إلي كل خسران و حاسس بالضياع.......تعالي

[infinity80]

تم تحقيق 30 نقطة و علي شمعة 11:30 تحقق شرط الخروج و زي ما اتفقنا عملنا هيدج و بالتالي يكون معانا 30*3=90 نقطة للثلاث عقود مقابل -94 نقطة و نضيف عليهم -9سبريد الهيدج الجديد يعني علينا -13نقاط و معانا 3 صفقات متهدجين و في انتظار اشارة دخول جديدة

[infinity80]

يتم فك الهيدج بعد تحقق شروط الدخول علي شمعة 2:00 والدخول من شمعة 2:15 بدون اضافة صفقات جديدة و بالتالي يكون عدد العقود 3 من سعر 1.3760

[infinity80]

[infinity80]

[infinity80]

اليورو مشي عكس 40 نقطة و عملنا هيدج علي 3 عقود و بالتالي تكون خسارة الصفقة -140 نقطة و ده باضافة نقاط الهيدج

[infinity80]

الأهداف

كل ما له بداية و نهاية يجعل الإنسان يشعر بالراحة و يجعل خطواته محددة و محسوبة اما عندما يكون الهدف غير محدد والطريق غير واضح المعالم ده بيخلي الواحد مش عارف رايح فين و جاي منين و عاوز ايه و بالتالي بيبدا يرتجل و يكون مجهوده غير منتظم و غير موزع بصورة صحيحة مع بحر الزمن

معادلة النجاح لأي مجال مهما كان هو تكرار المجهود والخطة المرسومة بخطواتها مع الوقت بحيث تصل لمرحلة العادة اللاشعورية

طيب حنقول ان احنا دلوقتي عاوزين نحط اهداف مقبولة وواقعية نقدر بيها نحقق مكسب مرضي واقعي تقدر لما تحققه تكتفي و تكون راضي و بالتالي مترجعش للسوق تاني و نخلص من عادة ادمان السوق

كلنا عارفين ادمان السوق....الرغبة الدايمة اللي تحسها بتجري في دمك و تخليك عاوز تفتح صفقة و تبقي قاعد مستني المكسب والخسارة بغض النظر في فرصة ولا لاء ...و اذا كان وقتك يسمح ولا لاء....و اذا كانت مهيا عصبيا و نفسيا ولا لاء....عاوز تدخل و خلاص.

حنقول الهدف اليومي 25 نقطة....يعني اسبوعيا 125 نقطة....يعني شهريا 500 نقطة و دول بيمثلوا 25 % من الحساب يعني حساب يتدبل في خلال 4 شهور

انا عارف ان في استراتيجيات كتير بتوعد باكتر من كده ...و حتي الأستراتيجية اللي بنشرحها حتجيب ان شاء الله اكتر من كده و لكن....مسالة تحديد الأهداف دي هي عامل نفسي و ممكن نسميها فرامل التجارة

لما تيجي في يوم و تلاقي نفسك عامل مكسب 40 نقطة مثلا و تلاقي الحاح قوي انك عاوز تدخل تاني و تشتغل تاني يبقي بينك و بين نفسك افتكر ان انت حققت هدفك و ان دخولك تاني ده بالرغم من عدم وجود فرص او انك تعبان او انك مش فاضي او اسباب كتير اوي انت ادري بيها مني بتخليك تدخل السوق و بعدين تبقي مش قادر تتابع بكفاءة او تركز صح

جبت هدفك سيب السوق و روح شوف حياتك و استمتع بوقتك مادام مفيش فرص او السوق واقف او السوق خطر او انك تعبان او مش فاضي سيب السوق لحد ما تبقي الظروف مواتية انك تشتغل صح و انت كده كده في المنطقة الخضراء

[احمد الداوود]

قمنا بالأمس بطرح واحدة من الغلطات الشهيرة اللي بنقوم بيها أثناء التداول و نتيجتها بتكون قاتلة

الكلام مش جديد

الكلام كل الناس عارفاه و حفظاه

اول قاعدة للشغل تحطها و تبروزها قدامك هي

"لازم تشتغل باستوب لوس"

الملاحظ ان الكل اجمع علي انهم بيقوموا بنفس الغلطة و هو ده كان قصدي بالضبط

ان الكل يشوف ان كل اللي داخل و بيخسر بيعمل نفس الغلطة

ده اول تطبيق لمبدا الجماعة اللي اتكلمنا عليه......انت مش لوحدك بتعمل كده ....كلنا بنغلطها

والنسبة القليلة اللي بتكسب من السوق بتكسب من الغلطة دي

لما كنت بتخسر و عايش لوحدك ....كنت حاسس ان في حاجة غلط بس مش عارف ايه هي او فاكر ان مش هي دي السبب في خسارتك

لاء .....من النتيجة اللي فاتت بانت اهي.....هي دي سبب خسارتك او عشان يبقي الكلام دقيق واحدة من اسباب خسارتك

مستني ايه بقي!!!.....عاوز فلوس ولا لاء.....عاوز فلوس يبقي عاوز تكسب ....تكسب يعني متخسرش ....متخسرش يعني ستوب لوس

احنا برده بننوه ان دي المرحلة الأولي يا جماعة احنا لسه بنطلع القواعد اللي حنشتغل بيها....ازاي نبقي قادرين فعلا اننا نطبق القواعد دي ....موضوع تاني تماما....يدخل فيه العامل النفسي مصيبتنا السودة و قدرنا اللي ولا نعرف عنه حاجة

القاعدة الأولي:"لازم نشتغل بالستوب لوس"

قاعدتك الاولى ممتازة بس انا ما اقدر انفذها ولا الكثيرين على سوق الفوركس
لاننا اكثرنا جدد ولا نملك الخبرة والدراسة الكاملة للمؤشرات

لاكني اعمل على زوج واحد بعقد واحد بدون اسوب لوست
واذا خالفني اعدل بعد 100 او 150 نقطة
والوضع جيد

لاكن اختار زوجي بعناية على حسب التحليل الاساسي + الفني

بالتوفيق للجميع

[msnkk]

كلام جميل بس أنت عارف النفس أمارة بالسوء اللا من رحم ربي ولذلك الله غفورا رحيم

[infinity80]

كلام جميل بس أنت عارف النفس أمارة بالسوء اللا من رحم ربي ولذلك الله غفورا رحيم

كلامك مضبوط جدا و لكن سر جهاد النفس هي التعود بتكرار المجهود مع الوقت....و سر الإيمان هو تكرار العبادة....بس دايما بيكون سر المعادلة انك تعرف ايه اللي محتاج تغيره....و تغيره ازاي....و تحط خطة و قواعد التغيير ...و تبدا التنفيذ بحيث يكون تركيزك كله علي الخطوات بغض النظر عن النتيجة

النتيجة بتكون دايما في النهاية جزء ضمني من الخطوات و لكن عمر ما كانت الخطوات جزء من النتيجة

المفهوم غريب شوية بس برضه نرجع و نقول نفسيا لو كان تركيزك كله منصب علي خطوات العملية بس و مش باصص علي انها انتهت مكسب او خسارة في النهاية النتيجة حتتعدل حتتعدل و ميزانها حييجي في صفك

لكن لو كان تركيزك منصب علي النتيجة بمعني انك بتبص الخطوات اللي عملتها ادت لمكسب او خسارة حيخليك تعمل الآتي:

1- دايما في حلقة مفرغة لا تنتهي من البحث اللانهائي عن خطوات اخري و استراتيجية تانية و تبقي مش فاهم هي ازاي الناس بتكسب بيها و انت لاء

2- لأن تركيزك بقي منصب علي هدف مش خطوات نتيجة طبيعية جدا انك لما تلاقي الخطوات مش بتوصل للهدف حتتجاهلها و تلاقي متاجرتك بقت عشوائية و تلاقي السؤال الأزلي اللي عمرك ما لاقيتله اجابه "انا مش عارف عملت كده ازاي"

تكرار المجهود مع الوقت هو اللي بتعمله لما كنت بتذاكر عشان الإمتحان...هو اللي بتعمله و انت بتصلي عشان اخرتك....هو اللي بيعمله الرياضي عشان المباراة...هو اللي بيعمله المريض مع العلاج....هو اللي محتاجين نعمله بالتدريب و المثابرة عشان تبقي نفسك الأمارة بالسوء طوعك و تحت سيطرتك
و تتحول و تبقي النفس المطمئنة ربنا يكرمنا بيها جميعا يا رب

[infinity80]

قاعدتك الاولى ممتازة بس انا ما اقدر انفذها ولا الكثيرين على سوق الفوركس
لاننا اكثرنا جدد ولا نملك الخبرة والدراسة الكاملة للمؤشرات

لاكني اعمل على زوج واحد بعقد واحد بدون اسوب لوست
واذا خالفني اعدل بعد 100 او 150 نقطة
والوضع جيد

لاكن اختار زوجي بعناية على حسب التحليل الاساسي + الفني

بالتوفيق للجميع

ماهو اللي بتعمله ده في حد ذاته ستوب لوس....الفكرة ببساطة انك تبقي عندك حاجة في عقلك لمبة حمرة تنور تقولك " العملية كده مش ماشية معانا صح اخلع منها يا برنس قبل ما الحساب يتمرجن"
و تكون اللمبة الحمرة دي بتنور بصورة تتماشي مع ادارة راس المال بحيث ان متجيش مثلا تنور مرة واحدة بس و حسابك يطير....عاوزينها تنور مثلا 20 مرة و مادام نتيجة اللي بتعمله كويس و مستمر مع الوقت بصورة بنائية يبقي انت ماشي صح....و صدقني اي حاجة بتعملها غلط حتبان حتبان و كشف الحساب مبيكدبش

[nourelshref]

بارك اللة فيك ولاهى انا متابع الموضوع ومزهقتش منة خالص اسلوب ممتاز معلومات قيمة اللة يجازيك خير على هذا المجهود الرائع ويفرجها عليك وعلينا جميعا اميـــــــــــــــــــن

[infinity80]

بارك اللة فيك ولاهى انا متابع الموضوع ومزهقتش منة خالص اسلوب ممتاز معلومات قيمة اللة يجازيك خير على هذا المجهود الرائع ويفرجها عليك وعلينا جميعا اميـــــــــــــــــــن

اللهم امين وتسلم ايدك علي كلامك وعلي الدعاء

[infinity80]

عملية هيدج اليورو من نقطة 1.3800 اتحركت حوالي 140 نقطة في اتجاه البيع و بالتالي خطواتنا الجاية حتكون انتظار تحقق الشروط في اتجاه الشراء و غلق صفقات البيع مع التعزيز بالصفقة الرابعة

[infinity80]

تم فك الهيدج من شمعة 1:15 و دخول اليورو للشراء بصفقة جديدة للتعزيز ويصبح مجموع الصفقات المفتوحة 4 من سعر 1.3660

[mr pirate]

و الصفقة دي هتنتهي امتى بإذن الرحمن ؟؟