... خبرتى ...

[MustaphaMa]

يهيىء لى الرسم خطأ لانك ساحب على اليوم مربع اليوم الحالى المفروض تسحب على اللى قبله لتحديد ترند اليوم وانا برده لسه ضعيف يعنى متخدش بكلامى حتى يفيدك احد الاخوة

انا قصدت اسحب على اليوم الحالي ...ستلاحظ اني ذكرت( افتراض لشكل القناة بعد الاغلاق)

[forexplus]

الموضوع لايستاهل
رفع القبعات كما قال الاخوه
الموضوع يستاهل رفع الجمجمة احتراما لهذا الابداع
ماشاء الله تبارك الرحمن ابداع وفكر رائع
بصراحه اروع موضوع قراته منذ عام 2007 بدايتي بالفوركس هو هذا الموضوع
كيف خطرت على بالك هذه الفكره مابعرف ماشاء الله
اليوم فتحت الموضوع وقلت بقرا بيني وبينك ماحدى يسمعنا قلت احد الاشخاص يبحث عن شهره من اجل اداره حسابات من قرات العنوان
دخلت لقيت دنيا غير وانسان اخلاق وذوق والله
اليوم قرات وصلت للصفحه 30 وانا مستمتع اسلوبك حلو وشرح سهل
الله يحفظك يارب ويزوجك الحور العين ويرحم والدينك
هلكتنا الديون والخسائر
هلكتنا مراجع الكتب وابحاث البورصه
هلكتنا حرق اعصاب
هلكتنا متابعه الاشخاص مطبلين ويقولون لديهم معادلات سريه
والله بعثك لنا قدمت لنا كنز بدون مقابل وانت فرحان وتكتب لنا
بفضل الله انت انقذت الكثير من الاشخاص
قلت لنفسي مارح بكمل حتى برد عليك وبشكرك
اذا ممكن تقبلني طالب مبتدئ وراح بنسى سنين الفوركس وبحذفها

قمت بتجريب طريقه على عدة ازواج ناجحه بقوه .! مثل اليوم GBP/USD
شاهدوا الخط الاصفر منطقه الدخول وتأكيد على الاربع ساعات

استمر اخي في ابداعك

[karim yahia]

فعلا يا جماعة الايقاع بقى سريع جدا وعدد الصفحات كتير اوى

[egy4x]

فعلا يا جماعة الايقاع بقى سريع جدا وعدد الصفحات كتير اوى

معظم الصفحات دى اراء للناس وترحيب واستفسارات

لكن صفحات الشرح هتلاقيها بتعدى بسرعه وهتلاقى نفسك وصلت لاخر الموضوع علطول

[مستمر]

فعلا يا جماعة الايقاع بقى سريع جدا وعدد الصفحات كتير اوى

لأن الموضوع يستحق هذا التفاعل
ونصيحتي لك من اجل اختصار الوقت اقرأ مشاركات الدكتور جمال فقط لأنه يشرح و يرد على جميع الاستفسارات في ردوده

[TOUIZI]

السلام عليكم و رحمة الله
من غير كثر كلام
خمس نجوم لصاحب الموضوع و المشاركين معه

[الحاير]

ياخوان من لاحظ الذهب اليوم

تجاوز الرينج اليومي بمايقارب 116 نقطه هبوطا

ومن ثم ارتد بعد تكون شمعه عاكسه ( المطرقه) او الهمر

يعني الحذر لابد من تاكيد الارتداد بسلوك سعري

[karim yahia]

أخى مستمر وأخى ايجى فوراكس

انا متابع الموضوع من تقريبا من اول مابدأ

وقرات الموضوع كله الحمدلله

جزاكم الله خيرا على النصيحة

[karim yahia]

للأسف دكتور جمال

الدراسة فى مصر الاسبوع القادم للجامعات

وانا كليتى صعبة(كلية صيدلة)

مش هاقدر اتابع الفرص

ولكن لوقدرت ارتب نفسى كويس ان شاء الله أكون معاكم الاسبوع بعد القادم

عذرا أخى الكريم

وشكرا على مجهودك ومجهود الزملاء

[awadkab]

السلام عليكم ورحمة الله وبركاته

أنا حبيت أشارككم مؤشر عملته للاستراتيجية الثانية لمتابعة رينج عشرة أزواج

أحببت أن أشارك ولو بشيء يسير في هذا الموضوع الذي علمنا الاخلاص في العطاء وعدم الانانية

المتغير add_dist لاعطاء تنبيه عند وجود السعر عند الرينج زائد أو ناقص add_dist

المؤشر 3 ألوان :
الرمادي: قبل وصول السعر للرينج
الاخضر: عند وصول السعر الرينج
الاحمر : عند وصول السعر الرينج زائد أو ناقص add_dist
ملاحظة: التنبيهات بالالوان فقط.

إنشاء الله أكون أفدتكم

وشكرا للاستاذ أبو ياسر خاصة ولجميع المشاركين

[سامووو المملكة]

ساعة وانزل تحليل اليورو لليوم ان شالله والتحليل تقريبا واضح
وأرجو من الاخوان اللي بدهم يحللو الباوند او عملتا أخرى يشاركونا وينزلو تحليلاتهم

[مصطفى خالد]

عندى طلب من د جمال

الموضوع كبر و الصفحات بقت بتزيد بوتيره كبيره
و ده بيتوه بصراحه

ممكن د - جمال يعمل مشاركه كده فيها لينكات للمشاركات المهمه الى فيها الشرح
و اهم الفرص اللايف الى اتحطت

[Abu Yaser]

ما شاء الله الله اكبر
انا فعلا الوقتى بس حسيت بموضوع الارانب ده هههههه
انا سيبت الموضوع لمدة كام ساعة رجعت لقيت كذا صفحة
وناس بتسال وناس بتجاوبها
وناس كسبت وناس بتحلل
وشارتات ومؤشرات
بجد انا مش عارف ارد اقول ايه
وعشان كده انا مش هارد

انا قريت كل المشاركات مشاركة مشاركة بجد
بس مش هاعرف ارد على واحد واحد
انما
شكرا لكل من اثنى على الموضوع والف شكر لكل من دعالى وله مثله وزيادة
وبالنسبة لكل من سأل اعتقد ان الاخوان جاوبوا باستفاضة ما شاء الله

بس كل اللى شد انتباهى هو الاتى
أولا فيه ناس تحمست ودخلت على الحساب الحقيقى وده غير اللى احنا اتفقنا عليه
ثانيا فيه ناس احسّت انها (ملكت السوق) ودى أسوأ آفة ممكن تصيب المتاجر
فبقت بتدخل من اى مكان وبدون سبب واضح (وده للأسف بييجى من كتر المكسب المتتالى) يعنى لما حد يقول طالع ويطلع (حتى لو مش داخل تريدة يكفى ولو بالنظر) ويقول لحد هنا كفاية ينزل بقى فينزل
وتتوالى كذا مرة بالشكل ده بيحصل للمتاجر نوع من الغرور واحساس بانه مَلَك السوق فلاااااااااازم السوق يديله خبطة تفوقه
الكلام ده عن خبرة يا جماعة مش تخيّل
انا كان بيحصل معايا كده، انا مش باقول على حاجة عيب عشان الناس تبتدى تدفع التهمة عنها
بالعكس دى خطوة عادية فى حياة المتاجر لما بيبقى شاطر
بس المهم انها لا تدوم

لقيت ناس بتقول انها دخلت من مناطق انا مش شايف فيها اى سبب للدخول خالص
ولقيت ناس بتقول على عدد نقط وتعزز مع اننا لم نشرح مناطق التعزيز ابدا
انا عارف كويس ان الناس اخدتها الحماسة
وليهم حق
من 10 ايام فقط ناس كتير بتبص للشارت على انه وهمى ورايح جاى بدون ملامح
الوقتى بفضل الله تعالى بتقدر تحدد الاتجاه بمنتهى السهولة
بل وتقدر انك تقول لحد هنا كفاية
وكمان بعضكم ممكن ياخده فى الاتجاه المعاكس يعنى طالع نازل
ولله الحمد

بس بالراحة وواحدة واحدة
عشان الاندفاع مش حلو
يعنى لو انت راكب عربية وماشى على سرعة 10 كم وخبطت فى حاجة، اولا هاتقدر تلحق نفسك بسرعة وثانيا هاتكون الخسائر طفيفة ده لو فيه خسائر
انما هل هاتكون خفيفة لو انت ماشى على سرعة 60؟؟
امال لا قدر الله لو ماشى بسرعة فوق ال 120 الخبطة مش هاتكون فيها خسائر
الخبطة بموتة زى ما بيقولوا
زى اللى دخل ب 90% من الحساب ده مش قلب اسد، ده تهريج مع احترامى
اذا كنت انا صاحب الاستراتيجية وماشى عليها من سنين طويلة ماينفعش اعمل كده، مش عدم ثقة فى الاستراتيجية، انما السوق له اصول
يا اما ده اسمه فرد عضلات

واللى يدخل بدرى اوى ده استعجال ، وقلنا سابقا فى المشاركات الاولى انك لازم تكون واد تقيل، وليك سبب فى الدخول وليك سبب فى الخروج
واللى لما السعر يعكس عليه بيخاف ، اذا كنا داخلين من مناطق السعر خلاص مش قادر يمشى تانى بتخاف من ايه؟
يعنى اللى مشيه الكيبل فى ساعة واحدة ايام قوته، مش قادر يمشى 20% بس من اللى مشيه فى الساعة، بقاله 8 ساعات لحد الوقتى
يبقى فين الخوف؟

وشوفت كمان الطمع
يعنى الصفقة اللى انا قفلتها وانا برة كانت على 20 فى الكيبل و20 فى اليورو
طيب الكيبل جاب 30 واليورو جاب حاجة و30
براحته
يارب يجيب 200
انا اخدت منه ما يكفى ومازعلش على اللى فاتنى، فيه بكرة فوركس برضة مش هايخلص

انما ناس تدخل وتعمل مكسب وتنتظر يلف بيها وينزل ويحاول يعزز عشان يطلع على نقطة الدخول، ليه كل ده، ما تقفل وتقوم تنام ولا تستفاد بيومك
والله والله ثم و الله
فيه ناس فى مواضيع تانية بتتمنّى 10 نقاط فقطططط فى اليووووووم
انا لما كنت برة وعملت مشاركتين واحدة على نقطة الدخول والتانية انى قفلت مافيش بينهم 5 دقايق ولله الحمد وبنتكلم عن 40 نقطة
ده غير الصبح لما كنا سوا خطوة بخطوة
يعنى الف حمد وشكر ليك يارب على هذه النعم

عجبنى اللى قفل على مكسب 17 نقطة وحمد ربنا
ما قالش لا انا لازم اقفلهم 20 ويبقى رقم مقفول

معلش والله انا آسف الكلام المرة دى مش هزار ولذيذ
انما انا لقيت الناس على كذا شكل فحبيت اتكلم عن كل جزئية شوية
وخاصة انا باذن الله هانبدأ الورشة (هنا) قريب
فعاوزين نبدأ بقوة ، فعشان كده اتكلمت ومن باب المصلحة وربنا يشهد
فياريت ماحدش يزعل من الكلام ده لان المقصود بيه خير وتعليم للاخوان عن الاخطاء اللى انا نفسى مريت بيها
يعنى اعتبرونى باتكلم عن نفسى مش عن حد تانى

[Abu Yaser]

نيجى بقى لموضوع الورشة
بصراحة انا اتفاجئت
كل اللى ابدوا استعدادهم 5 فقط

جومانة (طبعا ده المنتظر ههههه) وربنا يقدّرها على تجميع الكتاب وفعل الخير لافادة الاخوان
تخصص كيبل وتواجد من 9 او 10 الصبح (بس مش عارفين لحد امتى)
حاموكشة تخصص استرالى ، وماقالش مواعيد
سامو (طبعا ههههههه) تخصص يورو معظم الوقت (نفضل التحديد يا سامو)
ومعاه ابوزيد فى نفس التخصص (يورو) من الساعة 2 الظهر الى آخر اليوم (توقيت مصر اللى هو توقيت الشارت عشان ما يحصلش لخبطة)
ام بى كينجدوم تخصص دولار فرنك الفترة الامريكية

وبس
يعنى كل اللى تقدّم 5 منهم 2 فى نفس العملة
عموما بداية كويسة
وربنا ييسر
التنسيق سيتم خلال الاجازة
ويمكن من الوقتى لحد السبت يكون ظهر ناس تانية

ملحوظة
المشاركة ال 1000 قربت

[sharkas14]

كلام جميل وكلام مظبوط 100 % عايزك تبص بس على مشاركتى اعرف انا شغال صح ولالا؟