الزوايا السعرية والفواصل الزمنية

[medo93]

السلام عليكم

مشكور على الاجابة الوافية على سؤالي السابق.

أرجو أن تجيب على الأسئلة المرفقة في الصور في اطار ما ذكرته، أخي محمد، في مشاركة سابقة "الشكل الدائري فقط اللي بنعمل فيه زمن 360 وبعد 360 شمعه من القمة او القاع اللي تم الرسم منه وبعدها انا مش بكمل معاه علشان الدورة الزمنية بالنسبالي انتهت لكن اي شكل تاني ملوش علاقة بالموضوع دا".
يا ريت يكون شرح الجملة السابقة بالتفصيل، خاصة أني لم أفهم، هل المقصود كل الحالات، أم حالة 270 فقط، و كيف يكون الرسم الصحيح؟

كل الشكر

الملف المرفق 481176

الملف المرفق 481177

مرحبا بك اخي الحبيب
اولا مضوع ال 360 دا بيكون غالبا من الحالة الاولي فقط لكن الحالة الخاصة بالزاوية 450 احيانا بنضاعف الزمن والزاوية علشان نقدر نحتوي السعر داخل النجمة
ثانيا بالنسبة للاسئلة اللي في الصور
1- هنختار القاع الثاني لانه هو المؤثر علي الحركة



وبالتالي هيطلع معانا شكل دائري حالة اولي وطبعا زي ما حضراتكم شفتو ان السعر لمس القاع والمفروض ان الشكل كدا باظ
لكن انا شخصيا ممكن اكمل معاه والسبب اولا ان مفيش غلاق اسفل القاع
وثانيا الشكل المتكون علي فريم الساعه يدعم هذا الدائري

[medo93]

وبالنسبة لموضوع الزمن فانا باختار اولا فانا هختار الزمن 45 وبعدها 90 مباشرة وحضرتك هتلاحظ الفواصل كانت قد ايه قوية في عكس اتجاه السعر سواء الصاعد او الهابط

[abdalaah]

السلام عاليكم استاذى المحترم الغالى
منتظرين الدرس الجديد
يارب بقا يكون الزمن
لانى حاسس ان الزمن هيزبط الكلام اكتر معانا

[abdalaah]

بعد اذن حضرتك استاذ ميدو
انا هحلل الباوند نيوزلندى بس رجاءا
حضرتك تقولى انا كدا تحليلى صح ولا غلط ومشكلتى فين
حابب والله اتعلم واطور من نفسى واكون عن حسن ظنك باذن الله
انا بدئت بفريم الالسبوعى من القمه لقيته عامل شكل خط مستقيم
بس السعر طلع بره المربعات وكسر القناه السعريه الزمنيه اعتقد ان كدا
الشكل انهى دورته وخت خط باللون الاحمر عند زاويه 360 الكسرها السعر
و
فبدئت رسم من القاع للفريم الاسبوعى لقيت الزوج عامل رباعى واختراق الزاويه 180
عملت عاليها خط باللون الازرق



نزلت على فريم اليومى لقيت الزوج ماشى فى شكل ثلاثى
حددت اقرب منقطه للاكستر عند زاويه 420 خت عاليها خط باللون الاصفر
وحددت اخر موجه صاعد باللون الابيض عشان انزل على فريم اقل واشوفها ماشيه على شكل ايه


نزلت على فريم الساعه لقيته عامل شكل خط مستقيم
بس هنا بقا لقيت ان اقرب واويه قريبه من منطقه الكلاستر السعرى زاويه 270
وزاويه 360 حددتهم باللون الاخضر
بس مش عارف انهى واحده فيهم اصح واختاار انهى فيهم
وحددتهم بسهم احمر

دلوقتى النا عرفته ان قرارى فى الباوند نيوزلندى شراء فقط
لان السعر عامل اكتر من منطقه كلاستر صاعد والاتجاه العام صاعد
ياترى حضرتك ان ايه الغلط
وبالنسبه للمسنطقتين العى فريم اليومى البالسهم الاحمر انهى فيهم اصح

[daherxdaher]

بعد التحية و الشكر.
بلاش الله يخليك تقولي حضرتك، الا لو كنت عاوزني أناديك "أستاذ".

كمان سؤالين، بعد اذنك.
المرفق، دائري حالة 450، صحيح؟
السؤال الأخير موجه للجميع هنا، هل كان في أية أخبار اليوم يمكن أن تفسر هذه الحركات البهلوانية للسعر؟

تحياتي

[Harmonic2017]

بعد اذن حضرتك استاذ ميدو
انا هحلل الباوند نيوزلندى بس رجاءا
حضرتك تقولى انا كدا تحليلى صح ولا غلط ومشكلتى فين
حابب والله اتعلم واطور من نفسى واكون عن حسن ظنك باذن الله
انا بدئت بفريم الالسبوعى من القمه لقيته عامل شكل خط مستقيم
بس السعر طلع بره المربعات وكسر القناه السعريه الزمنيه اعتقد ان كدا
الشكل انهى دورته وخت خط باللون الاحمر عند زاويه 360 الكسرها السعر
و
فبدئت رسم من القاع للفريم الاسبوعى لقيت الزوج عامل رباعى واختراق الزاويه 180
عملت عاليها خط باللون الازرق



نزلت على فريم اليومى لقيت الزوج ماشى فى شكل ثلاثى
حددت اقرب منقطه للاكستر عند زاويه 420 خت عاليها خط باللون الاصفر
وحددت اخر موجه صاعد باللون الابيض عشان انزل على فريم اقل واشوفها ماشيه على شكل ايه


نزلت على فريم الساعه لقيته عامل شكل خط مستقيم
بس هنا بقا لقيت ان اقرب واويه قريبه من منطقه الكلاستر السعرى زاويه 270
وزاويه 360 حددتهم باللون الاخضر
بس مش عارف انهى واحده فيهم اصح واختاار انهى فيهم
وحددتهم بسهم احمر

دلوقتى النا عرفته ان قرارى فى الباوند نيوزلندى شراء فقط
لان السعر عامل اكتر من منطقه كلاستر صاعد والاتجاه العام صاعد
ياترى حضرتك ان ايه الغلط
وبالنسبه للمسنطقتين العى فريم اليومى البالسهم الاحمر انهى فيهم اصح

سلام عليكم...
اسمحلي اعطيك قليلا مما افهمه...


الوييكلي لم انظر اليه للشمعه االي ظهرت الطويييلة فتجاهلت التحليل عليه...

بالنسبة لديلي//

رسمك اتوقع خاطئ لانك رسمت ع قاع مستهلك لذلك نتداول من القاع اللي جنبه وهو الأحدث...هذا اولا

ثانيا الزوج يتحرك في شكل دائري وهي الحالة الثانية من اشكال الدائري وهر ارتداد من زاوية450°
كما هو موضح في الصورة الزوح ارتد من زاوية450° وذهب لنص نصف المسافه(ربع زاوية450°)

ثم اخترق الزوج زاوية450° وهبط قليلا من زاوية540° وعاد لياخذن اذان الصعود لزاوية630°
وكما هو واضح الزوج زار زاوية630° اااسبوع االي مضى وللان الزوج محقق +300نقطه بالملي
ورح يهبط اكثر لزاوية540° ثم لزاوية450°




--------
وهنا الهبوط بصوره اوضح

[medo93]

جاري كتابه الدرس الجديد وبعده ستم الرد علي المشاركات باذن الله وسيكون متاح للجميع في خلال ساعتين ع اقصي تقدير

[Harmonic2017]

جاري كتابه الدرس الجديد وبعده ستم الرد علي المشاركات باذن الله وسيكون متاح للجميع في خلال ساعتين ع اقصي تقدير

عسى المانع خير

[medo93]

بسم الله الرحمن الرحيم

اليوم ان شاء الله موعدنا مع درس جديد خاص بجزء جديد من دورتنا ...مبدئيا انا عارف ان موضوع اختيار القمة وقاع لسه فيه درس متبقي لكن من باب التغير انا هخلي الدرس دا بعد درس وهنبدا النهاردا مع بعض درس جديد خاص بالجزء الزمني

اولا انا حابب اوضح ان الدرس بسيط جدا وفي نفس الوقت من اهم الدروس ....وهو ازاي نحدد الزمن الخاص بكل شكل هندسي
كان في مثال قديم معانا بنقوله في الاشكال الهندسية لما كنا بنمثل الشكل الهندسي الذي يسير عليه السعر بالقطار
وكانت الزاويا الرئيسية والفرعيه الخاصة بالشكل الهندسي بتمثل المحطات الخاصة بالقطار

النهاردا هنرجع مرة تانيه للمثال دا علشان نتعرف مع بعض علي الوقت اللي هنستخدمه في الرسم و اللي من المفترض ان يحترمه هذا القطار
ودلوقتي ممكن نتعرف علي القواعد بتاعتنااللي لازم نراعيهافي الشغل بتاعنا واحده واحده

القاعدة الاولي

ان الزمن الخاص بالشكل الهندسي يكون من انصاف واضعاف الزاوية اللي ردت السعر

بمعني

ان لو كانت الزاوية اللي ردت السعر هي الزاوية 90 يبقي الزمن المناسب للحالة دي هو اقسام ال 90 يعني 45 او 23 شمعة او اضعاف ال 90 يعني 180شمعة وقبل الانصاف والاضعاف ينفع برضه الزاوية نفسها يعني 90 شمعة
ودا مثال للزاوية 90 والزمن برضه 90 والحالة دي اسمها 1:1 وتقرا 1الي 1 يعني نقصد في الحالة دا ان السعر وصل الزاوية 90 في 90 شمعهوبالتالي انا متوقع ان السعر هيكون عند الزاوية 180 بعد 180 شمعة وهيكون عند الزاوية 270 بعد 270 شمعه
لان كل درجة سعرية بيقابلها شمعه زمنية ودي الصورة الخاصة بالمثال بتاعنا

ولكن ممكن تكون الحركة اسرع من كدا ونلاقي الشكل بيوصل الزاوية 90 في اقل من 90 وبما ان الشكل رباعي يبقي مباشرة هنستخدم الزمن 45 شمعه وبتكون الحركة اسرع بكيتر من الحالة الاولي لان السعر بيوصل للزاوية 90 في 45 شمعه وبالتالي انا برضه متوقع ان السعر هيوصل للزاوية 180 بعد 90 شمعه لان كدا الحركة اسرع من الحالة الاولي وبتكون الحركة في الحالة دي اسمها 2:1 يعني ان السعر كل شمعه بيتحرك درجتين سعريتين ودي الصورة الخاصة بالمثال التاني

وممكن نلاقي الحركة اسرع من كدا بكتيييييير ونلاقي ان الزمن اللي السعر استغرقة في الوصول اللي الزاوية 90 هو 23 شمعه
والحالة السعر بيتحرك بسرعه كبيرة وبيخلص الدورة بتاعته في 92 تقريبا وبنسميها 4:1 يعني ان السعر كل شمعه بيتحرك 4 درجات سعرية
واعتقد دي اسرع حركة ممكن نقابها في الشارت ودي الصورة الخاصة بيها

اما لو كانت الحركة بطيئة ففي الحالة دي بنستخدم الزمن 180 بدل من 90 يعني بنضاعف الزمن علشان نقدر نحتوي سرعة الحركة
وفي الحالة بتكون الحركة 1:2يعني ان السعر كل شمعتين زمنيتين بيتحرك درجة سعرية ودا بيكون شكل بطيئ جدا وكمان بيستغرق وقت طويل قبل اكتماله وهنلاحظ فيه حالات من الوصول المبكر اللي هنعرفها في الدروس القادمة ان شاء الله ودي الصورة الخاصة بهذا المثال

دا فيما يخص الشكل الرباعي والخماسي حتي الشكل السداسي
وبالنسبة للشكل الدائري فاحنا اتفقنا اننا بحول الشكل لنجمة ونشتغل معاه عادي جدا بزمن اولا 45 ثم 90

اما الاشكال الخط المستقيم والثلاثي فدول غالبا مش بنستخدم معاهم ضعف الزاوية وبيكون الزمن بتاعهم هو الزاوية نفسها او احد مقسومتها
والسبب في كدا

ان الاشكال دي اساسا سريعه بطبعها وكون حضرتك تعمل الزمن ضعف الزواية هتلغي موضوع السرعه دا ودا طبعا هيلغي تاثير الشكل نفسه وهيفقد اهم خصائصه وهو السرعه
والسبب التاني ان لو مثا افرضنا ان الشكل هو خط مستقيم واانا عملت الزمن 360 يعني ضعف الزاوية هلاقي ان اساسا تاثير النقة للي هبدا منها هينتهي زمنيا ودا برضه هيضعف من قوة الشكل وعلشان نشوف المشهد هنلاقي ان تاثر القمة اللي معايا دي هينتهي عن النقطة الصفراء دي وزي ما قلت دا هيضعف الشكل وبالتالي ودي الاسباب اللي مش بنعمل الزمن ضعف الزاوية في الاشكال الثلاثي والمستقيم وبينضم ليهم الشكل الخماسي لو كانت الزاوية 144

اعتقد القاعدة دي (الزمن من انصاف ومضاعفات الزاوية ) وصلت وهي اساسا معروفة ل 90 % من حضراتكم وندخل في المهم

القاعدة الثانية

وهي ان بعد ان نحدد الزاوية اللي ردت السعر ونحدد مين الزمن اللي ممكن ينفع معانا هنلاقي 3 احتمالات وهم ضعف الزمن او الزمن نفسه او نصف الزمن وممكن ربعه واللي بيحدد الموضوع دا هو نقطة اختراق او كسر الزاوية اللي ردت السعر .... يعني انا بختار واحد من الاحتمالات الي معايا بناء علي الشكل دا ....انا عندي نقطة بداية وعندي نقطة ارتداد وعندي نقطة كسر او اختراق 3 نقاط هنشفهم في الصورة

وحاليا انا هصحح مفهوم جديد وهو ان الزمن اللي بنختاره مش بيكون بناء علي وصول السعر للزاوية وانما بيكون بناء علي وصول السعر للزاوية 1 والارتداد اللي منتصفقها 2 واعادة اختراق او كسر الزاوية مرة ثانية3
يعني الزمناللي بختاره بيكون عبارة عن الزمن الخاص بال 3 خطوات اللي في الصورة وفي نفس الوقت لازم يكون من انصاف واضعاف الزاوية
ودول ال 3 خطوات اللي بنتكلم عنهم

دي كل الحكاية ببساطة انا بشوف السعر عمل كل الحاجات دي في قد ايه وبعدها بقرر انا هعمل الزمن كام
يعني الصورة اللي فاتت دي لقينا ان السعر عمل اخطوات في 72 شمعه واساسا الشكل خماسي يعني كدا وانا مغمض هعمل الزمن بتاعي 72 شمعة وهتبقي النسبة 1:1 والصورة بالشكل دا

ولو انا بشتغل يدوي فانا هحسحب الزوايا بتاعتي عادي جدا وبعدها بعمل الزمن 72 بالسايكل لاين وهيكون في مشاركة خاصة بالرسم اليدوي بعد الانتهاء من الجزء الزمن ان شاء الله

القاعدة الثالثة
ان مينفعش السعر يوصل زاويتين رئيسيتين في فاصل زمني واحد وعلي طول في الحالة دي باخد نصف الزمن وتعالو نفهم القاعدة دي مع بعض لانها مهمة جدا

انا مثلا عندي شكل رباعي والزمن بتاعي 90 فمكن غير الممكن اني اعمل الزاوية 90 والزمن 90 او 45 والاقي السعر وصل الزاوية 180 يعني في فاصل زمني السعر وصل محطتين ودا غير صحيح وقبل دا كله لازم نعرف الفرق بين الفاصل الزمني والنطاق الزمني

النطاق الزمني :هو عدد الشموع اللي بحددها بناء علي الشكل بتاعي يعني انا لو معايا شكل ثلاثي ولقيت السعر ارتد وكسر او اخترق الزاوية اللي ارتد منها في 60 شمعة يبقي هو دا الزمن بتاعي
والنطاق الزمني هو 60 شمعه وانا جايب 4 نطاقات زمنية علشان نفهم الموضوع بصورة افضل ورقمتهم بالترتيب



والمفروض ان السعر يمشي في النطاق الزمني بتاعه يعني مثلا في النطاق الزمني رقم 2 المفروض السعر يكون بين الزاوية 120 و240
وفي النطاق الزمني رقم 3 يكون بين الزاوية 240 و360وهذا بالنسبة لباقي النطاقات ....احيانا السعر مش بيعمل كدا وبيكون في حالات مختلفه هنعرفها مع بعض بالتفصيل ان شاء الله لكن اللي يهمني ان حضراتك تكون عارف ايه هو النطاق الزمني وممكن نقول باختصار ان انطاق الزمني هو المربع او المستطيل اللي في الصورة

انما الفاصل الزمني

فدا مختلف شويه لانه مش فترة معينه زي النطاق الزمني اللي شفناه من شويه لا دا بيكون الخط الرئسي للي بين النطاقات الزمنية كل نطاقين زمنيين بيكون بيهنم فاصل زمني
ودا بنسميه فاصل زمني رئيسي وخليكم فاكرين اسمه علشان هيظهر دلوقتي حاجة جديدة اسمها فاصل زمني فرعي
ودي صولة للفواصل الزمنية الرئيسية الخاصة بالشكل اللي في الصورة السابقة
الخطوط البيضاء اللي انا حاطط عندها اسهم حمراء هي دي الفواصل الزمنية الخاصة بهذا الشكل



يبقي كدا الفواصل الزمنيةالرئيسية بتمثل حدود النطاق الزمني
طب ايه هي بقي الفواصل الزمنية الفرعيه ؟
هي بباسطه منتصف المسافة بين الفواصل الزمنية الرئيسية....يعني لو كاانت المسافة بينهم 90 شمعه يبقي كدا معانا فاصل زمني فرعي عند 45 شمعه ونفس الكلام لو النطاق الزمني 60 شمعه يبقي في فاصل زمني فرعي بعد 30 شمعه
ودي الصورة الخاصة بالفواصل الزمنية الفرعية

[medo93]

القاعده رقم 3 لم يتم النتهاء منها وتم ذكر معلومة بسيطة عنها وسيت شرحها في المشاركة القادمة ان شاء الله

[MrYAZID]

بارك الله فيك أخ ميدو شرح سلس و مبسط و بدأت تتضح الصورة جيدا حول موضوع الورشة
واصل و لا تفاصل

[Harmonic2017]

سلام عليكم اخ ميدو...
اخيرا يارجل نزلت الزمني...

فيه عندي لبس بسيط في نقطه معينه...

بعض المرات لما احلل زوج احصله مثلا فريم الربع ساعه (شكل خماسي)
ولما احلله ع الساعه ايضا لنفس النقطة احصله مثلا شكل رباعي??

الان ايهم اعتمد ??

[medo93]

سلام عليكم اخ ميدو...
اخيرا يارجل نزلت الزمني...

فيه عندي لبس بسيط في نقطه معينه...

بعض المرات لما احلل زوج احصله مثلا فريم الربع ساعه (شكل خماسي)
ولما احلله ع الساعه ايضا لنفس النقطة احصله مثلا شكل رباعي??

الان ايهم اعتمد ??

وعليكم السلا ورحمة الله وبركاته
بصراحة لما قريت اسمك ف الصفحة الرئيسية توقعت اني هلاقي سؤال عن النجمة باعتبارها الجزئ القادم لانك دايما سابقنا
لكن الحمدلله ربنا ستر ....واخيرا الجزء اللي كنت مستنيه نزل وبيتشرح بالتفصيل واتمني ان حضرتك قرئته وفهتمه وكمان تخلي بالك ان لسه الشرح غير مكتمل يعني لو في اي حاجة مش واضحة في الجزء المشروح ممكن تسال فيها ولو في حاجة مش واضحة ولسه لم يتم شرحها فاستاذن حضرتك تنتظر
وبالنسبة لسؤال حضرتك ف ال2 صح
لان دا فريم ودا فريم تاني كل وكل واحد فيهم بيمثل دورة مستقله عن االتاني واحنا عرفنا الموضوع دا بل ممكن تلاقي فريم ال 4 ساعات عليه شكل صاعد وفريم ل 15 د عليه شكل هابط وال 2 صح وبالتالي لما يكون في شكل خماسي علي فريم 15 د وشكل رباعي عل فريم ساعه عادي جدا
انا عارف ان حضرتك هتقول ان الشكلين من نفس النقطة
وانا هرد ببساطه ان الفريمين الدورات بتاعتهم مختلفة وفي كل فريم بناخد عدد ارقام غير التاني
وهذكر حضرتك بمثال مشهور وهو الزاوية 144 الخاصة بالشكل الخماسي هي نفسها الزاوية 45 لما نغير الاسبيس
ودا بالضبط اللي حصل مع حضرتك
بتغير الاسبيس لكن لانك شغال يدوي فتكون الفكرة في انك بتذود او تنقص عدد اراقام كل فريم ودا اللي بيدي اشكال مختلفه لكن في النهاية ال2 صح وكل واحد ليه دورة مختلفة يكملها او لا حسب الزمن بتاعه

[medo93]

انا نفسي اعرف ايه المعيار اللي بيتحكم في حجم الصفحة في صفحات فيها 5 مشاركات وصفحات 15 مشاركة

[medo93]

بارك الله فيك أخ ميدو شرح سلس و مبسط و بدأت تتضح الصورة جيدا حول موضوع الورشة
واصل و لا تفاصل

شكرا لك اخي يزيد وان شاء الله لن يكون هناك فواصل