الزوايا السعرية والفواصل الزمنية

[medo93]

استاذي الكريم medo
شرحك جدا جيد وبسيط وفهمت كل شيء
اذا تقدر اخي تشرحلنا كيف نحلل بالنجمه السداسيه

بالطبع اخي الحبيب ممكن وانا فعلا عملت بعض التحليلات بالنجمة السداسية
وكن النجمة نفسها تعتبر نص الورشة بتاعتي وانا ذكرت كدا ف بداية الورشة
وذكرت كمان اننا هنتعلم 3 طرق لرسم النجمة ومنهك طريقة باستخدام الاشكال الهندسية
وبالتالي كل ما اطلبه من حضرتك هو المتابعة والتطبيق وان شاء الله ستكون ملم بكل طرق وخبايا هذه الطريقة

[moh1391]

ايه بقي قصة الموجه دي

الملف المرفق 473819

طبعا عرفنا من الجزء اللي فات ان الزوج هيهبط وعرفنا السبب (لم يصل الي السعر المحدد ف الوقت المحدد وتم كسر القناه الصاعده )
وبالتالي هبط الزوج مكونا هذه الموجه

الملف المرفق 473821

طب احنا اتفقنا ان اي زوج بيمشي ع شكل هندسي ايه رئيكم نشوف الشكل الهندسي اللي بينزل عليه

وننزل ع ال 4 ساعات

الملف المرفق 473822

ايوا صح تمام يا ابو علي دا الشكل الخماسي اللي كنا بنتكلم عليه الصبح شفت بقي الشكل الخماسي جه من فين

ودلوقتي حان وقت السؤال المهم
احنا هنشتري ولا هنببع

الاجابة هي هنشتري




لكن السؤال الاهم من السؤال المهم

هو هنشتري من فين؟


نركز علشان دا اهم جزء ف الموضوع

دا الفريم اليومي
هنلاقي الزاوية 180 عند السعر 146.41

الملف المرفق 473825

دا فريم 4 ساعات
هنلاقي الزاوية 144 عند السعر 146.55

الملف المرفق 473824

وعلشان اتاكد اكتر واكتر
دا فريم 15 دقيقة
وطبعا هلاقي ان الزوج بيسير ع شكل رباعي والدورة السعريه بتاعه بتنتهي عند 146.63

الملف المرفق 473827


يعني احنا ممكن نحدد المنطقه من 146.41 الي 146.63
ونقول ع المنطقة دي كلاستر سعري

علشان فيها اكتر من زاوية رئيسية صالحة للارتداد السعري
والسعر ممكن من عندها يكمل طريقة لفوق زي ما احنا عارفين

يعني تخيل انا حصرت منطقة كلها 20 نقطة والسعر ممكن يصعد منها 2500 نقطة
وممكن نشتري من السعر الحالي بجزء من العقد واي هبوط هو فرصه للشراء
ونكمل العقد ف المنطقة اللي حددناها


يعني لما الاقي توصيه جايه بالشكل دا

الملف المرفق 473828

المفروض اني عارف السبب فيها ايه

طب ممكن الكلام دا يفشل

هو صعب بس احتمال وراد وكمان مش كل السيناريو هيفشل هي نقطة الدخول فقط
اللي ممكن تختلف

وعموما احنا معانا الخريطة ع ال 4 ساعات وال 30 دقيقة
خلي الزوج ينزل عليها واول فشل زمني ع 30 دقيقة
نعرف ان السيناريو ف طريقة للتحقيق

دا كان تحليل البوند ين
اتمني انكم استمتعتم بالمشاركة وايضا ان يحترم الزوج هذ التحليل

وان شاء الله هنرجع نكمل الورشه بتاعتنا ونتعرف ع باقي الاشكال
ان شاء الله ستم شرح باقي اجزاء المؤشر
فهو من اساسيات الطريقة

انا جايب لتحليل دا فقط علشان اعرف الناس الطريقة دي بتخليك شايف الدنيا ازاي
وان شاء الله كلنا هنوصل مع بعض للمرحلة دي

الله يجزاك الف خير مبدع ماشاء الله تبارك الرحمن

الله يحفظك ماهي المنه المناسبه التي تعتمده في التحليل

على الرسم اليومي على المجنون المجنون المفرو يصعد الى الزاوية 270 ثم يهبط نلاحظ السعر هبط من تقريبا 152.6 لماذا هبط ؟
وهل كلامي صحيح انه يفترض يذهب الى الزاوية 270

الله يجزاك الف خير على الشرح

[moaaad]

صلاتي عالنبي .. ما شاء الله تبارك الله

شرح أكثر من رائع
أهنيك ع اسلوبك في توضيح المعلومة وطريقة إيصالها ..

الله يبارك لك في علمك وجهدك

[medo93]

الله يجزاك الف خير مبدع ماشاء الله تبارك الرحمن

الله يحفظك ماهي المنه المناسبه التي تعتمده في التحليل

على الرسم اليومي على المجنون المجنون المفرو يصعد الى الزاوية 270 ثم يهبط نلاحظ السعر هبط من تقريبا 152.6 لماذا هبط ؟
وهل كلامي صحيح انه يفترض يذهب الى الزاوية 270

الله يجزاك الف خير على الشرح

شكرا جزيلا ع كلامك الرائع بس ف الحقيقة انا مش فاهم اول جزء من السؤال
لكن ممكن اجاوب ع باقي الاجزاء
الزوج لم يهبط من 270 ع فريم اليومي
لان كان عنده فشل زمني ع 4 ساعات وكان لازم يهبط والكلام مشروح بالتفصيل ف المشاركة
نعم كلام حضرتك صحيح المفترض ان يصعد اي الزاوية 270
وكمان 360 ولكن هذا ع المدي البعيد لكنه امر محتمل بنسبة 90% ان شاء الله

[medo93]

صلاتي عالنبي .. ما شاء الله تبارك الله

شرح أكثر من رائع
أهنيك ع اسلوبك في توضيح المعلومة وطريقة إيصالها ..

الله يبارك لك في علمك وجهدك

متشكر جدا اخي الحبيب واتمني ان تكون قد استفدت من الورشه ولو بالقليل
انا اعلم ان المحتوي الموجود بها ليس بالكثير بعد ولكني ان شاء الله ساقوم بتذويدها
بالشروحات وان شاء الله ستكون مرجع شامل ووافي لهذه الطريقة

[medo93]

[abuali1979]

صباح الفل محمد باشا
فى إنتظار الشرح على أحر من الجمر وخصوصا النجمة العنيدة

[rany]

صباح الورود

[moonr]

صباح الخير للجميع ومتابعين معاكم هذه الورشه الرائعه للاخ ميدو وشكرا على هذه المعلومات والطريقه السلسه والمبسطه

[medo93]

بسم الله الله الرحمن الرحيم

مازلنا ف شرح المؤشر الخاص بالرسم (مؤشر ابو حمزة)
وتحديدا شرح الجزء الخاص بضبط الزاوية والزمن غيرهم (اي الجزء الخاص بضبط الرسم)
واليوم ان شاء الله سنقوم باستكمال هذا الجزء

الحمدلله تم الانتهاء من شرح الزرين الخاصين بضبط الزوية والزمن

واليوم ان شاء الله سيتم شرح باقي الازار ومعرفة وظائفها وكيفية استخدامها

(ونبدا بزر ال space)

هذا الزر وظيفته التحكم بالازاحة والسرعه الخاصة بالزوج
(طب يلا نقولها بطريقة اسهل )

هذا الزر وظيفته التحكم بمقدار الدورة السعرية
وتكبير وتصغير حجمهامن خلال الازرار الخاصة (الزرين اللي جني الspace)
زي ما بنذود ونقلل ف الزاوية والزمن

خلينا نشوف امثله علشان الطلاسم دي تنتهي

يعني ايه بيتحكم ف الدورة السعرية ؟

يعني نبص ف الصورة اللي جاية دي ونخلي بالنا من حاجتين
الرقم المكتوب ف ال spsce
مكان الزاوية 360

هنلاقي ان الرقم هو 10000ومكان الزاويا عموما ومكان الزاوية 360 خصوصا زي ما هي واضحه ف الصورة

طب يلا نصغر الاسبيس

هنلاقي ان الرقم بقي 1000والزاويه 360 بعدت(نزلت تحت)يعني اصبح نطاق الدورة السعرية اكبر

طب لو صغرت الspace مرة تانيه وخليناه 100بدل من 1000

الزاوية 360 محتاجة غواص يجيبها من تحت

شباب المفروض اني حاليا مش بشرح انا هعمل الرقم 1000 ولا 10000
انا حاليا بشرح الزر بيعمل ايه
لان ضبط الاسبيس هو موضوع مستقل بي حاليا كل اللي مطلوب ان حضراتكم تعرفو الزر بيعمل ايه
يعني لما نيجي نقول نكبر الاسبيس نبقي عارفين فين الاسبيس وبيكبر منين ويصغر منين

وندخل بقي في شرح الزر الرابع tools
وفي الزر دا هنلاقي ف عندنا 3 خيارات

1-non

ودا معناه اني بطب من المؤشر يوضحلي الزوايا فقط بدون اي اضافات



ودا اللي هيكون معظم شغلنا عليه الفترة اللي جايه لغاية ما نبدا التحليل الزمني


2- channal


وهنا انا بطلب من المؤشر انه ياخد الزاوية والزمن والاسبيس اللي انا ظبطتهم ويعملي بيهم قناه سعريه
فيها الزوايا والزمن


3- star

ودا اخر خيار ف هذا الزر وفيه المؤشر بيحول الرسم من قناة لنجمة وبرضه بتكون بنفس الاعدادت اللي فوق
يعني angel-time-space




الزر الخاص ب ضبط frame

اكيد معظمنا سمع ع حاجة اسمها multitime indicator

واللي مسمعش عن المؤشر دا هنقولة ببساطة المؤشر دا ممكن يوريلك الاشارت الخاصة بالمؤشر دا مكانها فين ع كل الفريمات
يعني ممكن مثلا مؤشر بيجيب الدعوم والمقاومات ع فريم معين (وليكن مثلا 4 H) لو انا غيرت الفريم دا ونزلت ع فريم (1H)
هلاقي ان المؤشر جابلي الدعوم والمقاومات الخاصة بفريم الساعه وحذف الدعوم والمقاومات الخاصة بفريم 4 ساعات
بس لو هو multitime indicatorهلاقيه جاب الدعوم والمقاومات ع فريم الساعه من غير ما يحذف الدعووم بتاعة 4 ساعات

هي دي فكرة الmultitime indicator

مؤشر ابو حمزة يعتبر multitime indicator

طب نشوف امثلة

احنا طبعا معانا الشكل الهندسي اللي بيمشي عليه المجنون فريم ال30 د وا 4 ساعات وكمان اليومي
وكل واحد فيهم شكل مختلف عن التاني وبدل ما اتابع الاشكال دي بالمنظر دا



الزر الخاص frame بيخليني اشوف شكل الشموع بتاعه فريم النص ساعه
ع الشكل الخماسي الهابط بتاع فريم 4 ساعات



وكمان شكل دي الشموع ع الشكل الصاعد بتاع فريم اليومي



اخر حاجة الرز الخاص ب reset,reset all

وهنا بطلب من المؤشر انه يتختار القمة والقاع اتوماتيك
يعني بيختارها من خلال الاعدادت اللي هو اساسا متبرمج عليها

[medo93]

وصباح الخير ع عيونكم جميعا انا بعتذر عن عدم الرد ف وقتها بس كنت بجهز الماشركة اللي فاتت دي

[medo93]

شاب وصلتني بعض الرسائل تطالب بتسريع الشرح واهمال بعض الاجزاء والتي يقولون عنها انها معروفه للجميع

مثل شرح طريقة عمل المؤشر

ولكن الفكرة اني زي ما قلت قبل كدا اهدافي هو جعل هذه الورشة مرجع شامل لكل اجزاء الطريقة مهما استغرق ذلك من وقت
والهدف الثاني هو تحيق الاستفادة القصوي لجميع المتابعين
يعني حاليا تم شرح الخط المستقيم
وسيتم ان شاء الله شرح الشكل الثلاثي والرباعي والخماسي
وبعدها سنتوقف قليلا وسنقوم بطلب نماذج لهذه الاشكال من الشارت بمشاركة جميع المتابعين فالتفاعل والمشاركة هو اهم خطوة ف هذه الورشة
ثم بعد ذلك
سنقوم بدرسة الشكل الدئري وسنقف عنده قليلا فهذا الشكل هو بالفعل كنز من كنوز الفوركس
وبعدها ان شاء هنشرح الله الاشكال الغير مكتمله ولن نقف عندها كثيرا فقط يكفينا التعرف عليها واستخراجها من الشارت
وذلك لاني لا احبذ المتاجرة ع هذه الاشكال نظرا لخطورتها
وبعدها سننتقل لشرح الجزء الخاص بالتحليل الزمني واختيار الزمن الخاص بكل شكل
وذلك بعد ان نكون قادرين تمام ع استخراج الذي يسير عليه السعر فهذا هو المهم حيث ن ضبط الوقت بعد استخراج الشكل لن يستغرق اكثر من 3 ثواني

وبعدها ان شاء الله سنقوم بدراسة النجمة ومعرفه ما تحتويه من خبايا واسرار


وبالتالي كل ما اطلبه من حضراتكم هو مسانتدي لتحقيق هذا السيناريو وعدم التعجل
بمعني لو دا كورس مدفوع وانا بعمل كل اسبوع درس اكيد هلاقي الاعضاء مبسوطين وزي الفل
انا بقي هعمل كل يوم درس بس زي ما انا بتعب ف الشرح وربنا وحده يعلم الوقت اللي بقضية
ف الكتابه واقتصاص الصور والتعديل عليها
فاعتقد من حقي اشوف نتيجة وان الاعضاء يبدؤ يشتغلو معايا
ودا هيخلي حضرتك كعضو تاخد ع الرسم وتبدء تطلع اشكال
ويخليني انا مبسوط ومرتاح وشايف ثمرة للمجهود بتاعي قدامي
ودا يخليني استمر يعني اهتمام حضارتكم هيخليني اهتم اكتر واكتر لما احس ان فعلا ف حد بيستفيد من الشرح

واخيرا انا كدا خلصت شرح ازاي نستخدم المؤشر وباقي لسه معايا شرح البيئة الداخلية للمؤشر وازاي نغير الاعدادات

مطلوب من حضراتكم تجيبو بعض الشارتات للخط المستقيم لانه هو الشكل الوحيد اللي اتشرح لغاية دلوقتي واي شكل يتشرح المفروض يكون ف تطبيق عليه
لاي زوج واي فريم واختار اي قمة او قاع يعجبك لان الفكرة اننا مش عايزين الشارت دا نتاجر عليه احنا عايزينه
بس علشان نتعود ع التطبيق

اتمنتي ان لا يضيق صدركم من هذا الكلا وان لا اكون قد اطلت عليكم ولكن هذه بعض الكلمات التي احببت ن اذكرها لكم

[abuali1979]

استمر ياصديقي وبارك الله فيك بالطريقة اللى تريحك ومخطط لها
وان شالله ستجدنى متابعين ومتفاعلين دايما
موفق باذن الله

[mohammedgaber]

صباح الخير على الجميع
بداية اسبوع موفقة ان شاء الله للكل

ما شاء الله بصراحة استاذ والله
الشرح رائع ولا زلت مستمر في الابهار والبساطة والشرح المتميز

اتمنى انك تستمر على نفس الاسلوب واطلب من جميع الاخوة الاعضاء المطالبين ببعض الشروحات المتقدمة الصبر ، حيث التدرج في الصعوبة والترتيب الجيد للمحتوى هيكون اثره جيد علينا كلنا في فهم واستيعاب هذا النوع من التحليل على نحو جيد

استمر يا بطل وان شاء الله تصل الي اقصى مما تسعى اليه

[medo93]

حبيبي يا ابو حميد ربنا يبارك فيك وبشكرك جدا علي حسن تفهمك وان شاء الله هنوصل كلنا لاحتراف هذه الطريقة