الدايفيرجينس ببساطة ..... و استراتيجيات....

[Mr.forex2012]

جميل جدا .. أأكمل أخي العزيز

[magdi]

انا خرجت عن صمتى فى قراءة ومشاهدة الموضوعات معاك وانا مسجل 2009 ومشاركاتى لا تتعدى 20 مشاركة
لأنك بصراحة حاجة لا توصف فى علمك وطريقة شرحك الممتعه فى موضوعاتك
بارك الله فيك وفقك يارب العالمين

[AhmadMorad]

ما شاء الله . الله يجزيك الخير . انا لم اكمل القراءة لكنني أردت أن أشكرك على طريقة شرحك الجميلة جدا والتي توصل المعلومة مباشرة

[samsam22]

تسجيل متابعه

بارك الله فيك وفي اهل بيتك أخي سام سام

اخي الكريم

شكرا علي المتابعة
وشكرا علي دعائك الجميل .. و لك و للجميع مثله ان شاء الله

و القادم افضل ان شاء الله

[samsam22]

جميل جدا .. أأكمل أخي العزيز

اخي الكريم

شكرا علي المشاركة

و القادم افضل ان شاء الله

[samsam22]

انا خرجت عن صمتى فى قراءة ومشاهدة الموضوعات معاك وانا مسجل 2009 ومشاركاتى لا تتعدى 20 مشاركة
لأنك بصراحة حاجة لا توصف فى علمك وطريقة شرحك الممتعه فى موضوعاتك
بارك الله فيك وفقك يارب العالمين

اخي الكريم

شكرا علي مشاركتك الغالية التي اقدر قيمتها كثيرا
.. و شكرا علي اطرائك الجميل الذي لا استحقه
وشكرا علي دعائك .. و لك و للجميع مثله ان شاء الله

و ندعو لك و للجميع
بالتوفيق ان شاء الله

[samsam22]

ما شاء الله . الله يجزيك الخير . انا لم اكمل القراءة لكنني أردت أن أشكرك على طريقة شرحك الجميلة جدا والتي توصل المعلومة مباشرة

اخي الكريم

شكرا علي مشاركتك ..و شكرا علي كلامك الجميل
و شكرا علي دعائك .. و لك و للجميع مثله ان شاء الله

و ندعو لك و للجميع
بالتوفيق ان شاء الله

[AhmadMorad]

. الحمدلله قرأت وفهمت الصفحات كلها
و الله أحلى شرح بالمنتدى . ما في داعي حتى نطرح أي سؤال كل شيء واضح . الله يجزيك الخير و يوفقك بالدنيا و الآخرة . تابع أخي الكريم و نحن متابعين معك

[samsam22]

الجزء الثالث - الدايفيرجينس و السعر

مثال

مرفق مثال علي ال AUD/USD
حدث الامس 6 مايو

و كان وجود مقاومة ..احد اسباب الدخول للصفقة

و حققت الصفقة بحمد الله و فضله
حوالي 40 نقطة

----------

و سيتم شرح هذه الصفقة ان شاء الله
بعد الانتهاء من شرح الدعوم و المقاومات

و بالنسبة لطريقة الرسم سيتم شرحها ايضا ان شاء الله

و بأذن الله .. و ارجو من الله
ان يستطيع المتابعين للموضوع ( اذا ارادوا )
و بعد انتهاء شرح الجزء الثالث
ان يرسموا بنفس الطريقة ..
و افضل ان شاء الله علي الشارتات الخاصة بهم.


و ان شاء الله سأحاول ان انهي الجزء الخاص بالدعوم و المقاومات
هذا الاسبوع ان شاء الله

---------

المرفقات

مرفق رسم لفرصة علي الاسترالي
و الرجاء ملاحظة الدايفيرجينس
مع الدعوم و المقاومات

يتبع

[MARYO]

فى ناس عقدونى من فوركس علشان شرحهم لافكار هم انما سيادتك بالبساطة خلتنى افهم موضوع كنت شايل همه ...فشكرا ليك وربنا يزيدك من علمه اللى تقدر تفهمه للناس بالحلاوة والجمال دا

[samsam22]

. الحمدلله قرأت وفهمت الصفحات كلها
و الله أحلى شرح بالمنتدى . ما في داعي حتى نطرح أي سؤال كل شيء واضح . الله يجزيك الخير و يوفقك بالدنيا و الآخرة . تابع أخي الكريم و نحن متابعين معك

اخي الكريم

شكرا علي المشاركة ..و شكرا علي كلامك الجميل
و شكرا علي دعائك .. و لك و للجميع مثله ان شاء الله

و القادم افضل ان شاء الله

[samsam22]

فى ناس عقدونى من فوركس علشان شرحهم لافكار هم انما سيادتك بالبساطة خلتنى افهم موضوع كنت شايل همه ...فشكرا ليك وربنا يزيدك من علمه اللى تقدر تفهمه للناس بالحلاوة والجمال دا

اخي الكريم

شكرا علي المشاركة و كلامك الجميل
و شكرا علي دعائك .. و لك و للجميع مثله ان شاء الله

و القادم افضل و اسهل ان شاء الله

[samsam22]

الجزء الثالث - الدايفيرجينس و السعر


1- تابع -الدعوم و المقاومات



زي ما تكلمنا في اخر مشاركة عن الدعوم و المقاومات
و عرفنا ان المقاومة عبارة عن منطقة
غالبابتحاول انها تمنع السعر لو كان في ارتفاع من مواصلة الارتفاع
و يتوقع عندها المتداولون ان السعر عندها حيرتد لاسفل

-------------

و قلنا ان الدعم عبارة عن منطقة
غالبابتحاول انها تمنع السعر لو كان في حالة هبوط من مواصلة الهبوط
و يتوقع عندها المتداولون ان ينعكس منها السعر و يرتد لاعلي

-----------

وكان سؤالنا هو هل الدعوم و المقاومات عبارة عن خطوط مرسومة علي كل الشارتات
و لما يشوفها السعر بيرتد او ينعكس منها؟

و كان سؤالنا ايضا ليه بيتوقع المتداولون ان يرتد السعر من هذه المناطق ؟

و قلنا اننا لو عرفنا طبيعة تكون مناطق الدعم و المقاومة
و تصورنا او تخيلنا الصورة او الشكل المتكون عندها
حتتحسن ان شاء الله طريقة استخدامنا للدعوم و المقاومات
و بالتالي ان شاء الله طريقة متاجرتنا

تعالوا مع بعض نعرف ببساطة ازاي بتتكون هذه المناطق.

يتبع

[samsam22]

الجزء الثالث - الدايفيرجينس و السعر


تابع- الدعوم و المقاومات


كل واحد منا في حياتنا اليومية بيستعمل ...الدعوم و المقاومات
بطريقة او باخري و لكن بمسميات اخري مختلفة

---

فمثلا لما تقول لواحد صاحبك و تتفق معاه علي ميعاد
علشان تروحوا مع بعض ماتش كورة مثلا
و الماتش الساعة 5 فاتفقت معاه و قلت له
انك حتستناه من الساعة 3 الي 4 في مكان معين علشان تروحوا مع بعض
و قلت له لو ماجيتش لغاية الساعة 4 حاروح من غيرك .. بس مش حاعرفك تاني

هنا انت عملت دعم و مقاومة من غير ما تشعر
فالساعة 3 هي اقل وقت حتستني فيه صاحبك ...هو يعتبر دعم
و الساعة 4 .. و هي اخر وقت حاتستني فيه صاحبك ..و بعدها لو ماجاش حاتخسره .. هو مقاومة

و سواء جاء صاحبك الساعة 3 او 4 .. فانت حتبقي راضي
بس رضاك حيختلف باختلاف وقت حضور صاحبك

فلو جاء الساعة 3 يبقي تمام و فل ..
و حتبقي راضي لان صاحبك مالطعكش كثير في الشمس و الحر
و حتوصل الاستاد بدري

و لو جاء الساعة 4 برضه حتبقي راضي ..
بس مش قوي لانه لطعك في الشمس حوالي ساعة
و يمكن توصل الاستاد متأخر
بس برضه انت راضي ...لانه جاء في الحدود اللي حددتها له
و انه علي الاقل جاء و طمر فيه كل الاكل اللي انت وكلتهوله و عزمته عليه

-----------

طب ده كان من موجهة نظرك انت .. طب من وجهة نظر صاحبك ايه
تعال نشوف مع بعض

صاحبك كان عنده مشوار مهم قبل الساعة 3 و ممكن يتأخر
و بالتالي كان ميعاد الساعة 3 صعب عليه ..و ان كان ممكن نوعا ما
و هو بالنسبة له الساعة 4 افضل ..لانه حيكون براحته و مش حيعجل من اموره

و لكن هو عارف انك ما بتحبش الانتظار .. فحيحاول ييجي الساعة 3
فلو جاء الساعة 3 حييجي و هو ضاغط علي نفسه .. بس راضي علي اي حال و ان كان صعب عليه
و اول ما يجيلكك يقولك .. اديني جيت في ميعادي..
و كنت باجري في الحر ده علشان ماخلاكش تستني في الشمس
حتعزمني علي ايه صاقع بقي

و لو جاء الساعة 4 علي مهله حيبقي اكثر رضاء لانه علي الاقل جاء و ماخسركش
و برضه حيقولك اديني جيت في ميعادي فين الحاجة الصاقعة بتاعتي

--------------

يبقي من المثال ده نقدر نقول

1- اننا كأفراد قد نحدد بانفسنا حدود معينة ( حد اعلي و حد اقصي)
لانجاز عمل او اتفاق معين
و هذه الحدود ممكن ان نسميها
دعم ( الحد الادني) .. و مقاومة ( الحد الاعلي)

2- ان تحديد الدعم و المقاومة وان كنا قد حددناه من انفسنا
و لكن التحديد جاء لوجود عوامل اخري خارجية حولنا اثرت علينا في تحديد الحد الادني و الاعلي
ففي المثال هنا حددنا الميعاد من 3 الي 4 لان موعد المباراة الساعة 5
و لو كان موعد المبارة الساعة 9 ( عامل خارجي ليس لدينا قدرة علي تحديده )
مثلا لتغير ميعاد التقابل مثلا ما بين 7 و 8

3- ان الاتفاق تم عن تراضي بين الطرفين .
.و احتاج طرفين علي الاقل للاتفاق

4- ان درجات رضاء الطرفين علي الاتفاق تختلف من شخص لاخر باختلاف الحدود الادني و الاعلي
و لكن يظل التراضي موجود عند الدعم او المقاومة ( الحد الادني و الحد الاعلي )

5- ان عند اي من الحدود يكون هناك اقصي رضاء لاحد الاطراف ..
و في نفس الوقت اقل رضاء.. للطرف الاخر
و ينعكس الوضع عند الحد الاخر

6- ان التراضي بين الطرفين موجود ايضا بين الحدود المتفق عليها
( في المثال هنا مثلا الساعة 3:15 ا و 3:30 .. او اي وقت من 3 الي 4 )

7- ان عند الحد الادني هناك طرف علي الاقل لن يرضي بأقل من هذا
( في هذا المثال الطرف القادم لن يقبل اقل من الساعة 3 كحد ادني)

8- ان عند الحد الاعلي هناك طرف علي الاقل لن يقبل اكثر من هذا
( في هذا المثال الطرف المنظر لن يقبل الانتظار اكثر من الساعة 4 )

------------------

طب تمام كده
تعال نشوف مع يعض مثال خاص بالشراء و البيع في حياتنا اليومية
علشان يوضح الفكرة اكثر
و نربط بينه و بين الفوركس

يتبع

[samsam22]

الجزء الثالث - الدايفيرجينس و السعر

تابع- الدعوم و المقاومات

زي ماشفنا مع بعض في المثال السابق و عرفنا بالعامية و ببساطة
ان المقاومات و الدعوم ممكن نعرفها علي انها حدود لاتفاق او عرض معين
حد ادني و حد اعلي ..
وعند التعامل عند هذه الحدود ..
بيكون فيه رضاء و اقتناع و اتفاق بين الطرفين عند اي من الحدين .و ما بينهم بالتأكيد
و بتلاقي فيه طرف راضي اكثر عن الاخر عند احد الحدود
و هذا الطرف يقل رضاه عند الحد الاخر
و العكس صحيح للطرف الاخر

-------------

طب ده كلام جميل .. بس قبل ما نكمل خليني اسألك سؤال صغير بس مهم
- ليه الطرفين في المثال السابق اتفقوا علي الحدود ديه ( من الساعة 3 الي الساعة 4 ) ..
مش من الساعة 1 الي الساعة 2 مثلا ؟

- لان فيه عوامل خارجية ..ليس للطرفين سيطرة عليها
و هي ميعاد المبارة اللي الساعة 5
و العامل ده اجبرهم علي تحديد ميعاد عامة قبل الساعة 5 (لازم يكون الميعاد قبل الماتش)
و بناء علي هذا الظرف الخارجي و ربطه بظروفهم الشخصية
تم تحديد حدود للمقابلة تتفق مع ظروف الطرفين ..
و لا تتعارض مع الظروف الخارجية
واكيد حتكون علي الاقل قبل الساعة 5
واتفقوا عن اقتناع و رضاء بينهم
ان انسب ميعاد للتقابل هو من الساعة 3 الي الساعة 4

---------------

- الله ينور عليك .. اجابة جميلة جدا
يعني تحديد الحدود اللي هي الدعم والمقاومة
بيتم نتيجة لظروف خارجية لا نستطيع تغييرها .. و ايضا ظروف داخلبة
و بربطهم مع بعض ..يتم التحديد و الاتفاق
اللي هو حدود الدعم و المقاومة

--------------

- طب طالما انت فاهم كدة خليني اسألك كمان سؤال
طب تفتكر ايه اللي ممكن يغير حدود ميعاد التقابل ؟

- ممكن لو ميعاد الماتش اتغير مثلا و بقي الساعة 9
فغالبا حيتغير الميعاد.. و برضه باتفاقهم و حسب ظروفهم
و ممكن يكون من الساعة 7 الي الساعة 8 مثلا
( يعني حيرتفع حدود الاتفاق)

و العكس صحيح لو الماتش ميعاده بدري الساعة 3 مثلا
كان حيتغير حدود التفاق و برضه باتفاق الطرفين و رضائهم
و ممكن يكون من الساعة 1 الي الساعة 2 مثلا
( يعني حتقل حدود الاتفاق )

و ممكن تكون فيه ظروف اخري و ميعاد الماتش زي ماهو الساعة 5
بس هما لسة مااشتروش تذاكر
وعايزيين يروحوا بدري قبل الماتش علشان يلاقوا تذاكر بسعر مناسب
لانهم عارفين ان كل ما ميعاد الماتش قرب
التذاكر ممكن تخلص
و السعر في السوق السوداء حيزيد لان الطلب حيبقي اكثر و التذاكر قليلة
فممكن بناء علي ذلك يروحوا بدري
لان غالبا بيبقي فيه تذاكر كثيرة متوفرة
والناس لسة مش كتير
و السعر بيكون مناسب و مش غالي.

--------------------

مرة تانية احب اقولك الله ينور عليك اجابة شافية
وخليني الخص كلامك ده في اسلوب سهل و بسيط

----------------


من كلامك ده ممكن نقول

1- ان الحدود الخاصة بالاتفاق ما هي الا دعم و مقاومة

2- ان هناك عوامل خارجية لا نستطيع تغييرها ..
بترسم و تحدد بشكل ما ..الحدود ديه اللي هي الدعم و المقاومة

3-ان الحدود ديه بيحددها ايضا ظروف الطرفين في الانفاق

4- ان لما بيكون المعروض من شئ كثير ..و ما فيش كثير من الناس يشتروه ..بيكون ثمنه اقل
و ده ممكن ياثر علي حدود الاتفاق ( حييتقابلوا بدري)

5-و ان لما بيكون المعروض قليل ...و كثير من الناس عايزيين يشتروه ..بيرتفع ثمنه
و ده ممكن ياثر علي حدود الاتفاق
( حيتقابلوا مش بعد الساعة 4 مثلا و الا حيلاقوا السعر اغلي او مش حيلاقوا تذاكر خالص)

6- و اهم شئ كمان من هذا المثال اننا نكون فهمنا
ان حدود الاتفاق ليست حاجة او شئ ثابت دائما لا يتغير ابدا
و لكن حدود الاتفاق شئ ممكن يتغير بزيادة او نقصان
نتيجة لتغير الظروف المحيطة بالاطراف

اي ان الدعم و المقاومة ليس شئ جامد لا يتغير قيمته او حدوده
بل هو شئ متغير او علي الاقل قابل للتغير ..
نتيجة لتغير الظروف المحيطة به .. سواء كانت خارجية او داخلية

---
اعتذر عن التكرار احيانا و طول المثال
بس انا احاول توصيل فكرة معينة عن طريقة و طبيعة عمل السوق عامة
و عن طبيعة هذا في تكوين الدعوم و المقاومات خاصة
لنستطيع ان نتخيل بأذن الله .. شكل السوق عند الدعوم و المقاومات عامة
و علاقة هذا بالدايفيرجينس خاصة

----------

لو لحد كده متخيلين نوعا ما الفكرة
يبقي نقدر ندخل علي المثال الخاص بالبيع و الشراء

يتبع