الزوايا السعرية والهارمونيك - اقوى دمج بين الطريقتين حصري على المتداول العربي

[mohammedgaber]

فكرة رائعة و أسلوب جديد من شخص مجتهد جداا و رائع و ملتزم جداا فى جميع مواضيعة

أعتقد الموضوع سيحتاج عدد من الفيديوهات لتسهيل الفكرة على الجميع

تقبل تحياتى و دعواتى بالتوفيق

نريد كورس فيديو
ل تعلم الزوايا السعريه
حتى نستطيع المشاركة معكم في هذه الورشة

شكرا ليك استاذ محمود على الإطراء هو بعض مما عندكم والله

بخصوص الفيديو اخي محمود واخي سلطان ان شاء الله هو في الحسبان وفيه بعض الاجزاء هتحتاج فيديو بالفعل وهيتم تسجيلها في وقتها ان شاء الله

حاليا البداية هتكون كتابية لان الاجزاء الأولية ان شاء الله هيتم شرحها بشكل مبسط كتابيا وهتكون واضحة وغير متعبة

تحياتي ليكم وان شاء الله تكون الورشة عند حسن ظن الجميع

[mohammedgaber]

الله عليك، فكرة ممتازة.
ورشة موفقة و مفيدة، باذن الله، و أنا سأتابع بالتأكيد.

انت تحديدا اخي ضاهر احتاجك في الورشة عضو فعال ومشارك رئيسي في نجاح الورشة لما لديك من خبرات في الزوايا السعرية واحد الاعضاء الناجحين في ورشة الزوايا السعرية

واكيد هيكون ليك دور فعال واي حد عنده خبرات في الشقين ( الزوايا او الهارمونيك ) هيكون مرحب بمشاركاته الفعالة جدا والمهم عندنا هو تكوين محتوى يفيد المتابعين ان شاء الله

[mohammedgaber]

بسم الله الرحمن الرحيم

شرح تمهيدي كدا مبسط ومختصر لما هو قادم في الورشة ان شاء الله

....................................

في البداية عايز أوضح ايه هي الأدوات المستخدمة معانا دايما واللي لازم تكون على علم بيها

هي مجرد ادوات بسيطة موجودة على منصة الميتاتريدر4

1- الفيبوناتشي .. ولازم تضيف عليه النسب التالية



2- أحد ادوات رسم الأشكال ( المثلث )
المسار على الميتاتريدر : Insert > Shapes > Triangle

3- خطوط الترند

4- مؤشر ابو حمزة - تم الإضافة في المرفقات

......................................

لا وجود لأي ادوات اخرى غير اللي تم ذكرهم - لو تم استخدام اي اداة اخرى تكون ثانوية لا يتم تكرار استخدامها كثيرا والاهم حاليا انك تكون عارف الادوات دي كويس

اما بخصوص مؤشر ابو حمزة مافيش ناس كتير بتعرف تشتغل عليه لكن احنا لما هنستخدمه ان شاء الله هيتم شرح العناصر المستخدمة في كل مرة نستخدمه فيها بشكل مبسط وواضح عشان ما يحصلش اي تعقيد لاي حد ان شاء الله

......................................

هيتم تقسيم الدروس التعليمية في الورشة لـ 4 أقسام

1- الأشكال الهندسية المكتملة للزوايا السعرية
مدمجة مع
نماذج الهارمونيك التقليدية

2- الأشكال الهندسية الغير مكتملة للزوايا السعرية
مدمجة مع
نماذج الهارمونيك التقليدية

3- الأشكال الهندسية المكتملة والغير مكتملة للزوايا السعرية
مدمجة مع
نماذج الهارمونيك المتقدمة

4- عنصر الزمن وكيفية اختيار الزمن الصحيح لحالات تطابق الأشكال الهندسية مع نماذج الهارمونيك

................................

طبعا هيتم بعد نهاية الشرح تصنيف الحالات واللي هنعرف بعدها ان شاء الله مين الأكثر شيوعا والأكثر حظا في التكوين على الشارت بشكل عام وايه هي الأوقات اللي نقدر فيها نستبعد اشكال معينة بكل سهولة وتجاهلها تماما

كل دة ان شاء الله هنتعرف عليه بالتدريج ومافيش تعقيدات هتحصل بأمر الله

انتهى التمهيد

نسأل الله التوفيق للجميع

[moh00086]

موضوع رائع وانا من مستخدمي هذه الطريقة بالتحليل بدمج الزوايا مع التوافقي

[فركسه]

سجل حضور

[mohammedgaber]

موضوع رائع وانا من مستخدمي هذه الطريقة بالتحليل بدمج الزوايا مع التوافقي

سجل حضور

مرحبا بكم يا اخوان وان شاء الله تستفيدوا من الورشة

[Ahmedhassouna]

رائع

[moh00086]

ورشة موفقة وانا من مستخدمي الطريقتين

[mohammedgaber]

رائع

ورشة موفقة وانا من مستخدمي الطريقتين

ان شاء الله بتستفيدوا من الورشة ومرحبا بكم معنا

[mohammedgaber]

بسم الله الرحمن الرحيم

نبتدي على بركة الله الشرح الخاص بكل قسم من الأقسام الـ 4 اللي اتكلمنا عنهم في الشرح التمهيدي

............................

أولا : الأشكال الهندسية المكتملة للزوايا السعرية
ودمجها مع
نماذج الهارمونيك التقليدية

- في البداية كدا انا شرحي هيكون مبسط ومختصر لسببين : الأول وجود مراجع للطريقتين سواء الزوايا السعرية او الهارمونيك

من خلال الورشتين دول

الزوايا السعرية والفواصل الزمنية

التداول التوافقي ( الهارمونيك ) - تحليلات وفرص يومية


بس دة مش معناه طبعا ان كل ما اجي اشرح حاجة هقول نرجع للورش دي لكن في الشرح هنتطرق لاهم النقاط المهمة واللي هنقدر بيها نوصل المعلومة ان شاء الله لجميع المتابعين

................................

نبتدي بشكل مباشر في الحديث عن الأشكال الهندسية المكتملة اللي هي موضوعنا في القسم الأول من الشرح

ايه المقصود بالأشكال الهندسية المكتملة ؟

خلينا نعرف الاول ان طريقة الزوايا السعرية بتعتمد على نظام الدورات لحركة السعر وإن ( الدورة السعرية الواحدة ) بتبتدي من الزاوية 0 الى الزاوية 360
ومعنى كلمة شكل هندسي مكتمل - يعني الشكل بدأ من الزاوية 0 ووصل للزاوية 360 بنجاح ولم يفشل وينتهي عند احد الزوايا التي تسبق الزاوية 360

تنقسم الأشكال الهندسية المكتملة لـ 5 أشكال :

1- الخط المستقيم
2- الشكل الثلاثي
3- الشكل الرباعي
4-الشكل الخماسي
5- الشكل الدائري

الجزء الأول من الأشكال المكتملة هيكون هو المحتوى الأول لينا الخط المستقيم - لكن مش لوحده وهيكون معاه احد الاشكال المشابهة للخط المستقيم في الحركة وهو نموذج AB=CD

...........................

1- الخط المستقيم مدمج مع نموذج AB=CD

بداية كدا دة شكل الخط المستقيم ( الهابط ) في طريقة الزوايا السعرية



ودة الشكل الصاعد



زي ما هو واضح في الصور كدا - الخط المستقيم هو اللي بيبتدي من الزاوية صفر وبيوصل للزاوية 180 بشكل مباشر بدون انعكاس من اي زاوية تسبق الزاوية 180 ، ويصحح السعر من عندها بنسبة من 30 % الى 75 % من الحركة اللي عملها من الزاوية 0 للزاوية 180

الشكل دة من اسهل الاشكال الهندسية للزوايا السعرية واكثرها وضوحا وعشان كدا دمجته مع شبيه ليه في نماذج الهارمونيك وهو
نموذج AB=CD

- نموذج AB=CD هو اكثر النماذج التوافقية انتشارا على الشارت والأسهل في التعامل والاقتناص وكيفية الرسم

الشكل الهابط



الشكل الصاعد



طبعا احنا لينا طريقتين اولهم اعتماد النسب التالية في التصحيحات الخاصة بالنموذج

الأولى اعتماد النسب التالية في استخراج النقاط C و D



- الثانية استخدام أداة Fibonacci Expansion الموجودة على الميتاتريدر في كيفية اكتشاف نموذج AB=CD
ودي انا شرحتها في موضوع مستقل على الرابط دا
أسهل طريقة لرسم نموذج AB=CD بكل بساطة

- لكن مع ملحوظة صغيرة في استخدام الاداة دي وهي انك اول حاجة بتعملها بتقيس بالفيبوناتشي العادي تصحيح النقطة C من الضلع AB لو لقيته ما وصلش للـ 38 يبقى مش محتاج تستعمل الاداة لانها هتطلعلك نموذج صحيح شكلا لكن مش صحيح بناء على النسب - لان اول نسبة تصحيح بنعتمدها على نموذج AB=CD هي 38 على الأقل


- اساس الدمج بين الشكلين دول بالتحديد - الخط المستقيم ونموذج AB=CD قائم على تشابه الحركة بين الاتنين واعتمادهم على الحركة المستقيمة اللي دايما هتلاقيها شبه حرف N سواء معدول او مقلوب بس طبعا الدمج دة مش هيكون مجرد دمج عادي كدا بدون قواعد نحتكم ليها واللي هتبان معانا ان شاء الله في التطبيق وهنتكلم عنها بالتفصيل

............................

دة مثال عملي لحالة دمج بين الشكلين



صعود السعر من الزاوية 0 الى الزاوية 180 ثم تصحيح تجاوز الـ 30 في المية
بالتالي بعد تكوين الشكل المفروض انه رايح للزاوية 360 خاصة بعد احترام الزاوية 270 الواقعة بين الزوايا 180 و 360 زي ما احنا شايفين ارتداد منها وبعد كدا صعود مباشر للزاوية 360

الارتداد اللي حصل من الزاوية 270 دة هو اللي أكدلنا إمكانية نجاح التصور الخاص بتكوين نموذج AB=CD وأيضا استمرار الشكل الهندسي في طريقه السليم

هشرح ازاي احنا قدرنا نستنتج الشكل خطوة خطوة :

- التصحيح اللي حصل للسعر من الزاوية 180 دة خلانا نتنبأ بأول نقطة معانا وهي النقطة A لكن مش عارفين السعر رايح فين لحد دلوقتي
- الزاوية 270 اللي ردت السعر بتقولنا يا جماعة انا كدا عملت النقطة B دوروا بقى على النقطة C رايحة فين
- اول ما هنستخدم الفيبوناتشي من النقطة A للنقطة B هنلاقي ان السعر بيديلنا إشارة مباشرة ان فيه إمكانية فتح صفقة شراء من النقطة C تستهدف مباشرة الزاوية 360 للشكل المستقيم واللي هي هتكون النقطة D لنموذج ABCD
- بوصول صفقة الشراء للهدف بنجاح هنا نوصل لأصل العملية وهو البيع لان الشراء دة عملية استباقية قبل تكوين النماذج واكتمالها
هنفتح صفقة بيع من الزاوية 360 اللي هي نفسها النقطة D لنموذج الهارمونيك ونستهدف معاها الزاوية 270 هدف اول ثم الزاوية 180 هدف أخير



.......................

الأهداف احنا اتكلمنا عليها في المثال

الاستوب لوز :
- استوب الشراء هو اغلاق اسفل الزاوية السابقة بمعنى لو دخلنا من الزاوية 180 يبقى الاستوب اغلاق اسفل الزاوية 90 وهكذا
- استوب البيع هو اغلاق اعلى الزاوية التالية بمعنى لو دخلنا من الزاوية 360 يبقى الاستوب اغلاق اعلى الزاوية 450 وهكذا

.......................

ملاحظات بسيطة كدا على الشرح بعد ما انتهينا منه :

- مش معنى اننا استخدمنا نموذج AB=CD يبقى كدا اختصرنا النموذج دا فقط للدمج بينه وبين الشكل المستقيم
بس احنا استخدمنا اقرب النماذج تشابها مع الشكل دا وممكن جدا في التطبيقات العملية نلاقي وجود نماذج هارمونيك أخرى متطابقة مع الشكل المستقيم لكن بنسبة تتجاوز ال70 ف المية يحتكر نموذج AB=CD احتمالية التواجد على الشكل الهندسي المستقيم للزوايا السعرية

- اختيار القاع الموضح على الشارت لبداية رسم نموذج AB=CD يعتمد في الأصل على عنصر الزمن لان لو اخترنا قاع البداية هنلاقي ان الزمن اختل عنده والنقطة D هتطلع عند نقطة لا متزامنة سعريا ولا زمنيا مع الزوايا السعرية او الزمنية
واحنا في الأساس بنتبنى فقط الحالات المتطابقة فقط لا غير بمعنى انه مش هندخل في الحالات اللي فيه تعارض فيها ما بين الطريقتين

- اختيار القاع اللي رسمنا عليه نموذج AB=CD مهم جدا انه يكون قاع صحيح وسليم - بمعنى اما انه يكون بداية ترند او جاي بعد تصحيح لا يقل عن 38 ف المية من الموجة اللي حصل عليها تصحيح

..................................

كدا نكون انتهينا من اول حالة معانا من حالات الأشكال الهندسية وعرفنا ازاي بندمجها مع نموذج الهارمونيك بشكل مبسط

في انتظار أي استفسار بخصوص الجزئية دي واي حاجة مش واضحة
وان شاء الله مستمرون في الشرح

[daherxdaher]

انت تحديدا اخي ضاهر احتاجك في الورشة عضو فعال ومشارك رئيسي في نجاح الورشة لما لديك من خبرات في الزوايا السعرية واحد الاعضاء الناجحين في ورشة الزوايا السعرية

واكيد هيكون ليك دور فعال واي حد عنده خبرات في الشقين ( الزوايا او الهارمونيك ) هيكون مرحب بمشاركاته الفعالة جدا والمهم عندنا هو تكوين محتوى يفيد المتابعين ان شاء الله

هذا من لطفك، أخي محمد. يسعدني و يشرفني التعاون معك، و باذن الله تتحقق الفائدة لكل المشاركين و المتابعين.

[daherxdaher]

بسم الله الرحمن الرحيم

شرح تمهيدي كدا مبسط ومختصر لما هو قادم في الورشة ان شاء الله

....................................

في البداية عايز أوضح ايه هي الأدوات المستخدمة معانا دايما واللي لازم تكون على علم بيها

هي مجرد ادوات بسيطة موجودة على منصة الميتاتريدر4

1- الفيبوناتشي .. ولازم تضيف عليه النسب التالية



2- أحد ادوات رسم الأشكال ( المثلث )
المسار على الميتاتريدر : Insert > Shapes > Triangle

3- خطوط الترند

4- مؤشر ابو حمزة - تم الإضافة في المرفقات

......................................

لا وجود لأي ادوات اخرى غير اللي تم ذكرهم - لو تم استخدام اي اداة اخرى تكون ثانوية لا يتم تكرار استخدامها كثيرا والاهم حاليا انك تكون عارف الادوات دي كويس

اما بخصوص مؤشر ابو حمزة مافيش ناس كتير بتعرف تشتغل عليه لكن احنا لما هنستخدمه ان شاء الله هيتم شرح العناصر المستخدمة في كل مرة نستخدمه فيها بشكل مبسط وواضح عشان ما يحصلش اي تعقيد لاي حد ان شاء الله

......................................

هيتم تقسيم الدروس التعليمية في الورشة لـ 4 أقسام

1- الأشكال الهندسية المكتملة للزوايا السعرية
مدمجة مع
نماذج الهارمونيك التقليدية

2- الأشكال الهندسية الغير مكتملة للزوايا السعرية
مدمجة مع
نماذج الهارمونيك التقليدية

3- الأشكال الهندسية المكتملة والغير مكتملة للزوايا السعرية
مدمجة مع
نماذج الهارمونيك المتقدمة

4- عنصر الزمن وكيفية اختيار الزمن الصحيح لحالات تطابق الأشكال الهندسية مع نماذج الهارمونيك

................................

طبعا هيتم بعد نهاية الشرح تصنيف الحالات واللي هنعرف بعدها ان شاء الله مين الأكثر شيوعا والأكثر حظا في التكوين على الشارت بشكل عام وايه هي الأوقات اللي نقدر فيها نستبعد اشكال معينة بكل سهولة وتجاهلها تماما

كل دة ان شاء الله هنتعرف عليه بالتدريج ومافيش تعقيدات هتحصل بأمر الله

انتهى التمهيد

نسأل الله التوفيق للجميع

بالنتظار المزيد، على أحر من الجمر.
اسمح لي أن أشارك بمؤشر اضافي للزوايا السعرزمنية، يؤدي نفس المهمة لكن به اضافات لا بأس بها.
الدعوة مفتوحة لتجربته أو اهماله.
https://www.mql5.com/en/market/product/15320

[naser_naser]

بالنتظار المزيد، على أحر من الجمر.
اسمح لي أن أشارك بمؤشر اضافي للزوايا السعرزمنية، يؤدي نفس المهمة لكن به اضافات لا بأس بها.
الدعوة مفتوحة لتجربته أو اهماله.
https://www.mql5.com/en/market/product/15320

جميل المؤشر عزيزي ولكن هل هو خاص ب MT4 او MT5

[mohammedgaber]

هذا من لطفك، أخي محمد. يسعدني و يشرفني التعاون معك، و باذن الله تتحقق الفائدة لكل المشاركين و المتابعين.

ودة المطلوب من الجميع ممن لديهم خبرات في احد المجالين حتى يتم اثراء المحتوى وتعم الفائدة ان شاء الله

بالنتظار المزيد، على أحر من الجمر.
اسمح لي أن أشارك بمؤشر اضافي للزوايا السعرزمنية، يؤدي نفس المهمة لكن به اضافات لا بأس بها.
الدعوة مفتوحة لتجربته أو اهماله.
https://www.mql5.com/en/market/product/15320

جميل المؤشر عزيزي ولكن هل هو خاص ب MT4 او MT5

شكرا طبعا لمحاولة الاضافة لكن ياريت بلاش نغير المؤشر اللي شغالين بيه لسببين : الاول ان المؤشر الاصلي يفي بالغرض ومش محتاجين اي اضافات عليه
الثاني اني سالت الاخ ميدو على المؤشر الجديد وبلغني انه فيه اخطاء ومختلف في نتايجه عن المؤشر الاصلي وان مؤشر ابو حمزة اللي شغالين بيه هو الافضل

[daherxdaher]

جميل المؤشر عزيزي ولكن هل هو خاص ب MT4 او MT5

مجاني للـ MT4.