الدايفيرجينس ببساطة ..... و استراتيجيات....

[samsam22]

الجزء الثاني - الدايفيرجينس و المؤشرات


بعد ما وضحنا اختلاف مستويات التشبع بين المتداولين
و عرفنا ان الفكرة العامة اللي ممكن نعتمدها هي
اعتماد الدايفيرجينس فوق مستوي 100 و تحت مستوي - 100

-------------

فيه اسألة كتير ممكن تتسأل ..

اكيد فيه حد عايز يسأل و يقول
هل لازم ان القمتين او القاعين اللي اتكون عندهم الدايفيرجينس يكونوا متكونين في منطقة التشبع ؟

و الاجابة هي
هو ده المفروض طالما حددت مستويات التشبع اللي انت بتعتمدها ..
.فانه يجب ان تكون القمتين او القاعين موجودين داخل منطقة التشبع المعتمدة


فمثلا لو كان المستوي المعتمد عندك 150 و حصل وجود قمة فوق مستوي ...150
و القمة الاخري تحت مستوي 150 .
. يبقي المفروض حسب شروطك اللي وضعتها مسبقا ان لا يتم الدخول

في حين ان ممكن شخص اخر يعتمد نفس الفرصة مثلا لو حدثت القمة الثانية عند مستوي 110 مثلا
و هو يعتمد الدايفيرجينس من مستوي 100 و ما فوقه

يبقي الفكرة العامة هنا هو

انه المفروض ان يكون حدوث القمتين او القاعين في منطقة التشبع المعتمدة
علشان نعتمد الدايفيرجينس.

----------------------------------

طب فيه سؤال تاني
لو مثلا تكونت قمة ( او قاع) في منطقة التشبع المعتمدة ... و قمة اخري ( او قاع اخر ) في غير منطقة التشبع
هل يعتبر الدايفيرجينس صحيح و يمكن اعتماده ؟

و الأجابة هي ..
زي ما قلنا قبل كدة ان الدايفيرجينس ممكن يحدث في اي مكان علي المؤشر و يعتبر صحيح
فبالتالي لو كنا في هذه الحالة ... بنتكلم عن دايفيرجينس من حيث انه دايفيرجينس صحيح ام لا ... فهو بالطبع دايفيرجينس ..

و لكن هل ممكن ان نعتمده ام لا ... ده يتوقف اولا علي الشروط اللي انت محددها لنفسك بمناطق التشبع
فأن لم تتوافق مع شروطك فبالتالي لن تعتمد الدايفيرجينس

و لكن بعد شرح الجزء الثالث و بوجود شروط اخري ...
.قد يكون هناك استطاعة في اعتماد هذا الدايفيرجينس .. و ده ان شاء الله حيبان قدام بأذن الله

---------------------------

الخلاصة

يبقي خلاصة الكلام هنا

هو ان المفروض ان تكون القمتين او القاعين للدايفيرجينس موجودين داخل منطقة التشبع.




يتبع

[ماجد العجمي]

السلام عليكم
صباح الخيرات لك أن شاءالله وللجميع يارجل والله ما شفت شرح جميل وممتع وشيق
وبسيط مثل هذا الشرح روح ياشيخ الله يسعدك ( بس لا تتأخر علينا )

[femtogold4]

ماشاء الله الدرس دة اهم درس من بداية السلسلة بارك الله فيك لكن لا تتاخر علينا فى الشرح يا استاذ سمسم

[hanisma]

وعلى اقل من مهلك اخي سامسام....

وجزاك الله خيرا وبارك الله فيك وفي اهل بيتك

حضرتك وموضوعك روعه من روعات موضوع الفوركس وطرق شرحه

[samsam22]

الجزء الثاني - الدايفيرجينس و المؤشرات

تابع - مستويات التشبع

امثلة

مرفق صور بعض امثلة قديمة قد تم وضعها عند شرح انواع الدايفيرجينس
و لم نكن اثناء وضع هذه الأمثلة نعرف سبب اعتماد الدايفيرجينس

و لكن الأن ... و الحمد لله نستطيع بأذن الله ان نفسر سبب اعتماد الدايفيرجينس في هذه الأمثلة

طب حد فاكر السبب ؟

تمام .. الله ينور عليك .. زي ما قلت بالضبط

سبب اعتماد الدايفيرجينس هو وجوده في مناطق التشبع ..سواء فوق مستوي 100 .. او تحت مستوي (- 100)

---------------

و تم اضافة شرح اضافي علي الأمثلة القديمة

يوضح سبب اعتماد الدايفيرجينس كما تم شرحه بالمشاركات الاخيرة

يتبع

[hanisma]

السلام عليكم

يسلمووووووووووووو......هالايادي ...
تسجيل حضور ومتابعه

[ابو فيصل2002]

شرح جميل و موفق أخي سام سام

[joseph10]

سجلت مخصوص حتى اقول
بسم الله ما شاء الله عليك
ربنا يزيدك من العلم
واصل

[samsam22]

السلام عليكم
صباح الخيرات لك أن شاءالله وللجميع يارجل والله ما شفت شرح جميل وممتع وشيق
وبسيط مثل هذا الشرح روح ياشيخ الله يسعدك ( بس لا تتأخر علينا )

و عليكم السلام و رحمة الله و بركاته
صباح الخيرات عليك و علي الجميع ان شاء الله

شكرا علي مشاركاتك الجميلة جدا و التي تسعدني كثيرا
و شكرا علي دعائك الجميل و لك مثله ان شاء الله

اسعدنا الله جميعا ان شاء الله
و سنبذل ما في وسعنا .ان لا نتأخر في الشرح بأذن الله

وندعو للجميع
بالتوفيق ان شاء الله

وعلى اقل من مهلك اخي سامسام....

وجزاك الله خيرا وبارك الله فيك وفي اهل بيتك

حضرتك وموضوعك روعه من روعات موضوع الفوركس وطرق شرحه

اخي الكريم
شكرا علي مشاركاتك الجميلة و كلامك الجمبل

و شكرا علي دعائك و لك مثله ان شاء الله

جزانا الله جميعا كل خير ان شاء الله
وبارك الله فينا جميعا و في اهلنا جميعا ان شاء الله

و ندعو للجميع
بالتوفيق ان شاء الله

السلام عليكم

يسلمووووووووووووو......هالايادي ...
تسجيل حضور ومتابعه

و عليكم السلام و رحمة الله و بركاته

شكرا اخي الكريم علي مشاركتك و كلامك الجميل

و القادم افضل ان شاء الله

بالتوفيق ان شاء الله

شرح جميل و موفق أخي سام سام

اخي الحبيب ابو فيصل
شكرا علي المشاركة اخي الحبيب .. و ابلغ سلامي للجميع ... وان شاء الله تكونوا جميعا بخير

و دعائئ لك و للجميع
بالتوفيق ان شاء الله

[samsam22]

سجلت مخصوص حتى اقول
بسم الله ما شاء الله عليك
ربنا يزيدك من العلم
واصل

اخي الكريم

مشاركتك هذه غالية عندي جدا و لها مكانة خاصة ايضا
و نتمني من الله ان نكون عند حسن ظنكم و ظن الجميع ان شاء الله
و ان يعود هذا الموضوع بالفائدة علي الجميع ان شاء الله

و شكرا اخي الكريم علي دعائك و لك مثله ان شاء الله

و سنواصل بأذن الله

اخي الكريم
شكرا مرة اخري علي مشاركتك الغالية

و ندعو لنا و لك و للجميع
بالتوفيق ان شاء الله

[samsam22]

الجزء الثاني- الدايفيرجينس و المؤشرات


طرق الدخول ( نقاط الدخول )علي مؤشر ال CCI


اتكلمنا في المشاركات السابقة عن مستويات التشبع
و قلنا ان مصداقية الدايفيرجينس بتكون اكثر عند حدوثه في منطقة مستويات التشبع

---------------------

و قلنا برضه ان مستويات التشبع قد تختلف من فريق لأخر
و قلنا ان الفكرة العامة هي اعتماد الدايفيرجينس
فوق مستوي 100 ... و الدايفيرجينس تحت مستوي - 100

---------------

و قلنا ان المفروض ان القمتين او القاعيين الخاصين بالدايفيرجينس انهم يتكونوا في منطقة التشبع

---------------

طب كل ده كلام جميل و سهل
السؤال دلوقتي
بعد ما نعتمد الدايفيرجينس .. ندخل من اي نقطة ؟

تعالوا نشوف مع بعض ان شاء الله
طرق او نقاط الدخول علي مؤشر ال CCI .

يتبع

[samsam22]

الجزء الثاني الدايفيرجينس و المؤشرات



طرق الدخول ( نقاط الدخول) علي مؤشر ال CCI


الاول حنعرض الفكرة الاكثر شيوعا و بعدين ان شاء الله حنعرض الطرق الاخري

الفكرة العامة


و هي تعتمد علي اختراق مستوي التشبع المعتمد للمتداول بعد حدوث الدايفيرجينس

طب يعني ايه معني الكلام ده ؟

تعالوا نشوف مع بعض شروط الدخول بهذه الطريقة

-----------------------

حنفترض هنا اننا بنعتمد مستوي التشبع 100 و - 100 زي ما قلنا قبل كده


يبقي في حالة اختيارك لمستوي التشبع و ليكن 100 و -100 مثلا

فتكون الطريقة كالاتي

--------------

دخول بيع

1- بعد حدوث دايفيرجينس فوق مستوي 100 و اعتماده

2- ننتظر اختراق مؤشر ال CCI لمستوي 100 ( اللي احنا معتمدينه) من اعلي الي اسفل

3- و ننتظر اغلاق الشمعة التي اخترقت مستوي 100 ( حسب الفريم اللي حدث فيه الدايفيرجينس)

و نتأكد ان بعد اغلاقها ان مؤشر ال CCI قد اخترق مستوي 100 و متجه لأسفل

4- مع شرط هام جدا و هو استمرارية وجود الدايفيرجينس عند اختراق المؤشر لمستوي 100

5- ثم يتم الدخول بيع .. بافتتاح الشمعة التالية مع استمرارية وجود الدايفيرجينس عند الدخول بيع

-----------------

دخول شراء

1- بعد حدوث دايفيرجينس تحت مستوي - 100و اعتماده

2- ننتظر اختراق مؤشر ال CCI لمستوي - 100( اللي احنا معتمدينه) من اسفل الي اعلي

3- و ننتظر اغلاق الشمعة التي اخترقت مستوي - 100( حسب الفريم اللي حدث فيه الدايفيرجينس)

و نتأكد ان بعد اغلاقها ان مؤشر ال CCI قد اخترق مستوي - 100 و متجه لأعلي

4- مع شرط هام جدا و هو استمرارية وجود الدايفيرجينس عند اختراق المؤشر لمستوي - 100

5- ثم يتم الدخول شراء .. بافتتاح الشمعة التالية مع استمرارية وجود الدايفيرجينس عند الدخول شراء



-----------------------

تعالوا نشوف الكلام ده بمثال حديث لسه حاصل الان علي ال NZD / USD

يتبع

[samsam22]

الجزء الثاني - الدايفيرجينس و المؤشرات



تابع - نقاط و طرق الدخول علي مؤشر ال CCI



مثال يوضح كيفية الدخول بيع



مرفق مثال حديث اليوم 22 مارس علي ال NZD / USD

و هو يوضح طريقة الدخول بيع باختراق مستوي التشبع 100

و الشرح موجود علي الصور بالترتيب صورة 1 الي صورة 3

-----------

و بالمثل طريقة عملية الشراء هي عكس طريقة البيع الموضحة في هذا المثال

-------------

و ان شاء الله لاحقا ..سنضع بأذن الله اكثر من مثال
و نشوف مع بعض ان شاء الله مزايا و عيوب هذه الطريقة
و نجاوب ان شاء الله علي الاسئلة اللي سألناها عند شرح مستويات التشبع و قلنا حنقول اجابتها عند شرح طرق الدخول
و بعدين ان شاء الله نتكلم عن فكرتين اخريين للدخول علي المؤشر

-------------

و الأن اترككم في رعاية الله
واذا شاء الله ... لنا عودة ان شاء الله

وندعو للجميع
بالتوفيق ان شاء الله

[mahsayyah]

السلام عليكم
وصباح جميل لاحلا استاذ في المنتدي
كل الاحترام والتقدير لجهودك وبارك الله فيك
بصراحة انا متابع مثل بعض زملائي بصمت بس مش قادر اسكت وما اشكرك
والله يوفقك ويرزقك الرزق الحلال ويحميك من كل سؤ وشر

[9_A_D_m]

جزاك الله خير اخي سام سام اسأل الله لك التوفيق والنجاح لما تقدم من خير لاخوانك