الدايفيرجينس ببساطة ..... و استراتيجيات....

[samsam22]

الجزء الثالث - الدايفيرجينس و السعر

تابع - الدعم و المقاومة

كل اللي عايزيين نكون عرفناه و الاهم تخيلناه و تصورناه كصورة من المثال السابق
ان الدعم و المقاومة هي عبارة عن حدود لاتفاق معين بين طرفين
حد علوي و هو مقاومة .. و اخر سفلي و هو دعم
و عند اي حد من هذه الحدود فيه حالة رضاء بالاتفاق بين الطرفين علي تفعيل الاتفاق

و ان الدعم و المقاومة بيتم تكوينه او تحديده نتيجة لعوامل خارجية وقتية
و ربطها بالعوامل الاخري للاطراف المتفقة
و ان الدعم و المقاومة مش حاجة صماء جامدة ثابتة غير قابلة للتغير
بل هي متغيرة بالارتفاع او الانخفاض نتيجة لتغير الظروف المحيطة بالاتفاق

------------------

تعالوا نشوف المثال ده اللي بيوضح لنا طبيعة عمل السوق
و في نفس الوقت بيوضح كيف تتكون الدعوم و المقاومات

------------


لو فرضنا ان فيه تليفون موبيل جديد حينزل السوق
و التليفون ده ليه مواصفات معينة ..
و الشركة ديه بتبيعوه للتجار و المحلات بسعر جملة مثلا 400 دولار
و قالت لهم انها بدراستها للسوق و احواله و الظروف الاقتصادية الحالية
انها بتقترح عليهم ان السعر المناسب لهم لعرضه للبيع للناس
من 500 الي 550 دولار

------------

المهم التجار و اصحاب المحلات اشتروه و ابتدوا يسعروه
فيه تجار سعروه بسعر 500 دولار و فيه سعروه ب 510 و هكذا و فيه تجار سعروه ب 550
كل تاجر سعره بالسعر اللي هو عايزة بناء علي سياسته الخاصة بالبيع
و لكن كلهم سعروه في الحدود اللي ححدتها الشركة
و الاهم اللي ممكن يتقبلها السوق

ففيه سعر علي 500 و غيره ب 510 و هكذا الي 550 دولار
و نزل التليفون السوق و ابتدت الناس تشتريه

و تلاقي صاحب المحل اللي بيبيع ب 500 دولار بييع .. وراضي عن سعر البيع و بيفرح لما يبيع ب 500 دولار
و بيلاقي المشتري اللي ييجي له و يشتري منه بسعر 500 و هو راضي ايضا و حاسس ان السعر مناسب و عادل

و برضه صاحب المحل اللي بيبيع ب 550 دولار بيبيع و راضي عن سعر البيع ب 550 دولار
و بيلاقي المشتري اللي يشتري منه بسعر 550 و هو راضي ايضا و حاسس انه سعر عادل بانسبه له

و لو فضل الحال علي كده و اللي بيبيع ب 500 بيلاقي مشتري
و اللي بيبيع ب 550 بيلاقي مشتري

و الفكر العام و السعر المتقبل في هذه الفترة بين البائعين و المشترين
هو ما بين 500 الي 550

نلاقي ان السوق بنفسه و نتيجة للظروف المحيطة
و رضاء البائعين و المشترين
صنع لنفسه رينج معين متقبل للجميع للسعر
و محدد بدعم ..و هو اقل سعر بيع و شراء متقبل للطرفين و هو 500
و محدد بمقاومة و هي اعلي سعر بيع و شراء متقبل بين الطرفين و هو 550

و طالما كل شئ في السوق لم يتغير
فيتم التداول بين هذين السعرين 500 و 550 .. الي ان يتغير شئ

و تلاقي بالتأكيد الطبيعة و النفس البشرية عايزة تشتري باقل سعر ممكن
فحتلاقي ان اغلب المشترين حيحاولوا يشتروا بارخص سعر و هو 500 .. و طالع
يعني عند 500 دولار اللي هو بيمثل دعم
حتلاقي طلبات الشراء اكثر ما يمكن ..
و تقل تدريجيا كلما ارتفع السعر لاعلي

و بالنسبة للتاجر حتلاقي التاجر اللي بيبيع
عايز يبيع باعلي سعر ممكن .. و هو اللي محدد ب 550 دولار و يمثل مقاومة
فحتلاقي عدد البائعين اللي عايزيين يبيعوا ب 550
عددهم اكثر عند السعر 550 و هو يمثل مقاومة
و يقل عددهم كلما نزل السعر لاسفل

------------

يعني عند سعر 500 و هو يمثل دعم
عدد طلبات الشراء و المشترين هم الاكثر
و عدد البائعين و طلبات البيع اقل
و بالتالي حيرتفع السعر .. لان الطلب اكثر من العرض

و عند السعر 550 و هو مقاومة حتلاقي عدد البائعين اكثر
ولكن طلبات الشراء منهم اقل ..
فحيضطروا ينزلوا من السعر علشان يبيعوا
لان العرض اكثر من الطلب
فحتلاقي السعر ينزل

-------

و يفضل السوق علي هذا الحال
و يتذبذب السعر بين دعم و مقاومة مناسب لجميع الاطراف و الظروف المحيطة
الا ان يتغير جديد.

--------

و لو واحد سال حد عن ثمن التليفون في السوق في هذا الوقت
حيقول له بيتباع مش اقل من 500 دولار
و اوعي تدفع اكثر من 550 دولار

يعني بمعني اخر بيقوله الدعم و المقاومة
اللي السوق حاليا متقبلها
و شبه واضحة للجميع

-----------------

و ده تقريبا نفس فكرة عمل سوق الفوركس
من تكون مناطق دعم و مقاومة وقتية
و تحرك السعر عندها .. و بينها .. بالارتداد او بالانعكاس
تعالوا نربط المثال ده باليورو دولار

يتبع

[samsam22]

الجزء الثالث - الدايفيرجينس و السعر

تابع - الدعوم و المقاومات

من المثال السابق اخدنا فكرة اكثر وضوحا عن الدعم و المقاومة
و انه الظروف المحيطة بالسوق بتححد بطريقة ما حدود للتداول (الدعوم والمقاومات )
و ان هذه الحدود لو تقبلها البائعين و المشترين
بتلاقي السوق بيصنع لنفسه
حد ادني و هو الدعم ..و حد اعلي و هو المقاومة
----
و عرفنا ان الطبيعة البشرية لها دور مباشر في هذا التحديد للدعم و المقاومة
فالمشتري دايما عايز يشتري بأقل سعر
و علشان كده بنلاقي طلبات الشراء كثيرة عند اقل سعر عند الدعوم
و تقل طلبات الشراء بارتفاع السعر
و تكون طلبات الشراء اقل ما يمكن عند اعلي سعر متقبل و هو ما يمثل مقاومة
---
وعرفنا ايضا ان البائع عايز يبيع باعلي سعر
و علشان كده تلاقي عدد البائعين اكثر عند اعلي سعر
و يقل عدد البائعين عند كلما انخفض السعر
و يكون اقل ما يمكن عند اقل سعر متقبل و هو ما يمثل الدعم

---------

طب لو فكرنا في مثال خاص بالفوركس
و تكلمنا عن الدولار الامريكي و علاقته باليورو
ومع الفرق في التشبيه ..بس حنحاول نربط بين اليورو دولالا و مثال التليفون

حنقول ان الشركة المنتجة للتليفون و اللي بتحدد حدود السعره اللي يتباع بيه التليفون
هي هنا الحكومة الامريكية .. عن طريق البنك المركزي الامريكي
فهو بيطبع الدولارات و بيحدد السياسة النقدية

و زي ما المصنع بيحدد سعر للبيع ...بناء علي دراسة السوق و تحقيقا لسياسة المصنع
حنلاقي ان البنك المركزي بيكون في سياسته تحديد عام لحدود سعر الصرف للدولار كأقل سعر و اعلي سعر
هو شايفه مناسب لظروف السوق الحالية ..و مناسب لسياسة الحكومة ويحقق الصابح العام للحكومة
وكمثال هنا نقول مثلا ان البنك شايف ان السعر المناسب الصرف لليورو دولار
في الفترة الحالية هو مابين 1.40 الي 1.50 مثلا

و حنشبه التجار اللي بيشتروا التليفونات و بعدين يبيعوها للعامة
كاقرب مثال هنا هم حكومات اخري و البنوك و شركات الصرافة
وانهم حيبيعوها للعامة في الحدود اللي مفروض تكون مقبولة
بناء علي السياسات النقدية و الوضع الاقتصادي الحالي

فحتلاقي ان هذه المؤسسات بتبيع (او تشتري ) اليورو دولار في حدود الرنج اللي بين 1.40 و 1.50

و حتلاقي المشترين من شركات او افراد .. و ايضا المضاربين بيشتروا من بين 1.40 الي 1.50
و اللي بيبيع ب 1.40 بيلاقي اللي يشتري منه بالسعر ده و الاثنين راضيين
واللي بيبيع ب 1.50 بتلاقي اللي بيشتري منه بالسعر ده .. و برضه الاثنين راضيين

و طالما استمر الحال علي كده
اللي بييبيع بسعر لحد 1.4 بيلاقي مشتري ... و اقل من كده مافيش حد بيبيع
و اللي بيبيع بسعر 1.5 بيلاقي مشتري ...و اللي بيحاول يبيع اكثر من كد ما بيلاقيش مشتري

تلاقي السوق صنع بنفسه
و بناء علي العوامل الخارجية و الحالة و الانباء الاقتصادية المحيطة بالسعر
صنع السوق حدود للشراء و البيع

حد ادني و هو 1.40 و هو دعم .. و حد اقصي و هو 1.50 و هو مقاومة
و اصبح فيه انطباع عام في السوق
و حالة تقبل بين البائعين و المشترين لاتمام الاتفاق في هذه الحدود

----

و لو انت عايز تشتري يورو مثلا ..و تسال واحد صاحبك بكام اليورو الايام ديه؟
يقولك من 1.40 الي 1.50

فلو السعر مثلا كان في اليوم ده 1.50 و انت مش مستعجل
تقول استني ينزل حبة ل 1.40 او 1.41 و اشتريه
و لو مستعجل حتشتريه ب 1.50 و انت متقبل

و البائع بالمثل عايز يبيع باعلي سعر فلو كان السعر الحالي 1.40
فيقولك استني لما يعلي السعر و ابيع بسعر احسن

----

و بنفس تفكيرك ده حتلاقي تقريبا الكل بيفكر بنفس الاسلوب
اللي عايز يشتري بيدور علي اقل سعر
و اللي عايز يبيع بيدور علي اعلي سعر

و طالما فيه تقبل بين الطرفين علي هذه الحدود لاتمام عمليات البيع و الشراء
بيتكون دعوم و مقاومات عند هذه المناطق
و لا تتغير الا بتغير الظروف

يتبع

[samsam22]

الجزء الثالث الدايفيرجينس و السعر


تابع - الدعوم و المقاومات




في مثال اليورو دولار
عرفنا او تخيلنا الفكرة العامة المبسطة جدا لتكون دعوم و مقاومات

و عرفنا ايضا ان اغلب المشترين عايزيين يشتروا بسعر 1.40
اللي هو اقل سعر متوافق عليه حاليا بين البائعين و المشترين.. و يمثل الدعم
و عرفنا ان السعر كلما ارتفع .. كلما قل الاقبال علي الشراء نوعا ما ..و قل عدد المشترين

و قلنا ان عند هذا السعر اللي هو 1.40 و يمثل دعم ..
بيقل ايضا عدد البائعين ..
لانهم عايزيين يبيعوا بسعر اعلي
و عارفين انهن لو استنوا شوية ..ممكن يبيعوا بسعر اغلي من 1.40
و منهم ممكن يبيع ب 1.42 ..و اللي بيبيع ب 1.43
و بارتفاع السعر يزداد عدد البائعين نوعا ما

----------

يبقي عايزيين نتخيل الصورة ديه عند منطقة الدعم 1.40
انها عبارة عن منطقة فيها ناس كثيرة مستنية تشتري بالسعر ده 1.40 و ما حوله
و لما بيصل السعر لها بتلاقي ان فيه عدد قليل من البائعين حيبيعوا بالسعر 1.40 و ما حوله
و نظرا لان طلبات الشراء كثيرة قوي و اكثر من البياعين
تلاقي السعر جاء عند 1.40 و ارتفع بسرعة بعد ما كان نازل

و لما المشترين اللي كانوا مستنيين السعر يوصل 1.40 و ما لاحقوش يشتروا
و السعر بيرتفع قالك نشتري بسعر اعلي حبة مش مهم قبل ما يرتفع قوي
فتلاقي اللي بيشتري ب 1.41 ثم 1.42 و هكذا
و يظل السعر في ارتفاع.. الي ان ينخفض الاقبال نوعا ما عند الاقتراب من 1.50

و طول ما السعر بيطلع لاعلي تلاقي البائعين بيزيدوا لانهم بيحققوا ربح اعلي كل ما يرتفع السعر
لحد معين اللي هو في المثال هنا و اللي بيمثل مقاومة و هو 1.50
وفيه بائعين كثير مستنيين حد يشتري
لكن الاقبال من المشترين بيقل و عدد المشترين بيقل .. لانهم مستغليين السعر حبتين
فتلاقي اليبائعين بيقللوا السعر و بيحاولوا يتخلصوا بسرعة عند السعر 1.50 من اليورور
و تلاقب طلبات البيع كثيرة هناك
و يقل السعر

----------------

يبقي عايزيين نتخيل هنا ان عند الدعوم
بيكون عدد المشترين كثير قوي ..وبيكونوا مستنيين و مستخبيين
و البائعين عددهم اقل
يعني طلبات الشراء عند الدعوم بتكون اكثر ما يمكن

وايضا عند الدعوم
تلاقي عدد الناس اللي كانت شارية من 1.50 او سعر اعلي من 1.40
و كانت عايزة السعر يطلع علشان تبيع بسعر اعلي و تكسب
لما لقت السعر بينزل و ينزل لحد ما وصل ل 1.40 و هو بيخسر ..و هو حاسس انه ممكن ينزل
يفولك اتخلص و ابيع احسن السعر ينزل اكثر و اخسر اكثر
.. فتلاقي عدد من المتداولين اتخلص من اليورو هنا عند 1.40 فيبيعوه ..يعني حد اخر حيشتريه
و بالتالي يزيد الطلب علي الشراء
و يرتد السعر لاعلي

----------

و عايزيين نتخيل هنا ان عند المقاومات
ان عدد البائعين بيكون كثير قوي و مستنيين و منتظرين وصول السعر ل 1.50 علشان يبيعوا و يكسبوا
والمشترين عددهم اقل
يعني طلبات البيع بتكون اكثر من طلبات الشراء

وايضا عند المقاومات تلاقي الناس اللي بايعة من 1.40 و فوقه
و كانت عايزة السعر ينزل علشان تكسب
لما لقت السعر بيطلع لحد ما وصل ل 1.50 و هو حاسس انه ممكن يطلع اكثر و بالتالي يخسر اكثر
يفولك احسن السعريطلع اكثر و اخسر اكتر..
ان اتخلص منه هنا عند 1.50 فيبيعوه
و بالتالي يزيد حجم طلبات البيع
و يرتد السعر لاسفل

----------------

طب ديه الصورة عند الدعوم و المقاومات
طب ايه الصورة ما بينهم ؟

حتلاقي ان الاقبال علي الشراء المفروض انه يقل بارتفاع السعر
يعني طلبات الشراء بتقل كلما ارتفعنا لاعلي

و حنلاقي ان الاقبال علي البيع بيزيد عند المقاومات و يقل بانخفاض السعر
يعني طلبات البيع بتزيدعند اعلي سعر و تقل بانخفاض السعر

----

طبعا ده الوصف العام المبسط جدا جداعن الدعوم و المقاومات لو حتصمد و يرتد او ينعكس منها السعر
و حنكلم عن الاختراق و كيف يحدث في موضوع المؤشرات ان شاء الله

---------------

المرفقات

مرفق مثال يوضح حجم طلبات الشراء و البيع
و تناقصها و تزايدها تبعا للسعر

يتبع

[samsam22]

الجزء الثالث - الدايفيرجينس و السعر


تابع - الدعوم و المقاومات





من كل الشرح الكثير و الكلام الكثير اللي فات
ممكن دلوقتي نقدر نتخيل الصورة اللي كانت في اول مشاركة
خاصة بالدعم و المقاومة
و ايضا نقدر دلوقتي ان نستخلص تعاريف جديدة للدعم و المقاومة

------------

فاكرين لما قلنا ان التعريف العام للدعوم و المقاومات في معظم الكتب و المواقع
بيقول
الدعم هي منطقة سعرية اسفل السعر تمنع السعر من الهبوط اكثر عند الوصول اليها.
و يرتد منها السعر لاعلي

و المقاومة هي منطقة سعرية اعلي السعر تمنع السعر من الارتفاع اكثر عند الوصول اليها
و يرتد منها السعر لاسفل

ده كلام جميل.. طب بعد الكلام اللي اتعلمناه ممكن نضيف ايه علي التعريف العام
تعالوا نشوف مع بعض

-----------
ممكن دلوقتي نزيد علي تعريف الدعم و نقول ان

الدعم

-هي منطقة يكون فيها طلبات الشراء اكثر بكثير من طلبات البيع
و عند و صول السعر اليها يرتد السعر لاعلي

- او هي منطقة يكون فيها حجم المطلوب اكبر من حجم المعروض
مما يؤدي الي ارتفاع الاسعر عندها

- او هي منطقة تتميز بوجود عدد كثير من المشترين يزيد عن عدد البائعين
و عند و صول السعر اليها يرتد السعر لاعلي

- او هي منطقة تخلص المشترين اللي اشتروا من سعر اعلي عن السعر الحالي للتخلص من خسارتهم
( ضرب ستوبات المشترين من سعر اعلي )

- او هي مناطق جني الارباح للبائعين من سعر اعلي فيتخلصوا هنا من صفقاتهم
وبالتالي سيكون هنا من يشتري و يزداد حجم الشراء

- او باقتراب السعر لهذه المنطقة يقل عدد طلبات البيع ..
و يزداد حجم و عدد طلبات الشراء ( وهو ما يهمنا هنا في موضوع الدايفيرجينس )
و بحدوث هذا يحدث ارتداد للسعر لاعلي

-----------------

ممكن دلوقتي نزيد علي تعريف المقاومة و نقول ان

المقاومة

- هي منطقة يكون فيها طلبات البيع اكثر بكثير من طلبات الشراء
و عند و صول السعر اليها يرتد السعرلاسفل

- او هي منطقة يكون فيها حجم المعروض اكبر من حجم المطلوب .. مما يؤدي الي انخفاض الاسعار عندها
عند و صول السعر اليها يرتد السعرلاسفل

- او هي منطقة تتميز بوجود عدد كثير من البائعين عن المشترين
عند و صول السعر اليها يرتد السعرلاسفل

- او هي منطقة تخلص اليائعين من سعر اقل للسعر الحالي لصفقاتهم
( ضرب ستوباتا لبائعين من سعر اقل من السعر الحالي )
عند و صول السعر اليها يرتد السعرلاسفل

- او هي مناطق جني الارباح للمشترين من سعر اقل فيتخلصوا هنا من صفقاتهم
بالبيع و يزداد حجم البيع

- او باقتراب السعر لهذه المنطقة يقل عدد طلبات ا لشراء ..
و يزداد حجم و عدد طلبات البيع ( وهو ما يهمنا هنا في موضوع الدايفيرجينس )
و بحدوث هذا يحدث ارتداد للسعرلاسفل

---------------

المرفقات
مرفق مثال لتوضيح حجم طلبات الشراء و البيع
عند الدعوم و المقاومات

---------

لو كنا قدرنا نتخيل الصورة ديه عن الدعوم و المقاومات
حنقدر ان شاء الله في المشاركة القادمة
اننا نربط بينها و بين الدايفيرجينس



يتبع

[samsam22]

الجزء الثالث - الدايفيرجينس و السعر


تابع الدعوم و المقاومات


العلاقة بين الدايفيرجينس و الدعوم و المقاومات


بعد كل الكلام الكثير ده عن طبيعة حركة السوق
و كيفية تكوين الدعوم و المقاومات
و الخصائص السعرية اللي بتحصل عند اقتراب السعر من الدعوم و المقاومات

واحد حيسأل طب ايه علاقة و اهمية الكلام اللي فات بموضوع الدايفيرجينس؟

ارد عليه و اقوله الكلام اللي فات حينفعنا عامة ان شاء الله
في فهم باقي الموضوع الخاص بالدايفيرجينس والسعر
و اول هذا الموضوع هو الدعوم و المقاومات
فتعالوا نبدأ الاول بربط الدعوم و المقاومات .. بالدايفيرجينس

--------------

فاكر لما اتكلمنا في اول الموضوع عن تعريف الدايفيرجينس و طبيعة تكوينه
و قلنا ان الدايفيرجينس ببظهر لنا وجود ضعف داخلي في الاتجاه الحالي
و بيدي احتمال ..ان احتمال انعكاس في انجاه الحركة وارد وقريب.

و فاكر لما شوفنا امثلة ان السعر بيرتفع لاعلي .. لكن المؤشر بينزل لاسفل
و قلنا هنا ان هذا حالة دايفيرجينس
و قلنا انه علي الرغم من ارتفاع السعر ..
فوجود دايفيرجينس بيكشف لنا و يدل علي ان معدل الارتفاع بطئ
و هناك ضعف في الارتفاع .. و احتمال الانعكاس قريب

طب يعني ايه معدل الارتفاع بطئ ..
يعني معدل و حجم عمليات الشراء بيقل بارتفاع السعر لاعلي
يعني الاقبال علي عمليات الشراء بيقل بارتفاع السعر
و احتمال الانعكاس بيزيد
(لو حدث الانعكاس حتكون طلبات البيع اكثر من طلبات الشراء)

ايه ده ؟؟ الكلام ده ما بيفكرش بحاجة مشايهه

تمام الله ينور عليك .. بيفكرك باحد خصائص المقاومة
لما قلنا ان طلبات الشراء و الاقبال علي الشراء بتقل كلما اقترب السعر من المقاومة
و طلبات البيع بتزيد كلما اقترب السعر من المقاومة

طب ازاي نستفيد من هذا التشابه ؟

- قالك لو السعر بيرتفع و اقترب من مقاومة .. يعني فيه احتمال ارتداد
و الاحتمال ده يحدث فقط لو كان الاقبال علي الشراء بيقل رغم ارتفاع السعر

طب و انا اعرف منين ده ..
قالك هنا بيأتي دور الدايفيرجينس .. فلو لقينا ان السعر بيرتفع و بيقترب من مقاومة
و لقينا وجود حالة دايفيرجينس ( اللي بتدل علي ضعف عمليات الشراء ) عند الوصول لهذه المقاومة
يبقي ده احتمال كبير جدا ان السعر يرتد من عند المقاومة ديه

--------------------------------

و العكس صحيح
لو ان السعر بينزل لاسفل في حالة هبوط .. لكن المؤشر بيرتفع لاعلي
قلنا هنا ان هذا حالة دايفيرجينس
و علي الرغم من هبوط السعر .. فان معدل الهبوط بطئ
و هناك ضعف في الهبوط... و احتمال الانعكاس قريب

طب يعني ايه معدل الهبوط بطئ ..
يعني معدل عمليات البيع بيقل بهبوط السعر لاسفل
يعني الاقبال علي عمليات البيع بيقل بهبوط السعر
و احتمال الانعكاس بيزيد
( لو حدث انعكاس حتكون طلبات الشراء اكثر من طلبات البيع)

ايه ده الكلام ده ما بيفكرش بحاجة مشايهه

- تمام الله ينور عليك بيفكرك باحد خصائص الدعوم
لما قلنا ان طلبات البيع و الاقبال علي البيع بيقل كلما اقترب السعر من الدعم
و طلبات الشراء بتزيد كلما اقترب السعر من الدعم

طب ازاي نستفيد من هذا التشابه

قالك لو السعربيهبط و اقترب من دعم.. يعني فيه احتمال ارتداد
و الاحتمال ده يحدث فقط لو كان الاقبال علي البيع بيقل بالاقتر اب من الدعم

طب و انا اعرف منين ده ..
قالك هنا بيأتي دور الدايفيرجينس .. فلو لقينا ان السعربيهبط و بيقترب من مقاومة
و لقيناتكون حالة دايفيرجينس ( اللي بتدل علي ضعف عمليات البيع ) عند الوصول لهذا الدعم
يبقي ده احتمال كبير جدا ان السعر يرتد من عندالدعم ده

-----------------------

ببساطة

يعني لما تلاقي السعر اقترب من دعم او مقاومة
و انت عايز تعرف ان كان حيرتد و لا مش حيرتد

اعمل للسعر اشعة x ray .. للكشف عن الدايفيرجينس
فلو لقيت دايفيرجينس عند الدعم او المقاومة ..
حتعرف ان السعر مريض ضعيف و عيان
وانه مش حيقدر يكمل في اتجاهه .. و غالبا حينعكس

------------------

و من هنا حنلاقي ان وجود السعر عند مقاومة او دعم بيدينا عامة شعور باحتمال الانعكاس

طب لو عملنا اشعة للسعر و لقينا دايفيرجينس
اللي هو بيدينا ايضا احتمال انعكاس

يبقي احتمال الانعكاس اقوي و اكثر

----------------

الخلاصة

يبقي وجود دايفيرجينس عند مقاومة او دعم
بيزيد من احتمالات الانعكاس
و يقوي و يزيد من احتمال نجاح الصفقات

-------------

طب فيه سؤال تاني هل لازم تكون القمتين عند مقاومة واحدة ؟
و لا لازم عند مقاومتين مختلفين ؟

.. ولا يكفي وجود قمة واحدة عند مقاومة لدخول الصفقة ؟
طب اي قمة عند المقاومة الاولي ولا الثانية

و نفس السؤال بس للقيعان و الدعوم

------------

ان شاء الله نجاوب علي هذه الاسئلة
و نوضح طرق استخدام الدعوم و المقاومات مع السعر
في المشاركة القادمة ان شاء الله

و الان اترككم مع بعض الامثلة
اترككم في رعاية الله
و اذا شاء الله.. لنا عودة ان شاء الله

بالتوفيق ان شاء الله

[S Ahmed S]

الجزء الثالث الدايفيرجينس و السعر


تابع - الدعوم و المقاومات




في مثال اليورو دولار
عرفنا او تخيلنا الفكرة العامة المبسطة جدا لتكون دعوم و مقاومات

و عرفنا ايضا ان اغلب المشترين عايزيين يشتروا بسعر 1.40
اللي هو اقل سعر متوافق عليه حاليا بين البائعين و المشترين.. و يمثل الدعم
و عرفنا ان السعر كلما ارتفع .. كلما قل الاقبال علي الشراء نوعا ما ..و قل عدد المشترين

و قلنا ان عند هذا السعر اللي هو 1.40 و يمثل دعم ..
بيقل ايضا عدد البائعين ..
لانهم عايزيين يبيعوا بسعر اعلي
و عارفين انهن لو استنوا شوية ..ممكن يبيعوا بسعر اغلي من 1.40
و منهم ممكن يبيع ب 1.42 ..و اللي بيبيع ب 1.43
و بارتفاع السعر يزداد عدد البائعين نوعا ما

----------

يبقي عايزيين نتخيل الصورة ديه عند منطقة الدعم 1.40
انها عبارة عن منطقة فيها ناس كثيرة مستنية تشتري بالسعر ده 1.40 و ما حوله
و لما بيصل السعر لها بتلاقي ان فيه عدد قليل من البائعين حيبيعوا بالسعر 1.40 و ما حوله
و نظرا لان طلبات الشراء كثيرة قوي و اكثر من البياعين
تلاقي السعر جاء عند 1.40 و ارتفع بسرعة بعد ما كان نازل

و لما المشترين اللي كانوا مستنيين السعر يوصل 1.40 و ما لاحقوش يشتروا
و السعر بيرتفع قالك نشتري بسعر اعلي حبة مش مهم قبل ما يرتفع قوي
فتلاقي اللي بيشتري ب 1.41 ثم 1.42 و هكذا
و يظل السعر في ارتفاع.. الي ان ينخفض الاقبال نوعا ما عند الاقتراب من 1.50

و طول ما السعر بيطلع لاعلي تلاقي البائعين بيزيدوا لانهم بيحققوا ربح اعلي كل ما يرتفع السعر
لحد معين اللي هو في المثال هنا و اللي بيمثل مقاومة و هو 1.50
وفيه بائعين كثير مستنيين حد يشتري
لكن الاقبال من المشترين بيقل و عدد المشترين بيقل .. لانهم مستغليين السعر حبتين
فتلاقي اليبائعين بيقللوا السعر و بيحاولوا يتخلصوا بسرعة عند السعر 1.50 من اليورور
و تلاقب طلبات البيع كثيرة هناك
و يقل السعر

----------------

يبقي عايزيين نتخيل هنا ان عند الدعوم
بيكون عدد المشترين كثير قوي ..وبيكونوا مستنيين و مستخبيين
و البائعين عددهم اقل
يعني طلبات الشراء عند الدعوم بتكون اكثر ما يمكن

وايضا عند الدعوم
تلاقي عدد الناس اللي كانت شارية من 1.50 او سعر اعلي من 1.40
و كانت عايزة السعر يطلع علشان تبيع بسعر اعلي و تكسب
لما لقت السعر بينزل و ينزل لحد ما وصل ل 1.40 و هو بيخسر ..و هو حاسس انه ممكن ينزل
يفولك اتخلص و ابيع احسن السعر ينزل اكثر و اخسر اكثر
.. فتلاقي عدد من المتداولين اتخلص من اليورو هنا عند 1.40 فيبيعوه ..يعني حد اخر حيشتريه
و بالتالي يزيد الطلب علي الشراء
و يرتد السعر لاعلي

----------

و عايزيين نتخيل هنا ان عند المقاومات
ان عدد البائعين بيكون كثير قوي و مستنيين و منتظرين وصول السعر ل 1.50 علشان يبيعوا و يكسبوا
والمشترين عددهم اقل
يعني طلبات البيع بتكون اكثر من طلبات الشراء

وايضا عند المقاومات تلاقي الناس اللي بايعة من 1.40 و فوقه
و كانت عايزة السعر ينزل علشان تكسب
لما لقت السعر بيطلع لحد ما وصل ل 1.50 و هو حاسس انه ممكن يطلع اكثر و بالتالي يخسر اكثر
يفولك احسن السعريطلع اكثر و اخسر اكتر..
ان اتخلص منه هنا عند 1.50 فيبيعوه
و بالتالي يزيد حجم طلبات البيع
و يرتد السعر لاسفل

----------------

طب ديه الصورة عند الدعوم و المقاومات
طب ايه الصورة ما بينهم ؟

حتلاقي ان الاقبال علي الشراء المفروض انه يقل بارتفاع السعر
يعني طلبات الشراء بتقل كلما ارتفعنا لاعلي

و حنلاقي ان الاقبال علي البيع بيزيد عند المقاومات و يقل بانخفاض السعر
يعني طلبات البيع بتزيدعند اعلي سعر و تقل بانخفاض السعر

----

طبعا ده الوصف العام المبسط جدا جداعن الدعوم و المقاومات لو حتصمد و يرتد او ينعكس منها السعر
و حنكلم عن الاختراق و كيف يحدث في موضوع المؤشرات ان شاء الله

---------------

المرفقات

مرفق مثال يوضح حجم طلبات الشراء و البيع
و تناقصها و تزايدها تبعا للسعر

يتبع

يعطيك العافية على مجهودك
عملت مرور سريع على موضوع المقاومات والدعوم موضوع مفيد بصراحة ورائع وكنت متوقع انك حتشرحه بعد الدايفرجنس
اعتقد هناك خطا في الشارت الى وضعته لانك كاتب طلبات الشراء بتقل كلما ارتفع السعر بس انت عامل العكس في الارقام الى في الصورة اتمنى تعديلها
لدي عدة استفسارات ساكتبها لاحقا ان شاء الله
بالتوفيق لك

[samsam22]

يعطيك العافية على مجهودك
عملت مرور سريع على موضوع المقاومات والدعوم موضوع مفيد بصراحة ورائع وكنت متوقع انك حتشرحه بعد الدايفرجنس
اعتقد هناك خطا في الشارت الى وضعته لانك كاتب طلبات الشراء بتقل كلما ارتفع السعر بس انت عامل العكس في الارقام الى في الصورة اتمنى تعديلها
لدي عدة استفسارات ساكتبها لاحقا ان شاء الله
بالتوفيق لك

اخي الكريم

شكرا علي المشاركة الجميلة

بالنسبة للشارت فهو ان شاء الله صحيح

------------

الارقام علي الشارت لا تمثل عدد او حجم الاوردرات
و لكنها تمثل قيمة السعر
و يمكن هذا ما احدث عندك الاختلاط.

----------

و للتوضيح

طلبات الشراء باللون الاخضر ... و طلبات البيع باللون الاحمر

و مكتوب جنب طلبات الشراء

1- لاحظ انها تزداد عند اقل سعر
و الذي يمثل الدعم ... وهو في المثال سعر ( 10 )
و حتلاقي الارقام اللي جنب صور الاوردرات ..
هي ارقام السعر ....
و ليست ارقام عدد الاوردرات

فالرقم 10هنا لا يمثل حجم الطلبات ...
و لكن يمثل قيمة السعر

و اعتقد ان هذا هو الذي احدث الاختلاط

و ايضا مكتوب جنب طلبات الشراء

انها تقل .. بارتفاع السعر
فتجد ان حجم طلبات الشراء عند سعر ( 20 )
.. اقل من حجم الطلبات عند سعر ( 30 )
اقل من حجم الطلبات عند سعر ( 40 ) وهكذا

فالرقم 20 و الرقم 30 و الرقم 40 لا يمثل حجم الطلبات ..
و لكن الرقم يمثل قيمة السعر

------------

و بالمثل لاوامر البيع و هي باللون الاحمر

و مكتوب جنب طلبات البيع

1- لاحظ انها تزداد عند اعلي سعر ..
و الذي يمثل المقاومة وهو في المثال سعر ( 80 )
و حتلاقي الارقام اللي جنبها هي ارقام السعر ...
و ليست ارقام عدد الاوردرات

فالرقم 80 هنا لا يمثل حجم الطلبات ... و لكن يمثل قيمة السعر
و اعتقد ان هذا هو الذي احدث الاختلاط

و ايضا مكتوب جنب طلبات البيع

2- انها تقل بانخفاض السعر
فتجد ان حجم الطلبات عند سعر ( 70 )
اقل من حجم الطلبات عند سعر ( 60 )
اقل من سعر الطلبات عند سعر ( 60 ) وهكذا

فالرقم 70 و الرقم 80 و الرقم 60
لا يمثل حجم الطلبات ..
و لكن يمثل السعر

----------

ارجو ان تكون الصورة وضحت اكثر
و مرة اخري
الارقام من 10 الي 80 هي قيمة السعر
و ليست حجم او عدد الاوردرات

----------

و ان شاء الله باقي موضوع الدعم و المقاومة
سيتم شرحه بالتفصيل
بعد نقله الي موضوع المؤشرات الفنية
و سيتم عمل اضافات اخري كثيرة عليه
من شرح كيف يحدث الكسر ..
والسبب وراء تحول ه المقاومة الي دعم بعد الكسراو العكس
و سيتم شرح الطرق المختلفة لرسم الدعوم و المقاومات
و اشياء اخري ان شاء الله

------------

ارجو ان تكون وجدت الاجابة و التوضيح في هذه المشاركة

و ندعو لك و للجميع
بالتوفيق ان شاء الله

[S Ahmed S]

اخي الكريم

شكرا علي المشاركة الجميلة

بالنسبة للشارت فهو ان شاء الله صحيح

------------

الارقام علي الشارت لا تمثل عدد او حجم الاوردرات
و لكنها تمثل قيمة السعر
و يمكن هذا ما احدث عندك الاختلاط.

----------

و للتوضيح

طلبات الشراء باللون الاخضر ... و طلبات البيع باللون الاحمر

و مكتوب جنب طلبات الشراء

1- لاحظ انها تزداد عند اقل سعر
و الذي يمثل الدعم ... وهو في المثال سعر ( 10 )
و حتلاقي الارقام اللي جنب صور الاوردرات ..
هي ارقام السعر ....
و ليست ارقام عدد الاوردرات

فالرقم 10هنا لا يمثل حجم الطلبات ...
و لكن يمثل قيمة السعر

و اعتقد ان هذا هو الذي احدث الاختلاط

و ايضا مكتوب جنب طلبات الشراء

انها تقل .. بارتفاع السعر
فتجد ان حجم طلبات الشراء عند سعر ( 20 )
.. اقل من حجم الطلبات عند سعر ( 30 )
اقل من حجم الطلبات عند سعر ( 40 ) وهكذا

فالرقم 20 و الرقم 30 و الرقم 40 لا يمثل حجم الطلبات ..
و لكن الرقم يمثل قيمة السعر

------------

و بالمثل لاوامر البيع و هي باللون الاحمر

و مكتوب جنب طلبات البيع

1- لاحظ انها تزداد عند اعلي سعر ..
و الذي يمثل المقاومة وهو في المثال سعر ( 80 )
و حتلاقي الارقام اللي جنبها هي ارقام السعر ...
و ليست ارقام عدد الاوردرات

فالرقم 80 هنا لا يمثل حجم الطلبات ... و لكن يمثل قيمة السعر
و اعتقد ان هذا هو الذي احدث الاختلاط

و ايضا مكتوب جنب طلبات البيع

2- انها تقل بانخفاض السعر
فتجد ان حجم الطلبات عند سعر ( 70 )
اقل من حجم الطلبات عند سعر ( 60 )
اقل من سعر الطلبات عند سعر ( 60 ) وهكذا

فالرقم 70 و الرقم 80 و الرقم 60
لا يمثل حجم الطلبات ..
و لكن يمثل السعر

----------

ارجو ان تكون الصورة وضحت اكثر
و مرة اخري
الارقام من 10 الي 80 هي قيمة السعر
و ليست حجم او عدد الاوردرات

----------

و ان شاء الله باقي موضوع الدعم و المقاومة
سيتم شرحه بالتفصيل
بعد نقله الي موضوع المؤشرات الفنية
و سيتم عمل اضافات اخري كثيرة عليه
من شرح كيف يحدث الكسر ..
والسبب وراء تحول ه المقاومة الي دعم بعد الكسراو العكس
و سيتم شرح الطرق المختلفة لرسم الدعوم و المقاومات
و اشياء اخري ان شاء الله

------------

ارجو ان تكون وجدت الاجابة و التوضيح في هذه المشاركة

و ندعو لك و للجميع
بالتوفيق ان شاء الله

نعم وضحت الان اعتقدت انه الارقام على اليمين تمثل حجم طلبات الشراء والبيع لذلك اعتقدت ان هناك خطا في الشارت
شرح وافى وكافى بارك الله فيك
لى عودة باذن الله

[amskhz123]

مضمون ممتاز وشكل ممتع وسهل للعرض.
وأولى مشاركاتي بانتظار تقييمها
اليورو دولار استوفى شروط الشراء إذا أقفلت الشمعة على اختراق منطقة التشبع البيعي فريم الأربع ساعات. وهناك عوامل مساعدة للشراء كما نرى.

[amskhz123]

أعتقد انو ده موش ديفرجنس . بسسب كسر الشموع للخط العلوي. مشار إلى ذلك بالدئرة..... واللا إيه رأيك أستاذن الحبيب؟؟؟؟

[amskhz123]

ديفرجنس ما عليه كلام. وبانتظار إقفال شمعة الأربع ساعات فوق منطقة التشبع البيعي.

[amskhz123]

إذا شعرت إني غلبتكم لا تترددوا في إعلامي وقولوا STOP هههههههههههههه
ديفرجنس ع اليورو استرالي . وبانتظار التفعيل
الغرض مما أطرحه هو بغرض تقييم ما أقول. من أجل التعلممممممممممممممممم

[amskhz123]

يرجى من حبيبنا الأستاذ سام أو سمسم .مناقشة هذه الحالة.
كما نرى تفعل الديفرجنس ثم عام وضرف الأستوب الإفتراضي. ثم عاد للتفعل من جديد.
وهذا يدفعني شخصياً للتفكير في وجوب البحث- من قبل الأساتذة - عن مؤشر مفلتر.

[AhmadMorad]

إذا شعرت إني غلبتكم لا تترددوا في إعلامي وقولوا STOP هههههههههههههه
ديفرجنس ع اليورو استرالي . وبانتظار التفعيل
الغرض مما أطرحه هو بغرض تقييم ما أقول. من أجل التعلممممممممممممممممم

iهههه .ما عاش يلي بيغلبنا . نحن فقط منتظرين الأستاذ سمسم حتى ينتهي من الشرح الكامل و وقتها حتشوف المشاركات :P

[amskhz123]

iهههه .ما عاش يلي بيغلبنا . نحن فقط منتظرين الأستاذ سمسم حتى ينتهي من الشرح الكامل و وقتها حتشوف المشاركات :P

ههههههههههههههههههههههههههههه
واحد صفر
أول جول
ههههههههههههههههههههههههههههه
ما عرففت تقراها يا حبيبي الله يطول عمرك. غلَبتكم بتشديد اللا م وليس غلَبكم بفتح اللام
هههههههههههههههههههههههههههه