الزوايا السعرية والفواصل الزمنية

[medo93]

جمعه مباركه جميعا ..
ماتتأخرش علينا في الدرس يا ميدو ;)

لا طبعا مش مقدرش لكن زي ما قلت انا عايز تطبيق مستمر عللي اتشرح لانه يمثل 60 % من الطريقة وللي جاي كله مبني عليه فلازم نكون عارفين نستخرج الشكل بكل سهولة علشان ضبط الزمن بيكون ثواني معدودة

[medo93]

تم تلخيص شروحات الورشة إلى نقاط
توجد اسئلة في راسي و لكن للاسف لا تترجم إلى كلامات ربما عند إنتهاء من الورشة تتضح الأفكار
و في الأخير أشكر صاحب الورشة الأخ محمد و باقي الاعضاء لإثراء بالنقاشات الهدافة وليست الهدامة

لوكانت الاسلئة دي خاصة باجزاء لم يتم شرحها فاستاذن حضرتك في الانتظار حتي يتم شرحها ولو كانت الاستفسارات خاصة باجزاء اتشرحت بالفعل فانا انتظر حضرتك وان شاء الله هتلاقي الاجابة
وان بضم صوتي لصوتك وبشكر جميع المتابعين انا لما كنت بلف في الورشة من شوية حسيت قد ايه النقاشات مفيدة وكمان روح التعاون واضحه في الرد علي الاستفسارات ومساعدة الغيروان شاء الله نفضل كدا كلنا اسرة واحدة دايما علي طول

[islamhany]

ميدو عندي استفسار وارجو منك الرد حتي لو كانت الاجابه نعم او لا فقط من غير اي تفاصيل . وانا بعتذر من الجميع علشان سؤالي لسه لم يتم شرحه ..
بافتراض اني مش عارف اطلع الدعوم والمقاومه ( مناطق الطلب والعرض ) بشكل جيد او بشكل احترافي هل اقدر استعين بالدعوم والمقاومات الخفيه اللي في النجمه ؟
بمعني هل اقدر ارسم خط عند كل نقاط التقاطع السعري في النجمه واعتمد مستويات الخطوط دي علي انها دعوم ومقاومات ؟؟

[islamhany]

ولو انت متمسك بعدم الرد ارجو ارسال الرد عالخاص لو تكرمت استاذنا

[medo93]

ميدو عندي استفسار وارجو منك الرد حتي لو كانت الاجابه نعم او لا فقط من غير اي تفاصيل . وانا بعتذر من الجميع علشان سؤالي لسه لم يتم شرحه ..
بافتراض اني مش عارف اطلع الدعوم والمقاومه ( مناطق الطلب والعرض ) بشكل جيد او بشكل احترافي هل اقدر استعين بالدعوم والمقاومات الخفيه اللي في النجمه ؟
بمعني هل اقدر ارسم خط عند كل نقاط التقاطع السعري في النجمه واعتمد مستويات الخطوط دي علي انها دعوم ومقاومات ؟؟

هو الموضوع مش قصة انه اتشرح و لا الفكرة ان المضوع اللي بتسال عليه مش عارف اركبه علي بعضه بمعني ان مناطق العرض والطلب حاجة والدعوم والمقاومات الخفية حاجة تانيه
بمعني اوضح ان انا المفروض بحدد منطقة الطلب او العرض علي اساس انها منطقة السعر صعد او هبط منها واخد اتجاه قوي وبالتالي لما السعر يرجع للمنطقة دي تاني فانا هتعامل معاه بناء علي تقييمي لمنطقة العرض او الطلب اللي معايا بطرق التقييم المعروفة علشان اقدر اعرف المنطقة دي قوية فنا هبيع واشتري بناء عليها او غير قوية وبالتالي انا مليش دعوة بيها يعني اللي عايز اوصله لحضرتك ان التحليل بالعرض والطلب بيكون بناء علي حركة السعر في الماضي
انما الدعوم والمقاومات الخفية اللي بتكون في النجمة فدي انا بقدر اعرف مكانها بمجرد رسم النجمة وكل اللي محتاجة هو قمة او قاع واني اكون عارف طريقة رسم النجمة وبالتالي هيطلع معايا الدعوم والمقاومات ودي بتكون مستقبليه يعني انا مش عارف السعر هيعمل ايه عند الدعوم والمقاومات دي ممكن يحترمها ووممكن لا
وبالتالي انا مش هينفع اشتغل علي الدعوم والمقاومات الخفية بمفردها بعكس مناطق العرض والطلب اللي انا بحددها واعلق الاوامر بتاعتي واحط استوبي ورا المنطقة وخلاص لكن الدعوم والمقاومات الخفية لازم يكون معاها عامل مساعد زي فاصل زمني مثلا او انها ممكن تكون في نقطة قاتله وهنعرفها في النجمة ان شاء الله
وممكن حضرتكتدمج الاتنين مع بعض يعني تحدد مناطق العرض والطلب وبعدها ترسم النجمة واكيد الدعوم والمقاومات اللي هتكون في المنطقة اللي حضرتك رسمتها اكيد دا بيذود قوة المنطقة لانها بقت عرض وطلب ودعم او مقاومة خفيه

[islamhany]

هو الموضوع مش قصة انه اتشرح و لا الفكرة ان المضوع اللي بتسال عليه مش عارف اركبه علي بعضه بمعني ان مناطق العرض والطلب حاجة والدعوم والمقاومات الخفية حاجة تانيه
بمعني اوضح ان انا المفروض بحدد منطقة الطلب او العرض علي اساس انها منطقة السعر صعد او هبط منها واخد اتجاه قوي وبالتالي لما السعر يرجع للمنطقة دي تاني فانا هتعامل معاه بناء علي تقييمي لمنطقة العرض او الطلب اللي معايا بطرق التقييم المعروفة علشان اقدر اعرف المنطقة دي قوية فنا هبيع واشتري بناء عليها او غير قوية وبالتالي انا مليش دعوة بيها يعني اللي عايز اوصله لحضرتك ان التحليل بالعرض والطلب بيكون بناء علي حركة السعر في الماضي
انما الدعوم والمقاومات الخفية اللي بتكون في النجمة فدي انا بقدر اعرف مكانها بمجرد رسم النجمة وكل اللي محتاجة هو قمة او قاع واني اكون عارف طريقة رسم النجمة وبالتالي هيطلع معايا الدعوم والمقاومات ودي بتكون مستقبليه يعني انا مش عارف السعر هيعمل ايه عند الدعوم والمقاومات دي ممكن يحترمها ووممكن لا
وبالتالي انا مش هينفع اشتغل علي الدعوم والمقاومات الخفية بمفردها بعكس مناطق العرض والطلب اللي انا بحددها واعلق الاوامر بتاعتي واحط استوبي ورا المنطقة وخلاص لكن الدعوم والمقاومات الخفية لازم يكون معاها عامل مساعد زي فاصل زمني مثلا او انها ممكن تكون في نقطة قاتله وهنعرفها في النجمة ان شاء الله
وممكن حضرتكتدمج الاتنين مع بعض يعني تحدد مناطق العرض والطلب وبعدها ترسم النجمة واكيد الدعوم والمقاومات اللي هتكون في المنطقة اللي حضرتك رسمتها اكيد دا بيذود قوة المنطقة لانها بقت عرض وطلب ودعم او مقاومة خفيه

تمام الله ينور عليك انت وصلتني للي عاوز اقوله . هل ممكن الدعوم والمقاومات الخفيه المستقبليه تكون هي نفسها مناطق عرض وطلب لزمن فات ؟ ولا مش لازم

[medo93]

تمام الله ينور عليك انت وصلتني للي عاوز اقوله . هل ممكن الدعوم والمقاومات الخفيه المستقبليه تكون هي نفسها مناطق عرض وطلب لزمن فات ؟ ولا مش لازم

ممكن ولكن انا لازم احدد منطقة الطلب او عرض اولا وبعدها اشوف هل فيها دعوم ومقاومات خفية ولا لا
لكن مش هينفع العكس يعني اجيب الدعوم والمقاومات وابعدها اشوفها اذا كانت تصلح كمنطقة دعم او مقامة او لا لاني هلاقي كتير
والسبب اني مناطق العرض والطلب قللية وبالتالي هرسم المنطقة وادور في النجمة واشوف هلي في حاجة تدعم التحليل ولا لا
لكن ان تبدا بالنجمة نفسها هتلاقي مثلا اكتر من 15 دعم ومقاومة ما بين دعوما ومقاومات خفية وزوايا رئيسية وفرعيه



وبالتالي مطلوب من حضرتك تشوف مين اللي هينفع فيهم يبقي منطقة طلب او عرض ووتاكد اخي اسلام هتلاقيهم كلهم ينفعو والموضوع هيبقي صعب شوية وهتدخل في دايرة التحليل العاطفي وهو انك تختار اقرب مكان انت حابب السعر يطلع او ينزل منه
وصدقني لو عايز السعر يصعد هتلاقي في المكان دا منطقة طلب قوية جدا ومعاهم دعم خفي ودعم ظاهر ونموذج هارمونيك بيقولك اشتري حالا وموعد انعكاس هيظهر من تحت الارض كل دا علشان انت عايز السعر يصعد والعكس لو عايز السعر يهبط

[islamhany]

الف شكر ليك للتوضيح .. وانا بعتذر للجميع علشان سؤال مش في وقته

[medo93]

والصورة اللي ارفقتها دي كانت مثال علي انعكاس لاندكس البوند وبالتالي انا كنت معتمد علي النجمة اعتماد كلي وحددت المنطقة بتاعتي باعتباها نقطة قاتله ومستني الانعكس منها
وخلي بالك اني لما حددت المنطقة دي انا جبتها كلها من النجمة ولا عارف المنقطة دي دعم ولا مقامة ولا منطقة طلب ولا عرض ولا حتي بصيت السعر عمل معاها ايه قبل كدا يعني احترمها ولا لا
وبالتالي انا شايف السعر رايح لنقطة قاتله ومنتظر انعكاس منها بغض النظر عن ان دي منطقة طلب او عرض دا تحليل مستقل بالنجمة



والصورة دي لايف من اندكس البوند المنطقة الحمدلله قامت بالواجب وعملت اللي عليها مع كنت منتظر منها اكتر من كدا لكن الحمدلله كدا فلة



ودي صفقات كانت بناء علي التحليل المرفق انا محبيتش اخد معاهم البوند نظرا للاخبار اللي كانت علي الدولار النهاردا فحبيت اكون بعيد والا كان زمانه محقق زيهم بالظبط لكن قدر الله وما شاء فعل والصفقات دي ارزاق قبل اي حاجة



والخلاصة ان لو عايز تدمج الطلب والعرض مع النجمة يبقي تبدا بالطلب والعرض الاول وبعدها ترسم النجمة

[medo93]

الف شكر ليك للتوضيح .. وانا بعتذر للجميع علشان سؤال مش في وقته

اتمني ان تكون الاجابة واضحة ومفيش اي مشكلة وزي ما قلت لحضرتك قبل كدا لما يكون الرسم جاهز انا بحطه في الاجابة لكن مش بعمل رسم جديد وانت حظك ان الصور كانت ع الديكستوب

[islamhany]

كلام جميل جدا . طيب معلش بخصوص الصفقتين بتوعك . ليه انت اخترت العملتين دول بس اللي تشتري قصادهم الباوند ؟ بناء علي رسمه النجمه الخاصه بالباوند ليه ماشتريتش الباوند قصاد كل العملات واكتفيت بعملتين بس ؟ هل فيه سبب معين بغض النظر عن اخبار الدولار ؟

[medo93]

كلام جميل جدا . طيب معلش بخصوص الصفقتين بتوعك . ليه انت اخترت العملتين دول بس اللي تشتري قصادهم الباوند ؟ بناء علي رسمه النجمه الخاصه بالباوند ليه ماشتريتش الباوند قصاد كل العملات واكتفيت بعملتين بس ؟ هل فيه سبب معين بغض النظر عن اخبار الدولار ؟

انا كدا اشتريت البوند قصاد كل العملات لاني مش بشتغل غير ب 3 بس مع البوند ومع ذلك من غير ما اشوف هتلاقي البوند صعد قصاد كل العملات لكن يعني انا شفت 3 ازواج والتحليل كان كويس جد معاهم وممكن تشوف الباقي لكن انا غالبا مش بشتغل غير مع الازواج دي فقط بالنسبة للبوند

[islamhany]

ربنا يباركلك في رزقك يا ميدو ويزيدك

[spider man]

السلام عليكم ورحمة الله وبركاته
لي فترة كبيرة لا أشارك في المنتديات , وبالصدفة رأيت اليوم موضوعك الذي جذبني بشدة , وأجبرني على المشاركة والعودة
لأهمية محتواه , وأسلوبك السهل السلس في الشرح
رغم تأخري قرابة شهر على بدايته , لكني أعتقد أنني وجدت ضالتي هنا , وسأتصفح صفحاته وأدرسها بعناية وتركيز
أرجو أن تقبلوني معكم متابع ومشارك
بارك الله فيك أستاذ محمد ونفع بك

[abdalaah]

السلام عاليكم ورحمه الله
انا اول مره ادخل واشارك فى منتديات لكن بحق الله
انت راجل محترم انا قرئت موضوعك وبدئت افهم
بصراحه كنت فى الاول قولت انت مش هتكمل الموضوع زى ناس كتير بس بتجذب الناس بالكلام
وبعد كدا بتسيب الموضوع ومش بيكمل عشان
لكن انت ماشاء الله عاليك والله واضح انك راجل محترم وربنا فعلا هيجازيك خير