إلي كل خسران و حاسس بالضياع.......تعالي

[infinity80]

قواعد التجارة طويلة المدي بلا خسائر

زي ما اتفقنا المقصود بمفيش خسائر هنا انك عمرك ما تخسر حسابك بالأشكال اللي اتعودنا عليها و اي خسارة حتكون مدروسة بشكل فني و متوقعة
حنلخص هنا كل اللي اتقال الفترة اللي فاتت من تجارب و خبرات و هفوات و غلطات

1-"لازم نشتغل بالستوب لوس"

2-" اختار استراتيجية تكون عارف ان نسبة نجاحها معقولة (75% فما فوق) , و تحقق باقي القواعد و تاجر بيها مهما كان و مهما سمعت "

3-"لابد من تثبيت عدد العقود و عدم تغييره ابدا تحت اي حال من الأحوال الا بما يتماشي مع ادارة راس المال"

4-"لا يمكن باي حال من الأحوال تعدي نسبة المخاطرة للعملية الواحدة اتباعا لحسابات ادارة راس المال"

5-"ليوم التداول الواحد حدد عدد صفقات معينة تقدر تفتحها و مهما كانت الإغراءات متفتحش زيادة عنها"

6-"لا تعمل علي اي زوج الا لو كنت جربت عليه الأستراتيجية لفترة طويلة مناسبة"

7-"الأستراتيجية اللي تختارها لازم تديك نسبة ربح لخسارة اكبر من او تساوي 1 بما يتماشي مع ادارة راس المال"

8-"قبل المتاجرة في كل مرة لازم تكون في ايدك ورقة فيها كل قواعد تجارتك تقراها و تراجعها"

9-"لا تقم بالتجارة اطلاقا اذا كنت فاقد التركيز او مشتت الذهن"

10-"ضع دائما جدول زمني لتحقيق أهدافك و اعرف دائما انك تملك الوقت ولا تملك المال"

11-"استخدام نظام التريلنج ستوب او الوقف المتحرك لضمان اكبر مكسب و اقل خسارة"

12"لابد من تكامل كل القواعد واستراتيجية التداول كجزء من السلوك العفوي بالتدريب علي ديمو فترة كافية "

13-"مهما كانت الظروف والإغراءات لا تكسر اي قاعدة من القواعد"

14-"لابد من اختيار استراتيجية تتلائم مع الجوانب النفسية والشخصية"

للتذكرة

[infinity80]

ادارة المخاطر المنوعة

من اكتر المواضيع الشائكة اللي بتخلي البعض يتخلي عن ادارات راس المال السليمة و بتمثل ضغط نفسي شديد عليه و خصوصا لو داخل السوق والفوريكس عشان يكفي احتياجاته او مطالبه الفورية انك مطالب دايما بالدخول بنسبة صغيرة من الحساب لمجموع الصفقات الكلية المفتوحة

ده ملوش غير معني واحد ان العائد اللي جاي من الصفقات دي بيكون قليل مقارنة بالمطلوب و مقارنة بالمبلغ اللي تم ايداعه

لو رجعنا للمبدا الأساسي اللي اتبني عليه الموضوع و هو العامل النفسي و قدرته علي تحويل الخسارة لمكسب و العكس حنقدر نقول ان سبب المشاكل كلها هو ان الواحد بيحط نفسه تحت ضغوطات كتيرة معاها قدرته علي اتخاذ القرار السليم بتبوظ و يلاقي نفسه بيعمل كل الحاجات الغلط واللي عارف انها غلط و مش قادر حتي يوقف نفسه

اقوي ضاغط زي ما قولنا الرغبة الشديدة في تحصيل مبالغ كبيرة في وقت قليل و لكن ده بيتعارض مع ادارات راس المال السليمة و عشان نقدر نوفق راسين في الحلال زي ما بيقولوا احنا ناخد حتة من هنا و حتة من هنا و نعمل الصح شغل استيك بتاع فنادق علي ابوه

الفكرة في الموضوع ان الشهر و الأسبوع و الأيام تتقسم الي 3 مستويات للمخاطرة بحيث ان كل ما مستوي المخاطرة يعلي كل ما عدد مرات التداول في المستوي ده يقل والعكس صحيح

نقول مثلا ان المستوي الأول و نسمية R1 و ده اقل مستويات الخطورة و فيه ندخل 1 % من الحساب للصفقة و ده يكون بصفة يومية و يمثل مستوي نمو الحساب

المستوي الثاني و نسمية R2 و ده متوسط الخطورة و فيه يكون الدخول 4% من الحساب للصفقة و ده يكون بصفة اسبوعية و يمثل مستوي تعويض الحساب

المستوي الثالث و نسمية R3 و ده اعلي خطورة و فيه يكون الدخول 8% من الحساب للصفقة و ده بيكون بصفة شهرية و يمثل مستوي دخل الحساب

التنوع ده باسلوب المخاطرة بيقفل علي نفسك سكة خرق طرق التجارة و مخالفة الخطط اللي انت حاططها بايدك و اللي دايما بتسال نفسك هو انا ليه مبعملش زي ما انا مخطط

الأرقام اللي في كل مستوي مش ثابتة ممكن تتعدل طبقا لمتطلبات كل استراتيجية بس في الأخر اعلي نسبة مخاطرة اللي في المستوي R3 لا تزيد باي حال من الأحوال عن 10 %

[AhmadMorad]

موضوع مفيد .شكرا استاذ انفينيتي

[infinity80]

موضوع مفيد .شكرا استاذ انفينيتي

العفو يا باشا و اتمني يكون نفعك

[infinity80]

إدارة المخاطر المنوعة 2

لتطبيق استراتيجيات ادارة راس المال المنوعة المذكورة في المشاركة السابقة ده بيفرض علي المتاجر يكون ليه اكتر من طريقة للعمل و بالتالي التعرف علي انواع المتاجرة المختلفة في السوق

تجارة سريعة قصيرة المدي: و دي بيكون فيها الدخول لأوقات قصيرة في السوق بهدف قليل من النقاط 10-20 فيما يعرف باسم السكالبينج و عليه ده بيكون مناسب لمستوي R3 و يكون عدد مرات تنفيذه شهريا و ليكن مرتين كل 15 يوم صفقة واحدة فقط

تجارة متوسطة المدي :و دي بيكون الدخول فيها لأهداف اعلي و تستمر الصفقة اوقات اطول قد تستمر ايام علي حسب الوصول للهدف او ضرب الستوب و دي مناسبة لمستوي R2 و يكون عدد مرات تنفيذها شهريا 4 صفقات و ليكن بواقع صفقة لكل اسبوع

تجارة يومية :و دي بتكون بصفة يومية فيما يعرف باإنتراداي و دي مناسبة لمستوي R1 و عدد مرات التنفيذ بصفة يومية بواقع صفقتين علي الأكثر يوميا واحدة خلال السوق الأوروبي وواحدة علي الأمريكي

لكل مستوي من المستويات بيتم اختيار الأستراتيجية المناسبة و ده معناه تنويع في طريقة الشغل بعدد 3 استراتيجيات تحتاج من المتاجر فترة محترمة من التعود والإتقان منعا لأي نوع من التداخل او الإضطراب واللخبطة و بتقضي تماما علي الضغوط النفسية الناتجة عن ظروف التجارة من طمع و خوف لأن التنويع ده بيخلق احساس بقدرة المتاجر علي التعامل في السوق بحرية نتيجة مرونة الإدارة المالية و ملائمتها لكافة احتياجاته المالية في الوقت نفسه الفواصل الزمنية بالشكل المطروح بتريح النفسية و عم سيجموند فرويد بيقول ان ده بيخلي العقل الباطن يشتغل معاك مش ضدك...

[basuoni]

باشا طول عمرك
......
فكره جامده
..........

[infinity80]

باشا طول عمرك
......
فكره جامده
..........

ربنا يخليك يا كبيرنا