الزوايا السعرية والفواصل الزمنية

[medo93]

كلام سليييييييم .. أؤيد فكرتك اخي محمود تماما

استمر اخي محمد بدون استطراد إلا فيما تراه مناسباً
ما زالت الأرض لينة و رطبة حتى نستطيع السير بسهولة فوقها ..

شكرا جزيلا اخي الحبيب اخي الحبيب ع هذا التشجيع وان شاء ساستمر معكم حتي النهاية

[medo93]

استاذ محمد شكرا على الشرح

العفو اخي الحبيب واتمني انك اعددت العدة وجهزة التمبلت اللي هتشتغل بيه ان شاء الله

[medo93]

اول مشاركة الي في المنتدى
اولا الف شكر للاستاذ محمد على الشرح المبسط والجميل والمفهوم
تانيا اول رسم للدولار اندكس هل هي صحيحة ؟؟؟؟
الملف المرفق 474666

الملف المرفق 474667

هل هذا الشكل صحيح ؟؟

اهلا بك ف منتدي المتداول العربي وشكرا لك ع منحي شرف اول مشاركة اما بالنسبة للرسم فانا من فاهم حضرتك راسم شكل ايه او فين الزاوية اللي ردت السعر اللي حضرتك اخترتها علشان اقدر اقول اذا كانت صحيحة او لا

[medo93]

رائع

شكرا اخي وربنا يبارك ف حضرتكِ

[medo93]

استاذ محمد من فضلك لو تشرح كيفية اختيار قمة او قاع بشكل صحيح
لان هذه الجزئية مهمة جدا لاستخراج الاشكال

و جزاك الله خيرا

بالفعل استاذ محمد هذه الجزء من اهم الاحزاء ولكن شرح هذه الجزئية فالوقت الحالي سيدفع بالمتابعين الي عدم الاستمرار ف التطبيق بشكل مثالي
يعني انا لو شرحت النقطة دي ف الوقت الحالي طبيعي جدا ان اي حد يختار القمة والقاع ويبد يجرب عليها وبالتالي هتلاقي احد العضاء جايبلك صورة وبيسالك هل هذا شكل ثلاثي واخر يسال هل هذا شكل رباعي علي الرغم اننا لم نخد هذه الاشكال ولكن ف الوقت الحالي اقول لكل المتابعين اختار القمة او القاع اللي يعجبك وهاتلي تطبيق ع الشكل اللي تم شرحه ودا المهم ف الوقت الحالي وبعد ما نخلص الاشكال اختيار القمة والقاع مش هياخد مننا وقت ان شاء الله وحتي اختيار الزمن برضه بيسط وسهل جدا ولكن حاليا كل اللي يهمني هو انكم تقدرو تستخرجو من الشارت نماذج الاشكال اللي بنشرحها والحمدلله د بالفعل بيحصل وشوف كام شكل مستقيم جالنا الي الان ولسه كل ما الاشكال اللي اتشرحت تكتر هتلاقي المشاركات برضه بتكتر وخلاص احنا خلصنا مؤشر ابو حمزة بجميع اجزاءه ودوقتي هنرجع تاني نكمل الاشكال الهندسية ان شاء الله

[medo93]

السلام عليكم اخ محمد في هذه المشاركة لماذا اخترت الزاوية 72 وزمن 72
ولم تختار الشكل زاوية 90 زمن 90 ايهما اصح ولماذا
الملف المرفق 474569
الملف المرفق 474570

شكرا لك اخي الحبيب ع هذه المشاركة ولكن هذه السؤال سيكون رائع بعد شرح الشكل الرباعي والشكل الخماسي فقد تكتشف الاجابة بنفسك ولن تكون هناك حاجة للسؤال

[wageeh]

السلام عليكم
جزاك الله كل خير على عملك يا استاذ محمد
لو سمحت ، ممكن تكون الافاده اكبر بكتير لو جعلت الموضوع عباره عن فديوهات ، وبعدين حضرتك تنشر الفيديو هنا فى الورشه وبعد ذلك نقوم بالنقاش والتطبيق حول موضوع الفيديو ، وهكذا الى ان يتم الانتهاء من جميع المواضيع
ارجو التفكير بجديه فى هذا الاقتراح لما له من فائده كبيره فى استيعاب الطريقه بشكل مجمع ، وبالفعل كدا الطريقه هتكون مرجع لما تبقى على شكل فديوهات

[medo93]

بسم الله الرحمن الرحيم

مرحبا بحضراتكم متابعيني الاعزاء في درس جديد من دروس الورشة التعليمية الخاصة بطريقة الزوايا السعرية الزمنية
واليوم ان شاءالله موعدنا مع شكل جديد ومهم جداجدا من الاشكال الهندسيه وهو الشكل الثلاثي (مثلث)

اكيد طبعا فاكرين المثال الخاص بالقطار الل تكلمنا عنه ف المشاركات السابقة ولمفروض اننا عرفنا ان المحطة اللي يرتد منها القطار هي دي اسم اللشكل
يعني لو ارتد من المحطة 180 يبقي دا قطار الخط المستقيم
ولو ارتد من 120 يبقي دا قطار الشكل الثلاثي
ولو ارتد من 90 يبقي دا قطار الشكل الرباعي
ولو كان الارتداد من 72 يبقي دا قطار الشكل الخماسي

اما الشكل الدائري فهذا ليس بقطار بل طائرة

وبالطبع لكل شكل (قطار) زواياه (محطاته) الخاصة وايضا سرعته الخاصة
وكمان زمن وصول المحطات دي بيختلف باختلاف كل شكل
يعني الزمن الذي يستغرقه الشكل الثلاثي ف الوصول الي الزاوية 120 يختلف عن الزمن الذي يستغرقه الشكل الربعي ف الوص الي الزاوية 90والاثنان يختلفون ع الزمن الذي يستغرقه الشكل الخماسي ف الوصول الي الزاوية 72

طب يلا بينا نشوف الشكل الثلاثي والمحطات بتاعته

احنا اتفقنا منذ قليل ان هذا القطار تكون اول زاوية ارتد منها السعر هي الزاوية 120

والاترتداد يكون لمنتصف المسافة تقريبا

ونركز شويه ف النقطة دي
لا نزكز جدا ف النقطة دي


يعني ايه تقريبا منتصف المسافة ؟

يعني لو اقل من 50 % الي 30 % الشكل شغال ولو اكثر من 50% ال 75% برضه شغال

ناخد الاول الشكل المثالي للشكل الثلاثي وبعدها نشوف الحالات التانيه

زي ما شفنا هبوط مباشر الي الزاوية 120 ثم الارتداد الي الزاويه 60 وبعدها مواصلة الهبوط الي الزاوية 360 وهي اللي تمثل نهاية الدورة السعرية ونقطة الاتزان

وخلي بالك

من ضمن الحاجات اللي لاحظتها من الاسئلة اللي وردات بعد ما شرحنا الخط المستقيم ان في بعض الاخوة فهمو ان الشكل لو وصل للزاوية 360 يبقي خلاص كدا شكرا والقطار وصل الوجهة الاخيره وبعدها يتم مطالبة الركاب بالنزول

ودا غير صحيح بالمرة

ليه ؟

لان 360 دي نهاية الدورة السعرية الاولي مش نهاية الشكل الهندسي

بمعني ممكن السعر يعمل دورتين وبالتالي تبقي نهاية الشكل هي الزاوية 720

وممكن كمان لو فريم صغير السعر يكمل 3 دورات وبالتالي ينتهي عند الزاوية 1080

وفي حاجة كمان مهمة بداية شكل هندسي لا يعني بالضروره اكتماله
دي احدي المقولات لاحد الاصدقاء وهي بالطبع صحيحة 100%

ولكن بشروط وضوابط معينه ومعني الجمله دي ان السعر ممكن ينهي الدورة بتاعته عند الزاوية 240
وعلي الرغم انه مكتمل ولكن لازم يكون ف حاجة خلته يعمل كدا وغالبا بتكون

1-الزمن
2-الفريم الاكبر

3-دورات زمنية اكبر وللاسف دي بتكون غير معروفة


وهنتكلم عن الموضوع دا بالتفصيل ان شاء الله

وزي ما قلنا قبل كدا الطريقة دي زوايا سعريه زمنيه يعني ال 2 ارتباط وثيق ولا يمكن فصل احدهم عن الاخر

ودلوقتي نرجع لموضوعنا تاني

قلنا ان الشكل الثلاثي هو ارتداد السعر من الزاوية 120 الي نصف المسافه (50%) تقريبا ودي الحالة المثاليه

وقلنا ان تقريبا دي معناها

ان الارتداد ممكن يكون اقل من نصف المسافه (30%) او اكتر من نصف المسافه(75)

اولا يلا نشوف الصورة الخاصة بالحالات دي

الصورة دي ف حالة ان الارتداد كان اقل من 50% يعني اقل من الزاويه (60)

وطبعا مش هنقبل باقل من كدا وهنعرف ليه بعد قليل

والصورة دي الارتداد اكثر من 50% يعني اكثر من الزاوية 60

وبرضه مش هقبل باكتر من كدا

والسبب

ودا يعتبر من اسرار الطريقة :

لان الارتداد الاكثر من هذه المستوي لا يعتبر ارتداد بل يعتبر قمة جديدة يمكن البدء من عندها
يعني لما الاقي السعر هبط ل 120 ورجع يصحح تاني ووصل لاكثر من 75 فدا يعني اني هسيب القمة دي خااااااالص وابدا من القمة الجديدة لان القمة الجديدة هي اللي هيكون تاثيرها شغال معايا
وكمان تاثير القمة القديمة تم الغاؤه بالقمة الجديدة

انا عارف ان دا ممكن يكون اول مرة يتقال
لكن صدقوني هذا عن تجربه شخصيه

يعني الصورة اللي جايه دي هنلاقي ان الارتداد تخطي ال 75 %

وبالتالي انا هسيب القمة دي لان تاثيرها اصبح لاغي يعني كدا القطار دا مش هيطلع او طلع ورجع تاني للمحطة

فانا هنزل واركب قطار غيره واشوف القطار دا رايح فين وجاي من فين واول محطة هيقف فيها ويرتد منها وما الي ذلك

حتي موضوع اختيار قمة لا يوجد اعلي منها ف نطاق 360 شمعه دا موضوع اصبح متهالك وعفا عليه الزمن يعني لو لقيت قمة والسعر هبط منها وبعدها صعد تاني لاقل من القمة دي انا هختار القمة الجديدة
وليس القديمة والموضوع دا هنقف عنده بالتفصيل ف الجزء الخاص بالقمة والقاع

دلوقتي

طب لو حصل العكس ان السعر وصل للزاويه 120 وارتد منها بس الارتداد كان بسيط واقل من 25%
ليه انا قلت اني مش هقبل بالنسبة دي ؟

لان انا مش هعتبر اساسا ان السعر وقف عند الزاوية 120 ومش هي اللي وقفته وممكن يكون وقف لاي سبب تاني زي دعم مثلا او مقاومة او نسبة فيبو او موفينج او حاجة ف طريقه بس مش هعتبر ان السعر وقف احتراما للزاوية 120 وبالتالي دا مش هيكون شكل ثلاثي زي الصورة اللي جايه دي

وبالتالي انا هنتظر الارتداد لما يحصل واشوف هيكون شكل ايه وغالبا هيكون يا دائري يا مستقيم
يعني ممكن ينزل من 120 ويرتد من 180 ويبقي دا شكل مستقيم وليس شكل ثلاثي

طب حد يقولي استني يا ميدو

الشكل المستقيم هيرتد من 180 ويطلع يصحح وينزل ل 360 والشكل الثلاثي هيرتد من 120 ويطلع يصحح وينزل تاني الي 360

طب انا هتفرق معايا ايه اني اعرف الشكل الهندسي يعني انا لو لقيت هبوط ل 120 او اكتر انا هستني صعود تصحيحي وبعدها ابيع لغاية 360

هقوله هتفرق جدا معاك يا استاذي

طب ف ايه

ف الزمن

زي ما قلت ف اول المشاركة ان كل شكل له الزمن الخاص بيه ......طب وايه فايدة الزمن
1-اني بقدر احدد الفواصل الزمنيه اللي السعر بينعكس منها
2-بقدر احدد منها فشل الشكل الهندسي
3- بيكون مقياس لسرعة الحركة السعريه (سريعه,بطيئة,طبيعية)
وكل الكلام دا هنعرفه ان شاء الله في الجزء الخاص بالتحليل الزمني

انا اللي عايز اوصله حاليا هو نقطة الاتداد وايه المقاييس الخاصة بيها وليه انا حددت المقاييس دي واتمني تكون النقطة دي مفهومة

في بعض الاشخاص بيعتبرو الارتداد هو عبارة ان السعر يرتد من الزاوية (ايا كانت) بشمعتين ليس بينهم شمعه عاكسة

يعني السعر يهبط للزاوية 120 ويعمل شمعتين صاعدتين ليس بينهم شمعه هابطة
انا شخصيا شايف ان هذا الشرط غير كافي بالمرة
يعني مثلا السعر ممكن يهبط الي الزاوية 120 ويكون هبط ف خلال الرحلة دي 120 نقطة المفروض
طبقا للتصحيح بتاعي انا كميدو والطريقة اللي بشتغل بيها الاقي صعود 40 نقطة
وطبقا للطريقة التانية اللي هتكتفي بشمعتين صاعدتين ليس بينهم شمعه عاكسة
طب افرض ان الشمعتين الصاعدين دول كان عبارة عن 10 نقاط

هل هعتبر دا تصحيح؟

اكيد لاوهعتبر ان مفيش وقوف عند الزاوية 120واستني اشوف الزاوية 180 ايه اللي هيحصل عندها
لو النقطة دي مش مفهومه يا ريت حد يقوي وانا هعيدها تاني وتالت

ودلوقتي نرجع تاني للشكل الثلاثي

عايزين نشوف المحطات اللي بيقف فيها هذا الشكل

مميزات وعيوب هذا الشكل
كيفية الدخول والخروج من هذا الشكل
اولا المحطات اللي بيوقف فيها هذا الشكل

لي صديق لما يكون معايا شكل ثلاثي ولقيته كسر 120(وصل 120 وصعد وهبط تاني ل 120 كسرها) واقوله السعر رايح ل 360 الاقيه كلمني بعدها بكام ساعه وقالي السعر مرحش ل 360

هو عايز اول ما اقول كدا تظهر شمعه طولها 9 امتار وتروح مباشرة ل 360 ودا طبعا مش بيحدث وانما السعر بيسير ع شكل محطات او زوايا

وهذه الزوايا الرئيسية (120-240-360) والزوايا الفرعيه الخاصة بهم
والصورة اللي جاية هتوضح اكتر




ولو كان معايا شكل ثلاثي صاعد هلاقيه بالشكل دا

طب ايه هي اهم مزايا وعيوب

يعبر عن حركة السوق عنما تكون سريعه ومنتطمة
نسبة نجاحة اكتر من 80% بشرط متابعة عنصر الزمن
معدل راشيو مرتفع جدا حيث ان الهدف يكون3 اضعاف الي 4 اضعاف الاستوب
الزاوية 120 اساسا تعتبر من الزوايا العاكسه وبالتالي ممكن السعر لما يترد منها يكمل لفوق او تحت ع طو من غير ما يرجعلها تاني من الزاوية 60 ودا يعتبر ضمن عيوب هذا الشكل

كيفية الدخول

زي الشكل المستقيم بالضبط ممكن ندخل بعد كسر اول اختراق الزاوية 120 ودا الافضل
الاكثر خطورة ممكن ندخل من الزاوية 60
وعرفنا ليه دا اخطر لان ممكن يكمل ويضرب لقمة او القاع لان الزاوية 360 اساسا زاوية عاكسه بطبيعتها

والي لقاء جديد ف المشاركة القادمة

مع تحياتي \ محمد عاطف ابوحبيب

[medo93]

[medo93]

انا عارف ان درس اليوم طويل شويه بس دا علشان ننجز شويه والنهاردا وبكرا ان شاء الله محتاجين نطلع الشكل الثلاثي من الازواج ولو حد وجد شكل مستقيم زي بعض يبعته مش هيضر

[mohammedgaber]

انا عارف ان درس اليوم طويل شويه بس دا علشان ننجز شويه والنهاردا وبكرا ان شاء الله محتاجين نطلع الشكل الثلاثي من الازواج ولو حد وجد شكل مستقيم زي بعض يبعته مش هيضر

تسلم ايدك بجد والله
كل درس اقوى من اللي قبله ويزداد تنسيقك وابداعك

استمر يا بطل وان شاء الله نقدر معاك نستوعب اسلوب الزوايا السعرية الزمنية بشكل جيد

[medo93]

تسلم ايدك بجد والله
كل درس اقوى من اللي قبله ويزداد تنسيقك وابداعك

استمر يا بطل وان شاء الله نقدر معاك نستوعب اسلوب الزوايا السعرية الزمنية بشكل جيد

شكرا لك يا صديقي والحمدلله ربنا يقدرنا ع خدمة الغير وكل دا ولا حاجة ف المجهود اللي انت بتعمله ف خدمة اعضاء المنتدي ومنتظر منك التطبيق ان شاء الله
كدا مفيش حجج تاني معاك شكلين وشرح المؤشر كله بكل مشتملاته

[newtoforex]

شكل ثلاثي على فريم الدقيقة

[medo93]

شكل ثلاثي على فريم الدقيقة

الحمدلله التطبيق اشتغل
ممتاز اخي الحبيب تابع معاه وشوف هيوصل لغاية فين

[newtoforex]

الحمدلله التطبيق اشتغل
ممتاز اخي الحبيب تابع معاه وشوف هيوصل لغاية فين

الله يجزيك الخير اخ محمد ، نشوف حيوصل للهدف او لا