الزوايا السعرية والفواصل الزمنية

[islamhany]

بص يا ريس انا كتب الجملة دي ليه باعتبار انه دي من الحاجات اللي واقفه معاه في الرسم وبالتالي كانت نقطة حبيت اني اوضحهاله لكن بالنسبة للي معايا في الورشة فدي طبعا هندرسها بالتفصي لانها من اهم الاجزاء في الطريقة
ولكن علشان خاطر انت راجل جيراني فانا هارفق ليك صورة وممكن من خلالها تفهم الكلام اللي بقول عليه

الملف المرفق 478003

هههههههههه
شكرا يا قريبي

[abdalaah]

الله ينور عاليك استاذ
ميدو لكن بالنسبه للدهب والينات حضرتك قايل دول ليهم اسبيسس خاص
هل معنى الكلام ان
العملات السريعه زى الباوند نيوزلندى والباوند استرالى والباوند فرنك واليورو نيوزلندى
مبتغيرش حاجا فى الاسبيس يعنى بيفضل كما هوا مؤشر ابو حمزه

[medo93]

بسم الله الرحمن الرحيم

اليوم ان شاء الله موعدنا مع الجزء الثاني الخاص بشرح الاسبيس وقد تعرفنا في الجزء الاول علي بعض القواعد اللي هشتغل بيها ومنها

الفريم الشهري بنشتغل فيه برقمين الفريم الاسبوعي بيكون 3 ارقام اليومي بيكون 4ارقام
الساعه بيكون 5 ارقام والربع ساعه 6 ارقام واخيرا الدقيقة بيكون 7 ارقام

وقلنا ان الفريم ال 4 ساعات بيتبع الفريم اليومي
وان فريم النصف ساعة بيتبع فريم الساعه
واخيرا فريم 5 دقئق بيتبع فريم 30 دقيقة
ودي كانت مراجعة سريعه علي القواعد اللي تعلمناها المرة اللي فاتت
واخدنا مثال علي زوج اليورو دولار وعرفنا ازاي نشتغل بيه في الفريمات المختلفة وليه الاسبيس بيكون مكتوب بالشكل اللي بنشوفه في مؤشر ابو حمزة
ودلوقتي انا حابب اوضح حاجة بالنسبة للموضوع دا وهي ان عندنا 3 مجموعات من الاسعار اللي في المنصة (الازواج)
واحنا اخدنا مثال علي اول مجموعه منهم وهو اليورودولار واقصد بالمجموعة دي بيكون عبارة عن رقم قبل الفاصلة العشرية وخمسة بعدها
وبالتالي في كمان معانا 11 زوج بالشكل دا وداوالازواج دي انا جمعتها لحضراتكم في الصورة اللي جاية دي

وعرفنا في الدرس السابقة كيفية التعامل مع هذه الارقام في كل فريم بدية من الشهري وحتي الدقيقة وممكن حضراتكم تطبقو علي اي زوج يعجبكم
لانها نفس الفكرة واللي عملناه مع زوج اليورو دولار ممكن نعمله مع اي زوج من نفس المجموعه
ودلوقتي هنكمل ان شاء الله مبدئيا احنا معانا كدا باقي معانا 3 مجموعات ومنهم مجموعين خاصين بالين يعني باختصار ال 7 ازواج
وانا قسمتهم الي مجموعتين علشان في اختلاف بينهم وهنعرفه حالا باذن الله
اولا المجموعة الاولي :ودي بتشترك ان فيها رقمين قبل الفاصلة العشريةزي ما هنشوف في الصورة اللي جاية ان شاء الله

وهناخد من المجموعه دي مثال واحد وحضراتكم هتقيسو عليه والمثال بتاعنا هي الكندي ين
سعره حاليا في المنصة (يعني مش السعر اللي الصورة اللي فوق) هو89.471
لو اانا عايز اشتغل علي الزوج دا في الفريم الشهري
انا عرفت من االدروس اللي فاتت ان الفريم الشهري بيشتغل برقيمن فقط وبالتالي انا هاخد الرقم دا زي ما هو واشتغل بيه في الفريم الشهري
يعني هيبقي السعر عندي :89.471
طب حد يقولي انت بتعمل ايه ؟ انت قلت بشتغل برقمين وانت كدا معاك 5 ارقام
وهقوله هم فعلا 5 ارقام لكن فيهم 3 بعد الفاصلة العشرية واللي يهمني هو الارقام اللي قبل الفاصلة العشرية
يعني الرقم كانه 89 وليس 89.471
وكدا ابقي شغال مظبوط علي الفريم الشهري
طب سؤال تاني ليه مؤشر ابو حمزة بيعمل الاسبيس 1 في الفريم الشهري للمجموعة دي

والاجابة ببساطة اني قلت اني هاخد الرقم زي ما هو وبالتالي ابو حمزة كانه بيضرب السعر في الرقم 1
علشان السعر يبقي زي ما هو ......لان رقم 1 هو محايد ضربي يعني لو ضربنا اي رقم في 1 الرقم مش هيتغير
ودي الصورة الخاصة بالاسبيس من مؤشر ابو حمزة

كدا تمام وعلشان نتاكد اننا ماشيين صح هنروح للفريم الاسبوعي
نفتكر تاني اننا في الفريم دا بنشتغل ب 3 ارقام والسعر اللي معانا 89.471
يعني انا محتاج رقم كمان علشان اعرف اشتغل علي الفريم الاسبوعي
واتعلمنا من الدرس اللي فات اننا لما يكون معانا رقم خلف الفاصلة العشرية وانا عايز انقله امام الفاصلة العشرية انا بضرب الرقم في 10
ولو عايز انقل رقمين بضرب في 100 واتفقنا انا كل رقم خلف الفاصلة العشري بيقابله صفر
وبالتالي انا في الالة دي عايز انقل رقم من السعر علشان يبقي معايا 3 ارقام صحيحة بدون وفاصل عشرية وبالتالي هضرب في 10
والسعر هيبقي كدا 89.471 *10=894.71 وهو دا الرقم اللي هشتغل بيه علي الفريم الاسبوعي
وبالتالي انا لو جبت صورة من الاسبيس الخاص بالفريم الاسبوعي لزوج الكندي ين هلاقية 10 وعرفنا هو ليه 10

وهنا هتظهر معايا المشكلة
المؤشر مظبوط والمعادلة صحيحة ولكن في مشكة معايا وهي سرعة الحركة... ويلا نفهم الموضوع د وادة واحدة لانه مهم مهم مهم
انا جبت الفريم الاسبوعي وهبدامن القاع 74.780 زي ما هنشوف في الصورة اللي جاية دي وخلو بالكم ان الاسبيس 10 يعني الاسبيس مظبوط طبقا للقاعدة اللي مشايين عليها

لغاية دلوقتي نظريا الكلام سليم ولكن عمليا في عندي مشكلة وهي
ان رينج الحركة ضيق جدا وبالتالي السعر وصل الي الزاوية 450 في 6 شموع وهذا غير منطقي بالمرة
يعني لو اشتغلنا بالشكل دا مش هنلاقي غير اشكال دائرية صاعدة وهابطة لان اي شمعتين او 3 هيعملو شكل دائري
وهنا وجب التدخل ...حضراتكم شفتوني قبل كدا بغير الاسبيس وبقول ان الحركة سريعه ودا الوقت اللي هنفهم فيه معني الجزء دا
معني ان الحركة سريعة ان السعر بينهي الدورة السعرية بتاعته بسرعه جدا ودا يخليه يعمل دورات كتير صاعدة وهابطة لان الدورة مش بتستغرق وقت معاه وزي ما شفنا في الصورة اللي فاتت ان الزوج عمل دورة وربع في 6 شموع
طب ايه الحل ؟

اولا :خلينا نفتكر المشكلة وهي ان الحركة السعرية سريعه جدا وانا تي مش بلحق استخرج الشكل الهندسي اللي ماشي عليه السعر
يعني بمجرد ما انزل المؤشر الاقي الحركة انتهت

الحل اني هبطئ الحركة

ازاي

شفنا مع بعض في الدرس اللي فات لما ركبنا الاسبيس الخاص بالشهر علي الفريم الاسبوعي ايه اللي حصل مع اليورو دولار
بالظبط هو دا اللي هنعمله مع الكندي ين
اي هبطئ الحركة عن طريق اني هركب الاسبيس الخاص بالفريم الكبير علي الفريم الصغير
يعني هعمل الاسبيس الخاص بالاسبوعي 1 بدلا من 10
وبالتالي انا كدا هعرف اشوف الحركة واقدر استخرج الشكل الهندسي بكل سهولة
وهفكركم بالصورة القديمة الخاصة بالاسبيس القديم

ودي الصورة الخاصة بالاسبيس الجديد

اعتقد كدا الفرق واضح جدا بين الصورتين وبالتالي انا ممكن اشوف الشكل الهندسي بكل سهولة وطلع معايا شكل خماسي زي الفل

طب خلينا نراجع مع بعض ايه اللي حصل
انا لقيت الحركة السعرية سريعه جدا والدورة السعرية بتنتهي بسرعه وحتي مش قدار اشوف الشكل الهندسي وبالتالي انا محتاج اعمل تبطيئ للحركة علشان اقدر احتويها
وبالتالي هركب الترس الكبير علي الفريم الصغير وهيطلع الموضوع زي ما شفناه
وبكدا نكوون عرفنا حاجة جديدة النهاردا
وهي ان الاسبيس مش ثابت وممكن اغيره وقت الضرورة واللي هي غالبا بتكون الحركة السعرية السريعه وعرفنا مع بعض انا ببطاهأ ازاي

المفروض كدا اني شرحت الفكرة بالتفصيل وكمان اخدنا مثال عليها
بس علشان اتاكد ان الامور تمام هناخد مثال تاني
هروح للفريم اليومي وابدا من القاع 74.780المفروض اني في الفريم اليومي بشتغل ب 4 ارقام وبالتالي علشان احول السعردا ل 4 ارقام صحيحة محتاج اني اضرب الرقم في 100
علشان تطلع الصورة بالشكل دا 74.780 *100= 7478
وبالتالي هلاقي الاسبيس الخاص بالفريم دا هو 100 وعرفنا ال 100 جاة من فين
ولكن المشكلة ان بالاسبيس دا وفي الفريم دا السعر عمل 4 دورات سعرية في 27 شمعة ودا طبعا مستحيل يحصل

وبالتالي انا المفروض دلوقتي اني عارف هتصرف ازاي انا عندي حركة سعرية سريعه ومحتاج اني هبطاها وبالتالي انا هشتغل بالاسبيس الخاص بالاسبوعي علي الفريم اليومي علشان اقدر اشوف الشكل الهندسي
وبالتالي لما اغير الاسبيس هيطلع معايا شكل دائري زي الفل زي ما هنشوف في الصورة اللي جاية دي

وكدا انا قدرت احتوي الحركة وارصد الشكل الهندسي بسهولة... واتمني ان فكرة الاسبيس تكون وضحت
وجدير بالذكر ان العملية اللي عملتها دي غير مقتصرة علي ال 3 ازواج دول الي هم خاصين بدرس اليوم وانما اي زوج يعمل حركة سعرية سريعه انا بحاول ابطا الحركة علشان اقدر اشوف الشكل اللي بيمشي عليه
ولسه معانا جزء تاني خاص بالموضوع دا علشان يبقي اخد حقة في الشرح هيكون في المشاركة القادمة باذن الله

[MrYAZID]

بارك الله فيك أخي محمد شرح وافي على السبيس و على باقي نقاط الاخرى
جزاك الله ألف خير ننتظر باقي الشروحات على أحر من الجمر

[shady_fawzi]

تمام ربنا يباركلك اعتقد فى الدرس الاخير (مشاركه 1010) تقصد فريم 5 دقائق يتبع 15 دقيقه وليس فريم 5 دقائق بيتبع فريم 30 دقيقة ,,, حبيت انوه بس

[medo93]

تمام ربنا يباركلك اعتقد فى الدرس الاخير (مشاركه 1010) تقصد فريم 5 دقائق يتبع 15 دقيقه وليس فريم 5 دقائق بيتبع فريم 30 دقيقة ,,, حبيت انوه بس

نعم اخي الحبيب فعلا كلامك صحيح وكويس انك اخدت بالك

[medo93]

بارك الله فيك أخي محمد شرح وافي على السبيس و على باقي نقاط الاخرى
جزاك الله ألف خير ننتظر باقي الشروحات على أحر من الجمر

ربنا يبارك في حضرتك اخي الحبيب وان شاء الله باقي الشروحات مش هتتاخر ولكن اللي يهمني هو الاجزاء اللي اتشرحت وليس الاجزاء اللي الباقية

[medo93]

الف شكر لك اخ ميدو
رح احاول اتمعن في الشرح ولو حصل اي التباس رح اخبرك

خد وقتك واي استفسار انا تحت امرك باذن الله

[medo93]

الملف المرفق 477943 تحليلي استرالي فرنك ما رئيكم

[abuelgoud]

ده مؤشر ايه يا اخوانا لو سمحتم وهل موجود مع احد من الاخوة الافاضل اعضاء الورشة والمنتدى شكرا جزيلا

[abuelgoud]

هل ننتظر الوصول الى الزاوية 360 لنقول انه خماسي متخمس ؟
هل يوجد طريقة لمعرفة انه خماسي قبل كسر الزاوية الي ردته ؟
حسب رايي المتواضع يمكن ذلك
وهذا لا يعني اني اقول انه خماسي فانا اسئلك فقط كمتابع جديد للورشة هل هو خماسي ام لا ؟؟؟

هذا المؤشر لو سمحتم اخوانى الاعزاء اعضاء الورشة والمنتدى الكرام

[abdalaah]

الله ينور عاليك شرح محترم
بتتكلم بشكل تفصيلى واضح
ربنا يبارك فيك

[medo93]

[medo93]

ده مؤشر ايه يا اخوانا لو سمحتم وهل موجود مع احد من الاخوة الافاضل اعضاء الورشة والمنتدى شكرا جزيلا

هذا المؤشر لو سمحتم اخوانى الاعزاء اعضاء الورشة والمنتدى الكرام

انا مش فاهم حضرتقصد اي مؤشر ولو كان السؤال بخصوص الصورة اللي في المشاركة 1016 فدي عبارة عن نجمة من مؤشلر ابو حمزة وفيها مؤشر fl11 ودا موجود في الورشة

[medo93]

الله ينور عاليك شرح محترم
بتتكلم بشكل تفصيلى واضح
ربنا يبارك فيك

تسلم يا غالي