... خبرتى ...

[NFL]

ما شاء الله محلل محترم جدا

بص
النقطة دى ممكن نتكلم فيها كتيييييير
بس عموما وباختصار

هو اليورو والباوند فى ترند صاعد واضح جدا
بس انا باعمل حاجة تانية غير كل الناس
انا باحب استفيد من كل شىء
هو صحيح طالع انما ليه لما ييجى يريح ماستفيدش من الترييحة دى؟ ههههه
انا ماقلتش ده تغيير اتجاه ولكنه هاينزل وبالفعل نزل شوية
انا كنت بايع اليورو من 870 وبعدين لقيته غير اتجاهه قبل الهدف اللى كنت حاطه ب 10 نقاط فقفلت فورا
وزى ما قلنا سابقا مش عيب ابدا انك ترجع فى كلامك وتوقعك مع ظهور الجديد فى تغيرات السوق، انما العيب حاجتين أولا انك تخسر، وثانيا انك تعاند وتقول انا صح وكل الدلائل ضدك
ثانيا كنت بايع الباوند من 330 فى شمعة الساعة 10 زى ما قلت والحمد لله نزل شوية حلوييييين بالنسبة لترند صاعد ، حاجة وستين نقطة مع اليورو، ولله الحمد قمّة الرضا
الفكرة اللى باقولك ممكن نتكلم فيها كتير وهى موضوع القناعة
انا من الناس اللى تحب تقفل على الربح ومش لازم يبقى كتير
هاديلك مثل
انا شوفت مشاركات (مش هاقول مين) واحد شاطر وما شاء الله دخل صح وكسب فوق ال 60 نقطة ولكنه وضع الاستوب على الدخول وهدفه مش فاكر 80 ولا 100 حاجة كده
فرجعت الصفقة وضربت استوب
صحيح هو ماخسرش
ولكنه ماكسبش
فيبقى ليه المخاطرة من اساسه؟؟ ماكانش يدخل احسن

انا فى رأيى لو كان قفل على مكسب 60 وبناقص ال 20 اللى فاضلين على الهدف اللى فى مخيلته
كان بكرة فى صفقة تانية يكسب اكتر منهم
بل وهايكون عنده عمق دفاعى 60 نقطة من امبارح حتى لو خسر النهاردة هاتبقى خسارته من مكسب امبارح مش من راس المال (كانهم ماجوش امبارح زى ماهو حصل بالفعل)
بس على الاقل هايتاجر مرتاح اكتر بكرة
وبكده ممكن يكسب بكرة اكتر عشان هايدخل فرص باستوب افضل وتارجت اعلى
ويقفل على مكسب
فبعد بكرة يزيد
وهكذا يشوف حسابه بيكبر تراكمى

السوق مش هايجرى والفرص مش هاتخلص
انا لو اخدت من كل فرصة 20 او 30 نقطة بسسسس ودخلت كذا فرصة هاتلاقينى عامل فوق ال 300 نقطة فى يوم الزوج مامشيش فيه ال 300 نقطة دول اساسا
يعنى لو واحد واخد اليوم من اقل نقطة لأعلى نقطة انا هاكون كسبان اكتر منه

ورأيى كمان ان السوق ده صعب، فقدر الامكان تكون بعيد عنه ومتفرج افضل
لحين اصطياد الفرصة الممتاااااازة
تدخل تاخد حظك منها وتجرى
وتحتفظ بفلوسك (وفلوس الفوركس) فى جيبك
وتقعد باشا هههههه
تنتظر الفرصة التانية والتالتة
او تعيش حياتك
بدون قلق ان فيه تريدة ويمكن تعكس ويمكن مش عارف ايه
عيييييييييييييش
انت بتشتغل عشان تجيب فلوس عشان تعيييييييييييش
مش عشان نموت جنب الشارت ههههه

ويارب مايطلعليش ناس من بتوع السوينجات يقولولى كلامك فارغ
انما ده اللى انا باعمله وده اللى مناسب معايا
والحمد لله

كلام منطقي أستاد جمال والله ىيبعد عنا الطمع والقناعة كنز
ومش حزعل منك لأني من محبي سوينق بجانب المضاربة اليومية
أنت نسيت أنا قلت لك لسة معي صفقة من 13693 الأن 170 نقطة السوينقات حلاوتها عقود صغيرة ونفسية مرتاحة
وبالنسبة للباوند أنا بعته من 6330 وأخدت منه 50 نقطة قبل شوي لآن الباوند من أول شهر 2 وهو مش واضح
وأنا أحب أمشي مع الدورة وكل ماصحح أدخل

منتظرين باقي الشرح

[NFL]

على فكرة أنا لست من محبي الدخول من الإرتداد وصدقني أكون شايف وحاسس أن الزوج سيرتد ولا أدخل عليه
مثال اليورو يوم 28 فبراير
كان صاعد وقبل ما يصل ل 3847 كان عندي إحساس أنه سيرتد على الأقل 40 نقطة ولم أدخل لكن إنتظرته ينزل ل 13755 وقمعته شراء لغاية 3855
هده طريقتي وممكن أغيرها لو لقيت عندك أدوات قوية تخلي الدخول من الإرتدادات أمن
متابعين معاك وبلاش تجمل الصور أرفعها وخلينا نشوف الشرح <<<< مستعجل على رزقه إلا في الفوركس لأني إستعجلت قبل سنة وأكلتها

[Abu Yaser]

كلام منطقي أستاد جمال والله ىيبعد عنا الطمع والقناعة كنز
ومش حزعل منك لأني من محبي سوينق بجانب المضاربة اليومية
أنت نسيت أنا قلت لك لسة معي صفقة من 13693 الأن 170 نقطة السوينقات حلاوتها عقود صغيرة ونفسية مرتاحة
وبالنسبة للباوند أنا بعته من 6330 وأخدت منه 50 نقطة قبل شوي لآن الباوند من أول شهر 2 وهو مش واضح
وأنا أحب أمشي مع الدورة وكل ماصحح أدخل

منتظرين باقي الشرح

الحمد لله انك مش هاتزعل والا كنت هامشى واسيب الفوركس
ياااااه دانت بايع من نفس النقطة
يا ترى مين اللى اشترى مننا؟؟
مبروك على المكسب

هانشوف كمان شوية الباوند اللى مش واضح ده ازاى نوضّحه

باذن الله فى أقل من نصف ساعة هانبتدى سوا التجربة والتطبيق عشان التحضير قرب يخلص ولا داعى للانتظار للغد

[مصطفى خالد]

مستنييييينك يا د جمال

[Abu Yaser]

بسم الله الرحمن الرحيم
نبدأ التطبيق العملى

أولا
شرح مبسط للتيمبلت عشان جاتلى فيه اسئلة على الخاص
شمعة السعر اللى الاغلاق فيها اقل من الافتتاح بتكون لونها احمر
واللى الاغلاق فيها اكبر من الافتتاح لونها اخضر

فيه خطوط منقطة بالطول ودى ذات اهمية قصوى
دى بتسمى (Period Separator)
يعنى فاصل لكل فترة
لو انت على فريم الساعة بيكون الفاصل ده كل يوم (بتوقيت البرنامج بتاعك)
ولو نقلت على فريم ال 4 ساعات بيكون الفاصل ده كل اسبوع
ولو انتقلت لليومى هايكون الفاصل كل شهر
اما لو انت فى مدرجات الدرجة التالتة هايكون الفاصل اعلانى

دى حاجات بدائية جدا ولكن بالفعل الناس سألونى فيها
ولكن مهم شرحها عشان هانستخدمها بعد شوية

نيجى بقى للمهم
عاوزين تركيز من فضلكم
فيه اداة فى البرنامج اسمها
Linear Regression Channel
ودى المسئولة عن رسم قناة على عدد شموع معينة
طيب ولو الأداة دى مش موجودة عند فى التوول بار؟
نعمل الاتى
ندوس بالماوس الزرار اليمين على أداة رسم خط الترند
ونختار من القائمة اللى هاتطلع
Customize
ونختار من اللستة على الشمال الأداة اللى قلنا عليها وندوس
Insert
هانلاقيها بقدرة قادر بقت على اليمين
وندوس اوك

كده الأداة بقت موجودة عندنا على طول فى التوول بار

لحد كده فيه أى استفسار؟؟


يتبع ...

د/ جمال ممدوح

[مصطفى خالد]

طب و نستعملها ازاى بقه

[muhannad22]

متابعين معك اخي د . جمال

[Abu Yaser]

جميل

الأداة دى بقى بتعمل ايه؟

دى بترسم قناة اوتوماتيك على الشموع اللى انت بتحددها

يعنى ببساطة بتعمل حاجة شبه الترند على متوسط الشموع اللى انت بتختارها فى فترة معينة

طيب ايه الفايدة؟

أولا انت مش بترسم الترند بإيدك فلا مجال للخطأ، أو انى أقولك بعد شوية لأ دانت راسم على قمتين مش صح، ولا الترند مش ماشى على الذيول مظبوط

ثانيا دى بتعمل قناة يعنى مش ترند بس لا، دة كأنه ترند من فوق ومن تحت، فبتدى فرصة يا اما تتداول داخل القناة على الارتدادات، او تتداول على كسر القناة اما من فوق أو من تحت

طيب كل ده كويس

تعالى بقى نستخدمها

أولا هانخلينا على عملة واحد وفريم واحد مبدئيا لما نخلص سوا تبقى تغير اللى انت عاوزه

هانختار عملة الكيبل (الباوند دولار) وفريم الساعة

ثانيا نختار الأداة من التوول بار (ماهى بقت موجودة خلاص)

وتيجى على اليوم اللى قبل اللى انت عاوز تختبره وتعمل دراج (يعنى تدوس بالماوس وتشد من غير ماتسيب) من اول اليوم لحد آخره (من الشمال لليمين)

وطبعا انت معاك الفواصل يعنى هاتسهل لك كل حاجة

مثال

لو انت عاوز تختبر اللى حصل النهاردة مثلا (النهاردة 3 مارس)

هاتيجى على امبارح (2 مارس) وترسم بالأداة من أوله لحد آخره (من الفاصل للفاصل)

وياريت نكون مستخدمين برنامج متوافق مع توقيت مصر (جرينتش +2) عشان ده اللى انا شغال عليه بقالى 6 سنين الوقتى لأن لو اختلف التوقيت هاتختلف الشموع خلال الفواصل فهايختلف شكل القناة والله اعلم هايحصل ايه تانى

ماشى كده لحد الوقتى ولا فيه أسئلة؟

مافيش؟

طيب تمام

نعمل دبل كليك (ندوس مرتين) على خط المنتصف فى الخطوط اللى اترسمت بالأداة عشان يتم الاختيار

وندوس يمين بالماوس ونختار

Properties

او الخواص

ومنها نختار الاتى

من التاب الأول هانسيب الاسم زى ماهو مش فارقة

ونختار اللون

Indigo

أو أى لون يعجبك بس انا باقول عشان توحيد الشارت فى الفرص بعد كده ان شاء الله

وتعلّم صح على الاختيار

Draw as Background

وده بيخلى الخطوط المرسومة تظهر على شكل مستطيل ملون بدلا من خطوط فارغة

وبعدين تنقل على التاب التانى واسمه

Parameters

وتعلّم صح على

Ray

وده بيخلى الخطوط ممتدة مش لحد آخر اليوم وخلاص

وأخيرا تروح على التاب التالت واسمه

Visualization

وتشيل علامة الصح من على

Show on All Timeframes

وتحط صح على

H1

وبكده يظهر اللون فى فريم الساعة فقط عشان الباقى له نظام تانى

وتدوس اوك وبالهنا والشفا

طيب هل لحد كده فيه أى استفسار قبل مانكمل؟!!

يتبع ...

د/ جمال ممدوح

[eastern_knight]

روح يا شيخ ربنا يجازيك عنا كل الخير بس بالله عليك اكمل ولا تلتفت لأى شىء مش كويس

انا حاسس ان روحى الفوركسية هترد فيه من تانى بعد ثورتنا الميمونة إحنا وكل العرب بإذن الله

منتظرينك على احر من الجمر

[الحاير]

استفسار

اصل البرنامج عندي بالعربي

يعني هي قناة الارتداد الخطي صح والا لا

[المناضل]

أهلا بكم شرفت بمروركم

ويارب مجمل اللى أقدمه يكون حاجة تستاهل التعب

أخ مناضل، أخيرا يا راجل لقيت حد أقدم منّى فى المنتدى لسه متواجد ههههه

ههههههههههه
لا ابشرك مدمن, ابطل شويه وارجع ، الفوركس نوووعه جاااامد اوي

[Abu Yaser]

روح يا شيخ ربنا يجازيك عنا كل الخير بس بالله عليك اكمل ولا تلتفت لأى شىء مش كويس

انا حاسس ان روحى الفوركسية هترد فيه من تانى بعد ثورتنا الميمونة إحنا وكل العرب بإذن الله

منتظرينك على احر من الجمر

ربنا يكرمك
والحمد لله حتى الآن مافيش شىء مش كويس
الناس بصراحة معاملة فوق الممتازة ولأول مرة وانا متابع بقالى 5 سنين ماشوفش حد بيهاجم أو بيقول كلام مش كويس فى الموضوع
بل بالعكس الناس محترمة فوق الوصف
وبالفعل تفتح النفس للتكملة
يارب خير


الصورة اللى انت حاططها تكوين اسم أحمد فى الصلاة قمة فى الروعة وانا بعد اذنك اخدت نسخة منها من حوالى شهرين (معلش عشان ماستأذنتش) بس اصلها عجبتنى اوى

[Abu Yaser]

استفسار

اصل البرنامج عندي بالعربي

يعني هي قناة الارتداد الخطي صح والا لا

أعتقد كده معلش انا ماشتغلتش بالعربى خالص
وعموما هايبان من الصور
ماتقلقش انا مش هاسيب حد الا لما يعمل كللللللل حاجة بإيده

[محمد عاشور]

متابعين

[اخوكم في الله]

بارك الله فيك يا دكتور شرح مستفيض وجميل وبسيط
ياريت ترفق شارت للرسمة الاخيرة حتى نقارنها بما فعلناه