السلام عليكم و رحمه الله و بركاته
انا لسه راجع من السفر و اكيد فاتنى كتير جدا
و للامانه كل مره بحاول اراجع اللى فاتنى مبقدرش
و النهارده بقالى ساعه بدور على بداية اليوم منين بالظبط
عشان لو هقدر ادخل معاكم و الاحقكم
و ناس كتير جدا اتكلمت عن مراعاة ظروف الغير
و مع ذلك الأشخاص المقصودين او الغير مقصودين
متعمدين التجاهل و لا حياه لمن تنادى
طيب ايه بس الهدف من ورا كل المشاركات الكتيره و المكرره دى ؟
و بناء على ايه بتقولو انكم بتساعدو اى عضو جديد
ان كانت مشاركه فيها مساعده لأى عضو بيكون بعدها 10 مشاركات مضيعه للوقت
انا هنا مش جاى اعمل عداوه مع حد او اقصد حد بالتحديد
انا هنا جاى اتعلم و بحاول فى القريب العاجل اساعد و اعلم غيرى
و اتمنى من غيرى المتعلم - الخبره - الناجح فى مجال الفوركس
يراعى ان ده موضوع تعليمى بحت و وجودى و وجودك محسوب لينا و علينا
و يا جماعه ده مش شات ولا مجرد منتدى عام ولا الموضوع تعارف
و اهم ملحوظه :- ده موضوع شخص محترم و مجتهد
و بيتعب عشان احنا نكسب - ميبقاش ده رد الجميل
لأنه اتكلم عن النقطه دى فى اكتر من مشاركه و ايضا لا حياه لمن تنادى
اولاً :- يا ريت مراعاه الغير اذا كان قلبك عليهم فعلا
ثانياً :- راعى انها رغبه صاحب الموضوع فلا تكن كالمتطفل
و ارجو قبول رأيى بصدر رحب
و الهدف و الله هو المساعده للجميع
اقتباس:
المشاركة الأصلية كتبت بواسطة Abu Yaser
تقريبا الكل ماجالوش رسالة المكان ماعرفش ليه
المهم
باذن الله المعاد يوم السبت القادم بداية من الساعة 4
المكان ماكدونالدز شارع الاهرام امام سينما نورماندى والحرية مول
روكسى مصر الجديدة
اشوفكم على خير
سلام عليكم
دكتور جمال ان شاء الله تكون بأحسن حال و بصحه جيده
و نراك على خير
همسه :- الله اختصك و جعلك سبب لمنفعة الناس
فلا تدع اى مدخل لوسوسة الشيطان
و انظر بنفسك للنشاط الغير عادى من بعد عودتك
ان كان يوجد شئ سلبى لابد انك تواجهه و تدافع عن رسالتك
اللى بدأتها بأتخاذ القرار بفتح موضوع خبرتى
و ان كان الامر خارج عن ارادتك و عن موضوع خبرتى فالله يقويك
و ييسر لك أمرك
