الزوايا السعرية والهارمونيك - اقوى دمج بين الطريقتين حصري على المتداول العربي

[فركسه]

بارك الله فيك يارب - وانتم والله وحشتوني ومتشكر جدا على اهتمامكم

الحمدلله الامور طيبة وراضيين بقضاء الله - انت اخبارك ايه واخبار السوق معاك ؟

,الحمد لله ماشي الحال والسوق عشره عشره ولو انه ممل بعض الشي

[Dawaas]

في بداية الشرح التمهيدي اتكلمت انه من اكتر النماذج اهمية في نماذج الهارمونيك في طريقة الدمج بتاعتنا هو نموذج الكراب

ودة لانه وارد انه يتكرر بشكل كبير مع اغلب الاشكال عادي جدا

........................

دة تطبيق عملي مباشر وانصح كمان بالدخول بيع بناء عليه

شكل مستقيم على زوج الدولار كندي فريم الربع ساعة

الزوج انهى الدورة السعرية الاولى وفشل في مواصلة الصعود وانعكس من المنطقة المحصورة بين الزاوية 360 للشكل الهندسي المستقيم ونقطة انعكاس نموذج الهارمونيك الهابط (الكراب)

طبعا الاستوب بتاعنا دايما بيكون اغلاق اعلى الزاوية الفرعية التالية للزاوية 360 بمعنى هنا على الشارت اغلاق اعلى الزاوية 450 وبالتحديد اعلى السعر 1.3236

والاهداف دايما هدفين ( الزاوية الفرعية والزاوية الرئيسية اسفل الزاوية 360 )

وهنا اهدافنا هتوصل لحوالي 70 نقطة ( على فريم الربع ساعة ) من نقطة الدخول بيع عند الزاوية 360

الملف المرفق 503857

نسأل الله التوفيق

سلام عليكم

اخي العزيز تابعت موضوعك من اوله

ووجدت بنسبة 80 من شارتاتك عن الزوايا هنا خطا؟؟؟؟


وهذا ضمنهم ع فكره



من القاع اللي اخترته انت يمثل موجه او قاع ولنقل ليس الرئيسي
بااضافه اختيارك لشكل خاطئ

للعلم الشكل هو خماسي

الارتداد من زاويه 144 درجه شايف القوس اللي محددهم في نص الشكل هو الارتددا من 144

للعلم الزمن اخترته 96 واللي يوافق 288لفريم ال5دقايق
بالتوفيق

[mohammedgaber]

سلام عليكم

اخي العزيز تابعت موضوعك من اوله

ووجدت بنسبة 80 من شارتاتك عن الزوايا هنا خطا؟؟؟؟


وهذا ضمنهم ع فكره



من القاع اللي اخترته انت يمثل موجه او قاع ولنقل ليس الرئيسي
بااضافه اختيارك لشكل خاطئ

للعلم الشكل هو خماسي

الارتداد من زاويه 144 درجه شايف القوس اللي محددهم في نص الشكل هو الارتددا من 144

للعلم الزمن اخترته 96 واللي يوافق 288لفريم ال5دقايق
بالتوفيق

للاسف زاويتك خاطئة

انصحك تراجع موضوع الاخ ميدو من البداية والتمرين الجيد

اما بخصوص الشكل الخماسي الحالة التانية من الزاوية 144 فهو ملغي في طريقتي تماما كما تم شرحه سابقا لوجود خلافات عليه داخل مدرسة الزوايا

بالتوفيق ان شاء الله

[Dawaas]

للاسف زاويتك خاطئة

انصحك تراجع موضوع الاخ ميدو من البداية والتمرين الجيد

اما بخصوص الشكل الخماسي الحالة التانية من الزاوية 144 فهو ملغي في طريقتي تماما كما تم شرحه سابقا لوجود خلافات عليه داخل مدرسة الزوايا

بالتوفيق ان شاء الله

ياهلا فيك ....


ومذا تقول عن احترامه للزويايا الرئيسيه والفرعيه ان كان الشكل خطا

اسال اي محلل بالزوايا ان كان شارتي خطا لن اكتب مجددا او اشارك عن الزوايا

[mohammedgaber]

ياهلا فيك ....


ومذا تقول عن احترامه للزويايا الرئيسيه والفرعيه ان كان الشكل خطا

اسال اي محلل بالزوايا ان كان شارتي خطا لن اكتب مجددا او اشارك عن الزوايا

بهدوء يا صديقي احنا بنتناقش عادي

بالتوفيق ان شاء الله دايما

[Dawaas]

بهدوء يا صديقي احنا بنتناقش عادي

بالتوفيق ان شاء الله دايما

انا قلت لك بس عندك اخطاء بالجمله للزوايا ولست قادرا ع استخدامها والكلام ذا اقوله عشان مشاركاتك السابقه عن الزوايا

[mohammedgaber]

انا قلت لك بس عندك اخطاء بالجمله للزوايا ولست قادرا ع استخدامها والكلام ذا اقوله عشان مشاركاتك السابقه عن الزوايا

تمام ياريت توضحلي الاخطاء ونتناقش فيها نقاش هادف ان شاء الله

[Dawaas]

تمام ياريت توضحلي الاخطاء ونتناقش فيها نقاش هادف ان شاء الله

ابشر هجيب لك لاخطاء في مشاركاتك في هذا الموضوع صبرك اظبط بس لشارتات

[Dawaas]

بسم الله الرحمن الرحيم

نبتدي على بركة الله الشرح الخاص بكل قسم من الأقسام الـ 4 اللي اتكلمنا عنهم في الشرح التمهيدي

............................

أولا : الأشكال الهندسية المكتملة للزوايا السعرية
ودمجها مع
نماذج الهارمونيك التقليدية

- في البداية كدا انا شرحي هيكون مبسط ومختصر لسببين : الأول وجود مراجع للطريقتين سواء الزوايا السعرية او الهارمونيك

من خلال الورشتين دول

الزوايا السعرية والفواصل الزمنية

التداول التوافقي ( الهارمونيك ) - تحليلات وفرص يومية


بس دة مش معناه طبعا ان كل ما اجي اشرح حاجة هقول نرجع للورش دي لكن في الشرح هنتطرق لاهم النقاط المهمة واللي هنقدر بيها نوصل المعلومة ان شاء الله لجميع المتابعين

................................

نبتدي بشكل مباشر في الحديث عن الأشكال الهندسية المكتملة اللي هي موضوعنا في القسم الأول من الشرح

ايه المقصود بالأشكال الهندسية المكتملة ؟

خلينا نعرف الاول ان طريقة الزوايا السعرية بتعتمد على نظام الدورات لحركة السعر وإن ( الدورة السعرية الواحدة ) بتبتدي من الزاوية 0 الى الزاوية 360
ومعنى كلمة شكل هندسي مكتمل - يعني الشكل بدأ من الزاوية 0 ووصل للزاوية 360 بنجاح ولم يفشل وينتهي عند احد الزوايا التي تسبق الزاوية 360

تنقسم الأشكال الهندسية المكتملة لـ 5 أشكال :

1- الخط المستقيم
2- الشكل الثلاثي
3- الشكل الرباعي
4-الشكل الخماسي
5- الشكل الدائري

الجزء الأول من الأشكال المكتملة هيكون هو المحتوى الأول لينا الخط المستقيم - لكن مش لوحده وهيكون معاه احد الاشكال المشابهة للخط المستقيم في الحركة وهو نموذج AB=CD

...........................

1- الخط المستقيم مدمج مع نموذج AB=CD

بداية كدا دة شكل الخط المستقيم ( الهابط ) في طريقة الزوايا السعرية

الملف المرفق 502437

ودة الشكل الصاعد

الملف المرفق 502438

زي ما هو واضح في الصور كدا - الخط المستقيم هو اللي بيبتدي من الزاوية صفر وبيوصل للزاوية 180 بشكل مباشر بدون انعكاس من اي زاوية تسبق الزاوية 180 ، ويصحح السعر من عندها بنسبة من 30 % الى 75 % من الحركة اللي عملها من الزاوية 0 للزاوية 180

الشكل دة من اسهل الاشكال الهندسية للزوايا السعرية واكثرها وضوحا وعشان كدا دمجته مع شبيه ليه في نماذج الهارمونيك وهو
نموذج AB=CD

- نموذج AB=CD هو اكثر النماذج التوافقية انتشارا على الشارت والأسهل في التعامل والاقتناص وكيفية الرسم

الشكل الهابط

الملف المرفق 502439

الشكل الصاعد

الملف المرفق 502440

طبعا احنا لينا طريقتين اولهم اعتماد النسب التالية في التصحيحات الخاصة بالنموذج

الأولى اعتماد النسب التالية في استخراج النقاط C و D

الملف المرفق 502441

- الثانية استخدام أداة Fibonacci Expansion الموجودة على الميتاتريدر في كيفية اكتشاف نموذج AB=CD
ودي انا شرحتها في موضوع مستقل على الرابط دا
أسهل طريقة لرسم نموذج AB=CD بكل بساطة

- لكن مع ملحوظة صغيرة في استخدام الاداة دي وهي انك اول حاجة بتعملها بتقيس بالفيبوناتشي العادي تصحيح النقطة C من الضلع AB لو لقيته ما وصلش للـ 38 يبقى مش محتاج تستعمل الاداة لانها هتطلعلك نموذج صحيح شكلا لكن مش صحيح بناء على النسب - لان اول نسبة تصحيح بنعتمدها على نموذج AB=CD هي 38 على الأقل


- اساس الدمج بين الشكلين دول بالتحديد - الخط المستقيم ونموذج AB=CD قائم على تشابه الحركة بين الاتنين واعتمادهم على الحركة المستقيمة اللي دايما هتلاقيها شبه حرف N سواء معدول او مقلوب بس طبعا الدمج دة مش هيكون مجرد دمج عادي كدا بدون قواعد نحتكم ليها واللي هتبان معانا ان شاء الله في التطبيق وهنتكلم عنها بالتفصيل

............................

دة مثال عملي لحالة دمج بين الشكلين

الملف المرفق 502433

صعود السعر من الزاوية 0 الى الزاوية 180 ثم تصحيح تجاوز الـ 30 في المية
بالتالي بعد تكوين الشكل المفروض انه رايح للزاوية 360 خاصة بعد احترام الزاوية 270 الواقعة بين الزوايا 180 و 360 زي ما احنا شايفين ارتداد منها وبعد كدا صعود مباشر للزاوية 360

الارتداد اللي حصل من الزاوية 270 دة هو اللي أكدلنا إمكانية نجاح التصور الخاص بتكوين نموذج AB=CD وأيضا استمرار الشكل الهندسي في طريقه السليم

هشرح ازاي احنا قدرنا نستنتج الشكل خطوة خطوة :

- التصحيح اللي حصل للسعر من الزاوية 180 دة خلانا نتنبأ بأول نقطة معانا وهي النقطة A لكن مش عارفين السعر رايح فين لحد دلوقتي
- الزاوية 270 اللي ردت السعر بتقولنا يا جماعة انا كدا عملت النقطة B دوروا بقى على النقطة C رايحة فين
- اول ما هنستخدم الفيبوناتشي من النقطة A للنقطة B هنلاقي ان السعر بيديلنا إشارة مباشرة ان فيه إمكانية فتح صفقة شراء من النقطة C تستهدف مباشرة الزاوية 360 للشكل المستقيم واللي هي هتكون النقطة D لنموذج ABCD
- بوصول صفقة الشراء للهدف بنجاح هنا نوصل لأصل العملية وهو البيع لان الشراء دة عملية استباقية قبل تكوين النماذج واكتمالها
هنفتح صفقة بيع من الزاوية 360 اللي هي نفسها النقطة D لنموذج الهارمونيك ونستهدف معاها الزاوية 270 هدف اول ثم الزاوية 180 هدف أخير

الملف المرفق 502436

.......................

الأهداف احنا اتكلمنا عليها في المثال

الاستوب لوز :
- استوب الشراء هو اغلاق اسفل الزاوية السابقة بمعنى لو دخلنا من الزاوية 180 يبقى الاستوب اغلاق اسفل الزاوية 90 وهكذا
- استوب البيع هو اغلاق اعلى الزاوية التالية بمعنى لو دخلنا من الزاوية 360 يبقى الاستوب اغلاق اعلى الزاوية 450 وهكذا

.......................

ملاحظات بسيطة كدا على الشرح بعد ما انتهينا منه :

- مش معنى اننا استخدمنا نموذج AB=CD يبقى كدا اختصرنا النموذج دا فقط للدمج بينه وبين الشكل المستقيم
بس احنا استخدمنا اقرب النماذج تشابها مع الشكل دا وممكن جدا في التطبيقات العملية نلاقي وجود نماذج هارمونيك أخرى متطابقة مع الشكل المستقيم لكن بنسبة تتجاوز ال70 ف المية يحتكر نموذج AB=CD احتمالية التواجد على الشكل الهندسي المستقيم للزوايا السعرية

- اختيار القاع الموضح على الشارت لبداية رسم نموذج AB=CD يعتمد في الأصل على عنصر الزمن لان لو اخترنا قاع البداية هنلاقي ان الزمن اختل عنده والنقطة D هتطلع عند نقطة لا متزامنة سعريا ولا زمنيا مع الزوايا السعرية او الزمنية
واحنا في الأساس بنتبنى فقط الحالات المتطابقة فقط لا غير بمعنى انه مش هندخل في الحالات اللي فيه تعارض فيها ما بين الطريقتين

- اختيار القاع اللي رسمنا عليه نموذج AB=CD مهم جدا انه يكون قاع صحيح وسليم - بمعنى اما انه يكون بداية ترند او جاي بعد تصحيح لا يقل عن 38 ف المية من الموجة اللي حصل عليها تصحيح

..................................

كدا نكون انتهينا من اول حالة معانا من حالات الأشكال الهندسية وعرفنا ازاي بندمجها مع نموذج الهارمونيك بشكل مبسط

في انتظار أي استفسار بخصوص الجزئية دي واي حاجة مش واضحة
وان شاء الله مستمرون في الشرح

مثلا بالمشاركه هذي

الشكل ع الساعه اخترته انت مستقيم الزاويةه 180 زالزمن 120؟؟؟ ع اي اساس ا.

لذلك لو انا برضو اعتبرته مستقيم هكون كذا



للعلم 180 ع فريم الساعه الاقرب لها هي 60ع فريم الاربع ساعات او الديلي

لذلك انا اخذته من نفس النقطة ولكن كشكل سداسي جميل جدا جدا جدا

الزواية 60 والزمن 45



ممكن تقول ليه اخترت 45 مع 60
الجواب هو
سبيس الديلي والاربع ساعات اتفقنا انهم واحد
لذلك الزاويه 60 ع الديلي جب انصاف الزمن
60 30 15
نختار 15شمعه ديلي ونحولهم لربع ساعات واللي العلاقه هي الرقم 6 لان بالديلي فيه 6 شموع اربع ساعات
لذلك 15شمعه ديلي مضروبه في 6شمعات اربع ساعات تساوي 90شمعه ع الاربع ساعات
لذلك انا جربت 90 وماظبطت واخذت 45 وياسلام سلم

[Dawaas]

اذا عندك اي تعليق هسيب لك المجال ترد ولك 15 دقيقه بعدها هجيب الخطا اللي بعده

[Dawaas]

لم ترد لذلك الخطا الجديد قادم........


عندك خطا في هذه المشاركه
https://forum.arabictrader.com/showt...20#post3205720

تالزاويه 120 والزمن 45؟؟

التصحيح هو


للعلم شايف الشكل ذا؟؟؟
اعطيه نسبه صحه 80 بالميه
لاصل هو شكل خماسي ارتد من 72 ولكن لا اريد ان اصعب الموضوع ع المبتريد في الزوايا فاخترته ع الارتداد الاكبر مباشره
الزواية 120 الزمن 40

الزمن 40 يمثل الزمن 120 ع فريم ال5 دقايق بما ان لهم نفس السبيس

وباقي اكثر واكثر ولكن ساتوقف الى هنا لذلك يجب عليك التركيز اكثر ع الزوايا وللان انت لاتستطيع استخدامها بالتوفيق لك

[Dawaas]

لاي سؤال عن الزوايا تفضل هحاول افيدك باذن الله

[mohammedgaber]

والله كنت متحمس للنقاش الهادف لكن اسلوبك غريب مش فاهم السبب وانا في حالة مزاجية مش فاضي اناقش حد اسلوبه هجوم فقط بدون مبرر حتى لو كان هناك خطأ عند شخص ما بحاول اصححهوله باسلوب افضل من كدا

اعتبر نفسك صح ومش هعلق عليك

وشكرا لمرورك

[Ahmed_Bahrawy]

والله كنت متحمس للنقاش الهادف لكن اسلوبك غريب مش فاهم السبب وانا في حالة مزاجية مش فاضي اناقش حد اسلوبه هجوم فقط بدون مبرر حتى لو كان هناك خطأ عند شخص ما بحاول اصححهوله باسلوب افضل من كدا

اعتبر نفسك صح ومش هعلق عليك

وشكرا لمرورك

والله حضرتك رديت بالرد الوافى
طريقة كلامه غريبة واللى بيقوله أغرب !!

أرجو إن حضرتك تستريح فى البداية وبعد كده تكمل زى ما حضرتك كنت شغال
والطريقة بتاعة حضرتك اللى إنت شغال بيها فى الزوايا إحنا راضيين بيها حتى لو غلط من وجهة نظر الأخ
مع إنى مينفعش أقول لحضرتك دى صح ولا غلط
لإن حضرتك أقدم منى فى السوق وعارف أكتر منى لكن ردا على الأخ هيا مش غلط

وأعانك الله فيما أنت فيه
وجزاك الله كل خير على الموضوع ده

[فركسه]

اذا عندك اي تعليق هسيب لك المجال ترد ولك 15 دقيقه بعدها هجيب الخطا اللي بعده

مو تحدي الموضوع تراه للفايده