الزوايا السعرية والفواصل الزمنية

[medo93]

تمام جدا ربنا يزيدك من علمه
فى الخط المستقيم حضرتك قولت ان الدورة ممكن تنتهي عند 315 او عند 360 ... يعنى ايه الدورة تنتهي هل بنتوقع ارتداد مثلا لمستوي معين ؟
يعنى ايه اللى يفرق انتهاء الدورة من مجرد زاوية ممكن ترد السعر شوية ويرجع يكمل فى اتجاهه.
يعني مثلا فى الشكل الرباعي الزاية الثانية هى الزاوية 180 ومش بنتوقع منها اى شئ الا انه ترد السعر شوية تصحيحي .... هل فى الشكل المستقيم بنتوقع برضوا ان الزاوية 360 ترده شوية تصحيحي فقط وبعدين يكمل للزاوية 540

لا اخي الحبيب فبعد انا افصحت عن اسرار العمل بهذه الطريقة وومنها ربط الفريمات فمن خلال الفريم الاكبر يتم معرفه اين سينتهي الفريم الاصغر
يعني لو مثلا لقيت الفريم اليومي طلع ع شكل رباعي او خماسي او ثلاثي او اي شكل من الاشكال وعمل حاجة بنسميها حالة الوصول المبكر السعر يوصل مكان معين قبل الوقت بتاعه
في الحالة دي بنوقع ان السعر هيعمل تصحيح للاسف علشان يضيع وقت
التصحيحة دي بتكون عبارة عن شكل هندسي كامل ع الفريم الصغير وبتكون عندنا قمة ونبدا نشوف ايه هي الزاوية اللي ردت السعر والشكل اللي بينزل عليها وبرضه من الفريم الكبير هنقدر نعرف الشكل اللي ع الفريم الصغير هينتهي عند الزاوية كام
من خلال منطقة الكلاستر ولو حضرتك لسه مقرئتش التحليل الخاص بالمجنون ممكن ترجع تقراه ف الصفحات الاولي من الروشة وهتفهمي كلامي
يعني الفكرة مش ف الزاوية 360 ف حد ذاتها او 315 ممكن الشكل يعمل نص دورة وينهتي او دورة ونص وينتهي عند الزاوية 450
او دورتين وينتهي عند الزاوية 720 ولكن بصفة عامة احنا عارفين اننا طالما معانا شكل مكتمل يبقي هيروح ل 360 وطبعا مع اخذ عنصر الوقت ف الاعتبار
ودا طبعا الفرق لما يكون معانا شكل غير متمكل بنوكون متاكدين ان الشكل دا مش هيوصل للزاوية 360 وكمان الزوج بيكون ف مرحلة تذبذب وربنا يستر من الحرجة اللي بعدها وان شاء الله هنعرف الموضوع دا بالتفصيل ف الاشكال الغير مكتملة

[medo93]

امثلة على الخط االمستقيم سواء من القمة الاولى ( المستهلكة) او القمة الثانية
الملف المرفق 475284

الملف المرفق 475285

ممتاز اخي الحبيب وكمان حضرتك بقيت بتسيب القمم المستهلكة ودا شيئ يسعدني ع الرغم من ان كان ليا تحفظ من ظهور بعض الاجزاء قبل موعدها وذلك حتي اضمن شرحها بالطريقة الصحيحة
يعني انا مش بخفي اجزاء من الطريقة عن عمد بالعكس انا ناوي اشرح كل حاجة وبالتفصيل ولكن عايز الحاجة اللي تظهر تاخد حقها ف الشرح ودا سبب التزامي بالترتيب يعني القمم والقيعان المستهلكة هيكون ليها شرح مفصل وبالصور والامثله لانه مموضوع مهم جدا وان شاء الله يكون بيسط ومفهوم للجميع

[Gann]

ممتاز اخي الحبيب وكمان حضرتك بقيت بتسيب القمم المستهلكة ودا شيئ يسعدني ع الرغم من ان كان ليا تحفظ من ظهور بعض الاجزاء قبل موعدها وذلك حتي اضمن شرحها بالطريقة الصحيحة
يعني انا مش بخفي اجزاء من الطريقة عن عمد بالعكس انا ناوي اشرح كل حاجة وبالتفصيل ولكن عايز الحاجة اللي تظهر تاخد حقها ف الشرح ودا سبب التزامي بالترتيب يعني القمم والقيعان المستهلكة هيكون ليها شرح مفصل وبالصور والامثله لانه مموضوع مهم جدا وان شاء الله يكون بيسط ومفهوم للجميع

اثق تماما انك مش سايب حاجة عن عمد وانك ملتزم بترتيب معين ، واعذرني عن تجاوز الترتيب
ان شاء الله همشى معاكم
تحياتي

[medo93]

[sad_prince]

صباح الخير علي الجميع وصباح الخير علي عيونك استاذ ميدو
وجمعه مباركه عليكم وعلي الامه الاسلاميه إن شاء الله

[medo93]

اثق تماما انك مش سايب حاجة عن عمد وانك ملتزم بترتيب معين ، واعذرني عن تجاوز الترتيب
ان شاء الله همشى معاكم
تحياتي

لا اخي الحبيب فانا عندي سبق الشرح دليل ع الجتهاد ودي حاجة تدعو الي الفخر وليس الاعتتذار وان شاء الله هنخلص كل الاشكال (مكتمل وغير مكتمل )
وكمان ممكن نخلص الجزء الزمني الاسبوع القادم باذن الله واي جزء هلاقي ممكن نسرع فيه هنسرع لان كدا احنا بقي معانا الفكرة الرئيسة وكل اللي جاي
هيكون زيادات ع اللي تعلمناه

[medo93]

بسم الله الرحمن الرحيم

بعد ان تعرفنا سويا كيف نضبط مؤشر ابو جمزة وقمنا بدراسته بشكلا مفصلا وايضا قمنا بدرسة الشكل الثلاثي والخط المستقيم وتعلمنا كيفية استخراجه من الشارت
اليوم ان شاءالله سنقوم بدراسة شكل جديد من الاشكال الهندسية وهو

الشكل الرباعي

اعتقد ان مثال القطار اصبح لا قيمة له الان ويمكن العمل ع الزوايا بطريقة مباشرة فهو كان لمجرد تسهيل توصيل الفكرة والحمدلله اعتقد انها وصلت وممكن نرجعله تاني ف الجزء الزمني
والفكرة اللي اساسا انا كنت جايب المثال دا علشانها هي ان اول زاوية ترد السعر الي منتصف المسافة تقريبا هي دي الشكل الهندسي بتاعه

وعرفنا المرة اللي فاتت يعني ايه منتصف المسافة تقريبا وتم شرحها بشكل مفصل ف الشكل الثلاثي بس مخدناش امثله
انا هخلي الامثلة ف الدرس دا علشان نبقي خلصنا من نقطة الارتداد

وهنقول ازاي نحسبها بشكل اسهل باستخدام الفيبو فلو فرضنا مثلا اني لقيت ارتداد من الزاوية 120 طبعا اتوماتيك بعرف ان معايا شكل ثلاثي
بس الاول لازم اشوف الارتداد اللي حصل وصل النسبة المطلوبه ولا لا

وقلنا ان النسبة المطلوبه هي من 30% ل75
يعني الحد الادني اللي ممكن اقبله كارتداد هو 30 % والحد الاعلي اللي ممكن اقبله كارتداد هو 75 ومش هينفع اقل من كدا ولا اكتر من كدا وعرفنا السبب المرة اللي فاتت
طب يلا نشوف هنستخدم الفيبو فين ونقيس بيه ازاي

دي الحالة المثالية وهي ارتداد السعر من الزاوية 120 الي منصف المسافة بالضبط ولا اكثر ولا اقل
وهنلاقي ان الزاوية 60 هي نفسها 50% فيبو لان دي منتصف المسافه زي ما هنشوف ف الصورة

الحالة التانيه وهي ان الارتداد لا يقل عن 30 يعني الحد الادني له هو 30 ولو رحنا للفيبو هنلاقي ان ال 30 واقعة بين 23 و38 فيبو اي في منتصف المسافة بالضبط وومكن برضه نضيف مستوي ال 30 للفيبو بس ملوش لازمه الموضوع ممكن بمجرد النظر

وقلنا مش هينفع نقبل باقل من كدا لان ف الحالة دي مش هيكون اساسا ف ارتداد وهنستني نشوف الزواية اللي بعدها هتعمل ايه

الحالة التالته وهي ان الارتداد ممكن يوصل ل 75% وطبعا النسبة دي مش موجودة ف الفيبو ولكن يمكن اضافتها ولو عايز عايز يعرف ازاي بنضيف نسب فيبو جديدة ممكن يقول وانا هقولهاله ببساطة انا شخصيا عندي ف الفيبو بتاعي مستوي 78 ودا انا بستخدمه لو بشتغل هارمونيك
لكن ف نفس الوقت بستخدمه لو عايز اقيس ال 75 لانها اسفل ال 78 مباشرة

وقلنا مش هينفع نقبل باكتر من كدا لان القمة دي هتكون خلاص انتهت وهبدا من القمة الجديدة

ونفس الكلام لو عندي شكل رباعي ممكن برضه اسحب الفيبو بتاعي من الزاوية 0 ل للزاوية 90 وشوف الارتداد وصل لغاية فين

زي ما هنشوف ف الصورة
لو الارتداد وصل 50 فيبو يبقي دي الزاوية 45 ويبقي شكل مثالي زي الخط الاخضر
لو الارتداد 30 فيبو يبقي هو كدا وصل الحد الادني وبرضه هقبله زي الخط الاحمر ومش هينفع اقل من كدا
لو الارتداد 75 يبقي برضة مقبول زي الخط الاصفرومش هينفع اكتر من كدا

يبقي اذا عرفنا ان الشكل الرباعي
هو ارتداد لسعر من الزاوية 90 والحمدلله دا اكتر شكل منتشر عندي فالشارت يلا نشوف شكله

واكيد مش هقول تاني ان السعر مش هينزل من الزاوية 45 للزاوية 360 مرة واحدة انما هيكون ف محطات هيريح فيها لانه مش ماشي كدا وخلاص كل محطة ليها وقت المفروض السعر يكون فيها
ولو تاخر عنها ممكن نلاقي ان السعر بيجري ويعمل شموع غبيه علشان يلحق وقته وف نفس الوقت لو السعر وصل المحطة قبل معاده
ممكن ندخل ف الاتجاه المعاكس لانه ممكن يصحح وممكن يتذبذب بس صعب انه يكمل وهو اساسا وصل قبل معاده
وانا ف اخر المشاركة هرفق صورة للبوند ف الوقت الحالي وهو عنده وصول مبكر وانا دخلت ف الاتجاه المعاكس وحاليا وانا بكتب المشاركة الصفقة شغاله

طب نشوف الاول المحطات وبعدها نرجع للبوند

دا الشكل الرباعي الهابط يهني لو انا بدئت الرسم بتاعي من قمة

ودا الشكل الرباعي الصاعد يعني ف حالة اني بدائت الرسم من القاع

طب خليني اسال سؤال محدش ساله لغاية دلوقتي

ما هي فائدة الزوايا الفرعيه ؟

ف الحقيقة انا كنت اتمني ان حد من المتابعين يسال السؤال دا وانتظرت طويلا لكن محدش سال
وانا هجاوب عليه

طبعا اول زاوية فرعيه دي انا بستخدمها ف قياس الارتداد من الزاوية الرئيسية
يعني ارتداد السعر من الزاوية 90 الي 45 ف الشكل الثلاثي
اوارتداد السعر من الزاوية 180الي90 ف الخط المستقيم
الاستخدام التاني اني بستخدمها كمؤشر ع اكتمال الشكل او عدم اكتماله ودي هنعرفها ف الزمني
الاستخدام التالت اني ممكن اعمل الزوايا دي نقاط دخول وخروج وكمان استخدمها كهدف واستوب
يعني الزوايا الفرعيه مش محطوطة للزينة

[medo93]

نبدا بنقطة جديدة ونتكلم عن خصائص الشكل الرباعي
اولا :يعبر عن حركة السوق عندما تكون الحركة طبيعية ومنتظمةوالاسوق ف جملتها غير مضطربة وتسود حالة الاتزان ف الاسعار يعني الحركة مش سريعه زي الثلاثي والخط المستقيم وكمان مش بطيئة زي الشكل الخماسي يعني نقدر نقول ان دي الحالة الوسط بينهم
ثانيا :ودي قلناها قبل كدا ان دا اكثر شكل منتشر بين الاشكال
ثالثا :نسبة نجاحه اكثر من 80% بشرط عدم اهمال الجانب الزمني
رابعا :في حالات كثيرة يتحول من شكل رباعي الي شكل دائري وف الحالة دي يبقي ربنا كرمك بصفقة عنب

كيفية الدخول فالشكل الرباعي
وطبعا الشكل دا زيه زي اخواته انا بنتظر كسر او اختراق الزاوية 90 وفتح عقودي ف اتجاه الشكل
وممكن برضه ادخل من الزوايه 45 باستوب القمة او القاع والهدف بتاعي الزاوية 180
بيكون الاستوب صغير مقارنة بالهدف حيث ان لهدف ثلاث اضعاف الاستوب
ومع ذلك انا لا افضل هذا الدخول وهقول ليه ان شاء الله



كدا احنا خلصنا الشكل الرباعي

[Gann]

فى اوقات السوق ولا بيلمس الزاوية 120 وبيخترق الزاوية 90 بنعتمد انهي فيهم

[Gann]

جمعة مباركة عليك وع اهلك
امين يا رب

[Gann]

هل ده يعتبر شكل رباعي ؟

والبوند فرنك شكل ثلاثى ...

واليورو دولار فى خط مستقيم

طبعا مش للمضاربة نهائياً بس نشوف الاخطاء فى الاشكال الهندسية

[medo93]

فى اوقات السوق ولا بيلمس الزاوية 120 وبيخترق الزاوية 90 بنعتمد انهي فيهم

انا ذكرت قبل كدا ف مشاركة سابقة ان ازواج الين والذهب ليهم معاملة خاصة ف الاسبيس ودا برضه موضوع مستقل
وبالتالي الشكل للي حضرتك جبته ولا هو شكل ثلاثي ولا شكل رباعي
وممكن نعتبره شكل خماسي بشرط ان يكون القاع صحيح

[medo93]

هل ده يعتبر شكل رباعي ؟

والبوند فرنك شكل ثلاثى ...

واليورو دولار فى خط مستقيم

طبعا مش للمضاربة نهائياً بس نشوف الاخطاء فى الاشكال الهندسية

تسلم ايدك اخي الحبيب وطالما مش للمضاربة الاشكال كلها ممتازه وان شاء الله هتلاقي اللي جاي اسهل وهتلاقي الطريقة شغالة معاك زي الفل
لان حضرتك بتعمل اهم الخطوات بطريقة جميلة جدا واعتقد انها سهلة ودا واضح من عدد الشارتات اللي حضرتك بعتها

[medo93]

دي صفقة البوند اللي انا ذكرتها ف المشاركة



علي الرغم من ان الشكل رباعي هابط وان هدفي هو الزاوية 180 والحمدلله السعر جابه لكن الوصول المبكر جابلي فرصه الدخول شراء بهدف الزاوية 135 ودي الزاويا الفرعيه برضه اللي تكلمنا عنها ف المشاركة

[medo93]

ودي صفقة المجنون اللي جبتها امبارح و قلنا عليها الشكل الهابط باظ
والصعود هو الحل



والحمدلله محققة ارباح كويسة حتي الان