الدايفيرجينس ببساطة ..... و استراتيجيات....

[hanisma]

كفيت ووفيت اخي سام سام
مفضّل على راسنا

بارك الله فيك وفي اهل بيتك

متابع معاك ان شاء الله

[samsam22]

الجزء الثالث - الدايفيرجينس و السعر


1- الدعوم و المقاومات

الاشكال المختلفة للدايفيرجينس عند الدعوم و المقاومات


تقريبا معظمنا لما بدأنا نتعلم طرق التحليل الفوركس
يمكن اول حاجة اتعلمناها هي الدعوم و المقاومات
وكنا بننتظر دائما وصول السعر لها للارتداد
و نشتري من دعم .. و نبيع من مقاومة
و نلاقي بعدها السعر لم يرتد و اخترق الدعم او المقاومة
و ضرب وقف الخسارة و هكذا
-------------

وبعدها كنا نقف محتارين و نقول السعر لا يحترم الدعوم و المقاومات
و نبدأ ندور علي اشياء اخري
----------

و نبدأ بعدها بدراسة الاشكال الفنية
و يمكن اول نموذج نفهمه بسرعة و تلاقي معظمنا بدأ يطبقه
ويقولك انا لقيت الحل لمشكلة الدعوم و المقاومات
تفتكر اي نموذج ؟

- طالما بتقول حل لمشكلة الدعوم و المقاومات .. يبقي غالبا قصدك عن نموذج
الدبل توب .. و الدبل بوتوم.
----------------

الله ينور عليك .. معظمنا لما اتعلم النموذج ده
قالك هو ده اسلم طريقة للتداول عند الدعوم و المقاومات
و قالك احنا ننتظر و نصبر زي التجار المحترفين ( ده من وجهه نظره)
لما السعر يرتد اول مرة من المقاومة و الدعم
و نصطاده من المرة الثانية عند الارتداد

و بدأ معظمنا يشتغل علي الدبل توب و الدبل بوتوم
و تحسنت النتائج حبتين .. بس برضه كان فيه خسائر مش قليلة
فرجع معظمنا للاشكال الفنية و سمع عن تريبل بوتوم و تريبل توب
فقالك هو ده .. انا لقيت سر الفوركس
احنا نصطاد السعر عند الارتداد الثالث .. و اكيد (برضه من وجهه نظره)
ان السعر حيرتد و النتائج حتكون افضل
و يمكن تحسنت النتائج حبه .. و برضه لسة فيه خسائر

يقوم يسأل صحابه عن الدعوم و المقاومات و افضل عدد لمرات الاختبار
وتلاقي البعض يقوله .. ده كل لما السعر بيختبر المقاوات و الدعوم اكثر من مرة
يبقي احتمال كسرهم قريب .. و انتظارك للاختبار الثالث فيه مخاطرة

و يرد صاحب اخر له و يقول له
بالعكس ده كثر الاختبار للمقاومات و الدعوم و الارتداد منها
دليل علي قوتها ..
و المهم كل واحد له نظرة مختلفة عن الاخر.

---------

( ان شاء الله حنتكلم عن الدعوم و المقاومات و عن اختبارها و مفهوم الاختبار و الكسر
و عن مفهوم قوتها او ضعفها عند شرحها في موضوع المؤشرات الفنية ان شاء الله )

-----------

فاحنا هنا حنحاول مبدئيا باللي اتعلمناه لحد النهارد
اننا نحل جزء من المشكة ديه

و حنستخدم الدايفيرجينس لعمل اشاعة علي السعر
اثناء اختباره الثاني للدعم او المقاومة
علشان نقرر لو كان احتمال الارتداد قوي او ضعيف
و نحدد منه ان كنا حندخل الصفقة ام لا

تعالوا نشوف الكلام ده مع بعض
و نشوف الفكرة وراء الدايفيرجينس مع الدبل توب او الدبل بوتوم

يتبع

[samsam22]

الجزء الثالث - الدايفيرجينس و السعر

1- الدعوم و المقاومات


الاشكال المختلفة للدايفيرجينس عند الدعوم و المقاومات


اول شكل حندرسه ان شاء الله
هو الشكل الخاص بوجود قمتين معتمدتين للدايفيرجينس عند مقاومة
و الشكل ده كلنا عارفين ان اسمه دبل توب Double Top
---------------

Double Top

طب ايه هو الدبل توب ده ؟

الفكرة ببساطة ان السعر لما بيكون في ارتفاع.. و بيقترب من مقاومة
فبيقي هناك انطباع عند الكثيرين منا ..ان السعر ممكن يرتد في الاتجاه المعاكس

و زي ما احنا بقينا متخيليين صورة السعر عند اقترابه من مقاومة
ان حجم اوردرات البيع ..المفروض انها بتزداد بالاقتراب من المقاومة ..
و ان حجم اوردرات الشراء ...المفروض انها بتقل عند الاقتراب من المقاومة
و لو كان هذا التصور صحيح
فبيتأكد لنا هذا عند حدوث الارتداد و الانعكاس

----------

المهم عند اقتراب السعر للمقاومة في المرة الاولي
احنا كنا مش عارفين قبلها
ان كان الارتداد حيحصل عند المقاومة ولا السعر حيكمل و يخترقها
فلما حصل الارتداد عند القمة الاولي
اكد لنا الصورة اللي في فكرنا عن هذه المقاومة
و ان حجم اوردرات البيع عندها او قوة البيع عندها ..
اكبر من حجم اوردرات الشراء او قوة الشراء

------------

المهم بعدها السعر ينعكس قليلا و يهبط لفترة
ثم يعاود الارتفاع مرة اخري .. و يختبر مرة اخري نفس المقاومة

فتلاقي بعض المتداولين عند الاختبار الثاني للمقاومة
وبأي طريقة يستخدمها المتداوال او يعتمد عليها ...
من اشكال شموع او مؤشر دخول او طريقة رقمية
يدخل صفقة بيع من القمة الثانية ..
املا ان يرتد السعر مرة اخري ...
مثلما ارتد في المرة الاولي عند اول قمة

وده باختصار فكرة الدبل توب

-----------


يتبع

[samsam22]

الجزء الثالث - الدايفيرجينس و السعر

1- الدعوم و المقاومات


الاشكال المختلفة للدايفيرجينس عند الدعوم و المقاومات


الدبل توب و الدايفيرجينس

المهم السؤال هنا
طب ايه اللي يضمن لنا ..و لو بعض الشئ ان السعر في المرة الثانية عند اختباره المقاومة انه حيرتد ؟

مش ممكن تكون المقاومة ضعيفة ..فارتد منها السعر اول مرة ارتداد ضعيف
و بعدين رجع لها مرة اخري مكشرا عن انيابه
علشان يكسر المقاومة ويخترقها لاعلي..و لا يرتد منها ؟

-----------

فأرد عليك و اقولك .. كلامك منطقي جدا ..
ممكن السعر فعلا بعد الارتداد الاول عند المقاومة
و عند محاولة اختبارها مرة ثانية انه يخترقها و لا يرتد

لكن فيه طريقة ممكن نستخدمها للتأكد اذا كان الاختبار الثاني للمقاومة ...
احتمال الارتداد منه قوي ام ضعيف

و هو عمل اشاعة باستخدام الدايفيرجينس عند القمة الثانية

فلو كانت القمة الثانية عند نفس المقاومة ..
وعندها يوجد دايفيرجينس
يبقي بيزداد احتمال الارتداد بنسبة كبيرة


تعالوا نشوف مع بعض الكلام ده



يتبع

[samsam22]

الجزء الثالث - الدايفيرجينس و السعر

1- الدعوم و المقاومات


الاشكال المختلفة للدايفيرجينس عند الدعوم و المقاومات


الدبل توب و الدايفيرجينس

طب تعال نفكر مع بعض ليه احتمال الارتداد بيزداد ؟

اقولك ..عند حدوث القمة الاولي عند المقاومة السعر ارتد صح كده
- تمام

-و بعدها هبط السعر صح كده .
- ايوه صح .. و بعدين ايه الجديد

- الصبر جميل .. معلش استحملني حبتين
طب الارتداد ده بين لنا ايه ..باللي احنا اتعلمناه ؟

- الارتداد ده بين لينا ان بالفعل زي ما احنا كنا متخيليين و متوقعين
ان البائعين عند المقاومة ديه عددهم كثير

و ايضا ان حجم اوردرات البيع عند المقاومة ديه..
كان اكبر من ..حجم اوردرات الشراء ..فارتد السعر و هبط.

-----------

تمام .. ..الله ينور عليك ..
واللي ممكن ازوده هنا ان بالارتداد ده عند القمة الاولي
انه اعطي لنا فكرة عامة نوعا ما ...
عن مصداقية تصورنا و رؤيتنا لهذه المقاومة ..

وهي ان هناك شبه اتفاق نوعا ما في الوقت الحالي
ان السعر عند هذه المقاومة ..هو اعلي سعر شراء مقبول بين البائعين و المشتريين .. حاليا
و ان هناك رضاء نوعا ما علي هذا السعر كاعلي سعر حالياعند هذه المنطقة .. بين البائعين و المشترين حاليا
و علشان كده السعر ارتد من عند هذه المقاومة ..و ما ارتفعش اكثر

لحد كده تمام وواضح ..
طب لما السعر ارتد مسافة معينة و هبط لاسفل ..
ثم عاود الصعود مرة اخري ..و عملنا اشاعة للسعر عند صعوده
فوجدنا ان السعر تعبان و عيان و عنده دايفيرجينس ..
طب ده يدل علي ايه؟

- يدل علي ان حركة الصعود الحالية ضعيفة ..و ان هناك احتمال للارتداد

--------------

ده كلام جميل .. لكن خليني ازود عليه حاجة تانية
فاكر لم شرحنا المقاومة و قلنا في احد تعريفاتنا لها و انه من خصائص المقاومة ..
انه لو السعر حيرتد من عندها .. بيبقي حجم طلبات الشراء بيضعف كلما اقتربنا من هذه المقاومة

-ايوة فاكر

- و هو ده اللي احنا عايزيين نضيفه و نتخيله عند نقطة الارتداد الثانية كالاتي
احنا لما ارتد السعر من المقاومة في الارتداد الاول ..
اعطانا مصداقية بان المقاومة قوية نوعا ما..

و اكد لنا ان حجم اوردرات البيع عندها .. اكبر من حجم اوردرات الشراء

و انه في المرة الاولي لما السعر كان بيقترب من المقاومة
كان حجم اوردرات الشراء كان بيقل بالاقتراب من المقاومة
و علشان كدة المقاومة اشتغلت .. و ردت السعر

بس احنا ما كناش وقتها عارفيين او شايفيين ده ..
لحد ما حصل الارتداد

تمام لحد كدة

--------------

لكن في المرة الثانية ..
بعد ارتداد السعر من المقاومة عند اول قمة..

ثم معاودة السعر الارتفاع في اتجاه المقاومة مرة اخري
عملنا اشاعة x-ray للسعر و هو طالع للمرة الثانية
و لقينا دايفيرجينس ...

و قدرنا نشوف المرة ديه
ان السعر عند صعوده في المرة الثانية
...لنفس منطقة المقاومة انه في حالة ضعف..
يعني الاقبال علي الشراء بيقل..
يعني حجم اوردرات الشراء بيقل..

طب الكلام ده ده ما بيفكرش بحاجة ؟

----------

الله ينور عليك ... بيفكرك باللي حصل منذ قليل عند القمة الاولي
لما السعر ارتد من المقاومة
بس احنا كنا قبلها ...مش قادرين نشوف ان حجم اوردرات الشراء بيقل
و اللي كان ممكن يعرفنا ان السعر غالبا حيرتد من المقاومة

لكن عند الاختبار الثاني
وجود الدايفيرجينس ...خلانا نشوف بعنيننا
و قبل او عند وصول السعر لنفس منطقة المقاومة
ان حجم اوردرات الشراء بيقل
و للمرة الثانية
و عند نفس المنطقة

يبقي تفتكر من كل المعطيات ديه ممكن نتوقع ايه ؟

----------

الله ينور عليك
نتوقع ان نسبة او احتمال الارتداد في هذه المرة الثانية
هي نسبة عالية .. و اكثر من المرة الاولي

و بالتالي ممكن ندخل بيع من عند المقاومة في الاختبار الثانى
او القمة الثانية .. باطمئنان اكثر

------------

المرفقات

مرفق مثالين لتوضيح العلاقة بين الدبل توب و الدايفيرجينس
و الشرح علي الرسم


يتبع

[samsam22]

الجزء الثالث - الدايفيرجينس و السعر

1- الدعوم و المقاومات

الاشكال المختلفة للدايفيرجينس عند الدعوم و المقاومات

تابع الدبل توب و الدايفيرجينس


طب بعد ما عرفنا يعني ايه دبل توب و فكرة المتاجرة بيه ..
و عرفنا فكرة .. و اهمية وجود دايفيرجينس عند القمة الثانية

و عرفنا ايضا ... الفكرة وراء المتاجرة باستعمال الدايفيرجينس مع الدبل توب
تعالو نلخص الكلام ده بسرعة
قبل ما نتعرف علي طريقة الدخول و الاستوب و الهدف بهذه الطريقة

--------

الخلاصة

عند حدوث الشكل الفني الخاص بالدبل توب...
و توافق هذا مع وجود دايفيرجينس بحيث...
تكون القمتين المعتمدتين للدايفيرجينس
هما نفس القمتين المعتمدتين للشكل الفني الخاص بالدبل توب
فان احتمال الارتداد من القمة الثانية ..يزداد بشدة

-------------

يتبع

[samsam22]

الجزء الثالث - الدايفيرجينس و السعر

1- الدعوم و المقاومات

تابع الدبل توب و الدايفيرجينس


طريقة الدخول للدبل توب و الدايفيرجينس


لن تختلف طريقة الدخول حتي الان
عن طرق الدخول اللي تعلمناها باستعمال المؤشرات

فممكن استخدام اي طريقة من طرق الدخول الخاصة التي تم شرحها من قبل
بالمؤشر الذي تفضل استعماله

و كمثال هنا حنوضح طريقة الدخول باستعمال مؤشر ال CCI

--------------

طريقة الدخول

1- بعد تكون نموذج الدبل توب

2- و حدوث دايفيرجينس عند القمة الثانية المعتمدة لنموذج الدبل توب


3- و التأكد من ان القمة الاولي المعتمدة للدايفيرجينس ..
هي نفسها القمة الاولي لنموذج الدبل توب

4- يتم الدخول بيع بعد الارتداد ..
و اغلاق و اختراق شمعة لمستوي التشبع 100.. من اعلي الي اسفل

5- و قد تكون شمعة الاختراق هي نفسها شمعة القمة الثانية المعتمدة..
او قد تكون الشمعة التالية بعد تكون القمة الثانية المعتمدة ..
او قد تكون عدة شموع بعد تكون القمة الثانية المعتمدة

و طالما كانت شروط الدخول و الدايفيرجينس ما زالت موجودة
فيتم الدخول بيع بالطريقة الموضحة

-----------------



المرفقات

مرفق مثالين

احدهما تم الدخول باغلاق شمعة القمة الثانية المعتمدة للشكل الفني دبل توب و الدايفيرجينس

لانها كانت هي نفسها شمعة اختراق مستوي التشبع 100 من اعلي الي اسفل


و المثال الاخر تم الدخول بعد شمعة القمة الثانية المعتمدة لنموذج الفني دبل توب و الدايفيرجينس

الشرح علي الرسومات

يتبع

[samsam22]

الجزء الثالث - الدايفيرجينس و السعر

1- الدعوم و المقاومات

تابع الدبل توب و الدايفيرجينس


طريقة وضع وقف الخسارة و الهدف

طب بعد ما عرفنا طريقة الدخول
عند تكون نموذج الدبل توب .. مع وجود دايفيرجينس

و عرفنا اننا ممكن ان نستعمل اي طريقة من طرق الدخول
اللي اتعلمناها عند الحديث عن المؤشرات

حنبدأ نتكلم لاول مرة عن تحديد وقف الخسارة و تحديد الاهداف

و قبل ما نبدأ في الكلام عن وقف الخسارة و تحديد الاهداف
تعالوا نوضح ونأكد علي بعض النقاط العامة .. و الهامة
عن طرق تحديد الاهداف و وقف الخسارة

--------------

اولا

لازم نبقي عارفين ان فيه طرق مختلفة لتحديد الاهداف و وقف الخسارة
و ان شاء الله حنتكلم عنها باستفاضة في الجزء الرابع

و لكن حاليا في الجزء الثالث حنتعرض ان شاء الله
باختصار لموضوع وقف الخسارة و الاهداف لكل شكل

و ان شاء الله .. و اذا اراد الله ...ووصلنا للجزء الرابع
حنجمع اللي شرحناه في الجزء الثالث ..
و نضيف عليه ان شاء الله افكار اخري

----------

ثانيا

ان موضوع وقف الخسارة و الهدف حيختلف من شخص لاخر..
و حيتم شرح طرق او افكار مختلفة ..
و لكل شخص حرية الاختيار
فليس هناك الزام ..
او طريقة محددة لتحديد الاهداف و وقف الخسارة

------------

ثالثا

انه بالتأكيد ...و مهما كانت الطريقة المستخدمة
حيحصل ضرب للستوبات ..في بعض الاحيان
او لن يصل السعر للهدف المحدد له..

----------

فارجو ان لا ياتي احدا لاحقا بمثال .. قد ضرب فيه الستوب ..
و يتسائل كيف حدث هذا ؟
و يقول ان الموضوع بيقول .. او اني قلت او شرحت اننا نضع الستوب هنا او هناك ..
و مع هذا ضرب الستوب

فانا بأكد من الاول ومرة اخري ..
و قبل الحديث عن طرق وضع الهدف و وقف الخسارة ..
و كما اكدت من قبل في مشاركات قديمة..
انه سيحدث ضرب الستوب . في بعض الاحيان
و انه سيكون هناك بالتأكيد ..صفقات خاسرة
و ان اتبعنا كل الشروط
ومهما كانت طرق دخولنا

--

لكن ان شاء الله احنا بنحاول في هذا الموضوع
ان نزيد من احتمالات نجاح الصفقات
باستعمال الدايفيرجينيس

و ان شاء الله حيوضح ده اكثر في الجزء الرابع

---------

تعالوا دلوقتي نأخذ فكرة مبسطة عن طريقة وضع الهدف ووقف الخسارة
لهذا النموذج ...الدبل توب مع الدايفيرجينس

يتبع

[س هـ م 666]

ما شاء الله عليك ويعطيك الف عافيه وشكرا لمتابعتك هذا الموضوع ونحن معك

[أبو سهيل المصرى]

انت اتاخرت علينا يا سام لعل المانع خير بأذن الله

[أبو سهيل المصرى]

الاستاذ المحترم سام سام منذ فترة وانت غير موجود لعل المانع خير لية تحرمنا من هذا الشرح الممتع الجميل كل هذه الفترة - لعل المانع خير وترجع لنا فى تمام الصحة والعافية

[islam4ever]

تسجيل متابعة ,, موضوع رائع جدا .. جزاك الله خيرا

[Mr.forex2012]

الرجل بارك الله فيه بيتعب بالتحضير .. و الأمور كدة بتطلع مرتبة و أخر حلاوة نعم بس بعد تعب كبير ..
نحن بالإنتظار و شوية شوية أحسن العجلة من الشيطان ..

[أبو سهيل المصرى]

اخينا سام ان كنت فى اجازة او حتى توقف الموضوع مؤقت فادخل طمنا عليك فاشخصيات التى رزقت حب الخير ليس من السهل على الانسان ان تنقطع عنه - ربنا يقدر لك الخير حيث كان

[Tato4all]

موضوع قيم جدا ومفيد جدا جزاك الله خيرا وان شاء الله ترجع تكمله وتزيدنا. بمواضيع شيقه اخري