الدايفيرجينس ببساطة ..... و استراتيجيات....

[samsam22]

الجزء الثاني الدايفيرجينس و المؤشرات

طب ايه علاقة اشارة المرور و الطريق الفاضي .. و اول الطريق و اخره بموضوع الدايفيرجينس ؟

اقولك

----

منطقة التشبع علي المؤشر عاملة زي اشارة المرور اللي في اخر الطريق.

فمثلا ... لو المؤشر بدأ مشوار من تحت ...و طالع فوق يعني ...احنا في حالة شراء ...
بنعتبر ان وصوله لمنطقة تشبع شراء..... اللي هي في اعلي المؤشر فوق ..
.انه قرب يوصل لنهاية مشوار الشراء ...
و ان فيه احتمال كبير انه حيلف و ينزل لتحت و يغير اتجاهه

----

و لو المؤشر بدأ مشوار من فوق ....و نازل تحت... يعني احنا في حالة بيع ...
بنعتبر ان وصوله لمنطقة تشبع بيع ...اللي هي في اسفل المؤشر
انه قرب يوصل لنهاية مشوار البيع ..
. و ان فيه احتمال حيلف و يطلع لفوق .. و يغير اتجاهه

-----------------------------------------------

و مش بس كدة ..ايضا

منطقة التشبع علي المؤشر... عاملة زي منطقة اشارة مرور مزدحمة جدا ..
و زي ما اشارة المرور مزدحمة بالعربيات ...
منطقة التشبع علي المؤشر حتلاقيها مزدحمة باوردرات ..
.و هذه الاوردرات هي غالبا في عكس اتجاه الحركة اللي السعر قادم منها
و ده اللي بيزود من احتمال الانعكاس

-----------------------------------

طب انا عندي سؤال ..ليه احتمال ان السعر لما يوصل مناطق التشبع احتمال انه يعكس اتجاهه بيكون كبير ؟



يتبع

[samsam22]

الجزء الثاني - الدايفيرجينس و المؤشرات


سؤالك بيقول ليه احتمال الانعكاس بيكون كبير عند الوصول لمناطق التشبع ؟

و الجواب هو

---
لان مناطق التشبع بتلاقي فيها ناس كتير بتبتدي تاخد ارباحها لما السعر يوصل لها.
و ناس تانية بتنتظر لما السعر يوصل لها...
علشان تفتح صفقات عكس الاتجاه اللي جاي منه السعر ..
. اعتقادا منها انه في المناطق ديه حيحصل عندها ارتداد

----

- فمثلا لما المؤشر بيوصل مناطق تشبع شراء ..
. يبتدي الناس اللي شاريين يقفلوا اوردراتهم .. علشان ياخدوا ارباحهم
و بالتالي حيبيعوا لناس تانية
و فيه ناس تانية بتبقي مستنية وصول المؤشر لمناطق تشبع شراء ..
.علشان يبيعوا منها .
..اعتقادا ان السعر عندها... تم شراءه اكثر من اللازم ....و غالبا حيعكس!

و لو كان مجموع او حجم اوردرات البيع ...اكبر من اوردرات الشراء ...
حيحدث انعكاس للسعر..
. و يتغير الاتجاه الي هبوط او بيع .

-------------------

و العكس صحيح في حالة تشبع بيع
لما المؤشر بيوصل مناطق تشبع بيع... يبتدي الناس اللي بايعيين يقفلوا اوردراتهم ..
علشان ياخدوا ارباحهم
(باوردرات عكسية شراء)
و فيه ناس تانية بتبقي مستنية وصول المؤشر لمناطق تشبع بيع ..علشان يشتروا منها .
..اعتقادا ان السعر عندها تم بيعه اكثر من اللازم ...و غالبا حيعكس

و لو كان مجموع او حجم اوردرات الشراء ...اكبر من اوردرات البيع .
.. حيحدث انعكاس للسعر
..و يتغير الاتجاه الي شراء او صعود

-------------------

يعني خلاصة الكلام

ان مناطق التشبع احتمال ارتداد السعر فيها بيكون كبير نوعا ما
لان فيها بيتم اخد و اغلاق اوردرات ارباح للبعض ..
و بيكون فيها غالبا ايضا اوردرات عكس الانجاه اللي جاي منه السعر

--------------

طب و ايه دخل الدايفيرجينس هنا

تعال نشوف مع بعض اهمية الدايفيرجينس في هذه المناطق

يتبع

[samsam22]

الجزء الثاني- الدايفيرجينس و المؤشرات


فاكر لما اتكلمنا علي الدايفيرجينس و قلنا انه اشارة تنبيه و تحذير

فاكر

--------

طب فاكر اشارة تحذير و تنبيه من ايه ؟

- الدايفيرجينس كان اشارة تنبيه بوجود ضعف داخلي خفي في اتجاه الحركة ..
و تنبيه انه نتيجة الضعف ده .. فيه احتمال كبير ان السعر يعكس اتجاه حركته

- الله ينور عليك

----------

- ...يعني ظهور الدايفيرجينس يعني ان فيه ضعف داخلي في الحركة ... و احتمال ان السعر يعكس اتجاهه كبير

---------
- طب لو حصل الدايفيرجينس في منطقة تشبع ....اللي هي اصلا احتمال حدوث انعكاس فيها احتمال كبير
يبقي اكيد ان احتمال حدوث الانعكاس هنا بيكون اكبر بكثير صح كده

- اكيد صح ... لان احتمالات الانعكاس زادت.
.احتمال الانعكاس لوجود السعر في منطقة تشبع + احتمال انعكاس لوجود دايفيرجينس

-----------------

يبقي من هنا نجد ان حدوث الدايفيرجينس في اماكن التشبع
بيعطي احتمال اكبر بكثير عن حدوثه في مناطق اخري.

----------

يبقي القاعدة العامة هنا هي

حدوث دايفيرجينس في اماكن التشبع .
..بيكون اكثر مصداقية من الاماكن الاخري علي المؤشر
و بيزود احتمالية انعكاس السعر
وبالتالي احتمالية نجاح الصفقة

-----------

طب السؤال هنا ازاي بيحدد المتداولين مناطق التشبع ؟
.. و هل هي واحدة عند الجميع ؟.
. و هل لو حدث دايفيرجينس في غير مناطق التشبع لا نعمل به ؟
و هل وهل؟

ان شاء الله نعرف الاجابة علي كل ده و اكثر في المشاركة القادمة

------------

و الان اترككم في رعاية الله
و اذا شاء الله ... لنا عودة ان شاء الله

بالتوفيق ان شاء الله

[hanisma]

السلام عليكم
ويشهد الله سبحانه وتعالى على كلامي
بقالي اكتر من عشر سنوات مراقب ومهتم وادرس مواضيع عن الفوركس ومتابع منتديات, الا انني لم اصدف, لا اروع ,ولااسلس, ولا ألز من هيك شرح وتوضيح لموضوع من مواضيع تجاره العملات .
جزاك الله خير اخي سامسام واجرك عند ربنا عظيم ان شاء الله
بارك الله فيك وفي أهل بيتك

[ماجد العجمي]

السلام عليكم
يشهد الله العلي القدير أني أتداول في الفوركس من سنة 2000 ولم أكن اعرف الدايفيرجينس ولم أرى طوال هذه المدة
من يتكلم عنه أو يعرفه من المتعاملين معي في نفس الشركة اللتي أتعامل معها سواء من الأصدقاء او الموظفين ولكن
يوم أنتبهت لي هذا الموضوع بديت أهتم فيه وأتابع معاك هذا الدرس الشيق وأطلب من الله العلي القدير ان يرزقك من حيث
لا تحتسب وأن يستر عليك ويكفيك الحاسدين .

[albusaidy99]

لحد الحين كله تمام ان شاء الله القادم يكون أسهل كان نفسي أتعلم الدايفرجنس والحمدلله وفقنا الله بالأستاذ سمسم بارك الله فيه.

[burning69heart]

تقديرى الشخصى الذى اتمنى ان يخطا ان الاستاذ سمسم لن يكمل الموضوع لانه يستهلك الكثير من مجهوده ووقته فى شرح نقاط بسيطة والتاكيد كثيرا عليها وهو ما يفقده الكثير من المتابعين فحتى الان وبعد مجهود كبير جدا منه لم يصل الى طريقة فتح الصفقات والمؤشرات المستخدمة وعيوب ومزايا الطريقة اى ان الموضوع اعتبره ما زال فى العشر الاول منه ولكى يكتمل وتظهر قيمته لو سرنا بنفس المعدل فلن يكون قبل 6 شهور وهو زمن طويل جدا لمتابعة موضوع او التفاعل معه وهذا لا ينفى عنه مجهوده الرائع وحسن عرضه وشرحه ولو تخلص من مشكلة التطويل لصار الموضوع من اجمل ما يكون عذرا على النقد ولكن الصالح هو المراد

[femtogold4]

تقديرى الشخصى الذى اتمنى ان يخطا ان الاستاذ سمسم لن يكمل الموضوع لانه يستهلك الكثير من مجهوده ووقته فى شرح نقاط بسيطة والتاكيد كثيرا عليها وهو ما يفقده الكثير من المتابعين فحتى الان وبعد مجهود كبير جدا منه لم يصل الى طريقة فتح الصفقات والمؤشرات المستخدمة وعيوب ومزايا الطريقة اى ان الموضوع اعتبره ما زال فى العشر الاول منه ولكى يكتمل وتظهر قيمته لو سرنا بنفس المعدل فلن يكون قبل 6 شهور وهو زمن طويل جدا لمتابعة موضوع او التفاعل معه وهذا لا ينفى عنه مجهوده الرائع وحسن عرضه وشرحه ولو تخلص من مشكلة التطويل لصار الموضوع من اجمل ما يكون عذرا على النقد ولكن الصالح هو المراد

واله نفس ما كنت اريد ان اكتب فى مشاركتى القادمة جزاك الله خيرا اخى الكريم .... وايضا استاذ سمسم بارك الله فية لكن للاسف هو مشغول فعلا واحيانا يكتب مرة واحدة فى الاسبوع للاسف وطلبت الاسراع فى فتح موضوع منفصل واحد للشرح ويتابع بة حسب وقته وورشة عمل بطريقتة ويختار المتداول ما يناسب اما الاستمرار فى متابعة الشرح وتكون الاسئلة مخصصة فى نفس الموضوع او متابعة الورشة والدخول مباشرتا فى المتاجرة بالديفريجنس ..... على العموم ان شاء الله استاذ سمسم ما بيقصر وربنا يعينة .

[samsam22]

السلام عليكم
ويشهد الله سبحانه وتعالى على كلامي
بقالي اكتر من عشر سنوات مراقب ومهتم وادرس مواضيع عن الفوركس ومتابع منتديات, الا انني لم اصدف, لا اروع ,ولااسلس, ولا ألز من هيك شرح وتوضيح لموضوع من مواضيع تجاره العملات .
جزاك الله خير اخي سامسام واجرك عند ربنا عظيم ان شاء الله
بارك الله فيك وفي أهل بيتك

اخي الكريم

شكرا جزيلا اخي الكريم علي مشاركتك الجميلة جدا ..و هي مشاركة غالية عندي ...
و شكرا علي كلامك الراقي الجميل جدا الذي اعتز به كثيرا ..
و شكرا علي اطرائك الجميل الذي لا استحقه ..
و شكرا جزيلا علي دعائك الجميل ..و لك مثله ان شاء الله

جزانا الله و جزاكم و جزي الجميع كل خير ان شاء الله ..
و تقبل الله منا و منكم ومن الجميع اعمالنا ... و عظم الله من اجرنا جميعا ان شاء الله
و بارك الله لنا جميعا و في اهل بيوتنا جميعا ان شاء الله

شكرا مرة اخري اخي الكريم
و القادم افضل باذن الله

وندعو لنا و لك و للجميع
بالتوفيق ان شاء الله

[samsam22]

السلام عليكم
يشهد الله العلي القدير أني أتداول في الفوركس من سنة 2000 ولم أكن اعرف الدايفيرجينس ولم أرى طوال هذه المدة
من يتكلم عنه أو يعرفه من المتعاملين معي في نفس الشركة اللتي أتعامل معها سواء من الأصدقاء او الموظفين ولكن
يوم أنتبهت لي هذا الموضوع بديت أهتم فيه وأتابع معاك هذا الدرس الشيق وأطلب من الله العلي القدير ان يرزقك من حيث
لا تحتسب وأن يستر عليك ويكفيك الحاسدين .

اخي الكريم
شكرا علي المشاركة الجميلة جدا .. و هي من المشاركات التي اعتز بها كثيرا
و شكرا جزيلا علي كلامك الجميل
و شكرا علي دعائك الجميل جدا .. و لك مثله ان شاء الله

رزقنا الله و رزقكم و رزق الجميع رزقا حلالا وفيرا طيبا ان شاء الله
و سترنا الله و ستركم و ستر الجميع ان شاء الله ..
و كفانا الله و كفاكم و كفي الجميع شر الحاسدين ان شاء الله


اخي الكريم
شكرا مرة اخري علي مشاركتك الغالية

و ندعو لنا و لك و للجميع
بالتوفيق ان شاء الله

[samsam22]

لحد الحين كله تمام ان شاء الله القادم يكون أسهل كان نفسي أتعلم الدايفرجنس والحمدلله وفقنا الله بالأستاذ سمسم بارك الله فيه.

اخي الكريم

شكرا علي المشاركة
و نحمد الله ان حتي الان كل شئ تمام و واضح وسهل
و ان شاء الله القادم افضل و أسهل باذن الله

شكرا اخي الكريم
و بالتوفيق ان شاء الله

[samsam22]

تقديرى الشخصى الذى اتمنى ان يخطا ان الاستاذ سمسم لن يكمل الموضوع لانه يستهلك الكثير من مجهوده ووقته فى شرح نقاط بسيطة والتاكيد كثيرا عليها وهو ما يفقده الكثير من المتابعين فحتى الان وبعد مجهود كبير جدا منه لم يصل الى طريقة فتح الصفقات والمؤشرات المستخدمة وعيوب ومزايا الطريقة اى ان الموضوع اعتبره ما زال فى العشر الاول منه ولكى يكتمل وتظهر قيمته لو سرنا بنفس المعدل فلن يكون قبل 6 شهور وهو زمن طويل جدا لمتابعة موضوع او التفاعل معه وهذا لا ينفى عنه مجهوده الرائع وحسن عرضه وشرحه ولو تخلص من مشكلة التطويل لصار الموضوع من اجمل ما يكون عذرا على النقد ولكن الصالح هو المراد

اخي الكريم

شكرا علي مشاركاتك الهادفة .. و قد كان هناك مشاركة مماثلة و قمت بالرد عليها و هذه هي المشاركة

https://forum.arabictrader.com/t1623...ml#post2611390

و اضيف عليها انه لا داعي للقلق من عدم اكمال الموضوع.. ان شاء الله .. و اذا اراد الله سنكمل الموضوع باذن الله و مشيئته .

و الموضوع ليس في العشر الاول منه كما ذكرت ..فقد اوضحت ايضا في مشاركة من قبل طريقة عرض الموضوع و هذه هي المشاركة

https://forum.arabictrader.com/t1623...ml#post2607274

و بالتالي احنا في الجزء الثاني الان يعني اكثر من 25 او يمكن 30 % من الموضوع

و بعدين مين قال ان الموضوع فاضل عليه 6 شهور لينتهي .. ده كله 5 شهور و 29 يوم بس .. يعني هانت

----------------------------

اخي الكريم

الدايفيرجينس ليس طريقة ثابتة مطلقة ...
او استراتيجية ثابتة لها طريقة معينة واحدة للدخول و الخروج و هدف و خسارة واحد للجميع
و لكن هي اداة تحليل و طرق استخدامها و الدخول و الاهداف و الستوب تختلف من شخص لأخر

و لهذا نشرح بهذا الاسلوب للافكار المختلفة حتي يفهم المتابع اسباب اختيار البعض لاسلوب معين للدخول
و بعرض اكثر من اسلوب و فكرة مع ذكر اسباب اختيار كل طريقة

بعدها ان شاء الله يختار كل متداول ما يناسبه حسب شخصيته و طريقة متاجرته

و سيتضح هذا قريبا ان شاء الله في المشاركة القادمة عن مستويات التشبع

---------------

و ايضا اخي الكريم

الغرض من شرح اسباب اختيار طرق الدخول و الخروج .
. ان يكتسب المتابع للموضوع افكار ... قد تكون جديدة للبعض قد تزيد من فهمه لنقاط عامة معينة في الفوركس ..
او قد تفتح امامه الطريق لفكرة جديدة او تطوير فكرة قديمة ان شاء الله


و ان شاء الله سأبذل ما في وسعي لانهاء الموضوع علي احسن صورة و بشكل لائق ان شاء الله

و القادم افضل ان شاء الله

بالتوفيق ان شاء الله

واله نفس ما كنت اريد ان اكتب فى مشاركتى القادمة جزاك الله خيرا اخى الكريم .... وايضا استاذ سمسم بارك الله فية لكن للاسف هو مشغول فعلا واحيانا يكتب مرة واحدة فى الاسبوع للاسف وطلبت الاسراع فى فتح موضوع منفصل واحد للشرح ويتابع بة حسب وقته وورشة عمل بطريقتة ويختار المتداول ما يناسب اما الاستمرار فى متابعة الشرح وتكون الاسئلة مخصصة فى نفس الموضوع او متابعة الورشة والدخول مباشرتا فى المتاجرة بالديفريجنس ..... على العموم ان شاء الله استاذ سمسم ما بيقصر وربنا يعينة .

اخي الكريم

شكرا علي المشاركة
و حتي لا نطول .. الاجابة السابقة هي نفس اجابة مداخلتك
و القادم افضل ان شاء الله

شكرا اخي علي المشاركة

و ندعو لنا و لكم و للجميع
بالتوفيق ان شاء الله

[femtogold4]

طيب هستاذنك يا استاذ سمسم زود الشرح شوية وعلى نفس المثل اللى انت كنت ذكرتة تبع العربية قبل كدة دوس بنزين هههههههههه

[samsam22]

الجزء الثاني - الدايفيرجينس و المؤشرات


تصحيح


احنا استخدمنا في اخر مشاركة كلمة القاعدة ... و كتبنا القاعدة العامة ..
و كان هذا خطأ في التعبير مني في استخدام كلمة قاعدة
و التصحيح هو استخدام كلمة الفكرة بدلا من القاعدة ..
و بالتالي نقول الفكرة العامة هي ... و ليس القاعدة العامة

-----------------------

لانه من الان و صاعدا ان شاء الله عند التحدث عن المؤشرات و اماكن الدايفيرجينس و طرق الدخول و الخروج
غالبا لن نستطيع ان نحدد مستوي معين او نقطة معينة بعينها ..
.و نقول هي ديه نقطة الدخول او الخروج الوحيدة ... و نقول هي ديه القاعدة العامة ..

ولكن سنقول الفكرة العامة
لانا سنجد في بعض الاحيان...
ان هناك اكثر من فكرة او طريقة او رأي لتحديد مستويات التشبع ... او نقاط الدخول و الخروج..
و لكلا منهم اسباب للاختيار و تأييد للفكرة

-----------

و لهذا سنحاول ان نذكر كل هذه الاراء او الافكار... و نوضح مميزاتهم و عيوبهم
و بعدها ان شاء الله ... سنضع الرؤية الاكثر شيوعا ان وجد ..

و بعدها تترك الحرية للمتداول ... ليأخذ بما يتفق مع شخصيته و اسلوب متاجرته

----------------------

و انصح الجميع بالتجربة و التدريب علي الديمو حتي يتقنوا الطريقة التي سيخترونها ..
قبل المتاجرة علي الحساب الحقيقي

و ايضا الانتظار حتي ننتهي ان شاء الله من شرح الجزء الرابع من الموضوع
و هو كيفية الربط بين الجزئين الثاني و الثالث.

--------------------

و نبدأ ان شاء الله الأن بالحديث عن تحديد مستويات التشبع.

يتبع

[samsam22]

الجزء الثاني - الدايفيرجينس و المؤشرات


تحديد مستويات التشبع لل CCI


زي ما وضحنا في المشاركات السابقة و قلنا انه الفكرة العامة
ان حدوث الدايفيرجينس في منطقة التشبع بيكون اكثر مصداقية من حدوثه في مناطق اخري

-----------------------

طب اكيد دلوقتي عايزيين نعرف اي مستوي تشبع اللي احنا حنعتمده ان شاء الله ؟

و الاجابة هي
ان مستويات التشبع تختلف من فريق لأخر .. فمثلا
فيه متداولين حيقولوا ان الدايفيرجينس علشان يعتمدوه في مناطق التشبع لازم يحدث فوق مستوي( 100 )..او تحت مستوي( - 100)

و فيه فريق تاني يقولك لأ
انا علشان اعتمد الدايفيرجينس لازم يكون فوق مستوي 120 علي الاقل .... او تحت مستوي( 120 - )

و فريق اخر يقولك مستويات التشبع المعتمدة هي 150 و -150 ..
و فريق يقول مستويات التشبع المعتمدة هي 200 و -200

--------------------

- طب واحد دلوقتي حيسأل مين فيهم الصح او الأفضل ؟
- و حاقوله ... انهم كلهم صح ... و صعب نقول ان واحد افضل من الثاني

-------------------------------

- واحد تاني دلوقتي ممكن يقول بس انا اعتقد ان كل ما مستوي التشبع بقي اعلي ... يبقي احتمال مصداقية الدايفيرجينس يبقي اكثر ؟
- حارد عليه و اقول له .. مش شرط ... ففمكن دايفيرجينس فوق ال 200 و لا يرتد او ينعكس لفترة .. او ينعكس قليلا
و تلاقي دايفيرجينس اخر بين ال 100 و ال 150 و يرتد و ينعكس مسافة اطول و في فترة اقل ..
و ده ليه اسباب مش مهم دلوقتي اننا نشرحها ..و لكن احتمال نتعرف عليها بعدين ان شاء الله

------------------------

طب السؤال دلوقتي احنا نعتمد اي مستوي ؟

اقولك ... الفكرة العامة ... او ممكن نقول الأكثر تقبلا بين المتداولين ...
هي حدوث الدايفيرجينس في المنطقة مابين مستويات( 100 و 200 ) ..و .ما بين مستويات( - 100 و - 200 )

يبقي لو حصل دايفيرجينس بين المستويات ديه يبقي نقدر نعتمده

--------------------------

طب انا عندي سؤال تاني لو حصل فوق مسنوي 200 او تحت مستوي - 200 نعمل ايه؟

برضه نعتمده ان شاء الله .. و حيوضح قدام ليه قلنا مستويات 100 و 200 .. و مستويات (- 100 و -200 )

-----------------

- يبقي ملخص الكلام ده هو اعتماد الدايفيرجينس عامة ....
لو كان فوق مستوي (100 )..او كان تحت مستوي (- 100)

- تمام .. الله ينور عليك

--------------------

طب انا عندي سؤال هنا ... طب ايه لزمة الكلام في الأول ان فيه اختلاف بين المتداولين في تحديد مستويات التشبع ..
.و الكلام عن مستويات 120 و 150 و 200 و غيرها .. طالما احنا في الأخر تقريبا حنعتمدهم كلهم ..
ما كان ممكن تلخص بدل التطويل و تقول مستوي التشبع المعتمد هو 100 و - 100 و خلاص ؟

- يا عم ما تزعلش اوي كدة ...
السبب هو انه اولا : لازم نفهم الجميع انه اولا ما فيش قاعدة ثابتة لتحديد مستوي التشبع
ثانيا : علشان حتفرق معانا لما نتكلم عن نقاط الدخول ان شاء الله ..
فلما نتكلم عن نقاط الدخول و معانا الفكرة من الأصل ... يقدر كل واحد ان شاء الله انه يختار ما يناسبه و يعرف مزايا و عيوب اختياره

------------------

طب حاسالك سؤال تاني .. انت عن نفسك بتعتمد ايه ؟
انا عن نفسي باعتمد الدايفيرجينس بين مستويات 100 و 200 .. و مستويات -100 و -200
و فوق ال 200 و تحت ال -200 ايضا

------------------

طب زي ماتعودنا اننا دايما نلخص الكلام الكثير و الشرح الكثير و نقول ان

الخلاصة

1-ان اي مستويات التشبع و اختيارها تختلف من فريق لأخر
2-و لكل مستوي تشبع مزايا و عيوب حنتحدث عنها ان شاء الله في نقط الدخول
3- الأكثر شيوعا لاعتماد الدايفيرجينس .
.هو حدوث الدايفيرجينس فوق مستوي 100 او تحت مستوي - 100 .
.و ده اللي ممكن نعتمد عليه حاليا

-----------------

المرفقات

مرفق رسم يوضح اختلاف مستويات التشبع
و يوضح تاثيرها في اعتماد ...او عدم اعتماد الدايفيرجينس

يتبع