الزوايا السعرية والفواصل الزمنية

[الزيرو]

السلام عليكم ..
موضوع رائع ودسم للغاية وجاري التفصيص ,,
عندي سؤال :
هل يمكن استخدام هذه الطريقة في العمل فقط على فريم الساعة بهدف صفقات يومية أو سكالبنج ؟؟
أقصد أنه كثيرا ما نجد قمم أو قيعان مثالية على الساعة .. كيف نستفيد منها وكيف نختار القمة المناسبة لبداية الرسم ..؟؟

[medo93]

السلام عليكم ..
موضوع رائع ودسم للغاية وجاري التفصيص ,,
عندي سؤال :
هل يمكن استخدام هذه الطريقة في العمل فقط على فريم الساعة بهدف صفقات يومية أو سكالبنج ؟؟
أقصد أنه كثيرا ما نجد قمم أو قيعان مثالية على الساعة .. كيف نستفيد منها وكيف نختار القمة المناسبة لبداية الرسم ..؟؟

وعليكم السلام ورحمة الله وبركاته مرحبا بك اخي الحبيب وبالسنسبة للاسالة الخاصة بحضرتك
1-نعم يمكن استخدام فريم واحد في المتاجرة وقد كان شاهدنا في هذه الورشة صفقات كانت علي فريم 5 دقائق ولكن ربط الفريمات سيجعل نظرتك اكثر شمولا وستعرف حدود الشكل الذي تتاجر عليه وايضا سبب تكون هذا الشكل ولا ننسي القاعدة جميع الفريمات تتبع الفريكم الاكبر
يعني لما الاقي تصحيح هيبدا من فريم الساعه بالتالي هعرف ان في شكل او اكتر هيبدوء يتكونو علي فريم ال 5 دقايق
لكن يمكن استخدام فريم واحد في المتاجرة بشرط تامين الصفقة
2كيفية اختيار القمة والقاع ان شاء الله في درس خاص بهذ الجزء لانه من اهم اجزاء الطريقة والدرس دا ممكن يكون غدا ان شاء الله

[الزيرو]

وعليكم السلام ورحمة الله وبركاته مرحبا بك اخي الحبيب وبالسنسبة للاسالة الخاصة بحضرتك
1-نعم يمكن استخدام فريم واحد في المتاجرة وقد كان شاهدنا في هذه الورشة صفقات كانت علي فريم 5 دقائق ولكن ربط الفريمات سيجعل نظرتك اكثر شمولا وستعرف حدود الشكل الذي تتاجر عليه وايضا سبب تكون هذا الشكل ولا ننسي القاعدة جميع الفريمات تتبع الفريكم الاكبر
يعني لما الاقي تصحيح هيبدا من فريم الساعه بالتالي هعرف ان في شكل او اكتر هيبدوء يتكونو علي فريم ال 5 دقايق
لكن يمكن استخدام فريم واحد في المتاجرة بشرط تامين الصفقة
2كيفية اختيار القمة والقاع ان شاء الله في درس خاص بهذ الجزء لانه من اهم اجزاء الطريقة والدرس دا ممكن يكون غدا ان شاء الله

بارك الله فيك .. في إنتظار الدرس لأن كل الطريقة تعتمد على تحديد نقطة بداية الرسم الصحيحة

[YOUCEF4787]

السلام عليكم أستاذ ميدو
أظن أن هذا هو الشكل الأفضل لليورو دولار وأنا داخل بيع بهدف 180 ثم 270 ما رأيك

[simba2000]

يا جماعه كفايه أسئله ، خللوا الراجل يشرح الجزء الجديد ، وتحليل اليوروباوند
القطار متأخر عن الوصول فى الزمن المحدد .

[medo93]

يا جماعه كفايه أسئله ، خللوا الراجل يشرح الجزء الجديد ، وتحليل اليوروباوند
القطار متأخر عن الوصول فى الزمن المحدد .

لا تقلق يا اخي محمود انا بالفعل شغال في الشرح الجديد لكن بصراحة لم اتوقع ان الدرس هيمتد كدا واثناء الشرح في حاجات بتظهر معايا وبضطر اجيبها في الدرس لكن بعون الله الدرس والتحليل هيكونو في الورشة النهاردا يعني القطار مش متاخر ولا حاجة

[abdalaah]

السلام عاليكم استاذ ميدو
اعتقد دا شكل ثمانى من الاشكال الغير مكتمله
عنده فشل زمنى وسعرى

مش عارف استاذ ميدوانا رسمت على نفس الفريم طلع بردو شكل عشارى من الاشكال الغير مكتمله
هوا كدا صح ممكن نبدء الرسم من فوق مثلا على نفس الشارت ونفس الفريم

[abuelgoud]

الله المستعان كنا اتشوقنا جدا رغم كل الجهلة اللى قالو خرافات العلم لايوجد به خرافات كله ابحاث وتحليلات

[abuelgoud]

هو السعر فعا كان حركة سعرية دائري وبالتحديد كان الحالة التانيه اللي بيتم الدخول من الزاوية 450 وطبعا بعمل حسابي في تبريد من الزاوية 630 لو وصلها السعر لكن اللي حصل ان السعر موصلش للزوية دي وطلع محترم وهبط من 450 مباشرة

الملف المرفق 477314

وزي ما قلنا قبل كدا ان الهبوط دا مش هيكون عشوائي ولازم يكون في شكل هندسي سواء علي الفريم دا او علي فريم اصغر
ولو حضرتك رسمت من القمة هتلاقي السعر كن هابط علي شكل خط مستقيم وبعمل حالة من حالات الفشل الزمني ودا طبعي جدا
وهنعرف هو ليه عمل كدا لما نشوف الصورة الخاصة بالاسبوعي

الملف المرفق 477315

اعتقد كدا الصورة وضحت الشكل الدائري اللي كان علي الفريم اليومي (الصعود الي 450) هو عبارة عن صعود السعر للزاوية 45 علي الفريم الاسبوعي والشكل الخط المستقيم الهابط علي الفريم اليومي هو عبارة عن التصحيح لمنتصف المسافة في الفريم الاسبوعي
اتمني تكون الصورة وصلت واي استفسار تاني انا تحت امرك

هنا يا اخ ميدو كان لازم اسأل ليه فى تغيير فى الاسبيس لين بالشكل المتفاوت ده يعنى رسمت اليومى على 10 والاسبوعى على 0.10 تجى ازاى ياريس يا اما اليومى يبقى 1 والاسبوعى 0.10 يا اما اليومى 10 والاسبوعى 1 وضح النقطة دى لو سمحت وماعندك مانع الى ارجائها الى وقت الاسبيس والزمنى شكرا جزيلا

[medo93]

بسم الله الرحمن الرحيم

اليوم ان شاء الله موعدنا مع الدرس الخاص بضبط ال space والدرس دا مهم جدا لانه هو اللي بيظبط السرعات وبينقل من الترس الاصغغر للاكبر والعكس وعلشان نفهم الموضوع بصورة افضل خلينا نتفق علي شوية قواعد والقواعد دي خاصة بعدد الارقام في كل فريم
انا هاخد مثال هنمشي بيه للنهاية وبعدها هنقول علي الاختلاف اللي هيتغير بالنسبة لباقي الازواج
وخلينا دلوقتي نقول القواعد بتاعتنا

الفريم الشهري بيكون رقمين
الفريم الاسبوعي بيكون 3 ارقام
الفريم اليومي وال 4 ساعات بيكون 4 ارقام
فريم الساعه و30 د دبيكون 5 ارقام
فريم 15 دقيقة وال 5 دقائق بيكون 6 ارقام
واخيرا فريم الدقيقة بيكون 7 ارقام

المفروض اني دي القواعد العامة اللي هنمشي عليها ولكن بداية حابب انوه ان القوعد دي ليسث ثابته وانما ممكن نلاقي بعض الاختلاق
يعني نذود رقم او ننقص رقم طبقا للحالة اللي قدامنا وزي ما قلت قبل دا الاسبيس دا هو اللي بنظبط بيه السرعات وبنقدر من خلال نسرع او نبطئ الحركة الخاصة بالزوج
الدرس دا اكتر واحد هيتسفيد منه هو الاخ هارمونيك السعودي لانه بيشتغل يدوي ودا من اساسيات العمل بالطريقة اليدوية اي حد يقدر يشتغل يدوي بالطريقة دي بدون ما يكون عارف الكلام دا

وكمثال بسيط سعر اليورو دولار حاليا :1.15580 زي ما هنشوف في الصورة اللي جاية

لو انا عايز اتعامل مع الزوج دا في الفريم الشهري هعمل ايه ؟

انا عرفت من القاعدة اللي فوق ان الفريم الشهري بيكون عبارة عن رقمين فقط وبالتالي عايز من ال 6 ارقام اللي هم سعر اليورو دولا رقمين فقط ولكن هل اخد اول رقمين في السعر ولا اخر رقمين في السعر ولا الرقمين للي في المنتصف
الاجابة طبعا اني هبدا من اليسار وهتخار الرقمين 1.1
لكن في عندنا مشكلة وهي ان لازم يكون السعر رقم صحيح والرقم اللي معايا(1.1) دا رقم عشري وبالتالي انا مطلوب مني احول الرقم دا لرقم صحيح علشان اقدر استخدمه في المعادلات بتاعتي
وهنا دور الرياضيات اللي هتقلنا نعمل ايه

ولما سألنها قالت انا هديلك قواعد عامة تمشي عليها بالنسبة للفاصلة العشرية وهي
لو عايز تتخلص من رقم واحد بعد الفاصلة العشرية اضرب الرقم كله في 10 يعني لو عدي رقم بالصورة دي 3.5 وانا عايز احول الرقم دا لرقم صحيح وليس رقم عشري اا هضرب الرقم دا في 10وبالتالي هيبقي بالشكل 3.5*10=35

مثال وبالتالي لو رجعت لليورو دولار هلاقي السعر عندي الرقم 1.1 وانا عايز اخليه رقم صحيح يبقي هعمل المعادلة دي 1.1 *10=11
ودا اللي هشتغل بيه علي الفريم الشهري اللي هو اساسا بيشتغل برقمين (11)
وبالتالي انا كدا عرفت ليه مؤشر ابو حمزة بيعمل الاسبيس الخاص باليورو دولار في الفريم الشهري 10

كدا تمام جدا وعلشان نتاكد ان الموضوع ماشي زي الفل يلا ناخد مثال تاني علي الاسبوعي
زي ما قلا ان سعر اليورو دولار حاليا هو 1.15580
واحنا قلنا في اول المشاركة ان الفريم الاسبوعي بيكون 3 ارقام يعني سعر اليورو دولار هيبقي 1.15

وبالصورة دي اا مش هينفع اني اشتغل علي الرقم لانه رقم عشري وانا عايزه رقم صحيح علشان ااقدر اشتغل بيه في المعادلات بتاعتي
وبالتالي هرجع تاني للرياضيات واشوف هتعمل ايه
في المثال الاول علشان نتخلص من الفاصلة العشرية اللي كانت بعدها رقم واحد ضربنا الرقم في 10
ودوقتي انا عايز اتخلص من الفاصلة العشرية اللي بعدها رقمين وبالتالي هضرب الرقم في 100 وليس 10
ولم اطبف المعادلة بتاعتي هلاقي السعر الخاص باليورو دولار في الفريم الاسبوعي هو 1.15 * 100=115 اي ان الرقم تحول الي رقم صحيح بعد ضربه في 100
وبالتالي اا برضه هلاقي مؤشر ابو حمزة عامل الاسبيس الخاص اليورو دولار في الفريم الاسبوعي 100 يعني هو كدا ضرب الرقم في 100علشان يطلع 3 ارقام صحيحة

طبعا المفروض انكم عرفتو الفكرة ماشية ازاي و علشان اتاكد ان الموضوع ماشي تمام هناخد مثال تاني لفريم الدقيقة لاه فيه فكرة صغننه وعايزكم تعرفوها
احنا عارفين ان فريم الدقيقة بيكون 7 ارقام وسعر اليورو دولار حاليا 1.15580 وبالتالي في عندي 5 ارقام بعد الفاصلة العشريه ومطلوب مني اتخلص منهم علشان اقدر اتعامل برقم صحيح

وخلينا نفكتر مع بعض لما كنت بحاول اتخلص من رقم واحد بعد الفاصلة العشرية واحول الرقم ال رقم صحيح كنت بضرب في 10
ولما حبيت اتخلص من رقمين بعد الفاصلة العشرية ضربت في 100 يعني ذودت صفر كمان (بدل 10 بقت 100)
طب دلوقتي في فريم الدقية انا عندي 5 ارقام بعد الفاصلة العشرية يبقي انا كدا مطوب مني اني اضرب الرقم دا في 100000 ودا لان كل رقم بعد الفاصلة العشرية بيقابله 0 ولو جيت طبقت المعادلة دي هلاقي السعر اصبح 1.15580 * 100000= 115580

كدا الخطوة الاولي انتهت وبقي معايا رقم صحيح مكون من 6 ارقام ...لكن في مشكلة ظهرت عندي وهي ان السعر اللي معايا 6 ارقام وانا في فريم الدقيقة بشتغل ب 7 ارقام وبرضه الحل في الرياضيات قالتلي مفيش اي مشكلة وهنقف هنا شويه ونشوف الفقرة اللي جاية ونكمل بعدها

انت عندك 6 فريمات (تروس) (شهري - اسبوعي - يومي - ساعه -15 دقيقة - دقيقة ) وهنلاحظ اني سبت فريم ال 4 ساعات لانه زي الفريم اليومي وكمان سبت فريم النص ساعه لانه زي فريم الساعه وفريم ال 5 دقائق لانه زي فريم الربع ساعه ودي كل الفريمات اللي معانا ف المنصة تمام لغاية كدا
ايه رئيكم نعرف يعني ايه تروس ويعني ايه ترس كبير وترس صغير واية لازمة التروس دي

اولا احنا اتفقنا ان الفريم الشهري بنستخدم معاه رقمين فقط ...وبالتالي انا لو عايز اعمل دورة كاملة( 360 درجة )علي الفريم الشهري باستخدام المعادلة اللي هتعرفها بعد شوية هنلاقي ان الدورة دي علي الفريم الشهري حوالي 13870 نقطة يعني الترس دا علشان يدور دور كاملة سواء كانت صاعده او هابطة محتاج يهبط او يصعد الرقم دا
وزي ما هنشوف في الصورة اللي الجاية السعر تحركا من الزاوية 0 الي الزاوية 360 استغرق نفس الرقم اللي قلناه(13870) ودا بالنسبة للفريم الكبير اللي بنشتغل فيه برقمين فقط

لكن لو رحنا للفريم الاقل وهو الفريم الاسبوعي اللي بشتغل فيه ب 3 ارقام هنلاقي ان الدورة اصبحت اقل في عدد النقاط يعني زي ما هنشوف في الصورة اللي جايه دي في الفريم الاسبوعي
ان الدورة السعريه الكاملة اصبحت 4340 نقطة بداية من الزواية 0 وانتهاء بالزاوية 360

يعني لما سرعنا الحركة الدورة نفسها نقصت بعد ان كانت اكتر من 13870 نقطة علي الفريم الشهري اصحبت 430
وممكن ناخد مثال تاني للتاكيد

ونشوف فريم اليومي اللي بنشتغل فيه ب 4 ارقام يعني هبدا م الزاوية 0 وانتهي عند الزاوية 360 يعني دورة السعرية الخاصة بيه كام نقطة في الصورة اللي جاية انا جايب دورة سعرية كاملة وطلعت معايا 1327 نقطة

واكيد طبعا لاحظتو ان عدد نقاط الدورة الكاملة بيقل كل ما الفريم يصغر ودا منطقي جدا وكلنا عارفين الموضوع دا
لكن حاليا انا بشرح لحضرتك سبب الموضوع دا ليه بيقل وليه بيزيد بتغير الفريم

ومنطقي جدا ان طالما الدورة بقت اصغر فطبيعي جدا انها تنتهي اسرع يعني الدورة اللي بتكون علي الفريم الاسبوعي بتنتهي قبل الدورة اللي علي الفريم الشهري لانها اقل منها
وممكن نقول الجملة دي بصيغة تانيه

وهي ان اي زوج يعمل دورة علي الفريم الشهري بيكون عمل اكتر من دورة علي الفريم الاسبوعي
وبالمثل لو علمل دورة علي الفريم الاسبوعي بيكون عمل اكتر من دورة علي الفريم اليومي
ولو عمل دورة واحدة علي فريم الساعه بيكون عمل اكتر من دورة علي فريم الدقيقة

وهنا هناخد قاعدة خري
زيادة عدد الارقام = زيادة سرعه الحركة = نقص عدد النقاط وطبعا عرفا معني القاعدة دي ايه

طبعا انتو اساسا نسيتو احنا كنا بنتكلم في ايه قبل موضوع الدورات دا
انا هفكركم احنا كاان معانا مثال لليورو دولار في فريم الدقيقة وطلع معانا 6 ارقام (115580)

واحنا عارفين اننا في فريم الدقيقة بنشتغل ب 7 ارقام طب هنجيب الرقم السابع من فين ؟
خلينا نفكر شوية احنا لو اشتغلنا ب ال 6 ارقام ايه اللي هيحصل ؟

علشان اسهل الحل شويه ايه رئيكم نتخيل اننا بنستخدم الدورة السعرية الخاصة بالفريم الشهري علي الفريم الاسبوعي اللي هيحصل ان حضرتك هتلاقي الدورة كبيرة جدا ودا لان حضرتك استخدمت الترس الخاص بالفريم الشهري(الكبير) علي الفريم الاسبوعي(الصغير)
يعني هيبقي الشكل كدا

ودا بالظبط اللي هيحصل لو انا استخدمت 6 ارقام في فريم الدقية لان المفروض ال 6 ارقام دول خاصين بفريم 5 دقايق و 15 دقيقة وبالتالي هلاقي نفس المشهد علي فريم الدقيقة لو انا عملته 6 ارقام

زي ما شفتو كل الهبوط دا والسعر لسه حتي موصلش نصف دورة ودا غير منطقي بالمرة والسبب في اللي بيحصل اننا شغالين بدورة ال 5 دقائق علي فريم الدقيقة
واخر حاجة في النقطة دي انا محتاج اجيب رقم يغير الدورة بتاعتي وينقلني علي فريم الدقيقة من غير ما ياثر علي السعر نفسه وبالتالي مش هلاقي غير ال 0 اللي هيقدر يعمل كدا

وبالتالي فان سعر اليورو دولار هيبقي 1155800كدا بقي 7 ارقام وفي نفس الوقت السعر لم يتاثر وقدرت اخلي اليورودولار في فريم الدقيقة علي الدورة السعرية المظبوطة الخاصة بيه وليس علي الدورس السعرية لخاصة بفريم 5 دقائق

والاسبيس الخاص بيه في فريم الدقيقة 1000000طبعا هو المفروض خمس اصفار لكن احنا ذودنا صفر علشان الرسم يبقي مظبوط



كدا الوضع اتظبط والدورة بقت معقولة والرسم سليم وكدا احنا عرفنا موضوع الارقام الخاصة بكل فريم الاسبيس بيتعمل ازاي وبيتكتب في المؤشر بناء علي ايه وكمان عرفنا يعني ايه ترس ويعني ايه دورة كبيرة ودورة صغير

باقي معانا جزء بسيط وهو الحالات اللي بنغير فيها الاعدادت وكمان عايزين نطبق الكلام دا علي زوج تاني يكون سعره مختلف زي الين او النيوزلاندي ودي هنشوفهم في المشاركة القادمة ان شاء الله

الدرس دا مفيد جدا لاي حد بيشتغل رقمي يعني لو حد يعرف حد بيشتغل تحليل رقمي ممكن يبعت له اللينك الخاص بالشرح وتذكرو ان الدال علي الخير كفاعله ول رئيتم ان الموضوع يستحق المشاركة فرجاء لا تترددو

[simba2000]

لا تقلق يا اخي محمود انا بالفعل شغال في الشرح الجديد لكن بصراحة لم اتوقع ان الدرس هيمتد كدا واثناء الشرح في حاجات بتظهر معايا وبضطر اجيبها في الدرس لكن بعون الله الدرس والتحليل هيكونو في الورشة النهاردا يعني القطار مش متاخر ولا حاجة

"ياوابور قللى رايح على فين ؟ ، ياوابور قللى ؟"
الله يعينك حبيبى أخى محمد ، منتظرينك

[abuelgoud]

بسم الله الرحمن الرحيم

بعد ان تعلمنا الاشكال المكتملة وعرفنا خصائصئها اليوم ان شاء الله موعدنا مع الجزء الثاني الخاص بالاشكال الهندسية وهو الاشكال الغير متكلمة وقد علمنا من خلال اول مشاركة ان هذه الاشكال تسمي اشكال التذبذب
وايضا عرفنا ان الاشكال الغير مكتملة هم عبارة عن 5 اشكال

1-الشكل السداسي(الهيكساجون)
2الشكل السباعي (الهيبتاجون )
3-الشكل الثماني (الاوكتاجون)
4-الشكل التساعي (النوناجون)
5-الشكل العشاري(الديكاجون)

ودا الوقت اللي المفروض نعرف كل شكل من هذه الاشكال بيتكون ازاي وايه الزوايا بتاعته وبيروح فين وبنشتغل عليه ازاي
لكن قبل كل دا في بعض الملاحظات المفروض نكون عارفينها عن الاشكال دي

1-ان بمجرد تكونها بنكون عارفين ان السعر مش هيوصل لزاوية 360 وممكن من الفريمات التانيه اقدر اعرف هينتهي فين بالظبط
2-غالبا ما تاتي بعد انتهاء شكل هندسي مكتمل وقبل بدايةالشكل الجديد

بمعني لو انا عندي شكل هندسي مكتمل الشكل دا خلاص عنده فشل زمني انا مباشرة بتوقع تغير الاتجاه وغالبا بلاقي شكل هندسي غير مكتمل او اكثر من شكل قبل بداية الشكل الجديد زي الصورة اللي جاية دي

الملف المرفق 477363

3- ان مناطق التذبذب عبارة عن اشكال غير مكتملة صاعدة وهابطة علي فريمات اصغر يعني مثلا انا لقيت الشكل اللي فص الصورة اللي جاية دي علي فريم الساعة

الملف المرفق 477364

لو نزلت علي فريم ال 5 دقايق هلاقي ان الموجتين اللي تكونو علي فريم الساعه هم عبارة عن شكلين من الاشكال الغير مكتملة واحد صاعد وواحد هابط يعني هتكون الصورة بالشكل دا
في الصورة دي انا لما نزلت علي الفريم الاقل لقيت ان الموجة اللي كانت صاعدة دي عبارة عن شكل سداسي (او اي شكل تاني دا مجرد مثال)
وطبعا نفس الكلام هيحصل مع الموجة الهابطة

الملف المرفق 477365

يعني لو حد عنده خلفية عن نظرية اليوت هيفهم الموضوع دا بشكل افضل زي مثلا لما نقول ان الموجاات 1-2-3-4-5 هم عبارة عن موجه رقم 1او3او5 من موجة اكبر واللي معندوش خلفيه عن اليوت فخليه معانا هنا في الاشكال الغير مكتمله والفكرة كلها

وممكن كمان الاقي منطقة تذبذب عبارة عن شكلين غير مكتملين في نفس الفريم من غير ما انزل للفريم الاقل يعني مثلا الاقي شكل ثماني صاعد وبعده شكل سداسي هابط او اي شكلين مش شرط الشكلين دول وهنشوف مثال علي الحالة دي

4- غالبا ما تسبق هذه الاشكال الاخبار القوية علي الفريمات الصغيرة يعني ممكن يكون في خبر مهم علي الدولار والاقي قبل الخبر دا اشكال غير مكتملة علي فريم 5و15 دقيقة ودا بيكون تمهيد للشكل الجديد وكمعلومة غالبا بيكون الشكل اللي بيتكون بعد الخبر شكل دائري
ركزو في المعلومة دي:دائما ابحث عن شكل دائري بعد الخبر في الفريمات (5-15-15-30دقيقة)

ودلوقتي ممكن نبدا الاشكال الغير مكتملة

1-الشكل السداسي (الهيكساجون)

الشكل دا بنعرفه من ارتداد السعر من الزاوية 60 ودي اللي بعد الزاوية 72 مباشرة
يعني لو كان الارتداد 72 يبقي دا شكل خماسي وعرفناه قبل كدا ولو الاتداد كان من الزاوية 60 في الحالة دي احنا دخلنا ف الاشكال الغير مكتملة وبقي معانا شكل سداسي
ودي الزوايا الخاصة بالشكل السدسي (60-120-180-240-300-360)
وبيكون شكله كدا علي الشارت

الملف المرفق 477366

معلومة مهمة جدا مش معني اني نهيت الرسم عند الزاوية 180 ان الشكل السداسي بينهتي عندها لا طبعا الموضوع مش كدا ودا مجرد مثال وليس اكثر ولكن الشكل زي اي شكل غيره يعني ليه زمني مرتبط بيه وليه محطات المفروض انه يوصل ليها في زمن معين ولو موصلش بنبدا نفكر في انتهاء الشكل يعني زي الاشكال المكتملة بالظبط لكن الفرق اننا عارفين من بداية تكونه ان الشكل دا مش هيوصل للزاوية 360

الشكل السباعي(الهيبتاجون)

والشكل دا من اكثر الاشكال تعقيدا والحمدلله انه مش متكرر في الشارت ودا ودا بتكون اول زاوية بتقابله ويرتد منها هي الزاوية 51.5
وطبعا انصاف هذه الزاوية ومضاعفاتها هي المحطات الخاصة بهذا الشكل
ولو بحثنا عن الزاوية دي في المؤشر مش هنلاقيها يعني المؤشر هيجيب لحضرتك الزاوية 60 وبعدها 45 مباشرة انما 51 دي هومش معترف بيها مع انها زاوية موجودة ومعترف بيها

طب نجيب الزاوية 51 دي ازاي ؟
هنضغط بالماوس في المكان اللي بيكون مكتوب فيه الزاوية نفسها ونكتب يدويا 51.5 وبعدها نضغط انتر هنلاقي المؤشر طلع لينا الزايا الخاصة بالشكل السباعي

ودي الصورة الخاصة بالشكل السباعي
الملف المرفق 477367

وطبعا مش محتاج اقول مرة تانيه ان مش لازم اسعر ينتهي عند الزاوية 180 او دا مجرد مثال للشكل السباعي وممكن ينتهي قبلها وممكن بعدها لكن المهم ان الشكل دا ميوصلش للزاوية 360 لانه غير مكتمل

الشكل الثماني (الاوكتاجون)

بتكوز اول زاوية ردت السعر الي منتصف المسافة هي الزاوية 45 والشكل دا مهم لانه له علاقة بالشكل الرباعي وتكمن اهمية الشكل في الزاوية 45 نفسها وغالبا ما يكون هناك تمحور حول هذه الزاوية وصولا للزاوية 90
وهذا الكلام لا يعني ان الشكل الثماني والرباعي هم شكل واحد ...لا دل شكلين منفصلين وكل واحد منهم له حالة خاصة بيه

الملف المرفق 477368

الشكل التساعي (النوناجون)

وفي هذا الشكل تكون اول زاوية ترد السعر الي منتصف المسافة هي الزاوية 40 وبرضه مش هنلاقي الزاية دي ضمن الزوايا الموجودة في المؤشروهنضيف الزاوية بنفس لطريق اللي جبنا بيها الزاوية 51.5 يعني هنكتبها كتابة
الخبر الغريب والجيد في نفس الوقت ان الشكل داوالشكل السداسي منتشر بكثره مقارنة ببباقي الاشكال الغير مكتملة

الملف المرفق 477370

الشكل العشاري (الديكاجون )

ودا اخر شكل معانا في الاشكال الغير مكتملة والاشكال الهندسية عموما وفي هذا الشكل تكون اول زاوية ترد السعر هي الزاوية 36
وطبعا بسبب صغر الزاوية اللي يرتد منها السعر محدش كتير بيلاحظ الشكل دا لكنه موجد وهنجيب مثال له ان شاء الله

الملف المرفق 477369

اخر حاجة

انا شخصيا لا افضل المتاجرة علي هذه الاشكال الغير مكتملة لكن ممكن يكون حد من حضراتكم ليه رئي مختلف يعني مش معني اني مش بشتغل عليها اني حضرتك كمان متشتغلش عليها

الاشكال دي متوفرة علي الفريمات الصغرة من 1 ساعه واقل اكثر من الفريمات الكبيرة

لو حد مش غاوي حفظ ممكن يشتغل بالقانون دا
360 \الشكل =الزاوية بتاعته
يعني انا مثلا عايز نسيت الشكل الثماني بيرتد من اي زاوية هطبق القانون
360\8=45 ونفس الكلام لو عايز اجيب الزاواية الخاصة بالشكل التساعي 360\9=40
تكمن خطورة المتاجرة علي هذه الاشكال في عدم تحديد نهاي الشكل بدقة لان زي ما قلنا انها غالبا بتتكون قبل الاخبار وبعد الخبر بنلاقي السعر طار لاعلي او غاص لاسفل وبالتالي اللي مش بيكون مامن نفسه ممكن السعر يضرب استوب عنده ودا هيبقي من كرم ربنا انه اساسا عام استوب
وزي ما احنا كلنا عارفين شموع الاخبار بيكون شكلها ايه

ومعلومة ملهاش علاقة بالفوركس :الاسماء اللي جنب الاشكال (الاهيكساجون - الهيبتاجون ) دي ماخوذة من ترقيم اللغاية الاتينية
يعني 1 اسمه ميث و2 ايث و6 اسمه هيكس وبالتالي الشكل السداسي اسمه هيكساجون و7اسمة هبت الشكل السباعي هيبتاجونوممكن حضراتكم تجيبو باقي الارقام لو حد مهتم



وبكدا نكون قد انتهينا بفضل الله من الاشكال الهندسية المكتملة والغير مكتمله وفي المشاركات القادمة سنتناول

1-اختيار القمة والقاع الصحيح
2-ضبط الاسبيس الخاص بالازواج
3-الرسم باستخدام معادلة الجذر التربيعي(حساب الزوايا يدويا)

وهذه الدروس هي ما سيتم شرحة في الثلاث مشاركات القادمة باذن الله قبل الدخول في الجزء الزمني

مش لاقى كلام اقوله غير انك رائع فى فكرك واخلاقك وعلمك وربنا يزيدك من علمه من اعظم نعم الله على عباده ونعم الله كلها عظيمة وغير محصورة

[hamid988]

السلام عليكم
استاد ميدو تحية لك وللمتابعين
يهمني رايك باالشارت المرفق وتعليقك عليه وشكرا
على فكره انا ماخد عليه عقود كبيره وتهمني نصائحك

[azeddine82]

://انا عنديالأسبيسينتهي ب6 ارقام على مؤشربو حمزة hwww.mql5.com/en/charts/7865217/gbpchf-m1-fxdd

[azeddine82]

https://www.mql5.com/en/charts/7865217/gbpchf-m1-fxdd