الزوايا السعرية والهارمونيك - اقوى دمج بين الطريقتين حصري على المتداول العربي

[mohammedgaber]

اسمح لي، أخي محمد، الى التنبيه الى قاعدة مهمة في التحليل الزمني، و هي موعد وصول السعر الى الزوايا النصفية الفرعية (قبل منتصف المدة المفترضة أم بعدها).
في المثال أعلاه نلاحظ أن السعر كان وصل الى الزاوية 90 قبل 23 شمعة (و الى 180 قبل 45 شمعة بالمناسبة)، هنا ننتظر أن يصل السعر الى 270 قبل منتصف المدة المحصورة بين الشمعة 90 و 180، الأمر الذي لم يحدث. صحيح أن الفرق شمعتين أو ثلاث، لكنه مهم بالمقارنة مع السلوك الماضي للسعر.
بناءً عليه، أتوقع أن يعود السعر الى الهبوط حتى حد القناة الصاعدة قبل معاودة الصعود.

هنا لدي سؤال، متى يفسد أي شكل AB=CD، هل لو انخفض السعر حتى النقطة C أو كسرها أم يبقى صالحا طالما أن A لم تكسر؟

أجمل تحية

تسلم ايدك على الملاحظة يا صديقي - اضافة جميلة انا شخصيا بشتغل بيها عادي لكن كنت تناقشت فيها مع ميدو قبل كدا وقالي انه ممكن نتجاوز عنها لو الفرق الزمني شمعتين تلاتة حاجة بسيطة يعني

...................

نموذج AB=CD لو عايز ترتاح فيه خليك دايما ماشي على اسمه AB=CD مش بس سعريا وكمان في عدد الشموع - ممكن CD يكون اقل لكن لو زاد عن عدد شموع AB بشكل كبير يبقى ملغي ع طول

لكن طبعا طالما لم يتم كسر النقطة A " خاصة ان النسبة C مرجح ان تصل الى النسبة 88 قبل الصعود "
يزال صالح ما لم يتم فشله زمنيا ( عدد الشموع )

[daherxdaher]

تسلم ايدك على الملاحظة يا صديقي - اضافة جميلة انا شخصيا بشتغل بيها عادي لكن كنت تناقشت فيها مع ميدو قبل كدا وقالي انه ممكن نتجاوز عنها لو الفرق الزمني شمعتين تلاتة حاجة بسيطة يعني

...................

نموذج AB=CD لو عايز ترتاح فيه خليك دايما ماشي على اسمه AB=CD مش بس سعريا وكمان في عدد الشموع - ممكن CD يكون اقل لكن لو زاد عن عدد شموع AB بشكل كبير يبقى ملغي ع طول

لكن طبعا طالما لم يتم كسر النقطة A " خاصة ان النسبة C مرجح ان تصل الى النسبة 88 قبل الصعود "
يزال صالح ما لم يتم فشله زمنيا ( عدد الشموع )

سلمك الله.

صحيح، الفرق بسيط، لكنه يمكن أن يفسر الارتداد المقصود، لو حدث طبعا.
بالمناسبة، سلامي الحار الى ميدو.

هل تسري قاعدة عدد الشموع في شكل ABCD على بقية أشكال الهارمونيك، بطريقة أو بأخرى، أم أنه يلزمنا هنا اللجوء الى التحليل بالزوايا السعرزمنية؟

تحياتي

[mohammedgaber]

سلمك الله.

صحيح، الفرق بسيط، لكنه يمكن أن يفسر الارتداد المقصود، لو حدث طبعا.
بالمناسبة، سلامي الحار الى ميدو.

هل تسري قاعدة عدد الشموع في شكل ABCD على بقية أشكال الهارمونيك، بطريقة أو بأخرى، أم أنه يلزمنا هنا اللجوء الى التحليل بالزوايا السعرزمنية؟

تحياتي

الله يسلمك يارب ..
وانت اخي ضاهر ما شاء الله عليك اجدت واتقنت الزوايا بشكل كبير وبنستفيد منك فيها

قاعدة تمشي بشكل اكبر على abcd
لكن بخصوص باقي النماذج شخصيا مش بشتغل عليهم زمني خالص حتى لو دمجتها مع الزوايا ممكن ادخل بشكل مبكر من زاوية وصلها السعر قبل الزمن عادي

تحياتي يا صديقي ودعواتي بالتوفيق ان شاء الله

[سلطآنـ]

متابعين معك
موضوع يستحق خمس نجوم

وعقبال مقاطع الفيديو

[mohammedgaber]

متابعين معك
موضوع يستحق خمس نجوم

وعقبال مقاطع الفيديو

بارك الله فيك اخي سلطان دي شهادة اعتز بيها

ان شاء الله باقي جزء واحد من اول اقسام الموضوع وبعده مباشرة هلخص القسم الاول بالكامل في فيديو او 2 ان شاء الله

على البال والله يا صديقي

[Ahmed_Bahrawy]

السلام عليكم
إزيك يا غالى، يا رب تكون بخير

أحييك على الموضوع الجميل
وأتمنى أن تكمل الموضوع ﻷنى متابعه لكن حضرتك بقالك مدة قصيرة كده مكتبتش
فإن شاء الله تكون بخير

وجزاك الله كل خير على المجهود الجميل ده

[mohammedgaber]

السلام عليكم
إزيك يا غالى، يا رب تكون بخير

أحييك على الموضوع الجميل
وأتمنى أن تكمل الموضوع ï»·نى متابعه لكن حضرتك بقالك مدة قصيرة كده مكتبتش
فإن شاء الله تكون بخير

وجزاك الله كل خير على المجهود الجميل ده

وعليكم السلام ورحمة الله وبركاته

شرفني متابعتك استاذ احمد وما تقلقش الموضوع مكمل للاخر ان شاء الله ولن يتوقف بعون الله

باقيلنا جزئية واحدة في اول اقسام الموضوع وان شاء الله نخلصها وانزل فيديو يجمع كل الدروس اللي فاتت ودا هيكون الاسلوب المتبع بعد نهاية كل قسم من الاربع اقسام اللي اتكلمت عنهم في بداية الموضوع

تحياتي ليك

[حسين اسكندراني]

استاذنا الكبير الغالي - عودة حميدة استاذ حسين نورت الورشة والمنتدى من جديد والله

شهادة اعتز بيها وان شاء الله دايما نشوفك معانا

نتشرف نكون معاكم حبيبنا الغالي وقت ما يسمح الوقت
كم انا سعيد وانا اشوف شغلك الحلو .

لك مني كل التقدير والاحترام

[mohammedgaber]

نتشرف نكون معاكم حبيبنا الغالي وقت ما يسمح الوقت
كم انا سعيد وانا اشوف شغلك الحلو .

لك مني كل التقدير والاحترام

دايما تشرفنا وتنورنا والله استاذ حسين

جمعة مباركة عليك وعلى الجميع ان شاء الله

[Ahmed_Bahrawy]

تمام إن شاء الله
والشرف ليا يا غالى

والله يعينك ويوفقك

[neddo171]

أستاذ محمود

أقدم لك كل التحية على مجهودك الكبير

أرجو من حضرتك مراجعة التحليل المرفق و بيان الملاحظات،
الاسترالي على اليومي ، شكل ثلاثي مع نموذج خفاش

مع الشكر

[mohammedgaber]

أستاذ محمود

أقدم لك كل التحية على مجهودك الكبير

أرجو من حضرتك مراجعة التحليل المرفق و بيان الملاحظات،
الاسترالي على اليومي ، شكل ثلاثي مع نموذج خفاش

مع الشكر

اهلا ومرحبا بك في الورشة

مبدئيا احييك على التطبيق والعمل بالطريقة بالشكل اللي بشتغل فيه بالظبط

بخصوص النموذج سليم جدا وكمان الزوايا الاختيار الانسب للدورة اللي حصلت للدولار استرالي على الفريم اليومي كانت على شكل ثلاثي

وحاليا المفروض ان نقطة الدخول كانت شراء من الزاوية 360 ووصلت الى الهدف الاول ( الزاوية الفرعية 300 ) ومن ثم يتبقى الهدف الاخير وهو الزاوية الرئيسية 240 ان شاء الله

الله ينور

[neddo171]

اهلا ومرحبا بك في الورشة

مبدئيا احييك على التطبيق والعمل بالطريقة بالشكل اللي بشتغل فيه بالظبط

بخصوص النموذج سليم جدا وكمان الزوايا الاختيار الانسب للدورة اللي حصلت للدولار استرالي على الفريم اليومي كانت على شكل ثلاثي

وحاليا المفروض ان نقطة الدخول كانت شراء من الزاوية 360 ووصلت الى الهدف الاول ( الزاوية الفرعية 300 ) ومن ثم يتبقى الهدف الاخير وهو الزاوية الرئيسية 240 ان شاء الله

الله ينور

شكرا جدا لحضرتك و لتشجيعك
بس سؤال
ازاي حضرتك حدد الهدف لغاية زاوية 240 فقط؟

[mohammedgaber]

شكرا جدا لحضرتك و لتشجيعك
بس سؤال
ازاي حضرتك حدد الهدف لغاية زاوية 240 فقط؟

الاجابة يا صديقي تكمن في اهمية احترام الزوايا طالما انك اشتغلت على الزوايا السعرية لازم تعرف ان السعر وارد جدا انه يرجع يكمل دورة تانية بعد ما يخلص دورته الاولى يعني ممكن يكمل تاني هبوط بعد ما يوصل للزاوية اللي حددناها كهدف - ومع التجربة المتكررة دايما كان افضل هدف هو الزاوية الرئيسية التي تسبق الزاوية 360 حسب نوع الشكل طبعا

[mohammedgaber]

مرحبا مجددا بجميع المتابعين

عودة جديدة لمسار الدروس الخاصة بالموضوع بعد توقف مؤقت وان شاء الله هنكمل مع بعض الدروس الخاصة بالجزء الأول

تذكير بترتيب اقسام الجزء الأول ( الاشكال الهندسية المكتملة ودمجها مع نماذج الهارمونيك )

1- الشكل المستقيم
2- الشكل الثلاثي
3- الشكل الرباعي
4- الشكل الخماسي
5- الشكل الدائري

تناولنا معا أول 3 اشكال ومعادنا النهاردة ان شاء الله مع الشكل الخماسي ( الدرس قبل الاخير في القسم الأول من الموضوع ككل )

...................................

هنتكلم بشكل مختصر كدا وسريع عن الشكل الخماسي واسلوب التعامل معاه على ضوء مدرسة الزوايا السعرية

طبعا زي ما اتفقنا قبل كدا اننا دايما بنقسم الـ 360 ÷ رقم الشكل وهنا هنقسم على 5 يبقى النتيجة = 72

معنى كدا ان الزاوية اللي هنشتغل عليها هي الزاوية 72 - بمعنى انه بيتحرك في دورة خماسية اول تصحيح فيها بيكون عند الزاوية 72

وشكله على الشارت هيكون بالشكل دا



طيب تمام اوي لحد كدا

بعض الاتجاهات داخل المدرسة دي اتكلمت عن ان للشكل الخماسي وجه آخر واختلفوا فيه مع بعض وهو استخدام الزاوية 144 اللي هي مضاعفة الزاوية (72) وقالك ممكن لو السعر اول تصحيح ليه من الزاوية دي نعتبره خماسي - بس هنا كانت المشكلة ان الشكل عندك دورته دايما او اغلب الاحيان بتنتهي قبل الزاوية 360 اساس نهاية اغلب الدورات الأولى في حركة السعر وكمان عقبات تانية كتيرة منهم عنصر الزمن ومشاكل كتير

طيب احنا بقى بما اننا جايين من مدرسة تانية وهي الهارمونيك - رأينا ايه في الخلافات دي
( هنقول بالمختصر كدا بلاها مشاكل وتعقيدات وخلينا في الزاوية 72 وبس يا سيدي وبلاش ندخل في متاهات )

...................................

الشكل الخماسي من الاشكال اللي تكرارها على الشارت مش كتير - لكن في حالة توفرت على الشارت معانا بتكون فرصتها من اقوى الفرص في التداول سواء على مستوى الزوايا بشكل منفصل او على مستوى الدمج بين الطريقتين

سبب كثرة الفرص في التداول على الشكل دا هو امكانية دمج اكتر من نموذج هارمونيك معاها بداية من الـ AB=CD الى اعقد النماذج

يمكن دمج نماذج هارمونيك تتكون داخل الشكل الهندسي أو نماذج تسبق الشكل الهندسي

............................

التطبيق العملي اللي معانا على الشكل دة هنوضح فيه طريقة الدخول ومش هتختلف كتير عن اسلوبنا المتبع في الاشكال اللي فاتت

اولا نبص كدا على الشارت دا



نهاية الدورة السعرية الاولى عند الزاوية 360 تتطابق مع نموذج هارمونيك صاعد AB=CD

المنطقة المظللة تجمع بين نقطتين : نقطة نهاية الدورة السعرية الأولى للشكل الهندسي + نقطة بداية انعكاس نموذج الهارمونيك الصاعد

............................

جميع النماذج اللي فاتت كنا دايما بنكتفي بالهدف عند اول زاوية تسبق الزاوية 360 حسب نوع الشكل

لكن المرادي الكلام هيختلف شوية مش بس عشان المثال اللي قدامنا دة جاب هدفين لا
الموضوع عن تجربة له قواعد ان شاء الله - بيختلف معاها امتى نطلع عند الزاوية الاولى وامتى نكمل للزاوية التانية

قاعدة اختيار الهدف بتقول :

1- في حالة تحقيق الهدف الاول ( الزاوية 288 ) قبل اختراق القناة - يتم فورا الاكتفاء بالهدف الاول
2- في حالة تحقيق الهدف الأول ( الزاوية 288 ) بعد اختراق القناة
يتم اغلاق نصف العقود وتقديم الاستوب لنقطة الدخول والمواصلة للزاوية التالية ( الزاوية 216 )

وزي ما انتم شايفين كدا على الشارت فوق في التطبيق وصول السعر للزاوية 288 الهدف الاول بعد اختراق القناة - عشان كدا هتكون الصفقة مستمرة معانا للهدف الثاني عند الزاوية 216 ( وتم تحقيق الهدفين بنجاح )

- الاستوب طبعا ثابت ( دايما ) في كل الاشكال وهو اغلاق اسفل او اعلى الزاوية الفرعية ما بعد الزاوية 360

..................................

درس النهاردة كان بسيط وسهل ولكن فيه بعض النقاط الفنية اللي لازم نركز عليها وتم توضيحها في الشرح

بالتوفيق للجميع ان شاء الله

جمعة مباركة