الدايفيرجينس ببساطة ..... و استراتيجيات....

[ابو فيصل2002]

اخي الكريم
شكرا علي المشاركة الجميلة
و شكرا علي دعائك و لك و للجميع مثله ان شاء الله

---
وعن سؤالك البسيط
كيف أقدر أحدد بداية و نهاية الترند .. ؟؟
أو على الأقل ما هي دلالات بداية و نهاية الترند ؟؟

يا راجل ده سؤال بسيط . . امال السؤال الصعب يبقي ازاي ؟

لو فيه طريقة معينة ممكن ان يحدد بيها المضاربين بداية كل ترند و نهاية كل ترند
ماكانش حد غلب

فصعب قوي انك تلاقي حد بيقولك ان النقطة ديه حتبقي بداية ترند و النقطة ديه هي نهاية الترند
و الله تعالي اعلي و اعلم


-------------

و لكن تلاقي معظم المتداولين بيدوروا علي نقط الانعكاس
املا في اخذ السعر شراء من اقل قاع... او اخذ السعر بيع من اعلي قمة

و هما هنا بيبحثوا عن ال Reversal Patterns
اللي هي الاشكال الانعكاسية

-------------------

و الاشكال الانعكاسية بتدل علي
1-ضعف في انجاه الحركة الاصلي ..(قرب نهاية حركة .. او نهاية ترند )
2-و احتمال حدوث انعكاس ..( بداية حركة جديدة .. او ترند جديد )

و الاشكال الانعكاسية كثيرة.
. من نماذج فنية .. الي شموع يابانية ... و اشياء اخري

--------------
و حاذكر لك بعض الامثلة اللي بتدل
1- علي ضعف الحركة الحالي (و اللي ممكن يعني علامات لنهاية ترند حالي )
2- احتمال الانعكاس ( و اللي ممكن يكون علامات بداية ترند جديد)

---------------

1- اشكال فنية عاكسة

بعض الاشكال الفنية العاكسة مثل

Head and Shoulders
Inverse Head and Shoulders
Double Tops and Bottoms
Triple Tops and Bottoms
Rounded Tops and Bottoms
V-Formations
Diamond Formations

-----------

2- اشكال شموع يابانية عاكسة

و منها علي سبيل المثال

Bearish Engulfing
Dark Cloud Cover
Shooting Star
Bearish Harami
Evening Star
Bearish Abandoned Baby
-------------
Bullish Engulfing
Piercing Pattern
Bullish Harami
Hammer
Morning Star
Bullish Abandoned Baby
----------------

3- الدايفيرجينس

بيدل علي ضعف الحركة في اتجاه معين .. و احتمالية الانعكاس
--------------------

4- اشكال الهارمونييك

اشكال الهارمونيك بتحدد لك مناطق انعكاس لاتجاه حركة معينة

-------------------

و احيانا كسر خط ترند قوي .. قد يكون نهاية ترند .. و بداية ترند جديد
او كسر مقاومة او دعم معين قوي .. قد يكون نهاية لترند او بداية لترند

--------------

احيانا الاخبار الهامة المؤثرة .. قد تكون بداية لترند جديد و نهاية لترند قديم
احيانا تغيير السياسة النقدية لدولة ما ( مثل ما حدث للين الياباني) .. قد يؤدي الي تغير اتجاه الترند
و احيانا الكوارث الطبيعية كالزلازل او العواصف او الفيضانات .. او الحروب ..قد تؤدي الي تغير اتجاه الترند للعملة

----------------

هذه بعض الامثلة علي الاشكال الانعكاسية ... و الاشياء
التي قد تحدث فتدل علي ضعف الحركة في اتجاه معين (قرب نهاية حركة .. او نهاية ترند )
و احتمال حدوث انعكاس ( بداية حركة جديدة .. او ترند جديد )

--------------

ارجو من الله ان تجد ما ينفعك في هذه المشاركة

و ندعو لك و للجميع
بالتوفيق ان شاء الله

ما شاء أخي سام سام إجابة وافية و كافية و هي التحليل الفني بعينه وفقكم الله و رعاكم

[samsam22]

الدايفيرجينس ببساطة

متابعة

مثال يوضح كيفية الاستفادة من الدايفيرجينس في معرفة الكسر الكاذب

مثال جميل حدث اليوم 3 ابريل
يوضح استخدام جميل للدايفيرجينس ( غير منتشر كثيرا بين المتداولين)
و هو امكانية معرفة ان الكسر قد يكون كسر كاذب

----

احيانا يحدث كسر لقناة او خط ترند او مقاومة
و لكن مع حدوث الكسر ..
احيانا يتزامن حدوث الكسر مع تكون دايفيرجينس عكس اتجاه الكسر
فيكون الدايفيرجينس المتكون هنا ..
اشارة تحذير و تنبيه
لعدم الدخول في اتجاه الكسر
او الانتظار حتي التأكد من ان الكسر حقيقي

---

او قد يكون الدخول في اتجاه عكس اتجاه الكسر ..( كما في المثال المرفق)
اذا كان الدايفيرجينس قوي .. و مع وجود اسباب اخري تدعم الدخول

-------------

المرفقات

مرفق مثال يوضح كيفية الاستفادة من الدايفيرجينس في معرفة الكسر الكاذب
و الشرح علي الرسم

بالتوفيق ان شاء الله

[samsam22]

الدايفيرجينس ببساطة ..... و استراتيجات


متابعة

مثال لفرصة انتهت منذ قليل - اليوم 4 ابريل علي ال EUR/JPY


مرفق مثال لفرصة كانت علي ال EUR/JPY

فريم ال 4 ساعة
----------

حققت الفرصة بحمد الله و فضله

اكثر من 360 نقطة
------------------

المثال مرفق للتوضيح والتعلم

و موضح فيه اماكن الدخول و الخروج

للتدرب لاكتساب المعرفة و الخبرة ان شاء الله

----------

بالتوفيق ان شاء الله

[samsam22]

الجزء الثاني - الدايفيرجينس و المؤشرات

تابع - مؤشر ال R S I

2-خصائص و استخدامات مؤشر ال RSI


من الاستخدامات الشائعة للمؤشر


1- يستخدمه الكثير من المتداولين لتحديد مناطق التشبع

فعندما يكون المؤشر فوق مستوي 70 يعتير المتداولون هذا تشبع شراء
و ان احتمالية عكس السعر لاتجاه تكون عالية و يبداوا في البحث عن فرص بيع
و لو كان المؤشر تحت مستوي 30 فيعتبر المتداولون ان هذا تشبع بيع و ان احتمالية تغيير السعر لاتجاه تكون اكثر
و يبدا عندها المتداولون في البحث عن فرص شراء


2-استخدامه لتحديد الاتجاه

يعتبر بعض المتداولين ان وجود ال RSI فوق مستوي 50 اشارة لان السوق في حالة شراء
و يبدا المتداول في البحث عن عمليات شراء
و ان وجود المؤشر تحت مستوي 50 هو اشارة لان السوق في حالة بيع
و يبدا المتداول في البحث عن عمليات بيع
و هذا الاستخدام لا يعتمد عليه كليا و ينصح ان يستخدم معه مؤشرات او شروط اخري توكد علي اتجاه الصفقة


3-استخدامه في تحديد الاهداف و وقف الخسارة

بعض المتداولين يستخدم المؤشر لاغلاق الاهداف عند الوصول لحالة التشبع
فمثلا اذا كانت الضفقة صفقة شراء و الصفقة رابحة و وصل المؤشر فوق مستوي 70 او مستوي اعلي فان البعض يقوم اما باغلاق الصفقة خوفا من الارتداد او تحريك وقف الخسارة للامام او شئ من هذا القبيل للمحافظة علي المكسب.. و العكس بالمثل في حالة البيع
و ايضا يستخدم لوقف الخسارة من بعض المتداولين
فيتم اغلاق صفقات البيع عند صعود المؤشر من اسفل الي اعلي و يخترق مستوي 50
و ايضا اغلاق صفقات الشراء عند نزول المؤشر من اعلي الي اسفل مخترقا مستوي 50


4- اكتشاف الدايفيرجينس

و هي احد الاستعملات القوية لهذا المؤشر
فاذا كان المؤشر يتحرك في عكس اتجاه السعر
فهذا يعني ان المومنتم تضعف و ان السوق اصبح في حالة ضعف
و تعتبر هذه اشارة قوية لاحتمال حدوث انعكاس في حركة السعر


المرفقات

مرفق صورة بالشرح لاستخدامات المؤشر

[samsam22]

الجزء الثاني - الدايفيرجينس و المؤشرات

2- مؤشر ال R S I

تحديد اماكن الدايفيرجينس علي مؤشر ال R S I

بعد ما اتكلمنا علي مؤشر ال R S I .. و عرفنا فكرته و عرفنا خواصه
اكيد عايزيين نتعرف علي افضل الاماكن لتحديد الدايفيرجينس عليه

-----------

و انا متأكد انه ان شاء الله ان اغلبية المتابعين للموضوع
يقدروا من غير ما أكتب انهم يقولوا
ما هي افضل الاماكن لتكون الدايفيرجينس علي مؤشر ال R S I؟

طب حد يعرف الاجابة؟

الله ينور عليك ...
افضل الاماكن لتكون الدايفيرجينس و اعتماده هي اماكن مستويات التشبع

-----------

-طب تقدر تفكرني ليه احتمال الانعكاس فيها بيزيد؟

-احتمال الانعكاس فيها بيزيد لانها اولا اماكن تشبع. يبقي فيه احتمال الانعكاس السعر فيها ..
و ثانيا مع تكون الدايفيرجينس (اللي هو بيدي احتمال لانعكاس الحركة)
فبتزيد قيمة و قوة الدايفيرجينس المتكون .. و يزيد احتمال الانعكاس

-الله ينور عليك

--------

-واحد بيسأل و يقول يعني معني كده ان اي دايفيرجينس في مناطق غير التشبع لا يعتمد؟

- ا قوله ان الدايفيرجينس ممكن يكون في اي مكان علي المؤشر
لكن احنا هنا حاليا بنفضل ان نعتمد علي الدايفيرجينس في اماكن التشبع

---------

- واحد بيسأل سؤال تاني و يقول طب لو فيه قمة او قاع حدث في منطقة تشبع ..
و القمة و القاع الاخر حدث في منطقة اخري ..هل ممكن نعتمد الدايفيرجينس؟

- الاجابة وهي حاليا خلينا فقط نعتمد الدايفيرجينس في مناطق التشبع فقط

---------

- واحد تاني بيسأل و يقول طب ايه هي مناطق التشبع اللي نعتمدها علي ال R S I؟

- اقوله ده حيختلف من متداول لأخر

تعالوا نشوف مع بعض تحديد مناطق التشبع

يتبع

[samsam22]

الجزء الثاني - الدايفيرجينس و المؤشرات

2- مؤشر ال R S I

تحديد اماكن التشبع علي مؤشر ال R S I


من المشاركة السابقة احنا عرفنا الفكرة العامة ..و هي
ان افضل الاماكن لاعتماد الدايفيرجينس هي اماكن التشبع

------

- طب السؤال هو كيف نحدد اماكن التشبع علي ال مؤشر ال R S I ؟

-و الاجابة هي .... ان اماكن التشبع حتختلف من فريق لاخر

فحنلاقي فريق.. و هم الاكثر.. بيحدد مستويات التشبع علي ال R S I
بأنها فوق مستوي 70 ..بيعتبره تشبع شراء
و تحت مستوي 30 ...بيعتبره تشبع بيع

و فيه فريق اخر بيحدد مستويات التشبع علي انها
فوق مستوي 80....بيعتبره تشبع شراء
و تحت مستوي 20..... بيعتبره تشبع بيع

و ممكن تلاقي فريق بيقولك مستويات 65 و مستوي 35
و اخر بيقول مستوي 75 و 25

-----------

- طب السؤال دلوقتي مين الافضل ؟

-و الاجابة هي كل واحد ليه مزايا و عيوب..
فحنلاقي اعتماد المستويات الاعلي.. في تشبع شراء ( مثل مستوي 80 مثلا )..
و المستوي الاقل ..في تشبع بيع ( مثل مستوي 20 مثلا )
بيقلل نوعا ما من فرص تكون الدايفيرجينس
لقلة عدد القمم و القيعان المتكونة فيها

و لكن باعتماد مستوي اقل ...في التشبع شراء (مثل مستوي 65 مثلا )
و مستوي اعلي ...في تشبع بيع ( مثل مستوي 35 مثلا )
بتزداد مساحة منطقة التشبع .. فبتزداد عدد القمم و القيعان
فبتزداد فرص الدايفيرجينس

---------------

و احد ممكن يسأل و يقول يبقي نكبر مساحة مناطق التشبع علشان تزداد الفرص؟

- و الاجابة ممكن تزداد الفرص ..
بس احتمال وجود فرص ضعيفة بيزداد
و كمان حنعرف بعدين انها بتؤدي الي دخول متأخر احيانا

------------

و احد دلوقتي حيقول يبقي من كلامك ده نقلل من مساحة منطقة التشبع علشان تكون الفرص قوية؟

و الاجابة هي.. ليس معني حدوثه في منلطق تشبع عالية ان الدايفيرجينس لازم يعكس
لانه احيانا لما يكون فيه ترند قوي ...و علي الرغم من وجود المؤشر في مناطق التشبع
بيستمر المؤشر في مناطق التشبع لفترة طويلة لقوة الترند .. دون انعكاس

-------------

- و احد دلوقتي اكيد بيقول ..يا أخي انت حيرتني معاك ....لا ده نافع و لا التاني نافع ..طب نعمل ايه ؟

- اقولك ..احنا ان شاء الله نكون في الوسط
فنعتمد منطقة تشبع في الوسط ..و اللي الاغلبية بيعتمدوا عليها

------------

طب هي ايه المناطق اللي في الوسط ديه ؟

- ان شاء الله احنا ممكن نعتمد ال مناطق اللي فوق 70
و المناطق اللي تحت 30

---------

طب هل كلامك ده انه الزام ان كل واحد يعتمد هذه المستويات ؟
طبعا لا .. احنا زي ما اتفقنا قبل كده .. اننا نقول كل الافكار .. و لكل واحد اختيار ما يفضل

----------

- طب انت بتعتمد مستويات ايه ؟

- انا باعتمد مستويات 70 و 30

----------------

الخلاصة

يبقي خلاصة كل الكلام الكتير ده هو

1- انه افضل اماكن لاعتماد الدايفيرجينس هي اماكن التشبع
2- اماكن التشبع تختلف من شخص لأخر
3- اماكن التشبع الشائعة بين المتداولين هي هي مستويات 70 و مستوي 30

------------

المرفقات

مرفق صورة توضح ان اختلاف مستويات التشبع
يؤثر علي عدد القمم و القيعان المعتمدة
و ايضا علي عدد الفرص المعتمدة

---------------

و ان شاء الله نكمل في المشاركة القادمة طرق الدخول
و ننتهي من مؤشر ال R S I
و بعدها ان شاء الله نشرح مؤشر ال ستوكاستيك ثم مؤشر الماكد
لاختلاف طريقة اشارات الدخول
و ننتقل للجزء الثالث بعدها ان شاء الله

-----------

و الان اترككم في رعاية الله
و اذا شاء الله ... لنا عودة ان شاء الله

بالتوفيق ان شاء الله

[samsam22]

الجزء الثاني - الدايفيرجينس و المؤشرات



طرق الدخول ( نقاط الدخول) علي مؤشر ال R S I


الاول حنعرض الفكرة الاكثر شيوعا و بعدين ان شاء الله حنعرض الطرق الاخري

الفكرة العامة


و هي تعتمد علي اختراق مستوي التشبع المعتمد للمتداول بعد حدوث الدايفيرجينس

طب يعني ايه معني الكلام ده ؟

تعالوا نشوف مع بعض شروط الدخول بهذه الطريقة

-----------------------

حنفترض هنا اننا بنعتمد مستوي التشبع 70 .... و مستوي التشبع 30 زي ما قلنا قبل كده


يبقي في حالة اختيارك لمستوي التشبع و ليكن70 و 30 مثلا

فتكون الطريقة كالاتي

--------------

دخول بيع

1- بعد حدوث دايفيرجينس فوق مستوي 70 و اعتماده

2- ننتظر اختراق مؤشر ال RS I لمستوي70 ( اللي احنا معتمدينه) من اعلي الي اسفل

3- و ننتظر اغلاق الشمعة التي اخترقت مستوي 70 ( حسب الفريم اللي حدث فيه الدايفيرجينس)

و نتأكد ان بعد اغلاقها ان مؤشر ال R S I قد اخترق مستوي 70 و متجه لأسفل

4- مع شرط هام جدا و هو استمرارية وجود الدايفيرجينس عند اختراق المؤشر لمستوي 70

5- ثم يتم الدخول بيع .. بافتتاح الشمعة التالية مع استمرارية وجود الدايفيرجينس عند الدخول بيع

-----------------

دخول شراء

1- بعد حدوث دايفيرجينس تحت مستوي 30 و اعتماده

2- ننتظر اختراق مؤشر ال R S I لمستوي 30( اللي احنا معتمدينه) من اسفل الي اعلي

3- و ننتظر اغلاق الشمعة التي اخترقت مستوي 30( حسب الفريم اللي حدث فيه الدايفيرجينس)

و نتأكد ان بعد اغلاقها ان مؤشر ال R S I قد اخترق مستوي 30 و متجه لأعلي

4- مع شرط هام جدا و هو استمرارية وجود الدايفيرجينس عند اختراق المؤشر لمستوي30

5- ثم يتم الدخول شراء .. بافتتاح الشمعة التالية مع استمرارية وجود الدايفيرجينس عند الدخول شراء



-----------------------

المرفقات

مرفق مثال للتوضيح و الشرح علي الرسم


يتبع

[samsam22]

الجزء الثاني - الدايفيرجينس و المؤشرات

تابع - نقاط و طرق الدخول علي مؤشر ال R S I

فيه بعض المتداولين بيقول ان انتظار كسر مستوي التشبع ..بيجعل الدخول متأخر ...
و خاصة في الفريمات الكبيرة زي ال 4 ساعات و اليومي !

فالجماعة دول قالو احنا مش لازم ننتظر الكسر ..
طالما فيه دايفيرجينس في منطقة التشبع ... و القمتين او القاعين واضحين
احنا ممكن ندخل بمجرد انعكاس مقدمة مؤشر ال CCI

--------------

طب يعني ايه الكلام ده ؟
يعني كمثال لو دخل المؤشر منطقة التشبع شراء .. فحتلاقي مقدمة المؤشر متجهة لاعلي
فلما يحصل دايفيرجينس في منطقة تشبع شراء ..حتلاقي المؤشر ابتدي يعكس اتجاهه ...
. و ابتدي يلف و يتجه لاسفل

فالجماعة دول قالك احنا ندخل بعد ما يلف المؤشر و يعكس انجاهه ...
حتي و لم يحدث كسر لمستوي التشبع

------------------

ميزات و عيوب هذه الطريقة

طب ايه هي مميزات و عيوب هذه الطريقة؟

- من وجهة نظرهم انها بتخليهم يدخلوا بدري ... و من نقط افضل عن انتظار الاختراق.

- و من وجهة نظرهم ان الطريقة ديه بتخلي مقدار وقف الخسارة اقل من الدخول بعد انتظار الكسر
( لدخوله من نقطة اقرب لوقف الخسارة لو انتظر بعد الكسر )

- و ايضا من وجهة نظرهم ان بالطريقة ديه ..ممكن يزود مقدار المكسب ..
لانه ممكن يكسب نقاط اكثر لدخوله من نقطة افضل
فلو الصفقة مشت في الانجاه المحدد .. و حدث الكسر
فهو ممكن اما ان يضيف صفقة اخري في نفس الاتجاه بعد حدوث الكسر و تأكيد الاتجاه
او يعدل من الهدف و يكبره .

-----------

لكن من وجهة نظر ناس تانية ان الطريقة ديه فيها عيوب
- فهو يمكن يكون بيدخل بدري بعد عكس المؤشر لاتجاهه كما شرحنا ...
بس ده مش معناه ان الانعكاس في الاتجاه حدث
لانه فيه مرات كتيرة بعد ما يعكس المؤشر و هو في منطقة التشبع و قبل الكسر ..
انه يسير عرضي لفترات طويلة ..
و قد يعود مرة اخري للارتفاع لو كان في منطقة تشبع شراء .. او العكس لو كان في منطقة تشبع بيع
و بالتالي ممكن السعر يرتد ...و تكون فرصة او احتمالات ضرب وقف الخسارة اكبر
وتلاقي المعارضين لهذه الطريقة يقولك انه
يفضل الانتظار و التأكيد بكسر مستوي التشبع
لانه اكثر امانا و يقلل نوعا ما من الصفقات الخاسرة

------------------

و عامة هذه الطريقة تحتاج لخبرة
و لوجود عوامل او اسباب اخري
تدعم و تعطي الدخول نسبة احتمالية اكبر للنجاح



يتبع

[samsam22]

الجزء الثاني - الدايفيرجينس و المؤشرات


تابع - نقاط و طرق الدخول علي مؤشر ال R S I


طريقة التنقل بين الفريمات


علشان يتغلب بعض المتداولين علي تأخر نقطة الدخول احيانا
ابتكروا طريقة اخري... و هي التنقل بين الفريمات.. لايجاد نقطة دخول اسرع و احيانا افضل

طب ازاي الكلام ده بيحصل ؟

تعالوا نشوف مع بعض

---------------

الفريق ده قالك لو كنت باشتغل مثلا علي فريم ال 4 ساعات .. و بدأ الدايفيرجينس يتكون
و كان واضح .... يعني قمتين او قاعين واضحين
و حدث انعكاس في المؤشر و لكن لم يحدث كسر بعد

فقالوا ...... بدل من الانتظار 4 ساعات اخري...
انا اشوف الفريم اللي اصغر منه علطول....
و احاول اشوف نقطة دخول افضل و بدري كمان
بدلا من الانتظار 4 ساعات لغاية ما يحدث الكسر علي ال 4 ساعات!!

فيروحوا فاتحيين فريم الساعة علشان يشوفوا نقطة دخول

و هنا ظهر فريقان

فريق قالك شروط الدخول علي فريم الساعة هي

1- وجود دايفيرجنس واضح علي فريم ال 4 ساعات
2- وجود السعر في مناطق تشبع علي فريم الساعة
3- لايشترط حدوث دايفيرجينس علي فريم الساعة
4- يكون الدخول فقط بكسر مستوي التشبع لفريم الساعة
5- و يحدد الهدف و وقف الخسارة علي فريم الساعة
6- و اذا استمرت الصفقة و حدث الكسر ايضا علي فريم ال 4 ساعات
ممكن ان نزود علي الصفقة .. او نزيد من مقدار الهدف

-----------------

و جاء فريق تاني و قالك ان شروط الدخول علي الساعة هي

1- وجود دايفيرجنس واضح علي فريم ال 4 ساعات
2- لابد من وجود دايفيرجينس ايضا علي فريم الساعة
3- وجود السعر في مناطق تشبع علي فريم الساعة
4-و يكون الدخول فقط بكسر مستوي التشبع لفريم الساعة
5- و يحدد الهدف و وقف الخسارة علي فريم الساعة
6- و اذا استمرت الصفقة و حدث الكسر ايضا علي فريم ال 4 ساعات
ممكن ان نزود علي الصفقة .. او نزيد من مقدار الهدف

-----------------

يعني الفريقين اتفقوا علي كل حاجة ماعدا
ان فريق اشترط وجود دايفيرجينس ايضا في مناطق التشبع علي الساعة للدخول

-------------------

دلوقتي ممكن واحد يسأل سؤال و يقول هو لازم الدخول من الفريم اللي قبله علطول ..
يعني ما ينفعش فريم كمان اقل زي ال 30 دقيقة او ال 15 دقيقة لو فيه دايفيرجينس علي ال 4 ساعات ؟

و الاجابة هو انه ينفع .. و لكن لا يفضل العمل به
الا لاصحاب الخبرة باساليب اخري تدعم الدخول بجانب الدايفيرجينس

و في حالة العمل به لابد من وجود دايفيرجينس في مناطق التشبع علي الفريم الصغير
و ايضا ان يكون الهدف و الستوب معمول علي الفريم الصغير!

----------------------

و بكدة نكون انتهينا من شرح اهم طرق الدخول علي مؤشر ال R S I
و ان شاء الله يتبقي شرح الاعدادات للمؤشر و هو شرح بسيط لن يطول ان شاء الله



--------------

و الان اترككم في رعاية الله
و اذا شاء الله ... لنا عودة ان شاء الله

بالتوفيق ان شاء الله

[hanisma]

جزاك الله خير وبارك فيك وفي أهل بيتك

تسجيل حضور ومتابعه

[samsam22]

جزاك الله خير وبارك فيك وفي أهل بيتك

تسجيل حضور ومتابعه

اخي الكريم

شكرا علي المشاركة و المتابعة

و شكرا علي دعائك و لك و للجميع مثله ان شاء الله

و القادم افضل شاء الله

[samsam22]

الجزء الثاني - الدايفيرجينس و المؤشرات


اعددات مؤشر ال R S I


بعد ما عرفنا تحديد مكان الدايفيرجينس ...وطريقة الدخول علي مؤشر ال R S I
باقي نتعرف علي نقطة هامة جدا ....و هي اعدادات المؤشر

و اهمية هذه النقطة ترجع الي ... انه باختلاف الاعدادات بين المتداولين لنفس نوع المؤشر ..
حتختلف النتائج ... و حتختلف الفرص ... وحتختلف ايضا نقاط الدخول و الخروج ..و وقف الخسارة

-----------------

فباختلاف الاعدادات للمؤشر ... ممكن تلاقي ان دايفيرجينس ظهر عند متداول ... و ظهر له اشارة دخول
و متداول اخر في نفس اللحظة ...بيستعمل نفس نوع المؤشر بس باعدادات اخري
لم يظهر له دايفيرجينس و لم يكن عنده فرصة و لم يدخل

------------------

و تلاقي اذا نجحت الفرصة ... يقوم المتداول الاول رفع دماغه لفوق و نشوة الفرح تعلوه
و يقول للمتداول الاخر باستعلاء و ثقة

مش قولتلك ان فيه دايفيرجينس ...باعداداتي السحرية و قلتلك ادخل الصفقة ....انت ما دخلتش ...
واديني عملت 60 نقطة و انت قاعد تتفرج علي الشاشة

-----------------

و تلاقي مرة تانية نفس الشخصين ...الاول ظهر عنده دايفيرجينس
و دخل كالعادة بدري .. بنفس اعداداته اللي بيقول عليها سحرية
و التاني ما ظهرش عنده دايفيرجينس و ما دخلش
و تلاقي المرة ديه الصفقة خسرت
يقوم الثاني و الابتسامة تعلو وجهه بعد ما صاحبه خسر .. يقوله

بس قاعد تقولي اعدادات سحرية و اعدادت سرية .... و ان اعداداتك ما بتخسرش ..و انها اسرار عسكرية
و ادي النتيجة يا عم ...خسارة ..

يبقي تاني مرة تسمع كلامي ...و تدخل باعداداتي و مكسبك في الصفقة الاولي اللي فاتت ..اكيد كان ضربة حظ

--------------

و مرة اخري تحصل نفس القصة بس بالعكس

--------------------

و مرة تلاقي نفس الشخصين اتفقوا علي الاعدادات السحرية ...
و لكن كل واحد اشتغل علي فريم مختلف ..
واحد منهم يقولك ان باشتغل بس علي الديلي .. و السوينجات ..
و صاحبه يقوله ان باحب الانتراداي ..
و اشتغل علي فريم الساعة او اقل فقط

و مرة واحد يخسر و التاني يكسب او ما يدخلش خالص
و العكس صحيح
و تحصل نفس النقاش و الجدال و السخرية من بعض

---------------------

طب ياتري ليه بيحصل كده ؟
و الاهم من كده .. مين فيهم اللي صح و مين فيهم اللي غلط ؟
و هل فيه اعدادات سحرية زي ما بيقول البعض ؟
و ايه اللي ممكن نعمله علشان الاتنين دول ما يضربوش بعض

تعالوا نشوف مع بعض حكاية الاعدادات

يتبع

[samsam22]

الجزء الثاني - الدايفيرجينس و المؤشرات

تابع - اعدادات مؤشر ال R S I

زي ماشفنا في المشاركة السابقة ان اختلاف الاعدادات
...ادي الي اختلاف وجود دايفيرجينس او عدم وجوده...و ادي ايضا الي اختلاف نقاط الدخول و الخروج
وفي المثال اللي شرحناه عن الاثنين الاصحاب المختلفين في الاعدادات
ان هذا الاختلاف خلاهم حاليا تقريبا حيضربوا بعض

--------------

طب ايه معني الاعدادات ديه؟
وساعات نسمع حد يقول اعدادات المؤشر 14 .. و اخر يقول 20
تعالوا نشوف ده مع بعض

---------

احنا لما شرحنا فكرة عمل المؤشر قلنا انه بيقارن السعر الحالي ..بسعر عدد من الشموع قبله

و العدد ده ...هو رقم الاعدادت ..
فلو قلنا الاعدادات 14 .. يبقي المقارنة بين السعر الحالي و ال 14 شمعة اللي اغلقه قبله
و لو كان 20..... يبقي المقارنة ب ال 20 شمعة اللي اغلقه قبله

--------------------
واحد دلوقتي بيقول .. طب يفرق معانا ايه الكلام و الارقام ديه؟

اقوله حتفرق معاك في الشكل اللي بيرسمه المؤشر علي الشارت ..
لان قيمة ناتج معادلة المؤشر النهائي ... حيختلف باختلاف قيمة متوسط عدد الشموع المستخدمة
و بالتلي حيختلف الرسم ..
و بالنسبة لمستخدم الدايفيرجينس .. حتختلف اماكن و توقيت حدوث القمم و القيعان ....
و ايضا عدد القمم و القيعان ....باختلاف الاعدادات
و بالتالي قد يظهر دايفيرجينس في اعدادات معينة ..و لا يظهر في الاعدادات الاخري

--------------

فلو قل عدد الشموع المستخدمة للمقارنة ...يعني قل رقم الاعدادات .. كلما كثر عدد القمم و القيعان علي المؤشر

و كلما كبر رقم الاعدادات ...كلما قلت عدد القمم و القيعان المرسومة

----------------
يعني ملخص الكلام ده
ان العلاقة بين الاعدادات .. و عدد القمم و القيعان علاقة عكسية
كلما كان رقم الاعدادات اقل .. زاد عدد القمم والقيعان
و كلما كان رقم الاعدادات كبير .. كلما قل عدد القمم و القيعان

------------

يعني ممكن نقول بالعامية .
لو واحد عايز قمم و قيعان اكثر ... يختار اعدادات قليلة
و لو واحد عايز قمم و قيعان اقل ...يبقي يختار اعدادات كبيرة

---------------

طب و هل هو ده الفرق الوحيد في شكل المؤشر؟
و الجواب هنا هو لا .. مش ده الفرق الوحيد
بالنسبة لنا في هذا الموضوع ..و اننا بنقول اننا بنفضل وجود الدايفيرجينس في مناطق التشبع

حنلاقي ان كلما قلت الاعدادات للمؤشر ايضا ...
بتزداد عدد القمم و القيعان في مناطق التشبع

واحد دلوقتي يقولك .. طب ده كده يبقي خير و بركة .. يبقي فرصنا حتزيد . و حنعمل احسن شغل
وواحد تاني يقولك لا ياعم .. انا مش عارف اختار ايه و لا ايه ..والعملية بقيت محيرة قوي ..انا عندي الاعدادات االاكبر.. افضل

---------

و هكذا يقول البعض ان الاقل افضل .. و يقول البعض ان الاكبر افضل
و لكل طريقة في الاعدادات خصائص
قد يراها البعض انها ممبزات و يراها اخرين علي انها عيوب

يتبع

[samsam22]

الجزء الثاني - الدايفيرجينس و المؤشرات

تابع - اعدادات مؤشر ال R S I

الاعدادات الاصغر

الخصائص

الخصائص التي تظهر كلما صغر رقم الاعدادات ... حتلاقي

1- زيادة عدد القمم و القيعان
2- وصول المؤشر لمناطق التشبع اسرع من الاعدادات الكبيرة
3- كثرة اشارات الدايفيرجينس
4- ظهور اشارة الانعكاس علي المؤشر احيانا مبكرة قبل حدوث الانعكاس

---------------
البعض قد يري هذه الخصائص علي انها عيوب و البعض الاخر يراها مزايا

-------------------------

العيوب

و حنلاقي ان ما يري هذا علي انه عيوب يقول

1- كثرة الاشارات .. قد يؤدي الي ازديدا نسبة الاشارات الكاذبة
2-و صول المؤشر الكثير لمنطاق النشبع و السريع في نفس الوقت
يؤدي احيانا لخروج مبكر من الصفقات ...
اما لحدوث اشارات معاكسة في منطقة التشبع المقابلة لمنطقة الدخول
او للخروج المبكر لو كانت اشارة الخروج بالدخول فقط او كسر مستوي تشبع مقابل
3- يؤدي ايضا احيانا الي الدخول المبكر لظهور اشارة مبكرة .
.و قد يؤدي الي خسارة حتي لو كان الدايفيرجينس صحيح لان احيانا يحدث انعكاس كبير نسبيا ...
قد يؤدي الي تفعل وقف الخسارة .. الذي سبكون في مكان اقرب هنا لنقطة الدخول..
لو كان وضع و قف الخسارة بثابت معين من النقاط ..و قد يرتد بعدها السعر و يحقق هدفه
4- سرعة المؤشر هنا تؤدي الي الدخول المبكر احيانا ..
و قد يؤدي الي ازدياد حجم الخسارة في حالة الخسارة ..
لو كانت طريقة وضع وقف الخسارة تعتمد علي دعم او مقاومة ..
فقد تكون المسافة بين نقطة الدخول المبكر و الدعم ..
اكبر قليلا لو كان الدخول متأخر قليلا و كان من نقطة اقرب للدعم او المقاومة

--------------

مزايا

و من المزايا التي يراها البعض في الاعدادات الاقل

1- ازدياد عدد الفرص.. لازدياد عدد القمم و القيعان..
و يقول هذا الفريق .. انه لو كانت خبرة المتداول بالدايفيرجينس كبيرة ..
و بالاعتماد علي ادوات اخري تزداد نسبة النجاح
2-بعض المتداولين يقول ان سرعة المؤشر تجعل اشارات الدخول اسرع ..
و قد يحقق هذا نقاط اكثر للدخول المبكر
3- البعض يري ان كثرة الفرص بالاستخدام الجيد للدايفيرجينس ..
يزيد من نسب النجاح

------------------------

الاعدادت الاكبر

الخصائص

1- تقلل من عدد القمم و القيعان المتكونة
2- بطأ وصول المؤشر لمناطق التشبع عامة
3- قلة اشارات الدايفيرجينس
4- ظهور اشارة الانعكاس علي المؤشر متاخرة بعد حدوث النعكاس علي السعر بعدة شموع

--------

العيوب

و فيه ناس تقولك ان ديه عيوب

1- لان قلة عدد القمم و القيعان يؤدي الي قلة الفرص
2- و يقولك بطأ المؤشر يؤدي الي البطأ في الدخول و بطأ الاشارة ..
و قد يؤدي الي الدخول المتأخر ..بعد تجقيق الدايفيرجينس احيانا للهدف و بالتالي للخسارة
و ايضا الدخول المتأخر قد يزيد من مقدار وقف الخسارة ...
لابتعاد نقطة الدخول عن مكان وقف الخسارة كما تم شرحه
3- طهور اشارة الانعكاس متأخرة يؤدي الي الدخول المتأخر..
و قلة الربح في حالة المكسب .. او زيادة الخسارة في حالة الخسارة
4- قلة عدد الفرص نتيجة عدم وصول المؤشر لمنطاق التشبع كثيرا
5- قلة عدد الفرص قد يؤدي الي قلة عدد النقاط المحصلة كمجموع .. و بالتالي قلة الربح

------------

مزايا

و البعض يعتبر ان هذه الخصائص هي مميزات
1- فيقول ان قلة القمم و القيعان وان كان يؤدي الي قلة الفرص..
و لكنه يقلل من الاشارات الكاذبة و يفلتر الفرص
2- البعض يقول ان بطأ المؤشر .. يعطي فرصة اكبر للتأكيد و اتخاذ القرار قبل دخول الفرصة..
و يقلل من الدخول الخاطئ
3- البعض يري ان قلة وصول المؤشر لمناطق التشبع ..
يزيد من اهمية و مصداقية الدايفيرجينس عند حدوثه في هذه المناطق
4- البعض يري ان الفرص في هذه الاعدادات تكون اكثر مصداقية
و يدخل احيانا بلوتات اعلي ..

--------------

و زي ما احنا شايفيين كل فريق ممكن يقنعك برأيه .. و صعب تختار فريق عن اخر
طب الحل يبقي ايه ؟
تعالوا نشوف مع بعض

يتبع

[samsam22]

الجزء الثاني - الدايفيرجينس و المؤشرات

تابع - اعدادات مؤشر ال R S I


بعد ما شوفنا مع بعض مميزات و عيوب الاعدادات الاصغر و الاكبر
طب السؤال دلوقتي احنا حنختار ايه ؟

----------

قالك احنا نحاول نختار اكيد حاجة تناسب طريقتنا في التداول ...
و قالك ان غالبا اختيار الوسط بين الاصغر و الاكبر من الاعدادات ...هو الافضل

----------

طب ازاي نقدر نحدد افضل اعدادات؟
قالك .. انك بتعمل عملية معايرة للاعدادات .. بالطريقة الاتية

------

طريقة عمل معايرة لمؤشر ال CCI لاختيار افضل الاعدادات

تقوم بتجربة اكثر من اعداد للمؤشر علي فترة زمنية معينة
و يتم المعايرة او التفضيل بينهم ...علي اساس 4 نقاط

1- ان يكون نقطة الانعكاس علي المؤشر ..متوافقة في اغلب الاحيان ..مع نقطة الانعكاس علي السعر

2- ان يكون حدوث نقطة الانعكاس علي المؤشر .. لو امكن .. اما بمجرد انعكاس السعر
او اقربهم بعدا بعد حدوث الانعكاس علي السعر

3- ان يكون عدد القمم و القيعان في مناطق التشبع ...عدد مناسب غير قليل ..و ذو نسبة مصداقية عالية

4- قلة الاشارات الكاذبة ..سواء في مناطق التشبع او غيرها.

و نختار من الاعدادات افضلهم و اكثرهم تحقيقا لهذه النقاط

--------------

طب السؤال دلوقتي هل هذه الاعدادات تظل كما هي علطول لا تتغير ؟
و الاجابة هي .. لا يعلم احد ..
فقد يتغير سلوك السوق او الزوج .. و بالتالي قد تضطر لتغيير الاعدادات كل فترة

-----------------

طب لو حصل خسارة مرتين او ثلاث مرات مثلا هل نغير الاعدادات ؟
و الاجابة هي لا ... فاحتمال الخسارة وارد .. و لابد ان تثق في اعداداتك .
.و لكن لو زادت نسبة الخسارة و الاشارات الكاذبة بنسبة واضحة كبيرة عن المعتاد
فالافضل هنا التوقف .. و عمل مراجعة و اختبار مرة اخري للاعدادات
فقد يكون حدث تغير في السوق... او سلوك الزوج ادي الي هذا التغير
فيتم عمل عملية المعايرة مرة اخري ..لاختيار افضل الاعدادات

----------------

و يقوم عدد من المتداولين بعمل عملية Optmization
او تطوير و تحسين للوصول لأفضل النتائج كل عدة شهور
و قد يغيروا من الاعدادات .. او يحافظوا عليها حسب نتيجة الاختبار

يتبع