إلي كل خسران و حاسس بالضياع.......تعالي

[infinity80]

بالنسبة للباوند علي فريم الساعة لشمعة 9 بيتكون تشكيل 123 و يمثل فرصة للدخول وواضح رفض السوق للنزول من مستوي 1.5900
و لو كده ممكن دخول من مستوي 1.5920
و ستوب 1.5885
و هدف اول 1.5960
و هدف ثاني 1.5985

اما بالنسبة لليورو فلا احبذ الدخول عليه حاليا الا باتضاح الصورة بشموع تدعم الصعود و زحم كافي لتحريك السعر ضد اتجاهه الحالي

تم غلق صفقة اليوم علي خسارة 35 نقطة

[infinity80]

فرصة علي الأسترالي فريم النصف ساعة لشمعة 8:30
الدخول شورت من علي مستوي0.9795
والهدف الأول0.9749
الهدف الثاني 0.9715
والستوب 0.9815

[infinity80]

[infinity80]

فرصة علي الأسترالي فريم النصف ساعة لشمعة 8:30
الدخول شورت من علي مستوي0.9795
والهدف الأول0.9749
الهدف الثاني 0.9715
والستوب 0.9815

غلق الصفقة علي خسارة 25 نقطة

[infinity80]

ملحوظة

لمن تابع صفقة اليوم علي الأسترالي فقد تم ضرب الستوب ثم عاود السعر النزول ليصل الي السيناريو الأصلي المرسوم للنموذج و تحققيق 45 نقطة هدف أول.

نقطة مهمة جدا انا متاكد بتحصل مع ناس كتير و بتخليه بينه و بين نفسه متغاظ جدا نحب نوضحها و نشرحها عشان تبقي عارف ايه اللي بيتم
اللي حصل ده اسمه اختراق زائف و لو حنفصصه حنلاقي الآتي:

-مجموعة الأوامر اللي اتحطت شورت زي ما كنا مخططين عشان تحط ستوب لوس حيكون فين؟؟ كلنا في نفس المكان بشكل نسبي و هو فوق اخر قمة اوتحت القاع و في حالتنا دي هي القمة رقم 1

ليه بنقول شكل نسبي ؟؟؟عشان في ناس بتحط الستوب فوق القمة بنقطة ...و فيه بخمسة ...و فيه بعشرة ...و في حالتنا دي بعشر نقاط محسوبة من قمة 0.9805(سوينج هاي) و ده يدينا الستوب بتاعنا 0.9815 اللي انضرب

-مع اقتراب السعر لإعادة اختبار مقاومة او دعم معين بيكون في دايما تفكيرين عند المتاجرين حينعكس او حيخترق و كل منهم بيمشي مع افتراضه ده بعمليات بيع او شراء
-عمليات الشراء اللي حصلت عكس اتجاه صفقتنا يفترض انها متكسرش او تخترق خط المقاومة و هو ده بالضبط اللي عاوز اقوله

المقاومة او الدعم دايما هي منقطة مش نقطة ....المنطقة دي بتكون مليانة ستوبات و علي حسب كثافة الستوبات دي و ضربها حيحصل حاجة زي الإنفجار المتسلسل السعر يبدا يجري بيه لفوق لحد ما شيء من اتنين يحصل
1-الستوبات تخلص و بالتالي مفيش سبب تاني يخلي السعر يعلي وعليه مفيش غير النزول
2-قوة شرائية تدخل و تدعم حركة السعر دي بعد الكسر و ساعتها بس السعر بيكمل

و ده حيخليك دايما حذر في وضع الستوب لوس و في نفس الوقت راضي جدا و متوقع انه ممكن يضرب منك مع ان تحليلك صح بس في لعبة الإحتمالات اللي هي متاجرة العملة لازم يكون هو ده اسلوب تفكيرك عشان تعيش اكبر مدة في السوق للوقت اللي الإحتمالات فيه تكون في صفك

زي ما قلنا منطقة الستوبات بتختلف علي حسب كل تاجر بيحط مارجن اد ايه فوق المقاومة و بالنسبة ليك و ليا في الأول و الآخر اللي يحكمك هو ادارة راس مالك وتحليلك ولاااااااااازم تكون راضي بعد كده انك عملت التحليل باصوله لكن ظروف السوق مجتش معاك شيء متوقع حدوثه

و بكرر تاني الرضا مهم جدا جدا جدا نفسيا من غيره مرة في مرة في مرة...حتكره الستوب و حتشيله و دي نهايتك

[infinity80]

[عبد الوهاب]

ملحوظة

لمن تابع صفقة اليوم علي الأسترالي فقد تم ضرب الستوب ثم عاود السعر النزول ليصل الي السيناريو الأصلي المرسوم للنموذج و تحققيق 45 نقطة هدف أول.

:::::::::::::::::::::::::::::::::::

و بكرر تاني الرضا مهم جدا جدا جدا نفسيا من غيره مرة في مرة في مرة...حتكره الستوب و حتشيله و دي نهايتك

دعني أختلف معك أخي الكريم
مادام الاستوب مكشوف للكبار في السوق فلماذا أضع لهم إستوب "ياكلوه"
أضع الاستوب الاحترازي بعد جداً وإستوبي الحقيقي هو الإغلاقات على حسب الإطار الزمني الذي دخلتُ عليه.
تقديري لمجهودك الطيب

[جلال العراقي]

نعم اخي انا معك



الحمد الله على مااعطانا
نخرج من الشراء بربج 40 نقطه
وبيع من 1200 باستوب 10246 بهدف 10120 والله اعلم
وشكرا لاخي الغالي صاحب الموضوع على تواصله وعطائه المثمر

ضرب الاستوب
ووصل للهدف واكثر 10 نقاط
الحمد الله على الخساره

[infinity80]

دعني أختلف معك أخي الكريم
مادام الاستوب مكشوف للكبار في السوق فلماذا أضع لهم إستوب "ياكلوه"
أضع الاستوب الاحترازي بعد جداً وإستوبي الحقيقي هو الإغلاقات على حسب الإطار الزمني الذي دخلتُ عليه.
تقديري لمجهودك الطيب

عجبني في الكلام اللي انت قلته جملة كويسة جدا....استوبي الحقيقي هو الإغلاقات علي حسب الإطار الزمني و في الحقيقة ده فيصل مهم في حركة الأسعار بين الدعوم والمقاومات و تحديد الكسر و الإختراق لكن....
تنفيذ الطريقة دي محتاجة متاجر حقيقي

و ده يا اخي الكريم لن ادعي ابدا اني وصلت لمستواه عشان ده بني ادم وصل لدرجة من التحكم بالنفس انه بقي اشبه بالحاسب بيفكر و يحسب الإحتمالات و يقدر المخاطرة و عنده الخطة والخطة البديلة و قادر يقرا السوق بالشكل اللي يتوافق دايما مع حاجة مهمة جدا....ان مفيش مسلمات و دايما في فرصة للمكسب والخسارة...المتاجر ده قادر يعمل كل ده بدووووون ذرة مشاعر و بدون رحمة لنفسه

و لحد ما نقدر نوصل للمستوي ده انا بنصح اي متاجر انه يحط دايما ستوب ...و صدقني انك تغلط مرة في حساب ستوب و يضرب منك و لسه حسابك عايش....خير الف مرة من انك تكسب مليون مرة من غير ستوب و تيجي هي عملية واحدة....و كتير في المنتدي هنا و كتير من اللي حيقرا الكلام ده انا متاكد انها حصلت معاه...هي مرة واحدة....عملية واحدة.....غلطة واحدة....حيشتغل من غير ستوب و يستني اغلاق مثلا....لكن يكون من الضعف و من الأمل انه يشوف ان السعر ممكن يرجعله

و عمره ما بيرجع الا بخسارة الحساب بالكامل

الحاجة التانية ان انتظار الإغلاق حتي تغلق الصفقة ده فيه مخالفة لإدارة المخاطر وراس المال لإنك عمرك ما حتعرف السعر حيقف فين بعد كسر المقاومات او الدعوم خصوصا زي ما قلنا ان الستوبات الموجودة بتخلي السعر ينفجر و يتسارع و في الأغلب بتكون شمعات الكسر ليموزين

الحاجة التالتة و دي مهمة جدا...زي ما في كبار للشراء في كبار للبيع يعني انت في عمليتك بيكون في قوة و زخم في اتجاهك و برضه قوة و زخم ضدك بس المحصلة هي اللي تفرق الإتجاه النهائي و بالتالي عشان اقول في صيد استوبات يبقي لازم احدد مين حيصيد مين...فين الفريسة و فين الصياد...و دي عمرك ما حتعرفها لإنك عمرك ما حتعرف المحصلة رايحة فين ...انت بتخمن اتجاه و بتشتغل علي اساسه

[infinity80]

ضرب الاستوب
ووصل للهدف واكثر 10 نقاط
الحمد الله على الخساره

متعوضة ان شاء الله

[infinity80]

ايه اللي بيفرق الأشخاص الناجحة واللي تقدر توصل لأهدافها عن اي شخص تاني في اي مجال والأهم واللي يخصنا في مجال التجارة؟

عشان نجاوب علي السؤال ده محتاجين نعرف الأول يعني ايه استراتيجية او طريقة المتاجرة

و ده حيخلينا نروح لسؤال تالت عن طبيعة تحرك الأسعار ؟

ايه يا عم الأسئلة الكتير دي مش ناقصة زهق ...لخص

اهدي بس عليا و اصبر....بص يا سيدي لكل ظاهرة تحدث بدون مسلمات او قوانين ثابتة و تعتمد علي حاجة بتتغير مع الوقت ايا كانت الظاهرة دي ايه فيما يعرف بالعشوائية والمتغير العشوائي بيكون في قوانين احتمالية بتحكم التغير العشوائي ده

الله بقي...انت منين بتقول مفيش قوانين و منين بتقول محكومة بقوانين؟
حرد عليك و اقولك الفيصل كل الفيصل هو المقارنة بين قانون ثابت و قانون احتمالي الأتنين قوانين لكن الفارق شاسع

قوانين الثوابت زي 1+1=2 ده قانون مينفعش اجي و اقول اصل احتمال كمان ساعة يبقي 1+1=3
قوانين الإحتمالات زي درجة الحرارة دلوقتي 30 درجة بس كمان ساعة احتمال تطلع تبقي 35

يبقي الفرق كله بين الأتنين ان القانون الثابت غير قابل للفشل اما القانون الإحتمالي ليه قابلية للفشل

جميل اوي الكلام ده.....لو فرضنا السعر متغير عشوائي يبقي اي قانون بيوضع ليحكم الحركة السعرية بيكون ليه نسب نجاح و نسب فشل

و من هنا نروح للسؤال التاني ...ماهي الإستراتيجية....
نقدر هنا نقول بناءا علي كلامنا السابق انها عبارة عن قانون او مجموعة قوانين احتمالية بتحكم الحركة السعرية في اطار زمني محدد

و عليه حنوصل لنتيجة قوية...لو كانت كل القوانين الإحتمالية ليها نسبة نجاح و ونقول كمان إن الإستراتيجيات هي قوانين احتمالية يبقي كل الإستراتيجيات مهما كانت ايا كانت ليها نسبة نجاح و فشل
و ده حيوصلنا لإجابة السؤال الأول و حمدا الله بالسلامة
من هو المتاجر الناجح الرابح اللي بيعملهم علي قلبه قد كده

العقل البشري من قديم الأزل حتي يومنا هذا يعمل بطريقة المسلمات و ليست طريقة الإحتمالات ...تربيتنا في بيوتنا و في المدارس والجامعات و طول حياتك ....في شغلك في الشارع حتلاقي تقريبا اغلب حياتك مسلمات و قوانين ثابتة
العقل البشري لعشقه و تعوده علي المسلمات بيكره الإحتمالات....و لو انت بتكره حاجة عمرك ما تحب تشوفها او تسمعها او تعرفها....يبقي غصب عنك و عني العقل حيطنش كل شيء ليه علاقة بالإحتمالات و يتجاهله
العقل البشري وسيكولجية اي واحد مننا تكره الفشل و تعشق النجاح....و لو كرهت الفشل يبقي مش حتحب تشوفه مش حتحب تعرفه ....حتتجاهله

يبقي الخلاصة اللي وصلنا ليها دلوقتي ان احنا كافراد عاديين بنكره الفشل واللإحتمالات و بنتجاهلها......و في نفس الوقت اي استراتيجية تتعلق بالمتاجرة هي اصلا عبارة عن احتمالات و فيها نسبة فشل

طب ده ممكن يظهر ازاي و تعرفه منين....حقولك....راجع كل السيناريوهات اللي طرحناها للخسارة في مناقشات الأخوة سابقا حتلاقيها كلها بتدور حول عنصر واحد بيتكرر دايما بس بصور مختلفة....انت بتبقي عارف ايه الصح و تروح تعمل حاجة تانية خالص و لما بتخسر تكتشف ان الصح كان قدامك بس انت مكنتش شايفه

هو ده اللي كنت اقصده لما قلت عقلك حيتجاهل الحقيقة عن الفشل والإحتمالات
و لو كانت التجارة قايمة علي الحقايق ....و لو كان عقلك بيتجاهل اي حقيقة تتعلق بالفشل او الإحتمالات ...يبقي النتيجة المحتومة هي
الخسارة....الخسارة ....الخسارة


وللحديث بقية

[Jmeel]

حقيقي كلام سليم ميه بالميه الخوف من خسارة صفقة بيخليني اخرج منها وبعدين تلاقيها عملت التارجت بالراحه وكله بسبب الخوف من الفشل طيب المشكلة التانية لما بقنع نفسي استنى على الصفقة بتقلب بخسارة وبتفضل جوايا المشكلة بتتجدد بالرغم ان استراتيجيتي وحده في كل الحالات . ياريت تساعدني بجواب

[infinity80]

حقيقي كلام سليم ميه بالميه الخوف من خسارة صفقة بيخليني اخرج منها وبعدين تلاقيها عملت التارجت بالراحه وكله بسبب الخوف من الفشل طيب المشكلة التانية لما بقنع نفسي استنى على الصفقة بتقلب بخسارة وبتفضل جوايا المشكلة بتتجدد بالرغم ان استراتيجيتي وحده في كل الحالات . ياريت تساعدني بجواب

اجابة سؤالك و اجابة كل الأسئلة المتعلقة بالخسارة حتيجي في تكملة حديثنا من مكان ما وقفنا في الكلام

العقل البشري و رفضه للفشل والإحتمالات

عارف ايه النتيجة الحتمية اللي دايما بنقع فيها نتيجة تركبية العقل بالطريقة و الشكل ده؟؟؟؟
عدم وجود استراتيجية كاملة للمتاجرة و او بطريقة تانية وجود خطة كاملة
لو افترضنا ان التجارة هي حرب بينك و بين السوق و افترضنا انك داخل السوق دايما و مفترض انك كسبان و بالتالي انت محطتش في الحسبان امكانية الخسارة يبقي بناءا علي كده نجد الآتي:

1-مش حتحط ستوب لوس
2-لو حطيت استوب لوس و قرب منه السعر حتشيله و مش حتحترمه
3-لو السعر جري ضدك مش حتقفل الصفقة و حتستني السعر يردلك
4-حتكبر حجم اللوت بما لا يتناسب مع ادارة راس المال
5-حتدخل من اي نقطة و في اي وقت بلا مراعاة لشروط استراتيجيتك او قواعدها.
طبعا لو دورت في حسابك و حللته بموضوعية و صدق بينك و بين نفسك حتلاقي خسارتك بنسبة كبيرة اوي واحدة من العناصر اللي فاتت دي

ده من غير ما ندخل في تفاضيل استراتيجية او تحليل فني ولا اساسي ولا اخبار ولا بنوك ولا اي شيء....تخيل كل ده من مجرد بس مجرد افتراض ...يعني انت خسران من قبل حتي ما تدخل السوق ....و مهما غيرت الإستراتيجية و رحت و جبت العجب العجاب برده بتفضل تخسر....ماهو اصل العيب مش في الأستراتيجية...العيب كان في تفكيرك و افتراضك و ما ترتب عليه من الأساس....تخيل قد ايه المشكلة كانت طول الوقت قصادك لكن مكنتش شايفها

عشان اللي كان بيحاربك مكنش السوق....اللي بيحاربك كان تفكيرك و عقلك انت

و للحديث بقية

[infinity80]

اخطر نتيجة وصلنا ليها في الكلام اد ايه الواحد كان بيخسر بغض النظر عن شغله و تعبه و بحثه ووقته اللي ضيع منه كتير في الدراسة و المذاكرة والكتب والكورسات والفيديوهات و غيرها كتير من الحاجات اللي الواحد قضي فيها وقته عشان في الأخر يلاقي النتيجة واحدة و مش بتتغير ....الخسارة

تغير الأستراتيجية خسارة....تغير الكورس خسارة....كتاب جديد برده خسارة...طب المشكلة فين؟؟

لو حنضيف حاجة كمان من نواقص العقل البشري اللي حتكون القشة اللي كسرت سقف البيت و اخطرها علي الدوام....عقلك معظم الوقت بيرفض انه يتحمل مسئولية الأخطاء....الألم اللي بتحس بيه لما يكون الغلط غلطك والمشكلة مشكلتك بيكون فوق الأحتمال عشان كده بيكون الأسهل انك ترمي الغلط ده علي اي شيء تاني...اي حد تاني...اي سبب تاني....عارف المصيبة فين....العقل كده بيكره الفشل والأحتمالات و بالتالي بيعمل غلطات قاتلة....ومش بس بيعملها لاء ده كمان بيكره يتحمل المسئولية فعمرك ما حتشوف اصلا انك غلطت و بالتالي عمرك ما حتعرف تصلح غلطك لأنك مش شايفه

النتيجة الحتمية اللي مفيش غيرها....دوامة لا تنتهي من الأبحاث اللي قلنا عليها في الأول...و احساس قاتل بخيبة الأمل مع الوقت بيتعاظم لحد ما بيوصل مع كتير من الناس لنقطة النهاية

السوق والتجارة مش ليا...و تسيب اللعبة مع انك كنت اقرب ما يكون انها تكون نقطة البداية

وللحديث بقية

[infinity80]

لو تفتكر معايا اول كلامنا بدا بسؤال ايه اللي يفرق الشخص الناجح من اي شخص تاني....و عرفنا ان تركيبه عقله و تفكيره هي الفصيل واللي بيحدد كل شيء...و عرفنا ايه المعوقات اللي مكناش شايفين انها موجودة ....بس هي بتعوق ايه اساسا؟؟؟

الهدف كله من المناقشة الطويلة دي هو اجابة السؤال ده....هو ايه اللي ناقص؟؟؟

الخطط الحربية المتكاملة بيكون ليها مجموعة من العناصر اللي لازم تتوفر و بيها تقدر تكون عامل حساب كل الإحتمالات ازاي تكسب باقل الخساير و ازاي لما تخسر برده يكون باقل الخساير العناصر دي ممكن نلخصها في :

1-التوقيت اللي بيه تبدا الهجوم او زي كتير بتتسمي بساعة الصفر
2-طريقة الهجوم
3-الهدف المطلوب تنفيذه
4-الخطط البديلة اللي بتواكب متغيرات الأمور طول ما الحرب شغالة

عارف.....بنسبة لا تقل عن 85 % لو دورت علي معظم الإستراتيجيات او اساليب المتاجرة الموجودة دايما حتلاقي عنصر من العناصر الأربعة ناقص و اخطرهم في وجهة نظري واللي فعلا اللي بيفرق كل الفرق و مهما اقول مش حديله اهميته هو العنصر الرابع واللي بحب اسميه خطة الخروج

عارف...التركيز الشديد في البحث او تقييم استراتيجية جديدة بيكون دايما في نقطة الدخول او خطة الهجوم لكن عمرك ما بتراجع خطة الخروج ولا كنت تعرف اصلا ان المفروض يكون في حاجة كده....كل اللي نعرفه هو ستوب و بنكره جدا عشان بيسبب خسارة و غالبا بتكون كبيرة و بتاكل اي مكاسب

بس الجديد بقي ان الستوب ده جزء من خطة الخروج و مش كلها و مش هو الأساس

و هو ده اللي المفروض يكون موجود و معاك و ليه قاعدة و نظام و احترام لا يقل عن نقطة الدخول بل بالعكس....تقدسه و تمشي وراه اكتر من اي قاعدة تانية

مفتاح السوق هو بلا منازع ادارة راس المال الصحيحة...تكسب اكتر ما تخسر في المرة الواحدة (المدي القصير)....و عدد مرات مكسبك تكون اكبر من عدد مرات الخسارة(المدي الطويل

و عشان تقدر تنفذ ده لازم يكون ليك خطة للخروج تقدر تمكنك انك تكسب كتير اوي لما تكسب...و تخسر قليل اوي لما تخسر و ده محتاج اصلا ان تفكيرك يكون مستعد يقبل و يؤمن باحتمالات الفشل

والله يا اخوان....بدون الدخول في تفاصيل اي استراتيجية حتي لو كانت ابسط من البساطة.....لو كانت الخطة كاملة العناصر و ركزت جدا علي العنصر الرابع....مهما كانت الأستراتيجية.....مهما كانت الأستراتيجية و بكرر تاني و تالت...مهما كانت الإستراتيجية....عمرك ما حتخسر حسابك....ايوة حتخسر لكن عمرك ما تخسر حسابك....ايوة حتخسر لكن عمر ما حتكون النتيجة سلبية....اقل شيء ممكن توصله و اقل نتيجة ممكن تحققها هي انك تحافظ علي فلوسك زي ما هي متنقصش

حتقولي طب امال احنا جايين ليه طب ما اخلي الفلوس في جيبي احسن....اسمع بقي الكلام المفيد....احنا دلوقتي بنشتكي من الخساير و عاوزين نقطعها....تصنيف التطور في التجارة درجات...بتخسر.....توازن بين مكسب و خسارة....مكسب

يبقي انت ماشي في طريق التطور و طالع لفوق مش بتنزل لتحت....امال المكاسب حتيجي امتي....حقولك كل لما تنفذ الخطة صح حتلاقي غلطاتك بتقل و الخساير نتيجة الغلطات بتقل و حتاخد ثقة في نفسك و في استراتيجيتك و مش حتغيرها كل اسبوعين زي ما بنعمل دلوقتي مع كل خسارة

الغلطات بتقل و خسايرك بتقل حتلاقي نفسك طلعت لمرحلة المكاسب و تهيص