الزوايا السعرية والفواصل الزمنية

[mohammedgaber]

دي صورة لاحد حالات الشكل الدائري للكندي ف الوقت الحالي

الملف المرفق 475103

واللي قلنا انه يعتبر كنز من كنوز الفوركس واقسم بالله اني دخلت هذه الصفقة ع الحساب الخاص
وتم تحيق 37$ من عملة الكندي وبلوت 0.03لحساب استاندرد

الملف المرفق 475105

مبروووووووووووووووك الارباح

انا كمان دخلت بيع على الكندي واستفدت منه جدا الاسبوع دة الحمدلله ولسة شايف ان معاه هبوط كبير

[medo93]

متابعيني الاعزاء

انا حابب اتكلم معاكم ف بعض النقاط

اولا: الفوركس عموما ثانيا:طرية الزوايا السعرية الزمنية

الفوركس

لو بصينا ف الفوركس كل ع بعضه هلاقي ان عندي احتمالين لكل صفقة

بيع شراء

ولو جينا نحسبها رياضيا طبقا لنظرية الاحتمالات هنلاقي ان معنديش غير احتمالين يا اما السعر يطلع او ينزل يعني كل احتمال 50%
وبالتالي كل واحد فينا المفروض يستخدم كل الادوات المتاحة معاه مقابل ايه يرجح احتمال عن التاني
والادوات دي ممكن تكون طريقة معينه من طرق التحليل ايا كانت او ممكن تكون مؤشر معين او ممكن تكون دمج بين ال 2 او ممكن تكون حاجة تالته زي اتباع بعض المحللين
ولو حضرتك نجحت ف الموضوع دا بتكون النتيجة مكسب نتيجة نجاح التوقع ولو حضرتك منجحتش بتكون النتيجة خسارة
طبعا بغض النظر عن موضوع ادارة راس المال وحجم اللوت اللي حضراتكم عارفينه انا مش هدخل فيه وخلينا ف موضوعنا
كل اللي مطلوب من حضرتك تعرف تزود احد الاحتمالين عن الاخر وباي طريقة حضرتك تختارها

وفي حاجة كمان
ممكن طريقة معينه نسبة نجاحها مع شخص معين 70 % ودي ممكن بعض الاشخاص لا ينظرو اليها وممكن البعض الاخر يشوف انها كافيه جدا للتداول بالطريقة دي

طب ايه السبب؟

السبب ان اللي هيشتغل بالطريقة دي عنده 7 صفقات مكسب و3 خسارة لان نسبة النجاح 70%
ومع الخبره هيقدر يطلع مين الصفقة اللي هتكون من 7(مكسب )ومين اللي هتكون من ال3(الخسارة)
وبالتالي ممكن يفتح العقود اللي هو شايف انها من صفقات المكسب ويسيب الخسارة او ممكن يعكس الخسارة ويحولها لمكسب
ف النهاية هتكون معاه طريقة نسبة نجاحها تتعدي ال 90 %
اللي عايز اوصله من المثال دا ان السوق مرن وكل يوم ف جديد وطرق جديده بتظهر والتداول بنفس الاسلوب خطاء كبير زي ما السوق بيتغير حضرتك لازم تتغير لا مش هينفع ان السوق يتغير وحضرتك واقف بالطريقة بتاعتك او سيبه والله احسن من الخساير اللي هتجيلك من وراه
واكبر دليل ع موضوع التغير هو ظهور مدارس التحليل المختلفة فو كان السوق واحد لكفي بمدرسه واحده ولكن من التطور المستمر ف السوق كان لابد من ظهور مدارس مختلفة لمجاراة هذه التغيرات ولكا مدرسة مميزاتها وعيوبها
وخلينا نتفق ع حاجة اساسية وهي ان واحد بس هو اللي مش بيضرب عنده استوب وهو
اللي مش بيستخدم الاستوب

[medo93]

ثانيا: طريقة الزوايا السعرية الزمنية

اولا انا مش جاي المنتدي علشان اخترع طريقة جديدة انا لسه بجرب فيها بالعكس الطريقة موجوده من سنين وفي ناس كتير عارفينها وكمان في محللين كبار بيشتغلو بيها
وتم شرحها اكتر من مرة ومن اكتر من شخص واليوتيوب مليان دروس خاصة بالزوايا السعرية الزمنية

الطريقة نفسها تم مهاجمتها ف الماضي ويتم مهاجمتها ف الحاضر ووقد يتم مهجمتها ف المستقبل والموضوع دا مش جديد عليها
انا شخصيا شايف ان كل الشرح اللي اتشرح دا غير مكتمل ودا اللي خلا الناس تتوه فيها وتنفر منها لانهم مقدروش يشتغلو بيها

الطريقة دي يتم تدريسها من قبل الدكتور حمادة سلام ب 2000$ واخر كورس كان ب 1500$ والكورس 6 او 7 محاضرات كل محاضرة ساعتين
انا جايب الكلام دا من اكاديمية خبراء المال واللي هي اساسا مسؤلة عن الحجز والتنسيق للكورس

بعض ما يؤخذ ع هذه الطريقة

او ما يقول البعض انها عيوب

اولا :عدم وجود منصة محددة يمكن الاعتماد عليها ف التحليل

والعيب دا باختصار شديد جدا

ليس عيب ف التحليل بطريقة الزوايا السعرية الزمنية فقط ولكن ف كل التحاليل الاخري
يعني ممكن لو اي حد من حضراتكم بيشتغل بطريقة معينه ايا كانت والعيب دا مش بياثر عليه يا ريت يقولي عليها واناهقوله ازاي اختلاف الشموع بياثر ف الطريقة بتاعته لان انا شخصيا درست معظم انواع التحاليل اللي ف السوق وعارف كل وحد ايه مزاياه وايه عيوبه وممكن اقولكم كل تحليل بيتاثر بالموضوع دا ازاي لو حبيتو
يبقي كدا حرام ننسب الموضوع دا ع اساس انه عيب ف الطريقة مع انه عيب ف كل انواع التحاليل التانيه وخصوصا التحليل الرقمي ودا مسكين بيعاني اشد المعاناه من الموضوع دا يعني لو الزوايا بتعاني بس ف اول شمعه التاني بيعاني ف كل شمعه وكدا بالنسب لباقي التحاليل مش الزوايا السعرية الزمنية

ولكن كما يقولون

الفشل هو ان تفكر ف المشكلة والنجاح هو ان تفكر ف الحل

واناالحمدلله لقيت ان في حلين لهذا الموضوع مش حل واحد وطبعا دا مش معناه اني كدا ناجح 100% ممكن حد تاني يجيب حل تالت ويكون افضل من ال2 اللي معايا(طبعا دا بالنسبة لطريقة الزوايا السعرية الزمنية وممكن نطبقه ع بعض التحاليل)

اولا سيب القمة او القاع اللي فيها اختلاف وابدا من اللي بعدها لان اللي فيها اختلاف كل شركة بتكون شغاله بدماغها وبتجيب ديول للشموع ع حسب هواها والقمم والقيعان دي غير حقيقية بالمرة وغالبا القمم والقيعان دي بتتكون وقت الاخبار بنسبة 99% والحل دا فعال جدا وسهل جدا

والحل التاني ودا برضه فعال اكتر من الاول لكنه محتاج مجهود شويه
وهو عن طريق اخذ متوسط
يعني انا عندي شركتين كل واحده ليها قمة مختلفه ف الحالة دي انا هجمع القمتين واقسم الناتج علي 2
لو لو معايا 3 شكرات برضه هجمع ال 3 قمم واقسم الناتج ع 3 ولو 4 شركات هجمع ال 4 قمم واقسم الناتج ع 4
وهكذا بالنسبة للقاع
يعني باختصار انا هجيب الرقم اللي يرضي كل الشركات وكل ما كان عدد الشركات اكتر كل ما كان الرقم اللي هيظهر ادق
انا بقول الكلم دا عن تجربة

ثانيا :القمم والقيعان الكثيرة

ودا خاص بالزوايا السعريه
ف بداية ظهور الطريقة كانت تشاع فكرة اني لازم اختار قمة مفيش اعلي منها ف خلال 360 شمعه سابقة
والعكس لو هختار قاع برضه لازم ميكونش ف اقل منه ف خلال 360 شمعة سابقة
ولكن ثبت فشل هذه الفكرة وللاسف بعض الاشخاص لا تعلم هذا الموضوع
لكن انا ذكرته ف الشرح الخاص بالشكل الثلاثي
وقلت اني لو لقيت قمه وبعدها ب كام شمعه لقيت قمه تانيه جنبها لازم اختار القمة الجديدة للو كانت اقل منها وطبعا الموضوع دا ليه شرح شامل بس دي بعض المفاتيح
والسبب ان القمة الاولي مش هتظبط الزمن معايا لكن القمة او القاع الجديد هو اللي هيظبطه
وبالتالي هيظهر معانا مصطلح جديد اسمه قمة مستهلكة او قاع مستهلك مش موضوعنا شرحه حاليا بس خلينا فاكرينه
وبالمنسابة برضه من فترة كان ممكن نحسب حاجة اسمها عدد الدورات عن طريق حاجة اسمها الرقم الاولي للقمة او القاع لو حد عارفه انا حااابب بس اني ابلغه ان الموضوع دا برضه خلاصص انتهي ومحدش شغال بيه واللي مش عارف الطريقة دي مفيش داعي انه يعرفها لانها مضيعة للوقت وكلام كورسات مش اكتر

موضوع ضبط الزمن

هو كفكرة عامة اني بختار زمن يمثل انصاف او مضاعفات الزاوية اللي ردت السعر
يعني لو عندي الزاوية اللي ردت السعر هي 90 يبقي الزمن لازم يكون 45 او 180 وممكن يكون 90 برضه دول اكثر 3 احتمالات انا بقابلهم لكن برضه ممكن يكون نصف ال 45 يعني 23
بس انا مليش اي دخل ف الموضوع انا بستني اول مربع ف الرسم يخلص وبعدها المفروض اني بكون عرفت الشكل
زاويته ايه وزمنه كام ودا بتحدد من المربع الاول واللي اساسا مش بيكون فيه اي نوع من انواع الصفقات
لان المربع دا اسمه مربع العمليات يعني من المخاطرة اساسا الدخول فيه واللي يدخل ميجيش يلوم الطريقة ولازم يعترف انه اخطا

موضوع ازاي اقدر احكم ان الشكل عمل ارتداد من الزاوية او لا

انا شرحت ف الشكل الثلاثي الموضوع دا ووعرفنا امتي نقدر نقول ان ف اتداد وامتي مفيش ولو زياده ليه مش بنقبله ولو كان الارتداد بسيط ليه برضه مش بنقبله وممكن ترجعو الشرح دا تاني

ركزوا معايا ف الموضوع اللي جاي دا كويس جداجداجداجدا
كلمة السر ف هذه الطريقة والسر اللي انا قلته بالفعل وفي ناس تانيه قالته لكن بطريقة غير مباشرة هي

دمج الفريمات

ايوا دمج الفريمات او تربط الفريمات
انا قلت قبل كدا ان الزوايا السعرية دي كل فريم فيها عبارة عن ترس وعندي كلها بتلف ورا بعضها بطريقة منظمة جدا جدا
ولازم اشوف الكبير بيلف ازاي علشان اقدر اعرف الصغير بيعمل ايه لان اساسا الشكل اللي بيكون ع الفريم الصغير ما هو الا تصحيحه ع الفريم الكبير ولما التصحيحة دي تخلص الشكل بتاع الفريم الكبير بيكمل طريقه وتم شرح هذه الجزئية بالتفصيل
لكن من اكثر الاخطاء واصعبها النظر الي فريم معين بشكل مستقل دي هي مصيبة كل من يعمل بهذه الطريقة
انا مش هوضح اكتر من كدا لان شرح الموضوع دا صعب انه يكون جزء من مشاركة وانما لازم يكون موضوع مستقل وبرضه ممكن حضراتكم ترجعو لتحليل الموجنون واللي انا متعمد اجيبه علشان اوضح
الطريقة بتشتغل ازاي وممكن اعمل تحليل لزوج تاني علشان اثبت ان الطريقة بتشتغل عن طريق ربط الفريمات ببعضها وليس المتاجرة بفريم واحد
يبقي خلينا نتفق من دلوقتي ان مينفعش تشتغل بفريم واحد ولازم تشوف الفريم الاكبر بيقول ايه
علشان اقدر احكم الشكل اللي شغال ع الفريم الصغير هينتهي فين او هيعمل كام دورة

موضوع المتاجرة نفسها بيتحدد ع عدد عوامل محدده انا تقريبا ذكرتها ف المشاركة359 وممكن نذود عليها موضوع تحليل الاندكسات
وبالتالي هرجع تاني واقول مش هينفع اجيب شكل ع فريم معين وادخل عليه بيع او شراء وبعدها اجي الوم واشتكي من الطريقة لما الصفقة تبوظ
لازم اشوف الكبير رايح فين وجاي منين وبعدها اشتكي

[medo93]

مبروووووووووووووووك الارباح

انا كمان دخلت بيع على الكندي واستفدت منه جدا الاسبوع دة الحمدلله ولسة شايف ان معاه هبوط كبير

الله يبارك فيك يا ريس

[ebrahimhussin]

استاذ ميدو
بما انك تجاوبت مع الموضوع الذى فتحته انا بشكل غير مباشر هنا فى موضوعك
https://forum.arabictrader.com/t242471.html
كنت اتمنى ان تكون اذكى من ذلك وتملك من القوة والجرأه اكبر واكثر من ذلك
كان من السهل على جدا ان ادخل اعلق على سلبيات ومميزات الطريقه فى موضوعك هنا منذا البدايه او فى ورشة الدكتور حماده وان كان ينفع فى ورشة الدكتور فلا ينفع تماما فى ورشتك احتراما لمن يتابعك واحتراما للمسلسل الذى تتبعه فى تعليم من يتابعك ... فلا ارى بنفسى انه يحق لى ان اناقش معك امور متطوره للغايه وانت ما زلت مع متابعيك فى اول السلم
وطبيعى جدا سيكون الرد منك على اى جزئيه حرجه انك ما زلت لم تشرحها وانه سيأتى دورها
وبالتالى ساكون مخل باداب الموضوع وسيره
فلذا تركت لك بالاخص مساحتك الكافيه تماما لتعليم متابعيك وفتحت موضوع مستقل انتقد فيه الطريقه بوضوح ونقاط محدده واوضح عيوبها التى ليس لها علاج الى الان
فكنت اتمنى ان تكون اذكى واجرأ من ذلك وتدخل هناك كاحد ممثلين المدرسه لمناقشة الامور المتقدمه
اما لو تريد مناقشتها هنا ولا تهتم بالسلم التعليمى الذى تعلم به المتابعين فلا مانع اناقشك واثبت امام الناس وبالشارت انها مدرسه الى الان غير ناجحة
فارجو ان تسمح لنا هنا بمناقشتك
او تشرفنا هناك فى الموضوع ده
https://forum.arabictrader.com/t242471.html

[ramabdou]

تسلم يا عزيزي ميدو

نتمنى الشرح اكثر في مسألة ربط الفريمات ............وأشكرك كثيرا على نصائحك بالنسبة لاختيار القاع او القمة الصحيحة

[newtoforex]

اخي الحبيب انا جاوبت ع السؤال دا قبل كدا لكن مش مشكلة ممكن اكرر الاجابة
اولا الرسم صحيح طبقا لما تعلمناه وهو بالفعل شكل ثلاثي محترم
وكن انا ذكرت ان في حاجت تاني لا تقل اهمية عن معرفة الشكل الثلاثي وذكرتها بالفعل
وقلت انها عبارة عن 3 حاجات وهي
هل القمة اللي حضرتك مختارها صحيحة او لا ودي لسه لم نتكلم عنها ف الورشة
2 هل الاسبيس مظبوط ولا لا ودا برضه لسه لم نتكلم عنه ف الورشه
3-هل الفريم الاكبر له وجهة مختلفة ام انها نفس الوجهة (موضوع ترابط الفريمات ) والموضوع دا لسه برضه مدرسناهوش
4-هل الزمن بيدعم استكمال الشكل ام عدم الاستكمال وبالتالي انا بكون عارف اذا كان الشكل دا هيفشل ولا هينجح

يعني لما حضرتك ترفع شكل زي الشكل اللي معانا انا لازم اقول انه صحيح لانه بالفعل لغاية ما تعلمن هو دا الشكل الثلاثي ارتداد من 120 الي منتصف المسافه او اكثر او اقل
ولكن حضرتك شفت باقي الحاجات اللي بتحكم معايا اذا كان دا شكل ناجح او لا
هو كل الحاجات دي سهله وكله بتكون بمجرد النظر زي معرفة الشكل الهندسي ولكن كلها مهمة زي بعضها
فاي شكل هيفشل ف الاشكال اللي جايه هتكون دي الاجابة
لغايه ما ننتهي من دراسة كل العوامل دي مع بعض ان شاء الله
وممكن حضرتك تراجع التحليل الخاص بالمجنون علشان تعرف الطريقة بتشتغل ازاي واني علشان اخد قرار بيع او شراء لازم اعمل ايه
ودا علشان لما اتاكد من الحاجات دي والشكل يفشل اقدر ساعتها اقول الطريقة دي فيها مشكله وكمان صدقني مش هتلاقي المشكلة ف الطريقة هتلاقي فريم تاني حضرتك معملتش حسابه ماشي ف طريقه وحضرتك مش شايفه

ودي الصورة الخاصة باليوروين

لو حضرتك بصيت ع الفريم اليومي هتعرف ليه الشكل باظ ع 4 ساعات
يعني من الاول انا عارف ان الشكل هيبوظ او بمعني ادق عارف امتي ممكن الشكل دا ممكن يكتمل
والشرط هو كسر الزاوية 540 ع الفريم اليومي
ودا محصلش بالعكس السعر لمس المنطقه وطار من المنطقة اكتر من 120
واتمني ان حضرتك عرفت اجابة للسؤال
الملف المرفق 475078

شكرا على تعبك في الشرح و الصورة وضحت الان. لكن الشكل(للتصحيح) الذي انا وضعته هو شكل مستقيم و ليس ثلاثي

[KHALIDFX2015]

موفق ان شاء الله

[ALGERIANO]

استاذ ميدو
بما انك تجاوبت مع الموضوع الذى فتحته انا بشكل غير مباشر هنا فى موضوعك
https://forum.arabictrader.com/t242471.html
كنت اتمنى ان تكون اذكى من ذلك وتملك من القوة والجرأه اكبر واكثر من ذلك
كان من السهل على جدا ان ادخل اعلق على سلبيات ومميزات الطريقه فى موضوعك هنا منذا البدايه او فى ورشة الدكتور حماده وان كان ينفع فى ورشة الدكتور فلا ينفع تماما فى ورشتك احتراما لمن يتابعك واحتراما للمسلسل الذى تتبعه فى تعليم من يتابعك ... فلا ارى بنفسى انه يحق لى ان اناقش معك امور متطوره للغايه وانت ما زلت مع متابعيك فى اول السلم
وطبيعى جدا سيكون الرد منك على اى جزئيه حرجه انك ما زلت لم تشرحها وانه سيأتى دورها
وبالتالى ساكون مخل باداب الموضوع وسيره
فلذا تركت لك بالاخص مساحتك الكافيه تماما لتعليم متابعيك وفتحت موضوع مستقل انتقد فيه الطريقه بوضوح ونقاط محدده واوضح عيوبها التى ليس لها علاج الى الان
فكنت اتمنى ان تكون اذكى واجرأ من ذلك وتدخل هناك كاحد ممثلين المدرسه لمناقشة الامور المتقدمه
اما لو تريد مناقشتها هنا ولا تهتم بالسلم التعليمى الذى تعلم به المتابعين فلا مانع اناقشك واثبت امام الناس وبالشارت انها مدرسه الى الان غير ناجحة
فارجو ان تسمح لنا هنا بمناقشتك
او تشرفنا هناك فى الموضوع ده
https://forum.arabictrader.com/t242471.html

من فضلك لا تفسد الموضوع علينا انت تقول ان للطريقة لها عيوب لا حل لها .. هذا اعتقاد اخي ولا يجب على الباقي ان يؤمنوا به ..خلاص هي مش ناجحة معاك هذا شأنك ايضا فرجاءا لا تفسد الموضوع

[medo93]

شكرا على تعبك في الشرح و الصورة وضحت الان. لكن الشكل(للتصحيح) الذي انا وضعته هو شكل مستقيم و ليس ثلاثي

دي غلطة مطبعية يا ريس بس المهم ان الفكرة وصلت حضرتك

[medo93]

تسلم يا عزيزي ميدو

نتمنى الشرح اكثر في مسألة ربط الفريمات ............وأشكرك كثيرا على نصائحك بالنسبة لاختيار القاع او القمة الصحيحة

بالطبع اخي الحبيب فهذه اهم جزئية ف الطريقة كلها وسيتم شرحها اكثر من مرة باذن الله الي ان يتم فهمها

[alskndry]

استاذ ميدو
بما انك تجاوبت مع الموضوع الذى فتحته انا بشكل غير مباشر هنا فى موضوعك
https://forum.arabictrader.com/t242471.html
كنت اتمنى ان تكون اذكى من ذلك وتملك من القوة والجرأه اكبر واكثر من ذلك
كان من السهل على جدا ان ادخل اعلق على سلبيات ومميزات الطريقه فى موضوعك هنا منذا البدايه او فى ورشة الدكتور حماده وان كان ينفع فى ورشة الدكتور فلا ينفع تماما فى ورشتك احتراما لمن يتابعك واحتراما للمسلسل الذى تتبعه فى تعليم من يتابعك ... فلا ارى بنفسى انه يحق لى ان اناقش معك امور متطوره للغايه وانت ما زلت مع متابعيك فى اول السلم
وطبيعى جدا سيكون الرد منك على اى جزئيه حرجه انك ما زلت لم تشرحها وانه سيأتى دورها
وبالتالى ساكون مخل باداب الموضوع وسيره
فلذا تركت لك بالاخص مساحتك الكافيه تماما لتعليم متابعيك وفتحت موضوع مستقل انتقد فيه الطريقه بوضوح ونقاط محدده واوضح عيوبها التى ليس لها علاج الى الان
فكنت اتمنى ان تكون اذكى واجرأ من ذلك وتدخل هناك كاحد ممثلين المدرسه لمناقشة الامور المتقدمه
اما لو تريد مناقشتها هنا ولا تهتم بالسلم التعليمى الذى تعلم به المتابعين فلا مانع اناقشك واثبت امام الناس وبالشارت انها مدرسه الى الان غير ناجحة
فارجو ان تسمح لنا هنا بمناقشتك
او تشرفنا هناك فى الموضوع ده
https://forum.arabictrader.com/t242471.html

اولا اخى الفاضل تحياتى لك

وبالفعل انت انسان محترم ويتضح ذلك من خلال مناقشتك الراقية

واسلوبك المتحضر

واى طريقة لها عيوبها ولها مميزاتها ومفيش طريقة فى الفوركس

مهما كانت لاى شخص فى مكان فى العالم لا تخضع لاحتمالات المكسب والخسارة

والا انتهى الفوركس الكل كسبان

ولكن الاخ ميدو جزاه الله خيرا هو يحاول شرح الطريقة

لان فى ناس كتير طلبت ان حد يشرح الطريقة لان فى ناس كتير غامضة عنها

لانه صعبة وهناك شروحات كتيرة موجودة فى الانترنت

انا عن نفسى حاولت وبصراحة زهقت وتركتها

وها انا هنا اتابع من البداية

اه ممكن فى الاخر ما اشتغلش بها بس ابقى استفدت واتعلمت الطريقة

وممكن استغلها مه طريقة اخرى

فالموضوع بغرض تعليمى بحت

وفى النهاية تحياتى لك ولشخصك الكريم

وياليت كل الناس زيك فى المناقشة المتحضرة

[medo93]

استاذ ميدو
بما انك تجاوبت مع الموضوع الذى فتحته انا بشكل غير مباشر هنا فى موضوعك
https://forum.arabictrader.com/t242471.html
كنت اتمنى ان تكون اذكى من ذلك وتملك من القوة والجرأه اكبر واكثر من ذلك
كان من السهل على جدا ان ادخل اعلق على سلبيات ومميزات الطريقه فى موضوعك هنا منذا البدايه او فى ورشة الدكتور حماده وان كان ينفع فى ورشة الدكتور فلا ينفع تماما فى ورشتك احتراما لمن يتابعك واحتراما للمسلسل الذى تتبعه فى تعليم من يتابعك ... فلا ارى بنفسى انه يحق لى ان اناقش معك امور متطوره للغايه وانت ما زلت مع متابعيك فى اول السلم
وطبيعى جدا سيكون الرد منك على اى جزئيه حرجه انك ما زلت لم تشرحها وانه سيأتى دورها
وبالتالى ساكون مخل باداب الموضوع وسيره
فلذا تركت لك بالاخص مساحتك الكافيه تماما لتعليم متابعيك وفتحت موضوع مستقل انتقد فيه الطريقه بوضوح ونقاط محدده واوضح عيوبها التى ليس لها علاج الى الان
فكنت اتمنى ان تكون اذكى واجرأ من ذلك وتدخل هناك كاحد ممثلين المدرسه لمناقشة الامور المتقدمه
اما لو تريد مناقشتها هنا ولا تهتم بالسلم التعليمى الذى تعلم به المتابعين فلا مانع اناقشك واثبت امام الناس وبالشارت انها مدرسه الى الان غير ناجحة
فارجو ان تسمح لنا هنا بمناقشتك
او تشرفنا هناك فى الموضوع ده
https://forum.arabictrader.com/t242471.html

شكرا جزيلا اخي ابراهيم
حضرتك ذكرت بعض النقاط اللي بتقول عليها عيوب
وانا حبيت اوضحهالك مع اننا بالفعل لسه مدرسناش الحاجات دي وكتبتها في هذا الوقت يعتبر اخلال بالمنهج المرسوم لكن مش مشكله الاعضاء مسامحينك وجبتلك الحلول اللي انا شايفه مناسب للمشاكل اللي بتواجه حضرتك دا وطبعا انا موضحتش كتير ف الحلول باعتبار ان حضرتك ملم بدراسة الطريقة وهتفهم انا بتكلم عن ايه ولكن هذه الصعوبات التي واجهتك وانا قدمت لك يد العون للتغلب علي هذه الصعوبات وبالتالي
اما ان تحاول من جديد باستخدام هذه النصائح ولو حبيت تشارك معنا ف الورشةبشرط الالتزام بما يتم طرحه مثل باقي الاعضاء يعني في ناس معانا عندها خبرة بالطريقة ومع ذلك ملتزمين جدا بم يتم شرحه
واما ان تحفظ وقتك ومجهودك وتقوم بالبحث عن طرق تحليل اخري ليست لها عيوب وتعمل بها
وحاجة كمان حضرتك كنت طلبت
اما انا فمقتنع جدا بهذه الطريقة وتذكر اخي الحبيب اني قبل كتابة هذه المشاركة مباشرة كنت رفعت شارت للكندي ع فريم ال 5 دقايق اعتقد هو من الشروط اللي حضرتك عايزها فريم اقل من 15 د والحمدلله الزوج لم يعكس عليا ولا نقطة وحقق 75 نقطة طبعا الرقم دا ممتاز انه يكون هدف لصفقة معمولة ع فريم 5 دقايق
هو امبارح لم يكن حقق الهدف بالكامل لكن النهاردا الحمدلله تم تحقيقة وممكن تتاكد بنفسك
يعني عايز اجابات ومحددات وانا كتبتلك وعايز شارت انا رفعتلك ولا اعتقد اخي اني املك لك اي شيئ بعد ذلك
واخيرا اتمني من حضرتك انك تبطل اسلوب الاستفزاز دا فانا ليس لدي جزئيات حرجة اخاف من مواجهتها كما اني والحمدلله لدي الجراة والذكاء ما يكفيني لمعالجة الامور الليالبعض بيهربت منها بدل ما يدور ع حلها وحاجة كمان فما فعلته مع الاخ اياد الفلسطيني كان كفيل بعدم ردي عليك الراجل برضه كان بيحاول يساعدك وحضرتك كان نقص تقوله اطلع برا او بمعني اصح قلتها
ولكني فضلت الرد ف الورشة الخاصة بي ربما تجد ف كلامي ما يكمل لك الصورة التي درستها او ان تنتفع به فانا دوري اني بوصل علم للي عايز ايا كان هو مين ولكن ف حالة انك لم ترغب فدي حاجة ترجع لحضرتك
وبالتالي انا معنديش كلام تاني اقوله ومش عايز اسمع كلام تاني حضرتك عندك موضوع روح قول فيه اللي يعجبك واستاذنك بالمرة تجيب عيوب طرق التحليل التانية ومن ضمنها طبعا الطريقة اللي حضرتك بتشتغل بيها ولو مفيش فيها عيوب يا ريت تقولنا عليها وانا شخصيا هسيب الزوايا واشتغل معاك بيها
لاني زي ما قلت قبل كدا انا بفضل الله بعرف اشتغل بمعظم الطرق اللي ف السوف فانا متفرغ تماما تماما لدراسة الفوركس وعرف كل طريقة ايه ميزاياها وايه عيوبها والاهم من دول ان الحمدلله عارف حلولها

شكرا لك اخي ابراهيم واتمني اني مشوفش مشاركات من حضرتك تخل بالورشة وتتوه الاعضاء ولو انا عايز اقولك معلومه اضافية اكيد هجيبهالك لغاية عندك وصدقني مش هبخل بيها عليك

[medo93]

موفق ان شاء الله

شكرا جزيلا اخي الحبيب ع مشاركة حضرتك وربنا يوفقنا جميعا ان شاء الله

[medo93]

من فضلك لا تفسد الموضوع علينا انت تقول ان للطريقة لها عيوب لا حل لها .. هذا اعتقاد اخي ولا يجب على الباقي ان يؤمنوا به ..خلاص هي مش ناجحة معاك هذا شأنك ايضا فرجاءا لا تفسد الموضوع

اخي الحبيب لا تقلق من هذا الموضوع فانا باذن الله مسمتر معاكم وصدقني لو اني اعرف ان الطريقة غير مفيدة لما كان ثمنها 1500$ ولما اضعت وقتي وقتكم
ولكني اردت ان امد يد العون ف بعض النقاط اللي ممكن تخلبط اي حد حتي انا نفسي كنت بتلخبط فيها ولكن الحمدلله صبرت وحاولت وجربت وف النهاية وصلت
ودلوقتي بحاول اعلم غيري الطريقة كلها واللي ناقصة فيها شويه حاجات انا بكملهاله لان نا هدفي تعليمي بحت ومش هتفرق معايا انا بشرح ايه ولا بشرح لمين
واللي هيفرق بس هل الشرح نفسه كويس ولا لا والحمد لله دا مفيش اختلاف عليه
وكمان انا برضه بشكر الاستاذ ابراهيم خلاني اكتب الملخص الشامل للطريقة بدون ما يقصد والمشاركة دي هتكون مرجع لينا ولاي حد بيدرس الطريقة دي