تقوم تشوف حياتك بقى انا مش هاقولك تعمل ايه فى كل حاجة

يبقى دة كده يورينا الشكل الاسبوعى ممكن يبقى عامل ازاى

والتفاصيل الدقيقة مع شارت الساعة

مثل عملى (بس اعملوا شارت ال 4 ساعات الأول عشان تتابعوا معايا)

ده شكل الكيبل على ال 4 ساعات عشان يوضح شكل الاسبوع اللى جاى هايحصل ايه

هانلاقى انه اول الاسبوع مابتدى نزل شوية صغيرة لحد لما لمس الحد السفلى للأزرق

تمام؟

وبعدين راح طالع بقوة وعمل شمعة بولش انجلف (مش مهم تكون عارف فى الشموع اوى) المهم انه ارتد لما لمس الحد السفلى للأزرق

كل ده احنا مالناش دعوة

كل ده فى انتظار الصفقة الصح

بلاش ايدك تاكلك

نقوم داخلين على شارت الساعة بقى بتاعنا

هانلاقيه شكله زى اللى فى الصورة

حصل ايه؟؟

كان الاحمر والأزرق فوق بعض تقريبا، وعرضهم متوسط نوعا ما، وده من أقوى الأشكال اذا اتكسر

وراح السعر كاسر الاتنين بقوة

ورجع عمل اختبار وشوف راح فين

مع ان اليوم ده تلاقى ناس كتير بتعيط وعمالة تكتب انها خسرت جزء كبير من حسابها او الحساب كله

وانت تحمد ربنا زى ماقلنا على نعمته ان كسبت مكاسب محترمة جدا فى اليوم اللى الناس بتشتكى انه صعب جدا جدا

وبعدين

الناس كلها لما شافت الطلعة القوية جدا اللى حصلت (اللى احنا عارفينها من قبل ما يبدأ الاسبوع من فريم ال 4 ساعات ولله الحمد واخدناها من اولها لآخرها) بعد ما شافوا اللى حصل قالك ده ترند صاعد و و وهانستناه عند كذا وما حدش يبيع الكيبل واللى يبيع ده مجنون

يقوم ييجى يوم زى امبارح

على شارت ال 4 ساعات السعر تقريبا وصل للحد العلوى للأزرق (يعنى اكتفى صعود، فاكرين التروس؟، عاوزين نصحى مع بعض)

وعلى شارت السعة فى نفس الوقت كسر الأحمر لتحت وعمل اختبار، تقوم حضرتك عامل اييييه؟؟ باااايع

فى الوقت اللى كله بيقول شرا شرا شرا

تاخد منه حظك وتحمد ربنا (ماتنساش دى)

مع العلم انك لسه عارف انه على ال 4 ساعات مكمل صعود شوية، فماتفتريش فى النزول اوى عشان هايردهم تانى

ومن هنا تبقى قادر تتابع موضوع التروس المتداخلة قدر الامكان

من خلال معرفتك الاسبوع هايحصل فيه ايه، وللدقة من خلال الساعة على اليوم هايحصل فيه ايه

والأداة دى ولا هاتغلط وانت بترسمها، ولا بتعيد رسم نفسها مع السعر )عشان هى بتترسم على سعر قديم مش متغيرة مع الجديد) ، وبترسملك طريقك لقدام

وممكن كمان تعيد نفس اللى عملناه على الشارت اليومى بنفس الشكل

وده عشان تقدر تحدد الشهر ده هايكون نظامه ايه عامة، قبل ماتدخل فى التروس الأصغر

طبعا اكبر من كده يبقى افترا بقى، مش معقول عاوز تعمله على شارت الاسبوعى عشان تعرف السنة اللى جاية هايحصل ايه ههههههه

ده كان اقصى آمال الناس انها تعرف الشمعة بتاعت الساعة اللى جاية طالعة ولا نازلة وعملوا 100 مؤشر و 100 موضوع لده

فلما يكون اقل حاجة عندك انك تعرف يوم بحاله هايحصل ايه (قدر الامكان طبعا عشان ده غيب، انما محاولات) فحلو اوى اوى اوى وتحمد ربنا على نعمته

انا مش عارف ايه موضوع النمل ده انا عاوز ابقى أرشّ

أشوفكم على خير

أخوكم د/ جمال ممدوح

[ساري الليل]

هذا شارت الباوند اخترق ورجع اختبر
فهل هدفه عند 6330 الى معلم عليه بالخط الاحمر المنقط وهو قريب من 80% من الاختراق

[Abu Yaser]

هذا شارت الباوند اخترق ورجع اختبر
فهل هدفه عند 6330 الى معلم عليه بالخط الاحمر المنقط وهو قريب من 80% من الاختراق

والله يا استاذ دينصور
انا داخل شرا بالفعل زى ماهو باين عندكم فى آخر صور
بس داخل بلوت قليل شوية
انما هل الهدف هايكون زى مانت قلت ولا لا
ده اللى هايحدده شكل الشموع وسلوك السعر خلال اليوم
عشان كده انا باكون متابع على طول عشان التغيرات التى تطرأ اقدر اتصرف معاه
وربنا يكرم

[mbkingdom]

الله يعطيك الف عافية على الشرح الممتع بارك الله فيك

[Abu Yaser]

اهو من هنا ممكن تشترى بنصف العقود من 250

[الملوادى]

جزاك الله خير
موضوع حصرى وفريد ورائع
أحييك على الفكره العبقريه

ما شاء الله تبارك الله

[Abu Yaser]

الله يعطيك الف عافية على الشرح الممتع بارك الله فيك

جزاك الله خير
موضوع حصرى وفريد ورائع
أحييك على الفكره العبقريه

ما شاء الله تبارك الله

أهلا بكم و الف شكر على كلماتكم الرقيقة

[ساري الليل]

والله يا استاذ دينصور
انا داخل شرا بالفعل زى ماهو باين عندكم فى آخر صور
بس داخل بلوت قليل شوية
انما هل الهدف هايكون زى مانت قلت ولا لا
ده اللى هايحدده شكل الشموع وسلوك السعر خلال اليوم
عشان كده انا باكون متابع على طول عشان التغيرات التى تطرأ اقدر اتصرف معاه
وربنا يكرم

للاسف عكس الباوند

[l HamOksha l]

اولا شكرا وجزاك الله كل خير دكتورنا على الموضوع الجميل والفكرة المتميزة

وطبعا نظرا لاعجابي بالموضوع فأنا متابع الموضوع بشدة
لكن عندي سؤال هل الدخول ممكن يحصل فيه تراجع او تغيير في التفكير بعد دخول الصفقة
بمعني اننا دخلنا شراء على الباوند وانا عن نفسي دخلت شرا
لكن لما شوفت شكله الان على الاربع ساعات لاحظت حاجه وضحتها في الصورة المرفقة ؟
هل مثل هذه المواقف بتبصلها ولا بتكمل في صفقتك القديمة ؟
ولا ايه التصرف ؟
يعني دلوقتي لو شمعة الاربع ساعات دي اغلقت تحت خط المنتصف بتاع الازرق على الاربع ساعات
وطبعا واضح القوة في شمعة الساعة الحالية
لسا طبعا اغلاق الاربع ساعات لكن لو حصل السيناريو ده
ده ميبقاش راس وكتفين وكسر العنق ؟
وهل مثل هذه المواقف تتكرر ؟ وما التعامل الامثل ؟ يعني تلتفت ليها ولا تفضل في صفقتك الي اقتنعت بيها في وقت من الاوقات وخلاص
انا بسأل على الموقف كنوعية مش على الموقف كموقف حالي
انا عارف اني صدعتك بس بجد انا حابب الموضوع وحابب اشارك واتعلم اكتر فيه

وده من عشمنا يا دكتور :D

[Abu Yaser]

للاسف عكس الباوند

العبرة بالنهاية

اولا شكرا وجزاك الله كل خير دكتورنا على الموضوع الجميل والفكرة المتميزة

وطبعا نظرا لاعجابي بالموضوع فأنا متابع الموضوع بشدة
لكن عندي سؤال هل الدخول ممكن يحصل فيه تراجع او تغيير في التفكير بعد دخول الصفقة
بمعني اننا دخلنا شراء على الباوند وانا عن نفسي دخلت شرا
لكن لما شوفت شكله الان على الاربع ساعات لاحظت حاجه وضحتها في الصورة المرفقة ؟
هل مثل هذه المواقف بتبصلها ولا بتكمل في صفقتك القديمة ؟
ولا ايه التصرف ؟
يعني دلوقتي لو شمعة الاربع ساعات دي اغلقت تحت خط المنتصف بتاع الازرق على الاربع ساعات
وطبعا واضح القوة في شمعة الساعة الحالية

ده ميبقاش راس وكتفين وكسر العنق ؟
وهل مثل هذه المواقف تتكرر ؟ وما التعامل الامثل ؟
انا عارف اني صدعتك بس بجد انا حابب الموضوع وحابب اشارك واتعلم اكتر فيه
وده من عشمنا يا دكتور :D

اسأل براحتك طالما تعليقك عشان نتعلم مش للتعليق وخلاص
اولا كويس اوى انك واخد بالك من موضوع خط المنتصف بتاع ال 4 ساعات ده كلام جميل يدل انك متابع وفاهم
انا مش بابص على موضوع النماذج والراس ولا الكتاف ولا حتى الرجلين
انما باعمل ادارة راس مال صاااااارمة
ودى لسه ماتكلمناش فيها خالص

الاستاذ دينصور اللى بيقول عكس
دانا قايل الدخول بنص العقود (نص اللى انا بادخل بيه مش اللى انتم بتدخلوا بيه وهانعرف الفرق بعدين) من 50 وانت كاتب مشاركتك لما كان السعر 240 فين اللى عكس؟؟
عاوزين نتقل شوية ومش اى ارتداد يهزنا طالما عارفين الاتجاه الصحيح قدر الامكان
انا بالنسبالى موضوع ادارة راس المال لا يقل اهمية عن اختيار نقطة الدخول ابدا
ولسه ماتكلمناش فيه خالص

بس كويس
ادينا بنشوف تجارب عملى مع بعض
وده اللى خلانى اقول اول حاجة الصبح بلاش حد يدخل الا لما نكمل الموضوع شوية

ملحوظة هامة

النهاردة ثالث يوم للموضوع فى المنتدى
تفتكر هاتكون لمّيت خبرة 8 سنين فى 3 ايام الا ربع؟
او هاكون انا اساسا لحقت كتبتها؟
الصبر ثم الصبر
الواحد بيتعلّم 4 ولا 5 سنين فى الكليّة المتخصصة ، ده بعد 12 سنة تعليم لحد ثانوى
وبعد 18 سنة تعليم يتخرج عشان يبتدى يرمى كل اللى اتعلمه على جنب ويبتدى يتعلم بقى من الحياة العملية
عشان فى الآخر يتوظف بملاليم

لما نيجى نتعلّم الشغلانة اللى بتجيب الملايين (مش ملاليم هى شبهها شوية) عاوزين نلمّ بيها فى يومين؟!!!! اظن صعب شوية

بالنسبة لسؤالك
المواقف دى مش بتتكرر كتير ابدا
وبالنسبة للتعامل معاها هانشوفه عملى باذن الله

اما بالنسبة لادارة راس المال هاقوله حالا فى المشاركة اللى جاية عشان الناس اللى مش عارفه تصبر لكل حاجة فى وقتها

وتانى برافو عليك لمتابعتك الدقيقة