الزوايا السعرية والفواصل الزمنية

[newtoforex]

اري تضارب ف الاراء وهذا غير مبشر بالمرة

انا اتنازل عن الشرح الان و سيتم اعادة السؤال عند الانتهاء من الدروس جميعها. اكمل بارك الله فيك انت الربان هنا

[medo93]

أخى محمد

إذا إكتملت شرح النقطه الأولى الخاصه بالتعامل مع المؤشر ، ممكن ننتقل للنقطه 2
2- خصائص الاشكال الهندسية

ولحضرتك حريه إختيار النقطه التاليه حسب رؤيتك لربط المواضيع مع بعضها.
أو التعديل فى المنهج.

شكرا

هو لسه باقي معانا درس واحد ف مؤشر بو حمزة ودا هيكون غدا ان شاء الله انا عارف اننا وقفنا شوية ف الشرح ودا انا قلت السبب وكمان الحمدلله اننا وقفنا دا خلي ف وقت اكبر للتطبيق ومشاركة وكمان الشكل دا هيسهل الاشكال اللي جاية بعد كدا وهنلاقي نفسها بسرع ف الشرح لان عرفنا الفكرة الرئيسية كل اللي هيختلف معانا هي الزاوية اللي ردت السعر
و كمان في اعضاء كتير جدد دخلو الورشة الفترة اللي فاتت دي ودي برضه حاجة كويسة انهم يبدئو معانا لاننا لسه ف الاول ولو في حاجة ممكن يسئلو من دلوقتي
وزي ما قلت انا هدفي الرئيسي انا اعمل الورشة شامله يعني ف ناس كتير شرحت الزوايا السعرية الزمنية بس اتحدي اي حد يجيب اي حد شرح مؤشر ابو حمزة بالطريقة دي حتي ابو حمزة نفسه لم يشرح المؤشر بهذه الطريقه
وممكن تاكدو من كدا
دا اللينك الخاص بالفديو ابو حمزة اللي قام بصنع المؤشر نفسه يعني اللي بيتكلم ف الفديو هو ابو حمزة شخصيا وممكن تشوفو الشرح
https://www.youtube.com/watch?v=r19QYG1qJ_Y

لكن انا حابب اني اعمل الشرح كامل وشامل علشان لو حد مش عارف يعني ايه فوركس ودخل الورشة يطلع منها محترف باذن اللي مش هسيبله حاجة يستفسر عنها
واحب اطمنك اخي محمود ان انا كمان حريص جدا اكتر من اي حد ع ان الورشة تكون مكتملة ومنظمة
ولكن التعارض الفكري امر وارد يعني زي ما شفت ف المثال اللي فات
ف بعض الخوة طالبين شرح النقاط المتقدمة ف الوقت الحالي والبعض الاخر رافض الفكرة وعايز يلتزم بالخطة ودا طبيعي جدا ان التفكير يكون مخلتف ولكن مع بعض هنتغلب عليه ان شاء الله

وف النهاية ربننا يكرمنا جميعا ويوفقنا لما يحيبه ويرضاه

[simba2000]

اري تضارب ف الاراء وهذا غير مبشر بالمرة

بس الهدف واحد(الكل يتعلم صح ويكسب) ، وهو متفق مع نيتك الطيبه (تعليم الناس بطريقه صح وإظهار المخفى وتعويض الناس عن الخساره)، والكل يستفيد ويتعلم صح ويكسبوا

"نقطه نظام"
الموضوع تعليمى ، يبقى كل جزء يشرح بالكامل بطريقتك المميزه ، بعدها أسئله لو فيه شئ مش مفهوم أو ناقص، وتطبيق لو طلبت مننا ، ثم بعد إستكمال الجزء المشروح ننتقل للجزء الأخر وهكذا، وفى النهايه نبدأ نحط الفرص والمناقشه، وهناك أفكار أخرى كثيره وبناءه.

أنا غرضى التنظيم والفائده الصحيحه للكل وليس لنفسى فقط (انا بعتبر نفسى مش عارف أى حاجه وبادئ من الأول) ، غير كده الموضوع هيبقى زى كل المواضيع السابقه ، واحد يقول معلومه والثانى يقول معلومه تانيه ، والمحصله الناس ضايعه ومش فاهمه حاجه.

لو كل واحد إعتبر نفسه مبتدئ مش عارف أى حاجه ويسيب نفسه للموضوع يمشى ويسأل فى الجزء المشروح فقط ، هيبقى الوضع تمام.
أما لو عارف فرجاء يؤجل السؤال إلى أن تجئ النقطه.

عموما انا قولت رأيى ،وأنت صاحب الموضوع ، ولك ألف شكر .

أعتذر عن أى إزعاج
ولن أتدخل مره أخرى ....

شكرا

[simba2000]

بارك الله فيك اخي محمود بجد انا حاسس انك فعلا ناوي تتعلم صح ودا انا لمسته من اقتراحك المرة اللي فاتت وان شاء الله زي ما الدروس اللي فاتت مش ناقصة حاجة هتكون الدروس اللي جايه مش ناقصة حاجة بالعكس هتكون اكبر واكتر من كدا ودا لاننا برضه لسه لم نتعمق ف المنهج والخطة اللي وضعناها
بالنسبة للاقتراحات الي حضرتك طرحتها فانا بشكر حضرتك عليها للمرة التانيه وف بالفعل هذه المقترحات انا حطيتها ضمن الخطة
ولو رجعت لمحتويات الورشة ف الصفحة الاولي هتلاقيها كلها ما عدا
برنامج Zeit ودا انا بستخدمه ف التحليل الفلكي وليس له اي علاقة بالزوايا السعرية الزمنية

يا أخى الغالى

أى شئ يفيد الناس ويعوض خسايرهم وفى إيدك تعلمهم إعمله ، الله يبارك فيك وفى أهلك جميعا.
وإحنا كلنا معاك.

وعلى فكره فيه إقتراحات بناءه كثيره أخرى ، بس خللينا نمشى فى الدروس.

بارك الله فيك.

[medo93]

انا اتنازل عن الشرح الان و سيتم اعادة السؤال عند الانتهاء من الدروس جميعها. اكمل بارك الله فيك انت الربان هنا

شكرا جزيلا اخي الحبيب ع أخلاقك الطيبة كما أني لست ربانا فأنا طالب علم مثلكم وربنا يوفقنا جميعا وممكن اقول ان خلاص وقت الجد ع وشك البدء يعني هذا الأسبوع أن شاء الله هننتهي من دراسة جميع الأشكال وممكن نبدا ف مواضيع تاني ودا هيتطلب جهد كبير مني ف الشرح ومنكم ف التطبيق لكن ان شاء الله هندرس كل حاجة مع بعض ومش هبدا حاجة غير لما احس ان اللي قبلها اتفهمت ودي ف أيديكم يعني لما الشكل يتشرح مطلوب رفع النماذج من كل الاعضاء علشان نشوف اللي بعده

[medo93]

يا أخى الغالى

أى شئ يفيد الناس ويعوض خسايرهم وفى إيدك تعلمهم إعمله ، الله يبارك فيك وفى أهلك جميعا.
وإحنا كلنا معاك.

وعلى فكره فيه إقتراحات بناءه كثيره أخرى ، بس خللينا نمشى فى الدروس.

بارك الله فيك.

اكيد من غير ما تقول اخي محمود ولو حضرتك شايف ان ف اي اقتراحات ممكن تساهم ف تحسين الورشة لا تترد ف ذكرها
بس هو فعلا في نقطة التعجل يعني من يومين كان ف عضو من الاعضاء رافع شكل خط مستقيم وانا رديت عليه وقلتله فعلا الشكل
مستقيم وصحيح 100%وهدف الزوج هو الزاوية 360 وع الرغم اني اكدت له الصفقة هو برضه مدخلش ومفتحش اي عقود جديدة
وقال حاجة جميلة جدا وهي ان هيبدا يشتغل بالطريقة دي بعد ما الشرح كله ينتهي وبرضه امبارح كان في عضو تاني رافع شكل وفاتح عليه اكتر من 5 عقود وللاسف ضربت استوب ودا يخليني اطلب من كل المتابعين عدم فتح اي عقود ع الحسابات الحقيقة وبحذر من الموضوع دا وزي ما قلته قبل كدا ف حاجت اساسا اهم من معرفة الشكل الهندسي ف ازاي تدخل بناء ع الشكل بس ممكن تفتح عقود ديمو وتابع عليها

[medo93]

بسم الله الرحمن الرحيم

اليوم ان شاء الله سوف نقوم بشرح اخر جزء خاص بمؤشر ابو حمزة
حيث درسنا كيفية التحكم بالزوايا والزمن وغيرهم وايضا تطرقنا الي شرح جزء من كيفية ضبط اعدادات المؤشر واليوم ان شاء الله سننتهي مع هذا الموضوع ثم نعود لموضعنا وهو الاشكال الهندسية

نبدا ع بركة الله

شرح الجزء الخاص باظهار واخفاءومكان صندوق ادوات التحكم

واول حاجة هلاقيها هنا هي ايضا عبارة عن سؤال من المؤشر
السؤال دا هو :show control

والمفروض الاجابة بتاعتي تكون

true :يعني ايوا اظهر صندوق ادوات التحكم

او ممكن اخليها

false يعني لا تظهر هذا الصندوق التحكم



وبالتالي هلاقي صندوق ادوات التحكم اختفي من الصورة

السؤالين الي جاين مرتبطين ايضا ببعض وممكن نمثلهم بانهم عبارة عن خطوط الطول والعرض
في الصورة اللي جاية انا محدد

control xpos
ودا الجزء المتحكم في ازاحة مكان صندوق الادوات لاعلي او لاسفل يعني كل ما ازود او انقص الرقم المكتوب هلاقي مكان اداة التحكم بيرتفع وينخفض
control ypos
والجزء دا مسئول ع التحكم ف ازاحة مكان الصندوق الي جهة اليمين او جهة اليسار ودا متوقف اني ازود الرقم او انقصه

ان محدد control xpos بالسهم الاحمر
ومحددcontrol yposبالسهم الاصفر

وهنلاقي ان قداهم الارقام 100- 50 علي الترتيب ودا بيكون الوضع الافتراضي

وكمان انا محدد مكان الصندوق نفسه بسهمين الاحمر والاصفر علشان نشوف مع بعض لما اغير الارقام دي ايه اللي هيحصل



انا ف الصورة القادمة هضاعف الارقام وسنجد ان مكان صندوق التحكم سيتحرك ناحية اليسار وايضا سيتحرك للاسفل
اي انه يتجه نحو منتصف الشاشة وكلما جعلت هذه الارقام اكبر سنجد انه يتجه نحو منتصف الشاشة



والعكس صحيح فكلما نقصت هذه الارقام سنجد ان مكان الصندوق يتجهة نحو الركن الموضوع فيه
انا شخصيا عامل الاعدادت دي 10-10 علشان مكان الاداة يكون ف الركن وبعيد عن الشموع

اخر حاجة ف الجزء دا هي ان المؤشر بيديلي 4 خيارات اني اضع فيهم صندوق التتحكم وهم ال 4 اركان وهم
اعلي اليمين
اعلي اليسار
اسفل اليمين
اسفل اليسار

طب يلا نشوف الصور علشان نقفل الجزء دا

دي الصورة الاولي
right upper يعني اعلي ايمين



ونخلي بالنا من صدوق التحكم نفسه ترتيب الادوات بداخله بيختلف لما المكان بتاعه يكون فوق عن لما يكون المكان تحت


يعني لما صندوف التحكم يكون فوق سواء ف جهة اليمين او اليسار
بتكون angel فوق وال frame تحت

لكن لو اداة التحكم كانت تحت هلاقي الوضع اختلف
هلاقي angelتحت وال frame فوق

طب تعالو نخلي اداة التحكم righr lower يعني اسفل اليمين ونشوف الكلام دا

طب يلا نخليها اعلي الشاشة ناحية اليسار left upper

وكدا الجزء دا انتهي ونروح للجزء اللي بعده

عرفنا من المشاركة السابفة ان الرسم بتاعنا لا يخلو من 3 خطوط وهم
1-الخط الرئيسي ودا قلنا عليه هو الزاوية 0 وهو اللي يتم وضعه ع القمة او القاع ونبدا من عنده الرسم ودا اسمه main line
2-الزاوية الرئيسية ودي اللي بنحدد عن طريقها الشكل الهندسي ودا اسمه line بس
3- الزاوية الفرعيه ودي برضه بتساهم ف تحديد الشكل الهندسي وكمان بتكون محطات السر بيوقف فيها وبتكون نصف الزاوية الرئيسية ودا اسمه :sub line

الجزء القادم هو المسؤل عن ضبط هذه الخطوط يعني عايز

يعني المؤشر هيرجع يسال حضرتك عايزالخط الخاص بالزاوية الرئيسية لونه ايه وايه ال style المنسب لحضرتك
وكمان عايز الخط الخاص بالزاويةالفرعية لونه ايه وايه الstyle المناسب لحضرتك
واخر حاجة عايز الخط الرئيسي لونه ايه وايه الاستايل المناسب

قبل اي حاجة يلا نعرف ايه هو ال style
ف المؤشر عندنا 5 استايلات ممكن نختار بينهم وبنختار عن طريق كتابة الرقم الخاص بالاستايل
يعني مثلا لو عايز الخط يكون خط عادي مكتمل هكتب الرقم0
ولو عايز الخط يكون عبارة ع شرطات هكتب الرقم 1
ولو عايز الخط يكون عبارة عن نقط هكتب الرقم 2

والصورة اللي جاية هتوضح كلامي بالضبط



هنا انا جايب الstyle الخاص بالترند دا والنسبة للمؤشر هي نفسها نفس الارقام

يعني لو قلت للمؤشر

اعمل الاستايل الخاص بالزوايا الفرعيه رقم 1 هلاقية عمل الزوايا الفرعيه عبارة عن _ _ _ _ _
ولو قلته اعمل الخط الرئيسي 0 هلاقية عمله بالشكل دا ___________

وفي الصورة اللي انا بطب من المؤشر
انه يعمل الخط الرئيسي احمر والاستايل بتاعه 0
والزاوية الرئيسية لونها aqueوالاستايل بتاعها 2
والزاوية الفرعيه لونها رمادي والاستايل بتاعها 2

وبالتالي لقيت المؤشر طلعلي الصورة بالشكل دا

وطبعا لو عايز اغير اي لون او اي استايل كل اللي عليها انا اغيره من المكان بتاعه واني اكتب الرقم بتاع ال الاستايل الي انا عايزه

[medo93]

اخر جزء معانا ف القسم دا هو الجزء الخاص بحجم الكتابة font
وفي الصورة اللي جاية هتلاقي اني كاتب الرقم 10ف الخيار الخاص بال font
ودا شكل الصورة

وطبعا لو حبيت اكبر اكتابة هكبر الرقم الخاص بال font زي الصورة اللي جاية دي

وكدا الجزء دا انتهي ونروح للجزء اللي بعده ع طووووووووووووووووول

الجزء دا خاص بالقنوات السعرية

انا هسيب اول اختيارين وهخليهم للاخر

وفيها هلاقي 4 حاجات اساسية

1-قناة سواء كانت صاعده او هابطة والقناة دي هلاقي فيها خط علوي وخط سفلي وخط المحور اللي هو ف المنتصف والقناة دي لونها ابيض وانا حاطط عليها اسهم لونها ابيض
2-الفواصل الزمنية ودي لونها اصفر وانا معلم عليها باسهم صفراء
3 المربعات او المستطيلات الزقاء ونا برضه معلم عليها بمربع ازرق
4-العرض الخاص بترندات القناة
والصورة ةاللي جاية فيها الكلام اللي فوق دا

طب انا هطلب من المؤشر انه يعمل القناة السعرية باللون الموف ويعمل الفواصل الزمنية باللون الاخضر وكمان يعمل المربعات باللون الابيض
وانا هخلي الاعدادت بالشكل اللي ف الصورة الجاية وهو هيعمل الرسم برضه زي ما ف الصورة

طب يلا نشوف الخيار الخاص ب ال :chanel trend width

والمقصود بيها حضرتك عايز القناة السعرية عريضة ولا لا ولو عايزها عريضة عايز العرض بتاعها كام
ف الصور اللي فاتت العرض كان 1 ودا اقل عرض انما ف الصورة اللي جاية العرض 3 وومكن نرجع للصور ونقارن الفرق

ودلوقتي نرجع للخيارين اللي سبناهم ف الاول

الخيار الاول :show cross

ومعناه اظهار الخطوط العكسية او الترندات العكسية وف الصور السابقة كانت الاجابة false

لكن لو عملناها true

هنلاقي الصورة بالشكل دا

يعني المؤشررسم خطوط زيادة والخطوط دي هعرف ان شاء الله فايدتها ايه

والخيار التاني:show all

فايدته اظهار واخفاء ما يعرف بشبكة جان المؤشر برضه ف هذه الخاصية يعني لو عملت الخيار دا true
هلاقي المنظر اصبح بالشكل دا

وكدا القسم دا انتهي بفضل الله وباقي معانا اخر قسم وهو الجزء الخاص بضبط رسم النجمة

هنلاحظ ان الجزء دا شبيه جد بالجزء الخاص بالقنوات

يعني هو برضه عباره عن ترندات وفواصل زمنية ومثلثات بدلا من المربعات اللي كانت ف الجزء السابق وكمان امكانية التحكم ف عرض الترندات الخاصة برسم النجمة

دا بيكون الوضع الافتراضي الخاص بالنجمة
ترندات بيضاء فواصل زمنية صفراء ومثلثات زرقاء والعرض الخاص بالترندات هو 1

[medo93]

في الصورة القادمة انا هخلي الترندات لو نها موف والعرض الخاص بها هو 3 وليس 1 وكمان هخلي الفواصل الزمنية حمراء وهعمل لون المثلثات رمادي

واخير هطلب من المؤشر انه يحذف مثلثات الحركة اللي لو نها رمادي عن طريق ان هعمل ون المثلثلات دي بلون الخلفيةوهو اللون الاسودوهنعرف سبب حذف هذه المثلثات ف الجزء الخاص بالنجمة باذن الله

وكدا نكون انتهينا بفضل الله من شرح جميع اجزاء المؤشر ومعرفة كيفية ضبط اي جزء خاص بالمؤشر
المطلوب دلوقتي كل واحد من متابيعني الاعزاء يعمل تمبلت خاص بالطريقة ويختار الشموع والباك جراوند
ويختار الوان الزوايا الرئيسية والفرعيه والون وحجم القناه زما اتعملنا ويرسم الاشكال اللي هناخدها بالتمبلت دا بحيث ان التمبلت يكون علامة مميزه خاصة بيه

والي لقاء جديد ف المشاركة القادمة ان شاء الله

[moaaad]

أخى محمد

أرجوك إستمر فى المنهج اللى حضرتك رسمته من الأول ، وياريت تتجاهل ما دون ذلك حتى لا نتشتت.
ممكن لو لقيت نقطه فى مرحله متقدمه عاوزه شرح ممكن ندونها على الجنب ولما نوصل لهذه المرحله نبقى نقولها.

عاوزين نتعلم صح ، كل حاجه تاخد وقتها وشرحها صح ، بدل ما نقفز هنا وهنا والنتيجه صفر ، وده بيكون سبب الطمع والأنانيه من بعض الأشخاص وإستعجالهم الربح، وده بيستنفذ وقتك ومجهودك وإحنا محتاجينه.
رجاااااااء
عاوزينها دوره تعليميه محترفه متقنه متكامله من الألف للياء بدون مقاطعات ومداخلات تشتت الموضوع وترهقك على الفاضى، ولما تطلب منا المداخله او أمثله نبقى نتكلم ونشارك.
ومش عاوزين الجانبيات وخلف الكواليس وتحت الترابيزه والرسايل وووو ، من بعض الأخوه.

ده المنهج بتاعنا حسب ما وضعته حضرتك (قابل للتعديل)
1- مؤشر ابو حمزة والتعامل معه والرسم بيه (حاليا يتم الشرح فيه )
2- خصائص الاشكال الهندسية
3- استخراج الدعوم والمقاومات من الاشكال الهندسية
4- ربط الفريمات واستخراج منطقة الكلاستر السعري والزمني
5- رسم الترندات والمراوح والترندات العكسية
6- رسم الفواصل الزمنية ومعرفه كيفية استخراج الفاصل الزمني المناسب للشكل الهندسي
7- استخراج اوقات الانعكاس الرئيسية والفرعيه
8- اذا جاء الزمن ولم ياتي السعر هل سيغير الاتجاه ؟
9- الرسم بدون مؤشر باستخدام معادلة الجذر التربيعي
فيه إضافات مقترحه مثل :
- النجمه وأسرارها
- إختيار القمه/القاع الصحيح
- شرح تحليل كامل لعمله ما
- برنامج Gannalyst
- برنامج Zeit
- وأخرى سوف تستجد أثناء الشرح


خللينا نكمل ، بسم الله ، توكل على الله.
شكرا لتفهمكم وسعه صدركم.

كلام سليييييييم .. أؤيد فكرتك اخي محمود تماما

استمر اخي محمد بدون استطراد إلا فيما تراه مناسباً
ما زالت الأرض لينة و رطبة حتى نستطيع السير بسهولة فوقها ..

[Mohammed_Trader]

استاذ محمد شكرا على الشرح

[hishamo]

اول مشاركة الي في المنتدى
اولا الف شكر للاستاذ محمد على الشرح المبسط والجميل والمفهوم
تانيا اول رسم للدولار اندكس هل هي صحيحة ؟؟؟؟

[hishamo]

هل هذا الشكل صحيح ؟؟

[ALGERIANO]

رائع

[Mohammed_Trader]

استاذ محمد من فضلك لو تشرح كيفية اختيار قمة او قاع بشكل صحيح
لان هذه الجزئية مهمة جدا لاستخراج الاشكال

و جزاك الله خيرا