الدايفيرجينس ببساطة ..... و استراتيجيات....

[samsam22]

بسم الله الرحمن الرحيم

===






ان شاء الله سيكون هذا الموضوع خاص بالدايفيرجينس ...و الاستراتيجيات التي تعتمد عليه

و سيتم ان شاء الله .... تجميع كل ما يمر علي و يتعلق بالدايفيرجينس في هذا الموضوع

ليكون باذن الله مرجعا شاملا و سهلا لمحبي الدايفيرجينس

و سنبدأ فيه ان شاء الله بشرح الدايفيرجينس بمنتهي البساطة

و بعدها ان شاء الله سيتم وضع استراتيجيات تستخدم الدايفيرجينس

-----------------------------------------------------------------------

ملحوظة

اقوم الان بشرح الدايفيرجينس في موضوع سلسلة استراتيجيات سهلة و ذلك قبل البدأ في شرح الاستراتيجية الخامسة

و لاعتقادي ان الدايفيرجينس واحد من اهم الادوات التي يجب ان يعرفها كل متداول

اردت ان اجمع الشرح و اضعه في موضوع مستقل .. حتي لا يضيع شرحه وسط الصفحات في موضوع سلسلة استراتيجيات سهلة .

.و ليكون هناك سهولة في الوصول للاستراتيجيات الخاصة به ايضا في موضوع واحد

و ساستمر ايضا ان شاء الله في شرحه في الموضوع الاخر.

و اتمني ان كل عضو مبتدئ او لا يعرف الدايفيرجينس ... ان يحاول ان يفهمه من هذا الموضوع .. و ان يستخدمه ان شاء الله في متاجرته

لانه ان اجاد استخدامه و فهمه.. و اضافه الي الادوات التي يتاجر بها ...ان شاء الله سيشعر بثقة اكبر عند دخول الصفقات ...

و ستتحسن باذن الله بدرجة كبيرة جدا نتائج متاجرته .

و اي استفسار ساقوم بالرد عليه ان شاء الله

-----------------------------------------------------

واخيرا لا اسالكم سوى دعوة صالحه بظهر الغيب
متمنيا من الله سبحانه وتعالى ان يعم الموضوع بالنفع والفائدة على الجميع ان شاء الله
و ان يرزقنا و يرزقكم بالرزق الحلال الوفير الطيب ان شاء الله

وان يبارك الله لنا و لكم ويوفقنا ويوفقكم
لما يحبه ويرضاه ان شاء الله

بالتوفيق ان شاء الله

[samsam22]

شرح الدايفيرجينس Divergence


كثير من المتداولين و خاصةالمبتدئين لا يستعملون الدايفيرجينس في متاجرتهم

لاعتقادهم انه شئ صعب جدا و معقد.. و يصعب فهمه

او انه اداة فقط للمحترفين .. و يحتاج نسبة عالية من الذكاء لفهمه

( و هو ليس اي من ما ذكر )

و هم في هذا يفتقدون اداة من اقوي الادوات في التحليل الفني

و التي تعطي المتداول اسبقية في التحليل

و توقع الحدث قبل الاخرين

مما يعطيه الافضلية عن الاخرين

و يزيد ايضا من نسبة نجاح صفقاته

فتعالوا معا نبدأ و نتعرف ببسساطة علي هذا الشئ

اللي مغلب و تاعب و مخوف ناس كثيرة

و اسمه دايفيرجينس


يتبع

===============================================

ملاحظة

هذا التمهيد و ما ساكتبه ان شاء الله .. ليس مقالة ... و لكنه شرحي بطريقة مبسطة للغاية

و احاول ان استخدم فيه كلمات سهلة و بسيطة..و قد يكون بعضها بالعامية ..و ذلك لتوصيل الفكرة ببساطة الي المبتدئين

[samsam22]

معني Divergence في اللغة الانجليزية


Divergence

تعني

اختلاف ( اختلاف في : الحركة .... الشكل ... الاراء .. الثقافة ... الخ)

تباعد ( تباعد : بين نقطتين .. في الحركة ... في الاراء .. وجهات النظر .. الخ )

================================================

و عكسها

Convergence

و تعني

تقارب ( تقارب : بين نقطتين ... في الاراء .. في الحركة .. في الشكل .. الخ )

التقاء ( التقاء : في الاراء ... بين نقطتين ... في وجهات النظر .. في الافكار .. الخ )

==================================

و ما يهمنا هنا من هذه المشاركة

هو انه عندما تسمع كلمة دايفيرجينس ان تترجمها انها تعني وجود اختلاف

و حنعرف لاحقا اختلاف في اي شئ

يتبع

[samsam22]

تابع الدايفيرجينس





زيي ما كلنا عارفين ان القطار يتحرك علي قضيبين

و القضيبين مصمميين هندسيا انهم دائما يكونوا متوازيين و المسافة بينهم واحدة

يعني ان القضيب العلوي لو متجه لاعلي

حتلاقي القضيب السفلي متجه معاه لاعلي

و لو القضيب العلوي متجه لاسفل ... حتلاقي القضيب السفلي متجه معاه لاسفل

و دائما المسافة بينهم واحدة




طب لو حصل عند نقطة معينة

و القضيب العلوي كان متجه لاعلي

لكن

القضيب السفلي كان متجه لاسفل

يعني حصل اختلاف (تباعد ) ( دايفيرجينس ) بين مسار القضيبين

( واختلاف زي ما عرفناه باللغة الانجليزية يعني دايفيرجينس)


و كان القطار قادم تفتكر حييحصل ايه للقطر؟





حينحرف القطار عن مساره

و ممكن يحدث انقلاب للقطار





طيب لو انت قاعد و شايف المكان

اللي حصل فيه التباعد بين القضيبين

حتقدر تتنبأ ان القطار القادم

(لو فضل التباعد بين القضيبين موجود و لم يتم اصلاحه)

ان القطار سوف ينحرف عن مساره و ممكن ينقلب


=================

ممكن واحد دلوقتي يقول شكرا علي المعلومة القيمة عن القطار و القضيبين

اللي كلنا عارفينها


طب ايه علاقة القطار و القضيبين بالفوركس

حنعرف حالا ان شاء الله

يتبع

[samsam22]

تابع- الدايفيرجنس


طييب ايه العلاقة بين القطار و القضيبين و الفوركس؟

تعالي نتخيل ان

قضيب القطار العلوي هو السعر
و قضيب القطار السفلي هو المؤشر
و ان القطار هو حركة السعر او الترند الحالي

يبقي طالما القضيبين العلوي و السفلي
اللي هما هنا السعر و المؤشر
ماشيين متوازيين مع بعض
( زي ما دايما نسمع جملة المؤشر يتبع السعر )

حتلاقي القطار اللي هو حركة السعر او الترند
ماشي بسلاسة في اتجاهه(الترند الحالي)
من غير مشاكل

طيب لو عند نقطة معينة زي ما شرحنا في مثال القطار
لو انحرف احد القضيبين عن الاخر
مثلا القضيب العلوي اتتجه لاعلي و القضيب السفلي اتجه لاسفل

يعني هنا السعر انحرف في مساره عن المؤشر
مثلا تحرك السعر لاعلي و في نفس الوقت تحرك المؤشر لاسفل

و زي ما قمنا بتسمية هذا التباعد او الاختلاف في مسار القضيبين دايفيرجينس
بالمثل
حنسمي اختلاف حركة السعر عن المؤشر
دايقيرجينس


و بالمثل زي ما قلنا في مثال القطار
ان لو حصل تباعد بين القضيبين حيحصل انحراف لمسار القطار
اللي هو هنا حركة السعر او الترند و ممكن ينقلب القطار

بالمثل هنا لو حصل الانحراف و الاختلاف ( دايفرجينس )بين مسار المؤشر و السعر
حتلاقي تغير او انقلاب في حركة السعر او االترند الحالي


و بالمثل
لو انت شايف الانحراف او الاختلاف في المسار بين السعر و المؤشر
اللي هو الدايفيرجينس

يبقي ممكن تتنبأ او تتوقع
حدوث تغير في مسار حركة السعر او الترند الحالي قبل حدوثه




يتبع

[samsam22]

تابع-الدايفيرجينس

طب نشوف اللكلام ده علي الشارت

لو انت دلوقتي قاعد و شاشة الكمبيوتر امامك

حتلاقي السعر في النصف الاعلي من الشاشة ... و المؤشر في النصف الاسفل

و حتشوف ان كل ما السعر يصعد لاعلي ... المؤشر يصعد معاه لاعلي

و كل السعر لما يهبط ....ينزل معاه المؤشر لاسفل

و هو ده الطبيعي ( زي ما بنسمع دائما .. ان المؤشر يتبع السعر )

يتبع

[samsam22]

تابع-الدايفيرجينس


تعالي نغير الشارت من شموع يابانية الي Line chart

حتلاقي تقريبا ان شكل السعر هو شكل المؤشر

و انهم بيتحركوا مع بعض ( في معظم الوقت ) في نفس الاتجاه

يتبع

===================

ملحوظة

الشارت المرفقة ليست دقيقة جدا و لكنها فقط للتوضيح

[samsam22]

تابع-الدايفيرجينس


يبقي اول نقطة واضحة لنا هنا انه المؤشر و السعر بيمشوا مع بعض ( ده المفروض )

1- بحيث اان السعر لما يعمل هاي ...يقوم المؤشر يعمل هاي مثله

2- و لما السعر يعمل لو..يقوم المؤشر يعمل لو مثله

3- وبعدين لما السعر يعمل هاي اعلي من الهاي الاولي للسعر( هاير هاي)... ييقوم المؤشر عامل هاي اعلي من الهاي الاولي للمؤشر( هاير هاي)

4- و بعدين للما السعر يعمل لو اعلي من اللوو الاولي للسعر ( هاير لو).. يقوم االمؤشر عامل لو اعلي من اللو الاولي للمؤشر(هاير لو)

و ده في حالة الترند الصاعد

و هكذا

يتبع

[جمال عمر]

كلام سلس وجميل جدااااااااااااااااااااااااا
كمل كلامك

[samsam22]

تابع-الدايفيرجينس


العكس في حالة الترند الهابط

1- لما السعر يعمل لو ( قاع ) ... يقوم المؤشر يعمل لو ( قاع )

2- و بعدين يرجع السعر يعمل هاي ... يقوم المؤشر عامل هاي

3- و لما يعود السعر يعمل لوور لو ( قاع اقل من القاع الاول ) عن اللو الاولي للسعر ... يقوم المؤشر عامل لوور لو عن اللو الاولي للمؤشر

4- و بعدين لما السعر يعمل لوور هايي ( هاي اقل من الهاي الاولي ) عن الهاي الاولي للسعر ... يقوم المؤشر عامل لوور هاي عن الهاي الاولي للمؤشر و هكذا

و ده في حالة الترند الهابط

[samsam22]

تابع-الدايفيرجينس

طالما هذا التوافق بين الهاي و اللو للسعر و المؤشر موجود

يببقي كل شئ سليم و الترند متوازن و مفروض يكمل السعر في الاتجاه اللي ماشي فيه

لكن لو حصل اختلاف في حركة المؤشر و السعر يبقي هنا عندنا حالة الدايفيرجييننس

تعالوا نشوف مع بعض كيف نرسم الدايفيرجينس ...و كيف نستفيد منه


يتبع

[samsam22]

تابع-الدايفيرجينس


يبقي الدايفيرجيينس

هو اختلاف في الحركة ( الاتجاه ) بين السعر و المؤشر

يبقي السعر بيعمل هاير هاي و طالع فوق (ترند صاعد)

و المؤشر بيعمل لوور هاي و نازل عكس حركة السعر

او

السعر بيعمل لوور لو و نازل لتحت ( ترند هابط)

و المؤشر بيعمل هاير لوو و طالع لفوق

---------------------------------------------------------------

او العكس بالنسبة للسعر و للمؤشر

يعني لو عكسنا اللي فوق ووضعنا المؤشر الاول و وضعنا اللسعر الثاني ..

برضه حتبقي حالة دايفيرجينس كالاتي

يبقي المؤشر بيعمل هاير هاي و طالع فوق

و السعر بيعمل لوور هاي و نازل عكس حركة المؤشر

او

المؤشر بيعمل لوور لو و نازل لتحت

و السعر بيعمل هاير لوو و طالع لفوق

------------------------------------------------------------------

و في الحالتين

(بالعامية تلاقيي المؤشر ماشي عكس السعر)

و لما يحدث هذه الحالة زي ما وصفناها بنسسميها دايفرجينس

----------------------------------

و مش لازم تحفظ الكلام ده

باختصار شديد لما ترسم خطين كما سيتم شرحه و لقيتهم عكس بعض يبقي ده دايفيرجينس



================================


طريقة رسم خطوط الدايفيرجينس


1- نرسم خط من الهايات علي السعر

2- و نرسم خط اخر علي المؤشر

من الهايات المقابلة للهايات اللي رسمنا منها الخط علي السعر

او

1-او نرسم خط من اللوهات علي السعر-

2- ثم نرسم خط اخر علي المؤشر

من اللوهات المقابلة للوهات اللي رسمنا منها الخط علي السعر

-----------

ولو لقينا في اي حالة ان الخطين في اتجاه واحد يبقي ما فيش دايفيرجينس

لكن لو كان الخطين في اتجاهين مختلفين ( ماشيين عكس بعض)

يبقي هنا عندنا حالة دايفيرجينس

====================================

هام جدا

عند رسم الخطين لابد ان يكونا من الهايات المتقابلة ( هاي المؤشر مع الهاي المقابلة لها علي السعر ) ..

.. او اللوهات المتقابلة ( لو المؤشر مع اللو المقابلة لها علي السعر

=======================

مثال رقم 1

مرفق مثال لترند صاعد يوضح الدايفيرجينس وو رسمه

======================

مثال رقم 2

مرفق مثال لدايفيرجينس علي ترند هابط و طريقة رسمه

يتبع

[samsam22]

تابع-الدايفيرجينس


مثال لدايفيرجينس علي الشارت

مرفق مثالين احدههما لترند صاعد و الاخر لترند هابط

و بهما توضيح لكييفية رسم الدايفيرجينس علي الشارت


يتبع

[samsam22]

تابع- الدايفيرجينس

ملخص سريع

ان شاء الله المفروض بعد هذا الشرح البسيط اللي فات

اننا نكون قد عرفنا و فهمنا الاتي

1- ان الدايفيرجينس هي حالة بيمشي فيها السعر في اتجاه... و يمشي فيها المؤشر في اتجاه اخر

-----------

2- عندما نرسم خطوط الدايفيرجينس

بنبحث عن قمم ..او .... قيعان... علي السعر ..و نوصل بينها ( القمم مع القمم ... او قيعان مع القيعان )

ثم نبحث عن القمم المماثلةعلي المؤشر ... للقمم اللي رسمنا منها علي السعر .. (لو كنت رسمت من القمم علي السعر9 و نوصل بينها

او نشوف قيعان مماثلة علي المؤشر ... للقيعان اللي رسمنا منها علي السعر ( لو كنت رسمت من القيعان علي السعر ) و نوصل بينها

-------------

3- لو كان هناك اختلاف في اتجاه الخطين

( مثلا الخط علي السعر متجه لاعلي و الخط المماثل له علي المؤشر متجه لاسفل .. او العكس )

بنقول ان احنا عندنا حالة دايفيرجينس

( و طبعا احنا عرفنا معني كلمة دايفيرجينس بالانجليزي و معناه اختلاف)

================================================== ===============

طيب ..... قبل ما نتكلم عن انواع الدايفيرجينس ...و فائدته ..و كيف نستفيد منه

تعالوا نعرف الاول كيف يحدث الدايفيرجينس ( ليه بيحدث )؟

و لو عرفنا ليه بيحدث؟ .. يبقي ان شاء الله حانعرف ليه او ازاي حانستخدمه كأداة قوية ان شاء الله في الفوركس



يتبع

[ahmed5]

شرح اكثر من رائع،
بارك الله فيك