... خبرتى ...

[Abu Yaser]

جزاك الله كل خير اخي الكريم

بارك الله فيك

احترامي وتقديري...................من افضل المواضيع التي تستحق المتابعة .....كفاية ذوقك المحترم وسعيك لأفادة اخوانك .

بارك الله لك في ياسر واخوانه .............جاوب بقى ياحلو على السؤال

بقى كده يا فوركس أفندى انت؟؟
خلتنى ادمّع بجد وانا باقرا مشاركتك
ربنا يكرمك



الحمد لله

[Abu Yaser]

جزاك الله كل خير اخي الكريم

السلام عليكم

تحيه طيبه دكتور جمال وللجميع

انا متابع موضوعك من اول مشاركه كتبت فيه ومستمر في المتابعه وبتركيز

واحسست بالكثير من الخجل لعدم كتابة اي مشاركه في هذا الموضوع العالي المستوى ولو بكلمة شكر بسيطه او دعوه بالخير مقروءه

رغم مروري من هنا باستمرار

مع اني ادعي لك في السر بالتوفيق انت وكل من اراد نشرعلمه ليستفيد به اخوانه المسلمين

لذلك اود ان اشكرك على هذا الاسلوب الراقي في الشرح وفي اسلوب التعامل مع الغير

ووفقك الله الى مايحب ويرضى

وبرده متابعين ياستاز على قولتكم يالمصريين

على فكره انا احب المصريين بشكل جنوني وكل يوم يزيد حبي لهم

تحياتي للجميع

والله يا اخوانى انا مش عارف اقول ايه
انا ماكنتش متخيل ان الموضوع هايلاقى اقبال كده
اخى الحاير
انا كمان متابع مشاركاتك المثمرة ولكن فى صمت
انت طلعت احسن منى وكتبت كلمة شكر
ربنا يقدرنى على حسن الخدمة

[azzoug]

احترامي وتقديري...................من افضل المواضيع التي تستحق المتابعة .....كفاية ذوقك المحترم وسعيك لأفادة اخوانك .

بارك الله لك في ياسر واخوانه .............جاوب بقى ياحلو على السؤال

اشكرك على ذوقك الحلو
وبالراحة عليه شوية شوية
وراه وراه ....حتى يعلمنا الطريقة

[Abu Yaser]

كلام محترم بارك الله فيك أخي.

أتمنى أن يستمر هذا الموضوع ، وجزاك الله عنا كل خير

أهلا بيك أستاذ عمرو خضر
وباذن الله سيستمر الموضوع يا تحدى، وسيظل متطوراً بكم
شرّفتم
ومستنيكم بكرة على الشرح (مش على العشاء)

[Abu Yaser]

أهلا بكم اخوانى

أعتقد يا استاذ أزّوج ان كل عملةمختلفة عن الأخرى
صحيح بيكون فيه بعض العملات متشابهة فى الحركة ولكن ليست متطابقة
فعلى سيبل المثال اليورو والباوند
دول اشهر عملتين يُقال انهم متشابهين
ولكن كم من المرات تلاقى الباوند منطلق نزول مثلا واليورو واقف بيتفرج
والعكس صحيح
بل ومن الممكن يمشوا عكس بعض احيانا
فانا احب اعامل كل عملة لوحدها

المهم

انا عملت تيمبلت للشموع فقط (فاضى يعنى) بس عشان نوفّر وقت تظبيط الالوان والشموع وكده
واهى بداية الغيث قطرة (حاجة كده لحد بكرة)

ولو فيه اى سؤال زى ماتفقنا عشان نبتدى على ميّة بيضا (زى ما بيقولوا)

فى الانتظار
أخوكم

[ابــ آدم ــو]

أهلا بيك أستاذ محمد بدر
الحمد لله ان الموضوع عجبك، وخاصة الاسلوب اللى اثنى عليه الكثيرون، مع انى ولله الحمد باتكلم بعفوية ومن غير تنميق، فكويس انه عاجبكم ده فضل من ربنا

اسأل يا حبى زى مانت عاوز، انا دكتوراة فى علوم الكمبيوتر وتخصص البرمجة، حاجة مالهاش دعوة بالفوركس بس فادتنى فى عمل المؤشرات والاكسبيرتات وخلافه، وده خلانى اقدر اعمل باك تيست متييييين لأى فكرة أو استراتيجية بسرعة شوية، وكمان أقدر أحكم على أى مؤشر أو أكسبيرت يمكن من غير ما أجربه بمجرد قراءة الكود بتاعه وفهم فكرته

زى مانت قلت بالظبط بالنسبة لموضوع اليوت والكثير من الطرق بتخلينا ندخل متاخرين جدا وجدا جدا كمان
انا بس عاوز اتفق معاك ومع باقى الأعضاء على حاجة
اليوت، جان، ستيف وغيرهم الكثير ممن اشتهروا فى هذا المجال، هم عبارة عن ايه؟؟
هم مش منزلين من السما، دول ناس عادى جدا زيى وزيك، اكيد لما ابتدوا مجال الفوركس ماكانوش عارفين حاجة وشوية شوية تطوروا، وكان عندهم أفكار كانت غريبة شوية فى زمانهم لحد لما اثبتت جدارة فانتشرت وبقت أسماء معروفة ولهم تلاميذ وبقت طرقهم تدرّس
ليه الناس حاسة ان مافيش تانى خلاص هم دول وبس؟ ماتحاول وتجرب يمكن تكون واحد منهم، ويمكن تكون أفضل منهم، العرب هم أساس كل العلوم
الفكرة كلها فى رأيى تتلخص فى قوة الملاحظة والمتابعة وحسن التفكير وجودة التحليل (ولا أقصد التحليل الفنى، ولكن التحليل عموما)
السعر هو الأساس ومن كتر متابعته تنتج الأساليب
زى أشكال الشموع
دول شوية يابانيين قعدوا قدام الشارت ولاحظوا حاجات من كتر متابعتهم
لقوا لما بتتكون شمعة (سموها بعد كده شوتنج استار) بينعكس السعر وبينزل
طيب بذمتك كام شوتنج استار بتحصل والسعر بيكمل صعود كتير كمان بعدها؟
وحتى استيف نيسون (ده الراجل اللى ترجم ونشر موضوع الشموع اليابانية وليه كتب كتير فى المجال ده) فى كورساته بيقول ان لما بنلاقى أى شكل من أشكال الشموع بيكون مجرد دليل أو يرجّح احتمالية انعكاس الترند مش لازم ينعكس بالفعل، وكمان لازم من تأكيده بحاجات تانية (اللى هى كانت الدعوم والمقاومات الأفقية) يعنى تاااااااانى هى دى الأساس

طيب
لما نلاحظ حاجات على الشارت ومن اسلوب تحرك السعر برضة، بس تخلينا نقدر ناخد الاتجاه من أوله قدر الإمكان مش ده كويس؟
لما نقدر نتوصّل (سوا) الى ان الأخبار ماتفرقش معانا ونتاجر فى أيام الأخبار عادى بل ونستفيد من قوة اتجاه الخبر مش ده جميل؟؟
أنا عاوز أسأل سؤال، لما بلاش نتاجر وقت الأخبار (وما أكثرها) ، وبلاش طبعا يومى الخميس والجمعة لما فيهم من احداث وقوة تحركات تعصف بالحسابات، وساعات بلاش يوم الاثنين عشان ده اول الاسبوع ولا يقل خطورة عن الخميس والجمعة، وبالتأكيد نستبعد أول وآخر كل شهر عشان تقفيل الشهر (اذا كنا مابندخلش فى نهاية الاسبوع هاندخل فى نهاية الشهر؟ دى حاجة بالعقل حتى)، ونستبعد آخر شهر فى السنة (تقفيل ميزانية دول بقى وخروج ناس كتير من السوق لتسييل فلوس قبل الأجازات وحاجات كتير تانية انا مش عارفها) ده طبعا غير الأجازات الرسمية خلال السنة
حلو جدا الشغلانة اللى بتشتغل يوم الاربعاء 21 مارس (ده لو انت فاضى وما بتحتفلش بعيد الأم) ويوم الثلاثاء 11 سبتمبر (ربنا يجعل كلامنا خفيف عليهم) وبسسسسس والباقى اجازات لصعوبة السوق

بالذمة ده كلام؟؟ امال داخل الفوركس ليه
فلما نقدر نشتغل كل الايام (اللى فيها فرص طبعا) وفى اى وقت مش فترات معينة (عند اكتمال الفرصة) وانت بنفسك وباقى الأعضاء هاتنزلوا فرص هنا انا متأكد باذن الله

بس يارب ساعتها تفتكرونى مش تاخدوا الموضوع وتبقوا مليونيرات وماحدش يعبّرنى

أخوكم / جمال ممدوح

كلام جميل من شخص محترم ماشاء الله اسلوبك بسيط جدا
اما عن موضوع الشوتنج ستارز فاليابانين هيزعلو اوى لان السوق الفتره دى مكنش بيعترف بيها

استمر اخى ان شاء الله من متابعينك

[Abu Yaser]

أكبر دليل على كلامى اللى فى المشاركة اللى فاتت
الوقتى حالا الباوند هوبط شديد واليورو طلع لفوق شوية

فرصة البيع على اليورو من شمعة الساعة 7 الصبح (توقيت القاهرة)
وفرصة البيع للباوند من شمعة الساعة 10 الصبح (فرق 3 ساعات)
يعنى مش بالضرورة ابدا يتحركوا مع بعض
او عكس بعض بالنسبة للعملات الأخرى

كل عملة لوحدها
واهو المثل فعلى

[Abu Yaser]

كلام جميل من شخص محترم ماشاء الله اسلوبك بسيط جدا
اما عن موضوع الشوتنج ستارز فاليابانين هيزعلو اوى لان السوق الفتره دى مكنش بيعترف بيها

استمر اخى ان شاء الله من متابعينك

اهو انت اللى محترم

واليابانيين يزعلوا مش مهم المهم احنا نكسب
ولا انت ليك حد فيهم؟!

[NFL]

السلام عليكم
ماشاء الله والله يوفقك دكتور جمال فعلا معلومات قيمة ويصعب إيجادها بسهولة
وبمناسبة الحديث عن اليورو ممكن أقول رأي
أنا أولا بحلل بطرق جان وأنا شغلي من الأسبوع الماضي على اليورو لما مسكته من 13550 وحوليها
ومن وقتها وأنا بشتري فيه وكل مانزل صحح بشتري فيه لغاية ماكمل هدفه عند 3890
ولسة عندي صفقة من 13693 حتى الأن محتفظ بها
السبب هو أن اليورو كان دخل في دورة صاعدة من القاع 13427
وأحمد الله إني إستطعت أمسكها من رأسها ونهاية الدورة عند 13894 ووصل لها بفارق 1 وفي منصات أخرى بفارق 3 نقاط وإرتد
وهدا خلاني أضحك أمس لما قرأت مشاركتك اللي بتقول أنه ممكن يصل الهدف بقارق نقطة 99% ويرجع
لكن أنا تعلمت من خطأ من قبل حصل معي نفس الشي ومن ساعتها بخلي هدفي دائما أقل ب 5 أو عشر نقاط حسب الزوج وحركته
والأن اليورو لازم يريح شوي لكن ليس تغير إتجاه على ماأظن لآن اليورو مازال في دورة صاعدة من القاع 12873
واللي كان متابع موضوع الأخ حمادة عارفين النقطة دي وهدف الدورة 14270 وحوليها
بالتوفيق أستاد جمال والله يوفق الجميع

[ساري الليل]

أكبر دليل على كلامى اللى فى المشاركة اللى فاتت
الوقتى حالا الباوند هوبط شديد واليورو طلع لفوق شوية

فرصة البيع على اليورو من شمعة الساعة 7 الصبح (توقيت القاهرة)
وفرصة البيع للباوند من شمعة الساعة 10 الصبح (فرق 3 ساعات)
يعنى مش بالضرورة ابدا يتحركوا مع بعض
او عكس بعض بالنسبة للعملات الأخرى

كل عملة لوحدها
واهو المثل فعلى

شمعه الساعه كام بتوقيت التريد

[ابــ آدم ــو]

اهو انت اللى محترم

واليابانيين يزعلوا مش مهم المهم احنا نكسب
ولا انت ليك حد فيهم؟!

اه ليا واحد جارى بياكل ارز كتير ههههههههههه
تسلم اخوى

[عبدالله2010]

تم تحميل التمبلت


وننتظر بفارغ الصبر

وفقكم الله

[NFL]

شمعه الساعه كام بتوقيت التريد

هي نفسها بتوقيت الفاهرة التريد +2 على توقيت غرينتش والقاهرة كدلك على ماأظن
وسيصحح لك الأخ جمل لأن أنا شغلي كله غرينتش

[Abu Yaser]

السلام عليكم
ماشاء الله والله يوفقك دكتور جمال فعلا معلومات قيمة ويصعب إيجادها بسهولة
وبمناسبة الحديث عن اليورو ممكن أقول رأي
أنا أولا بحلل بطرق جان وأنا شغلي من الأسبوع الماضي على اليورو لما مسكته من 13550 وحوليها
ومن وقتها وأنا بشتري فيه وكل مانزل صحح بشتري فيه لغاية ماكمل هدفه عند 3890
ولسة عندي صفقة من 13693 حتى الأن محتفظ بها
السبب هو أن اليورو كان دخل في دورة صاعدة من القاع 13427
وأحمد الله إني إستطعت أمسكها من رأسها ونهاية الدورة عند 13894 ووصل لها بفارق 1 وفي منصات أخرى بفارق 3 نقاط وإرتد
وهدا خلاني أضحك أمس لما قرأت مشاركتك اللي بتقول أنه ممكن يصل الهدف بقارق نقطة 99% ويرجع
لكن أنا تعلمت من خطأ من قبل حصل معي نفس الشي ومن ساعتها بخلي هدفي دائما أقل ب 5 أو عشر نقاط حسب الزوج وحركته
والأن اليورو لازم يريح شوي لكن ليس تغير إتجاه على ماأظن لآن اليورو مازال في دورة صاعدة من القاع 12873
واللي كان متابع موضوع الأخ حمادة عارفين النقطة دي وهدف الدورة 14270 وحوليها
بالتوفيق أستاد جمال والله يوفق الجميع

ما شاء الله محلل محترم جدا

بص
النقطة دى ممكن نتكلم فيها كتيييييير
بس عموما وباختصار

هو اليورو والباوند فى ترند صاعد واضح جدا
بس انا باعمل حاجة تانية غير كل الناس
انا باحب استفيد من كل شىء
هو صحيح طالع انما ليه لما ييجى يريح ماستفيدش من الترييحة دى؟ ههههه
انا ماقلتش ده تغيير اتجاه ولكنه هاينزل وبالفعل نزل شوية
انا كنت بايع اليورو من 870 وبعدين لقيته غير اتجاهه قبل الهدف اللى كنت حاطه ب 10 نقاط فقفلت فورا
وزى ما قلنا سابقا مش عيب ابدا انك ترجع فى كلامك وتوقعك مع ظهور الجديد فى تغيرات السوق، انما العيب حاجتين أولا انك تخسر، وثانيا انك تعاند وتقول انا صح وكل الدلائل ضدك
ثانيا كنت بايع الباوند من 330 فى شمعة الساعة 10 زى ما قلت والحمد لله نزل شوية حلوييييين بالنسبة لترند صاعد ، حاجة وستين نقطة مع اليورو، ولله الحمد قمّة الرضا
الفكرة اللى باقولك ممكن نتكلم فيها كتير وهى موضوع القناعة
انا من الناس اللى تحب تقفل على الربح ومش لازم يبقى كتير
هاديلك مثل
انا شوفت مشاركات (مش هاقول مين) واحد شاطر وما شاء الله دخل صح وكسب فوق ال 60 نقطة ولكنه وضع الاستوب على الدخول وهدفه مش فاكر 80 ولا 100 حاجة كده
فرجعت الصفقة وضربت استوب
صحيح هو ماخسرش
ولكنه ماكسبش
فيبقى ليه المخاطرة من اساسه؟؟ ماكانش يدخل احسن

انا فى رأيى لو كان قفل على مكسب 60 وبناقص ال 20 اللى فاضلين على الهدف اللى فى مخيلته
كان بكرة فى صفقة تانية يكسب اكتر منهم
بل وهايكون عنده عمق دفاعى 60 نقطة من امبارح حتى لو خسر النهاردة هاتبقى خسارته من مكسب امبارح مش من راس المال (كانهم ماجوش امبارح زى ماهو حصل بالفعل)
بس على الاقل هايتاجر مرتاح اكتر بكرة
وبكده ممكن يكسب بكرة اكتر عشان هايدخل فرص باستوب افضل وتارجت اعلى
ويقفل على مكسب
فبعد بكرة يزيد
وهكذا يشوف حسابه بيكبر تراكمى

السوق مش هايجرى والفرص مش هاتخلص
انا لو اخدت من كل فرصة 20 او 30 نقطة بسسسس ودخلت كذا فرصة هاتلاقينى عامل فوق ال 300 نقطة فى يوم الزوج مامشيش فيه ال 300 نقطة دول اساسا
يعنى لو واحد واخد اليوم من اقل نقطة لأعلى نقطة انا هاكون كسبان اكتر منه

ورأيى كمان ان السوق ده صعب، فقدر الامكان تكون بعيد عنه ومتفرج افضل
لحين اصطياد الفرصة الممتاااااازة
تدخل تاخد حظك منها وتجرى
وتحتفظ بفلوسك (وفلوس الفوركس) فى جيبك
وتقعد باشا هههههه
تنتظر الفرصة التانية والتالتة
او تعيش حياتك
بدون قلق ان فيه تريدة ويمكن تعكس ويمكن مش عارف ايه
عيييييييييييييش
انت بتشتغل عشان تجيب فلوس عشان تعيييييييييييش
مش عشان نموت جنب الشارت ههههه

ويارب مايطلعليش ناس من بتوع السوينجات يقولولى كلامك فارغ
انما ده اللى انا باعمله وده اللى مناسب معايا
والحمد لله

[Abu Yaser]

شمعه الساعه كام بتوقيت التريد

بصراحة انا ماعرفش التريد
انما زى ما قالك استاذى العزيز
مصر توقيت جرينتش +2