إلي كل خسران و حاسس بالضياع.......تعالي

[kmalex14]

احب اشكر حضرتك على الموضوع الرائع بس عندي استفسار في شروط الإستراتيجية لو بس تشرحالهي بساطة لأني مبتدا وبدور على استراتجية كويسة وبسيطة وشروطها واضحة .
هوا كروس الماكد مش المفروض مع خط الصفر و بعدين الcci يكون تحت ال50 ولا تحت ال 100 بجد انا مش فاهم وبجد شكرا مرة تانية على الموضوع الرائع دا وبجد بارك الله فيك .

[infinity80]

بس يا باشا...كروس الماكد اللي نقصده هو تقاطع الماكد ابو خطين و لإن انا متعود علي شغل الماكد العادي حنطلع الكروس ده بطريقة سهلة هي كالآتي:

مؤشر الماكد عبارة عن خط السيجنال وهو في الشارت ولونه احمر والهيستوجرام و ده البارات باللون الأبيض...اقفال البار علي الجانب الأخر من الخط الأحمر هو الكروس المقصود و شمعته هي شمعة الكروس والبار علي الماكد هو بار الكروس.....و الشمعة اللي تليه هي شمعة الدخول والبار علي الماكد هو بار الدخول كما هو موضح بالشكل

الطريقة اللي بتقول عليها مضبوطة و صحيحة و تعتبر وسيلة من وسائل استخدام الماكد و هي كروس خط الماكد مع الزيرو لاين لكن ده مش استخدامنا


الشق التاني من سؤالك كان هو السي سي أي....احنا قلنا الشرط بتاعنا هو 0 و ليس 100 و لو كان في الشكل عندك او في احد الشارتات كان تحت 100 فده عشان وجود السي سي أي عند 100 بيحقق كده كده انه يكون تحت 0

و جاري ارفاق بعض الشارتات للتوضيح

وانا عاوز الجميع ياخد راحته في الأسئلة احنا اساسا عاملين كل ده عشان الناس تسال و تعرف و تستفيد

[infinity80]

[infinity80]

[infinity80]

في غلطة من عندي حالا حتتصحح شرط السي سي أي انه يكون خط الصفر او ما يطلق عليه خط المنتصف و ليس 50

[infinity80]

تعمل الإستراتيجية مبدأيا علي أزواج الكيبل واليورو لفريم الربع ساعة

الدخول لونج:
1-كروس علي الماكد بإعداداته الأساسية لأعلي
2-مؤشر سي سي أي أكبر من 0

الدخول شورت:
1-كروس علي الماكد بإعداداته الأساسية لأسفل
2- مؤشر سي سي أي أقل من 0

[infinity80]

[infinity80]

[kmalex14]

دا ازاي كروس شراء وهوا قاطع لتحت لسة والله حاسس اني مش فاهم

[infinity80]

دا ازاي كروس شراء وهوا قاطع لتحت لسة والله حاسس اني مش فاهم

بص علي البار اللي رقمه 1 و شوف وضعه بالنسبة للخط الأحمر...حتلاقي البار قافل فوقه.....واللي قبل رقم 1 كانت تحت الخط الحمر....هو ده كروس الشراء
الشارت اللي بعده في مثال لشارت بيع....بار رقم 1 تحت الخط الأحمر والبار اللي قبل رقم 1 فوق الخط الأحمر....هو ده كروس البيع

[نوال]

ما شاء الله

[infinity80]

ما شاء الله

اهلا بيكي اختي و يارب تكوني استفدتي

[infinity80]

معدل التعويض

من اهم العوامل النفسية اللي بتهد المتاجر و بتنحر فيه و هو شغال لما بيخسر و يشوف خسارته بعينه متحققة و حسابه نقص و يبقي عارف بينه و بين نفسه ان العملية الجاية مش يادوب عشان توصله لنقطة هو كان واقف عندها قبل كده و بيشوف ده انه ضياع للوقت في مشواره اللي راسمه و تاخير عن الوصول لهدفه

و ده بيغريه انه المرة الجاية يخالف ادارة راس المال عشان يقدر يعوض خسايره و بيعمل ده بصورة غير مدروسة بالمرة و من غير خطة خروج عشان اساسا هو جاي يعوض خسارة قديمة و عليه لما يشوف في خسارة جديدة بتحصل و معدلها اكبر كمان نتيجة لأنه كبر العقود حتلاقيه عند مع نفسه و مع السوق و راسه و الف سيف ماهو قافلها و يا تجيب الربح يا الحساب يروح

ده اللي بيحصل فعلا....لا تستهين ابدا بقوة العامل النفسي....بيلغي اي نوع من انواع التفكير العقلاني و بيرجع الأنسان لأول مرحلة في مراحل تطوره السلوكي و بيسموها في علم النفس "Fight or Flight mode"
يعني يا تحارب يا تهرب

و طبعا في الحالتين القرارات بتكون مشوشة و غير منطقية بالمرة لكن اقلهم ضررا هو حل الهروب و ده اللي حنتبعه و نشوف مع بعض حيوصلنا فين

حيتم حل العامل النفسي الخاص بالخسارة بالتحايل عليه عن طريق الهيدج زي ما حصل امبارح في عملية شورت اليورو واللي كنا قافلنها علي خسارة -5 نقط بعد ما كانت عاملة ربح 70 نقطة

احنا حنفترض الأسوأ و نتعامل عليه يعني ايه اللي يطحن نفسيتك اوي اكتر من ان كانت العملية عاملة مكسب 70 و نقول انها خسرت -40 اللي حددناهم مسبقا

يبقي اول خطوة بنعملها اننا بنهرب من السوق عن طريق الهيدج....العملية لسه شغالة بس موقفنها شوية والخسارة اللي علي الحساب هي افتراضية يعني لسه مبقتش حقيقية و ده حيبانلك في ارقام حسابك

اصل الحساب زي ما هو لكن المبلغ الحالي هو اللي ناقص بقيمة الخسارة

تاني خطوة غصب عنك انت دلوقتي مستني فرصة جديدة هي بس اللي تقدر تفتح الهيدج يعني مستني الشروط تتحقق تاني وده برده حيخليك بعيد عن السوق و ده المطلوب بالضبط و معاها نفسيتك تهديء تدريجيا و تستعيد رشدك و قدرتك علي التفكير المنظم

تالت خطوة الفرصة الجديدة اللي فتحت الهيدج دي في حد ذاتها فرصة جديدة تستحق الدخول و عشان كده حنفتح عقد جديد غير القديم بتاع الهيدج اللي كان خسران

يعني بكل بساطة احني ماشيين كالآتي ( خسارة - هيدج - فرصة -فك الهيدج - تعزيز

و حنتابع عملية امبارح و نشوف حنتعامل معاها ازاي

[mr pirate]

تسجيل متابعة

[Mo3Ty]

انت بجد موسوعة
وطريقتك فى الشرح اكثر من ممتازة
متابع معاك
تقبل تحياتي
اخوك
+معطي+