... خبرتى ...

[thecreativex]

اخ مصطفى مجهووود ممتاز جدا جدا فعلا معظم الاسئله بس هو الى لسه اخ جمال مشرحهوش هو بقيت الاشكال غير الشكلين الى شرحهم
اعتقد حتكون دى الاجابه و الله اعلم
وخد بالك كمان ان الاسبوع ده كان غريب شويه فى التحركات ;)

[Abu Yaser]

ما شاء الله تبارك الله
انا فعلا فرحان باللى حصل ده
الناس شغالة شغل تمام، وبتحيى الموضوع حتى وانا مش هنا وهو ده المطلوب تماما

انا شكلى هايطلع عينى من كتر الكتابة النهاردة ولا ايه؟ هههه
طبعا لكثرة الردود فى الفترة الصغيرة دى انا مش هالحق أرد على كل مشاركة زى ماحنا متعودين، بس هارد على اللى فى صلب الموضوع عشان اقدر الاحق على الناس الحلوة دى، وياريت الباقى مايزعلش، لكم منى كل تقدير وحب واحترام

بس اصبروا لما اقولكم خلصت عشان الردود ماتتداخلش
ولما اخلص رد على اللى فات نبقى نشوف الجديد

[Abu Yaser]

شكرا يا باشا على سرعة الرد ويا ريت يكون الخبر خير عليك

الحمد لله بفضل الله توقعنا الاتجاه قبل الخبر
وتقريبا اخذنا الرينج اليومى الكامل من فوق لتحت ده غير الصفقة الأولى اللى تابعناها مع بعض
يارب يكون الأخوة استفادوا هم كمان

اخي ابو ياسر شف العمله هذه عاملة عمايل اليوم هههههههههههههههه

ما شاء الله دى ماشية على الاستراتيجية بالمللى
برافو عليك

اخي ابو ياسر يعني الكيبل الى هبوط وبقوة لانه ..

الخبر ممتاز على الدولار ولكن لم يهبط بسرعة و لم يكسر اللو اصلا فارجو الرد للضرورة ؟؟؟؟

وشكراااااااااااااااااااااااااااا

بص، انا ولا اعرف الخبر ايه نتايجه ولا كنت متابع قناة اخبار (الشارت والسعر بيعكس كل شىء) فاحنا مش محتاجين نعرف حاجة عن الاخبار جت فى صالح او ضد الدولار عشان ياما اتقالت اخبار والسعر مشى عكسها
وياما السعر اتحرك كتير من غير مايكون فيه اى اخبار
أهم من كل شىء هو سلوك السعر زى ماقلنا كذا مرة
وهو ده اللى بيحدد هل هايكسر هل هايكمل هل هايرتد

يسعد اوقاتك
بالصدفة شفت الموضوع اليوم
وهلق خلصت قراءة
ما شاء الله

أهلا بيك ويارب تكون فيه استفادة

[Abu Yaser]

الطرقة هذي زي ما نبه الدكتور جمال خاصة بالكيبل فقط وكل عملة ولها طريقتها بس ما يمنعش نجربها على عملات اخرى ممكن جدا تكون فعالة ربنا يكرمكم جميعا هذا للتنويه و التذكير فقط تحياتي

لا يا حبى
انا ماقلتش ان الطريقة دى للكيبل فقط
دى بتعتمد على دعوم ومقاومات يعنى اصل اى شارت
انما قلت ان انا اللى بتاجر على الكيبل فقط من 6 سنين
ومؤخرا بتابع وبادخل بس بعقود قليلة على عملات اخرى عشان التجربة
وباذن الله هنا مع الاخوان نقدر نوصل لأفضل عملات بسرعة

عزيزي اخونا الدكتور

الان احنا شغالين على برنامج التريد هل هو متوافق مع توقيت مصر

ايوة تمام متوافق
على بركة الله

بصراحه بعت اليورو على مسؤوليتي طبعا و ربحت فيه فورا
الف شكر يا دكتورنا

الف مبروك الأرباح ويارب دايما

السلام عليكم
بعد قراءة كل الصفحات وكل الردود وكان فيها كثير أسئلة في بالي والحمد لله لقيت لها أجوبة
وماشاء الله الموضوع مولع ولو يلاحظو الشباب أن هدا أول موضوع كل من دخل له يفهم ولايوجد ردود فيها أسئلة
كل اللي يسألون يسألون عن الخطوة المقبلة أما الخطوة الحالية هظموها وهدا يبين بساطة شرح الطريقة أخي جمال وكدلك بساطة التحليل وقوته
تصدق خليتني أغرق في بحر المستطيلات والقنوات والألوان من الشهري للساعة ولا تضحك هههه على الشهري عايز أشوف طريقه للسنة
موفق أخي

ولسه أخى العزيز
اللى جاى أفضل باذن الله تعالى
شكرا على ذوقك

اقل ما يقال
هات بوسه
ههههههههههههههههههههه

عيب مش قدام الناس كده
ممكن اديلك بوسة على الخاص

معلش يا استاذ جمال
هل هذا هى طريقك الاساسيه فى العمل
و يا ريت تساعدنا ينحدد ازاى الاستوب و التارجت بشكل مناسب بصفتك صاحب الطريقه اصلا

انا مش هاخبى حاجة
ده اللى انا باتاجر بيه من فترة طوييييييلة
مانا قلت على موضوع الاستوب والتارجت دول قبل كده
اقرا يا عم مصطفى ههههههه

للتوضيح فقط

طريقه الرسم غلط
المفروض بتختار اول واحده ( الاحمر ) لليوم الى سابق النهارده
يعنى بتشد القناه من اول يوم 2 لاول يوم 3
انت راسم صح

انما التانيه بقه ( الازرق ) بتشدها من يوم 1 ل يوم 3
مش زى ما انت راسم من يوم 1 ليوم 2

و نفس الكلام فى شارت ال 4 ساعات

الطريقه الصحيحه في المرفقات

في كلتا الحالتين يعني على شارت الساعه وعلى شارت الاربع ساعات الطريقه واحده

على فكره هذا ليس شارت الكيبل حتى لايكون هناك التباس

ولكن القصد التوضيح فقط لطريقة الرسم

بصراحة الف شكر لكم جميعا
وهى دى روح التعاون بجد
الراجل سأل سؤال
و100 واحد جاوبه
اللى بالكلام واللى بالصور
بجد
حاجة تفرررررررررررررح

[Abu Yaser]

دكتور جمال . على (الباوند دولار ) اليوم دخلنا شراء عند اختراق الشموع للأعلى ثم هبط .....هل هدفنا في الشراء هو خط المنتصف الذي تحقق بعد الهبوط أو أن صفقة الشراء لم تحقق الهدف حتى الآن

تقبل تحيتي وتقديري ..... وهات بوسه... هههههه

مش عارف ايه موضوع البوس ده
الناس كده هاتفهمنا غلط

روح مع اخوك اللى فات على الخاص
هههههههه

[Abu Yaser]

السلام عليكم ورحمة الله وبركاتة

اولا اهنئك دكتور جمال على موضوعك الرائع دة واحييك بشدة على اسلوبك الجميل فى الشرح الاكثر من رائع والبسيط ما شاء الله على هذة الطريقة البسيطة والقوية فى المتاجرة قراءت الموضوع متأخر شوية و كنت منسجم جدا من شرحك للطريقة

انت فعلا رجل فاهم ومحترف جدا ربنا يزيدك من فضلة وعلمة

ان شاء الله استمر اخى الكريم فى شرحك الممتاز متابع معك اخى للاستفادة وبأذن الله تعالى طريقتك تفيد اخوانك وانا منهم ان شاء الله .

ثانيا واضح ان هذة الطريقة ماشية مع الاسترلينى دولار تمام والحمد لله

السؤال هنا ما نسبة نجاحها مع اليورو دولار والاسترلينى ين لو سمحت لان انا مبشتغلش غير على العملتين دول فقط

وبألاخص اليورو لان طريقتك متجانسة جدا جدا مع اسلوبى فى المتاجرة اكيد حضرتك جربتها على الجميع لانك شغال عليها من فترة ليست قليلة فى الحكم على نجاحها اكيد.

ارجو ان لا اكون قد اثقلت عليك دكتور جمال وتمنياتى ليك وللاخوة فى هذا الموضوع بألنجاح ان شاء الله تحياتى وتقديرى.

ربنا يخليك على كلامك الرقيق
انا كمان زى ماقلت ماكنتش باشتغل غير على الكيبل فقط
فمعلش مش هاقدر اجاوب على سؤالك عن العملات التانية
انما هايبان هنا بالتجربة العملية سوا ايه افضل العملات اللى نثبت عليها
مانا كمان لازم استفاد منكم

[Abu Yaser]

الاخ الغالي د. جمال
ايقنت دائما ان الابداع ليس غريبا عن العقل العربي
وان ميدان التحرير سيفجر طاقات وابداعات
واني يجب أن لا اكون سلبيا وعليه لقد قمت بعمل كتاب الكتروني لجميع ما طرحته يا استاذي جتى اللحظه
وبالرغم من حجمه الكبير الا انه سيكون هديتي لكم وللأحبة الأعضاء
وان شاء الله الفيديو في الطريق
مع حبي وتقديره
اخوكم
د. زهدي قمر

يا سلااااااام
دى حاجة جميلة خالص
وتعب تشكر عليه بجد
انت كده هاتبقى افدت الاخوان جدا عشان لمّيت الموضوع كله للى مش متابع معانا من الاول خطوة بخطوة
تسلم ايدك مقدما

[Abozoz]

يا سلااااااام

دى حاجة جميلة خالص
وتعب تشكر عليه بجد
انت كده هاتبقى افدت الاخوان جدا عشان لمّيت الموضوع كله للى مش متابع معانا من الاول خطوة بخطوة
تسلم ايدك مقدما

تكرم يا باشا انت والمتداول والاحبه جميعا
هل اطمع بالتعليق يا سيدي

[aboziad]

هل الشارت صحيح بهذا الوضع

[Abu Yaser]

نيجى بقى للمهم
بجد انت عامل شغل كبير اوى اوى يا مصطفى
وانا مش عارف ارد على ايه ولا ايه من كمية التساؤلات دى كلها
بس هو الموضوع ابسط من كل ده
وفيه حاجات كتير مش مظبوط
عشان كده احد الاخوان قالك بلاش تشتيت (على اساس انه فاهم غير اللى انت بتقوله)
ولكن اللى وراه على طول قال انه فاهم كده بالظبط
يبقى الخلاصة ان الموضوع محتاج (مش شرح) ولكن اعادة تثبيت بعض النقاط منعا للتشتيت او تضارب المفاهيم
بس برافو عليك انك فجّرت الموضوع ده بدل ما كنا نكمل ومش كل الناس على مفهوم واحد

شوف
هو يمكن اللى انا قلته هو اللى خلاك تفهم كده بس مش ده كان قصدى خالص
هانحط يا جماعة شوية نقط نمشى عليها بالظبط بعد كده عشان من غير تفكير طالما انا دخلت التريدة يبقى اكييييييد باقى الناس تكون دخلتها (المقصود يكون التفمير واحد ومافيش تضارب فى المفهوم)

فانا هاقولك على طريقتى يا مصطفى زى مانت طلبت وانت طبعا لك مطلق الحرية فى العمل بيه او التعديل عليه فى شغلك انت الخاص

أولا
الشغل على فريم الساعة فقط
امال ال 4 ساعات ده ايه؟
ده مجرد يفهمك الاتجاه العام وللتأكيد على الاستمرار فى الصفقة (على الساعة) أو الخروج منها (على الساعة برضة)
وبيورينا التخيل العام للاسبوع (ممكن) يبقى شكله ايه (مش بالضرورة)
انما اللى بيحدد الشكل الفعلى هو فريم الساعة وتغير سلوك السعر خلاله

امال اليومى بقى؟
ده عشان نتخيل برضه شكل الشهر (احتما يبقى ازاى)
وتأكيده يكون من ال 4 ساعات
وتأكيد ال 4 ساعات من خلال الساعة

يعنى هاديلكم مثل
احنا هانبتدى شهر جديد
عملنا نظامنا على فريم اليومى عشان نتخيل الشهر
فلقينا (حاجة من الاتنين بس اللى اتشرحوا ماعندناش غيرهم الوقتى) ان الأحمر والأزرق متطابقين على بعض ونازلين لتحت
فى الحالة دى يبقى عندنا سيناريو من اتنين خلال الشهر ده

يا اما هايمشى فى ترند هابط يلمس القناة من فوق وينزل يلمسها من تحت
او هايكسرها من فوق ويطلع بهبل

طيب نعرف ازى؟
ندخل على ال 4 ساعات ونعمل نظامنا عادى
نلاقى الشكل فى الغالب هايكون شبه اليومى (عشان بقاله فترة نازل)
فيكون السيناريو هو هو احدى الحلّين

نقوم ندخل على الساعة ونعمل نفس النظام
ودى تكون محطة المراقبة بتاعتنا
ممكن نلاقى الساعة نفس الشكل (الأحمر والأزرق متطابقين برضة) فيكون نفس السيناريو
او يكون السعر مشى بالعرض شوية (بحيث تأثيره ظهر على الساعة ولكن لسه على ال 4 ساعات مش مؤثر اوى)
فيكون الشكل على الساعة ان الأزرق ماشى بالعرض شوية والأحمر باصص لتحت

الطبيعى عندنا اننا بنشتغل على الساعة مع وضع الحال العام فى الاعتبار
فلما يكسر الأحمر على الساعة لفوق يبقى هاندخل شرا (ده العادى) ولكن الاتجاه العام على اليومى وعلى ال 4 ساعات هبوط فيكون الدخول اما بلوت صغير عشان تقدر تعزز او بتارجت صغير (مش لازم يلمس الحد العلوى للأزرق)

ملحوظة هااااامة
ماتخافش ان الترند يعكس اتجاهه من بيع الى شرا وانت كنت شارى وقفلت بدرى
لا
هايرجع وينزل لك تانى لمنطقة الشراء الأصلية أو أفضل منها كمان قبل ما يبتدى رحلة الصعود
يعنى هاتركب الموجة هاتركب الموجة باذن الله تعالى
فبلاش تستعجل او تطمع وما تقفلش الصفقة عشان هايعكس الترند ويطلع
مافيش ترند بيتعكس خبط لزق، لازم فترة انتقالية الأول
والاستراتيجية بتاعتنا دى بتبين كل الفترات، الترند والانتقالى
بس انت
أدخل صحححححح

المهم
زى ما قلنا اشترينا على الساعة مع كسر الأحمر (على استحياء)
وبعدين تانى يوم مثلا هايتغير الشكل بتاعنا (عشان امبارح طلع السعر شوية)
فهايكون الأزرق ماشى بالعرض وتقريبا الأحمر ماشى باعرض برضة بس باصص لفوق

نركز هنا بقى
فيه 2 سيناريو

السيناريو الاول
لو الترند العام هايكمل هبوطه

هايبقى السعر على ال 4 ساعات مثلا لامس الحد العلوى للقناة
وعلى الساعة حبيبتنا
هايكسر الأحمر لتحت، فهاندخل بيع وبقوة (لوت عالى) ليه؟
اليومى هابط وماتكسرش
ال 4 ساعات لمس الحد العلوى وارتد وترند هابط
الساعة كسر الأحمر لتحت
عاوز ايه تانى؟

السينايو التانى
يكون الترند هايبتدى ينعكس
فالسعر على الساعة هايكسر الأحمر لفوق (لتانى يوم)
فهاندخل شرا (لسه على استحياء بس مش استحياء اوى زى امبارح ههههه)
هايطلع بينا شوية (يمكن يكون بقوة)
فى الحتة دى هايكون كسر الحدين العلويين للقناتين المتطابقتين على ال 4 ساعات
يبقى ساعتها يا فرج الله الاسبوع ده هايكون طلوع بغباوة وفيه ناس كتير هاتصفّر حساباتها (المتمسكين بالبيع) نحاول احنا نكسب بقى

ساعتها السعر هايعمل زى ما قلنا من شوية
هاينزل تانى ويمكن لسعر أفضل من اللى اشترينا على أول ما كسر
وده عشان يعمل اختبار على ال 4 ساعات قبل ما ينطلق
ويمكن على الساعة نلاقيه دخل تانى جوة الأحمر اللى لسه كاسره
(من هنا ييجى دور ال 4 ساعات فى تحديد الاتجاه وليس فى المتجرة)

طبعا احنا مش هانشترى من تحت اوى (بلاش افترا ههههه) وبلاش تخييييل (تاجر ما ترى وليس ما تظن)
الشرا وبمنتهى القوة يكون لما السعر يرجع ويطلع تانى من الأحمر على الساعة
ويكون تم التأكيد على اختبار فى ال 4 ساعات (والحاجتين دول متزامنين يعنى بيحصلوا سوا)

يعنى لما يرجع يكسر على الساعة بيكون فى الغالب عمل شمعة هامر او بولش انجلف على ال 4 ساعات مع لمس القناة المكسورة والارتداد منها

يبقى اشترى ولا حرج
والا سبوع ده هايطيييييير لفوق

هايكون عندنا الشكل كالتالى
على ال 4 ساعات القناتين باصين لتحت ومتطابقتين والسعر خرج منهما وطار (الفريم ده كده مالناش دعوة بيه تانى لآخر الاسبوع عشان الشكل ده مش هايتغير)
اما على الساعة فأول يوم لما السعر كسرهم وطار هايبقى الشكل شبه ال 4 ساعات
اما تانى يوم فهايكون الأحمر باصص لفوق ورفيع ومخترق الأزرق من شدة طلوع السعر (أكيد يعنى) والأزرق عريض وبيبتدى يبص لفوق
فلو السعر هايكمل بنفس القوة (وده فى الغالب)
ممكن يلمس الأحمر من تحت ويطلع بقوة
وممكن يكسر الأحمر لتحت (ده شكل جديد غير اللى فاتوا) خلى بالك
هايكسر الأحمر لتحت (ادينى باعيدها تانى) ويلمس طرف الأزرق من فوق ويطييييير يطير زى العصافيييير

طيب ليه لما هايكسر لتحت مش هانبيييييع؟؟
اولا احنا مش مكنة (اجهزة يعنى بس بالمصرى)
ثانيا احنا قايلين انه على ال 4 ساعات اخد فى وشه ومسافر لدرجة اننا مش هانبص عليه تانى باقى الاسبوع
يعنى كل نزول شرا
وعلى فكرة
غير موضوع ال 4 ساعات انه طالع
الشكل نفسه بتاع الساعة ما بيبقاش هو هو
يعنى الأحمر بيكون رفيع عن العادى وخارج عن الأزرق اوى (لقوة الشموع الصاعدة المرسوم عليها)

عموما
الشرح النظرى شىء
ولما تجرب عملى وبإيدك والخبرة شىء تانى خالص، وده اللى احنا عاوزين نوصل له
وما تفتكروش انى قلت الكلمتين اللى عندى ومش هاتابع الموضوع زى ما ساعات الناس بتعمل
احنا باذن الله مع بعض وهانتابع سوا ونتعلم سوا لحد ما تنتقل لكم الخبرة باذن الله

وعلى فكرة
ممكن قدام شوية بعد ماتكتسبوا الخبرة
من أول ما ترسموا النظام بتاعنا من بالليل ومن شكل الأحمر مع الأزرق
تقول انا بكرة أجازة وتستمتع بحياتك
ولما ترجع بالليل تلاقى اللى انت كنت عارفه
انه مشى بالعرض فى رينج ضيق (نبقى بعدنا عن التذبذب)
او انه غير محدد الملامح (على الساعة طالع وعلى ال 4 نازل واليومى بالعرض) فلما تيجى بالليل تلاقى ناس فى المنتدى بتعيط انه ليه عمل كده او ان فيه مؤامرة ضد أموال العرب
فتحمد ربنا (تانى ماتنسهاش دى)

معلش ان الشرح من غير صور
بس محتاج شوية تخيّل
فيارب تكون الصورة الكاملة وضحت

انا كده خلَّصت، وخِلِصْت

د/ جمال ممدوح

[thecreativex]

اخر رد ده

محتاج تمعين و تفحيص و استقصاء

[aboziad]

يا ترى الرسم كده صحيح

[sharkas14]

يا ترى الرسم كده صحيح

الرسم تمام يا باشا وممكن برضو تنظر تاكيد الدكتور

[الحاير]

وعلى فكرة
ممكن قدام شوية بعد ماتكتسبوا الخبرة
من أول ما ترسموا النظام بتاعنا من بالليل ومن شكل الأحمر مع الأزرق
تقول انا بكرة أجازة وتستمتع بحياتك
ولما ترجع بالليل تلاقى اللى انت كنت عارفه
انه مشى بالعرض فى رينج ضيق (نبقى بعدنا عن التذبذب)
او انه غير محدد الملامح (على الساعة طالع وعلى ال 4 نازل واليومى بالعرض) فلما تيجى بالليل تلاقى ناس فى المنتدى بتعيط انه ليه عمل كده او ان فيه مؤامرة ضد أموال العرب
فتحمد ربنا (تانى ماتنسهاش دى)

النقطه دي مش واضحه اوي

ياليت توضحها يادكتور اكثر وياليت بالشارت اسهل للفهم

نقطه ثانيه

اتكلمت عن انطباق القناتين في الاربع ساعات واليومي لتحديد الاتجاه

طيب اذا لم تكن متطابقه

المتاجره مفهوم انها على شارت الساعه ولكن الفريمات الاكبر لها دور كذلك عايزين نعرف ان لم تكن القنوات

متطابقه على الاربع ساعات واليومي كيف يكون التعامل مع السعر وماهو دور خط القناه المتوسط لكلا القناتين

التخينه والرفيعه وهل ناخذه بعين الاعتبار

ماعليش استحملني شويه على تخانة مخي

وتحياتي للجميع

[thecreativex]

استاذنك استاذ جمال الجزء بتاع التذبذب و الرينج الضيق دى لو تشرحهالى بالصور ازاى توقعه و ازاى التعامل معاه لان دى مشكلتى الازليه و اهم شىء عايز افهمه من الموضوع :]