الزوايا السعرية والفواصل الزمنية

[alskndry]

رائع اخى ميدو

مجهود جبار بصراحة تشكر عليه

متابع معك بقوة

[medo93]

نبد الان ع بركة الله في دراسة الجزء الاول بالتفاصيل

وقد عرفنا من خلال المشاركة السابقة ان هذا الجزء خاص بضبط اعدادت المؤشر العامة

طب يلا بينا نشوف الجزء دا فيه ايه وبنستخدمه ازاي
خلينا نتفق ان اي ضبط ف الدنيا عبارة عن اسالة
وبناء ع اجاباتي بحصل ع النتيجة
ولو النتيجة مش عاجباني لازم اجاوب اجابات مختلفة

اولا ف الصورة اللي جاية هنلاقي اني حاطط سهمين ع خيارين تحت بعض
نشوف الصورة ف الاول وبعدها نعرف السهمين بيعملو ايه

هنلاقي الخيارين اللي انا محددهم هم

AUTO DETTECT

IS LOW

وهنلاقي ان الخيارين معملوين TRUE

الخيارين دول مرتبطين ببعض يعني

لو الاول معمول TRUE مليش دعوة بالتاني
ولو الاول معملول FALSE يبقي لازم احدد التاني

طب هم اساسا فايديهم ايه

الخيار الاول :
AUTO DETTECT

معناه اني بطلب من المؤشر يختار القمة او القاع اللي هبدا الرسم منها اتوماتيك

يعني اول ما اجيب شارت جديد لزوج جديد وانزل عليه المؤشر المفروض انه يختار القمة او القاع بنفسه
ع حساب وجهة نظره ودا بشرط ان الخيار دا(AUTO DETECT) يكون TRUE

وطبعا مش مفروض عليا اني اختار القمة او القاع اللي المؤشر جبهالي
هو بيقول رئيه وانا بعدها حر اختارها او لا دي حاجة ترجعلي انا

هو احيانا بيختار صح واحيانا برضه بيكون خطا وان شاء الله هنتعلم ازاي نختار القمة والقاع الصحيح

ف الدروس القادمة علشان لو المؤشر اختار قمة وانا شايفها صحيحةهقوله برافو عليك

ولو لمؤشر اختار قاع وانا شايف ان القاع دا مش مظبوط هقوله معلش يا عمو ابو حمزة
احنا هنروح نشتغل ع القاع اللي جنبة او اللي وراه او ممكن نقوله لا احنا هنسيب القاع خالص ونبدا من القمة يعني ع حسب حالة الشارت والقواعد اللي هندرسها مع بعض ان شاء الله

ودا كان ف الخيار الاول :
AUTO DETTECT


وزي ما قلنا ان دا ف حالة ان الخيار دا كان TRUE

طب ليه

لان لما تكون اجابة السؤال الاول TRUE فانا مش محتاج السؤال التاني ف حاجة
ولما تكون FALSE ف الحالة دي انا مضطر اروح للسؤال اللي بعده

الخيار التاني وهو عبارة عن سؤال اسمه:
IS LOW


يعني المؤشر هنا بيسالني انت يا حج ميدو بدئت الرسم بتاعك بقاع
وانا برد عليه ب TRUEيعني ايوا يا عم ابو حمزة انا بدئت الرسم بتاعي بقاع

وف الحالة دي هلاقي المؤشر لازم يكون صاعد لو الزوج صاعد المؤشر صاعد لو الزوج هابط برضه المؤشر صاعد
لاني قلته اني بادئ الرسم بتاعي من قاع
فمتجيش تستغرب لو لقيت المؤشر بيرسم بالشكل دا

او بيرسم بالشكل دا

لان لما تيجي تساله وتقوله يا عم ابو حمزه انت بترسم ايه هيقولي انت قلتلي متتخارش القمة او القاع بنفسك
وكمان قلت ان ابدا بقاع وانا شايف ان دا قاع
وطبعا مش هقدر اكلمه الراجل زي الفل وبيتكلم كلام 100%

طب لو انا عملت الخيار التاني :IS LOW وخليته FALSE زي الصورة اللي جاية دي

اكيد عارفين اللي هيحصل
المؤشر كدا فهم ان اجابة السؤال (هل هو قاع)هي لا
خلاص تبقي دي قمة
وبالتالي المؤشر هيرسم اي شكل ع اساس انه هابط
ويبدا من قمة لو الشكل هابط خير وبركة وهيرسمله شكل هابط ولو الشكل صاعد برضه هيرسمله شكل هابط وخلي السعر يروح زي ما هو عايز

وبالتالي ممكن نلاقي المؤشر بيرسم بالشكل دا



ومش هنقدر نعترض هو فاهم ان دي قمة وبالتالي يبقي الشكل هابط

يعني ممكن نستنتج من القصة دي كلها ان ااسئلة الجزء دا 3
ارسم اوتوماتيك ؟
ابدا بقمة ؟
ابدا بقاع؟
وكل واحد يختار اللي يعجبة واكيد عرفنا نختار ازاي

انا شخصيا هخلي المؤشر يختار القمة والقاع اوتوماتيك يعني هعمل االخيار الاولAUTO DETECT اعملها TRUE

وهسيب السؤال التاني زي ما هو لو TRUE ماشي لو FALSE ماشي





ثانيا الخيار الخاص ب :ROTATIONT COUNT

المقصود بالخيار دا ان المؤشر بيسالني عايزني ارسملك كام دورة سعرية
واكيد حضراتكم فاكرين ان الدورة السعرية هي 360 درجة
فانا طلبت من المؤشر انه يرسم دورة سعرية واحده وكتبت ف الخيار دا الرقم 1
يعني دورة سعرية واحدة
وبالتالي المؤشر عمل الرسم لغاية الزاوية 360 ووقف





طب لو كتب الرقم 2 اكيد المؤشر هيفهم اني عايز دورتين مش دورة واحده
وهلاقيه انتهي عند 720 وليس 360



طب لو خليته 3 اكيد عارفين انه هيكمل الرسم ل 1080(360+360+360)
وممكن تتاكدو من الرسم بنفسكم

[simba2000]

استاذي
اقسم بالله لو لم اخرج من هذه الورشة غير بهذه الدعوات لكفتني واسال الله العلي العظيم ان يجعل لك ولجميع الخوة بمثل ما دعوت ويعلم الله اني متشوق لاكمال الشرح اكثر منكم ولكن ف نفس الوقت ف السبوع الماضي كنت اجلس اكثر من 6 او 7 ساعات متواصلة امام اللاب ودا خلي عنيا تعبتني شوية واحتمال كبير اروح لدكتور النهاردا او بكرا لو الوضع استمر كدا وكمان دور البرد مخليني دايخ ومش مركز خالص والشرح نفسه بيحتاج تركيز ووقت وجهد ف اقتصاص الصور ووضع الاسهم عليها حتي يصل لكم ما اود ايصاله
وهذا ما يجعل الشرح سهل وبسيط
ولكن لا تقلق اخي الحبيب ان شاء الله قبل نهاية الاسبوع( وانا اعلم انه غدا)سيكون معكم باقي الشرح الخاص بالمؤشر
وستجد انه يحتوي ع اكتر من 40 ال 60 صورة
وان شاء الله سيكون هذا الموضوع بين ايدكم
ولي عندكم جميع رجائين
دعوه بالشفاء
كما ان هذا العلم يصل اليكم ان توصلوه لغيركم فوالله لولا اني وجدت فيه الخير الكثير ما اتعبت نفسي ف دراستة وايضا اعادة شرحة

يا أخى الفاضل محمد ، بسم الله ماشاء الله ،
أنت تستحق أكثر من هذا ، يكفى نيتك الطيبه من الموضوع ، إن شاء الله فى ميزان حسناتك وأكثر بكثير.
أدعوا الله لك بالشفاء والصحه والعافيه، وعليك بالتحصين من الحسد والعين ، فشرور الإنس كثيره.
المنهج اللى حضرتك وضعته ممتاز ، وطريقه الشرح ماشاء الله رائعه ، إستمر وخذ راحتك وحسب ظروفك ، فأنت متطوع لوجه الله ولا تريد إلا الأجر من الله.

عافاك الله وقواك.
لن أقاطع مره أخرى إلا لسؤال فى المشروح أو إقتراح
أخوك : محمود

[simba2000]

إخوانى الكرام ،
حرصا على نجاح الموضوع ولكى تعم الفائده للجميع
طلب صغير لو سمحتم
ممكن أطلب من الأخوه المتابعين،
عمل منشور فقط فى الحالات الأتيه :
1- تفسير للمشروح أو عدم فهم لجزئيه معينه فيه.
2- وضع فرص حسب طلب صاحب الموضوع .
3- إقتراح للفائده أكثر من الموضوع.

شكرا لتفهمكم

[medo93]

تابع الجزء الخاص بضبط الاعدادت العامة

في عندنا 3 حاجات رئيسية لازم نكون عارفيهم كويس

1- الخط الرئيسي (ودا بيكون هو نفسه الزاوية0 ) اللي بنبدا منها الرسم
2-الزاوية الرئيسية (اللي احنا بنحددها ع اساسا انها هي اللي ردت السعر)
3 الزاوية الفرعية (بتكون نصف الزاوية الرئيسية )
يعني لو الرئيسية 120 الفرعية لازم تكون 60

طب يلا نتعرف اكتر ع الزوايا الرئيسية والفرعيه من الصورة اللي جايه

هنلاقي ان الزوايا الرئيسية اللي عندنا ف الصورة هي (90-180-270-36-) وانا حاطط قدامه اسمهم لونها ...مش عارف لونا ايه بالعربي بس انتو اكيد عرفتوها (انا غلطان اني مجبتش لون معروف)
وهنلاقي الزوايا الرئيسية ان من ضمن شروطها انها لازم تيجي ف اول واخر كل مستطيل
او مربع لو كان الرسم مربع

انما الزاويا الفرعية دي اللي انا حاطط قدامها اسهم لونها رمادي دي بتكون ف منتصف المستطيل او المربع ودا احد اوضح الفوارق بين الزوايا الرئيسية والفرعية

طب احنا مالنا ومال الكلام دا

من ضمن الاسئلة اللي بيسالها المؤشر
هل حضرتك عايز تظهر الزوايا الفرعية دي ولا عايز الرئيسية بس؟

يعني المؤشر بيسال:SHOW SUB LINE يعني الزوايا الفرعية

لو انا قلت :TRUEيبقي هيظهر ف الصورة الزوايا الرئيسية والفرعيةزي الصورة اللي فوق
ولو انا قلت :FALSE الزوايا الرئيسية فقط اللي هتظهر والفرعية هتختفي زي الصورة اللي تحت

ودي وظيفة الخيار دا

اخر حاجة معانا ف جزء الاعدادات العامة
حاجة بنسميها الاستكمال
عرفنا ف المشاركة اللي فاتت اني ممكن اطلب من المؤشر انه يرسم اكتر من دورة سعرية
يعني يوصل 360 ويكمل دورة تاني

يعني مثلا ف الصورة اللي جاية انا برسم شكل رباعي وكل مرة بذود 90 درجة
الي ان نصل ال 360
وبعدها المشؤر يسال يا حج اكمل زي ما انا ماشي واذود 90 درجة ولا ابدا عد من الاول

ولو قلتله كمل زي ما انت ماشي

هلاقيه بقي كدا


يعني وصل 360 وبرضه كمل كما الترتيب اللي ماشي عليه

لكن لو قلت لا خلص الدورة بتاعتك وابد من جديد هلاقيه رسم الشكل بالطريقة دي

هي ف النهاية اختلاف مسميات مش اكتر يعني الزاوية 90 ف الدورة التانيه هي نفسها الزاوية 450
والزاوية180 ف الدورة التانيه هي نفسها ال540
وعلشان اتاكد ان المعلومة وصلت عايز اعرف الزاوية 270 ف الدورة التانية هي مين؟

وحاجة كمان ال 90-180-270-360 الزاويا دي خاصة بالشكل الرباعي

وكل شكل ليه الزوايا الخاصة بيه
يعني لو هنتكلم ع شكل ثلاثي هيكون بالشكل دا

وهنلاقي الزاوية 120 -240-360 بدل 90-----------
وكدا نكون خلصنا الجزء الخاص بضبط الاعدادات العامه وعرفنا كل واحد فيهم بيعمل ايه

[medo93]

تابع الجزء الخاص بضبط الاعدادت العامة

في عندنا 3 حاجات رئيسية لازم نكون عارفينهم كويس

1- الخط الرئيسي (ودا بيكون هو نفسه الزاوية0 ) اللي بنبدا منها الرسم
2-الزاوية الرئيسية (اللي احنا بنحددها ع اساسا انها هي اللي ردت السعر)
3 الزاوية الفرعية (بتكون نصف الزاوية الرئيسية )
يعني لو الرئيسية 120 الفرعية لازم تكون 60

طب يلا نتعرف اكتر ع الزوايا الرئيسية والفرعيه من الصورة اللي جايه

هنلاقي ان الزوايا الرئيسية اللي عندنا ف الصورة هي (90-180-270-36-) وانا حاطط قدامه اسمهم لونها ...مش عارف لونا ايه بالعربي بس انتو اكيد عرفتوها (انا غلطان اني مجبتش لون معروف)

وهنلاقي الزوايا الرئيسية ان من ضمن شروطها انها لازم تيجي ف اول واخر كل مستطيل
او مربع لو كان الرسم مربع

انما الزاويا الفرعية دي اللي انا حاطط قدامها اسهم لونها رمادي دي بتكون ف منتصف المستطيل او المربع ودا احد اوضح الفوارق بين الزوايا الرئيسية والفرعية

طب احنا مالنا ومال الكلام دا

من ضمن الاسئلة اللي بيسالها المؤشر
هل حضرتك عايز تظهر الزوايا الفرعية دي ولا عايز الرئيسية بس؟

يعني المؤشر بيسال:SHOW SUB LINE يعني الزوايا الفرعية

لو انا قلت :TRUEيبقي هيظهر ف الصورة الزوايا الرئيسية والفرعيةزي الصورة اللي فوق
ولو انا قلت :FALSE الزوايا الرئيسية فقط اللي هتظهر والفرعية هتختفي زي الصورة اللي تحت

ودي وظيفة الخيار دا

اخر حاجة معانا ف جزء الاعدادات العامة

حاجة بنسميها الاستكمال
عرفنا ف المشاركة اللي فاتت اني ممكن اطلب من المؤشر انه يرسم اكتر من دورة سعرية
يعني يوصل 360 ويكمل دورة تاني بعدها

يعني مثلا ف الصورة اللي جاية انا برسم شكل رباعي وكل مرة بذود 90 درجة
الي ان نصل ال 360
وبعدها المشؤر يسال يا حج اكمل زي ما انا ماشي واذود 90 درجة ولا ابدا عد من الاول

ولو قلتله كمل زي ما انت ماشي
هلاقيه بقي كدا

يعني وصل 360 وبرضه كمل كما الترتيب اللي ماشي عليه

لكن لو قلت لا خلص الدورة بتاعتك وابد من جديد هلاقيه رسم الشكل بالطريقة دي

هي ف النهاية اختلاف مسميات مش اكتر يعني الزاوية 90 ف الدورة التانيه هي نفسها الزاوية 450
والزاوية180 ف الدورة التانيه هي نفسها ال540
وعلشان اتاكد ان المعلومة وصلت عايز اعرف الزاوية 270 ف الدورة التانية هي مين؟

وحاجة كمان ال 90-180-270-360 الزاويا دي خاصة بالشكل الرباعي

وكل شكل ليه الزوايا الخاصة بيه
يعني لو هنتكلم ع شكل ثلاثي هيكون بالشكل دا

وهنلاقي الزاوية 120 -240-360 بدل 90-----------
وكدا نكون خلصنا الجزء الخاص بضبط الاعدادات العامه وعرفنا كل واحد فيهم بيعمل ايه

[Mohammed_Trader]

جزاك الله خيرا
شرحك جميل

[medo93]

كله تمام شغال البرنامج والمؤشر الحمد الله

الحمدلله اعتقد حضرتك اول مرة تستخدم المؤشر انا نزلت ف الورشة طريقة استخدامه
وحاليا بكتب ف كيفية ضبط اعداداته كدا يبقي معاك كتالوج شامل للمؤشر

[medo93]

شفاك الله وعافك أستاذنا الغالي

ربنا يبارك ف حضرتك استاذ عز الدين ومتشكر جدا لدعائك والحمدلله النهاردا احسن بكتير وهنعوض اليومين اللي فاتو باذن الله

[ALGERIANO]

الحمد لله وأخير وجدت الشرح الوافي الكافي اللذي كنت أبحث عنه من سنوات لطريقة اللتداول بالزوايا السعرية الزمنية

بارك الله فيك و في والديك

[medo93]

ممكن تعمل فديو كل اسبوع تشرح فيه وهيكون اقوي واحسن

هو الحل دا هيفيدني انا اكتر من حضراتكم هو انا بالفعل مش بخلي الدرس ناقص حاجة بدليل ان حتي مفيش اساله بتيجي بعد الشرح
لكن دا باخد مني وقت وجهد كبير وكتابة وجمع الصور
لكن الفديو هيخليني اقول كل الكلام دا ف دقايق معدودة
ومع ذلك انا حابب الكتابة
وتاكد تمام ان الفديو لو اتعمل مش هيذيد كلمه واحده عن اللي مكتوب واكيد حضراتكم ملاحظين اني مش بفوت اي حاجة غير بعد ما اتاكد انها تمام
وهتوصل ليكم زي يما انا عايزان شاء الله وممكن الفترة القادمة افكر ف الموضوع دا ان شاء الله
وشكرا لحضرتك استاذ محمود واتمني نشوف مشاركات حضرتك عن قريب باذن الله

[medo93]

اولا ادعو الله ان يشفيك شفاء لا يغادر سقما ثانيا اكن لك كل الاحترام والتقدير على نبلك وكرمك على معاونة اخوانك المسلمين والعرب من شتى بقاع الارض
الموضوع شيق جدا ومفيد جدا انا اليوم انتبهت للورشة تقريبا عن طريق التلجرام وارجو من الاخوة الاعضاء المشاركين بالورشة نشر لينك الورشة ليستفاد
كل من هو مهتم بهذا النوع من التحليل , وهو علم ليس بالسهل وايضا ليس بالصعب على من يريد ان يتعلم ويمكن لاى شخص ان يربح منه عند اتقانه
وفقك الله وايانا جميعا للخير وربنا يزيدك من علمه شكرا جزيلا لك الاخ محمد

مرحبا بك اخي الحبيب ومرحبا بكل اهل الاردن وشكرا جزيلا ع كلامك الرئع وقد ذكرت ف مشاركة سابقة ان ما اقوم به هذا حقكم وواجبي نحوكم وليس امر اتفضل به عليكم فزكاة العلم اخراجة واتمني من الله ان يجعلني سبب ف وقف خسارة بعض الاشخاص وان يتمكنو من خلال فهم هذه الطريقة من دراسة حركة الازواج ومعرفه ما يحدث خلف الكواليس وتكون هذه الورشة سببا ف اختلاف الرؤية التي ننظر بها الي الشارت
كما اني لدي تعليق بسيط
وهو ان هذا العلم من اسهل ما يكون فقط يحتاج الي ثلاثة امور
اثنان ستقوم بهم والثالث سياتي بدون اي تدخل من حضرتك
اما ستقوم به فهو
الدراسة
التطبيق
واما ما سياتي بمفرده فهي الخبرة
وقس ذلك ع اي شيئ تتعلمه

[medo93]

من فضلك استاذ محمد ان تجيبني

اعتذر منك اخي الحبيب لاني لم الاحظ السؤال وسط المشاركات
الشكل المستقيم زي ما ذكرنا قب كدا
هو الارتداد من الزاوية 180 الي 90 او 120 او 60 واحيانا 45
بس الشرط الاساسي انه يرتد من الزاوية 180
لكن هو ف النهاية حالة واحدة
انما ممكن نشوف ف شكل تاني زي الدائري مثلا انه ممكن يرتد من اكتر من زاوية وكلهم دائري ف الاخر لكن كل زاوية زاوية فيهم بتكون حالة مستقلة وليها طريقة معاملة مستقله يعني ممكن نقول انه الدائري دا كتر من شكل وليس شكل له اكتر من حاله

[moh1391]

الله الله يكتب اجرك ويسعدك وكل من يعمل على مساعدة اخوانه

الف الف شكر استاذنا والله تعجز الكلمات عن شكرك والتعبير عن ما بداخلنا

[medo93]

أسال الله العظيم أن يمعتك بالصحة والعافيه

وأن يرزقك سعادة الدنيا وجنة الاخرة

أتمنى منك أخوي أن ترتاح وتستطيع أن تكمل الشرح في الوقت المناسب لك

اشكرك من كل قلبي واشكر هذا المنتدي الذي جمعني بكم فوالله لقد اصبح اعضاء هذه الورشة بمثابة عائلة جديدة انتمي اليها واسال الله ان يجعلنا هكذا الي يوم الدين
ولكني كما ذكرت اكون متشوق لاستكمال الشرح اكثر من حضراتكم فما احصل عليه من دعوات كفيل ان يبقيني امام اللاب بلا كلل ولا ملل
ولكن ف حالة الظروف الصحية الامر ليس بيدي