... خبرتى ...

[thecreativex]

تمام انا كده فاهم بس هو الموضوع حيحتاج شوية تمرس
و بالنسبه للشموع عندى مؤشر ليها
---
تقريبا اخر استفسار ايه هى الاشكال الى غالبا بتكون شبه مؤكده ان يحصل فيها انفجار سعرى او رالى او حركه قويه متوقعه ؟

[Abozoz]

وهذا شارت اليورو - دولار
خمسة دقائق
لاستكشاف الحركة اليومية

[الفانوس]

السلام عليكم
بارك الله فيك د جمال على الطرح الجميل

سؤالي هو..... انت على فريم الساعة مثلا بتسحب يوم وبعدين يومين
طيب لوانا سحبت يومين وبعدين ثلاثة ايام؟؟؟......يعني لازم يوم وبعدين يومين وماينفع اسحب غير كذا؟

شاكر لك

[Abu Yaser]

انت فنان يا دكتورنا والله
ايه الشرح الجميل ده عن البرايس اكشن
حبيت الباوند والله من شرحك عليه

الله يكرمك
والحمد لله انك استفدت ده شىء يسعدنى

الله ينور عليك يا باشا...شرح رائع و ابداع حقيقي و بلا تعقيد و وجع راس...بصراحه تعجز الكلمات عن شكرك...الف شكر
و الله يرزقك من حيث تحتسب و لا تحتسب...

آمين
ولك مثل ذلك

ده بس من ذوقك وفعلا الموضوع بسيط

تحية من القلب لك اخي الكريم على هذا الموضوع الشيق ونرجو من الله ان تعم الفائدة على الجميع
في البداية تعتقد ان الموضوع سهل ولكن في الحقيقة التطبيق العملي يختلف والموضوع صعب جدا
من خلال متابعتي للباك تست وجدت انك قد تحظى بفرصة واحدة على الاقل ذهبية خلال الاسبوع والذي اطلقت عليها فرصة 100% اي كاملة الشروط وتستحق الدخول بعقد كبير حيث يكون الهدف كبير 60 نقطة فما اكثر
نصيحة لي اولا وللاخوة الاعضاء ان يستخدموا استوب لوز في البداية حتى يتمكنوا منها ان شاء الله واذ كنت احبذ العمل على الديمو في البداية يكون افضل
وفقك الله وسدد خطاك ومتابعين ومساندين لك اخي الكريم
تقبل احترامي

اهلا بيك يا أخى
اعتقد ان الموضوع سهل ومش معقد لهذ الدرجة
هو محتاج بس شوية تدريب زى مانت قلت
وعلى فكرة
الفرص المؤكدة اكتر من كده بكتيييييييير
وكل اللى انا باتكلم عنه ده على عملة واحدة وهى الكيبل
امال اذا اشتغلنا على كذا عملة؟
ربنا يكرم

[Abu Yaser]

دكتورنا الغالي
معقول يا راجل اغلق الرسائل ؟؟
دا يوم الفرحه والسرور استلام رساله منكم يا الغالي

ارجوا أن تحتمل اسئلتي يا استاذي
وضعت شارت الشهري
والاسبوعي يعني 4 ساعات
واليومي يعني لاكتشاف الشهري

وانا بصراحه اشوف اليومي من اول شمعه 5 دقائق ولم اطبقها هنا سوف احاول
لست ادري ان كانت رسوماتي صح ام لا؟؟
على كل حال انتظر توجيهاتكم وان شاء الله سأكون نعم الطالب اللي بسمع الكلام
تحياتي لكم
الملف المرفق 263405
الملف المرفق 263406
الملف المرفق 263407

الملف المرفق 263409اضافة شارت 5 دقائق

الملف المرفق 263408

انا حاولت بالفعل ارسل لك رد على الخاص 3 مرات لكنه رفض وقال انك مش مفعل استقبال الرسايل

هو فيه حاجة
للأسف يا د/ زهدى الرسومات كلها غلط
انت بترسم الخطوط على السعر الحالى
وهى بتترسم على السابق

ياريت تراجع كيفية الرسم فى المشاركات السابقة
وشكرا على اهتمامك

[Abu Yaser]

تمام انا كده فاهم بس هو الموضوع حيحتاج شوية تمرس
و بالنسبه للشموع عندى مؤشر ليها
---
تقريبا اخر استفسار ايه هى الاشكال الى غالبا بتكون شبه مؤكده ان يحصل فيها انفجار سعرى او رالى او حركه قويه متوقعه ؟

الشكل اللى لو كسره السعر فى الغالب بيمشى فى اتجاه وبقوة
هو لما الأحمر والأزرق يكونوا ماشيين مع بعض شبه متطابقين
ومتجهين لأسفل أو لأعلى (مش ماشيين بالعرض يعنى)
وطبعا مع تأكيد الاتجاه من الفريم الأكبر زى ما تم الشرح سابقا

[Abu Yaser]

السلام عليكم
بارك الله فيك د جمال على الطرح الجميل

سؤالي هو..... انت على فريم الساعة مثلا بتسحب يوم وبعدين يومين
طيب لوانا سحبت يومين وبعدين ثلاثة ايام؟؟؟......يعني لازم يوم وبعدين يومين وماينفع اسحب غير كذا؟

شاكر لك

اهلا بك أخى الفانوس
الاستراتيجية هى انك تسحب على آخر فاصل، وعلى آخر فاصلين فى اى شارت زمنى
عشان آخر تطوّر للسعر هو اللى يهمنا وهو اللى بيحدد التفاعلات القادمة

نوّرت
وأى تساؤل انا فى الخدمة

[sulheen]

اخى الفاضل صاحب الموضوع برجا مراجعة الصورة التالية وهل هى متوافقة مع منصتك فى شكل الشموع وطريقة الرسم
وجزاك الله كل خير على مجهودك الاكثر من رائع

[Abu Yaser]

اخى الفاضل صاحب الموضوع برجا مراجعة الصورة التالية وهل هى متوافقة مع منصتك فى شكل الشموع وطريقة الرسم
وجزاك الله كل خير على مجهودك الاكثر من رائع

كده تماااام المنصة والرسم

أهلا بيك

[drom2010]

وانا بقلب في المنتدى لاقيت موضوع كويس جدا وممكن ندمجه مع طريقه استاذ جمال لمعرفه الدخول والهدف والوقف
https://forum.arabictrader.com/t117978.html

[عبدالله2010]

ألمينا بالطريقة تقريبا والفرص الحية بالصور هي الت تجعلنا أكثر دقة ....فلا تنسانا دكتور جمال من الشرح على الصور في الفرص الحية .....لأن عرض كم فرصه تعطينا المهارة ,


وأتمنا أن يكون هناك أستعراض لشارت الكيبل ...يظهر فيه سيناريو يوم الاثنين .....

شاكرين ومقدرين جهدك ...وتلبيتك السريعة لجميع أستفسارتنا

[مصطفى خالد]

السلام عليكم
ممتاز أخي مصطفى وجزاك الله خيرا
أنت الأن طرحت صفقات وشارتات وفيها أغلب التساؤلات اللي ممكن يقالبها أي شخص
وإختصرت علينا وقت كبير لأنه كان ممكن أي واحد ينزل سؤال وشارت مختلف
وكان ساعتها الأخ جمال سيظطر أن يرد على كل شخص لوحده
أما الأن أنت جمعت له كل الإسئلة والإحتمالات اللي ممكن تواجهنا جميعا
جزاك الله خيرا أخي مصطفى وكدلك الشكر والدعاء موصول للدكتور جمال
موفقين شباب وفي إنتظار الرد والتوضيح من الدكتور

اى خدمه

[hussamammar]

وانا بقلب في المنتدى لاقيت موضوع كويس جدا وممكن ندمجه مع طريقه استاذ جمال لمعرفه الدخول والهدف والوقف
https://forum.arabictrader.com/t117978.html

[مصطفى خالد]

نيجى بقى للمهم
بجد انت عامل شغل كبير اوى اوى يا مصطفى
وانا مش عارف ارد على ايه ولا ايه من كمية التساؤلات دى كلها
بس هو الموضوع ابسط من كل ده
وفيه حاجات كتير مش مظبوط
عشان كده احد الاخوان قالك بلاش تشتيت (على اساس انه فاهم غير اللى انت بتقوله)
ولكن اللى وراه على طول قال انه فاهم كده بالظبط
يبقى الخلاصة ان الموضوع محتاج (مش شرح) ولكن اعادة تثبيت بعض النقاط منعا للتشتيت او تضارب المفاهيم
بس برافو عليك انك فجّرت الموضوع ده بدل ما كنا نكمل ومش كل الناس على مفهوم واحد

شوف
هو يمكن اللى انا قلته هو اللى خلاك تفهم كده بس مش ده كان قصدى خالص
هانحط يا جماعة شوية نقط نمشى عليها بالظبط بعد كده عشان من غير تفكير طالما انا دخلت التريدة يبقى اكييييييد باقى الناس تكون دخلتها (المقصود يكون التفمير واحد ومافيش تضارب فى المفهوم)

فانا هاقولك على طريقتى يا مصطفى زى مانت طلبت وانت طبعا لك مطلق الحرية فى العمل بيه او التعديل عليه فى شغلك انت الخاص

أولا
الشغل على فريم الساعة فقط
امال ال 4 ساعات ده ايه؟
ده مجرد يفهمك الاتجاه العام وللتأكيد على الاستمرار فى الصفقة (على الساعة) أو الخروج منها (على الساعة برضة)
وبيورينا التخيل العام للاسبوع (ممكن) يبقى شكله ايه (مش بالضرورة)
انما اللى بيحدد الشكل الفعلى هو فريم الساعة وتغير سلوك السعر خلاله

امال اليومى بقى؟
ده عشان نتخيل برضه شكل الشهر (احتما يبقى ازاى)
وتأكيده يكون من ال 4 ساعات
وتأكيد ال 4 ساعات من خلال الساعة

يعنى هاديلكم مثل
احنا هانبتدى شهر جديد
عملنا نظامنا على فريم اليومى عشان نتخيل الشهر
فلقينا (حاجة من الاتنين بس اللى اتشرحوا ماعندناش غيرهم الوقتى) ان الأحمر والأزرق متطابقين على بعض ونازلين لتحت
فى الحالة دى يبقى عندنا سيناريو من اتنين خلال الشهر ده

يا اما هايمشى فى ترند هابط يلمس القناة من فوق وينزل يلمسها من تحت
او هايكسرها من فوق ويطلع بهبل

طيب نعرف ازى؟
ندخل على ال 4 ساعات ونعمل نظامنا عادى
نلاقى الشكل فى الغالب هايكون شبه اليومى (عشان بقاله فترة نازل)
فيكون السيناريو هو هو احدى الحلّين

نقوم ندخل على الساعة ونعمل نفس النظام
ودى تكون محطة المراقبة بتاعتنا
ممكن نلاقى الساعة نفس الشكل (الأحمر والأزرق متطابقين برضة) فيكون نفس السيناريو
او يكون السعر مشى بالعرض شوية (بحيث تأثيره ظهر على الساعة ولكن لسه على ال 4 ساعات مش مؤثر اوى)
فيكون الشكل على الساعة ان الأزرق ماشى بالعرض شوية والأحمر باصص لتحت

الطبيعى عندنا اننا بنشتغل على الساعة مع وضع الحال العام فى الاعتبار
فلما يكسر الأحمر على الساعة لفوق يبقى هاندخل شرا (ده العادى) ولكن الاتجاه العام على اليومى وعلى ال 4 ساعات هبوط فيكون الدخول اما بلوت صغير عشان تقدر تعزز او بتارجت صغير (مش لازم يلمس الحد العلوى للأزرق)

ملحوظة هااااامة
ماتخافش ان الترند يعكس اتجاهه من بيع الى شرا وانت كنت شارى وقفلت بدرى
لا
هايرجع وينزل لك تانى لمنطقة الشراء الأصلية أو أفضل منها كمان قبل ما يبتدى رحلة الصعود
يعنى هاتركب الموجة هاتركب الموجة باذن الله تعالى
فبلاش تستعجل او تطمع وما تقفلش الصفقة عشان هايعكس الترند ويطلع
مافيش ترند بيتعكس خبط لزق، لازم فترة انتقالية الأول
والاستراتيجية بتاعتنا دى بتبين كل الفترات، الترند والانتقالى
بس انت
أدخل صحححححح

المهم
زى ما قلنا اشترينا على الساعة مع كسر الأحمر (على استحياء)
وبعدين تانى يوم مثلا هايتغير الشكل بتاعنا (عشان امبارح طلع السعر شوية)
فهايكون الأزرق ماشى بالعرض وتقريبا الأحمر ماشى باعرض برضة بس باصص لفوق

نركز هنا بقى
فيه 2 سيناريو

السيناريو الاول
لو الترند العام هايكمل هبوطه

هايبقى السعر على ال 4 ساعات مثلا لامس الحد العلوى للقناة
وعلى الساعة حبيبتنا
هايكسر الأحمر لتحت، فهاندخل بيع وبقوة (لوت عالى) ليه؟
اليومى هابط وماتكسرش
ال 4 ساعات لمس الحد العلوى وارتد وترند هابط
الساعة كسر الأحمر لتحت
عاوز ايه تانى؟

السينايو التانى
يكون الترند هايبتدى ينعكس
فالسعر على الساعة هايكسر الأحمر لفوق (لتانى يوم)
فهاندخل شرا (لسه على استحياء بس مش استحياء اوى زى امبارح ههههه)
هايطلع بينا شوية (يمكن يكون بقوة)
فى الحتة دى هايكون كسر الحدين العلويين للقناتين المتطابقتين على ال 4 ساعات
يبقى ساعتها يا فرج الله الاسبوع ده هايكون طلوع بغباوة وفيه ناس كتير هاتصفّر حساباتها (المتمسكين بالبيع) نحاول احنا نكسب بقى

ساعتها السعر هايعمل زى ما قلنا من شوية
هاينزل تانى ويمكن لسعر أفضل من اللى اشترينا على أول ما كسر
وده عشان يعمل اختبار على ال 4 ساعات قبل ما ينطلق
ويمكن على الساعة نلاقيه دخل تانى جوة الأحمر اللى لسه كاسره
(من هنا ييجى دور ال 4 ساعات فى تحديد الاتجاه وليس فى المتجرة)

طبعا احنا مش هانشترى من تحت اوى (بلاش افترا ههههه) وبلاش تخييييل (تاجر ما ترى وليس ما تظن)
الشرا وبمنتهى القوة يكون لما السعر يرجع ويطلع تانى من الأحمر على الساعة
ويكون تم التأكيد على اختبار فى ال 4 ساعات (والحاجتين دول متزامنين يعنى بيحصلوا سوا)

يعنى لما يرجع يكسر على الساعة بيكون فى الغالب عمل شمعة هامر او بولش انجلف على ال 4 ساعات مع لمس القناة المكسورة والارتداد منها

يبقى اشترى ولا حرج
والا سبوع ده هايطيييييير لفوق

هايكون عندنا الشكل كالتالى
على ال 4 ساعات القناتين باصين لتحت ومتطابقتين والسعر خرج منهما وطار (الفريم ده كده مالناش دعوة بيه تانى لآخر الاسبوع عشان الشكل ده مش هايتغير)
اما على الساعة فأول يوم لما السعر كسرهم وطار هايبقى الشكل شبه ال 4 ساعات
اما تانى يوم فهايكون الأحمر باصص لفوق ورفيع ومخترق الأزرق من شدة طلوع السعر (أكيد يعنى) والأزرق عريض وبيبتدى يبص لفوق
فلو السعر هايكمل بنفس القوة (وده فى الغالب)
ممكن يلمس الأحمر من تحت ويطلع بقوة
وممكن يكسر الأحمر لتحت (ده شكل جديد غير اللى فاتوا) خلى بالك
هايكسر الأحمر لتحت (ادينى باعيدها تانى) ويلمس طرف الأزرق من فوق ويطييييير يطير زى العصافيييير

طيب ليه لما هايكسر لتحت مش هانبيييييع؟؟
اولا احنا مش مكنة (اجهزة يعنى بس بالمصرى)
ثانيا احنا قايلين انه على ال 4 ساعات اخد فى وشه ومسافر لدرجة اننا مش هانبص عليه تانى باقى الاسبوع
يعنى كل نزول شرا
وعلى فكرة
غير موضوع ال 4 ساعات انه طالع
الشكل نفسه بتاع الساعة ما بيبقاش هو هو
يعنى الأحمر بيكون رفيع عن العادى وخارج عن الأزرق اوى (لقوة الشموع الصاعدة المرسوم عليها)

عموما
الشرح النظرى شىء
ولما تجرب عملى وبإيدك والخبرة شىء تانى خالص، وده اللى احنا عاوزين نوصل له
وما تفتكروش انى قلت الكلمتين اللى عندى ومش هاتابع الموضوع زى ما ساعات الناس بتعمل
احنا باذن الله مع بعض وهانتابع سوا ونتعلم سوا لحد ما تنتقل لكم الخبرة باذن الله

وعلى فكرة
ممكن قدام شوية بعد ماتكتسبوا الخبرة
من أول ما ترسموا النظام بتاعنا من بالليل ومن شكل الأحمر مع الأزرق
تقول انا بكرة أجازة وتستمتع بحياتك
ولما ترجع بالليل تلاقى اللى انت كنت عارفه
انه مشى بالعرض فى رينج ضيق (نبقى بعدنا عن التذبذب)
او انه غير محدد الملامح (على الساعة طالع وعلى ال 4 نازل واليومى بالعرض) فلما تيجى بالليل تلاقى ناس فى المنتدى بتعيط انه ليه عمل كده او ان فيه مؤامرة ضد أموال العرب
فتحمد ربنا (تانى ماتنسهاش دى)

معلش ان الشرح من غير صور
بس محتاج شوية تخيّل
فيارب تكون الصورة الكاملة وضحت

انا كده خلَّصت، وخِلِصْت

د/ جمال ممدوح

اخيرا خلصت المشاركه
انا قعدت اتخيل كل خطوه من الخطوات الى انت قلتها و ارسمها فى دماغى ( و طلعت واسع الخيال اوى )
و كلامك صح بس عايز خبره
و سؤال بقه
ليه حضرتك مش بتشتغل على فريم ال 4 ساعات رغم ان صفقاته جيده جدا و هاديه جدا ؟؟ و لا انت شغال على الساعه لانك متفرغ بس مش اكتر؟؟
ثانيا هل بتتخذ اى قرار ليك بشراء او بيع او اغلاق اى صفقه بعد اغلاق الشمعه و لا فور وصول السعر لنقطه البيع او الشراء ؟؟
ثالثا هل لازم الساعه و ال 4 ياكدو بعض للدخول ؟؟ و لا انت لو الساعه بتعاكس ال 4 ساعات بتدخل باللوت الصغير ؟؟ طب مش الاحسن انك تصبر و ماتدخلش الا الصفقات المحترمه اوى ؟؟

انا مش هاخبى حاجة
ده اللى انا باتاجر بيه من فترة طوييييييلة
مانا قلت على موضوع الاستوب والتارجت دول قبل كده
اقرا يا عم مصطفى ههههههه

طب انا قريت و انت مش بتدخل باستوب و التارجت بيكون الحد الاعلى اول الاسفل حسب الصفقه او 80 % منه

الباوند ساعه
الملف المرفق 263367
اسئله كتيره جدا حول الباوند فى فريم الساعه
صففات 1-2-3 كلها المفروض اغلقت تحت الازرق و ده المفروض بيع واضح
لكن 1 اغلقت خارج الازرق لمن فى نفس الوقت داخل الاحمر و على وسطه كمان
فهل نبيع ام ننتظر كسر الاحمر ؟؟
كما ان الساعه التاليه كانت دوجى تدعم الصعود ؟؟ فهل المفروض تغلق على نقطه الدخول للامان ام نصمم على البيع؟

صفقه 2 اغلاق تحت الازرق لكن فى نفس الوقت على حدود الاحمر ؟؟
فهل يتم البيع ان الشراء ام انتظار الشمعه التاليه؟؟

صفقه 3 بيع واضح لكن الشمعه التاليه كانت دوجى تدعم الصعود هفهل يتم الاغلاق على نفطه الدخول ام التصميم على الصفقه؟؟

ملحوظه مهمه
صفقات 1-2-3 رغم كسر الازرق بوضوح لكنها على فريم ال 4 ساعاتت كان فرصه شراء رقم 5 بسبب وجود السعر على وسط الازرق

صفقه 4 تم كسر الاحمر كسر ايجابى
لكن بالقرب من وسط الازرق فهل يتم الشراء ام انتظار وضوح الامر؟؟
( لو كان تم الشراء السعر هبط لكن صعد مره اخرى لتحقيق التارجت 15 نقطه

صفقه 5
بيع واضح و صريح و حقق الهدف 50 نقطه

يا ريت تشرح لينا الى انت عملته فى الصفقات 1-2-3 و اتصرفت ازاى لما الشموع دى ظهرتلك خصوصا انها صفقات بيع عكس الاتجاه الصاعد؟

لو انا فاهم طريقتك
اتوقع انك ددخلت بلوت صغير اوى 10% من قيمه دخولك المعتاده و عكست عليك فعززت البيع من الحد الاوسط للازرق ب 40 % من عقودك المعتاده ( صفقه 5 ) و قفلتهم كلهم على حد الازرق الاسفل على نقطه الدخول فى الصفقه 1
بمكسب 60 نقطه لعقود ال 40% و الخروج على نقطه الدخول لصفقه 10 %
تمام كده؟؟؟؟؟؟؟؟؟؟؟؟؟؟؟

طب لو كان السعر اغلق فوق وسط الازرق ؟؟؟؟؟ قدامنا حلين
1
اتوقع اغلاق عقود البيع و الدخلو بلوت مضاعف شراء لتارجت الازرق العلوى
لتعويض الخساره

2
او ترك عقود البيع كلها و الدخول هيدج شراء لحد الازرق الاعلى ثم تعزيز البيع مره ثالثه لحد الازرق الاوسط
و اغلاق كله بمكسب العزيز الثالث و نقطه الدخول لصفقثات ال 40 % و خساره ااول صفقه 10 %

عن نفسى اتوقع الحل التانى
صح يا د - جمال؟؟

[karim yahia]

السلام عليكم ورحمة الله وبركاته

انا حابب أسجل اعجابى الشديد بالموضوع

واكتر بشخصية حضرتك المحترمة

انا وصلت لصفحة 14 فى الموضوع وتعبت

هاكمل بكره ان شاء الله علشان نبتدى نحلل الاسبوع من اوله

وده رسمة للكيبل فريم الساعة

رسمت اللى احمر على يوم 3

والازرق على يوم 2و3