إلي كل خسران و حاسس بالضياع.......تعالي

[infinity80]

قواعد التجارة طويلة المدي بلا خسائر

زي ما اتفقنا المقصود بمفيش خسائر هنا انك عمرك ما تخسر حسابك بالأشكال اللي اتعودنا عليها و اي خسارة حتكون مدروسة بشكل فني و متوقعة
حنلخص هنا كل اللي اتقال الفترة اللي فاتت من تجارب و خبرات و هفوات و غلطات

1-"لازم نشتغل بالستوب لوس"

2-" اختار استراتيجية تكون عارف ان نسبة نجاحها معقولة (75% فما فوق) , و تحقق باقي القواعد و تاجر بيها مهما كان و مهما سمعت "

3-"لابد من تثبيت عدد العقود و عدم تغييره ابدا تحت اي حال من الأحوال الا بما يتماشي مع ادارة راس المال"

4-"لا يمكن باي حال من الأحوال تعدي نسبة المخاطرة للعملية الواحدة اتباعا لحسابات ادارة راس المال"

5-"ليوم التداول الواحد حدد عدد صفقات معينة تقدر تفتحها و مهما كانت الإغراءات متفتحش زيادة عنها"

6-"لا تعمل علي اي زوج الا لو كنت جربت عليه الأستراتيجية لفترة طويلة مناسبة"

7-"الأستراتيجية اللي تختارها لازم تديك نسبة ربح لخسارة اكبر من او تساوي 1 بما يتماشي مع ادارة راس المال"

8-"قبل المتاجرة في كل مرة لازم تكون في ايدك ورقة فيها كل قواعد تجارتك تقراها و تراجعها"

9-"لا تقم بالتجارة اطلاقا اذا كنت فاقد التركيز او مشتت الذهن"

10-"ضع دائما جدول زمني لتحقيق أهدافك و اعرف دائما انك تملك الوقت ولا تملك المال"

11-"استخدام نظام التريلنج ستوب او الوقف المتحرك لضمان اكبر مكسب و اقل خسارة"

12"لابد من تكامل كل القواعد واستراتيجية التداول كجزء من السلوك العفوي بالتدريب علي ديمو فترة كافية "

13-"مهما كانت الظروف والإغراءات لا تكسر اي قاعدة من القواعد"

14-"لابد من اختيار استراتيجية تتلائم مع الجوانب النفسية والشخصية"

[infinity80]

استكمالا لتعلية بناء ما قمنا به حتي الأن
و بعد وضع قواعد التجارة السليمة سواء من ادارة المخاطر او ادارة راس المال او حتي ادارة النفس البشرية و منعها من ارتكاب الأخطاء تباعا بصورة متكررة
ننتقل الي الخطوة الجديدة في برنامج الطريق السليم للتجارة
والخطوة الجديدة هي اختيار استراتيجية قوية تتيح العمل بصورة مربحة و قوية و تحقق شروط الدخول السليم حسب القواعد المستخرجة من تجاربنا السابقة
و قد جئت من احد الكتب باستراتيجية قوية تمثل للعين الفاحصة جوهر حركة الأسعار البحتة و تمثل فيما يعرف بالخارج باسم التجارة العارية NAKED TRADING
اسم الطريقة هي 123 و هي لمن يريد في كتاب يعرف باسم LAW OF CHARTS و جاري رفعه لمن يريد الإستفادة بصورة اكبر
سيتم ان شاء الله من الغد الحديث بصورة مستفيضة عن الإستراتيجية و سنري بمعني الكلمة معني كلمة البساطة في التجارة و قوة الحركة مع الدخول الصحيح

[sh@forex]

مشكور على النصائح دى يافندم وحصوصا انى لسه مبتدئه ومنتظرين المزيد

[infinity80]

مشكور على النصائح دى يافندم وحصوصا انى لسه مبتدئه ومنتظرين المزيد

و ان شاء الله هنالك المزيد
و تستفيدي و يستفيد الجميع

[ايهاب العربي]

بسم الله الرحمن الرحيم
فين الاستراتيجيه يا صاحبي ؟؟؟؟؟؟؟؟؟؟؟؟

[infinity80]

بسم الله الرحمن الرحيم
فين الاستراتيجيه يا صاحبي ؟؟؟؟؟؟؟؟؟؟؟؟

بسم الله الرحمن الرحيم

عمرك فتحت الشارت من غير اي مؤشرات او اي تمبلات
جرب كده معايا دلوقتي لأي زوج من العملات علي اي تايم فريم و لنقل الساعة علي زوج الباوند دولار
لاحظ حركة العملة و اسلوب زيادة و نقص الأسعار ستجد دوما انه هناك 3 حالات
-حركة ترند صاعد
-حركة ترند هابط
-حركة عرضية
الكلام مش جديد بالعكس يفترض انه اساسيات المتاجرة بس حنفكر بيه الناس لسبب

مع الإستراتيجيات و الخطوط والمؤشرات بننسي اهم شيء ممكن تلجا ليه و عمره ما يكدب عليك
السعر نفسه و حركته اللي بيعكس دايما نفسية المتاجرين من طمع و خوف و سيطرة علي اتجاه

الحركة دي دايما بتتكون من قمم و قيعان و السعر بيمشي في موجات وضعت لها قوانين كثيرة و نظريات تجد منها البسيط مثل الهارمونيك و تجد منها المعقد نوعا مثل اليوت و تجد منها موجات الذئب

طب لو دققنا النظر قليلا في الترند الصاعد ستجد انه يمشي بنمط واحد صعود ثم ارتداد يصنع معه قمة ثم يصعد مرة اخري ليكسر تلك القمة السابقة و يذهب لعمل قمة جديدة


و يتم عمل العكس بالضبط في التريند الهابط

طب لاحظ شموع التريند الصاعد بيكون شكلها عامل ازاي او حتي لو شغال علي البار شارت حتلاقي نفس الشيء الشموع بتكون بنسبة كبيرة ان لم تكن كلها لها هاي اعلي من الشمعة السابقة و لو اعلي من الشمعة السابقة


العكس في التريند الهابط هاي اقل من الشمعة السابقة و لو اقل من الشمعة السابقة

و هو ده اللي بيخلق الموجات السعرية اللي بنشاهدها علي الشارت

ركز معايا في الحتة اللي جاية

التجارة بتتم علي اكثر من تايم فريم و لكل تايم فريم متاجرين و كل تايم فريم له تريند و تصحيح و اهداف و ستوب و دعم و مقاومات و قمم و قيعان السؤال دلوقتي.....ايه علاقة التايم فريمات ببعض؟

عمرك دخلت صفقة علي الساعة و كنت تعرف حد بيشتغل علي الأربع ساعات و انت بايع و هو شاري و انت كسبت و هو كسب؟!!!! جت ازاي دي؟؟

الفكرة كلها في قصة الموجات اللي بنحكي عليها

وللحديث بقية

[infinity80]

ده رابط الكتاب اللي تم ذكره

[مصطفى شاهين]

بشمهندس انت هنا
وانا اقول بتسيب القاهره وتروح فين
عموما انا وراك وراك

[infinity80]

بشمهندس انت هنا
وانا اقول بتسيب القاهره وتروح فين
عموما انا وراك وراك

هههههههههههه
هو الواحد ميعرفش يستخبي منكم ولا ايه
درش انت تشرف في اي مكان
دانت حبيبي
والقاهرة انا علي اتفاقي معاك

[Mohamedasm]

ده رابط الكتاب اللي تم ذكره

الف شكر لك اخى على الاسلوب الجميل والرائع فى الشرح وتوضيح الامور والحقائق وترتيب الموضوع عموما

وشكرا مرة اخرى على الكتاب

تحياتى لك واستمر فى مجهودك فانت تقوم بعمل رائع

اخوك محمد

[infinity80]

الف شكر لك اخى على الاسلوب الجميل والرائع فى الشرح وتوضيح الامور والحقائق وترتيب الموضوع عموما

وشكرا مرة اخرى على الكتاب

تحياتى لك واستمر فى مجهودك فانت تقوم بعمل رائع

اخوك محمد

تكرم اخي علي مرورك و كلامك الجميل
و انا تحت الأمر في اي وقت
و اتمني تستفيد و يستفيد الجميع

[infinity80]

نستكمل الشرح

كنا قد توقفنا بالأمس علي علاقة الحركة السعرية بكل تايم فريم بالحركة السعرية بالفريم الأكبر أو الأصغر

حشرحها بصورة مبسطة و نستعين بمؤشر من المؤشرات للتوضيح

افتح مؤشر الستوكاستيك علي فريم الساعة و انظر إلي مستويات التشبع اللتي تقاس بتحديد مستوي 20 و مستوي 80 ووضع حركة المؤشر من المستويات

افتح أيضا مؤشر الستوكاستيك علي فريم الأربع ساعات و انظر لنفس المستويات ووضع حركة المؤشر منها تجد شيء غريب
لنفس العامل الزمني او اللحظة الوقتية قد تجد نفس الزوج متشبع شراء علي فريم الساعة و متشبع بيع علي فريم الأربع ساعات!!!

و ده اللي قصدته امبارح ان ممكن علي نفس الزوج اتنين متاجرين علي تايم فريمز مختلفة وواحد يشتري والتاني يبيع ولأتنين كسبانين واللي يفرق هي نقط الدخول و الأهداف و الستوب لكل تايم فريم

الفكرة ببساطة في حركة الموجات السعرية من خلال النظرية السهلة للقمم والقيعان سواء صاعدة أو هابطة و في نفس الوقت ملاحظة هاي الشموع و لو الشموع ده بصورة 95 % يساعدك علي تحديد اتجاه السوق

ايوة انظر للشارت حتجد نفسك و بكل بساطة من غير اي مؤشرات و من غير اي خطوط قادر علي تحديد الإتجاه و كأنك كنت ترتدي عدسات طبية و لكنها ضبابية لم تكن تري من اتساخها و بعد تنضيفها كأنك تري لأول مرة

لا أقول ان استخدام المؤشرات خاطيء او مضلل و لكن اقول انه ثانوي و ليس اساسي فالمؤشر مهما كانت معادلته فهو تابع للسعر و ليس متنبيء له.

يعني و بكل بساطة انا دلوقتي اقدر احدد اتجاه السوق كلآتي:

- سوق صاعد السعر بيعمل موجة تتكون من قمم صاعدة و قيعان صاعدة ولشموع الموجة نفسها تجد هايات أعلي و لوهات أعلي.
- سوق هابط السعر بيعمل موجة تتكون من قمم هابطة و قيعان هابطة و لشموع الموجة نفسها تجد هايات اقل و لوهات اقل.
- سوق متذبذب و ده اللي بيسبب مشكلة و اكتشافه بيكون بنفس الطريقة من خلال القمم والقيعان و من خلال هايات و لوهات لإنك وقتها ستجد السعر بيمشي بصورة عشوائية مرة هاي أعلي مرة لو أقل مرة قمة أعلي مرة قمة أقل و بصورة شبه متكررة تجد الحركة العرضية تنحصر في صورة مستطيل سعري او مثلث سعري سهل ترسمهم علي الشارت او تشوفهم لو وصلت خط بعينك بين هايات الشموع و لوهات من ناحية و بين قمم الموجة من ناحية و بين قيعان الموجة من ناحية اخري

يعني أنا بكل بساطة دلوقتي اقدر احدد اتجاه السعر و هو رايح علي فين و ماشي زي الكتاب ما بيقول مش حيقف قصادك بس غير حاجتين

-التصحيح
-انعكاس السعر

نعرف امتي السعر مش حيكمل الحركة ؟؟؟
ووقتها اعرف منين ان الإرتداد ده تصحيح مش انعكاس للحركة السعرية؟؟؟

وللحديث بقية

[مصطفى شاهين]

ممتاز ياباشا ..... متابعييييين

[شمعةليموزين]

متابعين معاك اخوي

[infinity80]

ميعادنا اليوم مع السهل الممتنع
مفتاح الشارت

كنا قد انتهينا بالأمس بسؤال هام جدا و هو كيف نفرق بين تصحيح و انعكاس

و في الحقيقة الإجابة دوما كانت امام ناظرنا و هي بكل بساطة

123
نتكلم بالشارت أحسن


راقب حركة السعر زي ما اتفقنا و شرحنا تجد انه طالع بقمم صاعدة و قيعان صاعدة و مع كل قمة بتكسر يتجه ليصنع قمة جديدة و ده اثناء التريند الصاعد و قاع جديد اثناء التريند الهابط

اللحظة اللتي ينتظرها المتاجر الحقيقي الماكر هي ليست لحظة الإنعكاس الأولي واللتي طالما كنا دوما نلهث وراء الإستراتيجيات والطرق والمؤشرات اللتي تكشف مثل هذه اللحظة من خلال شموع إنعكاس و كروسات موفنج افريدج و كروسات مؤشرات و غيرها

الخدعة الكبري هي أنه في حالة انعكاس السعر و في حالة التصحيح دوما ستجد تلك الطرق والإستراتيجيات تعطيك إشارة دخول لإنه في الحالتين السعر قلب اتجاه و لكن....

انت عرفت تدخل بس مش عارف تخرج منين تستني تلاحق السعر ولا تخطف و تجري واللي يجننك انك كتير قفلت الصفقة و لاقيت السعر جري و المرة اللي بعدها لما قلت تلاحق السعر لقيته يادوب نزل شوية و بعدين طار لفوق و مع انك كنت كسبان راحت المكاسب و قلبت كمان بخسارة

الضغط النفسي المتولد من الموضوع ده يا جماعة هائل و يجعلك دوما غير واثق من استراتيجية العمل و تشك بقدرتها و عملها و تتجه للتغير و البحث المستمر و انت اساسا مش عارف انت بتدور علي ايه

الإستراتيجية مفيش فيها اي مشكلة و تعطيك نقطة الدخول و لكن قلت الإستراتيجيات اللتي تعطيك نقطة خروج او تحديد أهداف بصورة دقيقة

بالعقل كده تعالي نحسب لو السعر انعكس يبقي مفيش مشكلة من تحقيق خسارة السعر كده كده ماشي معاك اللي ممكن يحصل فقط انك حتخرج بربح قليل لو لم تتوقع الحركة بصورة سليمة و نقطة الخروج بدقة

لكن تعالي بقي لو تصحيح....انت سمعت عن نسب فيبو و ان السعر من جملة حركته بيصحح لنسبة منهم و بعدين بيكمل
طب اي نسبة منهم ؟؟؟

هو ده المطب الكبير

و هي دي نظرية الإحتمالات اللتي لابد ان تصاحب المتاجر دوما
انا بتاجر مع التريند ام عكس التريند
طب لو عكس التريند تصحيح ولا انعكاس
طب لو تصحيح لحد كام و ايه ياكد الكلام ده
طب لو انعكاس ايه الدليل و اخرج منين

دور الكلمتين دول في راسك و بص علي كام شارت و لنا اليوم حديث اخر لنستكمل